ءۇرىمجى قالاسى ميدۇڭ رايونى

داڭعارا، بارابان ءۇنى جاڭعىرىپ، مەرەكە دۋمانىن اسىردى

□ انار بۇلت \ شينجياڭ گازەتىنىڭ ءتىلشىسى سو رۇڭجى

داڭعارا، بارابان ءۇنى جاڭعىرىپ، مەرەكە دۋمانىن اسىردى، يۋانشياۋ مەرەكەسى دابىرالى وتكىزىلدى.

2 - ايدىڭ 5 - كۇنى ەگىنشىلىك كالەندارى بويىنشا 1 - ايدىڭ 15 - كۇنى، ءۇرىمجى قالاسى ميدۇڭ رايونىنىڭ مەرەكە ساۋىعى كورمەلىك قويىلىم الاڭىندا داڭعارا، دابىل ۇندەرى جاڭعىرىپ، قالىڭ ادام قايشالىستى. ميدۇڭ رايونىنىڭ ءارقايسى اۋىل - قالاشىقتارىنان، مالىلەرىنەن جانە ورگان، مەكەمە - ورىندارىنان كەلگەن 18 مەرەكە ساۋىعى قوسىنىنىڭ كورمەلى ويىن تۇرلەرى ىركەس - تىركەس الاڭعا شىقتى، ارىستان ءبيى، ياڭگى ءبيى، ەسەككە ءمىنۋ، جۋان باس بالا سياقتى تارتىمدى ويىندار بۇقاراعا مەرەكەلىك لەبى قويۋ سالت - سانا مادەنيەت سالتاناتىن سيلادى.

2 - ايدىڭ 5 - كۇنى تۇستەن بۇرىن، ءتىلشى كورمەلىك قويىلىم الاڭىنان مىنالاردى كوردى: ويىن قويۋشىلاردىڭ رۋحتارى تاسقىنداپ، ەرەكشەلىككە يە مەرەكە ساۋىعى اترەتتەرى مەرەكەلىك بارابان ىرعاعىمەن، ويناقى ريتىممەن ىركەس - تىركەس ساحناعا شىقتى. «ءۇمىتتى القاپ» اتتى مۋزيكا اۋەنى ىشىندە، ميدۇڭ رايونى ياڭماۋگۇڭ قالاشىعىنىڭ مەرەكە ساۋىعى ويىنى اترەتى مۇشەلەرى قولدارىنا ”لياڭپي، ءبيداي ماساعى، ءتاتتى كارتوپ“ سياقتى ەرەكشە اۋىل شارۋاشىلىعى ونىمدەرى فورماسىندا جاسالعان ساحنا جابدىقتارىن ۇستاپ، الاڭنىڭ ورتاسىنا شىقتى.

”ياڭماۋگۇڭ قالاشىعىنىڭ لياڭپيى الىس - جاقىنعا تانىمالى، ولار لياڭپي فورماسىندا جاسالعان ساحنا جابدىقتارىمەن ويىن قويىپ، جەرگىلىكتى ەرەكشە جەڭىل تاعامداردى دا ۇگىتتەدى“. ءۇرىمجى قالاسىنىڭ تيانشان رايونىنان كەلىپ، مەرەكە ويىنىن تاماشالاپ جۇرگەن ۋاڭ جىلي قول تەلەفونىمەن كەسكىنگە الا ءجۇرىپ، كەلىنشەگى جاۋ شينشينمەن اڭگىمەلەسۋدە.

”وسى بىرنەشە جىلدا ءبىز ەرەكشە اۋىل شارۋاشىلىعىن دامىتىپ، اۋىل - قىستاقتى گۇلدەندىرۋدى ىلگەرىلەتتىك، مەرەكە ساۋىعى ءبىزدىڭ اۋىل - قىستاقتىڭ گۇلدەنۋىن ىلگەرىلەتۋ جەتىستىكتەرىمىزدى ايگىلەدى“. ارتيست ءالفار ءجۇرات ويىن قويۋعا قاتىناسقان قوسىننىڭ ىشىندە ويناقى بيگە باستى. ول بىلاي دەدى: سوڭعى جىلدارى ياڭماۋگۇڭ قالاشىعى اۋىل شارۋاشىلىعىنىڭ كاسىپ سالاسى قۇرىلىمى مەن وڭىرلىك ورنالاسىمىن ۇزدىكسىز رەتتەپ، ساپالىلاندىرىپ، ساپالى كۇرىش ەگىلەتىن جەر اۋدانىن ورنىقتىرىپ، كۇرىش ساپاسىن جوعارىلاتىپ، كۇرىشتىڭ ۇستەمە قۇنىن ارتتىردى؛ ”ياڭماۋگۇڭ سانلياڭى“ ەرەكشە اس - سۋ كاسىبىن تياناق ەتىپ، حالىقتىق تۇسەلحانا جانە شارۋالار شاتتىعى ساياجايىن زور كۇشپەن دامىتتى؛ اۋىل شارۋاشىلىعى قوسىمشا ءونىمى ”نيۋحۇڭحۇڭ“ ءتاتتى كارتوبى، ”تيانميمي“ الماسى سياقتى ەرەكشە، ايگىلى ماركاداعى ونىمدەردىڭ ساتىلۋىنا دەم بەرىپ، ماركانىڭ ىقپال كۇشى مەن ەكونوميكالىق ونىمدىلىگىن ۇزدىكسىز جوعارىلاتتى.

سەن ءان ايتساڭ، مەن الاڭعا شىعامىن. اسپاندى جاڭعىرتقان داڭعارا، بارابان ءۇنى اسقاقتاپ، ەكى ارىستان ءبيى قوسىنى باس بولىپ جول اشتى، ارىستان فورماسى سونشاما ساباز بەينەلەنگەن، ءدال ارىستاننىڭ وزىندەي كورىنەتىن - دى؛ سودان كەيىن ياڭگى ءبيى، سەرىك ويىنى، ءازىل - قالجىڭ ويىندارى كورسەتىلدى. ميدۇڭ رايونى سانداۋبا قالاشىعىنىڭ مەرەكە ويىنى اترەتى ساحناعا شىعىسىمەن كورەرمەندى ءالسىن - ءالسىن قىران كۇلكىگە باتىرىپ، قول شاپالاق ءۇنى تولاستامادى، ويىن قويۋ اترەتىندەگى 70 نەشە جاستاعى جاڭ جۇنيىڭنىڭ ەسەك ءمىنۋ ويىنى كوپتەگەن كورەرمەننىڭ نازارىن اۋداردى.

”وسى 2 جىلدا، ساياسات بارعان سايىن جاقساردى، شارۋالاردىڭ تۇرمىسى شالقي ءتۇستى، قالاشىق مەرەكە ويىنى اترەتىن ەرەكشە قولداپ، كاسىپتىك مۇعالىم اكەلىپ تاربيەلەپ، جەتەكشىلىك ەتىپ، جاڭا كيىم - كەشەك، جابدىق ساتىپ اپەردى، جاقسى كۇندى، تاماشا كوڭىل كۇيدى ايگىلەۋ كەرەك“. جاڭ جۇنيىڭنىڭ ايتۋىنشا، ول ءار جىلى مەرەكە ويىنىنا قاتىناسادى، سونداي - اق ءوزىنىڭ مەرەكە ساۋىعى جونىندەگى بىلىمدەرىن، سالت - سانا جونىندەگى بىلگەندەرىن جاستارعا ايتىپ بەرەدى ەكەن.