(2025 - جىلى 1 - ايدىڭ 15 - كۇنى ىلە قازاق اۆتونوميالى وبلىستىق 15 - كەزەكتى حالىق قۇرىلتايى 4 - ٴماجىلىسىنىڭ 3 - جالپى جيىنىندا ماقۇلداندى)

ىلە قازاق اۆتونوميالى وبلىستىق 15 - كەزەكتى حالىق قۇرىلتايىنىڭ 4 - ٴماجىلىسى مەڭگەرۋشى نياز اشىمنىڭ اۆتونوميالى وبلىستىق حالىق قۇرىلتايى تۇراقتى كوميتەتىنىڭ تاپسىرۋىمەن جاساعان قىزمەت بايانداماسىن تىڭدادى جانە قارادى. ٴماجىلىس اۆتونوميالى وبلىستىق حالىق قۇرىلتايى تۇراقتى كوميتەتىنىڭ وتكەن ٴبىر جىلداعى قىزمەتتەرىن تولىق تۇراقتاندىرىپ، باياندامادا العا قويىلعان 2025 - جىلعى قىزمەت ورنالاستىرۋلارىنا قوسىلىپ، وسى باياندامانى بەكىتۋدى ۇيعاردى.

ٴماجىلىس مىنالاردى تالاپ ەتتى: اۆتونوميالى وبلىستىق حالىق قۇرىلتايى تۇراقتى كوميتەتى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 -  قۇرىلتايىنىڭ جانە 20 - كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، شي جينپيڭنىڭ زاڭمەن باسقارۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى  باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى قىزمەتتىڭ نەگىزگى جەلىسى ەتىپ، اۆتونوميالى رايوندىق پارتكومنىڭ قىزمەت ورنالاستىرۋى مەن وبلىستىق پارتكومنىڭ قىزمەت تالابى بويىنشا تۋراشىلدىقتان اينىماي جاڭالىق اشۋعا، شىنايى يگەرىپ، ناقتى ىستەۋگە تاباندى بولىپ، نەگىزگى زاڭ مەن زاڭداردا جۇكتەلگەن قىزمەت جاۋاپكەرشىلىگىن مۇقيات اتقارىپ، زاڭ شىعارۋ، باقىلاۋ، ۋاكىلدەر سياقتى قىزمەتتەردى تىڭعىلىقتى، ويداعىداي ىستەپ، جالپى بارىستىق حالىق دەموكراتياسىن ۇزدىكسىز دامىتىپ، ”ٴتورت ورگان“ قۇرىلىسىن جاپپاي ىلگەرىلەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىندا كورىكتى ىلەنى اناعۇرلىم ويداعىداي قۇرۋعا ٴتىپتى دە زور ۇلەس قوسۋ كەرەك.