تىڭ دا تارتىمدى تۋىندىلار ارقىلى جاڭا داۋىردەگى كورىكتى ىلە تاراۋىن ايشىقتادى

− 2023 - جىلى ىلە گازەتى مەكەمەسىنىڭ «كوكتەم مەرەكەسىندە نەگىزگى ساتىنى ارالاۋ» جالپىلىق اقپارات قۇرالدارىنىڭ تىلشىلىك قيمىلىنا جالپى شولۋ

شۇي جيجي (ٴوز ٴتىلشىمىز)

بۇقارا قاي جەردە بولسا، جاندى دا تارتىمدى اقپارات سول جەردە، ٴبىزدىڭ اقپارات قىزمەتكەرلەرىمىز دە سول جەردە!

1 - ايدىڭ 5 - كۇنى باستالىپ، 2 - ايدىڭ 6 - كۇنى اياقتالعان ىلە گازەتى مەكەمەسىنىڭ «كوكتەم مەرەكەسىندە نەگىزگى ساتىنى ارالاۋ» جالپىلىق اقپارات قۇرالدارىنىڭ تىلشىلىك قيمىلى 99 حابار، 75 بەينە بايان، 294 سۋرەت ارقىلى حالىق تىلەگىنىڭ بايۋ، ورنىقتىلىق، العا باسۋدا ەكەندىگى جونىندە ايقىن جاۋاپ بەردى.

نەگىزگى ساتىعا، الدىڭعى شەپكە ىشكەرىلەي بارۋ اقپارات قىزمەتكەرلەرىنىڭ قوعام جاعدايىن، حالىق رايىن يەلەۋ، حالىق بۇقاراسىنا قىزمەت وتەۋىندەگى ٴتۇبىرلى جولى، سونداي - اق اقپارات دانەكەرلەرىنىڭ قوسىندى شىنىقتىرۋ، ورەسىن جوعارىلاتۋىنداعى ستيلدى، جازۋ ستيلىن جاقسارتۋىنداعى ماڭىزدى دانەكەر. ىلە گازەتى مەكەمەسىنىڭ «كوكتەم مەرەكەسىندە نەگىزگى ساتىنى ارالاۋ» جالپىلىق اقپارات قۇرالدارىنىڭ تىلشىلىك قيمىلىندا 10 نەشە ٴتىلشى زاۆودتارعا، الەۋمەتتىك اۋماقتارعا، اتىز باسىنا، ديقاندار وتباسىنا بارىپ، ىشكەرىلەي تىلشىلىك ىستەپ، ىلەنىڭ بايتاق دالاسىن ارالادى. مەرەكەلىك ٴتۇس، جاندى حابارلار، تارتىمدى سۋرەتتەر، اسەرلى كورىنىستەر... ىلەدەگى ادامدى جەلپىندىرەتىن وزگەرىستەردى ەستەلىككە الىپ، ىلەنىڭ دامۋ جاعدايىن ايگىلەپ، بۇقارانىڭ ٴوندىرىسى مەن تۇرمىسىن جاندى سۋرەتتەپ، بۇقارانىڭ ارمان - تىلەگىن شىنايى بەينەلەپ، ىلەدەگى ٴار ۇلت كادرلارى مەن بۇقاراسىنىڭ قايراتتانا العا باسقان، ەسكىنى تاستاپ، جاڭالىققا ۇمتىلعان رۋحاني بەت - بەينەسىن، پارتيا 20 - قۇرىلتايىنىڭ ىلەنىڭ بايتاق دالاسىندا تامىر تارتىپ، جەمىس بەرگەنىن تولىق حابارلاپ، وقىرماندارعا قايراتتانا العا باسقان، جاندى دا جالىندى، تەرەڭ وزگەرىستەر تۋىلىپ جاتقان جاڭا داۋىردەگى كورىكتى ىلەنى ايگىلەدى.

جۇرت تىلەگى − بايۋدى كوكسەۋ

بايۋ ٴۇشىن ەڭبەكشىل بولۋ، كوكتەم لەبى ەلگە باقىت سيلادى. مەيلى «پاحىردەننىڭ شاكىرتتەن جۇڭگوداعى ايگىلى اسپاز بولعانىنا دەيىن» بولسىن، الدە، «ليۋ يۋانشيا جانە ونىڭ <گۇل الەمى>» بولسىن، نەمەسە «زەينەتكە شىققان قىزمەتكەر شيە ەگىپ، بايۋ جولىنا ٴتۇستى» بولسىن؛ الدە «يمۋشين ٴسۇت كاسىبى ٴونىم مولشەرىن ارتتىرىپ، كوكتەم مەرەكەسىندەگى بازارعا ازىرلىك كوردى» بولسىن، الدە «كوكتەم مەرەكەسى كەزىندە قۇلجا قالاسىنداعى ساۋدا سارايلارىنىڭ تيجارات سوماسى جەدەل ارتتى»، تاعى «جاڭا جىلدا قالتقىدا مايسا جەتىلدىرۋمەن قاربالاس بولدى، ەگىمشىلىكتەن مول ٴونىم الۋدان ٴۇمىت زور» دەگەن اقپاراتتىق حابارلاردا جەكەلەردەن تارتىپ كاسىپورىندارعا دەيىن، اۋىل - قىستاقتان تارتىپ قالاعا دەيىن، نەگىزگى ساتىنىڭ رەفورما قۇرىلىسىنداعى امالياتتار ادامدارعا بۇقارانىڭ ۇلى جاسامپازدىعىن سەزىندىرۋمەن بىرگە اقپارات قىزمەتكەرلەرىنە قايناعان قوعامدىق ومىردەن بۇقارانىڭ نە ويلايتىنىن ۇعىندىردى.

بايۋدى كوكسەۋ ىلەدەگى ٴار ۇلت بۇقاراسىنىڭ نەگىزگى اۋەنى. بۇقارا بايۋدى كوكسەۋى − پارتكوم مەن ۇكىمەتتىڭ ولارعا اۋقاتتانۋ جونىندەگى ساياسات جانە جول نۇسقاۋىن ٴۇمىت ەتەدى، ارينە، وزدەرىنىڭ بايلىق جاراتۋ قابىلەتى مەن تەحنيكالىق قابىلەتىن جوعارىلاتۋدى دا ٴۇمىت ەتەدى. بۇقارانى حاباردىڭ باس كەيىپكەرىنە اينالدىرىپ، ۇساق بۋىنداردى مىقتى يگەرىپ، ۋاقيعا ىزدەپ، بۇقارا بايقاي الاتىن ناقتى ٴىس جانە شىنايى سەزىندىرۋ ارقىلى حاباردىڭ تارتىمدىلىعىن، باۋراعىشتىعى مەن جاندىلىعىن ارتتىرۋ − بۇل تەك قوسىننىڭ ستيلىن شىنىقتىرىپ قانا قالماي، اقپارات قىزمەتكەرلەرىنە كۇش - قۋات جانە اسەر بەردى.

جۇرت تىلەگى − تىنىشتىقتى كوكسەۋ

قوعامنىڭ جاراسىمدىلىعى مەن ىنتىماعى دامۋدىڭ بۇلتارماس شارتى؛ ٴبىر قوعامنىڭ ٴبىر نيەتپەن كۇش توپتاي الۋ - الماۋى دامۋدىڭ ساپاسى مەن ونىمدىلىگىن بەلگىلەيدى.

«جاڭا جىل كەلدى، ىلەدەگى تۇڭعىش توپتاعى <كوجەكتەر> شاعانشىلادى»، «ٴۇش ۇرپاق ٴبىر ارادا باس قوسىپ، باي - باقىتتى جاڭا جىلدى تويلادى»، «جاڭا جىلعا قاراعان كۇنگى تۇنگى كۇزەت»، «قۇلجا قالالىق 110 قولباسشىلىق ورتالىعى: قىزمەت ورنىندا تاباندىلىقپەن ىستەپ سان مىڭداعان وتباسىنىڭ الاڭسىز باس قوسۋىن قامتاماسىز ەتتى»، «مال شارۋاشىلىق وڭىرىندەگى تىڭ وزگەرىستەرگە نازار سالىپ، مالشىلاردىڭ جاڭا تۇرمىسىن ماداقتاۋ»، «كوكتەمگى تاسىمال قورعاۋشىلارى ۇيگە قايتار ساپاردى مەيىرگە بولەدى»، «سىرتتان كەلگەندەر قىزمەت ورنىندا تاباندى بولىپ، سول جەردىڭ وزىندە كوكتەم مەرەكەسىن وتكىزسە دە باقىتتى سەزىندى»، «جۇڭگو - قازاقستان قورعاس حالىقارالىق شەكارالىق سەلبەستىك ورتالىعىندا باجىسى كەشىرىم ەتىلگەن زاتتاردى ساتىپ الۋ قىزعىندىلىعى باسەڭدەمەدى» ..... مىنە وسىنداي نەگىزگى ساتىنىڭ الدىڭعى شەبىنەن كەلگەن تۇرمىس كارتيناسى بۇقارانىڭ حال - جاعدايى مەن ارمان - تىلەگىن جەتكىزدى.

ٴار دارەجەلى پارتكومدار مەن ۇكىمەتتەردىڭ رەفورما جاساۋ، جاڭالىق اشۋ، عىلمي دامۋ جونىندەگى تىڭ وي جەلىسى، جاڭا ٴادىس - شاراسى، تىڭ ىلگەرىلەۋشىلىكتەرى، جەر - جەردىڭ حالىق تۇرمىسىن قامتاماسىزداندىرۋ جانە جاقسارتۋ جاعىنداعى كورنەكتى ناتيجەلەرى، پارتيا 20 - قۇرىلتايى رۋحىنىڭ تامىر تارتىپ، جەمىس بەرۋى الا كەلگەن جاڭا سالت، تىڭ وزگەرىستەر ٴار ۇلت بۇقاراسىنىڭ كوكتەم مەرەكەسىن قۋانىشپەن قارسى الىپ جاتقان شات بەينەسى مەن ادامدى قۋانتار كورىنىستەر ارقىلى بەينەلەنگەن.

جۇرت تىلەگى − العاباسۋ 

ٴار ٴتۇرلى ٴتيىمسىز فاكتورلاردىڭ ەكونوميكاعا جاسايتىن ىقپالىن كورە بىلۋمەن بىرگە، ەكونوميكانىڭ ۇزاق ۋاقىت جاقسارۋ بەتالىسىنىڭ وزگەرمەگەندىگىن دە كورە ٴبىلۋىمىز؛ كەزەكتەگى ەكونوميكالىق قىزمەتتەگى پارىقتاردى، ولقىلىقتاردى دا كورە ٴبىلۋىمىز، ەكونوميكانىڭ ارتۋىن جەدەلدەتۋدىڭ ابزالدىلىعى مەن كومەسكى كۇشىن دە كورە ٴبىلۋىمىز كەرەك. «پارتيانىڭ ساياساتى جاقسى بولعان سوڭ قۇلشىنا العا ۇمتىلۋ كەرەك»، «مەرەكەلىك بۇيىمدار بازارىنان تەكەس قالاشىعى تۇرعىندارعا 50 نەشە تەگىن جايما ورىن ازىرلەپ بەردى»، «چاپچالدىڭ جەمىس ورمانى ماماندارى اتىز باسىنا بارىپ، تاجىريبە تانىستىرىپ، ۇلگى كورسەتتى»، «ىلە تۇڭحۇي بيىل مىڭ جۇرگىزۋشى تاربيەلەمەكشى» سياقتى ٴبىر قىدىرۋ حاباردىڭ بارلىعى كىشكەنە ىستەردەن ۇلكەن اۋقىم قالىپتاستىرىپ، كىشكەنە ىستەردەن ٴىرى جەڭىسكە جەتۋدىڭ سوزسىزدىگىن ٴتۇسىندىردى. 

ماتەريال ٴبىر جولدا جينالىپ، مازمۇنى كوپ تەكشەدە پايدالانىلىپ، ينفورماتسيا كوپ ارنادا جاريالاندى، ىلە گازەتى مەكەمەسى ٴتىلشىسىنىڭ دەربەس حابارلارى، دەربەس كوزقاراستارى، اسەرلى سۋرەتتەرى مەن كەسكىندەرى جىلجىمالى تەرمينال مەن گازەت توراپ بەكەتىندە دەر كەزىندە جاريالانىپ، كورەرمەندەر اراسىندا كۇشتى اڭىس قوزعادى.

«نەعۇرلىم قاراپايىم سوزدەر حاباردى سولعۇرلىم شىنايى اسەرلى ەتىپ، جۇرت كوڭىلىنە جەتەدى»، «تەك شىنايى باستان كەشكەندە كورەگەندىك ۇزدىكسىز ارتادى، وي جۇگىرتۋ قابىلەتى تەرەڭدەيدى، جازۋ قابىلەتىن شىڭداعاندا عانا، ناعىز قۇندى اقپارات تۋىندىلارىن جاراتۋعا بولادى» ... «كوكتەم مەرەكەسىندە نەگىزگى ساتىنى ارالاۋ» قيمىلىنا قاتىناسقان تىلشىلەر ٴبىر اۋىزدان: نەگىزگى ساتىنى نەعۇرلىم كوبىرەك ارالاعان سايىن، كوڭىلىڭە سونشالىق شىنايى سۇيىسپەنشىلىك ۇيالايدى دەستى. كوكتەم مەرەكەسىندە نەگىزگى ساتىنى ارالاۋ − قادام سايىن اسەرگە يە بولاتىن، ۇيرەنەتىن، تابىسقا جەتەتىن جول. مۇندا يدەيالىق جاقتان بۇقاراعا قۇرمەت ەتىپ، بۇقارامەن شىنايى ىشتەسە الاسىز، قىزمەتتە بۇقاراعا سۇيەنىپ، بۇقارامەن اناعۇرلىم سانالى، ىرىقتى بايلانىس جاساپ، بۇقاراعا قىزمەت وتەۋ ارقىلى بۇقارانى حاباردىڭ باس كەيىپكەرىنە اينالدىراسىز. سوندا عانا اقپاراتتىق ۇگىت اناعۇرلىم باۋراۋ قۋاتىنا، الەۋمەتتىك سەنىمدىلىككە يە بولادى، اقپارات سوندا عانا ادامدى شابىتتاندىرادى، ۇيىستىرادى، ٴوز ورنىن ٴداپ باسىپ تاۋىپ، حالىق بۇقاراسىمەن بولعان سۇيىسپەنشىلىكتى ارتتىرىپ، بۇقاراعا قىزمەت وتەۋ بارىسىندا اقپارات قىزمەتكەرلەرىنىڭ شىنايى قۇن تالپىنىسى اناعۇرلىم ويداعىداي جۇزەگە اسىرىلادى.