جۇڭگو حالىق ساياسي ٴماسليحات كەڭەسى

ىلە قازاق اۆتونوميالى وبلىستىق 14 - كەزەكتى كوميتەتى 4 - ٴماجىلىسىنىڭ ساياسي قاۋلىسى

(ىلە وبلىستىق ساياسي كەڭەس 14 - كەزەكتى كوميتەتىنىڭ 4 - ماجىلىسىندە 2025 - جىلى 1 - ايدىڭ 14 - كۇنى ماقۇلداندى)

جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتىنىڭ 4 - ٴماجىلىسى 2025 - جىلى 1 - ايدىڭ 11 - كۇنىنەن 14 - كۇنىنە دەيىن قۇلجا قالاسىندا وتكىزىلدى.

اۆتونوميالى وبلىستىق پارتكومنىڭ شۋجيى ياڭ شيۋلي قاتارلى وبلىس باسشىلارى ماجىلىسكە قاتىناسىپ، ماجىلىستە سوزگە شىققانداردىڭ سوزدەرىن تىڭداپ، مۇشەلەرمەن بىرگە ىلەنىڭ رەفورما، دامۋ، ورنىقتىلىق ۇلى جوسپارىن اقىلداستى. ٴماجىلىس ٴتوراعا سەرجان ۇعىباي ۇلىنىڭ ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتى تۇراقتى كوميتەتى اتىنان جاساعان قىزمەت بايانداماسىن قاراپ بەكىتتى، ورىنباسار ٴتوراعا جياۋ شياۋفاننىڭ ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتى تۇراقتى كوميتەتى اتىنان جاساعان ۇسىنىس جوبا قىزمەتى احۋالى جونىندەگى بايانداماسىن قاراپ بەكىتتى. باعجان قالىمبەك ۇلى جولداستى ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتىنىڭ ورىنباسار ٴتوراعالىعىنا تولىقتاپ سايلادى، تولقان ٴتۇسىپقان ۇلى، شياۋ گى، جاڭ حۇڭشيا، سەرىك ماقات ۇلى قاتارلى ٴتورت جولداستى ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتىنىڭ تۇراقتى مۇشەلىگىنە تولىقتاپ سايلادى. مۇشەلەر اۆتونوميالى وبلىستىق 15 - كەزەكتى حالىق قۇرىلتايىنىڭ 4 - ماجىلىسىنە سىرتتاي قاتىناسىپ، وبلىس باستىعى ەلشات تۇرسىنباي ۇلىنىڭ ۇكىمەت قىزمەتىنەن جاساعان بايانداماسىن تىڭدادى جانە تالقىلادى، اۆتونوميالى رايوندىق جوعارى حالىق سوتى مەكەمەسى ىلە وبلىستىق بولىمشەسىنىڭ قىزمەت بايانداماسىن، اۆتونوميالى وبلىستىق حالىق پروكۋراتۋراسىنىڭ قىزمەت بايانداماسىن جانە باسقا دا قاتىستى باياندامالاردى اقىلداسىپ تالقىلاپ، جوعارىدا اتالعان باياندامالاردى قۇپتايتىندىقتارىن ٴبىلدىردى.

ٴماجىلىس بىلاي دەپ قارادى: وتكەن ٴبىر جىل − جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى ٴارى حالىق ساياسي كەڭەسى قۇرىلعاندىعىنىڭ 75 جىلدىعى. شي جينپيڭ جولداستى ۇيتقى ەتكەن پارتيا ورتالىق كوميتەتى رول ۇستاپ، جول باستاپ، جالپى جاعدايدى يگەرىپ، ٴداۋىر بولگىشتىك، بەلەستىك مانگە يە 20 ـ كەزەكتى ورتالىق كوميتەتتىڭ ٴۇشىنشى جالپى ٴماجىلىسىن اشىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ستراتەگيالىق شارالارىن جاسادى. اۆتونوميالى رايوندىق پارتكوم باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن باتىل دايەكتىلەندىرىپ، تياناقتاندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا نىق قادام تاستادى. اۆتونوميالى وبلىستىق پارتكوم شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن، سونداي - اق اۆتونوميالى رايوندىق 10 - كەزەكتى پارتكومنىڭ ٴار رەتكى جالپى ماجىلىستەرىنىڭ رۋحىن تاباندىلىقپەن، باتىلدىقپەن دايەكتىلەندىرىپ، تياناقتاندىرىپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىمەن تىعىز بايلانىستىرىپ، ماكرولىق ەكونوميكانىڭ كۇردەلى جاعدايى الدىندا ناقتى ىستەپ، الدا ٴجۇرىپ، قىسىمعا توتەپ بەرىپ العا ىلگەرىلەپ، ”16661“ ٴتۇيىندى شارالارىن جاپپاي تياناقتاندىرىپ، ۇزاق بولاشاققا ساياتىن ٴبىر توپ ٴىرى، ماڭىزدى، قيىن ىستەردى تىندىرىپ، ٴتۇرلى ىستەردە جاڭا ىلگەرىلەۋشىلىككە، جاڭا ونىمدىلىككە قول جەتكىزدى. اۆتونوميالى رايوندىق ساياسي كەڭەستىڭ پارمەندى جەتەكشىلىگىندە، اۆتونوميالى وبلىستىق پارتكومنىڭ پارمەندى باسشىلىعىندا، بۇكىل وبلىستاعى ٴار دارەجەلى ساياسي كەڭەس ۇيىمدارى، ساياسي كەڭەسكە قاتىناسقان ورىندار، ٴار ۇلت، ٴار سالا ساياسي كەڭەس مۇشەلەرى جۇڭگوشا سوتسياليزم ۇلى تۋىن بيىك ۇستاپ، اۆتونوميالى وبلىستىق پارتكوم قىزمەت ٴماجىلىسىنىڭ رۋحىن دايەكتىلەندىرىپ، تياناقتاندىرىپ، جالپى بارىستىق حالىق دەموكراتياسىن بەلسەنە امالياتتا ايگىلەپ، مىندەت اتقارۋ ارقىلى مۇشەلەردىڭ جىگەرىن ايگىلەپ، جۇڭگو ۇلگىسىندەگى وسىزامانداندىرۋدى ىلگەرىلەتۋ، كورىكتى ىلەنى اناعۇرلىم ويداعىداي قۇرۋ امالياتى بارىسىندا ساياسي كەڭەستىڭ جاۋاپكەرشىلىگى مەن ىسكەرلىگىن ايگىلەدى.

ٴماجىلىس بىلاي دەپ اتاپ كورسەتتى: 2025 ـ جىل − ”14 ـ بەسجىلدىق“ جوبا اياقتالاتىن جىل، اۆتونوميالى رايون قۇرىلعاندىعىنىڭ 70 جىلدىعى. جاڭا ٴبىر جىلدا ەل ٴىشى - سىرتىنداعى جاعداي الا كەلگەن سىن - سايىستار مەن رەفورما، دامۋ، ورنىقتىلىق سىندى جاپالى مىندەت الدىندا، بۇكىل وبلىستاعى ٴار دارەجەلى ساياسي كەڭەس ۇيىمدارى، ساياسي كەڭەسكە قاتىناسقان ورىندار جانە ٴار ۇلت، ٴار سالا ساياسي كەڭەس مۇشەلەرى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن، اسىرەسە، باس شۋجي شي جينپيڭنىڭ جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 10 - كەزەكتى پارتكوم ون ٴۇشىنشى جالپى ٴماجىلىسىنىڭ جانە اۆتونوميالى وبلىستىق پارتكوم قىزمەت ٴماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى نەگىزگى جەلى ەتىپ، پارتيانىڭ ساياسي قۇرىلىسىن ٴبىر تۇتاس باسشىلىققا الىپ، ”كىتاپ وقۋ مەرەيىنە شومعان ساياسي كەڭەس، ومىرشەڭدىككە يە ساياسي كەڭەس، جاراسىمدى ساياسي كەڭەس، پاراساتتى ساياسي كەڭەس، يقۋاتتى ساياسي كەڭەس“ قۇرىلىسىن تۇتقا ەتىپ، اۆتونوميالى وبلىستىق ساياسي كەڭەس ىستەرىن ىلگەرىلەتۋدە باستان - اياق داۋىرلىك سيپاتىن ايگىلەۋىنە، زاڭدىلىقتى يگەرۋىنە، جاسامپازدىققا باي بولۋىنا مۇمكىندىك جاساپ، ىلەنىڭ رەفورما، دامۋ، ورنىقتىلىق ىستەرىنە اقىل - پاراسات جانە كۇش - قۋات توپتاۋ كەرەك.

ٴماجىلىس مىنالاردى تالاپ ەتتى: بۇكىل وبلىستاعى ٴار دارەجەلى ساياسي كەڭەس ۇيىمدارى، ساياسي كەڭەسكە قاتىناسقان ورىندار جانە ٴار ۇلت، ٴار سالا ساياسي كەڭەس مۇشەلەرى پارتيانىڭ ساياسي كەڭەس قىزمەتىنە جاپپاي باسشىلىعىنا تاباندى بولىپ، دۇرىس ساياسي بەتالىستى مىقتاپ يگەرىپ، پارتيانىڭ جاسامپاز نازارياسىمەن زەيىن - زەردەنى ۇيىستىرىپ، رۋحتى سومداپ، يدەيالىق نەگىزدى بەكەمدەۋگە تاباندى بولىپ، بارلىق ماڭىزدى قىزمەتتى پارتيانىڭ باسشىلىعىندا ورىستەتۋگە، بارلىق ماڭىزدى قيمىلدى پارتيانىڭ وزەكتى مىندەتىن ارقاۋ ەتىپ جۇرگىزۋگە، بارلىق ماڭىزدى ورنالاستىرۋلاردى پارتكومنىڭ تەكسەرىپ بەكىتۋىنە جولداعاننان كەيىن اتقارۋعا كەپىلدىك ەتۋ كەرەك. ارناۋلى كەڭەس قۇرىلىمىندىق رولىن ساۋلەلەندىرۋگە تاباندى بولىپ، نازاردى وبلىستىق پارتكومنىڭ وزەكتى مىندەتىنە شوعىرلاندىرىپ، تولقىن جارا ىلگەرىلەپ، ەرلىكپەن العا تارتىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى ماسەلەلەردى مىقتى يگەرىپ، تەكسەرۋ - زەرتتەۋ جۇرگىزۋ كەرەك. جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى نەگىزگى جەلى ەتىپ، ٴتىپتى دە كەڭ كولەمدە جۇرت تىلەگىن ۇيىستىرۋى، ورتاق تانىم ۇيىستىرۋى، اقىل ـ پاراسات ۇيىستىرۋى، كۇش ـ قۋات ۇيىستىرۋى كەرەك. جاڭا دامۋ ۇستانىمىن تولىق، دالمە - ٴدال جاپپاي دايەكتىلەندىرىپ، ”1+10 كاسىپ سالاسى شوعىرى“ مەن ”‪1+10+X+N‬“  وسى زامانعى كاسىپ سالاسى جۇيەسى قۇرىلىسىن ارقاۋ ەتىپ، جاسىل كەن كاسىبى مەن بايلىق اشۋعا دەم بەرۋ، پايدا تابۋ سيپاتتى قىزمەت وتەۋ كاسىبىن كەڭەيتۋ، باس شتاپ ەكونوميكاسىن دامىتۋ، زورايتۋ، ٴىرى كاسىپورىن، ٴىرى توپتاردى ىرگە تەبۋگە باۋراۋ، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىنداردىڭ دامۋىندا تىڭ قامال الۋدى جۇزەگە اسىرۋ كەرەك. جۇمىستاندىرۋ، وقۋ - اعارتۋ، ەمدەۋ، بالالاردى اماناتتاۋ، قارتتاردى كۇتىمدەۋ سياقتى بۇقارانىڭ ۋايىمداعان حالىق تۇرمىسىنداعى ٴىرى ىستەرى مەن ٴار كۇنى وي سالاتىن شەشۋشى شاعىن ىستەرگە اقىل - كەڭەس بەرۋگە، كۇش قوسۋعا تاباندى بولىپ، حالىق تۇرمىسىنىڭ ىرىس - قۇتىن ارتتىرۋ جاعىندا ساياسي كەڭەستىڭ تىڭ ۇلەسىن قوسۋ كەرەك.

ٴماجىلىس مىناعان ۇندەدى: ارمان الدا، جول اياق استىندا، تالپىنساق جەتە الامىز، ىستەسەك تابىسقا جەتەمىز. بۇكىل وبلىستاعى ٴار دارەجەلى ساياسي كەڭەس ۇيىمدارى، ساياسي كەڭەسكە قاتىناسقان ورىندار جانە ٴار ۇلت، ٴار سالا ساياسي كەڭەس مۇشەلەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، اسقاق جىگەرمەن قايراتتانا العا ۇمتىلىپ، ەرلىكپەن العا باسىپ، جۇدىرىقتاي جۇمىلىپ ٴىس تىندىرىپ، كوپ بولىپ اقىل قوسىپ، كوپ بولىپ كۇش سالىپ دامۋعا تالپىناتىن قۇدىرەتتى بىرىككەن كۇش توپتاپ، جۇڭگو ۇلگىسىندەگى وسىزامانداندىرۋ اياق الىسىن ىلگەرىلەتۋ ۇردىسىندە كورىكتى ىلەنى اناعۇرلىم ويداعىداي قۇرۋعا ساياسي كەڭەستىڭ ٴتيىستى ۇلەسىن قوسىپ، اۆتونوميالى رايون قۇرىلعاندىعىنىڭ 70 جىلدىعىن ۇزدىك ناتيجەلەرمەن قارسى الايىق.