اۆتونوميالى وبلىستىق 14 – كەزەكتى حالىق قۇرىلتايى 5 – ءماجىلىسىنىڭ  اۆتونوميالى رايوندىق جوعارى دارەجەلى حالىق سوتى مەكەمەسى ىلە قازاق اۆتونوميالى وبلىستىق بولىمشەسىنىڭ قىزمەت بايانداماسى جونىندەگى قاۋلىسى

    (2021 – جىلى 1 – ايدىڭ 11 – كۇنى ىلە قازاق اۆتونوميالى وبلىستىق 14 – كەزەكتى حالىق قۇرىلتايىنىڭ 5 – ماجىلىسىندە ماقۇلداندى)

    ىلە قازاق اۆتونوميالى وبلىستىق 14 – كەزەكتى حالىق قۇرىلتايىنىڭ 5 – ءماجىلىسى نۇرتاي ينايات ۇلى جاساعان «اۆتونوميالى رايوندىق جوعارى دارەجەلى حالىق سوتى مەكەمەسى ىلە قازاق اۆتونوميالى وبلىستىق بولىمشەسىنىڭ قىزمەت بايانداماسىن» تىڭدادى جانە قارادى. ءماجىلىس اۆتونوميالى رايوندىق جوعارى دارەجەلى حالىق سوتى مەكەمەسى ىلە قازاق اۆتونوميالى وبلىستىق بولىمشە سوت مەكەمەسىنىڭ وتكەن ءبىر جىلداعى قىزمەتىنە ريزالىق ءبىلدىرىپ، باياندامادا ورتاعا قويىلعان 2021 – جىلعى قىزمەت ورنالاستىرۋلارىنا قوسىلىپ، وسى باياندامانى بەكىتۋدى ۇيعاردى.

    ءماجىلىس مىنالاردى تالاپ ەتتى: اۆتونوميالى رايوندىق جوعارى دارەجەلى حالىق سوتى مەكەمەسىنىڭ ىلە قازاق اۆتونوميالى وبلىستىق بولىمشە سوت مەكەمەسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 – قۇرىلتايىنىڭ جانە پارتيا 19 – كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، 3 – رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، جۇڭگو كوممۋنيستىك پارتياسى اۆتونوميالى رايوندىق 9 – كەزەكتى كوميتەتى ونىنشى، ون ءبىرىنشى جالپى ماجىلىستەرىنىڭ رۋحىن دايەكتى تياناقتاندىرىپ، وبلىستىق پارتكومنىڭ پارمەندى باسشىلىعىندا، پارتيانىڭ جاڭا داۋىردەگى شينجياڭدى جونگە سالۋ جالپى جوباسىن دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، نەگىزگى زاڭ مەن زاڭداردا جۇكتەلگەن مىندەتتى ادالدىقپەن اتقارىپ، سوت ۇقىعىن زاڭ بويىنشا ءادىل اتقارىپ، حالىق ءۇشىن ءادىليا جۇرگىزۋدەن جازباي، ءادىليا رەفورماسىن تەرەڭدەتىپ، ادال، پاك، جاۋاپكەرلىك ارقالايتىن سوت قوسىنىن بەرىك قۇرىپ، ءادىليانىڭ الەۋمەتتىك سەنىمدىلىگىن ارتتىرىپ، قوعامنىڭ ادىلدىگىن، تۋراشىلدىعىن باتىل قورعاپ، ىلەنىڭ قوعام ورنىقتىلىعى مەن باياندى تىنىشتىق جاڭا جاعدايىن جاراتۋ ءۇشىن ءادىليا جاعىنان پارمەندى كەپىلمەن قامداۋى كەرەك.