پارتيا ٴۇنىن «ەڭ شالعايداعى وتباسىنا» دەيىن جەتكىزدى
ٴتىلشىمىز شيە چىن، ەرىكتى ٴتىلشى ۋاڭ يۇيلۇڭ حابارلايدى. 2021 - جىلى 12 - ايدىڭ 29 - كۇنى كۇنەس اۋدانى نارات قالاشىعى اراسان قىستاعىنداعى «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرى پارتيا تۋىن كوتەرىپ، قاقاعان ايازعا قاراماي، اتپەن شالعاي مال شارۋاشىلىق رايونىنا اتتاندى.
پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن مالشىلارعا دەر كەزىندە جەتكىزۋ ٴۇشىن، قىستاق قىزمەت اترەتىنىڭ مۇشەلەرى مەن قىستاق كادرلارىنان ۇيىمداسقان 5 اتتىلار ۇگىت - لەكسيا شاعىن اترەتىن قۇرىپ، شالعاي مال شارۋاشىلىق رايوندارىندا جالپى ٴماجىلىس رۋحىن ۇگىتتەدى.
نارت قىزىل پارتيا تۋى جەلمەن بىرگە جەلبىرەپ، مال شارۋاشىلىق رايونىندا كوركەم كورىنىس قالىپتاستىردى. ۇگىت - لەكسيا شاعىن اترەتىنىڭ مۇشەلەرى مالشىلارعا ۇگىت قاعازدارىن تاراتىپ، قاراپايىم دا تۇسىنىكتى تىلمەن جالپى ٴماجىلىس رۋحىن ۇگىتتەدى.
ۇگىت - لەكسيانى تىڭداعاننان كەيىن 73 جاستاعى ساقا پارتيا مۇشەسى نۇردانعازى سارباس ۇلى اسەرلەنىپ، بىلاي دەدى: «ٴبىز ٴبىرشاما شالعاي قونىستانساق تا ۇگىت - لەكسيا شاعىن اترەتىندەگىلەر پارتيانىڭ ٴۇنىن بىزگە دەر كەزىندە جەتكىزىپ، پارتيانىڭ حالىققا ٴتيىمدى ساياساتىن ۇعىندىردى. قازىر ٴبىز بەيقۇت ۇيدە تۇرامىز، ەمدەۋ قامسىزداندىرۋى، زەينەتكەرلىك قامسىزداندىرۋى سياقتى ٴتيىمدى ساياساتتاردان يگىلىكتەنۋدەمىز، تۇرمىس شارت - جاعدايىمىز جاقساردى، مۇنىڭ ٴبارى پارتيانىڭ ابزال ساياساتىنىڭ ارقاسى. مەن پارتيا مۇشەسى رەتىندە جالپى ٴماجىلىس رۋحىن ىشكەرىلەي ۇيرەنىپ، جەتە ٴتۇسىنىپ، ٴتىپتى دە كوپ مالشىعا ۇگىتتەيمىن».
قىستاقتا تۇراتىن قىزمەت اترەتىنىڭ باستىعى ديڭ فىڭ تىلشىگە بىلاي دەدى: «اراسان قىستاعى شوعىرلى ۇيرەنۋ، ۇيرەنۋدى وتباسىلارىنا جەتكىزۋ جانە توراپتا ۇيرەنۋ ارقىلى پارتيا 19 - كەزەكتى ورتالىق كوميتەتى التىنشى جالپى ٴماجىلىس رۋحىن ۇگىتتەدى. مال شارۋاشىلىق رايونىنداعى مالشىلاردىڭ بىتىراندى قونىستانۋ جاعدايىنا باعىتتاي وتىرىپ، اتتىلار ۇگىت - لەكسيا شاعىن اترەتىن ۇيىمداستىرىپ ٴار اپتانىڭ سارسەنبى، جۇما كۇندەرى مالشىلارعا ٴماجىلىس رۋحىن جەتكىزىپ، حالىق جاعدايىن ۇعىسىپ، حالىق ۇنىنە قۇلاق ٴتۇرىپ، ولاردىڭ جىلىنۋ جانە ەمدەلۋ سياقتى قيىنشىلىقتارىن شەشۋگە كومەكتەسىپ، «ەڭ شالعايداعى وتباسىنىڭ» قاجەتىن دە قاناعاتتاندىرىپ، ۇگىت - لەكسيا تاربيەسىنىڭ «ەڭ سوڭعى ٴبىر شاقىرىمىن» تۇتاستىردى.