ٴتىلشىمىز لي يافىڭ موڭعۇلكۇرەدەن حابارلايدى. 12 - ايدىڭ 8 -  كۇنى ٴتىلشىنىڭ موڭعۇلكۇرە اۋدانىنان ۇعىسۋىنشا، بيىل موڭعۇلكۇرە اۋدانى پارتيا تاريحىن ۇيرەنۋ تاربيەسىندەگى «بۇقارا ٴۇشىن ناقتى ٴىس ىستەۋ» امالياتتىق قيمىلىن تىڭعىلىقتى ىلگەرىلەتىپ، قىزىل ساياحات پەن اۋىل ـ قىستاقتى گۇلدەندىرۋدىڭ ەڭ تاماشا ۇشتاسۋ ٴتۇيىنىن ٴدال تابۋ ارقىلى ەگىنشى ـ مالشىلاردىڭ «پارتيا تاريحىن ۇيرەنۋ ـ تاربيەسى + مادەنيەت ـ ساياحات ارقىلى قىستاقتى گۇلدەندىرۋ» بارىسىندا تابىس سەزىمى مەن باقىت سەزىمىنىڭ ۇزدىكسىز جوعارىلاۋىنا مۇمكىندىك جاراتقان.

موڭعۇلكۇرە اۋدانى موڭعۇلكۇرە قالاشىعى تۇعىلشىن قىستاعىنداعى مايەك زيالى جاستار سارايى − مەملەكەتتىك A 4 دارەجەلى كورىنىس رايونى، شينجياڭنىڭ 8 ـ توپتاعى ٴتۇيىندى مادەني مۇرالاردى قورعاۋ ورنى ٴارى شينجياڭ بويىنشا 20 ـ عاسىردىڭ 70 ـ جىلدارىندا زيالى جاستاردىڭ تۇرمىسىن نەگىزگى تاقىرىپ ەتكەن بىردەن ـ ٴبىر كورمە سارايى. بۇل ساراي تاريح تامىرىن جەلى، سۋرەت - جازۋلار مەن ناقتى زاتتاردى ٴبىر - بىرىنە دالەل ەتىپ، سول جىلدارداعى زيالى جاستاردىڭ ٴوندىرىس - تۇرمىسىنىڭ تۇتاس بارىسىن جان - جاقتى، ايقىن، شىنايى ايگىلەگەن. قىرۋار باعالى سۋرەتتەر، ناقتى زاتتار جانە زيالى جاستاردىڭ تاريحي ارتقى كورىنىستەرىن تانىستىرۋ ارقىلى ەكسكۋرسيالاۋعا كەلگەندەردىڭ زيالى جاستاردىڭ كەشىرمەلەرىن ىشكەرىلەي تۇسىنۋىنە جانە سەزىنۋىنە مۇمكىندىك جاساپ، بۇقارانىڭ زيالى جاستاردىڭ قاجىرلىلىقپەن كۇرەس جۇرگىزۋ، قالتقىسىز ۇلەس قوسۋ سىندى رۋحاني قاسيەتىن ۇيرەنۋىنە دەم بەرۋدە.

بيىل 5 ـ ايدىڭ 24 ـ كۇنى مايەك زيالى جاستار سارايى پارتيا قۇرىلعاندىعىنىڭ 100 جىلدىعى بويىنشا 100 قىزىل سارا ساياحات جەلىسىندەگى «وتاندى ٴسۇيۋ، شەكارانى كۇزەتۋ، جاستىق كوكتەمىن وكىنىشسىز وتكىزۋدىڭ» ٴبىرىنشى بەكەتى بولىپ باعالاندى. مايەك زيالى جاستار سارايى قىزىل وتانشىلدىق تاربيە بازاسى رەتىندە پارتيا تاريحىن ۇيرەنۋ تاربيەسىندە ماڭىزدى رول اتقاردى.

ۇعىسۋعا قاراعاندا، پارتيا تاريحىن ۇيرەنۋ تاربيەسى ورىستەتىلگەننەن بەرى، موڭعۇلكۇرە اۋدانى پارتيا تاريحىن ۇيرەنۋ تاربيە ساباعىن زەرتتەۋ - اشۋدى كۇشەيتىپ، توڭكەرىس تاريحىنىڭ دامۋ جەلىسى مەن ىشكى رۋحىن دۇرىس يگەرۋ ارقىلى مايەك زيالى جاستار سارايى سياقتى ٴبىر توپ قىزىل كورىنىس ٴتۇيىنىنىڭ باۋراۋ قۋاتىن ۇزدىكسىز جوعارىلاتقان. سونىمەن بىرگە، ٴتۇسىندىرۋ فورماسىندا جاڭالىق اشىپ، حالىق اندەرى، شاعىن حيكايا سياقتى فورمالارمەن كورىنىس تۇيىندەرىنىڭ باۋراۋ قۋاتى مەن تارتىمدىلىعىن جوعارىلاتىپ، ساياحاتشىلاردىڭ جاقىن ارالىقتان قىزىل ساياحاتتىڭ تارتىمدىلىعىن سەزىنۋىنە مۇمكىندىك جاساپ، ٴوزارا ىقپالداستىق پەن باستان كەشىرۋدى كۇشەيتىپ، قىزىل گەندى ويداعىداي جالعاستىرعان. سونىمەن بىرگە، شارۋالاردى تەحنيكالىق ونەرگە باۋلۋدى كۇشەيتىپ، شارۋالاردىڭ جۇمىستانۋ قابىلەتىن جوعارىلاتىپ، قىزىل كورىنىس وڭىرىندە جۇمىسقا ورنالاسۋىنا كومەكتەسىپ، اۋىل ـ قىستاقتاعى ارتىق ەڭبەككۇشتەردىڭ جاقىن ماڭدا جۇمىسقا ورنالاسۋىنا مۇمكىندىك جاساعان.

ساناققا قاراعاندا، مايەك زيالى جاستار سارايى كورىنىس رايونىنىڭ اتىرابىندا جۇمىسقا ورنالاسقاندار 112 گە  جەتكەن. «كورىنىس ٴوڭىرى + شارۋا وتباسى» ۇلگىسى ارقىلى شارۋالاردى قارجى، جەر جانە ٴۇي سياقتى قازىنا - مۇلىكتەرمەن قىزىل ساياحاتقا جارنا قوسۋعا جەتەلەپ، مۇددەلەردى بايلانىستىرۋ مەحانيزمىن قالىپتاستىرىپ، شارۋالاردى قىزىل ساياحاتتى دامىتۋعا ىنتالاندىرعان. قازىر موڭعۇلكۇرە اۋدانىنىڭ قىزىل ساياحاتتى نەگىزگى تاقىرىپ ەتكەن اس ـ سۋ، قونالقى ٴۇي، ويىن ـ ساۋىق جانە بولشەك ساتۋ كاسىبى 88 گە جەتتى.