شي جينپيڭ ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا بىلاي دەپ باسا دارىپتەدى

جوعارى ساپالى دامۋ تالاپتارىن تياناقتاندىرىپ، ارميامىز قۇرىلىسىنىڭ ”14 ـ بەسجىلدىق“ جوباسىنىڭ تولىق تابىسپەن اياقتالۋىن جۇزەگە اسىرۋ كەرەك

3 ـ ايدىڭ 7 ـ كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 14 ـ كەزەكتى مەملەكەتتىك حالىق قۇرىلتايىنىڭ 3 ـ ماجىلىسىندەگى ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناستى ٴارى ماڭىزدى ٴسوز سويلەدى.

□ سۋرەتتى شينحۋا اگەنتتىگىنىڭ ٴتىلشىسى لي گاڭ تۇسىرگەن

شينحۋا اگەنتتىگىنىڭ 3 ـ ايدىڭ 7 ـ كۇنى بەيجيڭنەن بەرگەن حابارى (تىلشىلەر مەي شىشيۇڭ، مەي چاڭۋي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 3 ـ ايدىڭ 7 ـ كۇنى تۇستەن كەيىن 14 ـ كەزەكتى مەملەكەتتىك حالىق قۇرىلتايىنىڭ 3 ـ ماجىلىسىندەگى ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا بىلاي دەپ باسا دارىپتەدى: ارميامىز قۇرىلىسىنىڭ ”14 ـ بەسجىلدىق“ جوباسىنىڭ تولىق تابىسپەن اياقتالۋىن جۇزەگە اسىرۋ ارميا قۇرىلعاندىعىنىڭ 100 جىلدىعى كۇرەس نىساناسىن ۋاعىندا جۇزەگە اسىرۋ جونىنەن، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ جونىنەن تۇگەلدەي ماڭىزدى مانگە يە. سەنىمدى بەكەمدەپ، سىن ـ سايىستارمەن بەتپە ـ بەت كەلىپ، جوعارى ساپالى دامۋ تالاپتارىن تياناقتاندىرىپ، بەلگىلەنگەن نىسانا ـ مىندەتتەردى ۋاعىندا ورىنداۋ كەرەك.

جيىندا جوۋ گاڭ، لي دۇڭ، فىڭ يان، جىڭ يۋانلين، سۇي داۋحۋ، ليۋ شۋۋي قاتارلى 6 ۋاكىل ىلگەرىندى ـ كەيىندى ٴسوز سويلەپ، جەكە ـ جەكە قارۋ ـ جابدىقتاردى سىناۋ، ساراپتاۋ بايلىعىن ٴبىر تۇتاس جوسپارلاۋ، جوبانى اتقارۋ ـ باسقارۋدا جاڭالىق اشۋ، قاراجاتتى پايدالانۋ، باسقارۋ ونىمدىلىگىن جوعارىلاتۋ، اسكەري ونەركاسىپ ٴوندىرىس قۋاتىن قامتاماسىزداندىرۋدى كۇشەيتۋ، مەملەكەت قورعانىس شەبى ينجەنەرياسى قۇرىلىسىن ىلگەرىلەتۋ، جاڭادان گۇلدەنگەن سالالارداعى بايلىقتان ويداعىداي پايدالانۋ سياقتى ۇسىنىس ـ پىكىرلەردى العا قويدى.

ۋاكىلدەردىڭ ٴسوزىن مۇقيات تىڭداعاننان كەيىن، شي جينپيڭ ماڭىزدى ٴسوز سويلەدى. ول بىلاي دەپ اتاپ كورسەتتى: ارميامىز قۇرىلىسىنىڭ ”14 ـ بەسجىلدىق“ جوباسى اتقارىلعان 4 جىلدان استام ۋاقىتتان بەرى ٴبىر قىدىرۋ كەلەلى جەتىستىكتەرگە قول جەتتى، سونىمەن بىرگە كوپتەگەن قايشىلىقتار مەن ماسەلەلەرگە دە ٴدوپ كەلدىك. اياق الىس پەن ساپانىڭ، وزىندىك قۇن مەن ونىمدىلىكتىڭ، جالپى جاعداي مەن ٴتۇيىننىڭ، دامۋ مەن باقىلاۋ ـ باسقارۋدىڭ، جوبانىڭ اتقارىلۋى مەن قابىلەتتىڭ قالىپتاسۋىنىڭ قاتىناسىن ويداعىداي ٴبىر جاقتى ەتىپ، جوعارى ساپالى، جوعارى ونىمدىلىكتى، تومەن وزىندىك قۇندى، باياندى دامۋ جولىمەن ٴجۇرىپ، قۇرىلىس جەتىستىكتەرىنىڭ تاريحتىڭ جانە ناقتى شايقاستىڭ سىنىنان وتۋىنە شىنايى كەپىلدىك ەتۋ كەرەك.

شي جينپيڭ بىلاي دەپ اتاپ كورسەتتى: جوبانىڭ اتقارىلۋ بارىسىنداعى بوگەتتى تۇيىندەردى، كەدەرگىلى تۇيىندەردى جەدەل شەشىپ، تاراۋ اتتاعان، سالا اتتاعان، ارميا مەن جەرگىلىكتى ورىن اتتاعان ٴبىر تۇتاس جوسپارلاۋدى كۇشەيتىپ، ساياساتتى قولدانۋ مەن قامداۋدى كۇشەيتىپ، ساياساتتىق باعدار مەن قىزمەتتىك باعىتتىڭ ٴبىرىڭعايلىعىن كۇشەيتىپ، جوبانىڭ اتقارىلۋ تىزبەگىن، جولىن بار كۇشپەن ىركىلىسسىزدەندىرۋ كەرەك. وسى زامانعى باسقارۋ ۇستانىمىن جانە ٴادىس ـ تاسىلدەرىن شەبەرلىكپەن قولدانىپ، ستراتەگيالىق باسقارۋ ٴتۇزىم مەحانيزمىن ۇزدىكسىز كەمەلدەندىرىپ، جوبانىڭ اتقارىلۋىنىڭ جۇيەلىلىگىن، جالپى تۇلعالىلىعىن، سايكەستىلىگىن كۇشەيتۋ كەرەك. ۇنەمشىلدىكپەن ارميا قۇرۋعا تاباندى بولىپ، مەملەكەت قورعانىسى بايلىعىنىڭ ۇسىنىلىم بەتالىسىن، ۇسىنىلىم مولشەرىن عىلمي ورنالاستىرىپ، قارجىنىڭ قولدانىلۋ دالدىگىن جانە ونىمدىلىك ـ شىعىن سالىستىرماسىن جوعارىلاتۋ كەرەك.

شي جينپيڭ بىلاي دەپ اتاپ كورسەتتى: ارميامىز قۇرىلىسىنىڭ ”14 ـ بەسجىلدىق“ جوباسىنىڭ نىسانا ـ مىندەتتەرىن ورىنداۋ مەملەكەتتىڭ ەكونوميكالىق، قوعامدىق دامۋىنىڭ ۇلكەن جۇيەسىنىڭ تىرەك بولۋىنان ايرىلا المايدى. ارميا مەن جەرگىلىكتى ورىننىڭ بىرىككەن كۇشىن نىعايتىپ، جەرگىلىكتى ورىننىڭ باسىمدىققا يە كۇشىنەن جانە بايلىعىنان ويداعىداي پايدالانىپ ارميامىز قۇرىلىسىنىڭ ساپاسى مەن ونىمدىلىگىن جوعارىلاتۋ كەرەك. ەلىمىزدىڭ جاڭاشا وندىرگىش كۇشتەرىنىڭ قاۋىرت دامىعان ورايىن يگەرىپ، جاۋىنگەرلىك قۋات قۇرىلىسىندا جانە قولدانۋ ۇلگىسىندە جاڭالىق اشىپ، وزىق تەحنولوگيالاردى شاپشاڭ اتتانىسقا كەلتىرۋ جانە جەدەل كادەگە جاراتۋ مەحانيزمىن اقاۋسىزداندىرىپ، جاڭاشا جاۋىنگەرلىك قۋاتتى جىلدام دامىتۋ كەرەك.

شي جينپيڭ بىلاي دەپ باسا دارىپتەدى: جوبانى اتقارۋدىڭ جالپى بارىسىن مامانداندىرىپ باعالاۋ ورىستەتىپ، دامۋ ساپاسىن باعالاپ شىعۋ، قۇرىلىس ونىمدىلىگىن باعالاپ شىعۋ، جۇيەنىڭ شايقاس جۇرگىزۋ قۋاتىن باعالاپ شىعۋ كەرەك. باقىلاۋ ـ باسقارۋدى اناعۇرلىم كورنەكتى ورىنعا قويىپ، كەمەلدى دە ٴونىمدى باقىلاۋ ـ باسقارۋ جۇيەسىن ورناتىپ، توعىسپالى باقىلاۋدى، بىرلەسكەن قازىنالىق باقىلاۋدى كۇشەيتىپ، شىرىكتەسۋ ماسەلەلەرىن ىشكەرىلەي تەكسەرىپ ٴبىر جاقتى ەتۋ كەرەك. باقىلاۋ ـ باسقارۋدىڭ جوبانىڭ اتقارىلۋىنا قىزمەت وتەۋ جانە جەبەۋ فۋنكتسياسىن اناعۇرلىم ويداعىداي ساۋلەلەندىرىپ، جوبانىڭ اياقتالۋ ساپاسىنىڭ تومەنگى شەكتەن تۇسپەۋىنە، قابىلەتىنىڭ تومەنگى شەكتەن تۇسپەۋىنە، كىرشىكسىزدىكتىڭ تومەنگى شەكتەن تۇسپەۋىنە شىنايى كەپىلدىك ەتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ٴتوراعاسى جاڭ يوۋشيا جيىندى باسقاردى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ٴتوراعاسى حى ۋيدۇڭ، ورتالىق اسكەري ىستەر كوميتەتىنىڭ مۇشەلەرى ليۋ جىنلي، جاڭ شىڭمين جيىنعا قاتىناستى.