تىلشىلەرىمىز لي يافىڭ، يۇڭ شۇيفىڭ حابارلايدى. 1 - ايدىڭ 14 - كۇنى تۇستەن بۇرىن، اۆتونوميالى وبلىستىق 15 - كەزەكتى حالىق قۇرىلتايى 4 - ٴماجىلىسىنىڭ ٴتوراعالار القاسى 4 - جيىنىن وتكىزدى.

ٴتوراعالار القاسىنىڭ تۇراقتى ٴتوراعاسى ياڭ شيۋلي جيىندى باسقاردى. تۇراقتى ٴتوراعالار نياز اشىم، رازيا ابليز، اقجول انەش ۇلى، ابليكىم نۇرانبەك، سۇن پىڭ، سۇن حۇي، جاڭارسىن نۇراش ۇلى جانە ٴتوراعالار القاسىنىڭ باسقا دا مۇشەلەرى جيىنعا قاتىناستى.

جيىن ٴماجىلىس حاتشىلار باسقارماسىنىڭ ۋاكىلدەردىڭ اۆتونوميالى وبلىستىق حالىق قۇرىلتايى تۇراقتى كوميتەتىنىڭ، وبلىستىق سوتتىڭ، وبلىستىق پروكۋراتۋرانىڭ قىزمەت بايانداماسىن قاراۋ احۋالى جونىندەگى مالىمەتىن تىڭدادى؛ اۆتونوميالى وبلىستىق حالىق قۇرىلتايى تۇراقتى كوميتەتىنىڭ، وبلىستىق سوتتىڭ، وبلىستىق پروكۋراتۋرانىڭ قىزمەت بايانداماسى جونىندەگى قاۋلىلاردى (جوبا نۇسقا) قاراپ ماقۇلداپ، ۋاكىلدەر ۇيىرمەلەرىنىڭ قاراۋىنا ۇسىندى؛ كەڭەستىك ۇسىنىستاردى تەكسەرۋ احۋالى جونىندەگى مالىمەتتى (جوبا نۇسقا) تىڭدادى جانە قاراپ ماقۇلداپ، بارلىق ۋاكىلدەردىڭ قاراۋىنا باسىپ تاراتۋدى ۇيعاردى؛ ٴماجىلىس حاتشىلار باسقارماسىنىڭ ۋاكىلدەر ۇيىرمەلەرىنىڭ كانديداتتاردى اقىلداسۋ احۋالى جونىندەگى مالىمەتىن تىڭداپ، قۇرىلتايدىڭ سايلاۋىنا ۇسىنۋدى ۇيعاردى؛ اۆتونوميالى وبلىستىق حالىق قۇرىلتايى زاڭ - ٴتۇزىم كوميتەتىنىڭ «ىلە قازاق اۆتونوميالى وبلىستىق حالىق قۇرىلتايى جانە ونىڭ تۇراقتى كوميتەتىنىڭ زاڭ شىعارۋ ەرەجەسىن (جوبا نۇسقا)» قاراۋ ناتيجەسى جونىندەگى بايانداماسىن تىڭدادى.