تىلشىلەرىمىز حۋاڭ يان، رىن جيالي حابارلايدى. 1 - ايدىڭ 10 - كۇنى ىلە وبلىستىق 15 - كەزەكتى حالىق قۇرىلتايىنىڭ 4 - ماجىلىسىنە قاتىناساتىن حالىق قۇرىلتايى ۋاكىلدەرى مىندەتتەرىن اتقارۋعا دەگەن قىزۋ ىنتامەن حالىقتىڭ تاپسىرماسىن ارقالاپ، ىركەس - تىركەس تىزىمدەلۋگە كەلدى.
ماجىلىسكە تىزىمدەلەتىن جەردە ۋكىلدەر قىزمەتكەرلەردىڭ جەتەكشىلىگىندە ينفورماتسيالارىن سالىستىرىپ، كۋالىكتەرى مەن ماتەريالدارىن الىپ جاتتى، تىزىمدەۋ قىزمەتى ٴتارتىپتى بولدى. ٴتۇرلى تىزىمدەلۋ رەسيماتىن وتەگەن سوڭ ۋاكىلدەر مىندەتتەرىن اتقارۋعا كىرىستى، ولار ٴماجىلىس ماتەريالىن مۇقيات وقۋمەن بىرگە، كوڭىل بولگەن تاقىرىپتارى جونىندە تالقى ورىستەتىپ، مىندەت اتقارۋ اسەرلەرى جونىندە پىكىرلەسىپ، بۇقارانىڭ ارمان - تىلەگىن جەتكىزدى.
ۋاكىلدەر جابال مىنالاردى ٴبىلدىردى: وسكەلەڭ جاۋاپكەرشىلىك، بورىشتىلىق جانە كوكىرەك تولى رۋحاني بەينەمەن مىندەت اتقارىپ، جاۋاپكەرشىلىكتەرىن ادا ەتىپ، قايراتتانا ىسكەرلىك كورسەتىپ، بۇقارانىڭ جاقسى جارشىسى بولىپ، ىلەنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋ ٴۇشىن اقىل - پاراساتىمىزدى ارناپ، كۇش قوسامىز.
”نەگىزگى ساتى حالىق قۇرىلتايى ۋاكىلى بولعاندىقتان بۇقاراعا ناقتى ىستەردى، جاقسى ىستەردى كوبىرەك ىستەۋىم كەرەك. مەن ٴوز جاۋاپكەرشىلىگىمدى اتقارىپ، حالىق تۇرمىسىنداعى ناقتى ىستەردىڭ ىلگەرىلەتىلۋىنە باسا نازار اۋدارىپ، بۇقارانىڭ بىرگە قۇرۋ، بىرگە باسقارۋعا اتسالىسۋ بەلسەندىلىگىن جۇمىلدىرىپ، حالىق قۇرىلتايى ۋاكىلىندىك دانەكەرلىك، كوپىرلىك رولىمدى كۇش سالا ساۋلەلەندىرەمىن. سونىمەن بىرگە قىزمەت ورەمدى جانە قىزمەت وتەۋ ساپامدى ۇزدىكسىز جوعارىلاتىپ، بۇقارعا ٴتىپتى دە جاقسى قىزمەت وتەيمىن“ دەدى وبلىستىق حالىق قۇرىلتايىنىڭ ۋاكىلى، ساۋان قالاسى انجيحاي قالاشىعى شۋاڭچي قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى ليۋ ليڭ.
”بۇل رەتكى ماجىلىستە مەن ساۋدا زات اينالىمىنا باسا نازار اۋداردىم، ساۋدا زات اينالىمىنا ٴتىپتى دە زور قولداۋ كورسەتىلىپ، شابىت بەرىلۋىن، ساۋدا زات اينالىمىنىڭ ٴۇرتىس، اقاۋسىز دامۋىن ٴۇمىت ەتەمىن. حالىق قۇرىلتايى ۋاكىلى رەتىندە مەن ماجىلىسكە مۇقيات قاتىناسىپ، مىندەتىمدى جاقسى اتقارىپ، بۇقارانىڭ ٴۇنىن ويداعىداي جەتكىزەمىن“ دەدى وبلىستىق حالىق قۇرىلتايىنىڭ ۋاكىلى، شيحۋ قالالىق تانان ساۋدا، زات اينالىمى قىزمەت وتەۋ ورتالىعىنىڭ كادرى سەرىك نۇرعازى ۇلى.
”وقۋا - اعارتۋ − بۇقارانىڭ كوڭىل بولەتىن قولامتالى تاقىرىبى ٴارى حالىق تۇرمىسىنداعى ماڭىزدى ناقتى ٴىس“ دەدى وبلىستىق حالىق قۇرىلتايىنىڭ ۋاكىلى، بيڭتۋان 10 - شىسى 181 - تۋان ورتا مەكتەبىنىڭ جوعارى دارەجەلى وقىتۋشىسى حان جيڭ. ماجىلىسكە زور ٴۇمىت ارتقان ول وقۋ - اعارتۋ سالاسىنىڭ دامۋىنا توتەنشە نازار اۋدارعان. ول وقۋ - اعارتۋ بايلىعى ٴبولىسى بىركەلكى ەمەس، قالا مەن اۋىلدىڭ وقۋ - اعارتۋىنداعى پارىق ٴبىرشاما زور، ساپالى وقۋ - اعارتۋ بايلىعى تاپشى بولۋى سياقتى ماسەلەلەرگە ٴتۇيىندى نازار اۋدارىلىپ، بۇدان كەيىن ٴتىپتى دە كوپ جاڭا شارانىڭ العا قويىلىپ، وقۋ - اعارتۋ ىستەرىنىڭ جوعارى ساپالى دامۋىن ٴۇمىت ەتەتىندىگىن ٴبىلدىردى.
سۋرەتتە: ۋاكىلدەر تىزىمدەلۋدە. حۋاڭ يان فوتوسى