ـــــ ساياسي كەڭەس ىلە وبلىستىق 14 - كەزەكتى كوميتەتىنىڭ 4 - ٴماجىلىسى مۇشەلەرىنىڭ سوزىنەن ۇزىندىلەر
وڭىرلىك ابزالدىلىقتى تياناق ەتىپ، ەكونوميكانىڭ جوعارى ساپالى دامۋى ىلگەرىلەتىلسە
تارباعاتاي ايماقتىق ساياسي كەڭەس قىزمەت كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشىسى جۇماعازى قادىربەك ۇلى
سوڭعى جىلداردان بەرى ىلە وبلىسى وڭىرلىك ابزالدىلىقتى، بايلىق ابزالدىلىعىن، ساياسات ابزالدىلىعىن ساۋلەلەندىرىپ، ەركىن ساۋدا سىناق رايونىنىڭ دامۋ ورايىن مىقتى يگەرىپ، اۆتونوميالى رايوننىڭ ”ون ٴىرى كاسىپ سالاسى شوعىرىمەن“ بەلسەنە توعىسىپ، ەكونوميكانىڭ دامۋىندا قۇرىلىمى ساپالى، قوزعاۋشى كۇشى جەتكىلىكتى، ارتۋ قارقىنى تەز بولۋداي تاماشا جاعداي جارىققا شىقتى.
يدەيانى ونان ارى ازات ەتىپ، قازىنا - باجى، فينانس، جەر، دارىندىلار، قارجى قوسۋ، قارجى قۇراۋ سياقتى جاقتاردا ٴتيىمدى ساياساتتاردى بەلگىلەۋدى ۇسىنىس ەتەمىن. مۇندا يكەمدى دارىندىلار ساياساتىن اتقارىپ، جەردى تەكسەرىپ بەكىتۋ ٴتارتىبىن، قارجى قوسۋدىڭ جۇمساق ورتاسىن اناعۇرلىم ساپالىلاندىرىپ، ساياساتتىڭ تيىمدىلىگىن ەڭ جوعارى شەكتە كورنەكتىلەندىرۋ كەرەك. شارۋاشىلىق - ساۋدا ورتاسىن ونان ارى ساپالىلاندىرىپ، سىناق رايونىنىڭ ساياساتتىق باسىمدىعى مەن بايلىق ارتىقشىلىعىنا سۇيەنىپ، شينجياڭعا كومەكتەسۋ باسىمدىعىنان پايدالانىپ، ٴىرى كاسىپورىنداردى، ٴىرى توپتاردى قارجى قوسىپ دامۋعا باۋراۋ كەرەك.
ىلە وبلىسى سىناق رايونىنىڭ دامۋىن بار كۇشپەن قولداپ، ورتالىقتىڭ ساياساتىندا قامتىلعان ”ىزدەنۋ، شابىتتاندىرۋ، قولداۋ“ سياقتى ىزدەنىس سيپاتتى ساياساتتاردى جەتە ٴتۇسىنىپ، وسىدان كىرىسۋ ٴتۇيىنىن ٴداپ باسىپ تاۋىپ، ساياسات بەلگىلەۋدى نەگىزبەن قامداۋعا؛ ساياساتتى ۇگىتتەۋ تەبىنىن ارتتىرىپ، ساياساتتى ٴبىلۋ دەڭگەيىن جوعارىلاتۋعا؛ ساياسات ينفورماتسياسىن جاريالاۋ تەكشەسىن قۇرىپ، كاسىپورىنداردىڭ ساياساتتى دەر كەزىندە يگەرۋىنە، كاسىپورىندارعا ىرىقتى قىزمەت وتەۋگە مۇمكىندىك جاراتۋ كەرەك.
كومەسكى كۇشتەردى اشىپ، زاپاس ساقتاۋدى، قۋاتتى، ونىمدىلىكتى ارتتىرۋ تىرەك ەتىلىپ، جاسىل كەن كاسىبىنىڭ دامۋىن جانە تيبىن وزگەرتىپ، دارەجەسىن جوعارىلاتۋ جەدەلدەتىلسە
التاي ايماقتىق ساياسي كەڭەس قىزمەت كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشىسى سەرىك ماقات ۇلى
سوڭعى جىلداردان بەرى، ىلە وبلىسى كەن بايلىعىنداعى تىزبەكتى ۇزارتىپ، تىزبەكتى تولىقتاۋدى ۇزدىكسىز ىلگەرىلەتىپ، جاسىل كەن كاسىبىنىڭ جوعارى ساپالى دامۋىن جەبەپ كەلەدى.
جاڭا كەزەكتى كەن بارلاۋ ستراتەگيالىق ارەكەتىنەن قامال الۋ ارقىلى كومەسكى كۇشتەردى اشۋ تەبىنىن ارتتىرۋدى ۇسىنىس ەتەمىن. مۇندا مەملەكەتتىڭ جاڭا كەزەكتى كەن بارلاۋ ستراتەگيالىق ورايى مەزگىلىن مىقتى يگەرىپ، قازىنالىق قارجى ارقىلى قوعامدىق كاپيتالعا جەتەكشىلىك ەتىپ، گەولوگيالىق بارلاۋعا قارجى قوسۋدى ۇزدىكسىز ارتتىرىپ، كەن بارلاۋدا تىڭ قامال الۋدى ىلگەرىلەتۋ؛ رايوندارعا ٴبولىپ باسقارۋ، كولەمدەندىرىپ اشۋ، بايلىقتى شوعىرلى، ۇنەمدى پايدالانۋ پرينسيپى بويىنشا، كەن بايلىعىن اشۋ مەن بايلىق كاسىپ سالاسىنىڭ ورنالاسۋىن ساپالاندىرۋ؛ سايكەستى قامتاماسىزداندىرۋ قۇرىلىسىن كەمەلدەندىرۋدى تىرەك ەتىپ، دامۋ تاسىلىنە بۇرىلىس جاساۋدى جەدەلدەتۋ؛ ٴبىر توپ باقشا رايونى نەگىزدىك قۇرىلعى قۇرىلىسى نىساندارىن جوسپارلاپ باستاپ، ەلەكتر قۋاتى جۇيەسىنىڭ قۋات كۇيى تەپە - تەڭدىگىن ساقتاۋ اينالىمىن جوعارىلاتىپ، كەن رايونىنىڭ قاتىناس تورابى قۇرىلىسىنىڭ تەبىنىن ارتتىرۋ؛ جوعارى ساپالى دارىندىلار قوسىنىن جەدەل قۇرىپ، قاتىستى دارىندىلاردى سيلاۋ، شابىتتاندىرۋ ٴتۇزىمىن كەمەلدەندىرۋ كەرەك.
جاسىل، سايكەستى دامۋدى نىسانا ەتىپ، باياندى دامۋدى جەبەۋ كەرەك. وڭاۋ، قالپىنا كەلتىرۋ قورىن باسقارۋ ٴادىسىن بەلگىلەپ، ەكولوگيانى قالپىنا كەلتىرۋدىڭ جىلدىق تەكسەرىپ وتكىزىپ الۋ ٴتۇزىمىن قاتاڭ اتقارىپ، قوعامدىق كاپيتال مەن كاسىپتىك قوسىندى كەن ەكولوگياسىن قالپىنا كەلتىرۋگە قاتىناسۋعا شابىتتاندىرۋ كەرەك.
مادەنيەت - ساياحات كاسىبىنىڭ ىشكەرىلەي توعىسۋى جەدەلدەتىلىپ، 100 ميلليارد يۋان دارەجەلى ساياحات كاسىبىنىڭ جوعارى ساپالى دامۋىنا دەم بەرىلسە
قۇلجا قالالىق ساياسي كەڭەس پارتيا باسشىلىق گرۋپپاسىنىڭ شۋجيى، ٴتوراعاسى زوۋ جىگاڭ
سوڭعى جىلداردان بەرى، ىلە وبلىسىنىڭ مادەنيەت - ساياحات كاسىبىنىڭ ىشكەرىلەي توعىسۋىندا ٴالى دە كەيبىر ولقىلىقتار ورىن تەپكەن.
سوندىقتان كاسىپ سالاسىنىڭ توعىسپالى دامۋىن ىلگەرىلەتۋدى ۇسىنىس ەتەمىن. مۇندا نىسانداردى جوبالاۋدا ”توعىستىرۋعا قولايلى بولسا توعىستىرۋعا“ تاباندى بولىپ، ساياحات - مادەنيەت جاسامپازدىعى تاۋارلارى سياقتى كوپ ٴتۇرلى جاڭا كاسىپ كۇيىن كۇش سالا جەتىلدىرۋ جانە دامىتۋ كەرەك. ال كاسىپ سالاسىن اشۋدا ساياحاتتىق قىزمەت وتەۋدىڭ ساپاسىن، دەڭگەيىن جوعارىلاتىپ، قاتىناس، حابارلاسۋ، قونالقى، اس - سۋ، كوڭىل اشۋ سياقتى سايكەستى قىزمەت وتەۋدى كەمەلدەندىرىپ، ساياحاتتىڭ حاۋىپسىزدىگى مەن جاريالىلىعىن جوعارىلاتۋ كەرەك. سيفرلى مادەنيەت ـ ساياحات قۇرىلىسىن جەدەلدەتىپ، زەردەلى مادەنيەت ـ ساياحات ٴىرى ساندى مالىمەت ورتالىعىن قۇرۋ كەرەك.
بازار تۇلعالارىن ”ينتەرنەت + ساياحات“ ۋاكىلدىك ەتكەن ساياحات جاڭا كاسىپ كۇيىنىڭ دامۋى جونىندە ىزدەنىس جاساۋعا بەلسەنە شابىتتاندىرىپ، ساياحات مادەنيەتىنىڭ ىقپالىن جوعارىلاتۋ؛ جەرگىلىكتى بايلىق ارتىقشىلىعى مەن مادەنيەت ەرەكشەلىگىن تياناق ەتىپ، مادەنيەت پەن ساياحاتتى توعىستىرۋدى كۇش سالا ىلگەرىلەتۋ؛ بەيزاتتىق مادەنيەتتى جەتىلدىرۋمەن كورىنىس رايونىنىڭ كاسىپ كۇيىن ورنالاستىرۋعا ٴمان بەرىپ، ادەبيەت - كوركەمونەر سارا تۋىندىلارىن جاراتۋعا قولداۋ كورسەتىپ، ساياحات ساۋداسى ۇگىتىن جەبەپ، ىلەنىڭ مادەنيەت - ساياحات وبرازىنىڭ اتاعى مەن داڭقىن جوعارىلاتۋ كەرەك.
رەفورمانىڭ بوگەلىس تۇيىندەرىن اشۋعا تاباندى بولىپ، اناعۇرلىم جوعارى دەڭگەيدەگى ەركىن ساۋدا سىناق رايونىن قۇلشىنا قۇرۋ كەرەك
قورعاس قالالىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ٴتوراعاسى سۇلتان نۇرمامەت
قورعاس قالاسىن سىرتقا ەسىك اشۋدىڭ العى شەبى، تۇزىمدىك ەسىك اشۋدىڭ باستاماشىسى، ”ٴبىر بەلدەۋ، ٴبىر جول“ دارىپتەمەسىنىڭ ۇلگىسى ەتۋدى ويداعىداي تۇلعالاۋ ٴۇشىن، نەگىزدىك قۇرىلعىلاردى جاڭالاپ، كەڭەيتىپ سالۋدى سايكەستى ىلگەرىلەتىپ، قازاقستاننىڭ نۇرجول وتكەلىنىڭ سولتۇستىك جاعىنداعى كەدەن باقىلاۋ ـ باسقارۋ ورنىن جالپى تۇلعالىق جاقتان ساپالىلاندىرىپ، شەكارادان كىرگەن اۆتوكولىكتەردى شوعىرلى تەكسەرۋ الاڭى ەتىپ رەتتەپ، شەكارادان كىرگەن اۆتوكولىكتەردىڭ ۋاقىتشا توقتاۋىنا جانە قايتا تارازىلانۋىنا، قايتا تەكسەرىلۋىنە تۋرا كەلەتىن قالىپسىز جاعدايلاردا اۆتوكولىك توقتاتۋىنا جول بەرۋ ۇسىنسىن ورتاعا قويامىن. نۇرجول شەكارا وتكەلىنىڭ جاقىن ماڭىندا كەدەن باقىلاۋ - باسقارۋ جۇك الاڭى مەن زەردەلى زات اينالىمى تورابىن جاڭادان قۇرۋدى ىلگەرىلەتىپ، جالپى ٴونىم تۇرىندەگى يمپورتتىق زاتتاردى باقىلاۋ - باسقارۋ، قامبادا ساقتاۋ، تيەۋ - ٴتۇسىرۋ، كەدەندى تازالاۋ، كەدەننەن وتكىزۋ سياقتى ٴتۇرلى كاسىپتىك قىزمەت وتەۋ فۋنكتسياسىن جۇزەگە اسىرىپ، زەردەلى باقىلاۋ - باسقارۋ جابدىقتارى مەن قىزمەت وتەۋ تەكشەسىن ازىرلەپ، قورعاس شەكارا وتكەلى كاسىپورىندارىمەن ينفورماتسيالاندىرىپ بايلانىس جاساۋدى جۇزەگە اسىرۋعا مۇمكىندىك جاراتۋ كەرەك. ەركىن ساۋدا ەسەپ - قيسابىن تۇيىندە سىناق ەتۋ كاسىبىن سايكەستى ورىستەتىپ، قورعاس رايونىندا ەركىن ساۋدا ەسەپ - قيسابى ( F T ) جۇيەسىن ورناتۋدى ىلگەرىلەتىپ، قارجى قۇراۋ، اقشا اۋدارۋدى قولايلىلاندىرۋدى ونان ارى جەبەپ، فينانس بازارىن اشۋدى كەڭەيتىپ جانە فينانس حاۋىپ - قاتەرىنەن ساقتانىپ، قورعاس رايونىنىڭ فينانستىق باسەكەلىك قۋاتىن جوعارىلاتۋ كەرەك.
وسى زامانعى جىلقى شارۋاشىلىعى كاسىپ سالاسى كەمەلدەندىرىلىپ، مال شارۋاشىلىعىنىڭ جوعارى ساپالى دامۋى ىلگەرىلەتىلسە
موڭعۇلكۇرە اۋداندىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ٴتوراعاسى بەردىبەك تۇرسىنباي ۇلى
سوڭعى جىلداردان بەرى، موڭعۇلكۇرە اۋدانى جىلقى تۇقىمى ساپاسىندا جاڭالىق اشىپ، جىلقىنى سارالاپ جاتتىقتىرۋ، ات بايگەسى، جىلقى مادەنيەتى، جىلقى ونىمدەرىن مانەرلەۋ، جىلقى كاسىپ سالاسىنىڭ دارىندىلارىن تاربيەلەۋ سىندى 6 ۇلكەن بازا قۇرۋدى نىسانا ەتىپ، مەملەكەت بويىنشا جىلقى شارۋاشىلىعىنىڭ تيبىن وزگەرتىپ، دارەجەسىن جوعارىلاتۋدان ۇلگى كورسەتۋ رايونىن بەلسەنە قۇردى. قازىر اۆتونوميالى رايون دارەجەلى جىلقىنىڭ وزەكتى اسىل تۇقىمىن جەتىلدىرۋ الاڭىنان ەكەۋى بار بولىپ، اۋدان بويىنشا قورادا ساقتالعان جىلقى 122 مىڭ 200 باسقا جەتتى.
تابيعي جايلىمدى ۋنيۆەرسالدى شۇرايلاندىرۋ تەبىنىن ارتتىرىپ، جەم - ٴشوپ ەگۋ كولەمىن كەڭەيتىپ، جەم - شوپپەن قامداۋ قۋاتىن جىل سايىن ارتتىرۋ كەرەك.
وسى زامانعى جىلقى شارۋاشىلىعى كاسىپ سالاسىنىڭ تىزبەگىن ۇزارتىپ، ٴىشتى بيەنى ولشەمدەندىرىپ باعۋ بازاسىن قۇرۋدى ۇسىنىس ەتەمىن. مۇندا سەلبەستىك كووپەراتيۆى، وتباسىلىق مال فەرمالارىنىڭ بىتىراندى جىلقى باعۋى، بايگە الاڭى سياقتى باسىمدىققا يە بايلىقتاردى بىرىكتىرىپ، جىلقى شارۋاشىلىعى مەن باسقا دا سەيىل - سەرۋەن، كوڭىل اشۋ كاسىبىنىڭ توعىسپالى دامۋىن ىلگەرىلەتۋ كەرەك.
ات بايگە سپورتى مەن جاتتىقتىرۋدى قاتار دامىتۋ كەرەك. مۇندا ارناۋلى قارجىلاي قولداۋ كورسەتۋ ارقىلى ات بايگەسى سىندى ايتۋلى جارىستار وتكىزىپ، ات بايگەسى ارقىلى اسىل تۇقىمدى جىلقى ٴوسىرۋدى، جاتتىقتىرۋدى ىلگەرىلەتىپ، ىلە جىلقىسى ماركاسىنىڭ تانىمالدىعىن جوعارىلاتىپ، ىلە جىلقىسىنىڭ شينجياڭنان دۇنيە جۇزىنە بەت الۋىن جەدەلدەتۋ كەرەك.
اماناتتاپ باقتىرۋ بويىنشا قىزمەت وتەۋ جۇيەسى قۇرىلىسى ونان ارى كۇشەيتىلسە
ساۋان قالالىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ٴتوراعاسى جوۋ ۋيدۇڭ
تەكسەرۋ ـ زەرتتەۋ بارىسىندا اماناتتاپ باقتىرۋدىڭ فورماسى، قىزمەتكەرلەر كۇشى، قۇرىلىم فۋنكتسياسى سياقتى فاكتورلاردىڭ شەكتەمەسىنە ۇشىرايتىندىقتان، اماناتتاپ باقتىرۋدىڭ قىزمەت وتەۋ ارالىعىن ولشەمدەندىرۋ، ارناعا ٴتۇسىرۋ قۇرىلىسى، سونداي ـ اق بۇقارانىڭ قاجەتىن قاناعاتتاندىرۋ جاعىندا ٴالى دە بەلگىلى پارىقتار ورىن تەپكەن.
دامۋدىڭ ورنالاستىرىلۋىن ساپالىلاندىرىپ، اماناتتاپ باقتىرۋ مەن بالا باقشانى ٴبىر تۇلعالاندىرۋ قۇرىلىسىن ىلگەرىلەتۋ قاجەت. شارت - جاعدايى بار ورگان، كاسىپورىن، ٴىسورىندارى ۇكىمەت جانە جەكەلەر باسقارۋىنداعى، ۇكىمەت كومەكتەسكەن حالىق باسقارۋىنداعى فورمالارمەن تۇتاس كۇندىك، جارىم كۇندىك، ساعاتتىق جانە ۋاقىتتىق سياقتى كوپ نەگىزدى اماناتتاپ باقتىرۋ بويىنشا قىزمەت وتەۋدى قولداۋدى؛ مەملەكەتتىڭ اماناتتاپ باقتىرۋ بويىنشا قىزمەت وتەۋدەگى قاتىستى ساياساتىنا سۇيەنىپ، ساياساتتىق سۇيەمەلدەۋدى ويداعىداي ىستەپ، باجىنى كەمەيتۋ، كەشىرىم ەتۋ ساياساتىن اتقارىپ، اماناتتاپ باقتىرۋ قۇرىلىمدارىنىڭ اينالىم وزىندىك قۇنىن شىنايى تومەندەتىپ، اماناتتاپ باقتىرۋ قۇرىلىمدارىنىڭ ەڭ جوعارى اقى الۋ ولشەمىن بەلگىلەۋدى جانە قاتاڭ تياناقتاندىرۋدى؛ كاسىپتىك كۋرستان وتكىزۋدى كۇشەيتىپ، اماناتتاپ باقتىرۋمەن شۇعىلداناتىنداردىڭ ساپاسىن جوعارىلاتۋدى؛ اماناتتاپ باقتىرۋ بويىنشا قىزمەت وتەۋدەگى كاسىپتىك تەحنيكالىق اتاق جۇيەسىن ورناتىپ، كاسىپتىڭ باۋراۋ قۋاتىن ارتتىرۋدى؛ تاربيەلەۋ ٴتاسىلى مەن تاربيەلەۋ فورماسىندا جاڭالىق جاراتىپ، كاسىپپەن شۇعىلدانۋشىلاردىڭ ماماندانۋ ورەسىن ۇزدىكسىز جوعارىلاتۋدى ۇسىنىس ەتەمىن.
تاريحي مادەنيەت مۇرالارىن قورعاۋ، جالعاستىرۋ، پايدالانۋ دەڭگەيى جوعارىلاتىلىپ، جۇڭحۋا ۇلتى ورتاق تۇلعا تانىمى ناقتى، جاندى، ٴونىمدى بەكەمدەلسە
وبلىستىق مادەنيەت، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ مۇشەسى،
ورىنباسار مەكەمە باستىعى حۋ جياڭجيە
سوڭعى جىلداردان بەرى، ىلە وبلىسىنىڭ جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى بەكەمدەۋ قىزمەتىندە ٴالى دە كەيبىر قيىنشىلىقتار مەن ماسەلەلەر ورىن تەپكەن.
تاريحي مادەنيەت مۇرالارىن قورعاۋ قىزمەتىنىڭ كەمەلدى ٴتۇزىلىس مەحانيزمىن ورناتىپ، پارتيانىڭ مادەنيەت مۇرالارى قىزمەتىنە باسشىلىعىن كۇشەيتىپ، مادەني مۇرالاردى قورعاۋ قۇرىلىمدارىن تولىقتاۋ جانە كەمەلدەندىرۋ ٴارى مادەني مۇرالار قىزمەتىن ۇكىمەتتىڭ قىزمەت ناتيجەسىن باعالاۋعا ەنگىزۋدى؛ مادەني مۇرالار بايلىعىن باسقارۋ مەن مادەني مۇرالار حاۋىپسىزدىگى قىزمەتىن كۇشەيتۋمەن بىرگە، مۇراجايدىڭ دامۋ ساپاسىن جاپپاي جوعارىلاتۋدى؛ مۇراجايدىڭ ورنالاسۋىن ساپالىلاندىرىپ، مەملەكەت مەنشىگىنە جاتپايتىن مۇراجايلار مەن ەرەكشە مۇراجايلاردىڭ دامۋىن قولداۋدى؛ مۇراجايدىڭ شينجياڭ تاريحىن دۇرىس بايانداۋ، جۇڭحۋا ۇلتىنىڭ كوپ نەگىزدى، ٴبىر تۇلعالى جاعدايىن ناقتى دالەلدەۋ، جۇڭحۋا ۇلتى ورتاق تۇلعا تانىمىن بەكەمدەۋ بارىسىنداعى رولىن ويداعىداي ساۋلەلەندىرىپ، مادەني ەسكەرتكىشتەر بايلىعىنان تولىق پايدالانىپ، جۇڭگو حيكاياسىن ويداعىداي بايانداۋدى؛ مادەني مۇرالاردان جاندى پايدالانۋدى بارىنشا ىلگەرىلەتۋدى؛ وبلىسقا توتە قاراستى مادەني مۇرا جۇرتتارىن سىرتقا اشىق ۇستاۋ ورەسى مەن تەبىنىن ارتتىرىپ، تاريحي زەرتتەۋ مەن جەتىستىكتەردى كادەگە جاراتۋدى كۇشەيتۋدى؛ تاريحي مادەنيەت مۇرالارىن قورعايتىن كاسىپتىك دارىندىلار قوسىنىن كەمەلدەندىرىپ، تۇسىندىرۋشىلەر قوسىنىن ۇلعايتۋدى ۇسىنىس ەتەمىن.
حالىقتىق شارۋاشىلىقتىڭ دامۋىنداعى ”بوگەتتەر، قيىن تۇيىندەر، سىزداۋ تۇيىندەرى“ اشىلىپ، حالىقتىق كاسىپورىنداردىڭ دامۋىنا، زورايۋىنا دەم بەرىلسە
قورعاس جين ـ ي حالىقارالىق ساۋدا (توبى) شەكتى سەرىكتەستىگىنىڭ باس جوراسى يۇي چىڭجۇڭ
كەزەكتە ىلە وبلىسىنداعى حالىقتىق كاسىپورىنداردىڭ دامۋ بارىسىنداعى كەيبىر ”بوگەتتەرگە، قيىن تۇيىندەرگە، سىزداۋ تۇيىندەرىنە“ نازار اۋدارىپ، ٴونىمدى شارالار قولدانىلىپ، حالىقتىق كاسىپورىندارعا اناعۇرلىم تاماشا دامۋ ورتاسىن ازىرلەۋ كەرەك.
ۇيىمدىق باسشىلىقتى كۇشەيتىپ، حالىقتىق شارۋاشىلىقتىڭ دامۋىن باعالاۋ مەحانيزمىن ورناتۋدى جانە اقاۋسىزداندىرۋدى ۇسىنىس ەتەمىن. مۇندا حالىقتىق شارۋاشىلىقتى دامىتۋ قىزمەتىنە باسشىلىق ەتەتىن ارناۋلى گرۋپپا قۇرىپ، حالىقتىق كاسىپورىنداردىڭ دامۋىنداعى كەلەلى ماسەلەلەردى ٴبىر تۇتاس سايكەستىرىپ شەشۋ؛ سۇيەمەلدەۋ تەبىنىن ارتتىرىپ، حالىق باسقارۋىنداعى كاسىپورىنداردىڭ ومىرشەڭدىك كۇشى مەن قوزعاۋشى كۇشىن جانداندىرىپ، فينانستىق قىزمەت وتەۋ جۇيەسىن اناعۇرلىم كەمەلدەندىرىپ، حالىق باسقارۋىنداعى شارۋاشىلىقتى دامىتۋ ارناۋلى قارجىسىن قۇرىپ، ونى حالىق باسقارۋىنداعى كاسىپورىنداردىڭ تەحنيكادا جاڭالىق جاراتۋىنا، تيبىن وزگەرتىپ، دارەجەسىن جوعارىلاتۋىنا، ايگىلى ماركا قۇرىلىسىنا پايدالانۋ كەرەك.
قىزمەت وتەۋ تۇعىرىن ورناتىپ، حالىقتىق كاسىپورىنداردىڭ دامۋىنا اناعۇرلىم ٴادىل، جاريا، جوعارى ٴونىمدى شارۋاشىلىق - ساۋدا ورتاسىن ازىرلەۋ كەرەك. حالىقتىق كاسىپورىنداردىڭ دارىندىلار قوسىنى قۇرىلىسىن كۇشەيتىپ، دارىندىلاردى ىنتالاندىرۋ مەحانيزمىن ورناتىپ، تاڭداۋلى دارىندىلاردى حالىقتىق كاسىپورىنداردا جاڭالىق اشۋعا، شارۋاشىلىق قۇرۋعا باۋراۋ جانە الىپ قالۋ كەرەك.
ىلە وبلىسىنىڭ سيفرلى كاسىپ سالاسىنىڭ دامۋى جەدەلدەتىلسە
ليانتۇڭ ىلە وبلىستىق بولىمشە سەرىكتىگى پارتكومىنىڭ شۋجيى، باس مەڭگەرۋشىسى لي شوۋحۋا
قازىر ىلە وبلىسىنىڭ سيفرلى كاسىپ سالاسىنىڭ دامۋى ٴالى دە العاشقى ساتىدا تۇر، ٴبىر قىدىرۋ سىن - سايىستار مەن ورايلارعا ٴدوپ كەلۋدە.
نەگىزدىك قۇرىلعى قۇرىلىسىن كۇشەيتىپ، توراپ نەگىزدىك قۇرىلعى قۇرىلىسىنا ۇسىنىلىمدى ارتتىرىپ، 5G تورابىنىڭ قالا مەن اۋىل - قىستاقتا جالپىلاسۋ اياق الىسىن جەدەلدەتىپ، كەڭ ارنالى توراپتىڭ جالعانۋ قارقىنى مەن ساپاسىن جوعارىلاتۋدى؛ سيفرلى كاسىپ سالاسى شوعىرىن ۇلعايتۋدى، جەتىلدىرۋدى؛ ساۋداگەر شاقىرىپ، قارجى ەنگىزۋ تەبىنىن ارتتىرىپ، ەل ٴىشى - سىرتىنداعى ايگىلى سيفرلى كاسىپورىنداردى ىلەگە ىرگە تەبۋگە باۋراپ، جەرگىلىكتى سيفرلى كاسىپ سالاسىنىڭ دامۋىن جەبەۋدى؛ كومەسكى كۇشكە يە ٴبىر توپ جەرگىلىكتى سيفرلى كاسىپورىنداردى جەتىلدىرۋدى جانە سۇيەمەلدەۋدى؛ دارىندىلاردى تىرەك ەتۋدى كۇشەيتىپ، جەرگىلىكتى سيفرلى كاسىپ سالاسىنىڭ دامۋ قاجەتىنە ۇيلەسەتىن كاسىپتىك دارىندىلاردى جەتىلدىرۋدى؛ دارىندىلاردى ەنگىزۋدىڭ جاسىل ارناسىن اشىپ، جوعارى دەڭگەيلى سيفرلاندىرۋ دارىندىلارىن ەنگىزۋ تەبىنىن ارتتىرۋدى ۇسىنىس ەتەمىن.
سونىمەن بىرگە، كاسىپورىنداردى زەرتتەۋ - اشۋعا ۇسىنىلىمدى ارتتىرۋعا جەتەكتەپ، جوعارى مەكتەپتەرمەن، عىلمي زەرتتەۋ قۇرىلىمدارىمەن ٴوندىرىس، وقىتۋ، زەرتتەۋ سەلبەستىگىن كۇشەيتىپ، شەشۋشى تەحنيكالاردى زەرتتەۋ - اشۋ مەن عىلىم - تەحنيكا جەتىستىكتەرىن كادەگە جاراتۋدى بىرگە ورىستەتۋ؛ ساندى مالىمەت بايلىعىن اشۋدى، پايدالانۋدى تەرەڭدەتىپ، ٴبىر تۇتاس ساندى مالىمەت باسقارۋ تۇعىرىن ورناتىپ، ساندى مالىمەتتەن ورتاق يگىلىكتەنۋدى جانە اينالىمعا سالۋدى جۇزەگە اسىرۋ كەرەك.
قالا جول تورابى قۇرىلىسى جوعارىلاتىلىپ، دامۋ جەلىسى ىركىلىسسىزدەنسە
ىلە يۋەلياڭۋان قۇرىلىس ماتەريالدارى الاڭى جۇيران جىجيا ساۋدا ىستەرىن باسقارۋ
شەكتى سەرىكتىگىنىڭ باس مەڭگەرۋشىسى حۋا جياكۇي
سوڭعى جىلداردان بەرى، قۇلجا قالاسىنىڭ قالا قۇرىلىس رايونى كەڭەيىپ، جان سانى ۇزدىكسىز ارتىپ، قالا قاتىناسىندا كەپتەلىس ماسەلەسى كۇن سايىن كورنەكتىلەنىپ، بارعان سايىن اۋىرلاپ، ادامداردىڭ ٴجۇرىس - تۇرىسىنا ىقپال جاساپ، قالانىڭ اقاۋسىز دامۋىنا ورالعى بولۋدا.
جولداردى اشۋدى وزەك ەتكەن قاتىناس باسقارۋ مەحانيزمىن ورناتىپ، نەگىزگى جولدار مەن وتكەرمە جولداردىڭ قاتىناس بەلگى شامدارىن ورنالاستىرىپ، نەگىزگى جولدار مەن وتكەرمە جولداردىڭ جەدەل ٴوتۋ يقۋاتىنان تولىق پايدالانىپ، قاتىناستىڭ قاۋىرت مەزگىلىندە قاتىناس سيگنال شامدارىنىڭ ۋاقىتى مەن بۇرىلاتىن جولداردىڭ ورنالاستىرىلۋىن اناعۇرلىم جاقسارتۋدى ۇسىنىس ەتەمىن.
قازىنالىق شىعىستاعى الەۋمەتتىك قاتىناستىڭ ۇستايتىن سالىستىرماسىن ارتتىرىپ، جۇرتشىلىقتى جاسىل ٴجۇرىس - تۇرىس ٴتاسىلىن تاڭداۋعا جەتەكشىلىك ەتۋدى؛ كەزەكتەگى الەۋمەتتىك قاتىناستىڭ دامۋ قاجەتىنە ساي، الەۋمەتتىك قاتىناس كولىكتەرىنىڭ سانىن ارتتىرىپ، الەۋمەتتىك قاتىناس كولىكتەرىنىڭ قاتىناۋ جيىلىگىن جوعارىلاتىپ، وقۋشىلارعا، ساياحاتشىلارعا قولايلى ارناۋلى لەنيالاردى اشۋدى ۇسىنىس ەتەمىن.
ٴىرى ساندى مالىمەت، بۇلتتىق ەسەپتەۋ، زات تورابى سياقتى وسىزامانعى ينفورماتسيا تەحنيكاسىنان تولىق پايدالانىپ، قالانىڭ زەردەلى قاتىناس مودەلىن قۇرىپ، قاتىناس ساندى مالىمەتتەرىن دەر كەزىندە جيناۋ، تالداۋ جاساۋ جانە ورتاق يگىلىكتەنۋدى جۇزەگە اسىرىپ، قاتىناس باسقارۋ مەن شەشىم جاساۋدى عىلمي نەگىزبەن قامداۋ كەرەك.