ٴتىلشىمىز كاميلا حالمۇرات حابارلايدى. 2 - ايدىڭ 13 - كۇنى تۇستەن بۇرىن اۆتونوميالى وبلىستىق 15 - كەزەكتى حالىق قۇرىلتايى 1 - ٴماجىلىسىنىڭ كەڭەس جوبالارىن تەكسەرۋ كوميسسياسى كەڭەس جوبالارىن تەكسەرۋ جيىنىن اشتى.

اۆتونوميالى وبلىستىق 15 - كەزەكتى حالىق قۇرىلتايى 1 - ٴماجىلىسى كەڭەس جوبالارىن تەكسەرۋ كوميسسياسىنىڭ مەڭگەرۋشى مۇشەسى ٴرازيا ابىليز جيىندى باسقاردى.

2 - ايدىڭ 12 - كۇنى ساعات 14 كە دەيىن ٴماجىلىس ۋاكىلدەردىڭ 10 ادامنان جوعارى بىرلەسىپ جولداعان 39 كەڭەس جوباسىن تاپسىرىپ العان، بۇل كەڭەس جوبالارى تۇلعالىق ەكونوميكانى دامىتۋ، وقۋ - اعارتۋ، مادەنيەت، وتكەل ەكونوميكاسى، ەكولوگيالىق ورتانى قورعاۋ سياقتى جاقتارعا سايادى.

ٴماجىلىستىڭ كەڭەس جوبالارىن تەكسەرۋ كوميسسياسى «اۆتونوميالى وبلىستىڭ حالىق قۇرىلتايى ۋاكىلدەرىنىڭ كەڭەس جوبالارىن جانە ۇسىنىس، سىن - پىكىرلەرىن ٴبىر جاقتى ەتۋ ادىسىندەگى» بەلگىلەمەگە ساي، ۋاكىلدەر تاپسىرعان كەڭەس جوبالارىن مۇقيات ساراپتاپ، تەكسەرىپ، بەس كەڭەس جوباسىن ٴماجىلىس ٴتوراعالار القاسى جيىنىندا ٴماجىلىس كەڭەس جوباسى ەتىپ تۇراقتاندىرۋعا جولداپ، قالعان 34 كەڭەس جوباسىن ۋاكىلدەردىڭ ۇسىنىس، سىن - پىكىرىنە وزگەرتتى. بۇل بەس كەڭەس جوباسى مىنالار: ٴميناۋار ازىمات قاتارلى 10 ۋاكىل ورتاعا قويعان «<ىلە قازاق اۆتونوميالى وبلىسىنىڭ كاسىپتىك وقۋ - اعارتۋ ەرەجەسىن> جاساۋ جونىندەگى كەڭەس جوباسى»؛ تۇرسىنجان الىمبەك ۇلى قاتارلى 10 ۋاكىل ورتاعا قويعان «جەرگىلىكتى زاڭ - ەرەجە جاساپ، جابايى وسىمدىكتەردى قورعاۋدى كۇشەيتۋ جونىندەگى كەڭەس جوباسى»؛ باۋ شياۋيىڭ قاتارلى 15 ۋاكىل ورتاعا قويعان «حالىق باسقارۋىنداعى كاسىپورىندارعا بازارلانعان، زاڭمەن باسقارىلاتىن، حالىقارالانعان تيجارات - ساۋدا ورتاسىن جاراتىپ بەرۋ جونىندەگى كەڭەس جوباسى»؛ ايتان ايتىكەن ۇلى قاتارلى 10 ۋاكىل ورتاعا قويعان «باقتى وتكەلىنىڭ دامۋىن جەدەلدەتۋ جونىندەگى كەڭەس جوباسى»؛ جاناربەك سەتەرقان ۇلى قاتارلى 10 ۋاكىل ورتاعا قويعان «بۋىرشىن اۋدانى قوم - قاناس موڭعۇل ۇلتتىق اۋىلى بايىرعى قىستاعىن قورعاۋ تەبىنىن ارتتىرۋ جونىندەگى كەڭەس جوباسى».

بۇدان تىس، 2 - ايدىڭ 13 - كۇنى ساعات 10 عا دەيىن ٴماجىلىس كەڭەس جوباسىن تەكسەرۋ كوميسسياسى ۋاكىلدەر ورتاعا قويعان 132 ۇسىنىس، سىن جانە  پىكىر  قابىلداعان، وسىلاردى قوسقاندا ۇسىنىس، سىن - پىكىر رەتىندە ٴبىر جاقتى ەتىلگەن كەڭەس جوباسى جيىنى 166 بولدى. مۇنىڭ ىشىندە عىلىم - تەحنيكا، وقۋ - اعارتۋ، مادەنيەت، دەنساۋلىق ساقتاۋ تۇرىندەگىسى 35، قاتىناس قۇرىلىسى تۇرىندەگىسى 25، اۋىل - قىستاقتى گۇلدەندىرۋ تۇرىندەگىسى 21، ورتانى قورعاۋ تۇرىندەگىسى 16، ەكونوميكانى دامىتۋ تۇرىندەگىسى 14، ساياحات كاسىبىن دامىتۋ تۇرىندەگىسى 12، قالا، اۋىل قۇرىلىسى جانە باسقارۋ تۇرىندەگىسى 11، ونەركاسىپ باقشا رايونى قۇرىلىسى تۇرىندەگىسى 10، حالىق تۇرمىسىن قامتاماسىزداندىرۋ تۇرىندەگىسى 9، كاسىپورىنداردى دامىتۋ تۇرىندەگىسى ۇشەۋ، ازاماتتىق ىستەر زاڭ - ەرەجەسى تۇرىندەگىسى تورتەۋ، بازاردى باقىلاۋ - باسقارۋ تۇرىندەگىسى بىرەۋ، سىرتقا ەسىك اشۋ تۇرىندەگىسى بىرەۋ، باسقا تۇردەگىلەر تورتۋ.

«اۆتونوميالى وبلىستىڭ حالىق قۇرىلتايى ۋاكىلدەرىنىڭ كەڭەس جوباسىن جانە ۇسىنىس، سىن - پىكىرلەرىن ٴبىر جاقتى ەتۋ ادىسىندەگى» بەلگىلەمەگە ساي، جوعارىداعى كەڭەس جوبالارى مەن ۇسىنىس، سىن - پىكىرلەر ٴماجىلىس جابىلعاننان كەيىن اۆتونوميالى وبلىستىق حالىق قۇرىلتايى تۇراقتى كوميتەتىنىڭ قاتىستى ٴىس ٴبىتىرۋ ورگاندارى ٴبىر جاقتى ەتۋ پىكىرىن ورتاعا قويىپ، اۆتونوميالى وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىلەر جيىنىندا اقىلداسقاننان كەيىن جەكە - جەكە اۆتونوميالى وبلىستىق حالىق ۇكىمەتىنىڭ، باقىلاۋ - تەكسەرۋ كوميتەتىنىڭ، حالىق سوتى مەكەمەسىنىڭ، حالىق پروكۋراتۋراسىنىڭ، تارباعاتاي، التاي ايماقتىق اكىمشىلىك مەكەمەسىنىڭ جانە قاتىستى تاراۋلاردىڭ ٴبىر جاقتى ەتۋىنە تاپسىرىلادى ٴارى قاتىستى ۋاكىلدەرگە جاۋاپ قايتارىلادى.