− جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىندا جاسالعان بايانداما

(2022 - جىلى 10 - ايدىڭ 16 - كۇنى)

شي جينپيڭ

　10 - ايدىڭ 16 - كۇنى، شي جينپيڭ جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىندا بايانداما جاساۋدا.

□ سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن

　جولداستار:

　　قازىر مەن 19 - كەزەكتى ورتالىق كوميتەت اتىنان قۇرىلتايعا بايانداما جاسايمىن.

　　جۇڭگو كوممۋنيستىك پارتياسى مەملەكەتتىك 20 - قۇرىلتايى − بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، ەكىنشى 100 جىلدىق كۇرەس نىساناسىنا جورىق جاساعان شەشۋشى ساتتە اشىلعان توتەنشە ماڭىزدى قۇرىلتاي.

　　قۇرىلتايدىڭ باستى تاقىرىبى: 

جۇڭگوشا سوتسياليزم ۇلى تۋىن بيىك ۇستاۋ، جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرۋ، پارتيا قۇرۋ ۇلى رۋحىن ساۋلەلەندىرۋ، وزىنە سەنىپ، ءوزىن الۋەتتەندىرىپ، تۋراشىلدىقتان اينىماي، جاڭالىق اشىپ، جىگەرلەنە ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋ.

　　جۇڭگو كوممۋنيستىك پارتياسى 100 جىلدىق كۇرەس بارىسىن باسىپ ءوتتى. پارتيامىز جۇڭحۋا ۇلتىنىڭ مىڭ جىلدىق ۇلى ءىسىن مۇرات ەتىپ، ادامزاتتىڭ بەيبىتشىلىگى مەن دامۋىنىڭ اسقاق ىستەرى ءۇشىن كۇش سالىپ كەلەدى، جاۋاپكەرشىلىگى تەڭدەسسىز زور، بورىشى شەكسىز داڭقتى. بۇكىل پارتياداعى جولداستار، ءسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاۋ، ءسوز جوق، كىشى پەيىل، بايسالدى بولۋ، قاجىرلىلىقپەن كۇرەس جۇرگىزۋ، ءسوز جوق، باتىلدىقپەن كۇرەس جۇرگىزۋ، شەبەرلىكپەن كۇرەس جۇرگىزۋ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، جاڭا داۋىردەگى جۇڭگوشا سوتسياليزمنىڭ اناعۇرلىم اسەم تاراۋىن جازۋ كەرەك.

ءبىرىنشى، وتكەن 5 جىلداعى قىزمەتتەر مەن جاڭا ءداۋىردىڭ 10 جىلىنداعى ۇلى وزگەرىستەر

　　19 - قۇرىلتايدان بەرگى 5 جىل − اسا وزگەشە ءارى ايرىقشا 5 جىل بولدى. پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدى جانە دۇنيە جۇزىندە 100 جىلدا بولماعان زور وزگەرىستەردى ءبىر تۇتاس جوسپارلاپ، 7 رەت جالپى ءماجىلىس اشىپ، جەكە - جەكە نەگىزگى زاڭعا وزگەرىس ەنگىزۋ، پارتيا مەن مەملەكەت قۇرىلىمى رەفورماسىن تەرەڭدەتۋ، جۇڭگوشا سوتسياليزمگە تاباندى بولۋ جانە ونى كەمەلدەندىرۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ، ”14 - بەسجىلدىق“ جوبانى جانە 2035 - جىلعا دەيىنگى بولاشاقتىق نىسانانى جاساۋ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلاۋ سياقتى كەلەلى ماسەلەلەر جونىندە قاۋلى جانە قارار شىعارىپ، پارتيا مەن مەملەكەت ىستەرىنىڭ دامۋى جونىندە كەلەلى ستراتەگيالىق ورنالاستىرۋ جاساپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، اۋىر دا كۇردەلى حالىقارالىق جاعدايعا جانە ءبىر - بىرىنە ۇلاسقان وراسان زور حاۋىپ - قاتەر مەن سىن - سايىسقا ۇتىمدى توتەپ بەرىپ، جاڭا داۋىردەگى جۇڭگوشا سوتسياليزمدى قايراتتانا العا ۇمتىلۋ رۋحىمەن ۇزدىكسىز ىلگەرى باستىردى.

　　5 جىلدان بەرى، ءبىز پارتيانىڭ جالپى بەتتىك باسشىلىعىن جانە پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋگە تاباندى بولىپ، جاپپاي دوڭگەلەك داۋلەتتى قوعام ورناتۋ اياق الىسىن بار كۇشپەن ىلگەرىلەتتىك، جاڭا دامۋ ۇستانىمىن تولىق، ءدال، جالپى بەتتىك دايەكتىلەندىرىپ، جوعارى ساپالى دامۋدى كۇش سالا ىلگەرىلەتىپ، جاڭا دامۋ جاعدايىن ىرىقتىلىقپەن قالىپتاستىردىق، رەفورمانى جەدەل، ورنىقتى ىلگەرىلەتتىك، جالپى بارىستىق حالىق دەموكراتياسىن تىڭعىلىقتى ىلگەرىلەتتىك، مەملەكەتتى زاڭمەن باسقارۋدى جاپپاي ىلگەرىلەتتىك، سوتسياليستىك وزىق مادەنيەتتى بەلسەنە دامىتتىق، حالىق تۇرمىسىن قامتاماسىز ەتۋدى جانە جاقسارتۋدى كورنەكتىلەندىرىپ، كەدەيلىكتەن ارىلتۋدان قامال الۋ شايقاسىن كۇشتى شوعىرلاندىرا وتىرىپ جۇرگىزدىك، ەكولوگيالىق وركەنيەت قۇرىلىسىن زور كۇشپەن ىلگەرىلەتتىك، مەملەكەت حاۋىپسىزدىگىن باتىل قورعاپ، اۋىر حاۋىپ - قاتەرلەردەن ساقتانىپ جانە ونى جويىپ، قوعامدىق كەلەلى جاعدايدىڭ ورنىقتىلىعىن ساقتادىق، مەملەكەت قورعانىسى مەن ارميانى وسىزامانداندىرۋ قۇرىلىسىن زور تەبىنمەن ىلگەرىلەتىپ، جۇڭگوشا ءىرى ەلدىك ديپلوماتيانى جان - جاقتى ورىستەتىپ، پارتيا قۇرىلىسىنىڭ تىڭ دا ۇلى ينجەنەرياسىن جاپپاي ىلگەرىلەتتىك. ءبىز جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن سالتاناتپەن قۇتتىقتادىق، ءۇشىنشى تاريحي قاراردى جاسادىق، بۇكىل پارتيادا پارتيا تاريحىن ۇيرەنۋ تاربيەسىن ورىستەتىپ، جۇڭگو كوممۋنيستىك پارتياسى تاريحى كورمە سارايىن سالىپ، بۇكىل پارتيانى پارتيا قۇرۋ ۇلى رۋحىن ۇيرەنۋگە جانە امالياتتا ايگىلەۋگە، جاڭا جورىقتا اناعۇرلىم باتىلدىقپەن، اناعۇرلىم سانالىلىقپەن اۋەلگى ماقسات پەن بورىشتى ەستە بەرىك ساقتاپ، جارقىن بولاشاققا جول اشۋعا ۇندەدىك. اسىرەسە، توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا، ءبىز حالىقتى بارىنەن جوعارى قويۋعا، ادام ءومىرىن بارىنەن جوعارى قويۋعا تاباندى بولىپ، سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا تاباندى بولىپ، اۋقىمدىق تولىق اداقتاۋدان اۋىتقىماۋعا تاباندى بولىپ، ىندەتكە قارسى اتتانۋدىڭ حالىقتىق شايقاسىن، جالپى تۇلعالىق شايقاسىن، توسقاۋىلداۋ شايقاسىن ورىستەتىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن مۇمكىندىكتىڭ بارىنشا قورعاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋدا كەلەلى، بەلسەندى تابىستارعا قول جەتكىزدىك. شياڭگاڭ جاعدايىنىڭ اۋمالى - توكپەلى وزگەرىسى الدىندا، ءبىز ەرەكشە اكىمشىلىك رايوندى نەگىزگى زاڭ مەن ءتۇبىرلى زاڭ بويىنشا جاپپاي باسقارۋ، جونگە سالۋ ۇقىعىن ۇتىمدى اتقارىپ، شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭىن جاساپ جانە اتقارىپ، ”وتانشىلداردىڭ شياڭگاڭدى باسقارۋى“ پرينسيبىن تياناقتاندىرىپ، شياڭگاڭ جاعدايىندا بىلىقپالىقتان تىنىشتالۋعا دەيىنگى كەلەلى بۇرىلىستى جۇزەگە اسىردىق، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ىشكەرىلەي ىلگەرىلەتىپ، شياڭگاڭنىڭ، اۋمىننىڭ ەكونوميكانى دامىتۋىنا، حالىق تۇرمىسىن جاقسارتۋىنا، ورنىقتىلىقتى ساقتاۋىنا قولداۋ كورسەتتىك. ”تايۋاندى دەربەستەندىرۋدى“ كوزدەيتىن كۇشتەردىڭ بولشەكتەۋشىلىك قيمىلدارى مەن سىرتقى كۇشتەردىڭ تايۋان ىسىنە كيلىگۋى سىندى اۋىر ارانداتۋشىلىق الدىندا، ءبىز بولشەكتەۋشىلىككە قارسى، كيلىگۋگە قارسى كەلەلى كۇرەستى باتىل ورىستەتىپ، مەملەكەتتىڭ يەلىك ۇقىعى مەن تەرريتوريا تۇتاستىعىن قورعاپ، ”تايۋاندى دەربەستەندىرۋگە“ قارسى تۇراتىن بەرىك بەكىمىمىز بەن قۇدىرەتتى قۋاتىمىزدى ايگىلەپ، وتاننىڭ بۇكىلدەي بىرلىككە كەلۋىن جۇزەگە اسىرۋدىڭ ستراتەگيالىق ىرىقتىلىعىن ونان ارى يگەرىپ، حالىقارالىق قوعام ءبىر جۇڭگو پرينسيبىنە تاباندى بولاتىن اۋقىمدى ونان ارى بەكەمدەدىك. حالىقارالىق جاعدايدىڭ شۇعىل وزگەرىسى الدىندا، وتە - موتە، سىرتتىڭ قۇقايى، تەجەۋى، قۇرساۋلاۋى، بارىنشا قىسىم كورسەتۋى الدىندا، ءبىز مەملەكەت مۇددەسىن ماڭىزدى ورىنعا قويۋعا، ىشكى ساياسيدى الدىمەن ويلاستىرۋعا تاباندى بولىپ، ستراتەگيالىق ۇستامدىلىقتى ساقتاپ، كۇرەسكەرلىك رۋحتى ساۋلەلەندىرىپ، وكتەمدىكتەن قورىقپايتىن مىزعىماس ەرىك - جىگەرىمىزدى ايگىلەپ، كۇرەس بارىسىندا مەملەكەتتىڭ بەدەلى مەن وزەكتى مۇددەسىن قورعاپ، ەلىمىزدىڭ دامۋى مەن حاۋىپسىزدىگىنىڭ ىرىقتىلىق ۇقىعىن مىقتى يگەردىك. 5 جىلدان بەرى، پارتيامىز حالىقتى ىنتىماقتاستىرىپ جانە باستاپ، ۇزاق ۋاقىتتان بەرى شەشىلمەي كەلگەن قيىن ماسەلەلەردى شەشىپ، ۇزاق بولاشاققا ساياتىن كوپتەگەن ءىرى ءىستى، ماڭىزدى ءىستى تىندىرىپ، پارتيا مەن مەملەكەت ىستەرىنىڭ دۇنيەنى جالت قاراتقان كەلەلى تابىستارعا قول جەتكىزۋىن ىلگەرىلەتتى.

　　جولداستار! 18 - قۇرىلتاي اشىلعاننان قازىرگە دەيىن 10 جىل بولدى. 10 جىلدان بەرى، ءبىز پارتيا مەن حالىقتىڭ ىستەرى جونىنەن كەلەلى رەال ماڭىزعا جانە تەرەڭ تاريحي ماڭىزعا يە ءۇش ءىرى ءىستى باستان وتكەردىك: ءبىرىنشى، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الدىق، ەكىنشى، جۇڭگوشا سوتسياليزم جاڭا داۋىرگە ءوتتى، ءۇشىنشى، كەدەيلىكتەن ارىلتۋدان قامال الۋ، جاپپاي دوڭگەلەك داۋلەتتى قوعام ورناتۋ تاريحي مىندەتىن ورىنداپ، ءبىرىنشى 100 جىلدىق كۇرەس نىساناسىن جۇزەگە اسىردىق. بۇل − جۇڭگو كوممۋنيستىك پارتياسى مەن جۇڭگو حالقىنىڭ ىنتىماقتاسا كۇرەس جاساۋ ارقىلى قول جەتكىزگەن تاريحي جەڭىسى، جۇڭحۋا ۇلتىنىڭ دامۋ تاريحىنداعى ماڭگى وشپەيتىن تاريحي جەڭىس ءارى دۇنيە جۇزىنە تەرەڭ ىقپال جاسايتىن تاريحي جەڭىس.

　　10 جىلدىڭ الدىندا، ءبىز ءدوپ كەلگەن جاعداي رەفورمالاۋ، ەسىك اشۋدا جانە سوتسياليستىك وسىزامانداندىرۋ قۇرىلىسىندا كەسەك تابىستارعا قول جەتىپ، پارتيا قۇرىلىسىنىڭ تىڭ دا ۇلى ينجەنەرياسىندا كورنەكتى ناتيجەلەرگە قول جەتىپ، ءبىزدىڭ ۇزدىكسىز العا باسۋىمىزعا بەرىك نەگىز قالاپ، تاماشا شارت - جاعداي جاراتىپ، ماڭىزدى قامتاماسىزدىق ازىرلەپ بەردى، سونىمەن بىرگە ۇزاق ۋاقىتتان بەرى جينالعان جانە تىڭنان جارىققا شىققان ءبىر قىدىرۋ كورنەكتى قايشىلىق پەن ماسەلە شۇعىل شەشۋدى قاجەت ەتتى. پارتيا ىشىندە پارتيانىڭ باسشىلىعىنا تاباندى بولۋ جونىندە تانىم كۇڭگىرت، ارەكەت دارمەنسىز بولۋ سىندى ءبىرتالاي ماسەلە ورىن تەپتى، پارتيانىڭ باسشىلىعىن تياناقتاندىرۋدىڭ السىرەۋى، وتىرىككە اينالۋى، سولعىنداۋى سىندى ءبىرتالاي ماسەلە ورىن تەپتى، كەيبىر پارتيا مۇشەلەرىنىڭ، كادرلاردىڭ ساياسي سەنىمىندە اۋىتقۋ تۋىلىپ، كەي جەرلەر مەن تاراۋلاردا فورماشىلدىق، تورەشىلدىك، راقاتقۇمارلىق جانە استا - توك ىسىراپشىلدىق ستيل قايتا - قايتا تيىم سالىنسا دا توقتاماي، ەرەكشە ۇقىق يدەياسى مەن ەرەكشە ۇقىق قۇبىلىسى ءبىرشاما اسقىندى، كەيبىر پاراقورلىق، شىرىكتەسۋ ماسەلەلەرى جان تۇرشىكتىردى؛ ەكونوميكانىڭ قۇرىلىمدىق، تۇزىلىستىك قايشىلىقتارى كورنەكتىلەنىپ، دامۋ بىركەلكى بولماي، تەڭگەرىمدى بولماي، باياندى بولماي، ءداستۇرلى دامۋ ۇلگىسىن ەندىگارى جالعاستىرۋ قيىنعا سوعىپ، كەيبىر تەرەڭ قاتپارلى ءتۇزىلىس - مەحانيزمدىك ماسەلەلەر مەن مۇددەلەردىڭ قاساڭدانۋ قورشاۋى كۇن ساناپ اشىققا شىعا باستادى؛ كەيبىرەۋلەردىڭ جۇڭگوشا سوتسياليستىك ساياسي تۇزىمگە سەنىمى جەتكىلىكسىز بولىپ، بار زاڭعا بويسۇنباۋ، زاڭدى قاتاڭ اتقارماۋ ماسەلەلەرى اۋىر دارەجەدە ءومىر ءسۇردى؛ اقشاقۇمارلىق، راقاتقۇمارلىق، مەيلىنشە وزىمشىلدىك پەن تاريحتى تەرىستەۋشىلدىك سياقتى قاتە يدەيالىق اعىمدار اۋىق - اۋىق بوي كورسەتىپ، ينتەرنەتتەگى قوعامدىق پىكىردە بىلىقپالىق ۇدەپ، ادامداردىڭ يدەياسى مەن قوعامدىق پىكىر ورتاسىنا اۋىر ىقپال جاسادى؛ حالىق تۇرمىسىن قامتاماسىز ەتۋدە ءبىرتالاي ءالسىز بۋىندار ورىن تەپتى؛ بايلىقتىڭ، قورشاعان ورتانىڭ تەجەۋى بارعان سايىن قىسىپ، قورشاعان ورتانىڭ لاستانۋى سياقتى ماسەلەلەر كورنەكتىلەندى؛ مەملەكەت حاۋىپسىزدىگىن قورعاۋ ءتۇزىمى كەمەلدى بولماي، ءتۇرلى ەلەۋلى حاۋىپ - قاتەرلەرگە توتەپ بەرۋ قابىلەتى ءالسىز بولىپ، مەملەكەت قورعانىسى مەن ارميانى وسىزامانداندىرۋدا ءبىرتالاي ولقىلىقتار مەن ءالسىز بۋىندار ورىن تەپتى؛ شياڭگاڭنىڭ، اۋمىننىڭ ”ءبىر ەل، ەكى ءتۇزىمدى“ تياناقتاندىرۋ ءتۇزىلىس - مەحانيزمى اقاۋسىز بولمادى؛ مەملەكەت حاۋىپسىزدىگى قاتاڭ سىن - سايىسقا ۇشىرادى، ت.ب. سول كەزدە، پارتيا ىشىندەگى جانە قوعامداعى كوپتەگەن ادام پارتيا مەن مەملەكەتتىڭ بولاشاعىنان الاڭدادى. پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتى مەن اماندىعىنا ىقپال جاسايتىن وسىنداي كورنەكتى قايشىلىقتار مەن ماسەلەلەر الدىندا، پارتيا ورتالىق كوميتەتى اۋقىمدى باعامداپ، باتىل تالعام جاسادى، جىگەرلەنە العا ۇمتىلىپ، قيىندىقتاردان قامال الدى، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، بىلەك سىبانا قايراتتانا ىسكە كىرىسىپ، تار جول، تايعاق كەشۋلەردە بوگەلمەي العا تارتىپ، ەشنارسەدەن تايىنباي كوپتەگەن جاڭا تاريحي ەرەكشەلىككە يە ۇلى كۇرەستەر جۇرگىزدى.

　　10 جىلدان بەرى، ءبىز ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيانىڭ نەگىزگى لۋشيانىن، نەگىزگى جالپى جوباسىن جاپپاي دايەكتىلەندىرىپ، ءبىر قىدىرۋ ستراتەگيالىق شارا قولدانىپ، ءبىر قىدىرۋ وزگەرىس سيپاتتى امالياتتى ىلگەرىلەتىپ، ءبىر قىدىرۋ شەشۋشى ىلگەرىلەۋشىلىكتى جۇزەگە اسىرىپ، ءبىر قىدىرۋ بەلگى سيپاتتى جەتىستىككە قول جەتكىزىپ، ساياسي، ەكونوميكا، يدەولوگيا، تابيعات دۇنيەسى سياقتى جاقتارداعى حاۋىپ - قاتەر مەن سىن - سايىستىڭ سىناعىنان سۇرىنبەي ءوتىپ، پارتيا مەن مەملەكەت ىستەرىندە تاريحي تابىستارعا قول جەتكىزىپ، تاريحي وزگەرىستەر جاساپ، ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاۋىن جەدەلدەتتىك.

　　 − ءبىز جاڭا ءداۋىر جۇڭگوشا سوتسياليزم يدەياسىن جاراتىپ، جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسىن ايقىنداپ، ەل باسقارۋدىڭ ءبىر قىدىرۋ جاڭا ۇستانىمىن، جاڭا يدەياسىن، جاڭا ستراتەگياسىن العا قويىپ، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ سەكىرۋىن جۇزەگە اسىردىق، وسى ءبىر جاسامپاز نازاريامەن وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتەردى ىلگەرىلەتۋگە بوساڭسىماي تاباندى بولىپ، جاڭا داۋىردەگى پارتيا مەن مەملەكەت ىستەرىنىڭ دامۋىنا ءتۇبىرلى بويسۇنۋ ولشەمىن ازىرلەدىك.

　　− ءبىز پارتيا باسشىلىعىن جاپپاي كۇشەيتىپ، جۇڭگوشا سوتسياليزمنىڭ ەڭ ماندىك ەرەكشەلىگى جۇڭگو كوممۋنيستىك پارتياسىنىڭ باسشىلىعى، جۇڭگوشا سوتسياليزم ءتۇزىمىنىڭ ەڭ ۇلكەن ابزالدىلىعى جۇڭگو كوممۋنيستىك پارتياسىنىڭ باسشىلىعى، جۇڭگو كوممۋنيستىك پارتياسى ەڭ جوعارى ساياسي باسشى كۇش، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ ەڭ جوعارى ساياسي پرينسيپ ەكەندىگىن ايقىنداپ، پارتيانىڭ باسشىلىق ءتۇزىلىسى جۇيەسىن جۇيەلى تۇردە كەمەلدەندىردىك، بۇكىل پارتيا ”ءتورت تانىمدى“ كۇشەيتىپ، پارتيا ورتالىق كوميتەتىمەن يدەيادا، ساياسيدا، ارەكەتتە سانالى تۇردە وسكەلەڭ ءبىر اۋىزدىلىقتى ساقتاپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا شىنايى كەپىلدىك ەتىپ، پارتيانىڭ جالپى جاعدايدى جاپپاي مەڭگەرىپ، ءار جاقتى سايكەستىرەتىن باسشىلىق ۇيتقىلىق رولىن ساۋلەلەندىرۋىنە شىنايى كەپىلدىك ەتتى، ءبىزدىڭ 96 ميلليوننان استام پارتيا مۇشەسى بار ماركسيزمدىك ساياسي پارتيامىز اناعۇرلىم ىنتىماقتى، ءبىر اۋىزدى بولدى.

　　− ءبىز جاڭا داۋىردەگى پارتيا مەن مەملەكەت ىستەرىنىڭ دامۋى جونىندە عىلمي، كەمەلدى ستراتەگيالىق ورنالاستىرۋ جاساپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن ىلگەرىلەتۋدى، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرۋدى ورتاعا قويىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋى مەن ”ءتورتتى جاپپاي ورىنداۋ“ ستراتەگيالىق ورنالاستىرۋىن ايقىنداپ، ورنىقتىلىق بارىسىندا ىلگەرىلەۋ قىزمەت جالپى ارناسىن تۇراقتاندىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ەلىمىز قوعامىنداعى باستى قايشىلىقتىڭ حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىق ەكەندىگىن، سونداي - اق ءتۇرلى قىزمەتتى قوعامداعى وسى باستى قايشىلىقتى مىقتاپ ارقاۋ ەتە وتىرىپ ىلگەرىلەتۋ كەرەكتىگىن ايقىنداپ، ادامزات وركەنيەتىنىڭ جاڭا فورماتسياسىن ۇزدىكسىز بايىتتىق جانە دامىتتىق.

　　− ءبىز دامىلسىز كۇرەس جۇرگىزۋ ارقىلى جۇڭحۋا ۇلتىنىڭ دوڭگەلەك داۋلەتتىلىككە جەتۋ سىندى مىڭ جىلدىق ارمانىن جۇزەگە اسىرىپ، ەلىمىزدىڭ دامۋى اناعۇرلىم بيىك تاريحي باستاماعا تابان تىرەدى. ءبىز كەدەيلەردى دالمە - ءدال سۇيەمەلدەۋگە، سايلاۋىت كۇشپەن ارىنداي شايقاسقا اتتانۋعا تاباندى بولىپ، ادامزات تاريحىنداعى كولەمى ەڭ ۇلكەن كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، مەملەكەت بويىنشا 832 كەدەي اۋداننىڭ كەدەيلىك قالپاعىن تۇگەلدەي الىپ تاستاپ، اۋىل - قىستاقتاعى 100 ميلليونعا جۋىق كەدەي جان سانىنىڭ كەدەيلىكتەن ارىلۋىن جۇزەگە اسىرىپ، 9 ميلليون 600 مىڭنان استام كەدەي جان سانىن باسقا جەرگە كوشىرۋدى جۇزەگە اسىرىپ، مۇلدەم كەدەيلىك ماسەلەسىن تاريحي سيپاتتى شەشىپ، الەمنىڭ كەدەيلەردى ازايتۋ ىسىنە ەلەۋلى ۇلەس قوستىق.

　　− ءبىز جاڭا دامۋ ۇستانىمىن ورتاعا قويىپ جانە دايەكتىلەندىرىپ، جوعارى ساپالى دامۋدى كۇش سالا ىلگەرىلەتىپ، جاڭا دامۋ جاعدايىن قالىپتاستىرۋدى جەدەلدەتتىك، ۇسىنىم جاعىنداعى قۇرىلىمدىق رەفورمانى اتقارىپ، جالپى جاعدايلىق مانگە يە ءبىر قىدىرۋ وڭىرلىك كەلەلى ستراتەگيانى بەلگىلەپ، ەلىمىزدىڭ ەكونوميكالىق قۋاتى تاريحي ارتۋدى جۇزەگە اسىردى. ىشكى ءوندىرىستىڭ جالپى ءونىم قۇنى 54 تريلليون يۋاننان 114 تريلليون يۋانعا ارتىپ، ەلىمىز ەكونوميكاسى جالپى مولشەرىنىڭ دۇنيە ءجۇزى ەكونوميكاسىنداعى سالىستىرماسى ％5. 18كە جەتىپ، 2. 7 پايىز جوعارىلاپ، دۇنيە ءجۇزى بويىنشا 2 - ورىندى يەلەدى؛ جان باسىندىق ىشكى ءوندىرىستىڭ جالپى ءونىم قۇنى 39 مىڭ 800 يۋاننان 81 مىڭ يۋانعا ارتتى. استىق داقىلدارىنىڭ جالپى ءتۇسىمى دۇنيە ءجۇزى بويىنشا الدىڭعى ورىندى يەلەپ، ءبىر ميلليارد 400 ميلليوننان استام ادامنىڭ استىق حاۋىپسىزدىگى، ەنەرگيا حاۋىپسىزدىگى ءونىمدى قامتاماسىز ەتىلدى. قالا - قالاشىقتانۋ مولشەرى 6. 11 پايىز جوعارىلاپ، ％7. 64كە جەتتى. جاساۋ كاسىبىنىڭ كولەمى، شەتەل اقشاسى قورى دۇنيە ءجۇزى بويىنشا 1 - ورىندى يەلەدى. دۇنيە ءجۇزى بويىنشا ەڭ ۇلكەن جوعارى جىلدامدىقتى تەمىر جول تورىن، جوعارى جىلدامدىقتى تاس جول تورىن قۇرىپ، اۋەجاي - پورت، سۋ يگىلىگى، ەنەرگيا، ينفورماتسيا سياقتى نەگىزدىك قۇرىلعى قۇرىلىستارىندا ەلەۋلى تابىسقا قول جەتكىزدىك. ءبىز عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەدەل ىلگەرىلەتىپ، تۇتاس قوعامنىڭ زەرتتەۋ - اشۋ قاراجاتى شىعىسىن ءبىر تريلليون يۋاننان 2 تريلليون 800 ميلليارد يۋانعا ارتتىرىپ، دۇنيە ءجۇزى بويىنشا 2 - ورىندى يەلەپ، زەرتتەۋ - اشۋ قىزمەتكەرلەرىنىڭ جالپى سانى دۇنيە ءجۇزى بويىنشا الدىڭعى ورىنعا شىقتى. نەگىزدىك زەرتتەۋ مەن اۋەلگى جاڭالىق اشۋدى ۇزدىكسىز كۇشەيتىپ، كەيبىر شەشۋشى، وزەكتى تەحنيكالاردا قامال الۋدى جۇزەگە اسىرىپ، ستراتەگيالىق جاڭادان گۇلدەنگەن شارۋاشىلىقتاردى دامىتىپ، زورايتىپ، عارىشقا ادام الىپ ۇشۋ، ايدى بارلاۋ، مارستى بارلاۋ، تەرەڭ تەڭىزدى بارلاۋ، تەرەڭ جەر قاباتىن بارلاۋ، اسقىن كومپيۋتەر، جاساندى سەرىك باعىتتاۋشى، كۆانتتىق ينفورماتسيا، يادرو ەلەكتر تەحنيكاسى، جاڭا ەنەرگيا تەحنيكاسى، ءىرى ۇشاق جاساۋ، بيولوگيالىق ءدارى - دارمەك قاتارلىلاردا كەلەلى جەتىستىكتەرگە قول جەتكىزىپ، جاڭاشىل مەملەكەتتەر قاتارىنا وتتىك.

　　− ءبىز وراسان زور ساياسي باتىلدىقپەن رەفورمانى جاپپاي تەرەڭدەتىپ، رەفورمادا قامال الۋ شايقاسىن جۇرگىزىپ، رەفورمانى جوعارى دەڭگەيدە جوبالاۋدى كۇشەيتىپ، تەرەڭ قويناۋعا باتىلدىقپەن اتويلاپ كىرىپ، قيىن ىستەردى تىندىرۋعا باتىل بولىپ، حاۋىپ - قاتەردەن جاسقانباي، جاڭا قايشىلىقتارمەن، تىڭ سىن - سايىستارمەن باتىلدىقپەن بەتپە - بەت كەلىپ، يدەيا - كوزقاراستىڭ بۇعاۋىن بۇزىپ، مۇددەلەردىڭ قاساڭدانۋ قورشاۋىن تالقانداپ، ءار جاقتاعى ءتۇزىلىس - مەحانيزمدەردىڭ كەمشىلىكتەرىن باتىل جويىپ، ءار سالادا نەگىزدىك تۇزىمدەر جۇلگەسىن نەگىزىنەن ورناتىپ، كوپتەگەن سالادا تاريحي وزگەرىستى، جۇيەلى جاڭارۋدى، تۇتاس تۇلعالىق قايتا قۇرىلۋدى جۇزەگە اسىرىپ، جاڭا كەزەكتى پارتيا مەن مەملەكەت قۇرىلىمى رەفورماسى جالپى بەتتىك ورىندالىپ، جۇڭگوشا سوتسياليستىك ءتۇزىم اناعۇرلىم تولىسىپ، اناعۇرلىم تۇلعالانىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيىن كورنەكتى جوعارىلاتتىق.

　　− ءبىز اناعۇرلىم بەلسەندى، ىرىقتى ەسىك اشۋ ستراتەگياسىن اتقارىپ، بۇكىل دۇنيە جۇزىنە بەت العان جوعارى ولشەمدى ەركىن ساۋدا ءوڭىرى تورىن قۇرىپ، ەركىن ساۋدا سىناق ءوڭىرى، حاينان ەركىن ساۋدا پورتى قۇرىلىسىن جەدەل ىلگەرىلەتتىك، ”ءبىر بەلدەۋ، ءبىر جولدى“ بىرگە گۇلدەندىرۋ ەڭ قارسى الۋعا بولەنگەن حالىقارالىق الەۋمەتتىك ونىمگە جانە حالىقارالىق سەلبەستىك تەكشەسىنە اينالدى. ەلىمىز 140تان استام مەملەكەت پەن ءوڭىردىڭ نەگىزگى ساۋدا سەرىگىنە اينالىپ، زات ساۋداسىنىڭ جالپى سوماسى دۇنيە ءجۇزى بويىنشا 1 - ورىندى يەلەپ، شەتەل قارجىسىن باۋراۋ مەن شەتەلگە قارجى قوسۋدا دۇنيە ءجۇزى بويىنشا الدىڭعى قاتارعا ءوتىپ، اناعۇرلىم كەڭ كولەمدى، اناعۇرلىم كەڭ سالالى، اناعۇرلىم تەرەڭ ساتىلى سىرتقا ەسىك اشۋ جۇيەسىن قالىپتاستىردىق.

　　− ءبىز جۇڭگوشا سوتسياليستىك ساياسي دامۋ جولىمەن جۇرۋگە تاباندى بولىپ، جالپى بارىستىق حالىق دەموكراتياسىن جاپپاي دامىتىپ، سوتسياليستىك دەموكراتيالىق ساياسيدى تۇزىمدەندىرۋدى، جۇيەلىلەندىرۋدى، تارتىپتەندىرۋدى جاپپاي ىلگەرىلەتىپ، سوتسياليستىك ءماسليحاتتىق دەموكراتيانى كەڭ كولەمدى دامىتتىق، حالىقتىڭ وزىنە - ءوزى قوجايىن بولۋى اناعۇرلىم تىڭعىلىقتى بولىپ، نەگىزگى ساتىداعى دەموكراتيانىڭ ومىرشەڭدىگى كۇشەيىپ، وتانشىلدىق بىرلىكساپ بەكەمدەلىپ، كەڭەيىپ، ۇلتتار ىنتىماعى، العاباسارلىعىندا تىڭ راي جارىققا شىعىپ، پارتيانىڭ ءدىن قىزمەتى جونىندەگى نەگىزگى باعىتى جاپپاي دايەكتىلەنىپ، ادامدىق ۇقىق اناعۇرلىم ويداعىداي قامتاماسىز ەتىلدى. سوتسياليستىك زاڭمەن باسقارىلاتىن مەملەكەت قۇرىلىسى ىشكەرىلەي ىلگەرىلەپ، مەملەكەتتى جاپپاي زاڭمەن باسقارۋ جالپى جاعدايى نەگىزىنەن قالىپتاسىپ، جۇڭگوشا سوتسياليستىك زاڭمەن باسقارۋ جۇيەسى جەدەل ورناپ، ءادىليا ءتۇزىلىسى رەفورماسى ەلەۋلى ىلگەرىلەۋشىلىككە قول جەتكىزىپ، قوعامدىق ادىلدىك پەن تۋراشىلدىق اناعۇرلىم بەرىك قامتاماسىز ەتىلىپ، زاڭمەن باسقارىلاتىن جۇڭگو قۇرىلىسىندا جاڭا جاعداي اشىلدى.

　　− ءبىز ماركسيزمنىڭ يدەولوگيا سالاسىنداعى جەتەكشىلىك ورنى سىندى ءتۇبىرلى ءتۇزىمدى ايقىنداپ جانە وعان تاباندى بولىپ، جاڭا داۋىردەگى پارتيانىڭ جاڭالىق اشۋ نازارياسىن جۇرت جۇرەگىنە تەرەڭ ۇيالاتىپ، سوتسياليستىك وزەكتى قۇن كوزقاراسىن كەڭىنەن تاراتىپ، جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن تۇلەتىپ، جاڭالىق اشا دامىتىپ، مادەنيەت ىستەرىن كۇن سايىن گۇلدەندىرىپ، توراپ ەكولوگياسىن ۇزدىكسىز جاقسارتتىق، يدەولوگيا سالاسىنىڭ جاعدايىندا جالپى جاعدايلىق، ءتۇبىرلى سيپاتتى بۇرىلىس تۋىلدى. ءبىز جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن، رەفورما جاساۋدىڭ، ەسىك اشۋدىڭ 40 جىلدىعىن سالتاناتپەن قۇتتىقتاپ، جۇڭگو حالقىنىڭ جاپون شاپقىنشىلارىنا قارسى سوعىسى جانە فاشيزمگە قارسى دۇنيە جۇزىلىك سوعىسى جەڭىسىنىڭ 70 جىلدىعىن، جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن سالتاناتپەن ەسكە الىپ، بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ءساتتى وتكىزدىك، جاس بۋىن اناعۇرلىم بەلسەندى بەينەمەن ورگە ۇمتىلىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ مادەنيەت سەنىمى ايتارلىقتاي كۇشەيىپ، رۋحاني بەينەلەرى اناعۇرلىم جىگەرلى، اسقاق بولدى.

　　− ءبىز حالىقتى وزەك ەتكەن دامۋ يدەياسىن ىشكەرىلەي دايەكتىلەندىرىپ، مەكتەپكە دەيىنگى تاربيەدەن يگىلىكتەنە الۋ، وقيتىن مەكتەبى بولۋ، ەڭبەگىنىڭ جەمىسىن كورۋ، ەمدەلەتىن شيپاحاناسى بولۋ، قارتايعاندا كۇتىمدەلەتىن ورىن بولۋ، تۇراتىن باسپاناسى بولۋ، كومەككە ءزارۋ جاندار كومەكتەن يگىلىكتەنە الۋ سياقتى جاقتاردا ۇزدىكسىز كۇش جۇمساپ، حالىق تۇرمىسىن جان - جاقتى جاقسارتتىق. ادامداردىڭ ورتاشا مەجەلى عۇمىرى 2. 78 جاسقا جەتتى. تۇرعىنداردىڭ جان باسىندىق قولداعى تابىسى 16 مىڭ 500 يۋاننان 35 مىڭ 100 يۋانعا كوبەيدى. قالا - قالاشىقتا جاڭادان جۇمىستانعاندار جىلىنا ورتا ەسەپپەن 13 ميلليوننان استى. دۇنيە ءجۇزى بويىنشا كولەمى ەڭ ۇلكەن وقۋ - اعارتۋ جۇيەسى، قوعامدىق قامتاماسىزداندىرۋ جۇيەسى، ەمدەۋ - دەنساۋلىق ساقتاۋ جۇيەسى ورناپ، وقۋ - اعارتۋدىڭ جالپىلاسۋ دەڭگەيىندە تاريحي سەكىرۋ جۇزەگە اسىپ، نەگىزگى زەينەتكەرلىك قامسىزداندىرۋى ءبىر ميلليارد 40 ميلليون ادامدى قامتىپ، نەگىزگى ەمدەۋ قامسىزداندىرۋىنا قاتىناسۋ مولشەرى ％95كە تۇراقتادى. تۋىت ساياساتى دەر كەزىندە رەتتەلدى. لاشىقتى اۋماقتاردا 42 ميلليوننان استام ءۇيدى جاڭالاپ، اۋىل - قىستاقتاعى حاۋىپتى ۇيلەردەن 24 ميلليوننان استامىن جاڭالاپ، قالا، اۋىل تۇرعىندارىنىڭ تۇرعىن ءۇي شارت - جاعدايى ايتارلىقتاي جاقساردى. ينتەرنەت قولداناتىندار سانى ءبىر ميلليارد 30 ميلليون ادامعا جەتتى. حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى اناعۇرلىم ارتتى، اناعۇرلىم قامتاماسىز ەتىلدى، اناعۇرلىم باياندى بولدى، بىرگە بايۋدا تىڭ ناتيجەلەرگە قول جەتتى.

　　− ءبىز تۇنىق سۋ، جاسىل تاۋ − باعالى بايلىق ۇستانىمىنا تاباندى بولىپ، تاۋ، سۋ، ورمان، ەگىنجاي، كول، جايلىم، قۇمدىقتى ءبىر تۇلعالاندىرىپ قورعاۋ مەن جۇيەلى وڭاۋعا تاباندى بولىپ، ەكولوگيالىق ورتانى جان - جاقتى، تۇتاس ءوڭىر، تۇتاس بارىس بويىنشا قورعاۋدى كۇشەيتتىك، ەكولوگيالىق وركەنيەت ءتۇزىلىسى جۇيەسى اناعۇرلىم اقاۋسىزدانىپ، لاستانۋدان ساقتانۋ جانە ونى جونگە سالۋدان قامال الۋ ىشكەرىلەي ىلگەرىلەپ، جاسىل، اينالمالى، تومەن كومىر قىشقىل گازدى دامۋدا نىق قادام تاستادىق، ەكولوگيالىق ورتانى قورعاۋدا تاريحي سيپاتتى، بۇرىلىس سيپاتتى، جالپى جاعدايلىق سيپاتتى وزگەرىستەر تۋىلىپ، وتانىمىزدىڭ اسپانى اناعۇرلىم اشىق، تاۋى اناعۇرلىم جاسىل، سۋى اناعۇرلىم تۇنىق بولدى.

　　− ءبىز جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، مەملەكەت حاۋىپسىزدىگىنىڭ باسشىلىق ءتۇزىلىسىن جانە زاڭمەن باسقارۋ جۇيەسىن، ستراتەگيالىق جۇيەسىن، ساياسات جۇيەسىن ۇزدىكسىز كەمەلدەندىرىپ، پرينسيپتىك ماسەلەدە تيتتەي دە شەگىنشەكتەمەي، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن بۇلجىماس ەرىك - جىگەرمەن قورعاپ، مەملەكەتتىڭ حاۋىپسىزدىگىن جاپپاي كۇشەيتتىك. بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ ءتۇزىمىن ونان ارى كەمەلدەندىردىك، ۇلتتىق بولشەكتەۋشى كۇشتەر، ءدىني ۇشقارى كۇشتەر، زورلىقتى كۇش لاڭكەستىك كۇشتەر ءونىمدى اۋىزدىقتالىپ، قارا قوعام سيپاتتى ۇيىمدار مەن سۇرقيا كۇشتەردى جويۋ ارناۋلى كۇرەسىندە كەزەڭدىك تابىستارعا قول جەتكىزدىك، ءبىر قاتار جاراتىلىستىق اۋىر اپاتقا پارمەندى توتەپ بەرىپ، تىنىش جۇڭگو قۇرىلىسىندا اناعۇرلىم جوعارى دەڭگەيگە قادام تاستادىق.

　　− ءبىز پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن بەلگىلەپ، پارتيانىڭ جاڭا داۋىردەگى ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ستراتەگيا باعىتىن دايەكتىلەندىرىپ، پارتيانىڭ حالىق ارمياسىنا شارتسىز باسشىلىعىنا تاباندى بولىپ، گۋتياندا بۇكىل ارميانىڭ ساياسي قىزمەتى ءماجىلىسىن اشىپ، ستيل دۇرىستاۋ رۋحىمەن ساياسي رەتتەۋ - جاتتىقتىرۋدى ىلگەرىلەتىپ، جاۋىنگەرلىك قۋات سىندى بىردەن - ءبىر ءتۇبىرلى ولشەمدى بەرىك ورناتىپ، بۇكىل ارميانىڭ قىزمەت ءتۇيىنىن سوعىس دايىندىعىنا، سوعىس جۇرگىزۋگە باتىلدىقپەن قايتا دۇرىستاپ ويىستىرىپ، ءار باعىتتاعى، ءار سالاداعى اسكەري كۇرەستەردى كۇشەيتۋدى ءبىر تۇتاس جوسپارلاپ، ناقتى سوعىستىق اسكەري جاتتىعۋدى قاۋىرت يگەرىپ، مەملەكەت قورعانىسى مەن ارميا رەفورماسىن زور اۋقىممەن تەرەڭدەتىپ، حالىق ارمياسىنىڭ باسشىلىق، قولباسشىلىق ءتۇزىلىسىن، وسى زامانعى اسكەري ىستەر قۋاتى جۇيەسىن، اسكەري ساياسات ءتۇزىمىن قايتا ورناتىپ، مەملەكەت قورعانىسى مەن ارميانى وسى زامانداندىرۋ قۇرىلىسىن جەدەلدەتىپ، قاتارداعى اسكەرلەر سانىنان 300 مىڭدى ازايتۋدى جەڭىسپەن ورىنداپ، حالىق ارمياسىنىڭ ءتۇزىلىسى، قۇرىلىمى، جۇيەسى، كەلبەتى شىت جاڭا بەينەگە ەنىپ، وسىزاماندانۋ دەڭگەيى مەن ناقتى سوعىسىق قابىلەتى ايتارلىقتاي جوعارىلاپ، ارميانى قۇدىرەتتەندىرۋدىڭ جۇڭگوشا جولى بارعان سايىن داڭعىلدانا ءتۇستى.

　　− ءبىز ”ءبىر ەل، ەكى ءتۇزىم“ امالياتىن جان - جاقتى، دۇرىس ىلگەرىلەتىپ، ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىنا تاباندى بولىپ، شياڭگاڭنىڭ بىلىقپالىقتان تىنىشتالۋعا، تىنىشتالۋدان گۇلدەنۋدىڭ جاڭا كەزەڭىنە ءوتۋىن ىلگەرىلەتىپ، شياڭگاڭدا، اۋمىندا ۇزاق ۋاقىت ورنىقتى دامۋدىڭ تاماشا اۋقىمىن ساقتادىق. ءبىز جاڭا داۋىردە تايۋان ماسەلەسىن شەشۋدىڭ جالپى تۇلعالىق جالپى جوباسىن ورتاعا قويىپ، ەكى جاعالاۋدىڭ اۋىس - ءتۇيىسىن، سەلبەستىگىن جەبەپ، ”تايۋاندى دەربەستەندىرۋدى“ كوزدەيتىن بولشەكتەۋشىلىك ارەكەتتەرگە باتىل قارسى تۇرىپ، سىرتقى كۇشتەردىڭ كيلىگۋىنە باتىل قارسى تۇرىپ، ەكى جاعالاۋ قاتىناسىنىڭ جەتەكشىلىك ۇقىعى مەن ىرىقتىلىق ۇقىعىن مىقتى يگەردىك.

　　− ءبىز جۇڭگوشا ءىرى ەلدىك ديپلوماتيانى جاپپاي ىلگەرىلەتىپ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتىپ، حالىقارالىق ادىلدىك پەن تۋراشىلدىقتى باتىل قورعاپ، شىنايى كوپ جاقتىلىقتى دارىپتەپ جانە امالياتتا ايگىلەپ، زورەكەرلىك جانە وكتەمدىك ساياسي اتاۋلىنىڭ بارلىعىنا ايقىن تۋ ۇستاي وتىرىپ قارسى تۇرىپ، ءارقانداي سىڭار جاقتىلىق، قورعانىمپازدىق، زورەكەرلىك ارەكەتكە تاباندىلىقپەن قارسى تۇردىق. ءبىز ديپلوماتيانىڭ جالپى تۇلعالىق ورنالاسىمىن كەمەلدەندىرىپ، بۇكىل الەمدى قامتيتىن سەرىكتەستىك قارىم - قاتىناس تورىن بەلسەنە ورناتىپ، جاڭاشا حالىقارالىق قارىم - قاتىناس ورناتۋدى ىلگەرىلەتتىك. ءبىز جاۋاپكەرشىلىك ارقالايتىن ءىرى ەلدىك مىندەتكەرلىكتى كورسەتىپ، الەمدىك باسقارۋ جۇيەسى رەفورماسى مەن قۇرىلىسىنا بەلسەنە ات سالىسىپ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدىڭ حالىقارالىق سەلبەستىگىن جالپى بەتتىك ورىستەتىپ، حالىقارانىڭ كەڭ القاۋىنا يە بولدىق، ەلىمىزدىڭ حالىقاراداعى ىقپال كۇشى، باۋراۋ قۋاتى، سومداۋ قۋاتى كورنەكتى ارتتى.

　　− ءبىز پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، تەمىر سوقساڭ قۇرىش بول دەگەنگە تاباندى بولىپ، ورتالىقتىڭ 8 ءتۇرلى بەلگىلەمەسىن جاساۋدان جانە تياناقتاندىرۋدان باستاما اشىپ، قامال الىپ، جاڭا داۋىردەگى پارتيا قۇرىلىسىنىڭ باستى تالابىن ورتاعا قويىپ جانە تياناقتاندىرىپ، پارتيانىڭ ساياسي قۇرىلىسى ارقىلى پارتيا قۇرىلىسىنىڭ ءتۇرلى قىزمەتتەرىنە ءبىر تۇتاس جەتەكشىلىك ەتىپ، پارتيانى يدەيا ارقىلى قۇرۋ مەن پارتيانى ءتۇزىم ارقىلى باسقارۋعا باعدارلاس كۇش تۇسىرۋگە تاباندى بولىپ، پارتيانىڭ ىشكى ساياسي تۇرمىسىن قاتايتىپ، پارتيا ىشىندەگى شوعىرلى تاربيەنى ۇزدىكسىز ورىستەتىپ، جاڭا داۋىردەگى پارتيانىڭ ۇيىمدىق لۋشيانىن ورتاعا قويىپ جانە وعان تاباندى بولىپ، ساياسى ولشەمدى كورنەكتىلەندىرە وتىرىپ دارىندىلاردى تاڭداپ، قابىلەتتىلەردى مىندەتكە قويىپ، ساياسي شارلاۋدى كۇشەيتىپ، پارتيا ىشىندەگى ءبىرشاما كەمەلدى زاڭ - ەرەجە جۇيەسىن قالىپتاستىرىپ، بۇكىل پارتيادا مۇرات - سەنىمدى بەكەمدەۋدى، ۇيىمدىق جۇيەنى قاتاڭداستىرۋدى، ءتارتىپتى، قاعيدانى قاتايتۋدى ىلگەرىلەتتىك. ءبىز ستيل دۇرىستاپ، ءتارتىپتى قاتايتۋعا تاباندى بولىپ، ”ءتورت بۇرىس ستيلدى“ شەگە قاعۋ رۋحىمەن تۇزەتىپ، ەرەكشە ۇقىق يدەياسى مەن ەرەكشە ۇقىق قۇبىلىسىنا قارسى تۇرىپ، بۇقارانىڭ جانىنداعى بۇرىس ستيل مەن شىرىكتەسۋ ماسەلەلەرىن باتىل تۇردە رەتتەپ، جونگە سالىپ، ۇزاق ۋاقىت تەجەلمەي كەلگەن كەيبىر تەرىس ستيلدەردى تەجەپ، كوپ جىلدان بەرى ارىلماعان ەسكىلىكتى دەرتتەردى جويدىق. ءبىز تاريحتا بولىپ كورمەگەن شىرىكتەسۋگە قارسى كۇرەستى ورىستەتىپ، ”مىڭداعان ادامعا جەك كورىنىشتى بولىپ، ءبىر ميلليارد 400 ميلليون حالىقتىڭ ءۇمىتىن اقتاۋ“ بورىشىن ارقالاپ، اۋرۋدى ايىقتىرىپ، بىلىقپالىقتى وڭادىق، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالاندىرىپ ىلگەرىلەتىپ، ”جولبارىس سوعۋعا“، ”شىبىن قاعۋعا“، ”تۇلكى اۋلاۋعا“ كوپ جاقتان كۇش سالىپ، شىرىكتەسۋگە قارسى تۇرۋ كۇرەسىنىڭ ۇستەم جەڭىسىنە قول جەتكىزدىك ءارى ونى جاپپاي بەكەمدەدىك، پارتيانىڭ، مەملەكەتتىڭ، ارميانىڭ ىشكى بولىگىندە ءومىر ءسۇرىپ وتىرعان اۋىر كومەسكى قاتەرلەردى جويىپ، پارتيا مەن حالىق بەرگەن ۇقىقتىڭ باستان - اياق حالىقتىڭ باقىتىن كوزدەۋ جولىندا ىستەتىلۋىنە شىنايى كەپىلدىك ەتتىك. قاجىماي - تالماي قۇلشىنۋ ارقىلى پارتيا تىنىشتىق، بىلىقپالىق، كوركەيۋ، قۇلدىراۋ سىندى تاريحتىڭ قايتالانۋىنان قۇتىلۋدىڭ وزىنە - ءوزى توڭكەرىس جاساۋ سىندى ەكىنشى جاۋابىن تاۋىپ شىقتى، ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭارتۋ، ءوز دەڭگەيىن جوعارىلاتۋ قابىلەتىن كورنەكتى كۇشەيتىپ، پارتيانى باسقارۋدا، پارتيانى جونگە سالۋدا كەڭ، بوس، دارمەنسىز بولۋ جاعدايىندا ءتۇبىرلى بۇرىلىس تۋدىرىپ، پارتيا ىشىندەگى ستيلى پاك، سالتى دۇرىس ساياسي ەكولوگيانى ۇزدىكسىز قالىپتاستىرىپ جانە دامىتىپ، پارتيانىڭ قاسيەتىن ماڭگى ساقتاۋعا، ءتۇسىن ماڭگى وزگەرتپەۋگە، سيپاتىن ماڭگى ساقتاۋعا شىنايى كەپىلدىك ەتتىك.

　　پارتيا مەن مەملەكەت ىستەرى قول جەتكىزگەن دۇنيە ءجۇزىن جالت قاراتقان تابىستاردى تولىق تۇراقتاندىرۋمەن بىرگە، قىزمەتىمىزدە ءالى دە كەيبىر جەتەرسىزدىكتەر ساقتالىپ، كوپتەگەن قيىنشىلىق پەن ماسەلەگە ءدوپ كەلىپ وتىرعانىمىزدى، ءسوز جوق، سەرگەكتىكپەن كورە ءبىلۋىمىز كەرەك. بۇلار، باستىسى، مىنالار: دامۋدىڭ بىركەلكى بولماۋ، تولىق بولماۋ ماسەلەسى ءالى دە كورنەكتى، جوعارى ساپالى دامۋدى ىلگەرىلەتۋدە ءالى دە كوپتەگەن بوگەتتى تۇيىندەر، قىسپاق تۇيىندەر بار، عىلىم - تەحنيكادا جاڭالىق اشۋ قابىلەتى ءالى دە كۇشتى ەمەس؛ استىقتىڭ، ەنەرگيانىڭ، كاسىپ تىزبەگىنىڭ، قامداۋ تىزبەگىنىڭ سەنىمدى، حاۋىپسىز بولۋىنا شىنايى كەپىلدىك ەتۋدە جانە فينانستىق حاۋىپ - قاتەردەن ساقتانۋدا شەشۋدى كۇتىپ تۇرعان ءالى دە كوپتەگەن ەلەۋلى ماسەلەلەر بار؛ ءتۇيىندى سالالارداعى رەفورمادا شەشۋگە ءتيىستى ءالى دە كوپتەگەن قيىن ماسەلەلەر بار؛ يدەولوگيا سالاسىندا ءالى دە كوپتەگەن سىن - سايىستار ساقتالىپ وتىر؛ قالا مەن اۋىلدىڭ وڭىرلىك دامۋى مەن كىرىس بولىسىندەگى پارىق ءالى دە ءبىرشاما زور؛ بۇقارا جۇمىستانۋ، ءبىلىم الۋ، ەمدەلۋ، بالالارىن بالاباقشاعا بەرۋ، قارتايعاندا كۇتىمدەلۋ، باسپانا سياقتى جاقتاردا كوپتەگەن قيىن ماسەلەلەرگە ءدوپ كەلىپ وتىر؛ ەكولوگيالىق ورتانى قورعاۋ مىندەتى ءالى دە اۋىر؛ كەيبىر پارتيا مۇشەلەرىندە، كادرلاردا جاۋاپكەرشىلىك ارقالاۋ رۋحى كەمشىل، كۇرەس جۇرگىزۋ ونەرى كۇشتى ەمەس، ناقتى ىستەۋ رۋحى جەتەرسىز، فورماشىلدىق، تورەشىلدىك قۇبىلىستارى ءالى دە ءبىرشاما كورنەكتى؛ شىرىكتەسۋ تۋىلاتىن ورتانى جويۋ مىندەتى ءالى دە جاپالى، ت. ب. بۇل ماسەلەلەردى ءبىز ءبىر قىدىرۋ شارا قولدانا وتىرىپ شەشتىك، بۇدان بىلاي قىزمەت تەبىنىن، ءسوز جوق، ارتتىرۋىمىز ءتيىس.

　　جولداستار! جاڭا داۋىردەگى ۇلى تابىستارعا پارتيا مەن حالىق بىرگە قۇلشىنۋ ارقىلى قول جەتكىزگەن، ەڭبەك ەتۋ ارقىلى قول جەتكىزگەن، كۇرەس جۇرگىزۋ ارقىلى قول جەتكىزگەن! وسىندا، مەن جۇڭگو كوممۋنيستىك پارتياسى ورتالىق كوميتەتى اتىنان بارلىق جۇڭگو كوممۋنيستىك پارتياسى مۇشەلەرىنە، بۇكىل ەلدەگى ءار ۇلت حالقىنا، ءارقايسى دەموكراتيالىق پارتيا - توپتارعا، ءارقايسى حالىقتىق ۇيىمدارعا جانە ءار سالاداعى وتانشىل قايراتكەرلەرگە، شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا جانە تايۋاندىق باۋىرلاستارعا، سونداي - اق قالىڭ چياۋباۋلارعا، جۇڭگونىڭ وسىزامانداندىرۋ قۇرىلىسىنا كوڭىل بولگەن جانە ونى قولداعان ءار ەلدەگى دوستارعا شىنايى العىس ايتامىن!

　　جاڭا داۋىردەگى 10 جىلدىق ۇلى وزگەرىس پارتيا تاريحىندا، جاڭا جۇڭگو تاريحىندا، رەفورمالاۋ، ەسىك اشۋ تاريحىندا، سوتسياليزمنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا بەلەستىك مانگە يە. 100 جىلدىق كۇرەس بارىسىن باسىپ وتكەن جۇڭگو كوممۋنيستىك پارتياسى توڭكەرىستىك شىڭدالۋ بارىسىندا ءتىپتى دە قۇدىرەتتى، قۋاتتى بولدى، پارتيانىڭ ساياسي باسشىلىق قابىلەتى، يدەيالىق جەتەكشىلىك قابىلەتى، بۇقارانى ۇيىمداستىرۋ قابىلەتى، قوعامدىق ۇندەۋ قابىلەتى كورنەكتى كۇشەيدى، پارتيا حالىق بۇقاراسىمەن باستان - اياق ەتەنە بايلانىسىن ساقتادى، جۇڭگو كوممۋنيستىك پارتياسى دۇنيە ءجۇزىنىڭ جاعدايىندا تەرەڭ وزگەرىستەر تۋىلىپ جاتقان تاريحي ۇردىستە باستان - اياق زامانانىڭ الدىڭعى لەگىندە ءجۇردى، ىشكى - سىرتقى حاۋىپ - قاتەرلەر مەن سىناقتارعا توتەپ بەرۋ تاريحي ۇردىسىندە باستان - اياق بۇكىل ەل حالقىنىڭ ارقا تىرەگىنە اينالدى، جۇڭگوشا سوتسياليزمگە تاباندى بولۋ جانە ونى دامىتۋ تاريحي ۇردىسىندە باستان - اياق قۇدىرەتتى باسشىلىق ۇيتقى بولدى. جۇڭگو حالقىنىڭ العا باسۋىنداعى قوزعاۋشى كۇش ونان ارى نىعايىپ، كۇرەسكەرلىك رۋحى ءتىپتى دە اسقاقتاپ، ءسوزسىز، جەڭىسكە جەتۋ سەنىمى اناعۇرلىم بەكەمدەلىپ، اناعۇرلىم كۇشتى تاريحي سانالىلىق پەن ىرىقتىلىق رۋحى تاسقىندادى، جۇڭگو كوممۋنيستىك پارتياسى مەن جۇڭگو حالقى جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى سەكىرۋىن بەرىك سەنىممەن ىلگەرىلەتۋدە. رەفورمالاۋ، ەسىك اشۋدى جانە سوتسياليستىك وسىزامانداندىرۋ قۇرىلىسىن ىشكەرىلەي ىلگەرىلەتىپ، ەكونوميكانىڭ تەز قارقىنمەن دامۋى جانە قوعامنىڭ ۇزاق ۋاقىت ورنىقتىلىعى سىندى ەكى ۇلكەن كەرەمەتتىڭ تىڭ داستانىن جازدى، ەلىمىزدىڭ دامۋى اناعۇرلىم مىعىم ماتەريالدىق نەگىزگە، اناعۇرلىم كەمەلدى تۇزىمدىك كەپىلدىككە يە بولىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇردىسكە قادام تاستادى. عىلمي سوتسياليزم 21 - عاسىرداعى جۇڭگودا قاۋلاعان تىڭ تىرشىلىك تىنىسىن تاسقىنداتىپ، جۇڭگو ۇلگىسىندەگى وسىزامانداندىرۋ ادامزاتتىڭ وسىزامانداندىرۋدى جۇزەگە اسىرۋىنا جاڭا تالعام ازىرلەدى، جۇڭگو كوممۋنيستىك پارتياسى مەن جۇڭگو حالقى ادامزات ءدوپ كەلىپ وتىرعان ورتاق ماسەلەلەردى شەشۋگە اناعۇرلىم كوپ، اناعۇرلىم جاقسى جۇڭگو اقىل - پاراساتىن، جۇڭگو جوباسىن، جۇڭگو قۋاتىن ازىرلەپ، ادامزاتتىڭ بەيبىتشىلىگى مەن دامۋى سىندى وسكەلەڭ ىسكە تىڭ دا اناعۇرلىم زور ۇلەس قوستى!

ەكىنشى، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ ءورىسىن اشۋ

　　ماركسيزم ءبىزدىڭ پارتيا قۇرۋداعى، مەملەكەت قۇرۋداعى، پارتيانى گۇلدەندىرۋدەگى، مەملەكەتتى گۇلدەندىرۋدەگى ءتۇبىرلى جەتەكشى يدەيامىز. اماليات بىزگە جۇڭگو كوممۋنيستىك پارتياسىنىڭ نەلىكتەن ىسكەر بولۋى، جۇڭگوشا سوتسياليزمنىڭ نەلىكتەن جاقسى بولۋى، سايىپ كەلگەندە، ماركسيزمنىڭ جارامدى بولۋىندا، جۇڭگوشالانعان، زامانالانعان ماركسيزمنىڭ جارامدى بولۋىندا ەكەندىگىن ۇعىندىردى. ماركسيزمدىك عىلمي نازاريانىڭ جەتەكشىلىگىنە يە بولۋ − پارتيامىزدىڭ سەنىمدى، ۇستانىمدى بەكەمدەۋىنىڭ، تاريحي ىرىقتىلىقتى يگەرۋىنىڭ ءتۇبىرلى تياناعى.

　　ماركسيزمنىڭ جۇڭگوشالانۋىن، زامانالانۋىن ىلگەرىلەتۋ اقيقاتقا تالپىنۋ، اقيقاتتى اشۋ، اقيقاتتى شىنايى اتقارۋ بارىسى بولىپ تابىلادى. پارتيا 18 - قۇرىلتايىنان بەرى، ەل ءىشى - سىرتى جاعدايىنداعى جاڭا وزگەرىستەر مەن امالياتتىق جاڭا تالاپتار ءبىزدىڭ پارتيا مەن مەملەكەت ىستەرىنىڭ دامۋىنا، پارتيانىڭ ەل باسقارۋىنا قاتىستى ءبىر قىدىرۋ كەلەلى داۋىرلىك تاقىرىپقا نازاريا مەن امالياتتى ۇشتاستىرۋ تۇرعىسىنان ىشكەرىلەي جاۋاپ بەرۋىمىزدى شۇعىل قاجەت ەتتى. پارتيامىز نازاريالىق ىزدەنىس جاساۋعا جانە وندا جاڭالىق اشۋعا باتىل بولىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمىن جاڭاشا كوز ايامەن تەرەڭدەتىپ، كەلەلى نازاريالىق جاڭا جەتىستىكتەرگە قول جەتكىزىپ، ونى جاڭا ءداۋىر جۇڭگوشا سوتسياليزم يدەياسىندا شوعىرلى بەينەلەدى. پارتيا 19 - قۇرىلتايىندا، 19 - كەزەكتى ورتالىق كوميتەتتىڭ التىنشى جالپى ماجىلىسىندە ورتاعا قويىلعان ”وندى ايقىنداۋ“، ”ون تورتكە تاباندى بولۋ“، ”ون ءۇش جاقتاعى تابىس“ وسى يدەيانىڭ باستى مازمۇندارىن جيناقتادى، وعان، ءسوز جوق، ۇزاق ۋاقىت تاباندى بولۋ ءارى ونى ۇزدىكسىز بايىتۋ، دامىتۋ كەرەك.

　　جۇڭگو كوممۋنيستەرى تەك ماركسيزمنىڭ نەگىزگى قاعيداسىن جۇڭگونىڭ ناقتى ءىس جۇزىندىگىمەن ۇشتاستىرىپ، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرىپ، ديالەكتيكالىق ماتەرياليزم مەن تاريحي ماتەرياليزمدى پايدالانۋعا تاباندى بولعاندا عانا، ءداۋىر مەن اماليات ورتاعا قويعان ەلەۋلى ماسەلەلەرگە دۇرىس جاۋاپ بەرۋگە بولاتىندىعىن، ماركسيزمنىڭ قاۋلاعان جالىنى مەن تاسقىنداعان ومىرشەڭدىك كۇشىن باستان - اياق ساقتاۋعا بولاتىندىعىن تەرەڭ تانىپ جەتتى.

　　ماركسيزمگە تاباندى بولۋدى جانە ونى دامىتۋدى، ءسوز جوق، جۇڭگونىڭ ناقتى ءىس جۇزىندىگىمەن ۇشتاستىرۋ كەرەك. ءبىز ماركسيزمدى جەتەكشى ەتۋگە تاباندى بولۋىمىز ونىڭ دۇنيەگە عىلمي كوزقاراسى مەن ادىستەمەسىنەن پايدالانىپ جۇڭگو ماسەلەسىن شەشۋ ءۇشىن بولۋى، ونىڭ ناقتى قورىتىندىلارى مەن ءسوز - سويلەمدەرىن جاتتاپ الۋ مەن قايتالاۋ ءۇشىن بولماۋى، ماركسيزمدى وزگەرمەيتىن دوگما ەتىپ الۋ ءتىپتى دە بولماۋى كەرەك. ءبىز، ءسوز جوق، يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن بىرگە العا باسۋعا، شىندىققا جۇگىنىپ، ناقتى ءىس ىستەۋگە تاباندى بولىپ، بارلىق ىستە ءىس جۇزىندىكتى شىعار ءتۇيىن ەتىپ، جاڭا داۋىردەگى رەفورمالاۋ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ ءىس جۇزىندىك ماسەلەلەرىن شەشۋدى كوزدە ۇستاپ، جۇڭگونىڭ سۇراعىنا، دۇنيە ءجۇزىنىڭ سۇراعىنا، حالىقتىڭ سۇراعىنا، ءداۋىردىڭ سۇراعىنا ۇزبەي جاۋاپ بەرىپ، جۇڭگونىڭ ءىس جۇزىندىگىنە جانە ءداۋىر تالابىنا ۇيلەسىمدى دۇرىس جاۋاپ بەرىپ، وبيەكتيۆ زاڭدىلىققا ۇيلەسەتىن عىلمي تانىم ورناتىپ، داۋىرمەن بىرگە العا باساتىن نازاريالىق جەتىستىكتەردى قالىپتاستىرىپ، جۇڭگونىڭ امالياتىنا اناعۇرلىم ويداعىداي جەتەكشىلىك ەتۋىمىز كەرەك.

　　ماركسيزمگە تاباندى بولۋدى جانە ونى دامىتۋدى، ءسوز جوق، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋ كەرەك. تەك ءوز وتانىنىڭ، ءوز ۇلتىنىڭ تاريحي مادەنيەتىنىڭ قۇنارلى القابىنا تەرەڭ تامىر تارتقاندا عانا، ماركسيزمدىك اقيقاتتىڭ الىپ بايتەرەگى تەرەڭگە تامىر تارتىپ، جاپىراق جايادى. جۇڭحۋانىڭ تاڭداۋلى ءداستۇرلى مادەنيەتى ۇزاقتان باستاۋ العان، ويى تەرەڭ، ءمانى مايەكتى، ول جۇڭحۋا وركەنيەتىنىڭ اقىل - پاراسات جاۋھارى، وندا قامتىلعان دۇنيە كوپكە ورتاق، حالىق مەملەكەتتىڭ نەگىزى، اكىمشىلىكتى مورالمەن جۇرگىزۋ، ەسكىلىكتى تاستاپ، جاڭالىققا كوشۋ، تەك دارىنىنا قاراپ مىندەتكە قويۋ، تابيعات پەن ادامنىڭ بىرلىگى، ءوزىن تىنباي قۇدىرەتتەندىرۋ، ءمورالدى دا قامتىمدى بولۋ، سەنىمدىلىكتى دارىپتەپ، بەرەكە ورناتۋ، جاقىنىنا مەيىرىمدى، كورشىمەن تاتۋ بولۋ سياقتىلار جۇڭگو حالقىنىڭ ۇزاق ۋاقىتتىق ءوندىرىس، تۇرمىس بارىسىندا جيناقتاعان عالام كوزقاراسىنىڭ، الەم كوزقاراسىنىڭ، قوعامدىق كوزقاراستىڭ، ءمورال كوزقاراسىنىڭ ماڭىزدى بەينەلەرى، بۇلار عىلمي سوتسياليستىك قۇن كوزقاراسى دارىپتەمەلەرىمەن جوعارى دەڭگەيدە ۇيلەسەدى. ءبىز تاريح سەنىمىن، مادەنيەت سەنىمىن، ءسوز جوق، بەكەمدەپ، ەرتەدەگىنى بۇگىنگىگە پايدالانۋعا، كونەنى تاستاپ، جاڭانى جارىققا شىعارۋعا تاباندى بولىپ، ماركسيزم يدەياسىنىڭ جاۋھارىن جۇڭحۋانىڭ تاڭداۋلى ءداستۇرلى مادەنيەتىنىڭ جاۋھارىمەن ۇشتاستىرىپ، حالىق بۇقاراسىنىڭ كۇندەلىكتى تۇرمىستا قولدانعانىمەن سەزىنە بەرمەيتىن ورتاق قۇن كوزقاراسىمەن توعىستىرىپ، عىلمي نازارياعا ۇزدىكسىز ايقىن جۇڭگوشا ەرەكشەلىك ۇستەپ، ماركسيزمنىڭ جۇڭگوشالانۋىنىڭ، زامانالانۋىنىڭ تاريحي نەگىزى مەن بۇقارالىق نەگىزىن ۇزدىكسىز بەكەمدەپ، ماركسيزمدى جۇڭگودا مىقتاپ تامىر تارتتىرۋىمىز كەرەك.

　　امالياتتىڭ توقتار شەگى بولمايدى، نازاريادا جاڭالىق اشۋدىڭ دا توقتار شەگى بولمايدى. ماركسيزمنىڭ جۇڭگوشالانۋىنىڭ، زامانالانۋىنىڭ جاڭا تاراۋىن ۇزدىكسىز جازۋ − زامانىمىزداعى جۇڭگو كوممۋنيستەرىنىڭ ايبىندى تاريحي جاۋاپكەرشىلىگى. اماليات نەگىزىندەگى نازاريالىق جاسامپازدىقتى ۇزدىكسىز ىلگەرىلەتۋدە، ەڭ اۋەلى، جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ادىستەمەسىن ويداعىداي يگەرىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولۋ جانە ودان ويداعىداي پايدالانۋ كەرەك.

　　− حالىقتى بارىنەن جوعارى قويۋعا، ءسوز جوق، تاباندى بولۋ كەرەك. حالىقتىق سيپات ماركسيزمنىڭ نەگىزگى قاسيەتى، پارتيانىڭ نازارياسى حالىقتان كەلگەن، حالىق ءۇشىن قىزمەت ەتەتىن، حالىقتى باقىتقا كەنەلتەتىن نازاريا، حالىقتىڭ جاسامپاز امالياتى نازاريادا جاڭالىق اشۋدىڭ سارقىلماس قاينارى. حالىقتان قول ۇزگەن نازاريا اتاۋلىنىڭ ءبارى قاۋقارسىز، حالىق ءۇشىن باقىت جاراتپاعان نازاريا اتاۋلىنىڭ بارىندە ومىرشەڭدىك بولمايدى. ءبىز حالىقتىق تۇرعىدا بەرىك تۇرىپ، حالىقتىڭ تىلەگىن يگەرىپ، حالىقتىڭ جاسامپازدىعىنا قۇرمەت ەتىپ، حالىقتىڭ اقىل - پاراساتىن شوعىرلاندىرىپ، حالىق ۇناتاتىن، مويىندايتىن، قولداناتىن نازاريانى قالىپتاستىرۋىمىز، ونى حالىقتىڭ دۇنيەنى تانۋى مەن دۇنيەنى وزگەرتۋىنىڭ قۇدىرەتتى يدەيالىق قارۋى ەتۋىمىز كەرەك.

　　 − سەنىمدى، دەربەس بولۋعا، ءسوز جوق، تاباندى بولۋ كەرەك. جۇڭگو حالقى مەن جۇڭحۋا ۇلتى تاياۋ زاماننان كەيىنگى اۋىر ازاپتى كۇندەردەن ۇلى گۇلدەنۋدىڭ نۇرلى بولاشاعىنا قادام تاستادى، ول جونىندە ەشقاشان وقۋلىق بولعان ەمەس، دايىن جاۋاپ ءتىپتى دە بولعان جوق. پارتيانىڭ 100 جىلدىق كۇرەسىنىڭ تابىستى جولىن پارتيا حالىققا باسشىلىق ەتىپ، دەربەس، وزىنە - ءوزى قوجايىن بولا وتىرىپ ىزدەنۋ ارقىلى اشقان، ماركسيزمنىڭ جۇڭگو تاراۋىن جۇڭگو كوممۋنيستەرى ءوز كۇشىنە سۇيەنىپ امالياتتان وتكىزگەن، وعان سىڭىرىلگەن ءبىر نەگىزگى ءتۇيىن − جۇڭگونىڭ ماسەلەسىن، ءسوز جوق، جۇڭگونىڭ نەگىزگى مەملەكەت جاعدايىن نەگىز ەتە وتىرىپ، جۇڭگولىقتاردىڭ ءوزى شەشۋى كەرەك. ءبىز ماركسيزمگە دەگەن بەرىك سەنىمگە، جۇڭگوشا سوتسياليزمگە دەگەن بەرىك سەنىمگە تاباندى بولىپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، اناعۇرلىم بەلسەندى تاريحي جاۋاپكەرشىلىك ارقالاۋمەن جانە جاسامپازدىق رۋحپەن ماركسيزمنىڭ دامۋىنا تىڭ ۇلەستەر قوسۋىمىز، ءبىر كورگەنىنەن جازباۋدان، توماعا - تۇيىق بولىپ، قاتىپ - سەمۋدەن اۋلاق بولۋمەن بىرگە، ءوز قالپىندا كوشىرۋدەن، ەلدەن العاندى قورىتپاۋدان دا اۋلاق بولۋىمىز كەرەك.

　　− تۋراشىلدىقتان اينىماي، جاڭالىق اشۋعا، ءسوز جوق، تاباندى بولۋ كەرەك. ءبىز بۇرىنعىلار ىستەپ كورمەگەن ۇلى ىسپەن شۇعىلدانىپ وتىرمىز، تۋراشىلدىقتان اينىماعاندا عانا باعداردان اداسپاۋعا، اۋدارىپ تاستاۋ سيپاتتى قاتەلىك وتكىزبەۋگە بولادى، جاڭالىق اشقاندا عانا ءداۋىردى يگەرۋگە، داۋىرگە جەتەكشىلىك ەتۋگە بولادى. ءبىز عىلىمعا عىلمي پوزيتسيامەن قاراپ، اقيقاتقا اقيقاتشىل رۋحپەن تالپىنىپ، ماركسيزمنىڭ نەگىزگى قاعيداسىنا مىزعىماي تاباندى بولىپ، پارتيانىڭ جاپپاي باسشىلىعىنا مىزعىماي تاباندى بولىپ، جۇڭگوشا سوتسياليزمگە مىزعىماي تاباندى بولىپ، ءداۋىردىڭ قادامىنا تىعىز ىلەسىپ، امالياتتىڭ دامۋىنا ۇيلەسىپ، جاڭا دۇنيە اتاۋلىعا قىزۋ ىنتامەن مامىلە جاساپ، تانىمدى ۇزدىكسىز ءورىس اشا كەڭەيتىپ جانە تەرەڭدەتىپ، بۇرىنعىلار ايتىپ كورمەگەن جاڭا سوزدەردى ايتۋعا باتىل بولىپ، بۇرىنعىلار ىستەپ كورمەگەن ىستەردى ىستەۋگە باتىل بولىپ، جاڭا نازاريا ارقىلى جاڭا امالياتقا جەتەكشىلىك ەتۋىمىز كەرەك.

　　− ماسەلەنى باعدار ەتۋگە، ءسوز جوق، تاباندى بولۋ كەرەك. ماسەلە − ءداۋىردىڭ ءۇنى، ماسەلەگە جاۋاپ بەرۋ جانە شەشۋگە جەتەكشىلىك ەتۋ − نازاريانىڭ ءتۇبىرلى مىندەتى. بۇگىن ءبىز ءدوپ كەلگەن ماسەلەلەردىڭ كۇردەلىلىك دارەجەسى، ماسەلەنى شەشۋدەگى جاپالىلىق دارەجەسى كورنەكتى كۇشەيىپ، نازاريادا جاڭالىق اشۋعا شىت جاڭا تالاپتار قويدى. ءبىز ماسەلە تانىمىن كۇشەيتىپ، نازاردى اماليات بارىسىندا كەزدەسكەن جاڭا ماسەلەلەرگە، رەفورما، دامۋ، ورنىقتىلىق بارىسىندا ساقتالىپ وتىرعان تەرەڭ قاتپارلى ماسەلەلەرگە، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىنە، حالىقارالىق وزگەرىس بارىسىنداعى ءىرى ماسەلەلەرگە، پارتيا قۇرىلىسىندا ءدوپ كەلگەن كورنەكتى ماسەلەلەرگە شوعىرلاندىرىپ، ماسەلەنى شىنايى شەشەتىن جاڭا ۇستانىمدى، جاڭا يدەيانى، جاڭا ءادىستى ۇزدىكسىز العا قويۋىمىز كەرەك.

　　− جۇيە كوزقاراسىنا، ءسوز جوق، تاباندى بولۋ كەرەك. بارشا عالام، كۇللى تىرشىلىك ءوزارا بايلانىستا بولىپ، ءبىر - بىرىنە سۇيەنىپ ءومىر سۇرەدى. ءىستى تەك جالپى بەتتىك بايلانىستى، جان - جاقتى جۇيەلى، دامىپ، وزگەرىپ وتىراتىن كوزقاراسپەن باقىلاعاندا عانا، ءىستىڭ دامۋ زاڭدىلىعىن يگەرۋگە بولادى. ەلىمىز وركەندەپ كەلە جاتقان ءىرى ەل، ءالى دە سوتسياليزمنىڭ العاشقى ساتىسىندا تۇر، كەڭ دە تەرەڭ قوعامدىق وزگەرىستەردى باستان كەشىرۋدە، رەفورمانى، دامۋدى ىلگەرىلەتۋ، مۇددە قاتىناستارىن رەتتەۋ ەكىنىڭ بىرىندە بىرەۋىن قوزعاساڭ بارلىعى قوزعالاتىن بايلانىستا. ءبىز تاريح ارقىلى قازىرگىنى باعامداۋعا، قۇبىلىس ارقىلى ءماندى بايقاۋعا شەبەر بولىپ، جالپى جاعداي مەن ءىشىنارا جاعدايدىڭ، كوز الداعى مەن ۇزاق بولاشاقتىڭ، ماكرو مەن ميكرونىڭ، باستى قايشىلىق پەن باستى ەمەس قايشىلىقتىڭ، ەرەكشە مەن ادەتتەگىنىڭ قاتىناسىن ويداعىداي يگەرىپ، ستراتەگيالىق وي جۇگىرتۋ، تاريحي وي جۇگىرتۋ، ديالەكتيكالىق وي جۇگىرتۋ، جۇيەلىك وي جۇگىرتۋ، جاڭالىق اشا وي جۇگىرتۋ، زاڭدىق وي جۇگىرتۋ، سوڭعى شەكتىك وي جۇگىرتۋ قابىلەتىن ۇزدىكسىز جوعارىلاتىپ، پارتيا مەن مەملەكەتتىڭ ءتۇرلى ىستەرىن كورەگەندىكپەن وي ەلەگىنەن وتكىزۋگە، جالپى جاعدايلىق تۇرعىدان جوسپارلاۋعا، تۇتاس تۇلعالىق جاقتان ىلگەرىلەتۋگە عىلمي يدەيالىق ءادىس ازىرلەۋىمىز كەرەك.

　　− دۇنيەگە كەڭ پەيىل بولۋعا، ءسوز جوق، تاباندى بولۋ كەرەك. جۇڭگو كوممۋنيستىك پارتياسى جۇڭگو حالقىن باقىتقا كەنەلتۋدى كوزدەيتىن، جۇڭحۋا ۇلتىنىڭ ۇلى گۇلدەنۋىن كوزدەيتىن پارتيا، ادامزاتتىڭ العا باسۋىن دا كوزدەيتىن، دۇنيە ءجۇزىنىڭ ۇلى بىرلىگىن دە كوزدەيتىن پارتيا. ءبىز الەمدىك كوز ايامىزدى كەڭەيتىپ، ادامزاتتىڭ دامۋ، العا باسۋ اۋقىمىنا كورەگەندىكپەن كوز جەتكىزىپ، ءار ەل حالقى جاپپاي كوڭىل ءبولىپ وتىرعان ماسەلەلەرگە بەلسەنە جاۋاپ قايتارىپ، ادامزات ءدوپ كەلگەن ورتاق ماسەلەلەردى شەشۋگە ۇلەس قوسىپ، ادامزاتتىڭ بارلىق تاڭداۋلى وركەنيەت جەتىستىكتەرىن دارقان كوڭىلدى باۋىرمالدىقپەن، كەڭ پەيىلدىلىكپەن اينا ەتىپ جانە ونى قابىلداپ، اناعۇرلىم كوركەم دۇنيە قۇرۋدى ىلگەرىلەتۋىمىز كەرەك.

ءۇشىنشى، جاڭا داۋىردەگى جاڭا جورىقتاعى جۇڭگو كوممۋنيستىك پارتياسىنىڭ بورىشى مەن مىندەتى

　　قازىردەن باستاپ، جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ.

　　جاڭا جۇڭگو قۇرىلعاننان، وتە - موتە، رەفورمالاۋ، ەسىك اشۋدان بەرى ۇزاق ۋاقىتتىق ىزدەنۋ جانە امالياتتان وتكىزۋ نەگىزىندە، پارتيا 18 - قۇرىلتايىنان بەرى نازاريا مەن اماليات جاعىندا جاڭالىق اشۋ، تابىسقا جەتۋ ارقىلى پارتيامىز جۇڭگو ۇلگىسىندەگى وسىزامانداندىرۋدى تابىستى ىلگەرىلەتتى جانە كەڭەيتتى.

　　جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزامانداندىرۋ، وندا ءار ەلدىڭ وسىزاماندانۋىنداعى ورتاق ەرەكشەلىك بولۋمەن قاتار، ءوز مەملەكەتىمىزدىڭ جاعدايىن نەگىز ەتكەن جۇڭگوشا ەرەكشەلىك تە بار.

　　− جۇڭگو ۇلگىسىندەگى وسىزامانداندىرۋ − حالىق سانى وراسان زور كولەمدەگى وسىزامانداندىرۋ. ەلىمىزدەگى ءبىر ميلليارد 400 ميلليوننان استام حالىقتىڭ تۇتاس تۇلعا بويىنشا وسىزاماندانعان قوعامعا اياق باسۋى، كولەمى قازىرگى وركەندەگەن ەلدەردىڭ حالىقتار سانىنىڭ قوسىندىسىنان اسىپ تۇسەدى، جاپالىلىعى مەن كۇردەلىلىگى بۇرىن بولماعان دارەجەدە، دامۋ جولى مەن ىلگەرىلەتۋ ءتاسىلى دە، ءسوز جوق، وزىنە ءتان ەرەكشەلىككە يە. ءبىز قاي - قاشان دا مەملەكەت جاعدايىن شىعار ءتۇيىن ەتە وتىرىپ ماسەلەگە وي جۇگىرتۋىمىز، شەشىم جاساۋىمىز، ءىس ىستەۋىمىز كەرەك، ورە جەتپەسكە وزەلەنبەي، ەسكى سۇرلەۋگە جارماسىپ تا الماي، تاريحي سابىرلىلىقتى ساقتاپ، ورنىقتىلىق بارىسىندا ىلگەرىلەۋگە، بىرتىندەپ ىلگەرىلەتۋگە، ۇزدىكسىز ىلگەرىلەتۋگە تاباندى بولۋىمىز كەرەك.

　　− جۇڭگو ۇلگىسىندەگى وسىزامانداندىرۋ − جالپى حالىق بىرگە باييتىن وسىزامانداندىرۋ. بىرگە بايۋ جۇڭگوشا سوتسياليزمنىڭ ماندىك تالابى ءارى ۇزاق ۋاقىتتىق تاريحي بارىس. ءبىز حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋدى وسىزامانداندىرۋ قۇرىلىسىنىڭ شىعار ءتۇيىنى مەن تابان تىرەر تياناعى ەتۋگە تاباندى بولىپ، قوعامدىق ادىلدىكتى، تۋراشىلدىقتى كۇش سالا قورعاپ، جالپى حالىقتىڭ بىرگە بايۋىن كۇش سالا جەبەپ، ەكى ۇيەككە ءبولىنىپ قالۋىنان باتىل ساقتانۋىمىز كەرەك.

　　− جۇڭگو ۇلگىسىندەگى وسىزامانداندىرۋ − ماتەريالدىق وركەنيەت پەن رۋحاني وركەنيەتتى ءوزارا سايكەستىرەتىن وسىزامانداندىرۋ. زاتتىق ماتەريال جەتكىلىكتى، رۋح باي بولۋ سوتسياليستىك وسىزاماندانۋدىڭ ءتۇبىرلى تالابى. زاتتىق كەدەيلىك سوتسياليزم ەمەس، رۋحاني كىرىپتارلىق تا سوتسياليزم ەمەس. ءبىز وسىزاماندانۋدىڭ زاتتىق نەگىزىن ۇزدىكسىز مولايتىپ، حالىقتىڭ باقىتتى تۇرمىسىنىڭ زاتتىق شارت - جاعدايىن ۇزدىكسىز بەكەمدەۋمەن بىرگە، سوتسياليستىك وزىق مادەنيەتتى زور كۇشپەن دامىتىپ، مۇرات - سەنىم تاربيەسىن كۇشەيتىپ، جۇڭحۋا وركەنيەتىن جالعاستىرىپ، زاتتىڭ جالپى بەتتىك مولايۋى مەن ادامنىڭ جان - جاقتى دامۋىن جەبەۋىمىز كەرەك.

　　− جۇڭگو ۇلگىسىندەگى وسىزامانداندىرۋ − ادام مەن تابيعات جاراسىمدى قاتار ءومىر سۇرەتىن وسىزامانداندىرۋ. ادام مەن تابيعات − تىرشىلىك ورتاق تۇلعاسى، تابيعاتتان تويىمسىزدىقپەن الا بەرسەڭ، ءتىپتى، تابيعاتتى بۇلدىرسەڭ، ءسوز جوق، ۇلى تابيعات ەسەسىن قايتارادى. ءبىز باياندى دامۋعا تاباندى بولىپ، ۇنەمشىلدىكتى الدىنا قويۋ، قورعاۋدى الدىنا قويۋ، تابيعي قالپىنا كەلۋدى نەگىز ەتۋ باعىتىنا تاباندى بولىپ، تابيعات پەن ەكولوگيالىق ورتانى كوز قاراشىعىمىزداي قورعاپ، ءوندىرىسى دامىعان، تۇرمىسى باي، ەكولوگياسى تاماشا وركەنيەتتى دامۋ جولىمەن تاباندىلىقپەن ءجۇرىپ، جۇڭحۋا ۇلتىنىڭ ماڭگى جالعاسىپ دامۋىن جۇزەگە اسىرۋىمىز كەرەك.

　　− جۇڭگو ۇلگىسىندەگى وسىزامانداندىرۋ − بەيبىت دامۋ جولىمەن جۇرەتىن وسىزامانداندىرۋ. ەلىمىز كەيبىر ەلدەردىڭ سوعىس، وتارلاۋ، بۇلاپ - تالاۋ سياقتى تاسىلمەن وسىزاماندانۋدى جۇزەگە اسىرعان كونە جولىمەن جۇرمەيدى، ونداي باسقانى ويرانداپ، وزىنە پايدا تۇسىرەتىن، قانعا تولى سۇرقيا كونە جول قالىڭ وركەندەپ كەلە جاتقان ەلدەردىڭ حالىقتارىنا اۋىر زۇلىمات الا كەلدى. ءبىز تاريحتىڭ دۇرىس جاعىندا، ادامزات وركەنيەتىنىڭ العا باسۋ جاعىندا بەرىك تۇرىپ، بەيبىتشىلىك، دامۋ، سەلبەستىك، بىرگە يگىلىكتەنۋ تۋىن بيىك ۇستاپ، دۇنيە ءجۇزىنىڭ بەيبىتشىلىگى مەن دامۋىن باتىلدىقپەن قورعاۋ بارىسىندا ءوزىمىزدى دامىتۋعا تالپىنىپ، ءوز دامۋىمىز ارقىلى دا دۇنيە ءجۇزىنىڭ بەيبىتشىلىگى مەن دامۋىن اناعۇرلىم جاقسى قورعاۋىمىز كەرەك.

　　جۇڭگو ۇلگىسىندەگى وسىزامانداندىرۋدىڭ ماندىك تالابى: جۇڭگو كوممۋنيستىك پارتياسىنىڭ باسشىلىعىنا تاباندى بولۋ، جۇڭگوشا سوتسياليزمگە تاباندى بولۋ، جوعارى ساپالى دامۋدى جۇزەگە اسىرۋ، جالپى بارىستىق حالىق دەموكراتياسىن دامىتۋ، حالىقتىڭ رۋحاني الەمىن بايىتۋ، جالپى حالىقتىڭ بىرگە بايۋىن جۇزەگە اسىرۋ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋ، ادامزات وركەنيەتىنىڭ جاڭا فورماتسياسىن جاراتۋ.

　　جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدىڭ جالپى ستراتەگيالىق ورنالاستىرۋى − ەكى باسقىشقا ءبولىپ ءجۇرۋ: 2020 - جىلدان 2035 - جىلعا دەيىن سوتسياليستىك وسىزامانداندىرۋدى، نەگىزىنەن، جۇزەگە اسىرۋ؛ 2035 - جىلدان وسى عاسىردىڭ ورتاسىنا دەيىن ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ.

　　ەلىمىز دامۋىنىڭ 2035 - جىلعا بارعانداعى جالپى تۇلعالىق نىساناسى: ەكونوميكالىق قۋاتتى، عىلىم - تەحنيكالىق قۋاتتى، مەملەكەتتىڭ جالپىلىق قۋاتىن بارىنشا كۇشەيتىپ، جان باسىندىق ىشكى ءوندىرىستىڭ جالپى قۇنىن تىڭ دا جوعارى ساتىعا كوتەرىپ، ورتاشا دامىعان ەلدەردىڭ دەڭگەيىنە جەتۋ؛ جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرىپ، جاڭاشىل ەلدەردىڭ الدىڭعى قاتارىنا ءوتۋ؛ وسىزاماندانعان ەكونوميكالىق جۇيەنى ورناتىپ، جاڭا دامۋ ارناسىن قالىپتاستىرىپ، جاڭاشا ونەركاسىپتەنۋ، ينفورماتسيالانۋ، قالا - قالاشىقتانۋ، اۋىل شارۋاشىلىعىنىڭ وسىزاماندانۋىن نەگىزىنەن جۇزەگە اسىرۋ؛ مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى نەگىزىنەن جۇزەگە اسىرىپ، جالپى بارىستىق حالىق دەموكراتياسى ءتۇزىمىن اناعۇرلىم كەمەلدەندىرىپ، زاڭمەن باسقارىلاتىن مەملەكەتتى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى نەگىزىنەن قۇرىپ شىعۋ؛ وقۋ - اعارتۋ جاعىنداعى قۇدىرەتتى مەملەكەتتى، عىلىم - تەحنيكا جاعىنداعى قۇدىرەتتى مەملەكەتتى، دارىندىلار جاعىنداعى قۇدىرەتتى مەملەكەتتى، مادەنيەت جاعىنداعى قۇدىرەتتى مەملەكەتتى، دەنە تاربيە جاعىنداعى قۇدىرەتتى مەملەكەتتى، سالاماتتى جۇڭگونى قۇرىپ شىعىپ، مەملەكەتتىڭ مادەنيەت جۇمساق كۇشىن كورنەكتى نىعايتۋ؛ حالىقتى اناعۇرلىم باقىتتى، تاماشا تۇرمىسقا كەنەلتىپ، تۇرعىنداردىڭ جان باسىندىق قولداعى ورتاشا كىرىسىن تاعى دا تىڭ ساتىعا كوتەرىپ، ورتاشا كىرىستەگى قاۋىمنىڭ سالىستىرماسىن كورنەكتى جوعارىلاتىپ، نەگىزگى الەۋمەتتىك قىزمەت وتەۋدىڭ بىركەلكىلىگىن جۇزەگە اسىرىپ، اۋىل - قىستاقتا وسى زامانعى تۇرمىس شارت - جاعدايىن نەگىزىنەن ازىرلەپ، قوعامنىڭ ۇزاق ۋاقىت ورنىقتىلىعىن ساقتاپ، ادامنىڭ جان - جاقتى جەتىلۋى، جالپى حالىقتىڭ بىرگە بايۋى جاعىندا اناعۇرلىم كورنەكتى ماندىك ىلگەرىلەۋشىلىككە قول جەتكىزۋ؛ جاسىل ءوندىرىس، تۇرمىس ءتاسىلىن كەڭ كولەمدە قالىپتاستىرىپ، كومىر قىشقىل گازىن شىعارۋ مولشەرىن بەلگىلەنگەن وركەش مانىنە جەتكەننەن كەيىن ورنىقتىلىق بارىسىندا تومەندەتىپ، ەكولوگيالىق ورتانى تۇبىرىنەن جاقسارتىپ، كورىكتى جۇڭگو نىساناسىن نەگىزىنەن جۇزەگە اسىرۋ؛ مەملەكەت حاۋىپسىزدىگى جۇيەسى مەن قابىلەتىن جاپپاي كۇشەيتىپ، مەملەكەت قورعانىسى مەن ارميانى وسىزامانداندىرۋدى نەگىزىنەن جۇزەگە اسىرۋ.

　　وسىزامانداندىرۋدى نەگىزىنەن جۇزەگە اسىرۋ نەگىزىندە، ءبىز ۇزدىكسىز كۇرەس جۇرگىزىپ، وسى عاسىردىڭ ورتاسىنا بارعاندا، ەلىمىزدى جالپىلىق مەملەكەت قۋاتى مەن حالىقاراداعى ىقپال كۇشى جاعىنان كوش باستايتىن سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعۋىمىز كەرەك.

　　الداعى 5 جىل جاپپاي سوتسياليستىك وسىزاماندانعان مەملەكەت قۇرۋ باسقىشىنا قادام تاستايتىن شەشۋشى مەزگىل، ونداعى باستى مىندەتتەر مىنالار: ەكونوميكانىڭ جوعارى ساپالى دامۋىندا تىڭ سەرپىلىسكە قول جەتكىزۋ، عىلىم - تەحنيكادا ءوزىن الۋەتتەندىرۋ، ءوزىن كۇشەيتۋ قابىلەتىن كورنەكتى جوعارىلاتۋ، جاڭا دامۋ ارناسىن قالىپتاستىرۋدا جانە وسىزاماندانعان ەكونوميكالىق جۇيە قۇرۋدا ەلەۋلى ىلگەرىلەۋشىلىككە قول جەتكىزۋ؛ رەفورمالاۋ، ەسىك اشۋدا تىڭ قادامدار باسۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىشكەرىلەي ىلگەرىلەتۋ، سوتسياليستىك بازار شارۋاشىلىعى ءتۇزىمىن ءتىپتى دە كەمەلدەندىرىپ، اناعۇرلىم جوعارى ورەدەگى اشىق ەكونوميكالىق جاڭا ءتۇزىلىستى نەگىزىنەن قالىپتاستىرۋ؛ جالپى بارىستىق حالىق دەموكراتياسىنىڭ تۇزىمدەنۋ، ولشەمدەنۋ، تارتىپتەنۋ ورەسىن ونان ارى جوعارىلاتىپ، جۇڭگوشا سوتسياليستىك زاڭمەن باسقارۋ جۇيەسىن ءتىپتى دە كەمەلدەندىرۋ؛ حالىقتىڭ رۋحاني مادەني تۇرمىسىن ءتىپتى دە بايىتىپ، جۇڭحۋا ۇلتىنىڭ ۇيىسۋ كۇشى مەن جۇڭحۋا مادەنيەتىنىڭ ىقپال كۇشىن ۇزدىكسىز كۇشەيتۋ؛ تۇرعىنداردىڭ كىرىسىنىڭ ارتۋى مەن ەكونوميكالىق ارتۋدى نەگىزىنەن بىردەيلەستىرۋ، ەڭبەكاقىنىڭ جوعارىلاۋى مەن ەڭبەك ءوندىرىس مولشەرىنىڭ ارتۋىن نەگىزىنەن بىردەيلەستىرۋ، نەگىزگى الەۋمەتتىك قىزمەت وتەۋدىڭ بىركەلكىلەنۋ ورەسىن ايقىن جوعارىلاتۋ، كوپ ساتىلى قوعامدىق قامتاماسىزدىق جۇيەسىن ءتىپتى دە اقاۋسىزداندىرۋ؛ قالا مەن اۋىلدىڭ قونىس ورتاسىن كورنەكتى جاقسارتۋ، كورىكتى جۇڭگو قۇرىلىسىنىڭ ونىمدىلىگىن كورنەكتىلەندىرۋ؛ مەملەكەت حاۋىپسىزدىگىن ءتىپتى دە بەكەمدەپ، ارميا قۇرىلعاندىعىنىڭ 100 جىلدىعى كۇرەس نىساناسىن ۋاعىندا جۇزەگە اسىرۋ، تىنىش - امان جۇڭگو قۇرىلىسىن تىڭعىلىقتى ىلگەرىلەتۋ؛ جۇڭگونىڭ حالىقاراداعى ورنى مەن ىقپالىن ونان ارى جوعارىلاتىپ، الەمدىك جونگە سالۋداعى اناعۇرلىم زور رولىن ساۋلەلەندىرۋ.

　　جاپپاي سوتسياليستىك وسىزاماندانعان مەملەكەت قۇرۋ − ۇلى دا جاپالى ءىس، بولاشاعى جارقىن، مىندەت اۋىر، جول الىس. قازىر دۇنيە جۇزىندە 100 جىلدا بولماعان زور وزگەرىس تەز قۇبىلۋدا، جاڭا كەزەك عىلىم - تەحنيكا توڭكەرىسى مەن كاسىپ وزگەرىسى ىشكەرىلەي دامىپ، حالىقاراداعى كۇشتەردىڭ سالىستىرماسى تەرەڭدەي رەتتەلۋدە، ەلىمىزدىڭ دامۋى جاڭا ستراتەگيالىق ورايعا ءدوپ كەلدى. سونىمەن بىرگە، عاسىرلىق ىندەتتىڭ ىقپالى تەرەڭدەپ، جاھاندانۋعا قارسى نىساي باس كوتەرىپ، سىڭار جاقتىلىق، قورعانىمپازدىق ايقىن جوعارىلاپ، دۇنيە ءجۇزى ەكونوميكاسىنىڭ جاندانۋى دارمەنسىزدەنىپ، ءىشىنارالىق قاقتىعىس پەن الاساپىراندىق ءجيى تۋىلىپ، الەمدىك ماسەلە ۋشىعىپ، دۇنيە ءجۇزى جاڭا الاساپىراندىق وزگەرىس مەزگىلىنە ءوتتى. ەلىمىزدىڭ رەفورمادا، دامۋدا، ورنىقتىلىقتا ءدوپ كەلگەن كوپتەگەن تەرەڭ قاتپارلى قايشىلىقتارىنان تايساۋعا، اينالىپ وتۋگە كەلمەيدى، پارتيا قۇرىلىسىندا، اسىرەسە، پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسى كوپتەگەن قيىن، ءجيى تۋىلاتىن ماسەلەلەرگە ءدوپ كەلدى، سىرتقى جاقتان كەلگەن قىسىم ءتۇسىرۋ، شاۋجايلاۋ كەز كەلگەن ۋاقىتتا كۇشەيۋى مۇمكىن. ەلىمىزدىڭ دامۋى ستراتەگيالىق وراي مەن حاۋىپ - قاتەر، سىن - سايىستار قاتار ءومىر سۇرگەن، تۇراقسىز، مەجەلەۋ قيىن فاكتورلار كوبەيگەن داۋىرگە قادام تاستادى، ءتۇرلى ”قاراقۋ“، ”سۇرى ءمۇيىزتۇمسىق“ ۋاقيعالارى كەز كەلگەن ۋاقىتتا تۋىلۋى مۇمكىن. ءبىز، ءسوز جوق، تاۋقىمەت تانىمىن كۇشەيتىپ، سوڭعى شەكتىك وي جۇگىرتۋگە تاباندى بولىپ، زەينەتتى كۇندە بەينەتتى كۇننىڭ بولارىن ويلاپ، كۇن ىلگەرى قامدانىپ، اساۋ تولقىنداردىڭ، ءتىپتى، داۋىلدى تولقىنداردىڭ اۋىر سىناعىنان وتۋگە ءازىر تۇرۋىمىز كەرەك. العا باسۋ جولىندا مىناداي كەلەلى پرينسيپتەردى، ءسوز جوق، مىقتى يگەرۋىمىز كەرەك.

　　− پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ. پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا باسشىلىعىن پارتيا مەن مەملەكەت ىستەرىنىڭ ءارقايسى سالاسىندا، ءارقايسى جاعىندا، ءارقايسى بۋىنىندا تياناقتاندىرىپ، پارتيانى باستان - اياق جالپى حالىقتىڭ قيىن كۇندەرگە تاپ بولعان كەزدەگى ەڭ سەنىمدى ارقا تىرەگىنە اينالدىرىپ، ەلىمىزدىڭ سوتسياليستىك وسىزامانداندىرۋ قۇرىلىسىنىڭ دۇرىس باعدارىنا شىنايى كەپىلدىك ەتىپ، ىنتىماقتاسا كۇرەس جۇرگىزەتىن قۋاتتى ساياسي ۇيىسۋ كۇشىنە، دامۋ سەنىمىنە يە بولۋىنا شىنايى كەپىلدىك ەتىپ، جالپى جۇرت ءبىر نيەتتە بولىپ، تىزە قوسا ۋاقىتتىق قيىنشىلىقتى جەڭۋدىڭ تەلەگەي كۇشىن ۇيىستىرۋ.

　　− جۇڭگوشا سوتسياليزم جولىنا تاباندى بولۋ. ەكونوميكالىق قۇرىلىستى وزەك ەتۋگە تاباندى بولىپ، ءتورت نەگىزگى پرينسيپكە تاباندى بولىپ، رەفورمالاۋ، ەسىك اشۋعا تاباندى بولىپ، دەربەس، ءوز كۇشىنە سۇيەنۋگە، ءوز كۇنىن ءوزى كورۋگە تاباندى بولىپ، جولدى وزگەرتپەۋگە، مۇراتتى وزگەرتپەۋگە تاباندى بولىپ، تۇيىققا تىرەيتىن كونە سۇردەكپەن دە جۇرمەي، باعداردان اداستىراتىن تەرىس جولعا دا تۇسپەي، مەملەكەت پەن ۇلتتى دامىتۋدا ءوز كۇشىمىزدى تياناق ەتۋگە تاباندى بولىپ، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ ۇستاۋعا تاباندى بولۋ.

　　− حالىقتى وزەك ەتكەن دامۋ يدەياسىنا تاباندى بولۋ. حالىقتىڭ ءتۇبىرلى مۇددەسىن قورعاپ، حالىقتىڭ قۇت - ىرىسىن ارتتىرىپ، حالىق ءۇشىن دامۋدى، دامۋدا حالىققا سۇيەنۋدى، دامۋ جەتىستىكتەرىنەن حالىقتى تەڭ يگىلىكتەندىرۋدى ۇزدىكسىز جۇزەگە اسىرىپ، جالپى حالىقتى وسىزامانداندىرۋ قۇرىلىسىنىڭ جەتىستىكتەرىنەن اناعۇرلىم كوپ، اناعۇرلىم ءادىل يگىلىكتەندىرۋ.

　　− رەفورمالاۋ، ەسىك اشۋدى تەرەڭدەتۋگە تاباندى بولۋ. رەفورما جاساۋدى، جاڭالىق اشۋدى ىشكەرىلەي ىلگەرىلەتىپ، ەسىك اشۋدى بۇلجىماستان كەڭەيتىپ، تەرەڭ قاتپارلى ءتۇزىلىس - مەحانيزمدىك كەدەرگىلەردى كۇش سالا الاستاپ، جۇڭگوشا سوتسياليستىك ءتۇزىمنىڭ ابزالدىلىعىن ۇزدىكسىز ايگىلەپ، سوتسياليستىك وسىزامانداندىرۋ قۇرىلىسىنىڭ قوزعاۋشى كۇشى مەن ومىرشەڭدىگىن ۇزدىكسىز نىعايتىپ، ەلىمىزدىڭ ءتۇزىم ابزالدىلىعىن مەملەكەتتى باسقارۋ ونىمدىلىگىنە اناعۇرلىم ويداعىداي اينالدىرۋ.

　　− كۇرەسكەرلىك رۋحتى ساۋلەلەندىرۋگە تاباندى بولۋ. بۇكىل پارتيانىڭ، بۇكىل ەلدەگى ءار ۇلت حالقىنىڭ جىگەرىن، نامىسىن، قايراتىن نىعايتىپ، زۇلىم كۇشكە سەنبەي، سۇرقيا كۇشتەن قورىقپاي، قىسىمنان جاسقانباي، قيىندىقتارعا قارسى اتتانىپ، قيىنشىلىقتاردان تايسالماي، دامۋ مەن حاۋىپسىزدىكتى ءبىر تۇتاس جوسپارلاپ، العا باسۋ جولىنداعى ءتۇرلى قيىنشىلىق پەن سىن - سايىستى كۇش سالا جەڭىپ، قايسارلىقپەن كۇرەس جۇرگىزۋ ارقىلى ىستەرىمىزدىڭ دامۋىنا تىڭ ءورىس اشۋ.

　　جولداستار! بۇگىن ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن دە اناعۇرلىم جاقىنداي تۇستىك، مۇنى جۇزەگە اسىرۋعا سەنىمىمىز ءتىپتى دە كامىل جانە قۋاتىمىز دا قاپتال جەتەدى، سونداي - اق، ءسوز جوق، اناعۇرلىم اۋىر، اناعۇرلىم جاپالى قۇلشىنىس كورسەتۋگە دايىندالۋىمىز كەرەك. بۇكىل پارتيا، ءسوز جوق، سەنىمدى بەكەمدەپ، قايراتتانا العا ۇمتىلىپ، ىرىقتىلىقپەن وزگەرىستى تانىپ، وزگەرىسكە توتەپ بەرىپ، وزگەرىسكە ۇمتىلىپ، حاۋىپ - قاتەردەن ىرىقتىلىقپەن ساقتانىپ جانە ونى جويىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە ۇزدىكسىز قول جەتكىزۋ كەرەك!

ءتورتىنشى، جاڭا دامۋ جاعدايىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتۋ

　　جوعارى ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى. دامۋ − پارتيانىڭ بيلىك جۇرگىزىپ، مەملەكەتتى كوركەيتۋدەگى ماڭداي الدى ماڭىزدى مىندەتى. بەرىك ماتەريالدىق تەحنيكا نەگىزى بولماسا، جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋ مۇمكىن ەمەس. جاڭا دامۋ ۇستانىمىن، ءسوز جوق، تولىق، ءدال، جالپى بەتتىك دايەكتىلەندىرىپ، سوتسياليستىك بازار شارۋاشىلىعىنىڭ رەفورما بەتالىسىنان جازباي، جوعارى دەڭگەيدەگى سىرتقا ەسىك اشۋعا تاباندى بولىپ، ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى جانە حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ جاعدايىن جەدەل قالىپتاستىرۋ كەرەك.

　　ءبىز جوعارى ساپالى دامۋدى ىلگەرىلەتۋدى نەگىزگى تاقىرىپ ەتۋگە تاباندى بولىپ، ىشكى سۇرانىمدى ۇلعايتۋ ستراتەگياسىن اتقارۋدى ۇسىنىم جاعىنداعى قۇرىلىمدىق رەفورمانى تەرەڭدەتۋمەن ورگانيكالى ۇشتاستىرىپ، ەل ءىشى ۇلكەن اينالىمىنىڭ ىشكى قوزعاۋشى كۇشى مەن سەنىمدىلىگىن ارتتىرىپ، حالىقارالىق اينالىمنىڭ ساپاسى مەن دەڭگەيىن جوعارىلاتىپ، وسىزاماندانعان ەكونوميكالىق جۇيەنى جەدەل ورناتىپ، تولىق فاكتورلى ءوندىرىس ونىمدىلىگىن كۇش سالا ارتتىرىپ، شارۋاشىلىق تىزبەگىنىڭ، ۇسىنىم تىزبەگىنىڭ سەرپىمدىلىك جانە حاۋىپسىزدىك دەڭگەيىن كۇش سالا جوعارىلاتىپ، قالا مەن اۋىلدىڭ توعىسا دامۋى مەن وڭىرلىك سايكەسە دامۋىن كۇش سالا ىلگەرىلەتىپ، ەكونوميكانىڭ ساپاسىنىڭ ءونىمدى جوعارىلاۋىن جانە مولشەرىنىڭ ۇيلەسىمدى ارتۋىن جۇزەگە اسىرۋدى ىلگەرىلەتۋىمىز كەرەك.

(1) جوعارى دەڭگەيدەگى سوتسياليستىك بازار ەكونوميكاسى ءتۇزىلىسىن ورناتۋ.

 سوتسياليستىك نەگىزگى ەكونوميكالىق تۇزىمگە تاباندى بولىپ جانە ونى كەمەلدەندىرىپ، جالپىلىق مەنشىكتەگى شارۋاشىلىقتى تاباندىلىقپەن بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا تاباندىلىقپەن دەم بەرىپ، قولداۋ كورسەتىپ، جەتەكشىلىك ەتىپ، بازاردىڭ بايلىقتى ىڭعايلاۋداعى شەشۋشى رولىن تولىق ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرۋ. مەملەكەت مەنشىگىندەگى كاپيتال، مەملەكەت مەنشىگىندەگى كاسىپورىندار رەفورماسىن تەرەڭدەتىپ، مەملەكەت مەنشىگىندەگى شارۋاشىلىقتىڭ ورنالاسۋىن ساپالىلاندىرۋدى جانە قۇرىلىمىن رەتتەۋدى تەزدەتىپ، مەملەكەت مەنشىگىندەگى كاپيتال مەن مەملەكەت مەنشىگىندەگى كاسىپورىنداردىڭ الۋەتتەنۋىن، ساپالىلانۋىن، زورايۋىن ىلگەرىلەتىپ، كاسىپورىنداردىڭ وزەكتى باسەكەلىك قۋاتىن جوعارىلاتۋ. حالىقتىق كاسىپورىنداردىڭ دامۋ ورتاسىن ساپالىلاندىرىپ، حالىقتىق كاسىپورىنداردىڭ مال - مۇلىك ۇقىعىن جانە كاسىپكەرلەردىڭ ۇقىق - مۇددەسىن زاڭ بويىنشا قورعاپ، حالىقتىق شارۋاشىلىقتىڭ دامۋىن، زورايۋىن جەبەۋ. جۇڭگوشا وسى زامانعى كاسىپورىن ءتۇزىمىن كەمەلدەندىرىپ، كاسىپكەرلەر رۋحىن اسقاقتاتىپ، دۇنيە جۇزىندەگى بىرەگەي كاسىپورىنداردى جەدەل قۇرۋ. ورتا، شاعىن، ۇساق كاسىپورىنداردىڭ دامۋىن قولداۋ. اكىمشىلىكتى ىقشامداپ، ۇقىقتى تومەنگە بەرۋ، ۇقىقتى تومەنگە بەرۋدى باسقارۋمەن ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتۋ. بۇكىل ەل بويىنشا ءبىر تۇتاس ءىرى بازار قۇرىپ، فاكتورلاردى بازارلاندىرۋ رەفورماسىن تەرەڭدەتىپ، جوعارى ولشەمدى بازار جۇيەسىن قۇرۋ. مال - مۇلىك ۇقىعىن قورعاۋ، بازارعا كىرۋ رۇقساتى، ءادىل باسەكە، قوعامدىق سەنىمدىلىك سياقتى بازار ەكونوميكاسى نەگىزدىك ءتۇزىمىن كەمەلدەندىرىپ، شارۋاشىلىق - ساۋدا ورتاسىن ساپالىلاندىرۋ. ماكرولىق ەكونوميكانى باسقارۋ جۇيەسىن اقاۋسىزداندىرىپ، مەملەكەتتىڭ دامۋ جوباسىنىڭ ستراتەگيالىق جەتەكشىلىك رولىن ساۋلەلەندىرىپ، قازىنا ساياساتى مەن اقشا ساياساتىنىڭ سايكەسۋىن، ۇيلەسۋىن كۇشەيتىپ، ىشكى سۇرانىستى كۇش سالا ۇلعايتىپ، تۇتىنۋدىڭ ەكونوميكالىق دامۋعا بولعان نەگىزدىك رولىن جانە قارجى قوسۋدىڭ قامداۋ جاعىنداعى قۇرىلىمدى ساپالىلاندىرۋداعى شەشۋشى رولىن كۇشەيتۋ. وسى زامانعى مەجە ەسەپ ءتۇزىمىن اقاۋسىزداندىرىپ، سالىق ءتۇزىمى قۇرىلىمىن ساپالىلاندىرىپ، قازىنادان وتكەرمەلەپ تولەۋ جۇيەسىن كەمەلدەندىرۋ. فينانس ءتۇزىلىسى رەفورماسىن تەرەڭدەتىپ، وسى زامانعى ورتالىق بانكە ءتۇزىمىن ورناتىپ، وسى زامانعى فينانستىق باقىلاۋ - باسقارۋدى كۇشەيتىپ جانە كەمەلدەندىرىپ، فينانستىڭ ورنىقتىلىعىن قامتاسىز ەتۋ جۇيەسىن كۇشەيتىپ، ءتۇرلى فينانستىق قيمىلداردى تۇگەلدەي زاڭ بويىنشا باقىلاۋ - باسقارۋعا ەنگىزىپ، جۇيەلىك حاۋىپ - قاتەر تۋىلماۋدىڭ تومەنگى شەگىن ساقتاۋ. كاپيتال بازارى يقۋاتىن اقاۋسىزداندىرىپ، تىكە قارجى قۇراۋ سالىستىرماسىن جوعارىلاتۋ. مونوپوليالاۋعا قارسى تۇرۋدى جانە ورىنسىز باسەكەگە قارسى تۇرۋدى كۇشەيتىپ، جەرگىلىكتى قورعانىمپازدىق پەن اكىمشىلىك سيپاتتى مونوپوليالاۋدى الاستاپ، كاپيتالدىڭ اقاۋسىز دامۋىن زاڭ بويىنشا ارناعا ءتۇسىرۋ جانە وعان جەتەكشىلىك ەتۋ.

　(2) وسىزاماندانعان شارۋاشىلىق جۇيەسىن ورناتۋ.

 ەكونوميكانى دامىتۋدىڭ كۇش سالۋ ءتۇيىنىن تۇلعالىق شارۋاشىلىققا قويۋعا تاباندى بولىپ، جاڭاشا ونەركاسىپتەندىرۋدى ىلگەرىلەتىپ، جاساۋ كاسىبى جاعىندا قۇدىرەتتى مەملەكەت قۇرۋدى، ساپا جاعىندا قۇدىرەتتى مەملەكەت قۇرۋدى، عارىشكەرلىك جاعىندا قۇدىرەتتى مەملەكەت قۇرۋدى، قاتىناس جاعىندا قۇدىرەتتى مەملەكەت قۇرۋدى، توراپ جاعىندا قۇدىرەتتى مەملەكەت قۇرۋدى، سيفرلى جۇڭگو قۇرۋدى جەدەلدەتۋ. شارۋاشىلىق نەگىزىن قايتالاي تۇلعالاۋ ينجەنەرياسىن جانە كەلەلى تەحنيكالىق جابدىقتاردان قامال الۋ ينجەنەرياسىن اتقارىپ، ارنايىلانعان، كەمەلدەنگەن، ەرەكشە، جاڭا كاسىپورىنداردىڭ دامۋىن قولداپ، جاساۋ كاسىبىنىڭ جوعارى دەڭگەيلى، زەردەلى، جاسىل دامۋىن ىلگەرىلەتۋ. ابزال كاسىپ سالالارىنىڭ وزىق ورنىن بەكەمدەپ، حاۋىپسىز دامۋعا قاتىستى سالالاردا ولقىلىقتاردى جەدەل تولىقتاپ، ستراتەگيالىق بايلىقپەن قامداۋدى قامتاماسىز ەتۋ قابىلەتىن جوعارىلاتۋ. ستراتەگيالىق جاڭادان گۇلدەنگەن كاسىپ سالاسىنىڭ توعىسا شوعىرلى دامۋىن ىلگەرىلەتىپ، جاڭا ۇرپاق ينفورماتسيا تەحنيكاسى، جاساندى زەردە، بيو تەحنيكاسى، جاڭا ەنەرگيا، جاڭا ماتەريال، جوعارى دەڭگەيلى جابدىق، جاسىل قورشاعان ورتا سياقتى ءبىر توپ جاڭا ارتۋ قوزعالتقىشىن قالىپتاستىرۋ. ساپالى، جوعارى ءونىمدى قىزمەت وتەۋ كاسىبىنىڭ جاڭا جۇيەسىن قۇرىپ، وسى زامانعى قىزمەت وتەۋ كاسىبىنىڭ وزىق جاساۋ كاسىبىمەن، وسى زامانعى اۋىل شارۋاشىلىعىمەن تەرەڭدەي توعىسۋىن ىلگەرىلەتۋ. زات ينتەرنەتىن جەدەل دامىتىپ، جوعارى ءونىمدى ىركىلىسسىز اينالىم جۇيەسىن ورناتىپ، زات اينالىمىنىڭ وزىندىك قۇنىن تومەندەتۋ. سيفرلى ەكونوميكانى جەدەل دامىتىپ، سيفرلى ەكونوميكا مەن ناقتى ەكونوميكانىڭ تەرەڭدەي توعىسۋىن جەبەپ، حالىقارالىق باسەكەلىك قۋاتقا يە سيفرلى كاسىپ سالاسى شوعىرىن تۇلعالاۋ. نەگىزدىك قۇرىلعىلاردىڭ ورنالاسۋىن، قۇرىلىمىن، يقۋاتىن جانە جۇيەلىك جيناقتالۋىن ساپالىلاندىرىپ، وسىزاماندانعان نەگىزدىك قۇرىلعى جۇيەسىن ورناتۋ.

(3) اۋىل - قىستاقتى كوركەيتۋدى جاپپاي ىلگەرىلەتۋ.

 جاپپاي سوتسياليستىك وسىزاماندانعان مەملەكەت قۇرۋدىڭ ەڭ جاپالى، ەڭ اۋىر مىندەتى ءالى دە اۋىل - قىستاقتا. اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، قالا مەن اۋىلدى توعىستىرا دامىتۋعا تاباندى بولىپ، قالا، اۋىل نەگىزگى فاكتورلارىنىڭ اۋىسۋىن ىركىلىسسىزدەندىرۋ. اۋىل شارۋاشىلىعى جاعىندا قۋاتتى ەل قۇرۋدى تەزدەتىپ، اۋىل - قىستاق شارۋاشىلىعىنىڭ، دارىندىلارىنىڭ، مادەنيەتىنىڭ، ەكولوگياسىنىڭ، ۇيىمدارىنىڭ كوركەيۋىن تىڭعىلىقتى ىلگەرىلەتۋ. استىق حاۋىپسىزدىگىنىڭ نەگىزىن جان - جاقتى بەكەمدەپ، استىق حاۋىپسىزدىگىندە پارتيا مەن ۇكىمەت تەڭ جاۋاپكەرشىلىك ارقالاۋدى جاپپاي تياناقتاندىرىپ، ءبىر ميلليارد 800 ميلليون مۋ ەگىستىك جەر قىزىل سىزىعىن بەرىك ساقتاپ، ماڭگىلىك نەگىزگى ەگىنجايلاردى تۇگەلدەي بىرتىندەپ جوعارى ولشەمدى ەگىنجايعا اينالدىرىپ، تۇقىم شارۋاشىلىعىن گۇلدەندىرۋ ارەكەتىن ىشكەرىلەي اتقارىپ، اۋىل شارۋاشىلىعىنىڭ عىلىم - تەحنيكا جانە جابدىق تىرەگىن كۇشەيتىپ، استىق ەككەن ديقانداردىڭ تابىسىن قامتاماسىز ەتۋ مەحانيزمىن جانە نەگىزگى ءوندىرىس وڭىرلەرىنىڭ مۇددەلىك تولىقتاما قاراجات مەحانيزمىن اقاۋسىزداندىرىپ، جۇڭگولىقتاردىڭ ازىق - تۇلىك ماسەلەسىن بۇكىلدەي ءوزى مەڭگەرۋىنە شىنايى كەپىلدىك ەتۋ. جالپىلىق ازىق - تۇلىك كوزقاراسىن ورناتىپ، قۇرىلعى اۋىل شارۋاشىلىعىن دامىتىپ، كوپ نەگىزدەنگەن ازىق - تۇلىكپەن قامداۋ جۇيەسىن ورناتۋ. اۋىل - قىستاق ەرەكشە كاسىپ سالاسىن دامىتىپ، ديقانداردىڭ كىرىستەرىن ارتتىرىپ، بايۋ ارناسىن كەڭەيتۋ. كەدەيلىكتەن ارىلتۋدان قامال الۋ جەتىستىگىن بەكەمدەپ، كەڭەيتىپ، كەدەي وڭىرلەر مەن كەدەي بۇقارانىڭ ىشكى دامۋ قوزعاۋشى كۇشىن كۇشەيتۋ. اۋىل - قىستاقتاردىڭ نەگىزدىك قۇرىلعىسى مەن الەۋمەتتىك قىزمەت وتەۋ ورنالاسۋىن ءبىر تۇتاس جوسپارلاپ، قونىسقا جايلى، كاسىپكە قولايلى جاراسىمدى، كوركەم اۋىل - قىستاق قۇرۋ. اۋىل - قىستاق نەگىزگى تيجارات ءتۇزىمىن بەكەمدەپ جانە كەمەلدەندىرىپ، جاڭاشا اۋىل - قىستاق كوللەكتيۆ ەكونوميكاسىن دامىتىپ، جاڭاشا اۋىل شارۋاشىلىعى تيجارات نەگىزگى تۇلعاسىن جانە قوعامدانعان قىزمەت وتەۋدى دامىتىپ، اۋىل شارۋاشىلىعىنىڭ لايىقتى كولەمدەگى تيجاراتىن دامىتۋ. اۋىل - قىستاق جەر ءتۇزىمى رەفورماسىن تەرەڭدەتىپ، ديقاندارعا اناعۇرلىم تولىق مال - مۇلىك ۇقىق - مۇددەسىن بەرۋ. قالاعا كىرىپ قونىستانعان ديقانداردىڭ جەر جونىندەگى زاڭدى ۇقىق - مۇددەسىن قامتاماسىز ەتىپ، زاڭ بويىنشا ءوز ەركىمەن، اقىلى وتكەرمەلەۋىنە دەم بەرۋ. اۋىل شارۋاشىلىعى بويىنشا قولداۋ، قورعاۋ ءتۇزىمىن كەمەلدەندىرىپ، اۋىل - قىستاقتىڭ فينانستىق قىزمەت وتەۋ جۇيەسىن اقاۋسىزداندىرۋ.

(4) وڭىرلىك سايكەستى دامۋدى جەبەۋ. 

وڭىرلىك سايكەستى دامۋ ستراتەگياسىن، وڭىرلىك كەلەلى ستراتەگيانى، نەگىزگى تۇلعالىق فۋنكتسيالىق ءوڭىر ستراتەگياسىن، جاڭاشا قالا - قالاشىقتاندىرۋ ستراتەگياسىن ىشكەرىلەي اتقارىپ، ماڭىزدى وندىرگىش كۇشتەردىڭ ورنالاسىمىن ساپالىلاندىرىپ، ءبىرىنىڭ ارتىقشىلىعىمەن ءبىرىن تولىقتايتىن، جوعارى ساپالى داميتىن وڭىرلىك ەكونوميكالىق ورنالاسىم مەن مەملەكەت جەر - كەڭىستىك جۇيەسىن ورناتۋ. باتىس بولىكتى قاۋىرت اشۋدا جاڭا ارنا قالىپتاسۋىن ىلگەرىلەتىپ، شىعىس سولتۇستىكتى جاپپاي گۇلدەندىرۋدە جاڭا ناتيجەگە قول جەتكىزۋدى ىلگەرىلەتىپ، ورتا بولىك وڭىرلەرىنىڭ جەدەل كوركەيۋىن جەبەپ، شىعىس بولىك وڭىرلەردىڭ وسىزاماندانۋدى جەدەل ىلگەرىلەتۋىنە شابىت بەرۋ. توڭكەرىستىك بايىرعى رايونداردىڭ، ۇلتتىق وڭىرلەردىڭ جەدەل دامۋىن قولداپ، شەكارا وڭىرلەر قۇرىلىسىن كۇشەيتىپ، شەكارانى كوركەيتىپ، حالىقتى بايىتۋدى، شەكارانى ورنىقتىرىپ، شەكارانى بەكەمدەۋدى ىلگەرىلەتۋ. بەيجيڭ - تيانجين - حىبەيدىڭ سايكەسە دامۋىن، چاڭجياڭ ەكونوميكالىق بەلدەۋىنىڭ دامۋىن، چاڭجياڭ اتىراۋىنىڭ ءبىر تۇلعالانا دامۋىن ىلگەرىلەتۋ، حۋاڭعى وزەنى الابىنىڭ ەكولوگياسىن قورعاۋدى جانە جوعارى ساپالى دامۋىن ىلگەرىلەتۋ. شيۇڭان جاڭا رايونىن جوعارى ولشەممەن، جوعارى ساپامەن قۇرىپ، چىڭدۋ - چۇڭچيڭ ءوڭىرىنىڭ قوس قالا ەكونوميكالىق شەڭبەر قۇرىلىسىن ىلگەرىلەتۋ. نەگىزگى تۇلعالىق يقۋات رايونى ءتۇزىمىن اقاۋسىزداندىرىپ، مەملەكەت جەر - كەڭىستىگىنىڭ دامۋ جاعدايىن ساپالىلاندىرۋ. ادامدى وزەك ەتكەن جاڭاشا قالا - قالاشىقتاندىرۋدى ىلگەرىلەتىپ، اۋىل شارۋاشىلىعىنان باسقا سالاعا ويىسقان جان سانىنىڭ قالا تۇرعىنىنا اينالۋىن تەزدەتۋ. قالا شوعىرىنا، ورتالىق قالا شەڭبەرىنە سۇيەنە وتىرىپ ءىرى، ورتا، شاعىن قالالاردىڭ سايكەسە دامۋ ارناسىن قالىپتاستىرىپ، اۋدان قالاشىعىن ماڭىزدى دانەكەر ەتكەن قالا - قالاشىقتاندىرۋ قۇرىلىسىن ىلگەرىلەتۋ. حالىقتىڭ قالاسىن حالىق قۇرۋعا، حالىقتىڭ قالاسى حالىق ءۇشىن بولۋعا تاباندى بولىپ، قالانىڭ جوبا، قۇرىلىس، باسقارۋ دەڭگەيىن جوعارىلاتىپ، اسا ۇلكەن، ەرەكشە ۇلكەن قالالاردىڭ دامۋ تاسىلىندە جەدەل بۇرىلىس جاساپ، قالالاردى جاڭارتۋ ارەكەتىن اتقارىپ، قالالاردىڭ نەگىزدىك قۇرىلعى قۇرىلىسىن كۇشەيتىپ، قونىسقا جايلى، سەرپىمدى، زەردەلى قالا قۇرۋ. تەڭىز - مۇحيت ەكونوميكاسىن دامىتىپ، تەڭىز - مۇحيت ەكولوگيالىق ورتاسىن قورعاپ، تەڭىز - مۇحيت جاعىندا قۋاتتى ەل قۇرۋدى تەزدەتۋ.

　　(5) جوعارى دەڭگەيدەگى سىرتقا ەسىك اشۋدى ىلگەرىلەتۋ. 

ەلىمىزدىڭ اسا ۇلكەن كولەمدى بازار ابزالدىلىعىنا سۇيەنىپ، ەل ءىشى ۇلكەن اينالىمى ارقىلى بۇكىل الەمنىڭ بايلىق فاكتورلارىن باۋراپ، ەلى ءىشى، حالىقارا سىندى ەكى بازاردىڭ، ەكى ءتۇرلى بايلىقتىڭ بىرلەسىپ ارەكەتتەنۋ اسەرىن كۇشەيتىپ، ساۋدالىق قارجى قوسۋ سەلبەستىگىنىڭ ساپاسى مەن دەڭگەيىن جوعارىلاتۋ. ەرەجە، ەرەجە - ءتۇزىم، باسقارۋ، ولشەم سياقتى جاقتارداعى تۇزىمدىك ەسىك اشۋدى ورنىقتى كەڭەيتۋ. تاۋار ساۋداسىنىڭ ساپالىلانۋىن، دارەجەسىنىڭ جوعارىلاۋىن ىلگەرىلەتىپ، قىزمەت وتەۋ ساۋداسىنىڭ دامۋ مەحانيزمىندە جاڭالىق اشىپ، سيفرلى ساۋدانى دامىتىپ، ساۋدا جاعىندا قۇدىرەتتى مەملەكەت قۇرۋدى جەدەلدەتۋ. شەتەل قارجىسىنىڭ كىرۋىنە رۇقسات ەتۋ ۇنامسىز ءتىزىمىن ۇيلەسىمدى ىقشامداپ، شەتەل ساۋداگەرلەرىنىڭ قارجى قوسۋ ۇقىق - مۇددەسىن زاڭ بويىنشا قورعاپ، بازارلانعان، زاڭمەن باسقارىلاتىن، حالىقارالانعان بىرەگەي تيجارات - ساۋدا ورتاسىن قالىپتاستىرۋ. ”ءبىر بەلدەۋ، ءبىر جولدى“ بىرگە گۇلدەندىرۋدىڭ جوعارى ساپالى دامۋىن ىلگەرىلەتۋ. وڭىرلىك ەسىك اشۋ ورنالاسۋىن ساپالىلاندىرىپ، شىعىس بولىك تەڭىز جاعالاۋىنداعى وڭىرلەردىڭ ەسىك اشۋ كوشباسشىسى ورنىن بەكەمدەپ، ورتا، باتىس بولىكتەر مەن شىعىس سولتۇستىك وڭىرلەردىڭ ەسىك اشۋ دەڭگەيىن جوعارىلاتۋ. باتىس بولىكتىڭ قۇرلىق - تەڭىز جاڭا ارناسىن جەدەل قۇرۋ. حاينان ەركىن ساۋدا پورتىن جەدەل قۇرىپ، ەركىن ساۋدا سىناق رايونىنىڭ دارەجەسىن جوعارىلاتۋ ستراتەگياسىن اتقارىپ، بۇكىل الەمگە بەت العان جوعارى ولشەمدى ەركىن ساۋدا رايونى تورىن كەڭەيتۋ. حالىق اقشاسىنىڭ حالىقارالانۋىن تارتىپپەن ىلگەرىلەتۋ. الەمدىك شارۋاشىلىق جۇمىس ءبولىسى مەن سەلبەستىگىنە ىشكەرىلەي ات سالىسىپ، كوپ نەگىزدى، ورنىقتى حالىقارالىق ەكونوميكالىق جاعداي مەن ەكونوميكا - ساۋدا قاتىناسىن قورعاۋ.

بەسىنشى، مەملەكەتتى عىلىم - تەحنيكا، وقۋ - اعارتۋ ارقىلى كوركەيتۋ ستراتەگياسىن اتقارىپ، وسىزامانداندىرۋ قۇرىلىسىنىڭ دارىندىلار تىرەگىن كۇشەيتۋ

　　وقۋ - اعارتۋ، عىلىم - تەحنيكا، دارىندى − جاپپاي سوتسياليستىك وسىزاماندانعان مەملەكەت قۇرۋدىڭ نەگىزدىك، ستراتەگيالىق تىرەگى. عىلىم - تەحنيكا − ءبىرىنشى وندىرگىش كۇش، دارىندىلار − ءبىرىنشى بايلىق، جاڭالىق اشۋ − ءبىرىنشى قوزعاۋشى كۇش دەگەنگە، ءسوز جوق، تاباندى بولىپ، مەملەكەتتى عىلىم - تەحنيكا، وقۋ - اعارتۋ ارقىلى كوركەيتۋ ستراتەگياسىن، مەملەكەتتى دارىندىلار ارقىلى قۇدىرەتتەندىرۋ ستراتەگياسىن، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، دامۋدىڭ تىڭ سالاسىن، جاڭا باسەكە الاڭىن اشىپ، دامۋدىڭ جاڭا قوزعاۋشى كۇشىن، تىڭ ابزالدىلىعىن ۇزدىكسىز سومداۋ كەرەك.

　　ءبىز وقۋ - اعارتۋدى الدىمەن دامىتۋعا، عىلىم - تەحنيكادا ءوز كۇشىنە سۇيەنۋگە، ءوزىن الۋەتتەندىرۋگە، دارىندىلار ارقىلى قوزعاۋشى كۇشكە جەتەكشىلىك ەتۋگە تاباندى بولىپ، وقۋ - اعارتۋ جاعىندا قۇدىرەتتى مەملەكەت قۇرۋدى، عىلىم - تەحنيكا جاعىندا قۇدىرەتتى مەملەكەت قۇرۋدى، دارىندىلار جاعىندا قۇدىرەتتى مەملەكەت قۇرۋدى جەدەلدەتىپ، پارتيا ءۇشىن ادام تاربيەلەۋگە، مەملەكەت ءۇشىن دارىندى تاربيەلەۋگە تاباندى بولىپ، دارىندىلاردى دەربەس جەتىلدىرۋ ساپاسىن جاپپاي جوعارىلاتىپ، تاڭداۋلى جاڭالىق اشۋشى دارىندىلاردى كۇش سالا جەتىلدىرىپ، جەر جۇزىندەگى دارىندىلاردى باۋراپ، ولاردان پايدالانۋ كەرەك.

(1) وقۋ - اعارتۋدى حالىق رازى بولاتىنداي جاقسى باسقارۋ.

 وقۋ - اعارتۋ − مەملەكەتتىڭ ۇلى جوسپارى، پارتيانىڭ ۇلى جوسپارى. قانداي ادام تاربيەلەۋ، ادامدى قالاي تاربيەلەۋ، ادامدى كىم ءۇشىن تاربيەلەۋ − وقۋ - اعارتۋدىڭ ءتۇبىرلى ماسەلەسى. ادام تاربيەلەۋدىڭ ءتۇبىرلى تەتىگى ونەگە كورسەتۋدە. پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى دامىعان سوتسياليزم قۇرىلىسشىلارى مەن ءىزباسارلارىن باۋلۋ. وقۋ - اعارتۋدى حالىقتى وزەك ەتە وتىرىپ دامىتۋعا تاباندى بولىپ، جوعارى ساپالى وقۋ - اعارتۋ جۇيەسىن جەدەل ورناتىپ، ساپا وقۋ - اعارتۋىن دامىتىپ، وقۋ - اعارتۋ ادىلدىگىن جەبەۋ. مىندەتتى وقۋ - اعارتۋدىڭ ساپالى، بىركەلكى دامۋى مەن قالا، اۋىلدىڭ ءبىر تۇلعالانۋىن جەدەلدەتىپ، وڭىرلىك وقۋ - اعارتۋ بايلىعىن ساپالى ورنالاستىرىپ، مەكتەپكە دەيىنگى تاربيەنى، ەرەكشە وقۋ - اعارتۋدى جالپىعا ءتيىمدى ەتىپ دامىتۋدى كۇشەيتىپ، ورتا مەكتەپ ساتىسىنداعى مەكتەپتەردىڭ سان سالالى دامۋىنا تاباندى بولىپ، وقۋشىلارعا بارلىق وقىتۋ كەزەڭىن قامتىعان قارجىلاي كومەك بەرۋ جۇيەسىن كەمەلدەندىرۋ. كاسىپتىك وقۋ - اعارتۋدىڭ، جوعارى دارەجەلى وقۋ - اعارتۋدىڭ، ۇستەمە وقۋ - اعارتۋدىڭ سايكەسە جاڭالىق اشۋىن ءبىر تۇتاس جوسپارلاپ، كاسىپتىك وقۋ - اعارتۋ مەن ادەتتەگى ورتا مەكتەپتەردىڭ توعىسۋىن، كاسىپ سالاسى مەن وقىتۋدىڭ توعىسۋىن، عىلىم مەن وقىتۋدىڭ توعىسۋىن ىلگەرىلەتىپ، كاسىپتىك وقۋ - اعارتۋدىڭ ءتۇرىن تۇراقتاندىرۋدى ساپالىلاندىرۋ. نەگىزدىك ءپان، جاڭادان گۇلدەنگەن ءپان، توعىسپالى ءپان قۇرىلىسىن كۇشەيتىپ، جۇڭگوشا ەرەكشەلىككە يە، دۇنيە جۇزىندەگى بىرەگەي داشۋەلەر مەن باسىمدىققا يە پاندەردى جەدەل قۇرۋ. حالىق باسقارۋىنداعى وقۋ - اعارتۋدىڭ دامۋىنا جەتەكشىلىك ەتۋ جانە ونى ارناعا ءتۇسىرۋ. مەملەكەتتە ءبىر تۇتاس قولدانىلاتىن ءتىل - جازۋدى جالپىلاستىرۋ تەبىنىن ارتتىرۋ. وقۋ - اعارتۋ سالاسىنىڭ كەشەندى رەفورماسىن تەرەڭدەتىپ، وقۋلىق قۇرىلىسىن جانە باسقارۋدى كۇشەيتىپ، مەكتەپ باسقارۋ جانە وقۋ - اعارتۋدى باعالاۋ جۇيەسىن كەمەلدەندىرىپ، مەكتەپتەردىڭ، وتباسىلاردىڭ، قوعامنىڭ ادام تاربيەلەۋ مەحانيزمىن اقاۋسىزداندىرۋ. وقىتۋشىلىق ءمورال، وقىتۋشىلىق ستيل قۇرىلىسىن كۇشەيتىپ، جوعارى ساپالى وقىتۋشىلار قوسىنىن باۋلىپ، وقىتۋشىلاردى قۇرمەتتەيتىن، وقۋ - اعارتۋعا ءمان بەرەتىن قوعامدىق سالتتى اسقاقتاتۋ. وقۋ - اعارتۋدىڭ سيفرلانۋىن ىلگەرىلەتىپ، جالپى حالىق ءومىر بويى ۇيرەنەتىن، ۇيرەنۋگە قۇلىقتى قوعام، ۇيرەنۋگە قۇلىقتى ءىرى ەل قۇرۋ.

　　(2) عىلىم - تەحنيكادا جاڭالىق اشۋ جۇيەسىن كەمەلدەندىرۋ. 

جاڭالىق اشۋدىڭ ەلىمىزدىڭ وسىزامانداندىرۋ قۇرىلىسىنىڭ جالپى جاعدايىنداعى ۇيتقىلىق ورنىنا تاباندى بولۋ. پارتيا ورتالىق كوميتەتىنىڭ عىلىم - تەحنيكا قىزمەتىنە ءبىر تۇتاس باسشىلىق ەتۋ ءتۇزىلىسىن كەمەلدەندىرىپ، بۇكىل مەملەكەت بويىنشا جۇمىلاتىن جاڭاشا ءتۇزىلىستى اقاۋسىزداندىرىپ، مەملەكەتتىڭ ستراتەگيالىق عىلىم - تەحنيكا قۋاتىن نىعايتىپ، جاڭالىق اشۋ بايلىعىن ساپالى ورنالاستىرىپ، مەملەكەتتىڭ عىلمي زەرتتەۋ قۇرىلىمدارىنىڭ، جوعارى دەڭگەيلى زەرتتەۋ داشۋەلەرىنىڭ، عىلىم - تەحنيكاداعى سەركە كاسىپورىنداردىڭ ورنى مەن ورنالاسىمىن ساپالىلاندىرىپ، مەملەكەت تاجىريبەحاناسى جۇيەسىن قالىپتاستىرىپ، حالىقارالىق عىلىم - تەحنيكادا جاڭالىق اشۋ ورتالىعى، وڭىرلىك عىلىم - تەحنيكادا جاڭالىق اشۋ ورتالىعى قۇرىلىسىن ءبىر تۇتاس جوسپارلاپ ىلگەرىلەتىپ، عىلىم - تەحنيكانىڭ نەگىزدىك قابىلەتى قۇرىلىسىن كۇشەيتىپ، عىلىم - تەحنيكالىق ستراتەگيالىق كەڭەس بەرۋدى كۇشەيتىپ، مەملەكەتتىڭ جاڭالىق اشۋ جۇيەسىنىڭ تۇتاس تۇلعالىق ونىمدىلىگىن جوعارىلاتۋ. عىلىم - تەحنيكا ءتۇزىلىسى رەفورماسىن تەرەڭدەتىپ، عىلىم - تەحنيكالىق باعالاۋ رەفورماسىن تەرەڭدەتىپ، كوپ نەگىزدى عىلىم - تەحنيكالىق ۇسىنىلىمدى ارتتىرىپ، ءبىلىم مەنشىگى ۇقىعىن زاڭمەن باسقارۋ قامتاماسىزدىعىن كۇشەيتىپ، جاپپاي جاڭالىق اشۋدى قولدايتىن نەگىزدىك ءتۇزىم قالىپتاستىرۋ. جاسامپاز مادەنيەتتى جەتىلدىرىپ، عالىمدار رۋحىن اسقاقتاتىپ، تاماشا ۇيرەنۋ ستيلىن ساقتاپ، جاڭالىق اشۋ رايىن قالىپتاستىرۋ. حالىقارالىق عىلىم - تەحنيكا اۋىس - ءتۇيىسىن، سەلبەستىگىن كەڭەيتىپ، حالىقارالانعان عىلمي زەرتتەۋ ورتاسى قۇرىلىسىن كۇشەيتىپ، الەمدىك باسەكەلىك قۋاتقا يە اشىق، جاڭاشىل ەكولوگيا قالىپتاستىرۋ.

　(3) جاڭالىق اشۋ ارقىلى دامۋعا دەم بەرۋ ستراتەگياسىن جەدەل اتقارۋ. 

دۇنيە ءجۇزى عىلىم - تەحنيكاسىنىڭ الدىڭعى لەگىن بەتكە الۋعا، ەكونوميكانىڭ نەگىزگى شايقاس مايدانىن بەتكە الۋعا، مەملەكەتتىڭ ماڭىزدى قاجەتىن بەتكە الۋعا، حالىقتىڭ ءومىرىن، سالاماتتىعىن بەتكە الۋعا تاباندى بولىپ، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەدەل جۇزەگە اسىرۋ. مەملەكەتتىڭ ستراتەگيالىق قاجەتىن باعدار ەتىپ، اۋەلگى جاسامپازدىق سيپاتتى، جەتەكشىلىك سيپاتتى عىلىم - تەحنيكادان كۇش - قۋاتتى شوعىرلاندىرا وتىرىپ قامال الىپ، شەشۋشى، وزەكتى تەحنيكالاردان قامال الۋ شايقاسىندا باتىل جەڭىسكە جەتۋ. ستراتەگيالىق سيپاتقا، جالپى جاعدايلىق سيپاتقا، كورەگەندىك سيپاتقا يە ءبىر توپ مەملەكەتتىك كەلەلى عىلىم - تەحنيكا نىسانىن جەدەل اتقارىپ، دەربەس جاڭالىق اشۋ قابىلەتىن ارتتىرۋ. نەگىزدىك زەرتتەۋدى كۇشەيتىپ، ءتول جاسامپازدىقتى كورنەكتىلەندىرىپ، ەرىكتى ىزدەنىس جاساۋعا ىنتالاندىرۋ. عىلىم - تەحنيكالىق ۇسىنىلىم رولىن جوعارىلاتىپ، قازىنادان عىلىم - تەحنيكا قاراجاتىن ءبولۋ، پايدالانۋ مەحانيزمى رەفورماسىن تەرەڭدەتىپ، جاڭالىق اشۋ ومىرشەڭدىك كۇشىن مازداتۋ. كاسىپورىندار جەتەكشىلىك ەتكەن ءوندىرىس، وقىتۋ، زەرتتەۋدىڭ تەرەڭدەي توعىسۋىن كۇشەيتىپ، نىسانانى باعدار ەتۋدى كۇشەيتىپ، عىلىم - تەحنيكا جەتىستىكتەرىن كادەگە جاراتۋ جانە كاسىپ سالالاندىرۋ دەڭگەيىن جوعارىلاتۋ. كاسىپورىنداردىڭ عىلىم - تەحنيكادا جاڭالىق اشۋ نەگىزگى تۇلعالىق ورنىن كۇشەيتىپ، عىلىم - تەحنيكالىق بەلدى كاسىپورىنداردىڭ جەتەكتەۋ، تىرەك بولۋ رولىن ساۋلەلەندىرىپ، عىلىم - تەحنيكالىق ورتاشا، شاعىن، ۇساق كاسىپورىنداردىڭ جەتىلۋىنە ءتيىمدى تاماشا ورتا جاراتىپ، جاڭالىق اشۋ تىزبەگىنىڭ، شارۋاشىلىق تىزبەگىنىڭ، قارجى تىزبەگىنىڭ، دارىندىلار تىزبەگىنىڭ ىشكەرىلەي توعىسۋىن ىلگەرىلەتۋ.

(4) مەملەكەتتى دارىندىلار ارقىلى قۇدىرەتتەندىرۋ ستراتەگياسىن ىشكەرىلەي اتقارۋ.

 ءمورالدى دا قابىلەتتى جوعارى ساپالى قىرۋار دارىندىلاردى باۋلۋ، دايىنداۋ − مەملەكەت پەن ۇلتتىڭ ۇزاق بولاشاقتىق دامۋداعى ۇلى جوسپارى. ناتيجە دارىندىلارمەن كەلەدى، كاسىپ ءورىسى دارىندىلارمەن كەڭەيەدى. دارىندىلاردى پارتيا باسقارۋ پرينسيبىنە تاباندى بولىپ، ەڭبەككە قۇرمەت ەتۋدەن، بىلىمگە قۇرمەت ەتۋدەن، دارىندىلارعا قۇرمەت ەتۋدەن، جاسامپازدىققا قۇرمەت ەتۋدەن جازباي، اناعۇرلىم بەلسەندى، اناعۇرلىم اشىق، اناعۇرلىم ءونىمدى دارىندىلار ساياساتىن اتقارىپ، قالىڭ دارىندىلاردى پارتيانى ءسۇيىپ، مەملەكەتكە ەڭبەك سىڭىرۋگە، كاسىبىن قادىرلەپ، ۇلەس قوسۋعا، حالىققا قىزمەت وتەۋگە جەتەكتەۋ. دارىندىلاردىڭ ستراتەگيالىق ورنالاسۋىن كەمەلدەندىرىپ، ءار جاقتاعى دارىندىلاردى بىرگە يگەرۋگە تاباندى بولىپ، كولەمى زور، قۇرىلىمى ۇيلەسىمدى، ساپاسى تاماشا دارىندىلار قوسىنىن قۇرۋ. دۇنيە جۇزىندەگى ماڭىزدى دارىندىلار ورتالىعى مەن جاڭالىق اشۋدىڭ بيىك بەلەسىن جەدەل قۇرىپ، دارىندىلاردىڭ وڭىرلىك ۇيلەسىمدى ورنالاسۋىن جانە سايكەستى دامۋىن جەبەپ، دارىندىلاردىڭ حالىقارالىق باسەكەدەگى سالىستىرمالى ابزالدىلىعىن كۇش سالا قالىپتاستىرۋ. مەملەكەتتىڭ ستراتەگيالىق دارىندىلار كۇشىن جەدەل دامىتىپ، اناعۇرلىم كوپ ۇلى ۇستازداردى، ستراتەگيالىق عالىمداردى، بىرەگەي عىلىم - تەحنيكا باستاماشى دارىندىلارىن جانە جاڭالىق اشۋشى ۇجىمداردى، جاس عىلىم - تەحنيكا دارىندىلارىن، ۇزدىك ينجەنەرلەردى، ءىرى ەل ۇستالارىن، جوعارى دەڭگەيلى شەبەر دارىندىلاردى قۇلشىنا باۋلۋ، دايىنداۋ. دارىندىلاردىڭ حالىقارالىق اۋىس - ءتۇيىسىن كۇشەيتىپ، ءتۇرلى دارىندىلاردى ويداعىداي ىستەتۋ، يكەمدى ىستەتۋ. دارىندىلاردى دامىتۋ ءتۇزىلىس - مەحانيزمى رەفورماسىن تەرەڭدەتىپ، دارىندىلاردى شىنايى قادىرلەپ، دارىندىلاردى شىن پەيىلىمەن تاربيەلەپ، دارىندىلاردى شىن ىقىلاسىمەن باۋراپ، دارىندىلاردى دەن قويا ىستەتىپ، دارىندىلاردى ەرەكشە قاستەرلەپ، ءبىر سارىندىلىققا بوي ۇرماي، ءارقايسى جاقتاعى ۇزدىك دارىندىنى پارتيا مەن حالىق ىستەرىنە شوعىرلاندىرۋ.

التىنشى، جالپى بارىستىق حالىق دەموكراتياسىن دامىتىپ، حالىقتىڭ وزىنە - ءوزى قوجايىن بولۋىن قامتاماسىز ەتۋ

　　ەلىمىز − جۇمىسشى تابى باسشىلىعىنداعى، جۇمىسشى - شارۋا وداعىن نەگىز ەتكەن حالىق دەموكراتياسى ديكتاتۋراسىندىق سوتسياليستىك مەملەكەت، مەملەكەتتىڭ بارلىق بيلىگى حالىققا ءتان. حالىق دەموكراتياسى − سوتسياليزمنىڭ جانى، جاپپاي سوتسياليستىك وسىزاماندانعان مەملەكەت قۇرۋدىڭ تيەسىلى ءمانى. جالپى بارىستىق حالىق دەموكراتياسى − سوتسياليستىك دەموكراتيالىق ساياسيدىڭ ماندىك قاسيەتى، ەڭ كەڭ، ەڭ شىنايى، ەڭ جارامدى دەموكراتيا. جۇڭگوشا سوتسياليستىك ساياسي دامۋ جولىمەن، ءسوز جوق، اۋىتقىماي ءجۇرىپ، پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، حالىقتىڭ نەگىزگى تۇلعالىق ورنىنا تاباندى بولىپ، حالىقتىڭ ەركىن تولىق بەينەلەۋ، حالىقتىڭ ۇقىق - مۇدەسىن قامتاماسىز ەتۋ، حالىقتىڭ جاسامپازدىق ومىرشەڭدىك كۇشىن قاۋلاتۋ كەرەك.

　　ءبىز حالىقتىڭ وزىنە - ءوزى قوجايىن بولۋ ءتۇزىمى جۇيەسىن اقاۋسىزداندىرىپ، حالىقتىڭ ساياسيعا تارتىپپەن ارالاسۋىن كەڭەيتىپ، حالىقتىڭ زاڭ بويىنشا دەموكراتيالىق سايلاۋ جۇرگىزۋىنە، دەموكراتيالىق كەڭەسۋىنە، دەموكراتيالىق شەشىم جاساۋىنا، دەموكراتيالىق باسقارۋىنا، دەموكراتيالىق باقىلاۋىنا كەپىلدىك ەتىپ، حالىق بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن ساۋلەلەندىرىپ، جاندى دا جالىندى، تىنىش تا ىنتىماقتى ساياسي جاعدايدى بەكەمدەۋىمىز جانە دامىتۋىمىز كەرەك.

　(1) حالىقتىڭ وزىنە - ءوزى قوجايىن بولۋ ءتۇزىمىن قامتاماسىز ەتۋدى كۇشەيتۋ. 

ەلىمىزدىڭ ءتۇبىرلى ساياسي تۇزىمىنە، نەگىزگى ساياسي تۇزىمىنە، ماڭىزدى ساياسي تۇزىمىنە تاباندى بولىپ جانە ونى كەمەلدەندىرىپ، دەموكراتيا ارناسىن كەڭەيتىپ، دەموكراتيا فورماسىن بايىتىپ، حالىقتىڭ ءتۇرلى جولمەن جانە فورمامەن زاڭ بويىنشا مەملەكەت ىستەرىن باسقارۋىنا، ەكونوميكا جانە مادەنيەت ىستەرىن باسقارۋىنا، قوعامدىق ىستەردى باسقارۋىنا شىنايى كەپىلدىك ەتۋ. حالىقتىڭ حالىق قۇرىلتايى ارقىلى مەملەكەت بيلىگىن جۇرگىزۋىن قولداپ جانە وعان كەپىلدىك ەتىپ، ءار دارەجەلى حالىق قۇرىلتايلارىنىڭ دەموكراتيالىق سايلاۋدا جارىققا شىعۋىنا، حالىققا جاۋاپتى بولۋىنا، حالىقتىڭ باقىلاۋىن قابىلداۋىنا كەپىلدىك ەتۋ. حالىق قۇرىلتايلارىنىڭ جانە ونىڭ تۇراقتى كوميتەتتەرىنىڭ زاڭ شىعارۋ ۇقىعىن، باقىلاۋ ۇقىعىن، ۇيعارىم جاساۋ ۇقىعىن، مىندەتكە تاعايىنداۋ، مىندەتتەن بوساتۋ ۇقىعىن زاڭ بويىنشا جۇرگىزۋىن قولداپ جانە وعان كەپىلدىك ەتىپ، حالىق قۇرىلتايلارىنىڭ اكىمشىلىك ورگانداردى، باقىلاۋ ورگاندارىن، سوت جۇرگىزۋ ورگاندارىن، پروكۋراتۋرا ورگاندارىن باقىلاۋ ءتۇزىمىن اقاۋسىزداندىرىپ، مەملەكەتتىڭ زاڭمەن باسقارۋ تۇتاستىعىن، مارتەبەسىن، بەدەلىن قورعاۋ. حالىق قۇرىلتايى ۋاكىلدەرىنىڭ قىزمەت قابىلەتى قۇرىلىسىن كۇشەيتىپ، حالىق قۇرىلتايى ۋاكىلدەرىنىڭ حالىق بۇقاراسىمەن بايلانىسىن جيىلەتۋ. حالىقتىڭ اڭىسىن قابىلداپ، حالىقتىڭ اقىل - پاراساتىن شوعىرلاندىرۋ قىزمەت مەحانيزمىن اقاۋسىزداندىرىپ، نەگىزگى ساتىداعى زاڭ شىعارۋ بايلانىس تۇيىندەرىن ويداعىداي قۇرۋ. جۇمىسشى ۇيىمى، كوممۋنيستىك جاستار وداعى، ايەلدەر بىرلەستىگى سياقتى بۇقارالىق ۇيىمداردىڭ رەفورماسىن جانە قۇرىلىسىن تەرەڭدەتىپ، كوپىرلىك، دانەكەرلىك رولىن ءونىمدى ساۋلەلەندىرۋ. جۇڭگونىڭ ادامدىق ۇقىق دامۋ جولىمەن جۇرۋگە تاباندى بولىپ، الەمدىك ادامدىق ۇقىق باسقارۋعا بەلسەنە ارالاسىپ، ادامدىق ۇقىق ىستەرىنىڭ جاپپاي دامۋىن ىلگەرىلەتۋ.

(2) ءماسليحاتتىق دەموكراتيانى جاپپاي دامىتۋ. 

ءماسليحاتتىق دەموكراتيا − جالپى بارىستىق حالىق دەموكراتياسىن امالياتتا ايگىلەۋدىڭ ماڭىزدى فورماسى. ءماسليحاتتىق دەموكراتيا جۇيەسىن كەمەلدەندىرىپ، ساياسي پارتيالار كەڭەسىن، حالىق قۇرىلتايى كەڭەسىن، ۇكىمەت كەڭەسىن، ساياسي كەڭەستى، حالىقتىق توپتار كەڭەسىن، نەگىزگى ساتى كەڭەسىن، سونداي - اق قوعامدىق ۇيىمدار كەڭەسىن ءبىر تۇتاس جوسپارلاپ ىلگەرىلەتىپ، تۇزىمدەنگەن ءتۇرلى كەڭەس تەكشەسىن اقاۋسىزداندىرىپ، ءماسليحاتتىق دەموكراتيانىڭ كەڭ كولەمدى، كوپ ساتىلى، تۇزىمدەنە دامۋىن ىلگەرىلەتۋ. جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، پارتيانىڭ باسشىلىعىنىڭ، بىرلىكساپتىڭ، ءماسليحاتتىق دەموكراتيانىڭ ورگانيكالى ۇشتاسۋىنا تاباندى بولىپ، دەموكراتيانى ساۋلەلەندىرۋ مەن ىنتىماقتى نىعايتۋدىڭ ءوزارا ۇلاسۋىنا، سىندارلى اقىل - كەڭەس بەرۋ مەن ورتاق تانىمدى ۇيىستىرۋدىڭ قوس باعىتتا كۇش سالۋىنا تاباندى بولىپ، حالىق ساياسي كەڭەسىنىڭ ارناۋلى كەڭەستىك قۇرىلىم رەتىندەگى رولىن ساۋلەلەندىرىپ، تۇزىمدەندىرۋ، ولشەمدەندىرۋ، تارتىپتەندىرۋ سياقتى يقۋات قۇرىلىسىن كۇشەيتىپ، كەڭەستىك ىقپالداستىقتى تەرەڭدەتۋ، پىكىردى تولىق جەتكىزۋ، ورتاق تانىمدى كەڭ كولەمدە ۇيىستىرۋ دەڭگەيىن جوعارىلاتىپ، حالىق ساياسي كەڭەسىنىڭ دەموكراتيالىق باقىلاۋ جانە مۇشەلەردىڭ سالالار بويىنشا بۇقارامەن بايلانىس جاساۋ ءتۇزىمى مەحانيزمىن كەمەلدەندىرۋ.

(3) نەگىزگى ساتى دەموكراتياسىن بەلسەنە دامىتۋ. 

نەگىزگى ساتى دەموكراتياسى − جالپى بارىستىق حالىق دەموكراتياسىنىڭ ماڭىزدى بەينەسى. نەگىزگى ساتى پارتيا ۇيىمى باسشىلىعىنداعى نەگىزگى ساتى بۇقاراسىنىڭ ءوزىن باسقارۋ مەحانيزمىن اقاۋسىزداندىرىپ، نەگىزگى ساتىنىڭ ۇيىمدىق قۇرىلىسىن كۇشەيتىپ، نەگىزگى ساتىنىڭ تىكەلەي دەموكراتيالىق ءتۇزىمى جۇيەسى مەن قىزمەت جۇيەسىن كەمەلدەندىرىپ، قالا، اۋىل الەۋمەتتىك اۋماق بۇقاراسىنىڭ ءوزىن - ءوزى باسقارۋ، وزىنە - ءوزى قىزمەت ەتۋ، ءوزىن - ءوزى تاربيەلەۋ، ءوزىن - ءوزى باقىلاۋ ناقتى ونىمدىلىگىن كۇشەيتۋ. ءىستى جاريا ىستەۋ ءتۇزىمىن كەمەلدەندىرىپ، نەگىزگى ساتىداعى ءتۇرلى قاۋىمنىڭ نەگىزگى ساتىنى باسقارۋعا تارتىپپەن ات سالىسۋ ارناسىن كەڭەيتىپ، حالىقتىڭ نەگىزگى ساتىنىڭ الەۋمەتتىك ىستەرى مەن الەۋمەتتىك يگىلىك ىستەرىن زاڭ بويىنشا باسقارۋىن قامتاماسىز ەتۋ. جۇمىسشى تابىنا بۇكىل ىنتا - پەيىلىمەن سۇيەنىپ، كاسىپورىن، ءىسورىنداردىڭ جۇمىسشى - قىزمەتكەرلەر قۇرىلتايىن نەگىزگى فورما ەتكەن دەموكراتيالىق باسقارۋ ءتۇزىمىن اقاۋسىزداندىرىپ، جۇمىسشى - قىزمەتكەرلەردىڭ زاڭدى ۇقىق - مۇددەسىن قورعاۋ.

　(4) ەڭ كەڭ وتانشىلدىق بىرلىكساپتى بەكەمدەۋ جانە دامىتۋ.

 جۇرت تىلەگى − ەڭ ۇلكەن ساياسي، بىرلىكساپ − جۇرت تىلەگىن ۇيىستىراتىن، كۇش توپتايتىن قۋاتتى اسىل. زور بىرلىكساپ قىزمەتى جۇيەسىن كەمەلدەندىرىپ، ۇلى ىنتىماققا، زور بىرلەسۋگە تاباندى بولىپ، بارشا جۇڭحۋا پەرزەنتتەرىن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى ارقاۋ ەتىپ، بىرگە وي جۇگىرتۋگە، بىرگە جۇمىس ىستەۋگە جۇمىلدىرۋ. ەلىمىزدىڭ سوتسياليستىك جاڭاشا ساياسي پارتيا ءتۇزىمى ابزالدىلىعىن ساۋلەلەندىرىپ، ۇزاق ۋاقىت بىرگە ءومىر سۇرۋگە، ءوزارا باقىلاۋعا، ءبىر - بىرىنە شىن كوڭىلمەن قارايلاسۋعا، بەينەت - زەينەتتى تەڭ كوتەرۋگە تاباندى بولىپ، دەموكراتيالىق پارتيا - توپتارمەن جانە پارتيادا، توپتا جوق قايراتكەرلەرمەن ىنتىماقتاستىقتى، سەلبەستىكتى كۇشەيتىپ، دەموكراتيالىق پارتيا - توپتاردىڭ ءوز قۇرىلىسىن كۇشەيتۋگە، فۋنكتسياسىن اناعۇرلىم ويداعىداي اتقارۋىنا قولداۋ كورسەتۋ. جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، ۇلت ماسەلەسىن جۇڭگوشا شەشۋدىڭ دۇرىس جولىمەن بۇلجىماي ءجۇرىپ، ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمدەلدەندىرىپ، پارتيانىڭ ۇلت قىزمەتىن كۇشەيتىپ جانە جاقسارتىپ، ۇلتتار ىنتىماعى، العاباسارلىعى ىستەرىن جاپپاي ىلگەرىلەتۋ. ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەلەۋ. پارتيا سىرتىنداعى زيالىلاردىڭ يدەيالىق - ساياسي قىزمەتىن كۇشەيتىپ، جاڭا قوعامدىق جىك قايراتكەرلەرى قىزمەتىن ويداعىداي ىستەپ، بىرگە كۇرەس جاسايتىن ساياسي جەتەكشىلىكتى كۇشەيتۋ. ەتەنە، كىرشكىسىز ۇكىمەت - ساۋدا قاتىناسىن جاپپاي ورناتىپ، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىقپەن شۇعىلداناتىن قايراتكەرلەردىڭ اقاۋسىز جەتىلۋىن جەبەۋ. چياۋمين ىستەرى قىزمەتىن كۇشەيتىپ جانە جاقسارتىپ، ۇلتتىڭ گۇلدەنۋىنە بىرگە كۇش سالاتىن قۇدىرەتتى كۇش قالىپتاستىرۋ.

جەتىنشى، مەملەكەتتى جاپپاي زاڭمەن باسقارۋعا تاباندى بولىپ، زاڭمەن باسقارىلاتىن جۇڭگو قۇرىلىسىن ىلگەرىلەتۋ

　　مەملەكەتتى جاپپاي زاڭمەن باسقارۋ − مەملەكەتتى باسقارۋداعى تەرەڭ توڭكەرىس، ول پارتيانىڭ بيلىك جۇرگىزىپ، مەملەكەتتى كوركەيتۋىنە سايادى، حالىقتىڭ باقىتى مەن اماندىعىنا سايادى، پارتيا مەن مەملەكەتتىڭ باياندى تىنىشتىعىنا سايادى. زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا ءتيىمدى بولۋ سىندى قامتاماسىزداندىرۋ رولىن، ءسوز جوق، اناعۇرلىم ويداعىداي ساۋلەلەندىرىپ، زاڭمەن باسقارۋ ارناسىندا جاپپاي سوتسياليستىك وسىزاماندانعان مەملەكەت قۇرۋ كەرەك.

　　ءبىز جۇڭگوشا سوتسياليستىك زاڭمەن باسقارۋ جولىمەن جۇرۋگە تاباندى بولىپ، جۇڭگوشا سوتسياليستىك زاڭمەن باسقارۋ جۇيەسىن ورناتىپ، زاڭمەن باسقارىلاتىن سوتسياليستىك مەملەكەت قۇرىپ، قوعامدىق ادىلدىك پەن تۋراشىلدىقتى قامتاماسىز ەتۋدى جانە جەبەۋدى ارقاۋ ەتىپ، مەملەكەتتى زاڭمەن باسقارۋدى، بيلىكتى زاڭ بويىنشا جۇرگىزۋدى، اكىمشىلىكتى زاڭ بويىنشا جۇرگىزۋدى بىرگە ىلگەرىلەتۋگە تاباندى بولىپ، مەملەكەتتى زاڭمەن باسقارۋدى، ۇكىمەتتى زاڭمەن باسقارۋدى، قوعامدى زاڭمەن باسقارۋدى ءبىر تۇلعالاندىرۋ قۇرىلىسىنا تاباندى بولىپ، زاڭدى عىلمي شىعارۋدى، زاڭدى قاتاڭ اتقارۋدى، ءادىليانى ءادىل جۇرگىزۋدى، جالپى حالىق زاڭعا بويسۇنۋدى جاپپاي ىلگەرىلەتىپ، مەملەكەتتىڭ ءتۇرلى جاقتاعى قىزمەتىنىڭ زاڭمەن باسقارىلۋىن جاپپاي ىلگەرىلەتۋىمىز كەرەك.

　　(1) نەگىزگى زاڭدى ۇيتقى ەتكەن جۇڭگوشا سوتسياليستىك زاڭ جۇيەسىن كەمەلدەندىرۋ. 

مەملەكەتتى زاڭمەن باسقارۋعا تاباندى بولۋدا، ەڭ اۋەلى، مەملەكەتتى نەگىزگى زاڭمەن باسقارۋعا تاباندى بولۋ، زاڭ بويىنشا بيلىك جۇرگىزۋگە تاباندى بولۋدا، ەڭ اۋەلى، نەگىزگى زاڭ بويىنشا بيلىك جۇرگىزۋگە تاباندى بولۋ، نەگىزگى زاڭ تۇراقتاندىرعان جۇڭگو كوممۋنيستىك پارتياسىنىڭ باسشىلىق ورنىنان اۋىتقىماۋعا تاباندى بولۋ، نەگىزگى زاڭ تۇراقتاندىرعان حالىق دەموكراتياسى ديكتاتۋراسى سىندى مەملەكەت قۇرىلىمىنان جانە حالىق قۇرىلتايى ءتۇزىمى سىندى بيلىك قۇرىلىمىنان اۋىتقىماۋعا تاباندى بولۋ. نەگىزگى زاڭدى اتقارۋ مەن باقىلاۋدى كۇشەيتىپ، نەگىزگى زاڭنىڭ جاپپاي اتقارىلۋىنا كەپىلدىك ەتەتىن ءتۇزىم جۇيەسىن اقاۋسىزداندىرىپ، نەگىزگى زاڭنىڭ ەل باسقارۋداعى ماڭىزدى رولىن اناعۇرلىم ويداعىداي ساۋلەلەندىرىپ، نەگىزگى زاڭنىڭ بەدەلىن قورعاۋ. ءتۇيىندى سالالاردا، جاڭادان گۇلدەنگەن سالالاردا، شەتەلگە ساياتىن سالالاردا زاڭ شىعارۋدى كۇشەيتىپ، ەل ىشىندەگى زاڭمەن باسقارۋ مەن شەتەلگە ساياتىن زاڭمەن باسقارۋدى ءبىر تۇتاس جوسپارلاپ ىلگەرىلەتىپ، كەمەلدى زاڭمەن دامۋدى جەبەۋ، شەبەرلىكپەن جونگە سالۋدى قامتاماسىز ەتۋ. زاڭدى عىلمي شىعارۋدى، زاڭدى دەموكراتيالى شىعارۋدى، زاڭدى زاڭ بويىنشا شىعارۋدى ىلگەرىلەتىپ، زاڭ شىعارۋ، وزگەرىس ەنگىزۋ، كۇشىنەن قالدىرۋ، ءتۇسىندىرۋ، قۇراستىرۋدى ءبىر تۇتاس جوسپارلاپ، زاڭ شىعارۋدىڭ جۇيەلىلىگىن، تۇتاستىعىن، سايكەسىمدىلىگىن، ونىمدىلىگىن ارتتىرۋ. ارحيۆكە الۋ، قاراپ تەكسەرۋ ءتۇزىمىن كەمەلدەندىرۋ جانە كۇشەيتۋ. عىلمي شەشىم جاساۋعا، دەموكراتيالى شەشىم جاساۋعا، زاڭ بويىنشا شەشىم جاساۋعا تاباندى بولىپ، كەلەلى شەشىم جاساۋ ءتارتىبىن، ءتۇزىمىن جاپپاي تياناقتاندىرۋ.

(2) اكىمشىلىكتى زاڭ بويىنشا جۇرگىزۋدى تىڭعىلىقتى ىلگەرىلەتۋ. 

زاڭمەن باسقارىلاتىن ۇكىمەت قۇرىلىسى − مەملەكەتتى جاپپاي زاڭمەن باسقارۋدىڭ ءتۇيىندى مىندەتى جانە نەگىزگى تۇلعالىق ينجەنەرياسى. ۇكىمەت فۋنكتسياسىندا بۇرىلىس جاساپ، ۇكىمەتتىڭ مىندەت - جاۋاپكەرشىلىك جۇيەسى مەن ۇيىمدىق قۇرىلىمىن ساپالىلاندىرىپ، قۇرىلىمدى، فۋنكتسيانى، ۇقىق شەگىن، ءتارتىپتى، جاۋاپكەرشىلىكتى زاڭداستىرۋدى ىلگەرىلەتىپ، اكىمشىلىك ونىمدىلىك پەن الەۋمەتتىك سەنىمدىلىكتى جوعارىلاتۋ. ءىسورىن رەفورماسىن تەرەڭدەتۋ. اكىمشىلىك زاڭ اتقارۋ ءتۇزىلىسى رەفورماسىن تەرەڭدەتىپ، زاڭدى قاتاڭ، جۇيەلى، ءادىل، وركەنيەتتى اتقارۋدى جاپپاي ىلگەرىلەتىپ، بۇقارانىڭ ءتول مۇددەسىنە ساياتىن ءتۇيىندى سالالاردا زاڭ اتقارۋ تەبىنىن ارتتىرىپ، اكىمشىلىك زاڭ اتقارۋ ءتارتىبىن كەمەلدەندىرىپ، اكىمشىلىك تورەلىك ولشەمىن اقاۋسىزداندىرۋ. اكىمشىلىك زاڭ اتقارۋىن باقىلاۋ مەحانيزمى مەن قابىلەتى قۇرىلىسىن كۇشەيتىپ، اكىمشىلىك زاڭ اتقارۋ جاۋاپكەرشىلىك ءتۇزىمى مەن جاۋاپكەرشىلىگىن قۋزاستىرۋ ءتۇزىمىن قاتاڭ تياناقتاندىرۋ. نەگىزگى ساتى جالپىلىق زاڭ اتقارۋ ءتۇزىلىسىن، مەحانيزمىن كەمەلدەندىرۋ.

　　(3) ءادىليانى قاتاڭ، ءادىل جۇرگىزۋ. 

ءادىليادا ءادىل بولۋ − قوعامدىق ادىلدىك پەن تۋراشىلدىقتى قورعاۋدىڭ ەڭ سوڭعى قورعانىس شەبى. ءادىليا ءتۇزىلىسىن جان - جاقتى كەمەلدەندىرۋ رەفورماسىن تەرەڭدەتىپ، ءادىليالىق جاۋاپكەرشىلىك ءتۇزىمىن جاپپاي، دۇرىس تياناقتاندىرىپ، ءادىل، جوعارى ءونىمدى، بەدەلدى سوتسياليستىك ءادىليا ءتۇزىمىن جەدەل ورناتىپ، حالىق بۇقاراسىنا ءاربىر ءادىليالىق دەلودان ادىلدىكتى، تۋراشىلدىقتى سەزىندىرۋگە قۇلشىنۋ. ءادىليالىق بيلىكتىڭ جۇرگىزىلۋىن جۇيەلىلەندىرىپ، قوعام حاۋىپسىزدىگى ورگانى، پروكۋراتۋرا ورگانى، سوت ورگانى، ءادىليالىق اكىمشىلىك ورگانى ءوز مىندەتتەرىن وتەيتىن، ءوزارا سەلبەسەتىن، ءوزارا تەجەيتىن ءتۇزىلىستى، مەحانيزمدى اقاۋسىزداندىرۋ. ءادىليا قيمىلدارىن تەجەۋدى، باقىلاۋدى كۇشەيتىپ، ءادىليانىڭ ادىلدىگىن جەبەۋ. پروكۋراتۋرا ورگاندارىنىڭ زاڭدىق باقىلاۋ قىزمەتىن كۇشەيتۋ. الەۋمەتتىك يگىلىك ارىز - شاعىم ءتۇزىمىن كەمەلدەندىرۋ.

　　(4) زاڭمەن باسقارىلاتىن قوعامدى جەدەل ورناتۋ. 

زاڭمەن باسقارىلاتىن قوعام − زاڭمەن باسقارىلاتىن مەملەكەت قۇرۋدىڭ نەگىزى. سوتسياليستىك زاڭمەن باسقارۋ رۋحىن ساۋلەلەندىرىپ، جۇڭحۋانىڭ تاڭداۋلى ءداستۇرلى زاڭ مادەنيەتىنە مۇراگەرلىك ەتىپ، جالپى حالىقتى سوتسياليستىك زاڭمەن باسقارۋدىڭ ادال ۇستانۋشىلارى، سانالى بويسۇنۋشىلارى، باتىل قورعاۋشىلارى بولۋعا جەتەكتەۋ. قالا مەن اۋىلدى قامتىعان وسى زامانعى الەۋمەتتىك زاڭدىق قىزمەت وتەۋ جۇيەسىن ورناتىپ، زاڭمەن باسقارۋ ۇگىت - تاربيەسىن ىشكەرىلەي ورىستەتىپ، جالپى حالىقتىڭ زاڭمەن باسقارۋ كوزقاراسىن كۇشەيتۋ. كوپ دەڭگەيدە، كوپ سالادا زاڭمەن باسقارۋدى ىلگەرىلەتىپ، قوعامدىق باسقارۋدىڭ زاڭمەن باسقارىلۋ ورەسىن جوعارىلاتۋ. باسشى كادرلاردىڭ ۇلگىلىك، باستاماشىلدىق رولىن ساۋلەلەندىرىپ، زاڭدى قۇرمەتتەۋدى، زاڭدى ۇيرەنۋدى، زاڭعا بويسۇنۋدى، زاڭدى قولدانۋدى تۇتاس قوعامدا تاماشا سالتقا اينالدىرۋعا قۇلشىنۋ.

سەگىزىنشى، مادەنيەت جاعىندا وزىنە سەنۋدى، ءوزىن الۋەتتەندىرۋدى ىلگەرىلەتىپ، سوتسياليستىك مادەنيەتتىڭ تىڭ دا شۇعىلالى تابىستارىن جاراتۋ

　　جاپپاي سوتسياليستىك وسىزاماندانعان مەملەكەت قۇرۋدا، ءسوز جوق، جۇڭگوشا سوتسياليستىك مادەنيەتتى دامىتۋ جولىنا تاباندى بولىپ، مادەنيەت سەنىمىن كۇشەيتىپ، تۋدى بيىك ۇستاۋدى، حالىق تىلەگىن توعىستىرۋدى، جاڭا ادام تاربيەلەۋدى، مادەنيەتتى وركەندەتۋدى، وبرازدى ايگىلەۋدى ارقاۋ ەتە وتىرىپ، مادەنيەت جاعىندا قۇدىرەتتى سوتسياليستىك مەملەكەت قۇرىپ، وسىزاماندانۋعا بەت العان، دۇنيە جۇزىنە بەت العان، بولاشاققا بەت العان، ۇلتتىق، عىلمي، بۇقارالىق سوتسياليستىك مادەنيەتتى دامىتىپ، تۇتاس ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىگىن تاسقىنداتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن رۋحاني كۇشتى نىعايتۋ كەرەك.

　　ءبىز ماركسيزمنىڭ يدەولوگيا سالاسىنداعى جەتەكشىلىك ورنى سىندى ءتۇبىرلى تۇزىمگە تاباندى بولىپ، حالىق ءۇشىن قىزمەت ىستەۋگە، سوتسياليزم ءۇشىن قىزمەت ىستەۋگە تاباندى بولىپ، بارلىق گۇل شەشەك اتۋ، جالپى جارىسا ءۇن قاتۋ باعىتىنا تاباندى بولىپ، جاسامپازدىق سيپاتتى بۇرىلىسقا، جاڭالىق اشا دامۋعا تاباندى بولىپ، سوتسياليستىك وزەكتى قۇن كوزقاراسىن جەتەكشى ەتىپ، سوتسياليستىك وزىق مادەنيەتتى دامىتىپ، توڭكەرىستىك مادەنيەتتى ساۋلەلەندىرىپ، جۇڭحۋانىڭ تاڭداۋلى ءداستۇرلى مادەنيەتىنە مۇراگەرلىك ەتىپ، حالىقتىڭ كۇن سايىن ارتىپ وتىرعان رۋحاني مادەنيەت قاجەتىن قاناعاتتاندىرىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋدەگى ورتاق يدەيالىق نەگىزىن بەكەمدەپ، مەملەكەتتىڭ مادەنيەت جۇمساق كۇشى مەن جۇڭحۋا مادەنيەتىنىڭ ىقپال كۇشىن ۇزدىكسىز جوعارىلاتۋىمىز كەرەك.

　(1) قۇدىرەتتى ۇيىستىرۋ قۋاتىنا جانە جەتەكشىلىك قۋاتقا يە سوتسياليستىك يدەولوگيانى ورناتۋ.

 يدەولوگيا قىزمەتى − مەملەكەت ءۇشىن سەنىم ورناتىپ، ۇلت ءۇشىن رۋح سومدايتىن قىزمەت. پارتيانىڭ يدەولوگيا قىزمەتىنە بولعان باسشىلىق ۇقىعىن مىقتاپ يگەرىپ، يدەولوگيا قىزمەتىنىڭ جاۋاپكەرشىلىك ءتۇزىمىن جاپپاي تياناقتاندىرىپ، جاڭا داۋىردە ەكپىندەي ىلگەرىلەۋ جونىندەگى نەگىزگى اعىمدىق يدەيالىق قوعامدىق پىكىردى بەكەمدەۋ جانە زورايتۋ. پارتيانىڭ جاڭالىق اشۋ نازارياسىمەن بۇكىل پارتيانى قارۋلاندىرىپ، حالىقتى تاربيەلەپ، امالياتقا جەتەكشىلىك ەتۋ قىزمەتى جۇيەسىن اقاۋسىزداندىرۋ. ماركسيزمدىك نازاريانى زەرتتەۋ مەن كەمەلدەندىرۋ ينجەنەرياسىن ىشكەرىلەي اتقارىپ، جۇڭگوشا فيلوسوفيا - قوعامدىق عىلىم ءپان جۇيەسىن، ءىلىم جۇيەسىن، ءسوز بيلىگى جۇيەسىن جەدەل ورناتىپ، فيلوسوفيا - قوعامدىق عىلىم دارىندىلارى قوسىنىن جەتىلدىرۋ جانە زورايتۋ. جالپىلىق مەديا تاراتىلىم جۇيەسى قۇرىلىسىن كۇشەيتىپ، نەگىزگى اعىمدىق قوعامدىق پىكىردىڭ جاڭا جاعدايىن قالىپتاستىرۋ. ينتەرنەتتى جان - جاقتى باسقارۋ جۇيەسىن اقاۋسىزداندىرىپ، تاماشا ينتەرنەت ەكولوگياسىن قالىپتاستىرۋدى ىلگەرىلەتۋ.

(2) سوتسياليستىك وزەكتى قۇن كوزقاراسىن امالياتتا كەڭىنەن ايگىلەۋ.

 سوتسياليستىك وزەكتى قۇن كوزقاراسى − جۇرت تىلەگىن توعىستىرۋدىڭ، حالىقتىڭ كۇشىن شوعىرلاندىرۋدىڭ قۋاتتى كۇشى. پارتيا قۇرۋ ۇلى رۋحىن باستاۋ ەتكەن جۇڭگو كوممۋنيستەرىنىڭ رۋحاني شەجىرەسىن اسقاقتاتىپ، قىزىل بايلىقتان ويداعىداي پايدالانىپ، سوتسياليستىك وزەكتى قۇن كوزقاراسى ۇگىت - تاربيەسىن ىشكەرىلەي ورىستەتىپ، وتانشىلدىق، كوللەكتيۆشىلدىك، سوتسياليستىك تاربيەنى تەرەڭدەتىپ، ۇلتتىڭ گۇلدەنۋى سىندى ۇلى مىندەتتى ارقالايتىن ءداۋىردىڭ جاڭا ۇرپاقتارىن كۇش سالا جەتىلدىرۋ. مۇرات - سەنىم تاربيەسىن ۇدايىلاندىرۋدى، تۇزىمدەندىرۋدى ىلگەرىلەتىپ، پارتيا تاريحى، جاڭا جۇڭگو تاريحى، رەفورمالاۋ، ەسىك اشۋ تاريحى، سوتسياليزمنىڭ دامۋ تاريحى جونىندەگى ۇگىت - تاربيەنى ۇزدىكسىز مىقتى يگەرىپ، حالىقتى تاريحتى ءبىلىپ، پارتيانى سۇيۋگە، تاريحتى ءبىلىپ، وتاندى سۇيۋگە جەتەكتەپ، جۇڭگوشا سوتسياليزم ورتاق مۇراتىن ۇزدىكسىز بەكەمدەۋ. سوتسياليستىك وزەكتى قۇن كوزقاراسى ارقىلى رۋح سومداپ، ادام تاربيەلەپ، يدەيا - ساياسي قىزمەتى جۇيەسىن كەمەلدەندىرىپ، جوعارى، ورتا، باستاۋىش مەكتەپتەردىڭ يدەيا - ساياسي تاربيەسىن ءبىرتۇلعالاندىرۋ قۇرىلىسىن ىلگەرىلەتۋ. مەملەكەتتى زاڭمەن باسقارۋ مەن مەملەكەتتى ءمورال ارقىلى باسقارۋدى ۇشتاستىرۋعا تاباندى بولىپ، سوتسياليستىك وزەكتى قۇن كوزقاراسىن زاڭمەن باسقارۋ قۇرىلىسىمەن توعىستىرۋ، قوعام دامۋىمەن توعىستىرۋ، كۇندەلىكتى تۇرمىسپەن توعىستىرۋ.

　(3) بۇكىل قوعامنىڭ وركەنيەت دەڭگەيىن جوعارىلاتۋ.

 ازاماتتىق ءمورال قۇرىلىسى ينجەنەرياسىن اتقارىپ، جۇڭحۋانىڭ ءداستۇرلى تاماشا ءمورالىن ساۋلەلەندىرىپ، وتباسى، وتباسى تاربيەسى، وتباسى ستيلى قۇرىلىسىن كۇشەيتىپ، كامەلەتكە تولماعانداردىڭ يدەيا - ءمورال قۇرىلىسىن كۇشەيتىپ جانە جاقسارتىپ، اسقاق ءمورالدى ايگىلەۋدى، الەۋمەتتىك ءمورالدى ساقتاۋدى، جەكە ءمورالدى قاتايتۋدى ىلگەرىلەتىپ، حالىقتىڭ ءمورالدىق دەڭگەيى مەن وركەنيەت ساپاسىن جوعارىلاتۋ. وركەنيەتتى جەتىلدىرۋدى، وركەنيەتتى امالياتتا ايگىلەۋدى، وركەنيەتتى جارىققا شىعارۋدى ءبىر تۇتاس جوسپارلاپ ىلگەرىلەتىپ، قالا، اۋىل رۋحاني وركەنيەت قۇرىلىسىنىڭ توعىسا دامۋىن ىلگەرىلەتىپ، تۇتاس قوعامدا ەڭبەكشىلدىك رۋحىن، كۇرەسكەرلىك رۋحىن، ۇلەس قوسۋ رۋحىن، جاسامپازدىق رۋحىن، ۇنەمشىل، ۇقىپتى بولۋ رۋحىن ساۋلەلەندىرىپ، ءداۋىردىڭ جاڭا ستيلىن، جاڭا بەينەسىن قالىپتاستىرۋ. مەملەكەتتىڭ عىلىم جالپىلاستىرۋ قابىلەتى قۇرىلىسىن كۇشەيتىپ، جالپى حالىقتىق كىتاپ وقۋ قيمىلىن تەرەڭدەتۋ. ەرىكتى قىزمەت وتەۋ ءتۇزىمى مەن قىزمەتى جۇيەسىن كەمەلدەندىرۋ. ادالدىق مادەنيەتىن اسقاقتاتىپ، ادالدىق قۇرىلىسىنىڭ باياندى مەحانيزمىن كەمەلدەندىرۋ. پارتيا مەن مەملەكەتكە ەلەۋلى ەڭبەك ءسىڭىرىپ، داڭققا يە بولعانداردى ماداقتاۋ - سيلاۋدىڭ رۋحاني جاقتان جەتەكتەۋ، تيپتىك ۇلگى كورسەتۋ رولىن ساۋلەلەندىرىپ، بۇكىل قوعامنىڭ جاقسىدان ونەگە الۋىن، قاھارمانداردى ارداقتاۋىن، اۆانگارد بولۋعا ۇمتىلۋىن ىلگەرىلەتۋ.

(4) مادەنيەت ىستەرى مەن مادەنيەت شارۋاشىلىعىن گۇلدەندىرۋ جانە دامىتۋ.

 حالىقتى وزەك ەتكەن جاسامپازدىق باعداردان جازباي، حالىقتىڭ رۋحاني كۇش - قۋاتىن ارتتىراتىن اناعۇرلىم كوپ تاڭداۋلى تۋىندىنى جارىققا شىعارىپ، ءمورالدى دا ونەرلى ادەبيەت - كوركەمونەرشىلەردەن ءبىر توبىن جانە زور كولەمدەگى مادەنيەت، ادەبيەت - كوركەمونەر دارىندىلارى قوسىنىن باۋلۋ، جەتىلدىرۋ. قوعامدىق ونىمدىلىكتى ماڭداي الدى ورىنعا قويۋعا، قوعامدىق ونىمدىلىك پەن ەكونوميكالىق ونىمدىلىكتىڭ بىرلىگىنە تاباندى بولىپ، مادەنيەت ءتۇزىلىسى رەفورماسىن تەرەڭدەتىپ، مادەنيەت ەكونوميكاسى ساياساتىن كەمەلدەندىرۋ. مەملەكەتتىڭ مادەنيەتتى سيفرلاندىرۋ ستراتەگياسىن اتقارىپ، وسى زامانعى الەۋمەتتىك مادەنيەتتىك قىزمەت وتەۋ جۇيەسىن اقاۋسىزداندىرىپ، مادەنيەتتەن حالىقتى يگىلىكتەندىرۋ ينجەنەرياسىن جاڭالىق اشا اتقارۋ. وسى زامانعى مادەنيەت شارۋاشىلىعى جۇيەسى مەن بازار جۇيەسىن اقاۋسىزداندىرىپ، كەلەلى مادەنيەت شارۋاشىلىعى نىساندارى ارقىلى جەتەكتەۋ ستراتەگياسىن اتقارۋ. مادەني مۇرالار مەن مادەني مۇراعاتتاردى قورعاۋ تەبىنىن ارتتىرىپ، قالا، اۋىل قۇرىلىسىندا تاريحي مادەنيەتتى قورعاۋدى، وعان مۇراگەرلىك ەتۋدى كۇشەيتىپ، مەملەكەتتىك مادەنيەت باقشالارىن ويداعىداي سالۋ جانە ودان ويداعىداي پايدالانۋ. مادەنيەت ارقىلى ساياحاتتى سومداپ، ساياحات ارقىلى مادەنيەتكە ءنار بەرىپ، مادەنيەت پەن ساياحاتتىڭ تەرەڭ توعىسىپ دامۋىن ىلگەرىلەتۋ. جالپى حالىقتىق دەنە شىنىقتىرۋ قيمىلىن كەڭ كولەمدە ورىستەتىپ، جاستار مەن جاس وسپىرىمدەردىڭ دەنە تاربيە قىزمەتىن كۇشەيتىپ، بۇقارالىق دەنە تاربيە مەن باسەكەلىك سپورتتىڭ جاپپاي دامۋىن جەبەپ، دەنە تاربيە جاعىندا قۇدىرەتتى مەملەكەت قۇرۋدى جەدەلدەتۋ.

　(5) جۇڭحۋا وركەنيەتىن تاراتۋ قۋاتىن، ىقپال كۇشىن نىعايتۋ.

 جۇڭحۋا مادەنيەتى تۇرعىسىنا تاباندى بولىپ، جۇڭحۋا وركەنيەتىنىڭ رۋحاني بەلگىسى مەن مادەنيەت جاۋھارىن سۇرىپتاپ، ايگىلەپ، جۇڭگونىڭ ءسوز بيلىگى جۇيەسى مەن جۇڭگونىڭ بايانداۋ جۇيەسىن جەدەل ورناتىپ، جۇڭگو حيكاياسىن ويداعىداي بايانداپ، جۇڭگو ءۇنىن جاقسى تاراتىپ، سەنىمدى، ۇنامدى، قۇرمەتتى جۇڭگو وبرازىن ايگىلەۋ. حالىقارالىق تاراتۋ قۋاتى قۇرىلىسىن كۇشەيتىپ، حالىقارالىق تاراتۋ ونىمدىلىگىن جاپپاي جوعارىلاتىپ، ەلىمىزدىڭ كەشەندى قۋاتىنا جانە حالىقارالىق ورنىنا ساي كەلەتىن حالىقارالىق ءسوز بيلىگىن قالىپتاستىرۋ. وركەنيەتتەردىڭ اۋىس - ءتۇيىسىن، ءوزارا ۇلگى الۋىن تەرەڭدەتىپ، جۇڭحۋا مادەنيەتىنىڭ دۇنيە جۇزىنە اناعۇرلىم ويداعىداي بەت الۋىنا دەم بەرۋ.

توعىزىنشى، حالىقتىڭ ىرىس - قۇتىن ارتتىرىپ، حالىقتىڭ تۇرمىس ساپاسىن جوعارىلاتۋ

　　مەملەكەت دەگەنىمىز حالىق، حالىق دەگەنىمىز مەملەكەت. جۇڭگو كوممۋنيستىك پارتياسى حالىققا باسشىلىق ەتىپ مەملەكەتتى قۇرۋدا، مەملەكەتتى قورعاۋدا حالىقتىڭ تىلەگىنە قۇرمەت ەتتى. مەملەكەتتى باسقارۋدا ولشەم بولۋ، ول حالىققا پايدالى بولۋ كەرەك. حالىققا باقىت جاراتۋ − جالپى ءۇشىن پارتيا قۇرۋدىڭ، حالىق ءۇشىن بيلىك جۇرگىزۋدىڭ ماندىك تالابى. دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا، ءسوز جوق، تاباندى بولىپ، تىزە قوسا كۇرەس جۇرگىزىپ، تاماشا تۇرمىس جاراتۋعا دەم بەرىپ، حالىقتىڭ تاماشا تۇرمىسقا تالپىنىسىن ۇزدىكسىز جۇزەگە اسىرۋ كەرەك.

　　ءبىز بارشا حالىقتىڭ ءتۇبىرلى مۇددەسىن ويداعىداي جۇزەگە اسىرىپ، ويداعىداي قورعاپ، ويداعىداي دامىتىپ، حالىق ەڭ كوڭىل بولەتىن، ەڭ تىكە، ەڭ رەال مۇددە ماسەلەلەرىن مىقتى يگەرىپ، بار كۇشىمىزدى سالىپ ءىس تىندىرىپ، شامامىزعا قاراي ءىس ىستەۋگە تاباندى بولىپ، بۇقارامەن ەتەنە بولىپ، نەگىزگى ساتىعا ىشكەرىلەي ارالاسىپ، حالىق تۇرمىسىنا تيىمدىلىك جاسايتىن، حالىقتىڭ كوڭىلىن تاباتىن اناعۇرلىم كوپ شارانى قولدانىپ، حالىق بۇقاراسىنىڭ شۇعىل، قيىن، الاڭداۋلى، ءزارۋ ماسەلەلەرىن كۇش سالا شەشىپ، نەگىزگى الەۋمەتتىك قىزمەت وتەۋ جۇيەسىن اقاۋسىزداندىرىپ، الەۋمەتتىك قىزمەت وتەۋ دەڭگەيىن جوعارىلاتىپ، ونىڭ بىركەلكىلىگى مەن قامتىمىن ارتتىرىپ، بىرگە بايۋدى تىڭعىلىقتى ىلگەرىلەتۋىمىز كەرەك.

(1) ءبولىس ءتۇزىمىن كەمەلدەندىرۋ.

 ءبولىس ءتۇزىمى بىرگە بايۋدى جەبەۋدىڭ نەگىزدىك ءتۇزىمى. ەڭبەگىنە قاراي ءبولۋدى نەگىزگى تۇلعا ەتۋگە، كوپ ءتۇرلى ءبولىس ءتاسىلى قاتار ءومىر سۇرۋگە تاباندى بولىپ، العاشقى ءبولىس، قايتالاي ءبولىس، ءۇشىنشى رەتكى ءبولىس سايكەسكەن، كەمەلدەنگەن ءتۇزىم جۇيەسىن ورناتۋ. تۇرعىندار كىرىسىنىڭ حالىقتىق كىرىس بولىسىندەگى ارا سالماعىن كۇش سالا جوعارىلاتىپ، ەڭبەكاقىنىڭ العاشقى بولىستەگى ارا سالماعىن جوعارىلاتۋ. كوپ ىستەگەن كوپ الۋعا تاباندى بولىپ، قاجىرلى ەڭبەگىمەن بايۋعا ىنتالاندىرىپ، ورايدىڭ ءادىل بولۋىن جەبەپ، تومەن كىرىستىلەردىڭ كىرىسىن مولايتىپ، ورتاشا كىرىستى قاۋىمنىڭ قاتارىن ۇلعايتۋ. فاكتور بويىنشا ءبولىس جۇرگىزۋ ساياساتىن، ءتۇزىمىن كەمەلدەندىرىپ، ورتاشا، تومەن كىرىستى قاۋىمنىڭ فاكتورلىق كىرىسىن كوپ ارنامەن مولايتۋعا ىزدەنىس جاساپ، قالا، اۋىل تۇرعىندارىنىڭ مال - مۇلىك سيپاتىنداعى كىرىسىن كوپ ارنامەن مولايتۋ. سالىق كىرىسى، قوعامدىق قامتاماسىزداندىرۋ، اۋدارىپ تولەۋ سياقتىلاردىڭ رەتتەۋ سەرپىنىن ارتتىرۋ. جەكەلىك تابىس سالىعى ءتۇزىمىن كەمەلدەندىرىپ، كىرىس ءبولىسى ءتارتىبىن جۇيەگە ءتۇسىرىپ، بايلىق توپتاۋ مەحانيزمىن جۇيەگە ءتۇسىرىپ، زاڭدى كىرىستى قورعاپ، كىرىسى تىم جوعارىلاردىڭ كىرىسىن رەتتەپ، زاڭسىز كىرىستى كۇشىنەن قالدىرۋ. قالاۋى، قابىلەتى بار كاسىپورىنداردىڭ، قوعامدىق ۇيىمداردىڭ جانە جەكەلەردىڭ الەۋمەتتىك يگىلىك قايىرىمدىلىق ىستەرىنە بەلسەنە ات سالىسۋىنا جول نۇسقاۋ، قولداۋ كورسەتۋ.

　　(2) جۇمىستاندىرۋدى الدىمەن ويلاستىرۋ ستراتەگياسىن اتقارۋ. 

جۇمىستاندىرۋ − ەڭ نەگىزگى حالىق تۇرمىسى. جۇمىستاندىرۋدى الدىمەن ويلاستىرۋ ساياساتىن كۇشەيتىپ، جۇمىستانۋدى جەبەۋ مەحانيزمىن اقاۋسىزداندىرىپ، جوعارى ساپالى، تولىق جۇمىستانۋدى جەبەۋ. جۇمىستانۋعا الەۋمەتتىك قىزمەت وتەۋ جۇيەسىن اقاۋسىزداندىرىپ، ءتۇيىندى قاۋىمنىڭ جۇمىستانۋىن قولداۋ جۇيەسىن كەمەلدەندىرىپ، تۇرمىسىندا قيىنشىلىعى بار قاۋىمدى جۇمىستاندىرۋ جاعىندا ەڭ تومەنگى شەكتەن تۇسىرمەي سۇيەمەلدەۋدى كۇشەيتۋ. قالا مەن اۋىلدىڭ جۇمىستاندىرۋ ساياساتى جۇيەسىن ءبىر تۇتاس جوسپارلاپ، ەڭبەككۇشتەردىڭ، دارىندىلاردىڭ اۋىسۋىنا كەدەرگى بولاتىن تۇزىلىستىك جانە ساياساتتىق كىناراتتاردى الاستاپ، تەڭ جۇمىستانۋعا ىقپال جاسايتىن ۇيلەسىمسىز شەكتەمەلەر مەن جۇمىستانۋداعى كەمسىتۋشىلىكتەردى جويىپ، بارلىق ادامنىڭ قاجىرلى ەڭبەك ارقىلى وزىندىك دامۋدى جۇزەگە اسىرۋىنا وراي جاراتۋ. عۇمىرلىق كاسىپتىك ونەرگە باۋلۋ ءتۇزىمىن اقاۋسىزداندىرىپ، جۇمىستاندىرۋداعى قۇرىلىمدىق قايشىلىقتى شەشۋدى ىلگەرىلەتۋ. شارۋاشىلىق قۇرۋ ارقىلى جۇمىستانۋعا باستاماشىلدىق ەتۋدى قامتاماسىزداندىرۋ ءتۇزىمىن كەمەلدەندىرىپ، جاڭا جۇمىستاندىرۋ فورماتسياسىن دامىتۋعا قولداۋ كورسەتۋ جانە ونى جۇيەگە ءتۇسىرۋ. ەڭبەك تۋرالى زاڭدار مەن ەرەجەلەردى اقاۋسىزداندىرىپ، ەڭبەك قاتىناسى تۋرالى كەڭەسۋ، سايكەستىرۋ مەحانيزمىن كەمەلدەندىرىپ، ەڭبەكشىلەردىڭ ۇقىق - مۇددەسىن قامتاماسىز ەتۋ ءتۇزىمىن كەمەلدەندىرىپ، يكەمدى جۇمىستاندىرۋ مەن جاڭا جۇمىستاندىرۋ فورماتسياسىنداعى ەڭبەكشىلەردىڭ ۇقىق - مۇددەسىن قامتاماسىز ەتۋدى كۇشەيتۋ.

　　(3) قوعامدىق قامتاماسىزداندىرۋ جۇيەسىن اقاۋسىزداندىرۋ. 

قوعامدىق قامتاماسىزداندىرۋ جۇيەسى − حالىق تۇرمىسىنىڭ حاۋىپسىزدىك تورى جانە قوعامدىق اينالىمنىڭ ورنىقتىرعىشى. جالپى حالىقتى تۇتاس قامتيتىن، قالا مەن اۋىل ءبىر تۇتاس جوسپارلانعان، ءادىل، ءبىر تۇتاس، حاۋىپسىز، جۇيەلى، باياندى كوپ ساتىلى قوعامدىق قامتاماسىزداندىرۋ جۇيەسىن اقاۋسىزداندىرۋ. نەگىزگى زەينەتكەرلىك قامسىزداندىرۋىن مەملەكەت بويىنشا ءبىر تۇتاس جوسپارلاۋ ءتۇزىمىن كەمەلدەندىرىپ، كوپ ساتىلى، كوپ تىرەكتىك زەينەتكەرلىك قامسىزداندىرۋ جۇيەسىن دامىتۋ. زاڭدا بەلگىلەنگەن زەينەتكە شىعۋ جاسىن بىرتىندەپ ۇزارتۋدى جۇزەگە اسىرۋ. قوعامدىق قامسىزداندىرۋدىڭ قامتۋ كولەمىن كەڭەيتىپ، نەگىزگى زەينەتكەرلىك، نەگىزگى ەمدەلۋدى قامسىزداندىرۋعا قارجى توپتاۋ جانە مامىلەسىن رەتتەۋ مەحانيزمىن اقاۋسىزداندىرىپ، نەگىزگى ەمدەلۋدى قامسىزداندىرۋدى، جۇمىسسىزدىقتى قامسىزداندىرۋدى، جۇمىس ۇستىندە جارالانۋدى قامسىزداندىرۋدى ولكە دارەجەلى ءبىر تۇتاس جوسپارلاۋدى ىلگەرىلەتۋ. كوپ ساتىلى ەمدەلۋدى قامتاماسىز ەتۋدىڭ ءتارتىپتى ۇشتاسۋىن جەبەپ، سالماقتى ناۋقاستاردى قامسىزداندىرۋ جانە ەمدەۋ، قۇتقارۋ ءتۇزىمىن كەمەلدەندىرىپ، باسقا جەردە ەمدەلۋ ەسەبىن جابۋدى تياناقتاندىرىپ، ۇزاق ۋاقىت كۇتىمدەۋدى قامسىزداندىرۋ ءتۇزىمىن ورناتىپ، ساۋدالىق ەمدەلۋ قامسىزداندىرۋىن بەلسەنە دامىتۋ. قوعامدىق قامسىزداندىرۋدىڭ بۇكىل ەل بويىنشا بىرلىككە كەلگەن الەۋمەتتىك قىزمەت وتەۋ تەكشەسىن جەدەل كەمەلدەندىرۋ. قوعامدىق قامسىزداندىرۋ قورىنىڭ قۇنىن ساقتاۋ، قۇنىن ارتتىرۋ جانە حاۋىپسىزدىگىن باقىلاۋ - باسقارۋ جۇيەسىن اقاۋسىزداندىرۋ. ساتىعا، تۇرگە بولىنگەن قوعامدىق قۇتقارۋ جۇيەسىن اقاۋسىزداندىرۋ. مەملەكەتتىڭ ەر - ايەل تەڭدىگى جونىندەگى نەگىزگى ساياساتىنا تاباندى بولىپ، ايەلدەر مەن بالالاردىڭ زاڭدى ۇقىق - مۇددەسىن قامتاماسىز ەتۋ. مۇگەدەكتەردى قوعامدىق قامتاماسىزداندىرۋ ءتۇزىمى مەن ولارعا قامقورلىق جاساۋ، قىزمەت وتەۋ جۇيەسىن كەمەلدەندىرىپ، مۇگەدەكتەر ءىسىنىڭ جاپپاي دامۋىن جەبەۋ. ءۇي ساۋدالاۋعا ەمەس، تۇرۋعا ارنالعان دەگەن ۇستانىمعا تاباندى بولىپ، كوپ سۋبيەكت ارقىلى ۇسىنىلاتىن، كوپ ارنامەن قامتاماسىز ەتىلەتىن، جالعا الۋ مەن ساتىپ الۋ قاتار اتقارىلاتىن تۇرعىن ءۇي ءتۇزىمىن جەدەل ورناتۋ.

　(4) سالاماتتى جۇڭگو قۇرىلىسىن ىلگەرىلەتۋ.

 حالىقتىڭ دەنساۋلىعى ۇلتتىڭ گۇلدەنىپ - كوركەيۋى مەن مەملەكەتتىڭ قۇدىرەتتەنۋىنىڭ ماڭىزدى بەلگىسى. حالىقتىڭ سالاماتتىعىن قامتاماسىز ەتۋدى الدىمەن دامىتىلاتىن ستراتەگيالىق ورىنعا قويىپ، حالىقتىڭ سالاماتتىعىن جەبەۋ ساياساتىن كەمەلدەندىرۋ. حالىق سانىنىڭ دامۋ ستراتەگياسىن ساپالىلاندىرىپ، تۋىتقا قولداۋ كورسەتۋ ساياساتى جۇيەسىن ورناتىپ، بالالى بولۋ، باعىپ - قاعۋ، تاربيەلەۋ وزىندىك قۇنىن تومەندەتۋ. حالىقتىڭ قارتتانۋىنا بەلسەنە توتەپ بەرۋدىڭ مەملەكەتتىك ستراتەگياسىن اتقارىپ، زەينەتكەرلىك ىستەرى مەن زەينەتكەرلىك شارۋاشىلىعىن دامىتىپ، سۇيەنىشسىز قارتتارعا قىزمەت وتەۋدى ساپالىلاندىرىپ، بارلىق قارتتىڭ نەگىزگى زەينەتكەرلىككە قىزمەت وتەۋدەن يگىلىكتەنۋىنىڭ جۇزەگە اسۋىن ىلگەرىلەتۋ. ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتىپ، ەمدەلۋدى قامسىزداندىرۋ، ەمدەۋ، ءدارى - دارمەك ىستەرىن سايكەستى دامىتۋ مەن باسقارۋدى جەبەۋ. ساپالى ەمدەۋ بايلىعىنىڭ كولەمىن كەڭەيتۋ مەن وڭىرلىك بىركەلكى ورنالاسىمىن جەبەپ، الدىن الۋدى نەگىز ەتۋگە تاباندى بولىپ، سالماقتى سوزىلمالى اۋرۋلار جونىندەگى سالاماتتىقتى باسقارۋدى كۇشەيتىپ، نەگىزگى ساتىلاردىڭ اۋرۋدان ساقتانۋ، اۋرۋدى ەمدەۋ جانە سالاماتتىقتى باسقارۋ قۋاتىن جوعارىلاتۋ. الەۋمەتتىك يگىلىك سيپاتىن باعدار ەتكەن ۇكىمەتتىك شيپاحانالار رەفورماسىن تەرەڭدەتىپ، حالىق باسقارۋىنداعى شيپاحانالاردىڭ دامۋىن ارناعا ءتۇسىرۋ. ەمدەۋ - دەنساۋلىق ساقتاۋ قوسىنىن دامىتىپ جانە ۇلعايتىپ، قىزمەت ءتۇيىنىن اۋىل - قىستاقتار مەن الەۋمەتتىك اۋماقتارعا اۋدارۋ. پسيحيكالىق اقاۋسىزدىق پەن رۋحاني ساۋلىققا ءمان بەرۋ. جۇڭگوشا دارىگەرلىك، ءدارى - دارمەك ىستەرىن جالعاستىرۋدى، وندا جاڭالىق اشۋدى، دامىتۋدى جەبەۋ. ەمدەۋ قىزمەتى مەن اۋرۋدىڭ الدىن الۋ جانە ونى تىزگىندەۋ قىزمەتىن سايكەستىرۋ، ەمدەۋ قىزمەتى مەن اۋرۋدىڭ الدىن الۋ جانە ونى تىزگىندەۋ قىزمەتىن توعىستىرۋ مەحانيزمىندە جاڭالىق اشىپ، الەۋمەتتىك دەنساۋلىق ساقتاۋ جۇيەسىن اقاۋسىزداندىرىپ، اۋىر ىندەتتى ەرتە بايقاۋ قابىلەتىن جوعارىلاتىپ، اۋىر ىندەتتەن ساقتانۋ - تىزگىندەۋ جانە قۇتقارۋ - ەمدەۋ جۇيەسى مەن شۇعىل توتەپ بەرۋ قۋاتى قۇرىلىسىن كۇشەيتىپ، اۋىر جۇعىمتال اۋرۋلاردىڭ تارالۋىن ۇتىمدى تەجەۋ. سالاماتتى جۇڭگو ارەكەتى مەن وتانشىلدىق تازالىق قيمىلىن ىشكەرىلەي ورىستەتىپ، وركەنيەتتى، اقاۋسىز تۇرمىس ءتاسىلىن دارىپتەۋ.

ونىنشى، جاسىل دامۋدى ىلگەرىلەتىپ، ادام مەن تابيعاتتىڭ جاراسىمدى، قاتار ءومىر ءسۇرۋىن جەبەۋ

　　تابيعات − ادامزاتتىڭ ءومىر ءسۇرۋى مەن دامۋىنىڭ نەگىزگى شارتى. تابيعاتقا قۇرمەت ەتۋ، تابيعاتقا بەيىمدەلۋ، تابيعاتتى قورعاۋ − جاپپاي سوتسياليستىك وسىزاماندانعان مەملەكەت قۇرۋدىڭ ىشكى تالابى. تۇنىق سۋ، جاسىل تاۋ − باعالى بايلىق ۇستانىمىن، ءسوز جوق، بەرىك ورناتىپ جانە امالياتتا ايگىلەپ، دامۋدى ادام مەن تابيعاتتىڭ جاراسىمدى، قاتار ءومىر سۇرەتىن تۇرعىسىندا تۇرىپ جوسپارلاۋ كەرەك.

　　ءبىز كورىكتى جۇڭگو قۇرىلىسىن ىلگەرىلەتىپ، تاۋ، سۋ، ورمان، ەگىنجاي، كول، جايلىم، قۇمدىقتى ءبىر تۇلعالاندىرىپ قورعاۋعا جانە جۇيەلى وڭاۋعا تاباندى بولىپ، شارۋاشىلىق قۇرىلىمىن رەتتەۋدى، لاستانۋدى وڭاۋدى، ەكولوگيانى قورعاۋدى، كليمات وزگەرىسىنە توتەپ بەرۋدى ءبىر تۇتاس جوسپارلاپ، كومىر قىشقىل گازىنىڭ شىعارىلۋىن ازايتۋدى، لاستانۋدى ازايتۋدى، جاسىلدانۋدى ۇلعايتۋدى، ەكونوميكانى ارتتىرۋدى سايكەستى ىلگەرىلەتىپ، ەكولوگيانى ماڭداي الدى ورىنعا قوياتىن، ۇنەمدى، ۇتىمدى، جاسىل، تومەن كومىر قىشقىل گازدى دامۋدى ىلگەرىلەتۋىمىز كەرەك.

　　(1) دامۋ تاسىلىندە جاسىلعا بۇرىلىس جاساۋدى جەدەلدەتۋ. 

ەكونوميكالىق، قوعامدىق دامۋدىڭ جاسىل، تومەن كومىر قىشقىل گازدى بولۋىن ىلگەرىلەتۋ جوعارى ساپالى دامۋدى جۇزەگە اسىرۋدىڭ شەشۋشى بۋىنى. شارۋاشىلىق قۇرىلىمى، ەنەرگيا قۇرىلىمى، قاتىناس - تاسىمال قۇرىلىمى، ت.ب رەتتەۋدى، ساپالىلاندىرۋدى جەدەل ىلگەرىلەتۋ. جاپپاي ۇنەمشىلدىك ستراتەگياسىن اتقارىپ، ءتۇرلى بايلىقتى ۇنەمدى، ۇتىمدى پايدالانۋدى ىلگەرىلەتىپ، تاستاندى زاتتاردى اينالمالى پايدالانۋ جۇيەسىن جەدەل ورناتۋ. جاسىل دامۋدى قولدايتىن قازىنا - باجى، فينانس، قارجى قوسۋ، باعا ساياساتىن جانە ولشەم جۇيەسىن كەمەلدەندىرىپ، جاسىل، تومەن كومىر قىشقىل گازدى شارۋاشىلىقتى دامىتىپ، بايلىق ورتاسىندىق فاكتورلاردى بازارلاندىرىپ ورنالاستىرۋ جۇيەسىن اقاۋسىزداندىرىپ، ەنەرگيا ۇنەمدەۋ، كومىر قىشقىل گازىنىڭ شىعارىلۋىن ازايتۋ سىندى وزىق تەحنيكالاردى زەرتتەپ اشۋدى جانە جالپىلاستىرۋدى، قولدانۋدى تەزدەتىپ، جاسىل تۇتىنۋدى دارىپتەپ، جاسىل، تومەن كومىر قىشقىل گازدى ءوندىرىس ءتاسىلى مەن تۇرمىس ءتاسىلىن قالىپتاستىرۋدى ىلگەرىلەتۋ.

　　(2) ورتانىڭ لاستانۋىنىڭ الدىن الۋدى جانە وڭاۋدى ىشكەرىلەي ىلگەرىلەتۋ.

 لاستانۋدى دالمە - ءدال جونگە سالۋعا، لاستانۋدى عىلمي جونگە سالۋعا، لاستانۋدى زاڭ بويىنشا جونگە سالۋعا تاباندى بولىپ، كوك اسپان، تۇنىق سۋ، تازا توپىراقتى قورعاۋ شايقاسىن ۇزدىكسىز ىشكەرىلەي، ويداعىداي جۇرگىزۋ. لاستاۋشى زاتتاردى سەلبەسىپ تىزگىندەۋدى كۇشەيتىپ، اۋا رايىنىڭ اۋىر لاستانۋىن، نەگىزىنەن، جويۋ. سۋ بايلىعىن، سۋ ورتاسىن، سۋ ەكولوگياسىن وڭاۋدى ءبىر تۇتاس جوسپارلاپ، ماڭىزدى وزەن، داريا، كول، سۋ قويمالارىنىڭ ەكولوگياسىن قورعاۋدى، وڭاۋدى ىلگەرىلەتىپ، قالانىڭ لاس، ساسىق سۋلارىن، نەگىزىنەن، جويۋ. توپىراقتىڭ لاستانۋىنان تۋ باستان ساقتانۋدى جانە ونى تىزگىندەۋدى كۇشەيتىپ، جاڭا لاستاۋشى زاتتاردى ءبىر جاقتى ەتۋدى ورىستەتۋ. ورتانىڭ نەگىزدىك قۇرىلعىلار قۇرىلىسىنىڭ دەڭگەيىن جوعارىلاتىپ، قالا مەن اۋىلدىڭ قونىستانۋ ورتاسىن وڭاۋدى ىلگەرىلەتۋ. لاس زاتتاردى شىعارۋعا رۇقسات ەتۋ ءتۇزىمىن جاپپاي اتقارىپ، وسى زامانعى ورتانى جونگە سالۋ جۇيەسىن اقاۋسىزداندىرۋ. قورشاعان ورتا حاۋىپ - قاتەرىنەن قاتاڭ ساقتانۋ. ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋىن ىشكەرىلەي ىلگەرىلەتۋ.

(3) ەكولوگيالىق جۇيەنىڭ الۋان تۇرلىلىگىن، ورنىقتىلىعىن، باياندىلىعىن ارتتىرۋ.

 مەملەكەتتىڭ ءتۇيىندى ەكولوگيالىق فۋنكتسيالىق رايونى، ەكولوگيانى قورعاۋ قىزىل سىزىعى، جاراتىلىستىق قورىق سياقتىلاردى ءتۇيىن ەتىپ، ەكولوگيالىق جۇيەنى قورعايتىن جانە ونى قالپىنا كەلتىرەتىن ماڭىزدى ءىرى ينجەنەريالاردى جەدەل اتقارۋ. مەملەكەتتىك باقشالاردى نەگىزگى تۇلعا ەتكەن جاراتىلىستىق قورىق جۇيەسى قۇرىلىسىن ىلگەرىلەتۋ. ورگانيزمدەردىڭ الۋان تۇرلىلىگىن قورعاۋ كەلەلى ينجەنەرياسىن اتقارۋ. مەملەكەت جەرىن كەڭ كولەمدە جاسىلداندىرۋ قيمىلىن عىلمي ورىستەتۋ. كوللەكتيۆتىك ورمان ۇقىعى ءتۇزىمى رەفورماسىن تەرەڭدەتۋ. جايلىم، ورمان، وزەن - كول، سازدىقتاردى تىنىقتىرۋ - تىڭايتۋدى جولعا قويىپ، چاڭجياڭ وزەنىندە 10 جىل بالىق اۋلاۋعا تيىم سالۋدى ويداعىداي اتقارىپ، ەگىستىك جەردى تىنىقتىرۋ، الماستىرىپ ەگۋ ءتۇزىمىن اقاۋسىزداندىرۋ. ەكولوگيالىق ونىمدەردىڭ قۇنىن جۇزەگە اسىرۋ مەحانيزمىن ورناتىپ، ەكولوگيانى قورعاۋ جونىنەن تولىقتاما تولەم بەرۋ ءتۇزىمىن كەمەلدەندىرۋ. بيولوگيالىق حاۋىپسىزدىكتى باسقارۋدى كۇشەيتىپ، سىرتتان كەلگەن تۇرلەردىڭ زيانداۋىنان ساقتانۋ.

　(4) كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىر قىشقىل گازىن بەيتاراپتاندىرۋدى بەلسەنە، ورنىقتى ىلگەرىلەتۋ. 

كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىر قىشقىل گازىن بەيتاراپتاندىرۋدى جۇزەگە اسىرۋ كەڭ كولەمدى ءارى تەرەڭ ەكونوميكالىق، قوعامدىق جۇيەلى وزگەرىس. ەلىمىزدىڭ ەنەرگيا بايلىعى نەگىزىن تياناق ەتىپ، الدىمەن قۇرىپ، ونان سوڭ كۇشىنەن قالدىرۋعا تاباندى بولىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ ارەكەتىن جوسپارلى، ساتىعا ءبولىپ اتقارۋ. ەنەرگيانى سارىپ ەتۋ جالپى مولشەرى مەن كۇشەمەلىلىگىن تىزگىندەۋدى كەمەلدەندىرىپ، تۇنبا ەنەرگيا تۇتىنىمىن ءتۇيىندى تۇردە تىزگىندەپ، كومىر قىشقىل گازىن شىعارۋدىڭ جالپى مولشەرى مەن كۇشەمەلىلىگىن ”قاتار تىزگىندەۋ“ تۇزىمىنە بىرتىندەپ ويىسۋ. ەنەرگيادان تازا، تومەن كومىر قىشقىل گازدى جوعارى ءونىمدى پايدالانۋدى ىلگەرىلەتىپ، ونەركاسىپ، قۇرىلىس، قاتىناس سياقتى سالالاردا تازا، تومەن كومىر قىشقىل گازدى بولۋعا قاراي تيبىن وزگەرتۋدى جەدەلدەتۋ. ەنەرگيا توڭكەرىسىن ىشكەرىلەي ىلگەرىلەتىپ، كومىردەن تازا، جوعارى ءونىمدى پايدالانۋدى كۇشەيتىپ، مۇناي - تابيعي گاز بايلىعىن بارلاپ اشۋ جانە زاپاسىن مولايتۋ تەبىنىن ارتتىرىپ، جاڭاشا ەنەرگيا جۇيەسىن پلانداۋدى، ورناتۋدى جەدەلدەتىپ، سۋ ەلەكترىن دامىتۋ مەن ەكولوگيانى قورعاۋدى ءبىر تۇتاس جوسپارلاپ، يادرو ەلەكترىن بەلسەندى، حاۋىپسىز، ءتارتىپتى دامىتىپ، ەنەرگيا ءوندىرۋ، ۇسىنۋ، ساقتاۋ، ساتۋ جۇيەسى قۇرىلىسىن كۇشەيتىپ، ەنەرگيا حاۋىپسىزدىگىنە شىنايى كەپىلدىك ەتۋ. كومىر قىشقىل گازىنىڭ شىعارىلۋىن ستاتيستيكالىق ەسەپتەۋ ءتۇزىمىن كەمەلدەندىرىپ، كومىر قىشقىل گازىن شىعارۋ ۇقىعىنىڭ بازار ساۋداسى ءتۇزىمىن اقاۋسىزداندىرۋ. ەكولوگيالىق جۇيەنىڭ كومىر قىشقىل گازىن ءسىمىرۋ قۋاتىن جوعارىلاتۋ. كليمات وزگەرىسىنە توتەپ بەرۋ جونىندەگى الەمدىك وڭاۋعا بەلسەنە ات سالىسۋ.

ون ءبىرىنشى، مەملەكەت حاۋىپسىزدىگى جۇيەسى مەن قۋاتىنىڭ وسىزاماندانۋىن ىلگەرىلەتىپ، مەملەكەت حاۋىپسىزدىگى مەن قوعامنىڭ ورنىقتىلىعىن باتىل قورعاۋ

　　مەملەكەت حاۋىپسىزدىگى − ۇلتتىڭ گۇلدەنۋىنىڭ نەگىزى، قوعام ورنىقتىلىعى − مەملەكەتتىڭ قۇدىرەتتەنۋىنىڭ العى شارتى. جالپى تۇلعالىق مەملەكەت حاۋىپسىزدىگى كوزقاراسىن، ءسوز جوق، بۇلجىتپاي دايەكتىلەندىرىپ، مەملەكەت حاۋىپسىزدىگىن قورعاۋدى پارتيا مەن مەملەكەت قىزمەتىنىڭ ءارقايسى جاعىندا، تۇتاس بارىسىندا دايەكتىلەندىرىپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىنا شىنايى كەپىلدىك ەتۋ كەرەك.

　　ءبىز حالىقتىڭ حاۋىپسىزدىگىن تۇپكى ماقسات ەتۋگە، ساياسي حاۋىپسىزدىكتى ارقاۋ ەتۋگە، ەكونوميكالىق حاۋىپسىزدىكتى نەگىز ەتۋگە، اسكەري ىستەر، عىلىم - تەحنيكا، مادەنيەت، قوعام حاۋىپسىزدىگىن كەپىل ەتۋگە، حالىقارالىق حاۋىپسىزدىكتى جەبەۋدى سۇيەنىش ەتۋگە تاباندى بولىپ، سىرتقى حاۋىپسىزدىك پەن ىشكى حاۋىپسىزدىكتى، مەملەكەت تەرريتورياسىنىڭ حاۋىپسىزدىگى مەن ازاماتتاردىڭ اماندىعىن، ءداستۇرلى حاۋىپسىزدىك پەن ءداستۇرلى ەمەس حاۋىپسىزدىكتى، وزىندىك حاۋىپسىزدىك پەن ورتاق حاۋىپسىزدىكتى ءبىر تۇتاس جوسپارلاپ، مەملەكەت حاۋىپسىزدىگىن قورعاۋ جانە سومداۋدى ءبىر تۇتاس جوسپارلاپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىنىڭ نەگىزگى ساتىداعى نەگىزىن بەكەمدەپ، الەمدىك حاۋىپسىزدىكتى باسقارۋعا قاتىناسۋ مەحانيزمىن كەمەلدەندىرىپ، اناعۇرلىم جوعارى دەڭگەيدەگى تىنىش جۇڭگونى قۇرىپ، جاڭا حاۋىپسىزدىك ارناسى ارقىلى جاڭا دامۋ جاعدايىن قامتاماسىز ەتۋىمىز كەرەك.

(1) مەملەكەت حاۋىپسىزدىگى جۇيەسىن كەمەلدەندىرۋ.

 پارتيا ورتالىق كوميتەتىنىڭ مەملەكەت حاۋىپسىزدىگى قىزمەتىنە ورتالىقتانعان ءبىر تۇتاس باسشىلىعىنا تاباندى بولىپ، جوعارى ءونىمدى، بەدەلدى مەملەكەت حاۋىپسىزدىگىنە باسشىلىق ەتۋ ءتۇزىلىسىن كەمەلدەندىرۋ. مەملەكەت حاۋىپسىزدىگى قىزمەتىن سايكەستىرۋ مەحانيزمىن كۇشەيتىپ، مەملەكەت حاۋىپسىزدىگىنىڭ زاڭمەن باسقارۋ جۇيەسىن، ستراتەگيالىق جۇيەسىن، ساياسات جۇيەسىن، حاۋىپ - قاتەردى باقىلاۋ - تەكسەرۋ، ساقتاندىرۋ جۇيەسىن، مەملەكەتتىڭ شۇعىل جاعدايعا توتەپ بەرۋدى باسقارۋ جۇيەسىن كەمەلدەندىرۋ، ءتۇيىندى سالالاردىڭ حاۋىپسىزدىگىن قامتاماسىز ەتۋ جۇيەسىن جانە ماڭىزدى ارنايى سايكەستىرۋ، قولباسشىلىق ەتۋ جۇيەسىن كەمەلدەندىرۋ، ەكونوميكا، ەلەۋلى نەگىزدىك قۇرىلعىلار، فينانس، ينتەرنەت، ساندى مالىمەت، بيولوگيا، بايلىق، يادرو، الەم كەڭىستىگى، تەڭىز - مۇحيت سياقتىلاردىڭ حاۋىپسىزدىگىن قامتاماسىز ەتۋ جۇيەسى قۇرىلىسىن كۇشەيتۋ. جازالاۋعا قارسى تۇرۋ، كيلىگۋگە قارسى تۇرۋ، ”قاراستىلىعىنان اسىپ باسقارۋعا“ قارسى تۇرۋ مەحانيزمىن اقاۋسىزداندىرۋ. مەملەكەت حاۋىپسىزدىگى كۇشتەرىن ورنالاستىرۋدى كەمەلدەندىرۋ، مەملەكەت حاۋىپسىزدىگىن قورعاۋدىڭ تۇتاس ءوڭىر بويىنشا بىرلەسىپ ارەكەتتەنەتىن، تولىق قامتىمدى، جوعارى ءونىمدى جۇيەسىن ورناتۋ.

　(2) مەملەكەت حاۋىپسىزدىگىن قورعاۋ قۋاتىن كۇشەيتۋ. 

مەملەكەتتىڭ بيلىك حاۋىپسىزدىگىن، ءتۇزىم حاۋىپسىزدىگىن، يدەولوگيا حاۋىپسىزدىگىن باتىل قورعاپ، ءتۇيىندى سالالاردىڭ حاۋىپسىزدىك قۋاتى قۇرىلىسىن كۇشەيتىپ، استىقتىڭ، ەنەرگيا بايلىعىنىڭ، ماڭىزدى شارۋاشىلىق تىزبەگىنىڭ، ۇسىنىم تىزبەگىنىڭ حاۋىپسىزدىگىنە شىنايى كەپىلدىك ەتىپ، شەتەلدەگى حاۋىپسىزدىكتى قامتاماسىز ەتۋ قۋاتى قۇرىلىسىن كۇشەيتىپ، ەلىمىز ازاماتتارىنىڭ، زاڭدىق تۇلعالارىنىڭ شەتەلدەگى زاڭدى ۇقىق - مۇددەسىن قورعاپ، تەڭىز - مۇحيتتىق ۇقىق - مۇددەنى قورعاپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋ. ەلەۋلى حاۋىپ - قاتەرلەردەن ساقتانۋ، ونى ارىلتۋ قۋاتىن جوعارىلاتۋ، جۇيەلى حاۋىپسىزدىك حاۋىپ - قاتەرىنەن قاتاڭ ساقتانۋ، جاۋ كۇشتەردىڭ سىنالاپ كىرۋ، ءبۇلدىرۋ، ىشىنەن ءىرىتۋ، بولشەكتەۋ ارەكەتتەرىنە قاتاڭ سوققى بەرۋ. مەملەكەت حاۋىپسىزدىگى تاربيەسىن جاپپاي كۇشەيتىپ، ءار دارەجەلى باسشى كادرلاردىڭ دامۋ مەن حاۋىپسىزدىكتى ءبىر تۇتاس جوسپارلاۋ قابىلەتىن جوعارىلاتىپ، جالپى حالىقتىڭ مەملەكەت حاۋىپسىزدىگى تانىمى مەن ساپاسىن نىعايتىپ، مەملەكەت حاۋىپسىزدىگىنىڭ حالىقتىق قورعانىس شەبىن بەكەمدەۋ.

　　(3) الەۋمەتتىك حاۋىپسىزدىكتى باسقارۋ دەڭگەيىن جوعارىلاتۋ. 

حاۋىپسىزدىكتى ءبىرىنشى ورىنعا قويۋعا، الدىن الۋدى نەگىز ەتۋگە تاباندى بولىپ، جالپىلىق حاۋىپسىزدىك، جالپىلىق شۇعىل جاعدايعا توتەپ بەرۋ جۇلگەسىن ورناتىپ، الەۋمەتتىك حاۋىپسىزدىك جۇيەسىن كەمەلدەندىرىپ، الەۋمەتتىك حاۋىپسىزدىكتى باسقارۋ ۇلگىسىنىڭ الدىن الا ساقتانۋعا قاراي تيبىن وزگەرتۋىن ىلگەرىلەتۋ. ءوندىرىس حاۋىپسىزدىگى حاۋىپ - قاتەرىن ارناۋلى وڭاۋدى ىلگەرىلەتىپ، ءتۇيىندى كاسىپتەردىڭ، ءتۇيىندى سالالاردىڭ حاۋىپسىزدىگىن باقىلاۋ - باسقارۋدى كۇشەيتۋ. اپاتتان ساقتانۋ، اپات شىعىنىن ازايتۋ، اپاتتان قۇتقارۋ جانە توسىن تۋىلعان ءىرى الەۋمەتتىك وقيعالاردى ءبىر جاقتى ەتۋ جانە قامتاماسىز ەتۋ قابىلەتىن جوعارىلاتىپ، مەملەكەتتىڭ وڭىرلىك شۇعىل جاعدايعا توتەپ بەرۋ قۋاتى قۇرىلىسىن كۇشەيتۋ. ازىق - تۇلىك، ءدارى - دارمەك حاۋىپسىزدىگىن باقىلاۋ - باسقارۋدى كۇشەيتىپ، بيولوگيالىق حاۋىپسىزدىك جونىندەگى باقىلاۋ - باسقارۋ، ساقتاندىرۋ، ساقتانۋ - تىزگىندەۋ جۇيەسىن اقاۋسىزداندىرۋ. جەكەلەر ينفورماتسياسىن قورعاۋدى كۇشەيتۋ.

(4) قوعامدىق باسقارۋ جۇيەسىن كەمەلدەندىرۋ. 

قوعامدىق باسقارۋدىڭ بىرگە قۇرۋ، بىرگە باسقارۋ، بىرگە يگىلىكتەنۋ ءتۇزىمىن اقاۋسىزداندىرىپ، قوعامدىق باسقارۋ ونىمدىلىگىن ارتتىرۋ. قوعامنىڭ نەگىزگى ساتىسىندا جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە دامىتىپ، جاڭا جاعدايدا حالىقتىڭ ىشكى بولەگىندەگى قايشىلىقتى دۇرىس ءبىر جايلى ەتۋ مەحانيزمىن كەمەلدەندىرىپ، حالىقتىڭ ارىز - ارمان قىزمەتىن كۇشەيتۋ جانە جاقسارتۋ، بۇقارانىڭ ارىز - ارمانىن جەتكىزۋ، مۇددەسىن سايكەستىرۋ، ۇقىق - مۇددەسىن قامتاماسىز ەتۋ ارناسىن ىركىلىسسىزدەندىرۋ جانە ارناعا ءتۇسىرۋ، توركوزدەندىرىپ باسقارۋدى، تىڭعىلىقتى قىزمەت وتەۋدى، ينفورماتسيالاندىرۋدى تىرەك ەتكەن نەگىزگى ساتىنى باسقارۋ تۇعىرىن كەمەلدەندىرۋ، قالا، اۋىلداردى، الەۋمەتتىك اۋماقتى باسقارۋ جۇيەسىن اقاۋسىزداندىرۋ، قايشىلىقتاردى، داۋ - شارلاردى دەر كەزىندە نەگىزگى ساتىدا شەشۋ، باستاپقى كەزىندە ارىلتۋ. قالا ءوڭىرىنىڭ قوعامدىق باسقارۋىن وسىزامانداندىرۋدى جەدەل ىلگەرىلەتىپ، قالا ءوڭىرىنىڭ قوعامدىق باسقارۋ قابىلەتىن جوعارىلاتۋ. قوعام اماندىعىنىڭ تۇتاس تۇلعالىق ساقتانۋ - تىزگىندەۋىن كۇشەيتىپ، قارا كۇشتەردى الاستاۋ، سۇرقيا كۇشتەردى جويۋدى ۇدايىلاندىرۋدى ىلگەرىلەتىپ، بۇقارانىڭ اڭىسى كۇشتى بولعان زاڭعا قايشى ءتۇرلى قىلمىستىق ارەكەتتەردى زاڭ بويىنشا قاتاڭ جازالاۋ. كوپ بولىپ ساقتانىپ، كوپ بولىپ جونگە سالۋ قۋاتىن نىعايتىپ، ۇلعايتىپ، ادىلەت جولىندا ەرلىك كورسەتۋ سىندى قوعامدىق اۋقىم قالىپتاستىرىپ، قوعامدىق باسقارۋدىڭ بارلىق ادام جاۋاپكەرشىلىك ارقالايتىن، بارلىق ادام جاۋاپكەرشىلىگىن ادا ەتەتىن، بارلىق ادام يگىلىكتەنەتىن ورتاق تۇلعاسىن قالىپتاستىرۋ.

ون ەكىنشى، ارميا قۇرىلعاندىعىنىڭ 100 جىلدىق كۇرەس نىساناسىن جۇزەگە اسىرىپ، مەملەكەت قورعانىسى مەن ارميانى وسىزامانداندىرۋدىڭ جاڭا جاعدايىن اشۋ

　　ارميا قۇرىلعاندىعىنىڭ 100 جىلدىق كۇرەس نىساناسىن مەرزىمىندە جۇزەگە اسىرىپ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋدى جەدەلدەتۋ − جاپپاي سوتسياليستىك وسىزاماندانعان مەملەكەت قۇرۋدىڭ ستراتەگيالىق تالابى. پارتيانىڭ جاڭا داۋىردەگى ارميانى قۇدىرەتتەندىرۋ يدەياسىن، ءسوز جوق، دايەكتىلەندىرىپ، جاڭا داۋىردەگى اسكەري ستراتەگيالىق باعىتىن دايەكتىلەندىرىپ، پارتيانىڭ حالىق ارمياسىنا شارتسىز باسشىلىعىنا تاباندى بولۋ، ارميانى ساياسي جاقتان قۇرۋعا، ارميانى رەفورما ارقىلى قۇدىرەتتەندىرۋگە، ارميانى عىلىم - تەحنيكا ارقىلى قۇدىرەتتەندىرۋگە، ارميانى دارىندىلار ارقىلى قۇدىرەتتەندىرۋگە، ارميانى زاڭمەن باسقارۋعا تاباندى بولىپ، ءبىر جاعىنان، كۇرەس جاساۋعا، ءبىر جاعىنان، سوعىسقا دايىندالۋعا، ءبىر جاعىنان، كوركەيتۋگە تاباندى بولۋ، ماشينالانۋدىڭ، ينفورماتسيالانۋدىڭ، زەردەلىلەنۋدىڭ توعىسا دامۋىنا تاباندى بولىپ، اسكەري ىستەر نازارياسىنىڭ وسىزاماندانۋىن، ارميانىڭ ۇيىمدىق فورماسىنىڭ وسىزاماندانۋىن، اسكەري قىزمەتكەرلەردىڭ وسىزاماندانۋىن، قارۋ - جاراقتىڭ وسىزاماندانۋىن جەدەلدەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ ستراتەگيالىق قۋاتىن جوعارىلاتىپ، جاڭا داۋىردەگى حالىق ارمياسىنىڭ بورىشىن، مىندەتىن ۇتىمدى اتقارۋ كەرەك.

　　حالىق ارمياسىنىڭ پارتيا قۇرىلىسىن جاپپاي كۇشەيتىپ، اسكەري ۇقىقتىڭ ماڭگى پارتيانىڭ قولباسشىلىعىنا بويسۇنۋىنا شىنايى كەپىلدىك ەتۋ. اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمى سىندى ءتۇزىلىس - مەحانيزمدى اقاۋسىزداندىرۋ. پارتيانىڭ جاڭالىق اشۋ نازارياسىمەن قارۋلانۋدى تەرەڭدەتىپ، ”ارميانى قۇدىرەتتەندىرۋ يدەياسىن ۇيرەنىپ، ارميانى قۇدىرەتتەندىرۋ ىسىنە ۇلەس قوسۋ“ تاربيەسى جانە ونى امالياتتا ايگىلەۋ قيمىلىن ورىستەتۋ. ارميا تاريحىن ۇيرەنۋ تاربيەسىن كۇشەيتىپ، ارميانى قۇدىرەتتەندىرۋ مادەنيەتىن گۇلدەندىرىپ، دامىتىپ، جاۋىنگەرلىك رۋحتى جەتىلدىرۋدى كۇشەيتۋ. حالىق ارمياسىنىڭ پارتيا ۇيىمى جۇيەسىن ورناتىپ، كۇشەيتىپ، ساياسي جاقتان رەتتەۋ - تاربيەلەۋدى ۇدايىلاندىرۋدى، تۇزىمدەندىرۋدى ىلگەرىلەتىپ، ستيلدى دۇرىستاپ، ءتارتىپتى قاتايتۋعا، شىرىكتەسۋگە قارسى تۇرۋعا تاباندى بولۋ.

　　اسكەرلەردى جاتتىقتىرۋدى جانە سوعىس دايىندىعىن جاپپاي كۇشەيتىپ، حالىق ارمياسىنىڭ جەڭىمپازدىق قابىلەتىن جوعارىلاتۋ. ينفورماتسيالانعان، زەردەلىلەنگەن سوعىس جۇرگىزۋ ەرەكشەلىگى مەن زاڭدىلىعىن زەرتتەپ، يگەرىپ، اسكەري ىستەرگە ستراتەگيالىق جەتەكشىلىك ەتۋدە جاڭالىق اشىپ، حالىقتىق سوعىس ستراتەگياسىن، تاكتيكاسىن دامىتۋ. قۇدىرەتتى ستراتەگيالىق سەس كورسەتۋ قۋاتى جۇيەسىن قالىپتاستىرىپ، جاڭا سالا، جاڭا ساپادا سوعىس جۇرگىزۋ قۋاتى سالىستىرماسىن ارتتىرىپ، ادامسىز زەردەلى سوعىس جۇرگىزۋ قۋاتىنىڭ ارتۋىن جەدەلدەتىپ، توراپ ينفورماتسيا جۇيەسىن ورناتۋدى، قولدانۋدى ءبىر تۇتاس جوسپارلاۋ. بىرلەسىپ سوعىس جۇرگىزۋ قولباسشىلىق جۇيەسىن ساپالىلاندىرىپ، بارلاۋ - ساقتاندىرۋ، بىرلەسىپ سوققى بەرۋ، سوعىس مايدانىندا تىرەك بولۋ، جان - جاقتى قامتاماسىز ەتۋ جۇيەسى جانە قابىلەتى قۇرىلىسىن ىلگەرىلەتۋ. ناقتى سوعىستىق اسكەري جاتتىعۋدى ىشكەرىلەي ىلگەرىلەتىپ، بىرلەسىپ جاتتىعۋدى، قاراما - قارسى جاتتىعۋدى، عىلىم - تەحنيكالىق جاتتىعۋدى تەرەڭدەتۋ. اسكەري كۇشتەن پايدالانۋدىڭ ۇدايىلانۋىن، الۋان تۇرلىلەنۋىن كۇشەيتىپ، اسكەري كۇرەستى باتىل دا يكەمدى ورىستەتىپ، حاۋىپسىزدىك جاعدايدى قالىپتاستىرىپ، داعدارىستى، قاقتىعىستى تەجەپ، تىزگىندەپ، ءىشىنارالىق سوعىستا جەڭىپ شىعۋ.

　　اسكەري ىستەردى باسقارۋدى جاپپاي كۇشەيتىپ، مەملەكەت قورعانىسى مەن ارميا رەفورماسىنىڭ جەتىستىكتەرىن بەكەمدەپ جانە كەڭەيتىپ، اسكەري كۇشتىڭ قۇرىلىمى مەن قۇرامىن كەمەلدەندىرىپ، اسكەري ساياسات - ءتۇزىمدى جۇيەلى ساپالىلاندىرۋ. مەملەكەت قورعانىسى مەن ارميا قۇرىلىسىنداعى كەلەلى مىندەتتەردى، كۇرەستى، قۇرىلىستى، سوعىس دايىندىعىن ءبىر تۇتاس جوسپارلاۋدى كۇشەيتىپ، وسىزاماندانعان ارتقى شەپ قۇرۋدى جەدەلدەتىپ، مەملەكەت قورعانىسى عىلىم - تەحنيكاسى مەن قارۋ - جاراق كەلەلى ينجەنەرياسىن اتقارىپ، عىلىم - تەحنيكانىڭ جاۋىنگەرلىك قۋاتقا اينالۋىن تەزدەتۋ. اسكەري جوعارى وقۋ ورىندارى رەفورماسىن تەرەڭدەتىپ، جاڭاشا اسكەري دارىندىلاردى جەتىلدىرۋ جۇيەسىن ورناتىپ جانە كۇشەيتىپ، اسكەري ىستەر جاعىنداعى ادام كۇشى بايلىعىن باسقارۋدا جاڭالىق اشۋ. ارميانى زاڭمەن باسقارۋ مەحانيزمى قۇرىلىسى مەن ستراتەگيالىق پلانىن كۇشەيتىپ، اسكەري ىستەردى زاڭمەن باسقارۋدىڭ جۇڭگوشا جۇيەسىن كەمەلدەندىرۋ. ستراتەگيالىق باسقارۋدى جاقسارتىپ، اسكەري ىستەر جۇيەسى اينالىمىنىڭ ونىمدىلىگىن جانە مەملەكەت قورعانىسى بايلىعىن پايدالانۋ ءونىمىن جوعارىلاتۋ.

　　مەملەكەتتىڭ ءبىر تۇلعالانعان ستراتەگيالىق جۇيەسى مەن قابىلەتىن بەكەمدەۋ، جوعارىلاتۋ. ارميا مەن جەرگىلىكتى ورىننىڭ ستراتەگيالىق جوباسىن ءبىر تۇتاس جوسپارلاۋدى، ساياسات - تۇزىمدەردى ۇشتاستىرۋدى، بايلىق فاكتورىنان بىرگە يگىلىكتەنۋدى كۇشەيتۋ. مەملەكەت قورعانىسى عىلىم - تەحنيكا ونەركاسىبى جۇيەسى مەن ورنالاسىمىن ساپالىلاندىرىپ، مەملەكەت قورعانىسى عىلىم - تەحنيكا ونەركاسىبى قۋاتى قۇرىلىسىن كۇشەيتۋ. جالپى حالىقتىق مەملەكەت قورعانىسى تاربيەسىن تەرەڭدەتۋ. مەملەكەت قورعانىسىنا جۇمىلدىرۋ جانە زاپاس كۇش قۇرىلىسىن كۇشەيتىپ، وسى زامانعى شەكارا، تەڭىز، اۋە قورعانىسى قۇرىلىسىن ىلگەرىلەتۋ. اسكەريلەر مەن اسكەريلەردىڭ وتباسىنداعىلارعا قۇرمەت كورسەتۋدى، ىنتالاندىرۋدى جانە ۇقىق - مۇددەسىن قامتاماسىز ەتۋدى كۇشەيتىپ، اسكەردەن بوساعان اسكەريلەرگە قىزمەت وتەۋ، قامتاماسىزداندىرۋ قىزمەتىن ويداعىداي ىستەۋ. ارميا مەن ۇكىمەتتىڭ، ارميا مەن حالىقتىڭ ىنتىماعىن بەكەمدەۋ جانە كۇشەيتۋ.

　　حالىق ارمياسى باستان - اياق پارتيا مەن حالىق تولىق سەنىم ارتقان قاھارمان ارميا، مەملەكەتتىڭ يەلىك ۇقىعىن، بىرلىگىن جانە تەرريتوريا تۇتاستىعىن قورعاۋعا سەنىمدى ءارى قابىلەتتى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا ستراتەگيالىق تىرەك بولۋعا سەنىمدى ءارى قابىلەتتى، دۇنيە ءجۇزىنىڭ بەيبىتشىلىگى مەن دامۋىنا اناعۇرلىم زور ۇلەس قوسۋعا سەنىمدى ءارى قابىلەتتى!

ون ءۇشىنشى، ”ءبىر ەل، ەكى تۇزىمگە“ تاباندى بولىپ جانە ونى كەمەلدەندىرىپ، وتاننىڭ بىرلىككە كەلۋىن ىلگەرىلەتۋ

　　”ءبىر ەل، ەكى ءتۇزىم “ − جۇڭگوشا سوتسياليزمنىڭ ۇلى جاسامپازدىعى، شياڭگاڭنىڭ، اۋمىننىڭ وتان قۇشاعىنا ورالعاننان كەيىن ۇزاق ۋاقىت گۇلدەنىپ - كوركەيۋىن، ورنىقتىلىعىن ساقتاۋداعى ەڭ ۇتىمدى تۇزىمدىك ورنالاستىرۋ، وعان، ءسوز جوق، ۇزاق ۋاقىت تاباندى بولۋ كەرەك.

　　”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن جان - جاقتى، دۇرىس، بۇلجىتپاي دايەكتىلەندىرىپ، شياڭگاڭدى، اۋمىندى زاڭ بويىنشا باسقارۋعا تاباندى بولىپ، ەرەكشە اكىمشىلىك رايونىنىڭ نەگىزگى زاڭ مەن ءتۇبىرلى زاڭدا بەلگىلەنگەن نەگىزگى زاڭدىق ەرەجە - ءتارتىبىن قورعاۋ. ”ءبىر ەل، ەكى ءتۇزىم“ ءتۇزىمى جۇيەسىنە تاباندى بولىپ جانە ونى كەمەلدەندىرىپ، ورتالىقتىڭ جان - جاقتى باسقارۋ، جونگە سالۋ ۇقىعىن تياناقتاندىرىپ، ”وتانشىلداردىڭ شياڭگاڭدى باسقارۋى“، ”وتانشىلداردىڭ اۋمىندى باسقارۋى“ پرينسيبىن تياناقتاندىرىپ، ەرەكشە اكىمشىلىك رايونداردىڭ مەملەكەت حاۋىپسىزدىگىن قورعاۋداعى زاڭ - تۇزىمدەرى مەن ونى اتقارۋ مەحانيزمىن تياناقتاندىرۋ. ورتالىقتىڭ جاپپاي باسقارۋ ۇقىعى مەن ەرەكشە اكىمشىلىك رايونىنىڭ وسكەلەڭ اۆتونوميا ۇقىعىن قامتاماسىز ەتۋدىڭ بىرلىگىنە تاباندى بولىپ، اكىمشىلىك جەتەكشىلىككە تاباندى بولىپ، اكىم مەن ەرەكشە اكىمشىلىك رايون ۇكىمەتىنىڭ زاڭ بويىنشا بيلىك جۇرگىزۋىن قولداپ، جان - جاقتى جونگە سالۋ قابىلەتى مەن باسقارۋ دەڭگەيىن جوعارىلاتىپ، ەرەكشە اكىمشىلىك رايونىنىڭ ءادىليا ءتۇزىمى مەن زاڭ جۇيەسىن كەمەلدەندىرىپ، شياڭگاڭنىڭ، اۋمىننىڭ كاپيتاليستىك ءتۇزىمى مەن تۇرمىس ءتاسىلىن ۇزاق ۋاقىت وزگەرتپەي، شياڭگاڭنىڭ، اۋمىننىڭ ۇزاق ۋاقىت گۇلدەنىپ - كوركەيۋىن، ورنىقتىلىعىن جەبەۋ.

　　شياڭگاڭنىڭ، اۋمىننىڭ ەكونوميكانى دامىتۋىنا، حالىق تۇرمىسىن جاقسارتۋىنا، ەكونوميكالىق، قوعامدىق دامۋداعى تەرەڭ قاتپارلى قايشىلىقتار مەن ماسەلەلەردى شەشۋىنە قولداۋ كورسەتۋ. شياڭگاڭنىڭ، اۋمىننىڭ ابزالدىلىعى مەن ەرەكشەلىگىن ساۋلەلەندىرىپ، شياڭگاڭنىڭ، اۋمىننىڭ حالىقارالىق فينانس، ساۋدا، تەڭىز تاسىمالى، اۆياتسيا، عىلىم - تەحنيكادا جاڭالىق اشۋ، مادەنيەت - ساياحات سياقتى سالالارداعى ورنىن بەكەمدەپ جانە جوعارىلاتىپ، شياڭگاڭنىڭ، اۋمىننىڭ ءارقايسى ەلمەن، ءارقايسى وڭىرمەن اناعۇرلىم اشىق، اناعۇرلىم قويۋ بارىس - كەلىسىن، سەلبەستىگىن تەرەڭدەتۋ. گۋاڭدۇڭ − شياڭگاڭ − اۋمىن ۇلكەن شىعاناق رايونى قۇرىلىسىن ىلگەرىلەتىپ، شياڭگاڭنىڭ، اۋمىننىڭ مەملەكەتتىڭ دامۋ كەلەلى جاعدايىمەن اناعۇرلىم ويداعىداي توعىسۋىن قولداپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىنداعى رولىن اناعۇرلىم ويداعىداي ساۋلەلەندىرۋ.

　　وتاندى سۇيەتىن، شياڭگاڭدى سۇيەتىن، اۋمىندى سۇيەتىن كۇشتەردى دامىتىپ، ۇلعايتىپ، شياڭگاڭدىق، اۋمىندىق باۋىرلاستاردىڭ وتانشىلدىق رۋحىن كۇشەيتىپ، ەل ءىشى - سىرتىنداعى ”ءبىر ەل، ەكى ءتۇزىمدى“ قولدايتىن اناعۇرلىم كەڭ بىرلىكساپ شەبىن قالىپتاستىرۋ. ورتالىق ۇكىمەتكە قارسى تۇرىپ، شياڭگاڭدى بىلىقتىراتىن، اۋمىندى بىلىقتىراتىن كۇشتەرگە باتىل سوققى بەرىپ، سىرتقى كۇشتەردىڭ شياڭگاڭ، اۋمىن ىستەرىنە كيلىگۋىنەن باتىل ساقتانۋ جانە ونى تەجەۋ.

　　تايۋان ماسەلەسىن شەشىپ، وتاندى بۇكىلدەي بىرلىككە كەلتىرۋ − پارتيانىڭ مىزعىماس تاريحي مىندەتى، بۇكىل جۇڭحۋا پەرزەنتتەرىنىڭ ورتاق تىلەگى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قاجەتتى تالابى. پارتيانىڭ جاڭا داۋىردە تايۋان ماسەلەسىن شەشۋدەگى جالپى تۇلعالىق جالپى جوباسىن دايەكتىلەندىرۋگە تاباندى بولىپ، ەكى جاعالاۋ قاتىناسىنىڭ جەتەكشىلىك ۇقىعى مەن ىرىقتىلىق ۇقىعىن مىقتى يگەرىپ، وتاننىڭ بىرلىككە كەلۋ ۇلى ءىسىن بۇلجىتپاي ىلگەرىلەتۋ.

　　”بەيبىت جولمەن بىرلىككە كەلۋ، ءبىر ەل، ەكى ءتۇزىم“ باعىتى − ەكى جاعالاۋدىڭ بىرلىككە كەلۋىن جۇزەگە اسىرۋدىڭ ەڭ تاماشا ءتاسىلى، ەكى جاعالاۋداعى باۋىرلاستار مەن جۇڭحۋا ۇلتى ءۇشىن ەڭ ءتيىمدى. ءبىز ءبىر جۇڭگو پرينسيبى مەن ”1992 - جىلعى ورتاق تانىمعا“ تاباندى بولىپ، وسى نەگىزدە تايۋانداعى پارتيا - توپتارمەن، سالالارمەن، ءارقايسى جىكتەگى قايراتكەرلەرمەن ەكى جاعالاۋ قاتىناسى جانە مەملەكەتتىڭ تۇتاستىعى جونىندە كەڭ كولەمدە، ىشكەرىلەي كەڭەسۋدى ىلگەرىلەتىپ، ەكى جاعالاۋ قاتىناسىنىڭ بەيبىت دامۋىنا بىرگە دەم بەرىپ، وتاننىڭ بەيبىت جولمەن بىرلىككە كەلۋ اياق الىسىن ىلگەرىلەتەمىز. ءبىز بارشا تايۋاندىق باۋىرلاستارمەن ىنتىماقتاسۋعا تاباندى بولىپ، ارالداعى وتانشىل بىرلىككە كەلتىرۋشى كۇشتەردى باتىل قولداپ، تاريحي زور اۋقىمدى بىرگە يگەرىپ، ۇلتتىڭ ادىلەتتى ىسىنەن بۇلجىماي، ”دەربەستەندىرۋگە“ باتىل قارسى تۇرىپ، بىرلىككە كەلۋدى جەبەيمىز. ۇلى وتانىمىز − ءارقاشان بارلىق وتانشىل بىرلىككە كەلتىرۋشى كۇشتەردىڭ بەرىك تىرەگى!

　　ەكى جاعالاۋداعى باۋىرلاستار − قانداس تۋىستار، ءبىر ءۇيدىڭ ادامدارى. ءبىز تايۋاندىق باۋىرلاستارعا باستان - اياق قۇرمەت ەتىپ، قامقورلىق جاساپ، ولاردى باقىتقا كەنەلتىپ، ەكى جاعالاۋدىڭ ەكونوميكا، مادەنيەت اۋىس - ءتۇيىسىن، سەلبەستىگىن جەبەۋگە ۇزدىكسىز كۇش سالىپ، ەكى جاعالاۋداعى ءارقايسى سالانىڭ توعىسا دامۋىن تەرەڭدەتىپ، تايۋاندىق باۋىرلاستاردىڭ ىرىس - قۇتىن ارتتىراتىن ءتۇزىم مەن ساياساتتى كەمەلدەندىرىپ، ەكى جاعالاۋدىڭ جۇڭحۋا مادەنيەتىن بىرگە اسقاقتاتۋىنا دەم بەرىپ، ەكى جاعالاۋداعى باۋىرلاستاردىڭ جۇرەكتەرىنىڭ توعىسۋىن جەبەيمىز.

　　تايۋان − جۇڭگونىڭ تايۋانى. تايۋان ماسەلەسىن شەشۋ − جۇڭگولىقتاردىڭ ءوز ءىسى، ونى جۇڭگولىقتار بەلگىلەيدى. ءبىز شەكسىز شىن جۇرەكتەن، بار كۇش - جىگەرىمىزبەن بەيبىت جولمەن بىرلىككە كەلۋدىڭ كەلەشەگىنە قول جەتكىزۋگە تاباندى بولامىز، الايدا، ءبىز قارۋلى كۇش جۇمسامايمىز دەپ استە ۋادە بەرمەيمىز، بارلىق قاجەتتى شارالاردى قولدانۋ تاڭداۋىن ساقتاپ قالامىز. بۇل سىرتقى كۇشتەردىڭ كيلىگۋى مەن ”تايۋاندى دەربەستەندىرۋدى“ كوزدەيتىن ات توبەلىندەي بولشەكتەۋشى ەلەمەنتتەرگە، سونداي - اق ولاردىڭ بولشەكتەۋ ارەكەتىنە قاراتىلعان، استە بارشا تايۋاندىق باۋىرلاسقا قاراتىلماعان. مەملەكەتتىڭ تۇتاستىعى، ۇلتتىڭ گۇلدەنۋى سىندى تاريح تەگەرشىگى العا تارتا بەرەدى، وتاننىڭ بۇكىلدەي بىرلىككە كەلۋىن، ءسوز جوق، جۇزەگە اسىرامىز، ءسوز جوق، جۇزەگە اسادى دا!

ون ءتورتىنشى، دۇنيە ءجۇزىنىڭ بەيبىتشىلىگى مەن دامۋىن جەبەپ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋ

　　قازىر دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى بۇرىن بولىپ كورمەگەن تاسىلمەن ورىستەۋدە. ءبىر جاعىنان، بەيبىتشىلىك، دامۋ، سەلبەستىك، تەڭ يگىلىكتەنۋ سىندى تاريح اعىمى بوگەۋ بەرمەس حالىق قالاۋىنا اينالىپ، ۇلى اۋقىم ادامزات بولاشاعىنىڭ ءبارىبىر جارقىن بولاتىنىن بەلگىلەدى. ەندى ءبىر جاعىنان، كۇشتىگە ارقا سۇيەپ، ءالسىزدى باسىنۋ، الداۋ نەمەسە تارتىپ الۋ، قىرعي قاباقتىق سياقتى زورەكەرلىك، وزبىرلىق، وكتەمدىك ارەكەتتەرىنىڭ زالالى اۋىر بولىپ، بەيبىتشىلىك قىزىل سيفرى، دامۋ قىزىل سيفرى، حاۋىپسىزدىك قىزىل سيفرى، باسقارۋ قىزىل سيفرى اسقىنىپ، ادامزات قوعامى بۇرىن بولىپ كورىلمەگەن سىن - سايىستارعا ءدوپ كەلدى. دۇنيە تاعى ءبىر رەت تاريحتىڭ جول ايىرىعىنا تىرەلىپ، قايدا بارىپ، قايدا تۇرۋ ءار ەل حالقىنىڭ ءوز تالعامىنا ءتۇستى.جۇڭگو دۇنيە ءجۇزىنىڭ بەيبىتشىلىگىن قورعاۋ، بىرگە دامۋدى جەبەۋ ديپلوماتيالىق ساياساتىنىڭ تۇپكى ماقساتىنا باستان - اياق تاباندى بولىپ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋگە كۇش سالادى.

　　جۇڭگو دەربەس، وزىنە - ءوزى قوجايىن بولۋ سىندى بەيبىت ديپلوماتيالىق ساياساتتى باتىل اتقارىپ، تۇرعىمىز بەن ساياساتىمىزدى باستان - اياق ءىستىڭ ءوزىنىڭ دۇرىس - بۇرىستىعى مەن ورىندى - ورىنسىزدىعى نەگىزىندە بەلگىلەپ، حالىقارالىق قاتىناستىڭ نەگىزگى ولشەمىن قورعايدى، حالىقارالىق ادىلدىك پەن تۋراشىلدىقتى قورعايدى. جۇڭگو ءار ەلدىڭ يەلىك ۇقىعى مەن تەرريتوريا تۇتاستىعىنا قۇرمەت ەتەدى، مەملەكەتتەردىڭ ۇلكەن - كىشى، كۇشتى - ءالسىز، كەدەي - باي دەمەي تۇگەلدەي تەرەزەسى تەڭ بولۋىنا تاباندى بولىپ، ءار ەل حالقىنىڭ ءوزى تاڭداعان دامۋ جولى مەن قوعامدىق تۇزىمىنە قۇرمەت ەتەدى، ءارقانداي فورماداعى زورەكەرلىك پەن وكتەمدىك ساياسيعا باتىل قارسى تۇرادى، قىرعي قاباقتىق ويعا قارسى تۇرادى، باسقا ەلدىڭ ىشكى ىسىنە كيلىگۋگە قارسى تۇرادى، قوس ولشەم قولدانۋعا قارسى تۇرادى. جۇڭگو قورعانۋ سيپاتتى مەملەكەت قورعانىسى ساياساتىن جۇرگىزەدى، جۇڭگونىڭ دامۋى دۇنيە ءجۇزى بەيبىتشىلىك كۇشىنىڭ ارتۋى سانالادى، مەيلى قانداي دەڭگەيدە دامىسا دا، جۇڭگو ماڭگى زورەكەر بولمايدى، ماڭگى ىرگە كەڭەيتپەيدى.

　　جۇڭگو بەيبىت قاتار تۇرۋدىڭ بەس پرينسيبى نەگىزىندە، ءار ەلمەن دوستىق سەلبەستىكتى دامىتۋعا تاباندى بولىپ، جاڭاشا حالىقارالىق قاتىناستىڭ قالىپتاسۋىن جەبەپ، تەڭ، اشىق، سەلبەسىمدى الەمدىك ارىپتەستىك قاتىناستى تەرەڭدەتىپ، كەڭەيتىپ، ءار ەل مۇددەسىنىڭ توعىسۋ ءتۇيىنىن ۇلعايتۋعا كۇش سالادى. ءىرى ەلدەردىڭ سايكەسۋى مەن ءتيىمدى ىقپالداستىعىن جەبەپ، بەيبىت قاتار تۇراتىن، جالپى تۇلعالىق جاقتان ورنىقتى، بىركەلكى داميتىن ءىرى ەلدەر قاتىناسى جۇيەسىن ورناتۋدى ىلگەرىلەتەدى. تاتۋ، ادال، قايىرىمدى، كەڭ پەيىل بولۋ جانە كورشىلەرمەن تاتۋ - ءتاتتى ءوتۋ، كورشىلەردى سەرىك تۇتۋ سىندى توڭىرەكتىك ديپلوماتيا باعىتىنا تاباندى بولىپ، توڭىرەكتەگى ەلدەرمەن دوستىقتى، ءوزارا سەنىمدىلىكتى جانە مۇددەلىك توعىسۋدى تەرەڭدەتەدى. شىنايى، بۇكپەسىز، باۋىرمال، ادال بولۋ ۇستانىمىن جانە دۇرىس ادىلەت - مۇددە كوزقاراسىن ۇستانىپ، دامۋ جولىنداعى ەلدەرمەن ىنتىماقتاستىقتى، سەلبەستىكتى كۇشەيتىپ، دامۋ جولىنداعى ەلدەردىڭ ورتاق مۇددەسىن قورعايدى. جۇڭگو كوممۋنيستىك پارتياسى دەربەس، وزىنە - ءوزى قوجايىن بولۋ، بۇكىلدەي تەپە - تەڭ بولۋ، ءوزارا قۇرمەت ەتۋ، ءبىر - ءبىرىنىڭ ىشكى ىسىنە كيلىكپەۋ پرينسيبى نەگىزىندە، ءار ەلدىڭ ساياسي پارتيالارىمەن جانە ساياسي ۇيىمدارىمەن اۋىس - كۇيىس جاساۋدى، سەلبەسۋدى كۇشەيتىپ، حالىق قۇرىلتايى، ساياسي كەڭەس، ارميا، جەرگىلىكتى ورىن، حالىقتىق ۇيىمدار سياقتى ءار جاقتىڭ سىرتپەن بارىس - كەلىسىن بەلسەنە ىلگەرىلەتۋگە پەيىل.

　　جۇڭگو سىرتقا ەسىك اشۋ سىندى نەگىزگى مەملەكەت ساياساتىنا تاباندى بولىپ، ءوزارا تيىمدىلىك جاساۋ، تەڭ يگىلىكتەنۋ سىندى ەسىك اشۋ ستراتەگياسىن باتىل اتقارىپ، جۇڭگونىڭ تىڭ دامۋى ارقىلى دۇنيە جۇزىنە تىڭ ورايلاردى ۇزدىكسىز ازىرلەپ، اشىق دۇنيە ءجۇزى ەكونوميكاسىن قۇرۋدى ىلگەرىلەتىپ، ءار ەل حالقىنا اناعۇرلىم ويداعىداي تيىمدىلىك جاسايدى. جۇڭگو ەكونوميكانىڭ جاھاندانۋى سىندى دۇرىس بەتالىستان جازباي، ساۋدا جانە قارجى قوسۋدىڭ ەركىن، قولايلى بولۋىن ىلگەرىلەتىپ، ەكى جاقتى، وڭىرلىك جانە كوپ جاقتى سەلبەستىكتى ىلگەرىلەتىپ، حالىقارالىق ماكرولىق ەكونوميكالىق ساياساتتى سايكەستىرۋدى جەبەپ، دامۋعا ءتيىمدى حالىقارالىق ورتانى بىرگە قالىپتاستىرىپ، الەمدىك دامۋدىڭ تىڭ قوزعاۋشى كۇشىن بىرگە جەتىلدىرەدى، قورعانىمپازدىققا قارسى تۇرىپ، ”داۋال تۇرعىزىپ بوگەت قويۋعا“، ”الشاقتاپ بايلانىستى ۇزۋگە“ قارسى تۇرادى، سىڭار جاقتى جازالاۋعا، شەكتەن اسىرىپ قىسىم كورسەتۋگە قارسى تۇرادى. جۇڭگو الەمدىك دامۋ مەن سەلبەستىك جونىندەگى بايلىق قوسىلىمىن ارتتىرىپ، وڭتۇستىك پەن سولتۇستىكتىڭ پارقىن ازايتۋعا كۇش سالىپ، بارشا دامۋ جولىنداعى ەلدەردىڭ جەدەل دامۋىن باتىل قولداۋعا جانە ولارعا كومەكتەسۋگە پەيىل.

　　جۇڭگو الەمدىك باسقارۋ جۇيەسى رەفورماسى مەن قۇرىلىسىنا بەلسەنە ات سالىسىپ، بىرگە اقىلداسۋ، بىرگە قۇرۋ، بىرگە يگىلىكتەنۋ سىندى الەمدىك باسقارۋ كوزقاراسىن امالياتتا ايگىلەپ، ناعىز كوپ جاقتىلىققا تاباندى بولىپ، حالىقارالىق قاتىناستىڭ دەموكراتيالانۋىن ىلگەرىلەتىپ، الەمدىك باسقارۋدىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتەدى. بىرلەسكەن مەملەكەتتەر ۇيىمىن ۇيتقى ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى، بىرلەسكەن مەملەكەتتەر ۇيىمى ۋستاۆىنىڭ باس ماقساتى مەن پرينسيبىن نەگىز ەتكەن حالىقارالىق قاتىناستىڭ نەگىزگى ولشەمىن باتىل قورعاپ، بارلىق فورماداعى سىڭار جاقتىلىققا قارسى تۇرادى، بەلگىلى مەملەكەتتەرگە باعىشتاپ لاگەر قۇرۋعا جانە باسقالاردى قاقپايلايتىن شاعىن توپ قۇرۋعا قارسى تۇرادى. دۇنيە جۇزىلىك ساۋدا ۇيىمى، ازيا - تىنىق مۇحيت ەكونوميكالىق سەلبەستىك ۇيىمى سياقتى كوپ جاقتى مەحانيزمدەردىڭ رولىن ءتىپتى جاقسى ساۋلەلەندىرۋىن ىلگەرىلەتىپ، بريكس ەلدەرى، شاڭحاي سەلبەستىك ۇيىمى سياقتى سەلبەستىك مەحانيزمدەرىنىڭ ىقپال كۇشىن كەڭەيتىپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ دۇنيە ءجۇزى ىستەرىندەگى ۋاكىلدىك سيپاتى مەن سويلەۋ ۇقىعىن كۇشەيتەدى. جۇڭگو الەمدىك حاۋىپسىزدىك قاعيداسىن جاساۋعا بەلسەنە قاتىناسۋعا تاباندى بولىپ، حالىقارالىق حاۋىپسىزدىك سەلبەستىگىن كۇشەيتىپ، بىرلەسكەن مەملەكەتتەر ۇيىمىنىڭ بەيبىتشىلىكتى قورعاۋ ارەكەتىنە بەلسەنە ات سالىسىپ، دۇنيە ءجۇزى بەيبىتشىلىگى مەن وڭىرلەردىڭ ورنىقتىلىعىن قورعاۋدا سىندارلى رول اتقارادى.

　　ادامزاتتىڭ تاعدىرلاس ورتاق تۇلعاسىن قالىپتاستىرۋ دۇنيە جۇزىندەگى ءار ەل حالقىنىڭ بولاشاعىنا سايادى. كۇللى تىرشىلىك بىرگە وركەندەسىن، ءبىر - بىرىنە زيان جەتكىزبەسىن، اركىم ءوز جولىمەن جۇرە بەرسىن، ءبىر - بىرىنە بوگەت بولماسىن. ءار ەل الەمدەگى داڭعىل جولمەن ءجۇرىپ، جاراسىمدىلىقپەن بىرگە جاساسىپ، سەلبەسىپ تەڭ يگىلىككە كەنەلگەندە عانا گۇلدەنىپ - كوركەيۋ باياندى بولادى، حاۋىپسىزدىك قامتاماسىزدىققا يە بولادى. جۇڭگو الەمدىك دامۋ دارىپتەمەسىن، الەمدىك حاۋىپسىزدىك دارىپتەمەسىن العا قويدى، ونى حالىقارالىق قوعاممەن بىرگە قۇلشىنا تياناقتاندىرۋعا پەيىل. جۇڭگو كەڭەسىپ اقىلداسۋعا تاباندى بولىپ، باياندى بەيبىت دۇنيە ءجۇزىن قۇرۋدى ىلگەرىلەتەدى؛ بىرگە قۇرىپ، بىرگە يگىلىككە كەنەلۋگە تاباندى بولىپ، جاپپاي حاۋىپسىز دۇنيە ءجۇزىن قۇرۋدى ىلگەرىلەتەدى؛ سەلبەسىپ تەڭ يگىلىككە كەنەلۋگە تاباندى بولىپ، بىرگە گۇلدەنگەن دۇنيە ءجۇزىن قۇرۋدى ىلگەرىلەتەدى. اۋىس - كۇيىس جاساپ، ءوزارا ۇلگى الۋعا تاباندى بولىپ، اشىق، باۋىرمال دۇنيە ءجۇزىن قۇرۋدى ىلگەرىلەتەدى؛ جاسىل، تومەن كومىر قىشقىل گازدى بولۋعا تاباندى بولىپ، تازا، كوركەم دۇنيە ءجۇزىن قۇرۋدى ىلگەرىلەتەدى.

　　ءبىز دۇنيە جۇزىندەگى ءارقايسى ەلدى بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتقا ورتاق قۇندىلىقتى ساۋلەلەندىرىپ، ءار ەل حالقىنىڭ ءوزارا ءتۇسىنىسۋىن، دوستاسۋىن جەبەپ، دۇنيە ءجۇزى وركەنيەتىنىڭ الۋان تۇرلىلىگىنە قۇرمەت ەتىپ، وركەنيەتتەر اۋىس - ءتۇيىسى ارقىلى وركەنيەت كىربەڭدىگىن، وركەنيەتتىڭ ءبىر - بىرىنەن ۇلگى الۋى ارقىلى وركەنيەتتەر ارا قاقتىعىستى، وركەنيەتتەردى قاتار ساقتاۋ ارقىلى وركەنيەت مەنمەندىگىن جويىپ، ءتۇرلى الەمدىك سىن - سايىسقا بىرگە توتەپ بەرۋگە شىن نيەتپەن ۇندەيمىز.

　　ءبىز سايىسقا تولى داۋىردە، سونداي - اق ۇمىتكە تولى داۋىردە جاساپ وتىرمىز. جۇڭگو حالقى دۇنيە ءجۇزى حالقىمەن قول ۇستاسا وتىرىپ، ادامزاتتىڭ اناعۇرلىم كوركەم بولاشاعىن جاراتۋعا پەيىل!

ون بەسىنشى، پارتيانى جاپپاي قاتاڭ باسقارۋدان اۋىتقىماي، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتۋ

　　جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا. پارتيامىز دۇنيە جۇزىندەگى ەڭ ءىرى ماركسيزمدىك بيلىك باسىنداعى پارتيا رەتىندە، باستان - اياق حالىقتىڭ قولداۋىنا يە بولۋ، ۇزاق ۋاقىت بيلىك جۇرگىزۋ ورنىن بەكەمدەۋ ءۇشىن، ءسوز جوق، قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاۋ كەرەك. 18 - قۇرىلتايدان بەرى، پارتيانى جاپپاي قاتاڭ باسقارۋ ارقىلى ءبىز پارتيا ىشىندەگى كوپتەگەن كورنەكتى ماسەلەلەردى شەشتىك، ايتسە دە، پارتيا ءدوپ كەلگەن بيلىك جۇرگىزۋ سىناعى، رەفورما جاساۋ، ەسىك اشۋ سىناعى، بازار شارۋاشىلىعى سىناعى، سىرتقى ورتا سىناعى ۇزاق ۋاقىت ءومىر سۇرەدى، رۋحاني جاقتان بوساڭسۋ حاۋپى، قابىلەت جەتىسپەۋ حاۋپى، بۇقارادان قول ءۇزۋ حاۋپى، كەرەناۋلىق، شىرىكتەسۋ حاۋپى ۇزاق ۋاقىت ءومىر سۇرەدى. بۇكىل پارتيا پارتيانى جاپپاي قاتاڭ باسقارۋدىڭ ماڭگى توقتالمايتىندىعىن، پارتيانىڭ وزىنە - ءوزى توڭكەرىس جاساۋى ماڭگى توقتالمايتىندىعىن، بوساڭسۋ، دامىلداۋ، قالجىراۋ، جالىعۋ پيعىلىنىڭ بولۋىنا استە بولمايتىندىعىن، ءسوز جوق، ەستە بەرىك ساقتاپ، پارتيانى جاپپاي قاتاڭ باسقارۋدى، ءسوز جوق، تاباندىلىقپەن ىلگەرىلەتىپ، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتىپ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋى كەرەك.

　　ءبىز جاڭا داۋىردەگى پارتيا قۇرىلىسىنىڭ باستى تالابىن تياناقتاندىرىپ، پارتيانى جاپپاي قاتاڭ باسقارۋ جۇيەسىن كەمەلدەندىرىپ، پارتيانىڭ ءوزىن - ءوزى كىرشىكسىزدەندىرۋىن، ءوزىن - ءوزى كەمەلدەندىرۋىن، ءوزىن - ءوزى جاڭارتۋىن، ءوز دەڭگەيىن جوعارىلاتۋىن جان - جاقتى ىلگەرىلەتىپ، پارتيامىزدى اۋەلگى ماقساتى مەن بورىشىنان بۇلجىتپاي، باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى ەتۋىمىز كەرەك.

(1) پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ جانە ونى كۇشەيتۋ. 

پارتيانىڭ باسشىلىعى جان - جاقتى، جۇيەلى، تۇتاس تۇلعالى، ءسوز جوق، جان - جاقتى، جۇيەلى، تۇتاس تۇلعالى تياناقتاندىرۋ كەرەك. جالپى جاعدايدى جاپپاي مەڭگەرىپ، ءار جاقتى سايكەستىرەتىن پارتيا باسشىلىق ءتۇزىمى جۇيەسىن اقاۋسىزداندىرىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن تياناقتاندىرۋ مەحانيزمىن كەمەلدەندىرىپ، بۇكىل پارتيانىڭ ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىنا شىنايى كەپىلدىك ەتىپ، پارتيانىڭ ىنتىماعى مەن بىرلىگىنە شىنايى كەپىلدىك ەتۋ. پارتيا ورتالىق كوميتەتىنىڭ شەشىم قابىلداۋ، كەڭەسۋ، سايكەستىرۋ قۇرىلىمىن كەمەلدەندىرىپ، پارتيا ورتالىق كوميتەتىنىڭ كەلەلى قىزمەتتەر جونىندەگى ورتالىقتانعان ءبىر تۇتاس باسشىلىعىن كۇشەيتۋ. پارتيانىڭ ساياسي قۇرىلىسىن كۇشەيتىپ، ساياسي ءتارتىپتى جانە ساياسي قاعيدانى قاتايتىپ، ءار دارەجەلى پارتكومداردىڭ (پارتيا باسشىلىق گرۋپپاسى) تۇلعالىق جاۋاپكەرشىلىگىن تياناقتاندىرىپ، ءار دارەجەلى پارتيا ۇيىمدارىنىڭ جانە پارتيالى كادرلاردىڭ ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتۋ. عىلمي بيلىك جۇرگىزۋگە، دەموكراتيالى بيلىك جۇرگىزۋگە، زاڭ بويىنشا بيلىك جۇرگىزۋگە تاباندى بولىپ، دەموكراتيالىق ورتالىقتاندىرۋ ءتۇزىمىن دايەكتىلەندىرىپ، باسشىلىق تاسىلىنە جاڭالىق ەنگىزىپ جانە جاقسارتىپ، پارتيانىڭ بەتالىستى يگەرۋ، كەلەلى جاعدايدى كوزدەۋ، ساياسات بەلگىلەۋ، رەفورمانى جەبەۋ قابىلەتىن جوعارىلاتىپ، ءار جاقتىڭ بەلسەندىلىگىن جۇمىلدىرۋ. پارتيانىڭ ىشكى ساياسي تۇرمىسىنىڭ ساياسي سيپاتىن، داۋىرلىك سيپاتىن، پرينسيپتىك سيپاتىن، جاۋىنگەرلىك سيپاتىن كۇشەيتىپ، سىن جانە ءوز - وزىنە سىن قارۋىنان ويداعىداي پايدالانىپ، پارتيانىڭ ىشكى ساياسي ەكولوگياسىن ۇزدىكسىز تازارتۋ.

　(2) جاڭا ءداۋىر جۇڭگوشا سوتسياليزم يدەياسى ارقىلى جۇرت تىلەگىن ۇيىستىرىپ، رۋحتى سومداۋعا تاباندى بولۋ. 

پارتيانىڭ جاسامپاز نازارياسىمەن بۇكىل پارتيانى قارۋلاندىرۋ پارتيانىڭ يدەيالىق قۇرىلىسىنىڭ ءتۇبىرلى مىندەتى. پارتيانىڭ يدەيالىق قۇرىلىسىن جاپپاي كۇشەيتىپ، جاڭا ءداۋىر جۇڭگوشا سوتسياليزم يدەياسىمەن يدەيانى بىرلىككە كەلتىرۋگە، ەرىك - جىگەردى بىرلىككە كەلتىرۋگە، ارەكەتتى بىرلىككە كەلتىرۋگە تاباندى بولىپ، پارتيانىڭ جاسامپاز نازارياسىن ۇيرەنۋ تاربيەسى جوباسىن ۇيىمداستىرىپ، اتقارىپ، ماركسيزمدىك ۇيرەنۋگە قۇلىقتى ساياسي پارتيا قۇرۋ. مۇرات - سەنىم تاربيەسىن كۇشەيتىپ، بۇكىل پارتيانى پارتيانىڭ تۇپكى ماقساتىن ەستە بەرىك ساقتاۋعا جەتەكتەپ، دۇنيەگە كوزقاراس، ومىرگە كوزقاراس، قۇن كوزقاراسى سىندى وسى ءبىر باس تەتىك ماسەلەسىن ويداعىداي شەشىپ، كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىنا سانالى تۇردە كامىل سەنۋشى جانە ونى امالياتتا ادال ايگىلەۋشى بولۋ. ۇيرەنۋدى، وي جۇگىرتۋدى، قولدانۋدى ساباقتاستىرۋعا، تانىمدى، سەنىمدى، ارەكەتتى بىرلىككە كەلتىرۋگە تاباندى بولىپ، جاڭا ءداۋىر جۇڭگوشا سوتسياليزم يدەياسىن مۇراتتى بەكەمدەۋدىڭ، پارتيالىلىقتى شىڭداۋدىڭ جانە امالياتتا جەتەكشىلىك ەتۋدىڭ، قىزمەتتى ىلگەرىلەتۋدىڭ مىعىم كۇشىنە اينالدىرۋ. نازاريامەن قارۋلانۋدى پارتيا تاريحىن ۇيرەنۋ تاربيەسىن ۇدايىلاندىرا، ۇزاق ءونىمدى ەتە ورىستەتۋمەن ءوزارا ۇشتاستىرۋعا تاباندى بولىپ، پارتيا مۇشەلەرىن، كادرلاردى ۇزدىكسىز تاريحتى ۇيرەنۋ ارقىلى قاعيدانى تۇسىنۋگە، تاريحتى ۇيرەنۋ ارقىلى سەنىمدى ارتتىرۋعا، تاريحتى ۇيرەنۋ ارقىلى ءمورالدى اسقاقتاتۋعا، تاريحتى ۇيرەنۋ ارقىلى ۇمتىلا ىستەۋگە جەتەكتەپ، قىزىل گەنگە مۇراگەرلىك ەتىپ، قىزىل قان تامىردى جالعاستىرۋ. اۋدان، باسقارما دارەجەلىدەن جوعارى باسشى كادرلاردى ءتۇيىن ەتىپ، بۇكىل پارتيادا نەگىزگى تاقىرىپتىق تاربيەنى ىشكەرىلەي ورىستەتۋ.

(3) پارتيانىڭ وزىنە - ءوزى توڭكەرىس جاساۋ ءتۇزىمىن ارناعا ءتۇسىرۋ جۇيەسىن كەمەلدەندىرۋ. 

پارتيانى ءتۇزىم ارقىلى باسقارۋعا، پارتيانى ەرەجە ارقىلى باسقارۋعا تاباندى بولىپ، پارتيا ۋستاۆىن نەگىز ەتىپ، دەموكراتيالىق ورتالىقتاندىرۋ ءتۇزىمىن وزەك ەتىپ، پارتيا ىشىندەگى زاڭ - ەرەجە، ءتۇزىم جۇيەسىن كەمەلدەندىرىپ، پارتيا ىشىندەگى زاڭ - ەرەجەنىڭ بەدەلى مەن اتقارۋ قابىلەتىن كۇشەيتىپ، اقيقاتقا تاباندى بولۋ، قاتەلىكتى تۇزەتۋ، ماسەلەلەردى بايقاۋ، اعاتتىقتاردى دۇرىستاۋ مەحانيزمىن قالىپتاستىرۋ. پارتيا ءبىر تۇتاس باسشىلىق ەتەتىن، جاپپاي جالپىلاسقان، بەدەلدى، جوعارى ءونىمدى باقىلاۋ جۇيەسىن اقاۋسىزداندىرىپ، ۇقىقتى باقىلاۋ، تىزگىندەۋ مەحانيزمىن كەمەلدەندىرىپ، پارتيا ىشىندەگى باقىلاۋدى جەتەكشى ەتىپ، ءتۇرلى باقىلاۋدى ساباقتاستىرۋدى، سايكەستىرۋدى جەبەپ، ۇقىقتىڭ جاريا جۇرگىزىلۋىنە مۇمكىندىك جاساۋ. ساياسي باقىلاۋدىڭ ناقتىلانۋىن، دالمە - دالدىگىن، ۇدايىلانۋىن ىلگەرىلەتىپ، ”ءبىرىنشى باسشى“ مەن باسشىلىق القانى باقىلاۋ ونىمدىلىگىن كۇشەيتۋ. ساياسي ارالاپ تەكسەرۋدىڭ وتكىر سەمسەرلىك رولىن ساۋلەلەندىرىپ، ارالاپ تەكسەرىپ رەتتەۋ - تۇزەتۋدى جانە جەتىستىكتەردەن پايدالانۋدى كۇشەيتۋ. پارتيانى جاپپاي قاتاڭ باسقارۋدىڭ ساياسي جاۋاپكەرشىلىگىن تياناقتاندىرىپ، جاۋاپكەرشىلىگىن تەكتەۋ وتكىر قارۋىنان ويداعىداي پايدالانۋ.

　(4) ۇلتتىڭ گۇلدەنۋى سىندى اۋىر مىندەتتى ارقالاي الاتىن جوعارى ساپالى كادرلار قوسىنىن قۇرۋ.

 جاپپاي سوتسياليستىك وسىزاماندانعان مەملەكەت قۇرۋدا، ءسوزسىز، ساياسيدا توسەلگەن، جاڭا ءداۋىر تالابىنا ۇيلەسەتىن، وسىزامانداندىرۋ قۇرىلىسىنا باسشىلىق ەتۋ قابىلەتىن ازىرلەگەن كادرلار قوسىنى بولۋ كەرەك. پارتيانىڭ كادرلاردى باسقارۋ پرينسيبىنە تاباندى بولىپ، ءمورالدى دا قابىلەتتى بولۋعا، ءمورالدى الدىڭعى ورىنعا قويۋعا، توڭىرەكتىڭ ءتورت بۇرىشىنان دارىندى باۋراۋعا، قابىلەتتىلەردى عانا مىندەتكە تاعايىنداۋعا تاباندى بولىپ، جاڭا داۋىردەگى جاقسى كادر ولشەمىن ناقتاپ تياناقتاندىرۋ. كادر تاڭداۋ، كادر ىستەتۋدىڭ دۇرىس باعدارىن ورناتىپ، ادال، پاك، جاۋاپكەرشىلىك ارقالاي الاتىن جوعارى ساپالى ماماندانعان كادرلاردى تاڭداپ ءوسىرىپ، ءار دارەجەلى باسشىلىق القالارىن ويداعىداي سۇرىپتاۋ جانە كۇشەيتۋ. ساياسي ولشەمدى ماڭداي الدى ورىنعا قويۋعا تاباندى بولىپ، كادرلاردىڭ ساياسى ساپاسىن تەكسەرۋدى ىشكەرىلەي، ناقتى جۇرگىزىپ، ساياسي وتكەلدى، پاكتىك وتكەلىن ويداعىداي يگەرۋدى كورنەكتىلەندىرۋ. امالياتتىق شىنىعۋدى، كاسىپتىك جاتتىعۋدى كۇشەيتىپ، كەلەلى كۇرەستەردە كادرلاردى شىڭداۋعا باسا ءمان بەرىپ، كادرلاردىڭ جوعارى ساپالى دامۋدى ىلگەرىلەتۋ قابىلەتىن، بۇقاراعا قىزمەت وتەۋ قابىلەتىن، حاۋىپ - قاتەرلەردەن ساقتانۋ جانە ونى جويۋ قابىلەتىن كۇشەيتۋ. كادرلاردىڭ كۇرەسكەرلىك رۋحى مەن كۇرەسكەرلىك قابىلەتىن جەتىلدىرۋدى كۇشەيتىپ، حاۋىپ - قاتەردەن ساقتانۋ، سىن - سايىسقا توتەپ بەرۋ، قىسىمعا قارسىلىق كورسەتۋ قابىلەتىن كۇش سالا كۇشەيتىپ، باستاماشىلدىقپەن جاۋاپكەرشىلىك ارقالاپ، ىسكەرلىك كورسەتىپ، جايشىلىقتا كوزگە ءتۇسىپ، شەشۋشى ساتتە كەۋدە كەرە العا شىعىپ، قاتەرلى، قيىن وتكەلدە باسىن ءباي تىگە ءبىلۋ. كادرلاردى تەكسەرۋ، باعالاۋ جۇيەسىن كەمەلدەندىرىپ، كادرلاردى دۇرىس ناتيجە كوزقاراسىن ورناتۋعا جانە امالياتتا ايگىلەۋگە جەتەكتەپ، كادرلاردىڭ جوعارىعا شىعا دا الاتىن، تومەنگە تۇسە دە الاتىن، كىرە دە الاتىن، شىعا دا الاتىن بولۋىن ىلگەرىلەتىپ، قابىلەتتىلەر شىعا الاتىن، ۇزدىكتەر سيلاناتىن، جاۋتىكتەر كەيىن سىرىلاتىن، ناشارلار قاتاردان قالاتىن تاماشا جاعداي قالىپتاستىرۋ. مۇراگەرى بولۋ سىندى وسى ءتۇبىرلى ۇلى جوبانى ويداعىداي يگەرىپ، ۇزدىك جاس كادرلاردى باۋلۋ، تاڭداپ ءوسىرۋدى ۇدايىلاندىرۋ قىزمەت مەحانيزمىن اقاۋسىزداندىرىپ، نەگىزگى ساتىعا جانە جاپالى وڭىرلەرگە بارىپ شىنىعۋدى، جەتىلۋدى جاس كادرلاردى باۋلۋدىڭ ماڭىزدى ءتاسىلى ەتۋ. ايەل كادرلاردى باۋلۋ، تاڭداپ ءوسىرۋ قىزمەتىنە ءمان بەرىپ، ايەل كادرلاردىڭ ماڭىزدى رولىن ساۋلەلەندىرۋ. از ۇلت كادرلارىن باۋلۋعا جانە ويداعىداي پايدالانۋعا ءمان بەرۋ، پارتيا سىرتىنداعى كادرلار قىزمەتىن ءبىر تۇتاس جوسپارلاپ ويداعىداي ىستەۋ. دەمالىسقا، زەينەتكە شىققان كادرلار قىزمەتىن ويداعىداي ىستەۋ. ۇكىمەت قىزمەتكەرلەرى قىزمەتىن كۇشەيتىپ جانە جاقسارتىپ، قۇرىلىم شتات بايلىعىن جايعاستىرۋدى ساپالىلاندىرۋ. قاتاڭ باسقارۋ مەن ەرەكشە قامقورلىق جاساۋدى ءوزارا ۇشتاستىرىپ، كادرلاردى جان - جاقتى باسقارۋدى جانە ۇنەمىلىك باقىلاۋدى كۇشەيتىپ، ”ءۇشتى ايىرا ءبىلۋدى“ تياناقتاندىرىپ، كادرلاردى باتىلدىقپەن جاۋاپكەرشىلىك ارقالاۋعا، بەلسەنە ىسكەرلىك كورسەتۋگە ىنتالاندىرۋ. نەگىزگى ساتىداعى كادرلارعا، اسىرەسە، شارت - جاعدايى جاپالى وڭىرلەردەگى كادرلارعا كوڭىل ءبولۋ، قامقورلىق جاساۋ.

　　(5) پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن كۇشەيتۋ. 

قاتاڭ ۇيىمدىق جۇيە − پارتيانىڭ ابزالدىلىعى، كۇش - قۋاتىنىڭ قاينارى. ءار دارەجەلى پارتيا ۇيىمدارى پارتيا ۋستاۆى جۇكتەگەن ءتۇرلى مىندەت جاۋاپكەرشىلىكتەرىن اتقارىپ، پارتيانىڭ لۋشيان، باعىت - ساياساتتارىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ويداعىداي دايەكتىلەندىرىپ، تياناقتاندىرىپ، ءارقايسى سالاداعى قالىڭ بۇقارالىق ۇيىمدى ويداعىداي ۇيىستىرۋ. نەگىزگى ساتىنى مىقتاپ يگەرۋدىڭ ايقىن بەتالىسىنان جازباي، پارتيا قۇرىلىسىن يگەرىپ، اۋىل - قىستاقتى گۇلدەندىرۋدى جەبەۋ، قالا الەۋمەتتىك اۋماق پارتيا قۇرىلىسى قىزمەتىن كۇشەيتىپ، پارتيا قۇرىلىسىمەن نەگىزگى ساتىنى باسقارۋعا جەتەكشىلىك ەتۋدى ىلگەرىلەتىپ، ءالسىز، بىتىراڭقى نەگىزگى ساتى پارتيا ۇيىمدارىن ۇزدىكسىز رەتتەپ، نەگىزگى ساتى پارتيا ۇيىمدارىن پارتيا باسشىلىعىن ءونىمدى جۇزەگە اسىراتىن بەرىك جاۋىنگەرلىك قورعان ەتىپ قۇرىپ شىعۋ. ورگان پارتيا قۇرىلىسىنىڭ ساپاسىن جاپپاي جوعارىلاتىپ، ءىسورىندارى مەكەمەلەرىنىڭ پارتيا قۇرىلىسى قىزمەتىن ىلگەرىلەتۋ. مەملەكەت مەنشىگىندەگى كاسىپورىنداردىڭ، فينانس كاسىپورىندارىنىڭ سەرىكتەستىكتى باسقارۋدى كەمەلدەندىرۋ بارىسىندا پارتيانىڭ باسشىلىعىن كۇشەيتۋىن ىلگەرىلەتۋ، ارالاس مەنشىكتەگى كاسىپورىنداردىڭ، جالپىلىق مەنشىككە جاتپايتىن كاسىپورىنداردىڭ پارتيا قۇرىلىسى قىزمەتىن كۇشەيتۋ، كاسىپتىك بىرلەستىكتەردىڭ، عىلمي قوعامداردىڭ، ساۋدا قوعامدارىنىڭ پارتيا قۇرىلىسى قىزمەتىن باسقارۋ ءتۇزىلىسىن وڭاۋ. جاڭا ەكونوميكالىق ۇيىمداردىڭ، جاڭا قوعامدىق ۇيىمداردىڭ، جاڭا جۇمىستانعان شوعىرلاردىڭ پارتيا قۇرىلىسىن كۇشەيتۋ. جاستار مەن كاسىپ جۇمىسشىلارىنىڭ، شارۋالاردىڭ، زيالىلاردىڭ اراسىنان پارتياعا مۇشە قابىلداۋعا ءمان بەرىپ، پارتيا مۇشەلەرىن، اسىرەسە، جىلجىمالى پارتيا مۇشەلەرىن تاربيەلەۋدى، باسقارۋدى كۇشەيتۋ جانە جاقسارتۋ. پارتيا ىشىندەگى دەموكراتيا ءتۇزىمىن تياناقتاندىرىپ، پارتيا مۇشەلەرىنىڭ ۇقىعىن قامتاماسىز ەتىپ، پارتيا مۇشەلەرىن اتويشىل، ونەگەلىك رولىن ساۋلەلەندىرۋگە ىنتالاندىرۋ. تولىمسىز پارتيا مۇشەلەرىن قاتاڭ، ۇيلەسىمدى ءبىر جايلى ەتىپ، پارتيا مۇشەلەرى قوسىنىنىڭ العاباسارلىعى مەن كىرشىكسىزدىگىن ساقتاۋ.

　　(6) ستيلدى دۇرىستاپ، ءتارتىپتى قاتايتۋدى قاتاڭ ارنامەن كۇشەيتۋگە تاباندى بولۋ.

 پارتيا ستيلى ماسەلەسى بيلىك باسىنداعى پارتيانىڭ تاعدىرىنا ساياتىن ماسەلە. پارتيانىڭ داڭقتى ءداستۇرى مەن تاڭداۋلى ستيلىن اسقاقتاتۋ، پارتيالى كادرلاردىڭ، اسىرەسە، باسشى كادرلاردىڭ باستاماشىلدىقپەن ىشكەرىلەي تەكسەرۋ - زەرتتەۋ جۇرگىزۋىن جەبەۋ، شىن نيەتپەن ناقتى ءىس ىستەپ، ناقتى شارا قاراستىرىپ، ناقتى ونىمدىلىككە ۇمتىلۋ. ورتالىق كوميتەتتىڭ 8 تارماقتى بەلگىلەمەسىنىڭ رۋحىن تاباندىلىقپەن تياناقتاندىرىپ، ”شەشۋشى ازشىلىقتىڭ“ جوعارى تومەنگە ونەگە بولۋىن مىقتاپ يگەرىپ، ”ءتورت بۇرىس ستيلدى“ ۇزدىكسىز ىشكەرىلەي تۇزەتىپ، فورماشىلدىقتى، تورەشىلدىكتى ءتۇيىندى تۇردە تۇزەتىپ، ەرەكشە ۇقىق يدەياسى مەن ەرەكشە ۇقىق ارەكەتىن باتىل جويۋ. ستيل قۇرىلىسىنىڭ وڭىرلىك سيپاتى، كاسىپتىك سيپاتى، كەزەڭدىك سيپاتى ەرەكشەلىگىن يگەرىپ، جالپى بەتتىك تۋىلاتىن، قايتا - قايتا تۋىلاتىن ماسەلەلەردى ىشكەرىلەي رەتتەپ، وڭاۋدى مىقتاپ يگەرىپ، ستيل قۇرىلىسىنىڭ ۇدايىلانۋىن، ۇزاق ءونىمدى بولۋىن ىلگەرىلەتۋ. پارتيانىڭ ءتارتىپ قۇرىلىسىن جاپپاي كۇشەيتىپ، باسشى كادرلاردى، اسىرەسە، جوعارى دارەجەلى كادرلاردى ءوزىن قاتاڭ تارتىپكە سالۋعا، ءوز جاۋاپكەرشىلىگىن قاتاڭ ارقالاۋعا، ءوز قاراستىلىعىن قاتاڭ باسقارۋعا قۋزاۋ، پارتيا تارتىبىنە قايشى ماسەلە بايقالعان زامان باتىل تۇردە تەكسەرىپ ءبىر جايلى ەتۋ. پارتيالىلىقتى، پارتيا ستيلىن، پارتيا ءتارتىبىن بىرگە يگەرۋگە تاباندى بولىپ، يدەيالىق جاقتان ارقاۋدى بەكەمدەپ، نەگىزدى جەتىلدىرىپ، پارتيالىلىق ساناسىن جوعارىلاتىپ، شىرىكتەسۋگە قارسى تۇرىپ، وزگەرۋدەن ساقتانۋ قابىلەتىن كۇشەيتىپ، توقپىن دەپ تاسىمايتىن، جوقپىن دەپ جاسىمايتىن، ايبار الدىندا باس يمەيتىن ادال، تۋراشىل سالتتى جەتىلدىرۋ.

　　(7) شىرىكتەسۋگە قارسى تۇرۋ كۇرەسىنىڭ قامال الۋ شايقاسىندا، ۇزاققا سوزىلاتىن شايقاسىندا باتىل جەڭىسكە جەتۋ.

 شىرىكتەسۋ − پارتيانىڭ ومىرشەڭدىگى مەن جاۋىنگەرلىك قۋاتىنا زيان جەتكىزەتىن ەڭ ۇلكەن ۋلى دەرت، شىرىكتەسۋگە قارسى تۇرۋ − ەڭ تۇبەگەيلى وزىنە - ءوزى توڭكەرىس. شىرىكتەسۋ ماسەلەلەرىن تۋدىراتىن ورتا جانە شارت - جاعداي بولسا بولعانى، شىرىكتەسۋگە قارسى كۇرەستى تيتتەي دە توقتاتۋعا بولمايدى، اتوي دابىلىن، ءسوز جوق، ماڭگى قاعۋ كەرەك. شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇلعالاندىرىپ ىلگەرىلەتۋگە تاباندى بولىپ، بىرگە كۇش سالۋ، ءبىر باعىتتا كۇش جۇمساۋ، جان - جاقتى كۇش سالۋ. استە كەشىرىم ەتپەۋ پوزيتسياسىمەن شىرىكتەسۋگە قارسى تۇرىپ، شىرىكتەسكەندەردى جازالاپ، مولشەرىنىڭ ارتۋىن اناعۇرلىم پارمەندى شاۋجايلاۋ، قالدىقتارىن اناعۇرلىم ءونىمدى جويۋ، ساياسي ماسەلە مەن ەكونوميكالىق ماسەلە ارالاسقان شىرىكتەسۋدى باتىل تەكسەرىپ ءبىر جايلى ەتۋ، باسشى كادرلاردىڭ مۇددە توپتارى مەن ۇقىق ۇجىمدارىنىڭ جارشىسى، ۋاكىلى بولۋىنان باتىل ساقتانۋ، ۇكىمەت پەن ساۋداگەرلەردىڭ استاسىپ ساياسي ەكولوگيا مەن ەكونوميكانىڭ دامۋ ورتاسىن ءبۇلدىرۋ ماسەلەسىن باتىل وڭاۋ، استە ىرقىنا جىبەرمەۋ. ۇقىق شوعىرلى، قاراجات شوعىرلانعان، بايلىق توپتالعان سالالارداعى شىرىكتەسۋدى ىشكەرىلەي رەتتەپ - وڭاۋ، بۇقارانىڭ توڭىرەگىندەگى ”شىبىن پاراقورلاردى“ قاتاڭ جازالاپ، باسشى كادرلاردىڭ جۇبايى، پەرزەنتتەرى جانە ولاردىڭ جۇبايى سياقتى تۋىس - تۋعاندارىنىڭ جانە توڭىرەگىندەگى قىزمەتكەرلەردىڭ ىقپالىنان پايدالانىپ جەكە مۇددەسىن كوزدەۋ، جەمقورلىققا سالىنۋ، شىرىكتەسۋ ماسەلەلەرىن قاتاڭ تەكسەرىپ ءبىر جايلى ەتۋ، پارا الۋ، پارا بەرۋدى بىرگە تەكسەرۋگە تاباندى بولىپ، جاڭاشا شىرىكتەسۋدى جانە كومەسكى شىرىكتەسۋدى جازالاۋ. شىرىكتەسۋگە قارسى حالىقارالىق سەلبەستىكتى تەرەڭدەتىپ، قاشقانداردى قۋدالاۋ، قاشاتىنداردان ساقتانۋ، قايتارىپ الۋ مەحانيزمىن ءبىر تۇلعالاندىرا ورناتۋ. ۇستىنەن وڭاۋ مەن تۇبىرىنەن وڭاۋدى تەرەڭدەتىپ، شىرىكتەسۋگە قارسى مەملەكەتتىك زاڭ شىعارۋدى ىلگەرىلەتىپ، جاڭا داۋىردەگى پاكتىك مادەنيەت قۇرىلىسىن كۇشەيتىپ، قالىڭ پارتيا مۇشەلەرىن، كادرلاردى شىرىكتەسۋدى ويىنا الماۋ سانالىلىعىن كۇشەيتۋگە تاربيەلەپ، جەتەكتەپ، كىرشىكسىز ادام بولىپ، پاكتىكپەن جۇمىس ىستەپ، قاتاڭ جازالاۋدى، ۇقىقتى ارناعا ءتۇسىرۋدى، تاربيەلەپ جەتەكتەۋدى تىعىز ۇشتاستىرىپ، سايكەستى بىرگە ارەكەتتەنىپ، اناعۇرلىم كوپ تۇزىمدىك جەتىستىككە جانە اناعۇرلىم زور باسقارۋ ونىمدىلىگىنە ۇزدىكسىز قول جەتكىزۋ.

　　جولداستار! ءداۋىر بىزگە ۇندەۋ تاستاپ وتىر، حالىق بىزدەن ءۇمىت كۇتىپ وتىر، تەك كوزدەگەن ماقساتىمىزدان اينىماي، جىگەرلى دە جالىندى بولعاندا عانا، ءداۋىردىڭ ءۇمىتىن اقتاۋعا، حالىقتىڭ ءۇمىتىن اقتاۋعا بولادى. بۇكىل پارتيا پارتيانىڭ جالپى بەتتىك باسشىلىعىنا تاباندى بولۋ − جۇڭگوشا سوتسياليزمگە تاباندى بولۋدا جانە ونى دامىتۋدا، ءسوزسىز، باسىپ وتەتىن جول ەكەندىگىن، جۇڭگوشا سوتسياليزم − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوزسىز، باسىپ وتەتىن جول ەكەندىگىن، ىنتىماقتاسا كۇرەس جۇرگىزۋ − جۇڭگو حالقى تاريحي ۇلى ىستەردى جاراتۋدا، ءسوزسىز، باسىپ وتەتىن جول ەكەندىگىن، جاڭا دامۋ ۇستانىمىن دايەكتىلەندىرۋ − جاڭا داۋىردە ەلىمىزدىڭ دامىپ زورايۋىندا، ءسوزسىز، باسىپ وتەتىن جول ەكەندىگىن، پارتيانى جاپپاي قاتاڭ باسقارۋ − پارتيانىڭ ومىرشەڭدىگىن ماڭگى ساقتاۋدا، جاڭا ەمتيحان تاپسىرۋ جولىمەن ويداعىداي جۇرۋدە، ءسوزسىز، باسىپ وتەتىن جول ەكەندىگىن، ءسوز جوق، ەستە بەرىك ساقتاۋ كەرەك. بۇل ءبىز ۇزاق ۋاقىتتىق اماليات بارىسىندا قورىتقان توتەنشە ماڭىزدى زاڭدىلىق سيپاتتى تانىم، ونى، ءسوز جوق، بارىنشا قاستەرلەپ، باستان - اياق تاباندى بولۋىمىز، العان بەتىمىزدەن قايتپاي، جۇڭگوشا سوتسياليزم الىپ كەمەسىنىڭ تولقىن جارا العا تارتىپ، نىق قاداممەن بولاشاققا بەت الۋىنا جەتەكشىلىك ەتۋىمىز جانە وعان كەپىلدىك ەتۋىمىز كەرەك.

     ىنتىماق − كۇش، ىنتىماق بولعاندا عانا جەڭىسكە جەتۋگە بولادى. جاپپاي سوتسياليستىك وسىزاماندانعان مەملەكەت قۇرۋدا، ءسوز جوق، ميلليارد حالىقتىڭ جاسامپازدىق ۇلى كۇشىن تولىق ساۋلەلەندىرۋ كەرەك. بۇكىل پارتيا بۇكىل ىنتا - پەيىلىمەن حالىق ءۇشىن قىزمەت ىستەۋ تۇپكى ماقساتىنا تاباندى بولىپ، بۇقارالىق كوزقاراستى بەرىك ورناتىپ، بۇقارالىق لۋشياندى دايەكتىلەندىرىپ، حالىقتىڭ ءتول جاسامپازدىق رۋحىنا قۇرمەت ەتىپ، بارلىق ءىستى حالىق ءۇشىن ىستەۋگە، بارلىعىندا حالىققا سۇيەنۋگە، بۇقارادان الىپ، بۇقاراعا قايتارۋعا تاباندى بولۋ، قاشاندا حالىق بۇقاراسىمەن ەتەنە بايلانىستا بولىپ، حالىقتىڭ سىنى مەن باقىلاۋىن قاشاندا قابىلداپ، حالىقپەن قاشاندا تىنىستاس، تاعدىرلاس، تىلەكتەس بولىپ، بۇكىل ەلدەگى ءار ۇلت حالقىنىڭ ۇلى ىنتىماعىن ۇزدىكسىز بەكەمدەپ، ەل ءىشى - سىرتىنداعى جۇڭحۋا پەرزەنتتەرىنىڭ ۇلى ىنتىماعىن كۇشەيتىپ، جۇڭگو ارمانىن ءبىر نيەتپەن بىرگە جۇزەگە اسىراتىن قۇدىرەتتى بىرىككەن كۇش قالىپتاستىرۋ كەرەك.

　　جاستار وركەندەسە، مەملەكەت قۇدىرەتتەنەدى. زامانىمىزداعى جۇڭگو جاستارىنىڭ ورايلى ءساتى كەلدى، قابىلەتتى كورسەتەتىن ساحنا شەكسىز كەڭ، ارماندى جۇزەگە اسىراتىن بولاشاق تەڭدەسسىز جارقىن. بۇكىل پارتيا جاستار قىزمەتىن ستراتەگيالىق قىزمەت رەتىندە يگەرىپ، پارتيانىڭ عىلمي نازارياسىمەن جاستاردى قارۋلاندىرىپ، پارتيانىڭ اۋەلگى ماقساتى مەن بورىشى ارقىلى جاستاردى شابىتتاندىرىپ، جاس دوستاردىڭ سىرلاسى، جاستار قىزمەتىنىڭ ىنتالى قولداۋشىسى، جاستار قاۋىمىنىڭ جول باستاۋشىسى بولۋ كەرەك. بارشا جاستار پارتيانىڭ سوزىنە بۇلجىماي قۇلاق اسىپ، پارتياعا ىلەسىپ، كوكەيىنە ارمان ۇيالاتىپ ءارى قادامىن نىق باسىپ، باتىلدىقپەن ويلاپ، باتىلدىقپەن ءىس تىندىرىپ ءارى ءىستى باسىنان اياعىنا دەيىن ءساتتى جۇرگىزىپ، تابىستى اياقتاتىپ، مۇراتتى بولىپ، جاۋاپكەرشىلىك ارقالاۋعا باتىل، جاپاعا شىدامدى، كۇرەس جۇرگىزۋگە پەيىلدى جاڭا داۋىردەگى جاقسى جاستار بولۋعا بەل بايلاپ، جاستىق داۋرەندەرىن جاپپاي سوتسياليستىك وسىزاماندانعان مەملەكەت قۇرۋدىڭ جالىندى امالياتى بارىسىندا جايناتا ءتۇسۋ كەرەك.

　　جولداستار! پارتيا ۇلى كۇرەس ارقىلى عاسىرلىق ۇلى ىستەردى جاراتتى ءارى تىڭ دا ۇلى كۇرەستەر ارقىلى، ءسوز جوق، تىڭ دا ۇلى ىستەردى جاراتا الادى. بۇكىل پارتيا، بۇكىل ارميا، بۇكىل ەلدەگى ءار ۇلت حالقى پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، قۇر ءسوز ەلدى توزدىرادى، ىسكەرلىك ەلدى وزدىرادى دەگەن قاعيدانى ەستە بەرىك ساقتاپ، سەنىمدى بەكەمدەپ، ءبىر نيەت، ءبىر تىلەكتە بولىپ، قاجىرلىلىقپەن قۇلشىنا ىستەپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋ كەرەك!

　　(شينحۋا اگەنتتىگىنىڭ 10 - ايدىڭ 25 - كۇنى بەيجيڭنەن بەرگەن حابارى)