ءتىلشىمىز شى شۋەحۇڭ حابارلايدى. 1 – ايدىڭ 11 - كۇنى اۆتونوميالى وبلىستىق 14 – كەزەكتى حالىق قۇرىلتايىنىڭ 5 – ءماجىلىسى كەڭەس جوبالارىن تەكسەرۋ كوميسسياسىنىڭ جيىنىن اشتى.

    اۆتونوميالى وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، ءماجىلىستىڭ كەڭەس جوبالارىن تەكسەرۋ كوميسسياسىنىڭ مەڭگەرۋشى مۇشەسى رازيا ابليز جيىندى باسقاردى. كەڭەس جوبالارىن تەكسەرۋ كوميسسياسىنىڭ مۇشەلەرى جيىنعا قاتىناستى.

    جەرگىلىكتى ۇيىمدىق زاڭىنىڭ، ۋاكىلدەر زاڭىنىڭ قاتىستى بەلگىلەمەسىنە ساي، اۆتونوميالى وبلىستىق 14 – كەزەكتى حالىق قۇرىلتايى 5 – ماجىلىسىنە قاتىناسقان حالىق قۇرىلتايىنىڭ ۋاكىلدەرى قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەپ، ۋاكىلدىك جاۋاپكەرشىلىگىن زاڭ بويىنشا ادا ەتىپ، ەكونوميكانى جوعارى ساپالى دامىتۋ، حالىق تۇرمىسىن ۇزدىكسىز جاقسارتۋ، ەكولوگيالىق وركەنيەت قۇرىلىسى، قوعامدىق ىستەردى ىلگەرىلەتۋ سياقتى جاقتاردا ماجىلىسكە بەلسەنە كەڭەس جوبالارىن ۇسىندى.

    1 – ايدىڭ 10 – كۇنى ساعات 12:00 گە دەيىن اۆتونوميالى وبلىستىق 14 – كەزەكتى حالىق قۇرىلتايىنىڭ 5 – ءماجىلىسى 10 نان ارتىق ۋاكىل بىرلەسىپ ورتاعا قويعان 21 كەڭەس جوباسىن قابىلدادى، مۇنىڭ ىشىندە اۋىل شارۋاشىلىعى، اۋىل – قىستاققا قاتىستىسى بەسەۋ، ونەركاسىپ، ەكونوميكاعا قاتىستىسى ەكەۋ، قالا قۇرىلىسى مەن ورتانى قورعاۋعا قاتىستىسى ۇشەۋ، قاتىناس، سۋ يگىلىگىنە قاتىستىسى ۇشەۋ ، مادەنيەت، ساياحاتقا قاتىستىسى ۇشەۋ، وقۋ – اعارتۋ، دەنساۋلىق ساقتاۋعا قاتىستىسى ۇشەۋ، حالىق تۇرمىسىن جاقسارتۋعا قاتىستىسى بىرەۋ، زاڭ – تۇزىمگە قاتىستىسى بىرەۋ.

    ءماجىلىستىڭ كەڭەس جوبالارىن تەكسەرۋ كوميسسياسى اۆتونوميالى وبلىستىق حالىق قۇرىلتايىنىڭ كەڭەس جوباسى جانە ۇسىنىس، سىن، پىكىرلەردى ءبىر جاقتى ەتۋ ادىسىندەگى قاتىستى بەلگىلەمەلەرگە نەگىزدەلىپ، ۋاكىلدەر ورتاعا قويعان كەڭەس جوبالارىن مۇقيات سارالاپ تەكسەردى. كەڭەس جوبالارىن تەكسەرۋ كوميسسياسى اقىلداسۋ ارقىلى 2 كەڭەس جوباسىن اۆتونوميالى وبلىستىق 14 – كەزەكتى حالىق قۇرىلتايى 5 – ءماجىلىسىنىڭ كەڭەس جوباسى دەپ قاراپ، قالعان 19 كەڭەس جوباسىن ۇسىنىس، سىن، پىكىرگە وزگەرتۋ جونىندە ۇسىنىس بەردى.

    مەھراي تۇرعان قاتارلى 10 ۋاكىل ورتاعا قويعان «اۋىل – قىستاقتىڭ قونىستانۋ ورتاسىن رەتتەۋ – وڭاۋدى كۇشەيتىپ، اۋىل – قىستاقتى گۇلدەندىرۋدى ىلگەرىلەتۋ جونىندەگى كەڭەس جوباسى» مەن امانباي ءداۋىت ۇلى، دۋ چۇنيۇڭ قاتارلى 21 ۋاكىل ورتاعا قويعان «<ىلە قازاق اۆتوميالى وبلىسىنىڭ قالادا ءيت باعۋدى باسقارۋ ءادىسىن> بەلگىلەۋ جونىندەگى جوبا» اتتى كەڭەس جٶباسى ءماجىلىس كەڭەس جوباسى رەتىندە ءماجىلىس ءتوراعالار القاسىنىڭ 3 – جيىنىنىڭ قاراپ ماقۇلداۋىنا تاپسىرىلدى.

    1 – ايدىڭ 10 – كۇنى ساعات 12:00 گە دەيىن ءماجىلىستىڭ كەڭەس جوباسى گرۋپپاسى ۋاكىلدەر ورتاعا قويعان 131 ۇسىنىس، سىن، پىكىر قابىلدادى، كەڭەس جوباسىنان وزگەرتىلگەن 19 ۇسىنىس، سىن، پىكىردى قوسقاندا جيىنى 150 ۇسىنىس، سىن، پىكىر بولدى. جيىننان كەيىن ءماجىلىس حاتشىلار باسقارماسى اۆتونوميالى وبلىستىق حالىق قۇرىلتايى تۇراقتى كوميتەتىندەگى ءىس ءبىتىرۋ قۇرىلىمىنىڭ ءبىر جاقتى ەتۋ پىكىرىن ورتاعا قويۋىنا تابىستاپ، اۆتونوميالى وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىلەر جيىنىندا تالقىلانعان سوڭ جەكە – جەكە اۆتونوميالى وبلىستىق ۇكىمەتتىڭ، باقىلاۋ - تەكسەرۋ كوميتەتىنىڭ، سوت پەن پروكۋراتۋرانىڭ، تارباعاتاي ايماقتىق، التاي ايماقتىق اكىمشىلىك مەكەمەلەرىنىڭ، سونداي - اق قاتىستى تاراۋلاردىڭ ءبىر جاقتى ەتۋىنە تاپسىرىلادى ءارى حالىق قۇرىلتايى ۋاكىلدەرىنە جاۋاپ قايتارىلادى.