ٴتىلشىمىز ياڭ جيڭ - ي
«كاسىپتىك وقۋ - اعارتۋ رەفورماسىن دامىتۋدى ىلگەرىلەتىپ، كاسىپ پەن تاربيەلەۋدى توعىستىرىپ، مەكتەپ پەن كاسىپورىن سەلبەستىگىن تەرەڭدەتىپ، <تاپسىرىستىق ۇلگىدە> دارىندىلاردى تاربيەلەۋدى ىلگەرىلەتىپ، كاسىپتىك مەكتەپتەردىڭ وقىتۋ ساپاسىن جوعارىلاتۋدى كۇش سالا جەبەۋ كەرەك». ۇكىمەت قىزمەتى بايانداماسىندا ايتىلعان كاسىپتىك وقۋ - اعارتۋدى دامىتۋ جونىندەگى ماڭىزدى حابار ۋاكىلدەر مەن مۇشەلەردىڭ قىزۋ تالقىسىنا اينالدى.
«كاسىپتىك وقۋ - اعارتۋدا مەملەكەت ساياساتىنىڭ تيىمدىلىگىنەن پايدالانىپ، كاسىپورىنمەن بايلىقتى توعىستىرۋ تەبىنىن ارتتىرىپ، قىزمەت پەن ۇيرەنۋدى توعىستىرۋى شىنايى اتقارىپ، دارىندىلاردى تاربيەلەۋ ساپاسىن جوعارىلاتۋ كەرەك» - دەدى وبلىستىق حالىق قۇرىلتايىنىڭ ۋاكىلى ٴپاريدا جۇماباي قىزى.
بيىل جىل باسىندا ىلە وبلىستىق كاسىپتىك وقۋ - اعارتۋ توبى بىرلەستىگى رەسمي قۇرىلىپ، مەكتەپ پەن كاسىپورىننىڭ ىشكەرىلەي توعىسۋىن جۇزەگە اسىرىپ، ماماندىق پەن كاسىپتى، كاسىپ پەن قىزمەت ورىننىڭ ۇلاسۋىن، كاسىپتىك وقۋ - اعارتۋ مەن ٴومىر بويى ۇيرەنۋدى سايكەستىرۋدى جەدەلدەتىپ، وبلىسىمىز كاسىپتىك وقۋ - اعارتۋدىڭ وقىتۋ ساپاسىن اناعۇرلىم جوعارىلاتىپ، جوعارى ساپالى ەڭبەككۇشتەر مەن جوعارى تەحنيكالى دارىندىلاردى تاربيەلەدى.
وبلىسىمىزدىڭ ەكونوميكالىق قۇرىلىم مەن كاسىپتى دامىتۋدى تۇراقتاندىرۋىنا ساي، ساياحات، توقىماشىلىق، كيىم - كەشەك، حيميا - ونەركاسىپ جانە دەنساۋلىق ساقتاۋ، سالاماتتىق، مەكتەپكە تۇسۋدەن بۇرىنعى تاربيە سياقتى تاپشى جوعارى تەحنيكوم كاسىپتەرىن ٴتۇيىندى سەلبەسىپ قۇرىپ، وبلىسىمىز كاسىپتىك وقۋ - اعارتۋىنىڭ جاقسى، اقاۋسىز دامۋى مەن ەكونوميكاعا، قوعامعا قىزمەت وتەۋ قابىلەتىن كۇشەيتۋ كەرەك. «بايلىقتى بىرىكتىرۋدى ساپالىلاندىرۋ سالالاردىڭ، تاراۋلاردىڭ جانە مەكتەپ ٴتۇرىنىڭ شەكاراسىن بۇزادى، سونىمەن بىرگە، كاسىپ سالاسى، كاسىپورىن، كاسىپتىك - تەحنيكالىق مەكتەپ كاسىپتەرىندەگى تىرەكتى كادرلار ورتاق ات سالىسقان ماماندار قامباسىن قۇرۋ كەرەك» - دەدى وبلىستىق ساياسي كەڭەستىڭ مۇشەسى باقىتكەلدى قۇدايبەردى ۇلى.
«تۇلعالىق ەكونوميكانى جوعارى ساپالى دامىتۋدى، جوعارى ورەلى تۇرمىس جاراتۋدى ىلگەرىلەتۋدىڭ بارلىعى كاسىپتىك وقۋ - اعارتۋدان ايرىلا المايدى، ول مەملەكەتتىڭ جوسپارى ٴارى حالىق تۇرمىسى، ول وقۋ - اعارتۋ ٴارى وندىرىس، تۇرمىس ەسەپتەلىنەدى» - دەدى ساياسي كەڭەس مۇشەسى تولقىن ماناپ ۇلى.
وبلىسىمىزدىڭ كاسىپتىك وقۋ - اعارتۋى ورلەپ وقۋ ارناسىن كەڭەيتىپ، ورتا تەحنيكوم، جوعارى تەحنيكوم، قولدانىلمالى تەحنيكا سيپاتتى تولىق كۋرس، اشىق داشۋە وقىتۋىنىڭ دارەجەگە ٴبولىپ تاربيەلەۋىن نەمەسە بىرلەسىپ تاربيەلەۋىن ۇزدىكسىز ىلگەرىلەتىپ، ورتا جانە جوعارى تەحنيكومدى «بەس جىل ۇدايىلاندىرۋ ٴتۇزىمى» «2+3» «ورتا تەحنيكومعا تىكە ورلەۋ» «ٴۇش مەكتەپ وقۋشىلارى ەمتيحانى»، كاسىپتىك ۇزدىكسىز تاربيەلەۋ سياقتى تاربيەلەۋ ۇلگىسىن قۇردى. «بۇگىنگى تاڭدا وبلىسىمىز وسى تەكتەس كاسىپتىك وقۋ - اعارتۋدا جاڭالىق اشۋ ۇلگىسىن قولدانىپ، كاسىپتىك - تەحنيكالىق مەكتەپ وقۋشىلارىنىڭ كاسىپتەنۋ جانە جالعاستى جوعارىلاپ وقۋ ارناسىن كەڭەيتىپ، جاس وسپىرىمدەردىڭ ٴوزىن دامىتۋىنا اناعۇرلىم مول مۇمكىندىك جاراتتى» - دەدى وبلىستىق ساياسي كەڭەس مۇشەسى ەرجان ٴنۇسىپقان ۇلى. ول مىناداي ۇسىنىستى العا قويدى: «تاپسىرىستىق فورماداعى» كاسىپتىك تاربيەنى اۋىل - قىستاققا، نەگىزگى ساتىعا باعىتتاپ، جوعارى ورەدەگى تەحنيكالىق مامانداردى ساباق سويلەۋگە، اۋىل - قىستاقتارعا ٴتۇسىپ تەحنيكالىق جەتەكشىلىك ەتۋگە بەلسەنە ۇسىنىس ەتىپ، وزىق تەحنيكا تانىمىن ديقاندارعا دەركەزىندە جەتكىزۋ كەرەك. اۋىل - قىستاق كاسىپتىك - تەحنيكالىق تاربيەسى ينفورماتسيا تەكشەسىن قۇرۋ جاعىندا ىزدەنىس جاساپ، ينتەرنەتتىڭ ابزالدىعىن تولىق ساۋلەلەندىرىپ، اناعۇرلىم كوپ ەگىنشى - مالشى دەركەزىندە ينفورماتسيا مەن تەحنيكانى قابىلداۋى كەرەك.
«اۋىل - قىستاققا باعىتتالعان كاسىپتىك وقۋ - اعارتۋدى بار كۇشپەن دامىتۋ − وبلىسىمىزدىڭ اۋىل - قىستاقتى كوركەيتۋدەگى <ىلگەرىلەتكىشى>». كۇيتۇن قالاسىنان كەلگەن وبلىستىق ساياسي كەڭەستىڭ مۇشەسى پىڭ جيان بىلاي دەپ قارادى: ۇگىت پەن ساياسات جاعىنان جەتەكتەۋدى كۇشەيتىپ، اۋىل شارۋاشىلىق كاسىپتىك وقۋ - اعارتۋىنىڭ قوعام مويىنداۋ مولشەرىن جوعارىلاتىپ، اۋىل - شارۋاشىلىق كاسىپتىك وقۋ - اعارتۋىنىڭ قوعامدىق باۋراۋ قۋاتىن ارتتىرىپ، اۋىل - شارۋاشىلىق كاسىپتىك مەكتەپتەرىنەن وقۋ بىتىرگەن وقۋشىلاردى اۋىل - قىستاقتا قالىپ، كاسىپ جاراتۋعا باۋراۋعا ٴتيىمدى ساياسات بەلگىلەۋ كەرەك.