رايونىمىزداعى جەر - جەر، تاراۋلار، ورىندار پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءبىرىنشى جالپى ءماجىلىسىنىڭ رۋحىن ۇيرەندى، دايەكتىلەندىردى −

　　جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە شينجياڭ كۇش - قۋاتىن ارنايمىز

　　□ انار بۇلت \ شينجياڭ گازەتىنىڭ تىلشىلەرى

بىرنەشە كۇننەن بەرى رايونىمىزداعى جەر - جەر، تاراۋلار، ورىندار جابال ءماجىلىس اشىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءبىرىنشى جالپى ءماجىلىسىنىڭ رۋحىن جاپپاي، ىشكەرىلەي ۇيرەنىپ، ۇگىتتەپ، دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا 20 - قۇرىلتايىندا العا قويىلعان نىسانا - مىندەتتەردى ەش بۇلجىماستان ناقتى تياناقتاندىرىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە شينجياڭ كۇش - قۋاتىن ارنايتىندىقتارىن ءبىلدىردى.

　　التاي ايماعى:

　　كورىكتى شينجياڭ قۇرۋعا التاي كۇش - قۋاتىن ارنايمىز

10 - ايدىڭ 27 - كۇنى التاي ايماقتىق پارتكوم كادرلار ءماجىلىسىن اشىپ، ءار دارەجەلى، ءارقايسى تاراۋلاردى باي مازمۇندى، الۋان فورماداعى ۇگىت - تاربيە قيمىلدارىن ورىستەتۋگە ۇيىمداستىرىپ، قالىڭ كادرلار مەن بۇقارانىڭ يدەيالىق ءىس جۇزىندىگىمەن جانە قىزمەت ءىس جۇزىندىگىمەن تىعىز بايلانىستىرا وتىرىپ ۇگىت لەكسيا ورىستەتىپ، حالىق بۇقاراسىنىڭ تۇسىنۋىنە، ۇعىنۋىنا، تياناقتاندىرۋىنا مۇمكىندىك جاساپ، پارتيا 20 - قۇرىلتاي رۋحىنىڭ نەگىزگى ساتىعا ەنۋىن، بۇقارا اراسىنا ەنۋىن ىلگەرىلەتۋدى تالاپ ەتتى. ”ەكىنى ءبىر تۇتاس جوسپارلاۋدى“ قاتاڭ، ناقتى، ەگجەي - تەگجەيلى ورىنداپ، ءتۇيىندى، شەشۋشى بۋىنداردى مىقتى يگەرىپ، ەكونوميكالىق دامۋدىڭ نەگىزگى تاعانىن قۇلشىنا ورنىقتىرۋ؛ حاۋىپ - قاتەردەن بار كۇشپەن ساقتانىپ جانە ونى جويىپ، قوعامدىق كەلەلى جاعدايدىڭ ءۇرتىس ورنىقتىلىعىن باتىل قورعاۋ؛ ىنتىماقتاسا كۇرەس جۇرگىزۋگە تاباندى بولىپ، ءار ۇلت بۇقاراسىنا تىعىز ارقا سۇيەپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، التايدىڭ قوعام ورنىقتىلىعى مەن باياندى تىنىشتىعىنىڭ جاڭا جاعدايىن قۇلشىنا اشىپ، كورىكتى شينجياڭ قۇرۋعا التاي كۇش - قۋاتىن ارناۋ كەرەك.

　　بۇراتالا موڭعۇل اۆتونوميالى وبلىسى:

　　پارتيا 20 - قۇرىلتايى رۋحىنىڭ تياناقتانىپ، تامىر تارتۋىن ىلگەرىلەتەمىز

10 - ايدىڭ 27 - كۇنى بۇراتالا موڭعۇل اۆتونوميالى وبلىستىق پارتكوم تۇراقتى كوميتەتى كەڭەيتىلگەن ءماجىلىس اشىپ، تۇتاس وبلىستاعى ءار دارەجەلى، ءارقايسى تاراۋلاردىڭ ۇيرەنۋدى جاپپاي جۇيەلى ويداعىداي يگەرىپ، بۇقارا قۋانا تىڭداپ، شاتتانا قابىلدايتىن فورمالاردى قولدانىپ، ءار ۇلت بۇقاراسىنا بەتپە - بەت ۇگىت لەكسيا جاساپ، ءتۇسىندىرىپ، پارتيا 20 - قۇرىلتايى رۋحىنىڭ تياناقتانىپ، تامىر تارتۋىن ىلگەرىلەتۋدى تالاپ ەتتى. ءىس جۇزىندىكپەن بىرلەستىرىپ مۇقيات دايەكتىلەندىرىپ، پارتيا 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرۋمەن ۇشتاستىرۋعا تاباندى بولىپ، 2 -، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىستەرىنىڭ رۋحىن جانە باس شۋجي شي جينپيڭنىڭ شينجياڭدى كوزدەن كەشىرگەندە سويلەگەن ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرۋمەن ۇشتاستىرىپ، كەزەكتەگى ءتۇيىندى قىزمەتپەن ۇشتاستىرىپ، پارتيا 20 - قۇرىلتايىندا جاسالعان كەلەلى شەشىمدەردى، ورنالاستىرۋلاردى شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ ناقتى شاراسىنا، ناقتى تۇتقاسىنا شىنايى اينالدىرۋ كەرەك.

　　اقسۋ ايماعى:

　　ەكونوميكانى جوعارى ساپالى دامىتۋدىڭ رازى بولارلىق جاۋاپناماسىن تاپسىرامىز

10 - ايدىڭ 26 - كۇنى اقسۋ ايماقتىق پارتكوم پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندە كادرلار ءماجىلىسىن اشىپ، ”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ“ ماڭىزدى تالابىن جاپپاي تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، پارتيا 20 - قۇرىلتايىنىڭ رۋحىن كەزەكتەگى ءتۇيىندى قىزمەتتەردى تىڭعىلىقتى ويداعىداي ىستەۋدىڭ، قايراتتانا ىسكەرلىك كورسەتۋ ارقىلى كورىكتى شينجياڭ قۇرۋدىڭ ناقتى ءىس جۇزىندىك ارەكەتى مەن قىزمەت ونىمدىلىگىنە اينالدىرۋ كەرەكتىگىن باسا دارىپتەدى. قوعامدىق كەلەلى جاعدايدىڭ جاراسىمدىلىعىن، ورنىقتىلىعىن باتىل قورعاپ، سالعىرتسۋ يدەياسىن جانە باق سىناۋ پسيحيكاسىن جەڭىپ، قازىرگى قىزمەت جۇيەسى مەن ءتۇزىلىس - مەحانيزمدى جۇيەلى رەتتەپ، قورىتىندىلاپ، كەمەلدەندىرىپ، ءادىس - امالدى ايقىنداپ، قوعام ورنىقتىلىعىن قورعاۋدىڭ تاعانىن بەكەمدەۋ كەرەك. ەكونوميكانىڭ جوعارى ساپالى دامۋىن تىڭعىلىقتى ىلگەرىلەتىپ، الدىڭعى ءۇش ماۋسىمداعى ەكونوميكالىق دامۋدىڭ قاۋىرت بولۋ تەبىنىن تياناق ەتىپ، قۇرىلىس مەزگىلىن جالعاستى مىقتاپ يگەرىپ، اياق الىستى جەدەلدەتىپ، نىسان قۇرىلىسىن بار كۇشپەن ىلگەرىلەتىپ، جىل باسىنداعى ءتۇرلى مەجەلى نىسانا - مىندەتتەردى ورىنداۋعا كۇش سالىپ، ەكونوميكانىڭ جوعارى ساپالى دامۋىنىڭ رازى بولارلىق جاۋاپناماسىن تاپسىرۋ كەرەك.

　　اۆتونوميالى رايوندىق پارتكوم ساياسي - زاڭ كوميتەتى:

　　ساياسي - زاڭ قىزمەتىنىڭ جوعارى ساپالى دامۋىنىڭ جاڭا جاعدايىن اشامىز

10 - ايدىڭ 26 - كۇنى اۆتونوميالى رايوندىق پارتكوم ساياسي - زاڭ كوميتەتى كادرلار ءماجىلىسىن اشىپ، اناعۇرلىم سانالى تۇردە ”ەكىنى تۇراقتاندىرۋدىڭ“ باتىل قورعاۋشىلارى، ”ەكىنى قورعاۋدىڭ“ ادال امالياتتا ايگىلەۋشىلەرى بولىپ، اناعۇرلىم سانالى تۇردە يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، نىق قاداممەن پارتيا 20 - قۇرىلتايىندا جاسالعان كەلەلى شەشىمدەردى، ورنالاستىرۋلاردى ارەكەتتە ورىنداۋ جانە ودان ناتيجە شىعارۋ كەرەكتىگىن باسا دارىپتەدى. سوتسياليستىك زاڭمەن باسقارۋ رۋحىن اسقاقتاتىپ، جۇڭحۋانىڭ تاڭداۋلى ءداستۇرلى زاڭ مادەنيەتىنە مۇراگەرلىك ەتىپ، شينجياڭنىڭ باياندى تىنىشتىعىنا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، زاڭمەن باسقارۋ ويىنان جانە زاڭمەن باسقارۋ تاسىلىنەن پايدالانىپ حاۋىپ - قاتەردەن ساقتانۋ، قىلمىسقا سوققى بەرۋ، قايشىلىقتاردى شەشۋ، ورنىقتىلىقتى قورعاۋ قابىلەتىن ۇزدىكسىز جوعارىلاتىپ، تاماشا زاڭمەن شەبەرلىكپەن باسقارۋ ارقىلى ءار ۇلت بۇقاراسىنىڭ تاماشا تۇرمىسقا دەگەن تالپىنىسىن قورعاپ، رايونىمىزدىڭ ساياسي - زاڭ قىزمەتىنىڭ جوعارى ساپالى دامۋىنىڭ جاڭا جاعدايىن ۇزدىكسىز اشۋ كەرەك.

　　اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى:

　　جاڭا داۋىردەگى تۇرعىن ءۇي جانە قالا، اۋىل قۇرىلىسى ىستەرىنىڭ جوعارى ساپالى دامۋىن ىلگەرىلەتەمىز

10 - ايدىڭ 26 - كۇنى اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى پارتيا باسشىلىق گرۋپپاسى نازاريا ۇيرەنۋ وزەكتى گرۋپپاسىنىڭ (كەڭەيتىلگەن) ءماجىلىسىن اشىپ، يدەيا مەن ارەكەتتى پارتيا 20 - قۇرىلتايىنىڭ رۋحىمەن جەدەل بىرلىككە كەلتىرىپ، حالىق تۇرمىسىنا تيىمدىلىك جەتكىزەتىن، جۇرت جۇرەگىنە ءنار قۇياتىن ءتىپتى دە كوپ شارالاردى اتقارىپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا ويداعىداي شەشۋدى تالاپ ەتتى. تۇرعىن ءۇي قامتاماسىزدىعى، قالانى جاڭالاۋ، قۇرىلىس سالاسىنىڭ تازا، تومەن كومىر قىشقىل گازدى بولۋعا بۇرىلىس جاساۋى، كاسىپ سالاسى ءوندىرىس حاۋىپسىزدىگى، بىرگە بايۋ سياقتى تۇرعىن ءۇي جانە قالا، اۋىل قۇرىلىسى ىستەرىنىڭ جوعارى ساپالى دامۋىنا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ويداعىداي ىستەۋ كەرەك. نازاردى ”ءۇش قۇرىلىس، ءۇش كاسىپكە“ شوعىرلاندىرىپ، رەفورمالاۋ، جاڭالىق اشۋ رۋحى ارقىلى دامۋداعى قيىن ماسەلەلەردى شەشۋگە تاباندى بولىپ، كاسىپ سالاسى حاۋىپسىزدىگى حاۋىپ - قاتەرىن جويۋ كەرەك. جەر - جەردەگى تۇرعىن ءۇي جانە قالا، اۋىل قۇرىلىسى تاراۋلارىنىڭ بەلسەندىلىگىن، ىرىقتىلىعىن، جاسامپازدىعىن تولىق قاۋلاتىپ جانە جۇمىلدىرىپ، قوعام (ءىلمي قوعام)، باستاماشى كاسىپورىن، كاسىپ ماماندارىنىڭ رولىن تولىق ساۋلەلەندىرىپ، جاڭا داۋىردەگى تۇرعىن ءۇي جانە قالا، اۋىل قۇرىلىسى ىستەرىنىڭ جوعارى ساپالى، باياندى دامۋىن كۇش بىرىكتىرە وتىرىپ ىلگەرىلەتۋ كەرەك.

　　اۆتونوميالى رايوندىق مادەنيەت جانە ساياحات مەڭگەرمەسى:

　　كورىكتى شينجياڭ قۇرۋعا مادەنيەت، ساياحات كۇش - قۋاتىن ارنايمىز

10 - ايدىڭ 26 - كۇنى اۆتونوميالى رايوندىق مادەنيەت جانە ساياحات مەڭگەرمەسى، اۆتونوميالى رايوندىق مادەنيەت مۇراجايى پارتيا باسشىلىق گرۋپپاسى نازاريا ۇيرەنۋ وزەكتى گرۋپپاسىنىڭ (كەڭەيتىلگەن) ءماجىلىسىن اشىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 20 - قۇرىلتايىنىڭ رۋحىن ناقتى قىزمەت بارىسىندا شىنايى تياناقتاندىرىپ، شينجياڭدى مادەنيەتپەن نارلەندىرۋ قىزمەتىن جانە شينجياڭدى ساياحات ارقىلى گۇلدەندىرۋ ستراتەگياسىن ىشكەرىلەي اتقارىپ، ”رۋحتى ۇيىستىرۋعا، تۋراشىلدىقتان اينىماۋعا، دامۋعا، ىنتىماقتاسۋعا، اشىق ۇستاۋعا، جاڭالىق اشۋعا“ تاباندى بولىپ، ادەبيەت - كوركەمونەر شىعارماشىلىعىن گۇلدەندىرۋ، الەۋمەتتىك مادەنيەت قىزمەت وتەۋ ونىمدىلىگىن جوعارىلاتۋ، بەيزاتتىق مۇرالاردى قورعاۋ، مۇراگەرلىك ەتۋ دەڭگەيىن جوعارىلاتۋ، مادەنيەت مۇرالارىن قورعاۋ، زەرتتەۋ جانە ولارعا جان ءبىتىرىپ پايدالانۋدى كۇشەيتۋ، مادەنيەت كاسىپ سالاسىنىڭ جانە ساياحات كاسىبىنىڭ ساپاسىن جوعارىلاتىپ، دارەجەسىن ءوسىرۋدى ىلگەرىلەتۋ، جۇڭگو حيكاياسىنىڭ شينجياڭ تاراۋىن ويداعىداي بايانداۋ، مادەنيەت جانە ساياحات دارىندىلار قوسىنىن كۇشەيتىپ قۇرۋ سياقتى جاقتاردا كۇش سالىپ، كورىكتى شينجياڭ قۇرۋعا مادەنيەت، ساياحات كۇش - قۋاتىن ارناۋ كەرەك.

　　اۆتونوميالى رايوندىق شۇعىل جاعدايعا توتەپ بەرۋ - باسقارۋ مەڭگەرمەسى:

　　جوعارى ساپالى دامۋعا پارمەندى حاۋىپسىزدىك كەپىلىن ازىرلەيمىز

10 - ايدىڭ 25 - كۇنى اۆتونوميالى رايوندىق شۇعىل جاعدايعا توتەپ بەرۋ، باسقارۋ مەڭگەرمەسى پارتكوم (كەڭەيتىلگەن) ءماجىلىسىن اشىپ، پارتيا 20 - قۇرىلتايى رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، شۇعىل جاعدايعا توتەپ بەرۋدى باسقارۋدىڭ باستى جاۋاپكەرشىلىگىن، باستى جۇمىسىن تياناق ەتىپ، ىشكەرىلەي تەكسەرۋ - زەرتتەۋ جۇرگىزىپ، بەرىلە ناقتى ءىس ىستەپ، ناقتى ءادىس - امال قاراستىرىپ، ناقتى ونىمدىلىككە تالپىنىپ، تۇتاس رايوننىڭ الەۋمەتتىك حاۋىپسىزدىگىن قامتاماسىز ەتۋ دەڭگەيىن قۇلشىنا جوعارىلاتىپ، تۇتاس رايوننىڭ شۇعىل جاعدايعا توتەپ بەرۋ - باسقارۋ جۇيەسى مەن قابىلەتىن وسىزامانداندىرۋدى جاپپاي ىلگەرىلەتىپ، تۇتاس رايوننىڭ ەكونوميكاسىنىڭ، قوعامىنىڭ جوعارى ساپالى دامۋىنا پارمەندى حاۋىپسىزدىك كەپىلىن ازىرلەۋدى تالاپ ەتتى. دامۋ مەن حاۋىپسىزدىكتى ءبىر تۇتاس جوسپارلاپ، ”ءاردايىم قام جەپ تۇراتىن“ جاۋاپكەرشىلىك سەزىمى ارقىلى ەلەۋلى حاۋىپ - قاتەردەن ساقتانۋ - تىزگىندەۋدى مىقتى، ناقتى يگەرىپ، كۇز، قىس ماۋسىمىنداعى ءوندىرىس حاۋىپسىزدىگى ەرەكشەلىگىنە جانە تابيعي اپات ەرەكشەلىگىنە ىشكەرىلەي تالداۋ جاساۋ ارقىلى ءوندىرىس حاۋىپسىزدىگى، اپاتتان ساقتانۋ، اپات زيانىن ازايتۋ، اپاتتان قۇتقارۋ، شۇعىل جاعدايعا توتەپ بەرۋ، قۇتقارۋ - كومەكتەسۋ قىزمەتتەرىن بار كۇشپەن ويداعىداي ىستەپ، تاماشا حاۋىپسىز دامۋ ورتاسىن ۇزدىكسىز قالىپتاستىرىپ، پارتيا 20 - قۇرىلتايى رۋحىنىڭ تۇتاس رايونداعى شۇعىل جاعدايعا توتەپ بەرۋ، باسقارۋ جۇيەسىندە تياناقتانىپ، تامىر تارتىپ، گۇل اشىپ جەمىس بەرۋىن بار كۇشپەن ىلگەرىلەتۋ كەرەك.

　　اۆتونوميالى رايوندىق حالىق ۇكىمەتىنىڭ سىرتقى ىستەر كەڭسەسى:

　　جاڭا داۋىردەگى شينجياڭ سىرتقى ىستەر قىزمەتىنىڭ جاڭا جاعدايىن اشامىز

10 - ايدىڭ 25 - كۇنى اۆتونوميالى رايوندىق حالىق ۇكىمەتىنىڭ سىرتقى ىستەر كەڭسەسى پارتيا باسشىلىق گرۋپپاسى ارناۋلى تاقىرىپتا ءماجىلىسىن اشىپ، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ باتىل ورىنداپ، پارتيا 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى كەزەكتەگى ءتۇرلى قىزمەتتەردى ويداعىداي ىستەۋمەن ۇشتاستىرۋعا تاباندى بولىپ، ساياسي دەڭگەيدى شىنايى جوعارىلاتىپ، پارتيانىڭ سىرتقى ىستەر قىزمەتىنە بولعان باسشىلىعىن جاپپاي كۇشەيتىپ، حالىق ديپلوماتياسى قاسيەتىن باستان - اياق ساقتاپ، ديپلوماتيانى حالىق ءۇشىن جۇرگىزۋ باس ماقساتىن امالياتتا ايگىلەپ، شينجياڭ سىرتقى ىستەر قىزمەتىنىڭ باستان - اياق باس شۋجي شي جينپيڭ كورسەتكەن بەتالىستى بويلاي العا ىلگەرىلەۋىنە شىنايى كەپىلدىك ەتۋدى باسا دارىپتەدى. نىسانا - مىندەتتەردى اشالاپ، ناقتىلاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا دامۋ ارناسىنىڭ ويداعىداي ”ۇگىتشىسى“، ەسىك اشۋ، سەلبەستىك جاساۋدىڭ ويداعىداي ”اتويشىسى“، دامۋعا قىزمەت وتەۋدىڭ ويداعىداي ”ناقتى ىسكەرى“ بولىپ، جاڭا داۋىردەگى شينجياڭ سىرتقى ىستەر قىزمەتىنىڭ جاڭا جاعدايىن قۇلشىنا اشۋ كەرەك.

(ءتىلشى ۋاڭ نا، قاتىناسقان تىلشىلەر جاڭ جىلي، جاڭ تيڭ، سۇڭ يا - ۋىن، ۋاڭ يايۇن، ياۋ گاڭ، ياڭ شۋحان، ميھىرگۇل عوپۇر، ەرىكتى ءتىلشى جاڭ جيڭ)