قارامايلى تابيعي گاز الابى

　　قۇبىر جەلىسى تۇتاسىپ، ميلليونداعان وتباسىن قامداۋمەن قامتاماسىز ەتتى

　□ انار بۇلت \ شينجياڭ گازەتىنىڭ ءتىلشىسى يۇي جياڭيان، ەرىكتى ءتىلشى لي شياۋيا

سولتۇستىك شينجياڭدا جوڭعار ويپاتىن ەندەي وتكەن جەلى بويىنداعى قالادا تۇرمىس كەشىرىپ جاتقانىڭىزبەن وتباسىڭىزدا جاڭا جىلعا قاراعان ءتۇن تاماعىن جاساۋعا پايدالانىلاتىن تابيعي گازدىڭ قۇربان تۇڭعىت شولىنەن كەلەتىندىگىنەن بەيحابار بولۋىڭىز مۇمكىن.

2 - ايدىڭ 1 - كۇنى ءتىلشى قۇربان تۇڭعىت ءشولىنىڭ قويناۋىنداعى شينجياڭ مۇناي الابى تابيعي گاز الۋ 1 - زاۆودىنىڭ قارامايلى تابيعي گاز الۋ جۇمىس اۋماعىنا باردى. قۇم تەڭىزى جان - جاعىن قىمتاعان بۇل جۇمىس اۋماعىنىڭ سول جەردەگى ەڭ جاقىن قىستاقپەن بولعان ارا قاشىقتىعىنىڭ ءوزى 200 كيلومەتردەن اسادى. كوكتەم مەرەكەسى كەزىندە قارامايلى تابيعي گاز الۋ جۇمىس اۋماعىنىڭ تابيعي گازدى ءبىر جاقتى ەتۋ پۋنكتى كۇنىنە 3 ميلليون 500 مىڭ تەكشەمەتر تابيعي گازدى ءبىر جاقتى ەتىپ، 3 ميلليون 500 مىڭ جان سانى بار ورتاشا قالاداعى تۇرعىنداردىڭ كۇندەلىكتى پايدالاناتىن تابيعي گاز قاجەتىن تولىق قامتاماسىز ەتىپ، سولتۇستىك شينجياڭداعى جوڭعار ويپاتىن ەندەي وتەتىن جەلى بويىنداعى قالالاردى تابيعي گازبەن قامداۋمەن قامتاماسىز ەتەتىن تىرەكتى كۇشكە اينالدى.

وسى جۇمىس اۋماعىندا تابيعي گازدى ءبىر جاقتى ەتۋ پۋنكتىندە جارقىراعان قوندىرعىلار كوك تىرەگەن، الاڭ - پۋنكتتىڭ جانىنداعى گاز ساقتاۋ كۇبىسى، ماي ساقتاۋ كۇبىسى تۇتاستاي قاتار تىزىلىپ، قۇبىر جەلىسىنە تاياۋ بارعاندا گاز اعىنىنىڭ بۋىرقانعان داۋىسى قۇلاققا انىق ەستىلەدى. ”جەر استىنان الىنعان تابيعي گازدىڭ قۇرامىندا سۋ، ۇيىعان مۇناي، كىرمە زات بار، تىكەلەي پايدالانۋعا كەلمەيدى، ءارقايسى تابيعي گاز قۇدىقتارىنان شوعىرلى گاز جيۋ پۋنكتىنە جەتكىزىپ، العاشقى قادامدا ايىرۋ جۇرگىزىپ، تابيعي گازدىڭ قۇرامىنداعى ءبىر ءبولىم سۋ قۇرامىن شىعارىپ تاستاعاننان كەيىن بارىپ، تابيعي گازدى ءبىر جاقتى ەتۋ پۋنكتىنە جيناقتاپ، جىنتىكتەي وڭدەپ ءبىر جاقتى ەتۋگە تۋرا كەلەدى“، - دەدى تابيعي گازدى ءبىر جاقتى ەتۋ پۋنكتى اينالىمدى قورعاۋ 1 - بانىنىڭ باستىعى چىن ليان - ۋ.

تابيعي گازدى ءبىر جاقتى ەتۋ پۋنكتىنە جينالعان تابيعي گازدى الدىمەن كوپتىرىپ، قىسىمىن تۇسىرگەننەن كەيىن بارىپ، سۋسىزداندىرۋ، كومىرسۋتەكسىزدەندىرۋ جۇرگىزۋ ارقىلى ىشكەرىلەي وڭدەگەننەن كەيىن بارىپ، ساپتىعى ％5. 99تەن اساتىن تولىمدى تابيعي گاز وندىرىلەدى، ونان كەيىن جوڭعار ويپاتى اينالاسىنداعى تابيعي گاز قۇبىر تورىنا جەتكىزىلگەننەن كەيىن بارىپ، ەڭ سوڭىندا تومەنگى اعارداعى سان مىڭداعان وتباسىلارىنا جەتكىزىلەدى.

بيىل 1 - ايدا ءبىز تابيعي گازدى ءبىر جاقتى ەتۋ قوندىرعى زاتىن جاڭادان وندىرىسكە قوسىپ، تابيعي گازدى ءبىر جاقتى ەتۋ قۋاتىن جوعارىلاتتىق“، - دەدى تابيعي گازدى ءبىر جاقتى ەتۋ پۋنكتىنىڭ باستىعى تۇڭ شۇيبو.

قازىر قارامايلى جۇمىس اۋماعىندا 85 قۇدىق اشىلدى، وسى تابيعي گاز قۇدىقتارى 80 − 90 كيلومەتر جەردە ەندەي جاتىر، ەڭ الىستاعى تابيعي گاز قۇدىعىنىڭ تابيعي گازدى ءبىر جاقتى ەتۋ پۋنكتىمەن قاشىقتىعى شامامەن 60 كيلومەتر. كوكتەم مەرەكەسى كەزىندە تابيعي گازدى ءبىر جاقتى ەتۋ پۋنكتىنىڭ ورتالىق مەڭگەرۋ كەڭسەسى تابيعي گاز قۇدىعىنىڭ ءوندىرىس جانە تابيعي گازدى ءبىر جاقتى ەتۋ قوندىرعىلارىنىڭ اينالىم جاعدايىن ءجىتى قاداعالادى.

ورتالىق مەڭگەرۋ كەڭسەسىندەگى ۇلكەن ەكرانىنان ءارقانداي ءبىر ورىنداعى ءوندىرىس جاعدايىن قالاعان ۋاقىتتا كورۋگە بولادى، ياعني ءبىر جاقتى ەتۋ پۋنكتىنىڭ قويۋلاندىرعان سۇيىقتىقتى جيناپ الۋ تۇعىرى، نىعىزداعىش ماشينا بولمەسى، قالدىق جىلۋدى جيناپ الۋ زاتى سياقتىلاردى ۇلكەن ەكراننان انىق كورۋگە بولادى. ءارقايسى تابيعي گاز قۇدىقتارىنىڭ تەمپەراتۋرا، قىسىم سياقتى تەحنولوگيا شامالارىن ناق ۋاقىتتا ورتالىق مەڭگەرۋ كەڭسەسىنە جەتكىزىپ، ءارقانداي قالىپسىز جاعداي بايقالعان زامان ورتالىق مەڭگەرۋ كەڭسەسى تاباندا بۇيرىق ءتۇسىرىپ، ءبىر جاقتى ەتۋگە دەرەۋ ادام جىبەرەدى.

تابيعي گازدى ءبىر جاقتى ەتۋ پۋنكتىندە جالپى 126 قىزمەتكەر بار، كوكتەم مەرەكەسى كەزىندە جالپى 76 ادام قىزمەت ورىندارىندا كەزەكشى بولىپ، جىم - جىرتتىققا شومعان وسىناۋ قۇم تەڭىزىندە ءۇنسىز تابانداپ تۇرىپ، تابيعي گازبەن قامداۋدى قامتاماسىز ەتۋ مىندەتىن ارقالادى. ”بىرنەشە كۇننىڭ الدىندا تابيعي گازدى ءبىر جاقتى ەتۋ پۋنكتىندە ەڭ تومەنگى تەمپەراتۋرا نولدەن تومەن 40 سەلتسي گرادۋسقا دەيىن ءتۇستى، مۇنداي قاقاعان سۋىق اۋا رايىندا ەرەكشە قىراعى بولىپ، قوندىرعىلاردىڭ اينالىم پارامەترىن ءسات سايىن قاداعالاپ، تابيعي گاز جەتكىزۋ قۇبىرى جەلىسىنىڭ قاتىپ، توسىلىپ قالۋىنان ساقتانۋ كەرەك“، - دەدى تۇڭ شۇيبو.