ٴوز ٴتىلشىمىز جاڭ جينفىڭ
1 - ايدىڭ 12 - كۇنى اۆتونوميالى وبلىستىق 15 - كەزەكتى حالىق قۇرىلتايىنىڭ 4 - ماجىلىسىنە قاتىناسقان حالىق قۇرىلتايى ۋاكىلدەرى ۇكىمەت قىزمەتىنەن بايانداما توڭىرەگىندە قىزۋ تالقى ورىستەتتى.
ىلە وبلىستىق حالىق قۇرىلتايىنىڭ ۋاكىلى، توعىزتاراۋ اۋداندىق پارتكومنىڭ ورىنباسار شۋجيى، اۋداننىڭ ۋاقىتتىق اكىمى سانات سەيتكەن ۇلى بىلاي دەدى: بۇگىن تۇستەن بۇرىن ٴبىز اۆتونوميالى وبلىستىق ۇكىمەتتىڭ قىزمەت بايانداماسىن تىڭدادىق، بايانداما ادامدى جەلپىندىرەدى. بۇدان بىلاي ٴبىز وسى رەتكى ەكى ٴماجىلىستى وراي ەتىپ، اۋەلگى ماقساتتان جازباي، سەنىمدى بەكەمدەپ، پارىقتاردى جاپپاي تاۋىپ، ولقىلىقتاردى تولىقتاپ، باياندامادا العا قويىلعان اۆتونوميالى وبلىستىڭ ’1+10‘ كاسىپ سالاسى شوعىرى مەن”1+10+X+N“ كاسىپ سالاسى جۇيەسى تالابىن تىعىز ارقاۋ ەتىپ، نازاردى توعىزتاراۋدىڭ وسى زامانعى اۋىل شارۋاشىلىعى، جاڭا ەنەرگيا، جاڭا ماتەريالدار، جاسىل كەن كاسىبى، مادەنيەت - ساياحات، تىرشىلىك، دەنساۋلىق سياقتى كاسىپ سالاسى تىزبەگىنە شوعىرلاندىرىپ، نىسانا ـ مىندەتتەردى ٴجىتى قاداعالاپ، تياناقتاندىرۋدى امالدىڭ بارىنشا يگەرىپ، اۋدان ٴوڭىرىنىڭ ەكونوميكاسىنىڭ، قوعامىنىڭ جوعارى ساپالى دامۋىن بار كۇشپەن ىلگەرىلەتەمىز.
ىلە وبلىستىق حالىق قۇرىلتايىنىڭ ۋاكىلى، ىلە كاسىپتىك ـ تەحنيكالىق شۋەيۋانى دەنساۋلىق ساقتاۋ، سالاماتتىق شۋەيۋانىنىڭ وقىتۋشىسى گۇلفيرا ميتحات بىلاي دەدى: ”وسى جولى مەن اكەلگەن كەڭەس جوبا وقىتۋشى ـ قىزمەتكەرلەردىڭ وتباسىلىق كۇتىمدەۋ دەمالىسىن كوبەيتۋ جونىندەگى ۇسىنىس. اۆتونوميالى وبلىستىڭ ۇكىمەت قىزمەتىنەن بايانداماسىندا مىنالار العا قويىلدى: مەكتەپكە دەيىنگى تاربيەنى جالپىلاستىرۋ، جالپىعا ٴتيىمدى بولۋ، حاۋىپسىز، ساپالى دامۋ، مىندەتتى وقۋ - اعارتۋدى كەڭەيتۋ، ساپالىلاندىرۋ، ساپاسىن جوعارىلاتۋ، ادەتتەگى ورتا مەكتەپتەردىڭ الۋان ٴتۇرلى، ەرەكشەلىككە يە دامۋى جانە جالپىلىق ورتا مەكتەپتى تۇيىندە سىناق ەتۋ سياقتىلاردى اتقارۋ كەرەك، بۇل وقۋ - اعارتۋدىڭ جان - جاقتىلى جانە جۇيەلىلىگىن ايگىلەيدى. تۇرلىشە ساتىداعى وقۋ - اعارتۋدىڭ جالپىلاسۋ دارەجەسىنە نازار اۋدارىپ قانا قالماستان، وقۋ - اعارتۋ ساپاسىنىڭ جوعارىلاۋىنا دا اناعۇرلىم نازار اۋدارىپ، وقۋشىلاردى اناعۇرلىم ٴادىل، ساپالى، الۋان ٴتۇرلى وقۋ - اعارتۋ تالعامىمەن قامداپ، تۇرلىشە وقۋشىلاردىڭ دامۋ قاجەتىن قاناعاتتاندىرىپ، ٴاربىر بالانى جوعارى ساپالى وقۋ - اعارتۋدان يگىلىكتەندىرۋگە قۇلشىنىپ، ٴمورال، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلۋىن جۇزەگە اسىرۋ“.