اۋەلگى ماقسات  پەن بورىشتى امالياتتا ايگىلەپ، قىزىل قان تامىردى جالعاستىردى

توعىزتاراۋ اۋدانىندا 90 ـ جىلداردىڭ تۇلەكتەرىنەن 300 دەن استام كادر نەگىزگى ساتىنىڭ ٴبىرىنشى شەبىندە اتويشى بولدى

تىلشىلەرىمىز يان ليڭ، گۋ شۋە، جاڭىلقان قوجا قىزى حابارلايدى. توعىزتاراۋ اۋدانى نەگىزگى ساتىنىڭ ٴبىرىنشى شەبىن جاس كادرلاردى تاربيەلەيتىن دومنا پەش، جاتتىعۋ الاڭى ەتىپ، ولاردىڭ اۋىل ـ قىستاقتى گۇلدەندىرۋدىڭ، ىندەتتەن ساقتانۋ - تىزگىندەۋدىڭ جانە بۇقاراعا قىزمەت وتەۋدىڭ ەڭ الدىڭعى شەبىندە رۋحتى شىڭداپ، قابىلەتتى ٴوسىرىپ، ەسەيىپ ـ ەرجەتۋىنە جانە العا باسۋىنا مۇمكىندىك جاسادى. 

«كەزەكتە توعىزتاراۋ اۋدانىندا 90 ـ جىلداردىڭ تۇلەكتەرىنەن 300 دەن استام كادر نەگىزگى ساتىنىڭ ٴبىرىنشى شەبىندە اۋىر مىندەت ارقالاپ وتىر، مۇنىڭ ىشىندە 172 ستۋدەنت قىستاق كادرى بار» دەدى 12 - ايدىڭ 26 - كۇنى توعىزتاراۋ اۋداندىق پارتكومنىڭ ورىنباسار شۋجيى، ۇيىمداستىرۋ ٴبولىمىنىڭ باستىعى شىن حۇيجۋان تىلشىگە.

«ٴبىز قىستاق تۇرعىندار كوميتەتىنىڭ اۋلاسىنداعى وسى قاراعاشتى <ارمان - تىلەك اعاشىنا> اينالدىرعاننان بەرى قىستاق تۇرعىندارى وزدەرىنىڭ ارمان ـ تىلەكتەرىن جازىپ اعاشقا ٴىلىپ قوياتىن بولدى. ٴبىز قىستاق تۇرعىندارىنىڭ 130 تىلەگىنىڭ ورىندالۋىنا كومەكتەستىك» دەدى 90 ـ جىلداردىڭ تۇلەگى بولعان كادر، توعىزتاراۋ اۋدانى اعارسىن قالاشىعى ٴدارتى قىستاعى پارتيا ياچەيكاسىنىڭ شۋجيى جيڭ جىرۇڭ.

توعىزتاراۋ اۋدانىنىڭ قىستاق، اترەت جانە الەۋمەتتىك اۋماقتارىندا جيڭ جىرۇڭ سياقتى  90 ـ جىلداردىڭ تۇلەكتەرىنەن شىققان كادرلاردىڭ ارىنى ايتا قالسىن جاقسى. 

كابيلا كامال قىزى داشۋە بىتىرگەننەن كەيىن اتا مەكەنى اعارسىن قالاشىعى اعارسىن قىستاعىنا كەلىپ، قىستاق كادرى بولدى. پارتيا ۇيىمىنىڭ باۋلۋىندا، ول قىستاق اترەتىنىڭ ٴتۇرلى قىزمەتتەرىن تەز ارادا يگەرىپ، ٴار ۇلت بۇقاراسىنىڭ قولداۋىنا يە بولدى.

قىستاق تۇرعىنى ساۋ رۋ كابيلا كامال قىزى سياقتى قىستاق كادرلارىنىڭ كومەگىندە عىلمي جولمەن ەگىن ەگۋگە سۇيەنىپ اۋقاتتانۋ جولىنا ٴتۇستى. ول: «وسى جاس كادرلار ٴبىزدىڭ جاڭا ساياساتتى تۇسىنۋىمىزگە، جاڭا بىلىمدەردى قابىلداۋىمىزعا كومەكتەسۋدە، بارلىعى دا ۇزدىك كادرلار» دەدى.

 اۋەلگى ماقسات پەن بورىشتى ەستە بەرىك ساقتاپ، جاۋاپكەرشىلىكتى باتىل ارقالادى. ٴاليما امەت شينجياڭ راديو ـ تەلەۆيزيا داشۋەسىنەن وقۋ بىتىرگەن، 2018 ـ جىلى قىزمەتكەر قابىلداۋ ەمتيحانى ارقىلى تىكارىق قالاشىعى اقباستاۋ قىستاعىنا كەلىپ قىزمەت ىستەيدى. ۇيرەنۋگە ىنتالى بولعاندىقتان، ول قىزمەت بارىسىندا كورنەكتى ناتيجە جاراتىپ، 2020 ـ جىلى اۆتونوميالى رايون جاعىنان «ىندەتكە قارسى اتتانۋداعى وزات جەكە»  داڭقتى اتاعىنا يە بولدى. 

اۋەلگى ماقساتتى امالياتتا ايگىلەپ، بۇقاراعا قىزمەت وتەۋدىڭ ەڭ الدىڭعى شەبىندە اتويلاپ الدا ٴجۇردى. 2016 ـ جىلى ايدىن كومەك ۇلى نانجيڭ داشۋەسىن بىتىرگەننەن كەيىن اتا مەكەنى توعىزتاراۋ اۋدانىنا كەلىپ، نەگىزگى ساتىعا تامىر تارتىپ، 5 جىلدان استام ۋاقىت قىزمەت ىستەپ، بىلتىر 12 - ايدا تىكارىق قالاشىعىنىڭ ورىنباسار باستىعى بولدى. 

جىل سوڭىندا قىزمەت قاربالاس بولعاندىقتان ايدىن كومەك ۇلى قالاشىق ۇكىمەتتىڭ جاتاعىندا جاتىپ، اۋدان قالاشىعىنداعى ۇيىنە قايتپاعانىنا 20 كۇنگە جۋىق ۋاقىت بولعان - دى، تىكارىق قالاشىق پارتكومىنىڭ شۋجيى گو يانلۇڭ: «بۇل جاستار مۇراتتى دا قابىلەتتى، ٴىس تىندىرۋعا شەبەر، ولار اۋىل ـ قىستاقتى گۇلدەندىرۋدىڭ تىرەكتى كۇشتەرى» دەدى. 

2017 ـ جىلى گاۋ چياۋشيا گانسۋدىڭ پيڭلياڭ قالاسىنان قايىن جۇرتى توعىزتاراۋ اۋدانىنا كەلگەننەن كەيىن، وسى جەردى ۇناتىپ، اعارسىن قالاشىعى ساروزەك قىستاعىندا پارتياعا كىرىپ، كەيىن قىستاق كادرى بولدى. 

گاۋ چياۋشيا پارتيا قۇرىلىسى قىزمەتىنە جاۋاپتى بولىپ، كوپشىلىكتى ۇنەمى قىستاقتاعى توڭكەرىستىك بازاعا باستاپ، پارتيا كۇنى قيمىلىن ورىستەتتى. توڭكەرىستىك بازادا پارتيانىڭ 1 ـ قۇرىلتايىنان 19 ـ قۇرىلتايىنا دەيىنگى قىسقاشا تانىستىرۋلار، قىزىل قايىق رۋحى، جيڭگاڭشان رۋحى، ۇزاق جورىق رۋحى، يان ـ ان رۋحى جونىندەگى كورمە تاقتالار بار. «مەن قىزمەت بارىسىندا قيىنشىلىققا جولىققانىمدا، وسى اراعا كەلۋدى ۇناتامىن، وسى ارادان پارتيانىڭ جاپا ـ ماشاقاتتى قالاي وتكەرگەنىن كورىپ، باعدارىمدى ايقىنداپ، بويىما كۇش - قۋات جينايمىن» دەيدى گاۋ چياۋشيا.

گاۋ چياۋشيانىڭ ىقپالىندا ونىڭ جۇبايى 2019 ـ جىلى پارتيا ۇيىمىنا مۇشە بولدى.

بيىل توعىزتاراۋ اۋدانىندا پارتياعا 913 مۇشە جاڭادان قابىلداندى، مۇنىڭ ىشىندە  90 ـ جىلداردىڭ تۇلەكتەرىنەن 386 مۇشە بار.