لوپ اۋدانىنداعى شينجياڭ ىنحۇي ساۋدا شەكتى جاۋاپكەرشىلىك سەرىكتەستىگى

　　قونىس جاڭالاعان ديقان اۆتوكولىك ساۋداسىمەن شۇعىلداندى

　　□ انار بۇلت \ شينجياڭ گازەتىنىڭ ءتىلشىسى ءپاريزات ابدۇل

”جياڭسۋدان ساتىپ العان اۆتوكولىكتەر كەلۋگە تاياپ قالدى، تەكسەرىپ وتكىزىپ الۋعا دايىن تۇر“، ”كەشە جوندەلگەن اۆتوكولىكتىڭ يەسى بۇگىن اۆتوكولىگىن الۋعا كەلەدى، اۆتوكولىكتى تاپ - تازا ەتىپ جۋىپ قويىڭدار“... 1 - ايدىڭ 28 - كۇنى تاڭەرتەڭ لوپ اۋدانىنداعى شينجياڭ ىنحۇي ساۋدا شەكتى جاۋاپكەرشىلىك سەرىكتەستىگىندە باس ديرەكتور ءماتتوحتى ءماتقۇربان قىزمەتتەردى ورنالاستىرۋمەن قاربالاستانىپ جاتتى؛ جانىندا ايەلى روزىنيسا نۇرمامەت اۆتوكولىك بۇيىمدارىن ارناۋلى ساتۋ دۇكەنىنە كىرىپ، سورەدەگى بۇيىمداردى رەتتەۋگە كىرىستى.

لوپ اۋدان ورتالىعى مەملەكەتتىك تاس جول 315 - لەنياسىنىڭ جانىنا ورنالاسقان شينجياڭ ىنحۇي ساۋدا شەكتى جاۋاپكەرشىلىك سەرىكتەستىگى 2020 - جىلى 3 - ايدا قۇرىلعان، اۋماعى 2800 شارشى مەتر، نەگىزىنەن، اۆتوكولىك جوندەۋ، وتكەرمەلى اۆتوكولىك ساۋداسى، اماناتتاپ جەتكىزۋ سياقتى كاسىپتەرمەن شۇعىلدانادى.

كەڭ جاتقان قابىلداۋ زالىنىڭ ءبىر جاعى اۆتوكولىك بۇيىمدارىن ارناۋلى ساتۋ دۇكەنى، ەندى ءبىر جاعى اۆتوكولىك جوندەۋ زاۆود ءۇيى، تاعى قامسىزداندىرۋدى وكىلەتتى ءبىتىرۋ ءتۇيىنى، اۆتوكولىك جۋۋ ءۇيى بار. ”ءبىزدىڭ بۇل ارادا اۆتوكولىك ساتىپ الۋ، اۆتوكولىك جوندەۋ، اۆتوكولىك اشەكەيلەۋ، اۆتوكولىك كۇتىمدەۋ، قامسىزداندىرۋ ءبىتىرۋ سياقتى جەلىلەس قىزمەت وتەۋلەر بار“، - دەدى قىزمەتتەردى ورنالاستىرىپ بولعان ءماتتوحتى تانىستىرىپ.

”مەن، نەگىزىنەن، ۋيشين الەۋمەتتىك نومىرىنە، دوستىق شەڭبەردە اۆتوكولىك ينفورماتسيالارىن جاريالاۋعا، قامسىزداندىرۋ بىتىرۋگە جاۋاپتىمىن“، - دەدى روزىنيسا ونىڭ ءسوزىن ساباقتاپ.

44 جاستاعى ءماتتوحتى لوپ اۋدانى ناۋا اۋىلى يىڭىباق قىستاعىنىڭ تۇرعىنى. بۇرىن ءماتتوحتى سىرتقا شىعىپ جۇمىس ىستەپ، ايەلى قىستاقتا قالىپ ەگىن سالىپ، تاماق جاساپ، بالالارعا قارايتىن، ءبىر جىلداعى كىرىستەرى دە ماردىمسىز ەدى. جەر از، شەبەرلىك كەمشىل بولعاندىقتان، 2017 - جىلى ءماتتوحتى وتباسى ارحيۆ تۇرعىزىلىپ، كارتچكالاندىرىلعان كەدەي وتباسى قاتارىنا ەنگىزىلدى.

4 جىلدىڭ الدىندا، ءماتتوحتى مەن ايەلى لوپ اۋدانى چىڭچۇي ءمالىسىنىڭ كولامالى الەۋمەتتىك اۋماعىنداعى حۇڭچياۋ شاعىن اۋماعىنا كوشىپ بارىپ، جارىق ۇيگە جايعاستى، تۇرمىستارى دا بىرتىندەپ جاقسارا باستادى.

2019 - جىلى 4 - ايدا ءماتتوحتى لوپ اۋدان ورتالىعىنداعى ءبىر وتكەرمەلى اۆتوكولىك ساۋدا سەرىكتەستىگىنەن جۇمىس تاپتى. پۋتۇڭحۋانى جاقسى سويلەيدى ءارى جۇمىسقا ىنتالى بولعاندىقتان تابىسى دا بىرتىندەپ جوعارىلاي باستادى. ”قاراپايىم قىزمەتكەردەن سەرىكتەستىكتىڭ ورىنباسار ديرەكتورى بولعانعا دەيىن مەن ونەر ۇيرەندىم، كىرىسىم دە جوعارىلادى، تاعى ءبىر حانزۋ اعايمەن تانىستىم“. لوپ اۋدانىندا اۆتوكولىك ساتىپ الاتىن ادامداردىڭ بارعان سايىن كوبەيگەنىن كورگەن ول 2020 - جىلى 3 - ايدا ءوزىنىڭ سەرىكتەستىگىن − شينجياڭ ىنحۇي ساۋدا شەكتى جاۋاپكەرشىلىك سەرىكتەستىگىن قۇردى.

”العاشىندا قاي تۇردەگى اۆتوكولىكتەردىڭ جاقسى ساتىلاتىندىعىن، قاي جىلعى اۆتوكولىكتەردىڭ قانداي باعادا ساتىلاتىندىعىن جاقسى بىلمەۋشى ەدىم“، - دەدى ءماتتوحتى. سول كەزدەردە ول وتكەرمەلى اۆتوكولىك ساۋدا بازارىنان شىقپادى، ونان قالسا بۇكىل ەلدەگى وتكەرمەلى اۆتوكولىك ساۋدا سايتتارىنان ينفورماتسيا ىزدەستىردى. ”ساتىپ الۋ باعاسى تومەن اۆتوكولىك بايقاسام بولعانى، تەلەفون بەرىپ سۇراستىرىپ، قارسى جاقتان بەينەجازبا ءتۇسىرىپ جولداۋدى ءوتىنىپ، سودان كەيىن باعاسىن سويلەسەمىن“. ءبىرىنشى، ەكىنشى... ءماتتوحتىنىڭ وتكەرمەلى اۆتوكولىك بازارىنداعى ساۋداسى بارعان سايىن جاندانا ءتۇستى.

وتكەرمەلى اۆتوكولىكتى اماناتتاپ جەتكىزۋ، اۆتوكولىك جوندەۋ سياقتى قىزمەت وتەۋلەردى ويداعىداي ىستەۋ ءۇشىن، ول ىلگەرىندى - كەيىندى شاڭحاي، نانجيڭ، چاڭچۇن سياقتى جەرلەردە ەكسكۋرسيادا، ۇيرەنۋدە بولدى. حانزۋ اعاسىنىڭ كومەگىندە، ول ىلگەرىندى - كەيىندى حىبەي، جياڭسۋ، حۋبەي سياقتى 5 جەردەن اماناتتاپ جەتكىزۋ بولىمشەسىن اشىپ، بەلگىلى ءبىر ماركاداعى اۆتوكولىك ونىمدەرىنىڭ وكىلەتتى ساتۋ ۇقىعىن الدى. ”ءومىرىمنىڭ ءبىرازى ديقانشىلىقپەن ءوتتى، قازىر قىزمەت وتەۋمەن اينالىسىپ ءجۇرمىن، ۇيرەنەتىن نارسە وتە كوپ“. ءماتتوحتىنىڭ ايتۋىنشا، ول ايەلىمەن بىرگە اۆتوكولىك اسەمدەۋ، ساتۋ سياقتى شەبەرلىكتەردى ۇيرەنىپ ءجۇر ەكەن.

بۇگىنگى تاڭدا، ءماتتوحتى 84 ادامدى جۇمىسپەن قامداپ، 300گە تاياۋ ادامدى كىرىستەرىن ارتتىرۋعا جەتەكتەپ وتىر. 2021 - جىلى سەرىكتەستىكتىڭ تازا كىرىسى 250 مىڭ يۋان بولدى.

ءماتتوحتى جاڭا ەنەرگيالى اۆتوكولىكتەرگە دە قىزىعىپ قالعاندىعىن ايتا كەلىپ: ”مەن 2 قىزمەتكەردى ۇرىمجىگە بارىپ جاڭا ەنەرگيالى اۆتوكولىكتەردى جوندەۋ شەبەرلىگىن ۇيرەنۋگە جىبەردىم، تاعى بىرەر جىلدان كەيىن، بۇل جاقتا جاڭا ەنەرگيالى اۆتوكولىك جۇرگىزەتىن ادامدار بارعان سايىن كوبەيەتىن بولادى... “، - دەدى بولاشاققا زور سەنىممەن.