سەيىل - سەرۋەن اۋىل شارۋاشىلىعىن دامىتىپ، قونىس ورتاسىن رەتتەپ - وڭاپ، ەرەكشە ەگىمشىلىكتى جالپىلاستىردى

قۇلجا قالاسى اۋىل - قىستاقتىڭ دامۋ ومىرشەڭدىك قۋاتىن تاسقىنداتتى

ٴتىلشىمىز جاڭ لياڭ حابارلايدى. قۇلجا قالاسى اۋىل شارۋاشىلىعى، اۋىل - قىستاق قىزمەتىنە باسا ٴمان بەرىپ، پارتيا تاريحىن ۇيرەنۋ تاربيەسى بارىسىندا قىزمەت وتەۋ تانىمىن كورنەكتىلەندىرىپ، قىزمەت ادىسىندە جاڭالىق اشىپ، بۇقارانىڭ قىزۋ ىنتاسىن قوزعاپ، ەرەكشە ەگىمشىلىكتى جالپىلاستىرىپ، اۋىل - قىستاق ەكونوميكاسى رەفورماسىن جەدەلدەتىپ، تاماشا ناتيجەلەرگە قول جەتكىزدى. 

پارتيا تاريحىن ۇيرەنۋ تاربيەسى ورىستەتىلگەلى بەرى قۇلجا قالاسى تەحنيكتەردىڭ اۋىلدى، قىستاقتى كوتەرمەگە الۋ ٴتۇزىمى، كۇزدىك ٴبيداي اتىزىن باسقارۋ ناق مايدان ٴماجىلىسىن اشۋ، ساپالى كوكونىس مايساسىن جەتىلدىرۋ سياقتىلار ارقىلى عىلىم - تەحنيكا دارىندىلارىنىڭ اۋىل - قىستاقتى گۇلدەندىرۋگە قىزمەت وتەۋ قىزمەتىن شىنايى تياناقتاندىرىپ، اۋىل شارۋاشىلىق ٴوندىرىس تەحنيكاسىنا قىزمەت وتەۋ دەڭگەيىن ۇزدىكسىز جوعارىلاتتى. 

جىل باسىنان بەرى قۇلجا قالالىق اۋىل شارۋاشىلىعى، اۋىل - قىستاق مەكەمەسى اۋىل - قالاشىق جانە قىستاقتارعا جالپى 83 تەحنيك جىبەرىپ، 100 مىڭ ٴتۇپ ساپالى كوكونىس مايساسىن جەتىلدىردى ٴارى قىستاق تۇرعىندارىنا تاراتتى. 

اۋىل شارۋاشىلىعى مەن ساياحاتتى ۇشتاستىرۋ، ساياحات ارقىلى اۋىل شارۋاشىلىعىن جەبەۋ قالا تۇرعىندارىنىڭ سەيىل - سەرۋەنى، اۋىل شارۋاشىلىعىن تاماشالاۋ جانە اۋىل شارۋاشىلىعىن باستان كەشىرۋ سياقتىلاردى نەگىزگى جەلى ەتۋ ارقىلى قۇلجا قالاسى قىزمەت ادىسىندە جاڭالىق اشىپ، سەيىل - سەرۋەن اۋىل شارۋاشىلىعىنىڭ دارەجەسىن جوعارىلاتتى جانە دامىتتى. «ساياحات +» ستراتەگياسى ارقىلى ٴارقايسى اۋىل - قالاشىقتاردىڭ جەرگىلىكتى ەرەكشەلىككە قاراي گۇل تاماشالاۋ، سەرۋەندەۋ جانە تەرۋ سياقتى سەيىل - سەرۋەن اۋىل شارۋاشىلىعى مەن اۋىل - قىستاق ساياحاتىن دامىتۋدى بەلسەنە قولدادى. قازىر اۆتونوميالى رايون دارەجەلى سەيىل - سەرۋەن، تاماشالاۋ سىندى 4 اۋىل شارۋاشىلىعىنان ۇلگى كورسەتۋ ٴتۇيىنى  اشىلىپ، 8 تاڭداۋلى حالىقتىق تۇسەلحانا قۇرىلىپ، شينجياڭنىڭ سەيىل - سەرۋەن اۋىل شارۋاشىلىعى مەن اۋىل - قىستاق ساياحاتى سارا ونىمدەرى جەلىسىنەن ەكەۋى قالىپتاسىپ، 6 ساياحات ٴتۇيىنى قىستاعىن قۇرۋ قىزمەتى ۇزدىكسىز جەبەلدى.

قۇلجا قالاسى اۋىل ـ قىستاق قونىس ورتاسىن رەتتەۋ - وڭاۋدى نەگىزگى تۇتقا ەتىپ، شارۋالاردىڭ قونىستانۋ ساپاسىن جوعارىلاتتى. قىستاقتاردى تازارتۋ ارەكەتىن تىڭعىلىقتى ورىستەتتى، اۋىل ـ قالاشىقتارداعى پارتيالى كادرلار «جۇما كۇنگى تازالىق كۇنى» قيمىلىنا باستاماشىلدىقپەن ات سالىسىپ، قىستاقتاردى تازالاۋدى، جاپپاي رەتتەۋ - وڭاۋدى مۇقيات ورىستەتتى. جيىنى 7 مىڭ 50 ادام ـ رەت ەڭبەككۇش شىعارىپ، 7 مىڭ 79  قالتارىس ورىن، 22 مىڭ 400 توننا اۋىل ـ قىستاق تۇرمىستىق قوقىر ـ قوقسىعى، 668 ورىنداعى قالدىق زات، مال تەزەگى، قۇس ساڭعىرىعى سياقتى اۋىل شارۋاشىلىق وندىرىسىندەگى 2 مىڭ 664 توننا جاراقسىز زاتتى تازالاپ، اۋىل ـ قىستاقتىڭ بەت ـ بەينەسىن ٴونىمدى جاقسارتتى. 

ەرەكشە ەگىمشىلىكتى ىلگەرىلەتۋ ٴۇشىن، قۇلجا قالاسى «ٴبىر اۋىلدا ٴبىر كاسىپ، ٴبىر قىستاقتا ٴبىر ٴونىم بولۋدى» نەگىزگى ۇلگى ەتىپ، ۇگىتتەۋ، جەتەكتەۋ جانە سەلبەستىك كووپەراتيۆىنىڭ باستاماشىلدىق رولىن تولىق ساۋلەلەندىرۋ ارقىلى 18 مىڭ 700 مۋ جەرگە جوعارى ٴونىمدى ەرەكشە داقىل ەگىپ، باۋ ـ باقشا الاڭىنداعى شۇعىنىق، كەبەكجۇزى اۋىلىنداعى بۇلدىرگەن، قوس قابىقتى قاربىز، ٴتاتتى كارتوپ، داردامتى قالاشىعىنداعى بۇرشاق، تاڭقۋراي، قارادوڭ اۋىلىنداعى گاۋلەن، داردامتى قالاشىعى مەن بايانداي قالاشىعىنداعى ازىقتىق باكتەريا سياقتى شوعىرلى تۇتاسقان ەرەكشە داقىلدار بازاسىن بىرتىندەپ قالىپتاستىردى. «كوجە ـ قاتىق» ينجەنەرياسىن ونان ارى كۇشەيتىپ، نەگىزگى ساتى اۋىل شارۋاشىلىق تەحنيكاسىن جالپىلاستىرۋ جۇيەسى قۇرىلىسىن توڭىرەكتەپ، 29 مىڭ مۋ جەرگە كوكونىس ەگىپ، كوپتەگەن اۋىل ـ قالاشىقتاردا اشىق جەردەگى كوكونىس، قۇرىلعىلى كوكونىس ەگەتىن كولەمدەنگەن كوكونىس ەگۋ بازاسىن ورنىقتى قالىپتاستىردى. 

قۇلجا قالاسى اۋىل ـ قىستاق كوللەكتيۆ مال ـ مۇلىك ۇقىعى رەفورماسىن جانە اۋىل ـ قىستاق قورا ـ جايلىق جەر بازاسى ٴتۇزىمى رەفورماسىن جاپپاي ىلگەرىلەتۋ، جاڭاشا تيجارات تۇلعالارىن دامىتۋ، كەڭەيتۋ، اۋىل ـ قىستاق جەرىن اينالىمعا سالۋدى جەدەلدەتۋ سياقتىلار ارقىلى اۋىل ـ قىستاقتىڭ دامۋ ومىرشەڭدىك كۇشىن اناعۇرلىم تاسقىنداتتى. قازىر رەفورماعا ساياتىن 51 ورىن جارناعا سىندىرىپ ولشەمدەندىرۋ جانە جارنا ۇقىعىن ورنالاستىرۋ مىندەتىن تولىق ورىنداپ، 17 شارۋالار كاسىپتىك سەلبەستىك كووپەراتيۆىن تىڭنان كوبەيتىپ، اۋىل ـ قىستاق جەرىن اينالىمعا سالۋ اۋماعىن 107 مىڭ 900 مۋعا جەتكىزدى.