ساياسي كەڭەس ىلە وبلىستىق 14 - كەزەكتى كوميتەتىنىڭ 4 - ٴماجىلىسى جەڭىسپەن جابىلدى

ياڭ شيۋلي، نياز اشىم، لي چىڭشىڭ ماجىلىسكە قاتىناسىپ قۇتتىقتادى

تىلشىلەرىمىز لۋ جۇڭ، اراي، چىن يىڭ، جاڭ لياڭ، سۇن ي - نان، چىن تيانجين، حان شاشا، ليۋ چىڭگاڭ حابارلايدى. 1 - ايدىڭ 14 - كۇنى تۇستەن بۇرىن 4 كۇن اشىلعان ساياسي كەڭەس ىلە وبلىستىق 14 - كەزەكتى كوميتەتىنىڭ 4 - ٴماجىلىسى ٴتۇرلى كۇنتارتىپتەرىن تولىق ورىنداعان سوڭ، ىلە وبلىستىق مادەنيەت - كوركەمونەر قيمىل ورتالىعىندا جەڭىسپەن جابىلدى.

الدىمەن سايلاۋ جينالىسى وتكىزىلدى. جينالىستى وبلىستىق ساياسي كەڭەس پارتيا باسشىلىق گرۋپپاسىنىڭ شۋجيى، ورىنباسار ٴتوراعاسى حۋ كايجياڭ باسقاردى. وبلىستىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ٴتوراعا سەرجان ۇعىباي ۇلى، وبلىستىق ساياسي كەڭەستىڭ باسشىلارىنان جياۋ شياۋفان، جوۋ ليشين، چۇي حۇڭ، باعجان عالىمبەك ۇلى، اسپيدەن سىمەت ۇلى، كۇڭ ليڭشىڭ ٴتوراعالار مىنبەسىنىڭ الدىڭعى قاتارىنان ورىن الدى.

ساياسي كەڭەس اۆتونوميالى وبلىستىق 14 - كەزەكتى كوميتەتىنىڭ 4 - ماجىلىسىنە قاتىناسۋعا ٴتيىستى مۇشە 300 ادام، ناقتى قاتىناسقانى 273 ادام، بۇل بەلگىلەمەدەگى ادام سانىنا ۇيلەسەدى.

ٴماجىلىس «جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتى 4 - ٴماجىلىسىنىڭ سايلاۋ ٴادىسىن» جانە جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتى 4 - ٴماجىلىسىنىڭ باس بەلەت باقىلاۋشىسىنىڭ، بەلەت باقىلاۋشىلارىنىڭ ەسىمدىگىن ماقۇلدادى. باعجان قالىمبەك ۇلى ساياسي كەڭەس اۆتونوميالى وبلىستىق 14 - كەزەكتى كوميتەتىنىڭ ورىنباسار ٴتوراعالىعىنا، تولقان ٴتۇسىپقان ۇلى، شياۋ گى، جاڭ حۇڭشيا، سەرىك ماقات ۇلى ساياسي كەڭەس اۆتونوميالى وبلىستىق 14 - كەزەكتى كوميتەتىنىڭ تۇراقتى مۇشەلىگىنە سايلاندى. جاڭادان سايلانعان ورىنباسار ٴتوراعالار، تۇراقتى مۇشەلەر مىنبە الدىندا مۇشەلەرمەن كەزدەستى.

ىلە - شالا جابىلۋ جينالىسى وتكىزىلدى، ياڭ شيۋلي، نياز اشىم، لي چىڭشىڭ، لي رۇڭنيان، ۋاڭ شينجۇن، ياڭ شينپيڭ، قايرات اشىك ۇلى، لي ۋي، فىڭ جو جانە وبلىستىق حالىق قۇرىلتايىنىڭ، ۇكىمەتتىڭ، سوت مەكەمەسىنىڭ، پروكۋراتۋرا مەكەمەسىنىڭ، تارباعاتاي ايماقتىق جانە التاي ايماقتىق ساياسي كەڭەس قىزمەت كوميتەتتەرىنىڭ نەگىزگى باسشىلارى ٴتوراعالار مىنبەسىنەن ورىن الدى.

ٴماجىلىس جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتى 4 - ٴماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قاۋلىسىن،    جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتى 4 - ٴماجىلىسىنىڭ ساياسي كەڭەس  14 - كەزەكتى كوميتەتى 3 - ماجىلىسىنەن بەرگى ۇسىنىس جوبا قىزمەتى احۋالىنان بايانداما جونىندەگى قاۋلىسىن، جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتى 4 - ٴماجىلىسىنىڭ ساياسي كەڭەس 14 - كەزەكتى كوميتەتى 4 - ٴماجىلىسىنىڭ ۇسىنىس جوبالاردى تەكسەرۋ احۋالى جونىندەگى مالىمەتىن، جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتى 4 - ٴماجىلىسىنىڭ ساياسي قاۋلىسىن ماقۇلدادى.

سەرجان ۇعىباي ۇلى ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتىنىڭ تۇراقتى كوميتەتى اتىنان ماجىلىستە پوزيتسيا ٴبىلدىرىپ ٴسوز سويلەدى. ول بىلاي دەدى: جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتىنىڭ 4 - ٴماجىلىسى بۇكىل وبلىستا پارتيا 20 - قۇرىلتايى مەن 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن، باس شۋجي شي جينپيڭنىڭ جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىنىڭ رۋحىن، ورتالىقتىڭ ەكونوميكالىق قىزمەت ٴماجىلىسى، ورتالىقتىڭ اۋىل - قىستاق قىزمەتى ٴماجىلىسى سياقتىلاردىڭ ٴتۇرلى شەشىمدەرى مەن ورنالاستىرۋلارىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ ٴار رەتكى جالپى ماجىلىستەرى مەن اۆتونوميالى وبلىستىق پارتكومنىڭ قىزمەت ٴماجىلىسىنىڭ رۋحىن دايەكتىلەندىرۋ، تياناقتاندىرۋ جاعدايىندا اشىلعان ٴبىر رەتكى توتەنشە ماڭىزدى ٴماجىلىس بولدى، بۇل بۇكىل وبلىستاعى ٴار ۇلت، ٴار سالا بۇقاراسىنىڭ ساياسي ومىرىندەگى ٴىرى ٴىس،  قوعامنىڭ ٴار سالاسى ماجىلىسكە توتەنشە نازار اۋداردى.

سەرجان ۇعىباي ۇلى بىلاي دەدى: ٴماجىلىس كەزىندە بارلىق ساياسي كەڭەس مۇشەلەرى جالپى جاعدايدى كوكەيگە تۇيگەن بيىك تۇرعىمەن، دامۋدى ەستەن شىعارمايتىن دارقان پەيىلمەن، قايراتتانا ٴىس تىندىراتىن تاماشا بەينەمەن بەلسەندىلىكپەن ”ۇمتىلىس جاساۋ“ جاعىنان قۋات توپتاپ، ”جەبەۋ“ جاعىنان اقىل - پاراسات توپتاپ، ”قامتاماسىزداندىرۋ“ جاعىنان كۇش توپتاپ، شىنايى پىكىر بەرىپ، ناقتى شارا ۇسىنىپ، ساياسي كەڭەس مۇشەلەرىنىڭ كۇشتى جاۋاپكەرشىلىك ارقالاعاندىعىن ايگىلەپ، ساياسي كەڭەس قىزمەتىنىڭ قارىشتاپ دامۋىنداعى جالىنداعان ومىرشەڭدىك كۇشىن كورسەتتى. ٴماجىلىستىڭ ستيلى پاك، سالتى دۇرىس، تابىسى قوماقتى بولدى، مۇشەلەر قىزۋ تالقى جۇرگىزىپ، مىندەتتەرىن بەلسەنە اتقارىپ، حالىق ساياسي كەڭەسىنىڭ ساياسي ۇيىم جانە دەموكراتيا فورماسىنداعى ونىمدىلىگىن تولىق ساۋلەلەندىرىپ، سوتسياليستىك كەڭەستىك دەموكراتيانىڭ ومىرشەڭدىك كۇشى مەن ابزالدىلىعىن تولىق ايگىلەدى. ٴماجىلىستىڭ جەڭىسپەن اشىلۋى بۇكىل وبلىستىڭ بيىلعى ەكونوميكالىق، قوعامدىق دامۋىنىڭ نىسا - مىندەتتەرىن جۇزەگە اسىرىپ، قوعامنىڭ جاراسىمدىلىعى مەن ورنىقتىلىعىنا دەم بەرىپ، جوعارى ساپالى دامۋدى ىلگەرىلەتۋدە سەنىمدى كۇشەيتىپ، ورتاق تانىم ۇيىستىرىپ، جىگەردى تاسقىنداتتى. وبلىستىق ساياسي كەڭەس وبلىستىق پارتكومنىڭ پارمەندى باسشىلىعىندا، ٴبىر نيەتپەن ىنتىماقتاسىپ، شىنايى يگەرىپ، ناقتى ىستەپ، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن اناعۇرلىم ويداعىداي ساۋلەلەندىرىپ، ىلەنىڭ جوعارى ساپالى دامۋىنا تىڭ دا اناعۇرلىم زور ۇلەس قوسادى.

ماجىلىسكە قاتىناسقانداردان تاعى ساياسي كەڭەس وبلىستىق 14 - كەزەكتى كوميتەتىنىڭ مۇشەسى ەمەس تارباعاتاي، التاي ايماقتىق ساياسي كەڭەس قىزمەت كوميتەتى پارتيا باسشىلىق گرۋپپالارىنىڭ شۋجيلەرى؛ ساياسي كەڭەس وبلىستىق 14 - كەزەكتى كوميتەتىنىڭ مۇشەلەرى جانە مەملەكەتتىك ساياسي كەڭەستىڭ ىلەدە تۇراتىن مۇشەلەرى، اۆتونوميالى رايوندىق ساياسي كەڭەستىڭ قۇلجا قالاسىندا تۇراتىن مۇشەلەرى؛ ساياسي كەڭەس وبلىستىق 14 - كەزەكتى كوميتەتىنىڭ مۇشەسى ەمەس وبلىستىق ٴتارتىپ تەكسەرۋ كوميتەتى، باقىلاۋ - تەكسەرۋ كوميتەتىنىڭ وبلىستىق ساياسي كەڭەس ورگانىندا تۇراتىن ٴتارتىپ تەكسەرۋ، باقىلاۋ - تەكسەرۋ گرۋپپاسىنىڭ باستىعى؛ ساياسي كەڭەس وبلىستىق 14 - كەزەكتى كوميتەتىنىڭ مۇشەسى ەمەس وبلىسقا توتە قاراستى ورىنداردىڭ، تارباعاتاي، التاي ايماقتارىنداعى اۋداندىق، قالالىق ساياسي كەڭەس پارتيا باسشىلىق پارتگرۋپپالارىنىڭ شۋجيلەرى، ٴتوراعالارىنىڭ كانديداتتارى جانە وبلىستىق ساياسي كەڭەسكە مۇشە ورىنداردىڭ جاۋاپتىلارى بار.

ٴماجىلىس ايبىندى مەملەكەت ٴانى ىشىندە جەڭىسپەن جابىلدى.

سۋرەتتە: ساياسي كەڭەس مۇشەلەرى ٴماجىلىستىڭ قاتىستى قاۋلىلارىن داۋىسقا سالىپ ماقۇلداۋدا.    ليۋ چىڭگاڭ تۇسىرگەن