ٴتىلشىمىز جاڭ جينفىڭ حابارلايدى. 2 - ايدىڭ 12 - كۇنى وبلىستىق 15 - كەزەكتى حالىق قۇرىلتايىنىڭ 1 - ماجىلىسىنە قاتىناسىپ جاتقان وبلىستىق حالىق قۇرىلتايىنىڭ ۋاكىلدەرى اۆتونوميالى وبلىستىق حالىق قۇرىلتايى تۇراقتى كوميتەتىنىڭ قىزمەت بايانداماسىن، اۆتونوميالى رايوندىق جوعارى حالىق سوتى مەكەمەسى ىلە وبلىستىق بولىمشەسىنىڭ قىزمەت بايانداماسىن، اۆتونوميالى وبلىستىق پروكۋراتۋرانىڭ قىزمەت بايانداماسىن قاراپ جانە تالقى ورىستەتىپ، اسەرلەرىن اقتارىلا اڭگىمەلەدى.

ۋاكىلدەر بەلسەنە سوزگە شىعىپ، ٴۇش باياندامانىڭ مازمۇنىن توڭىرەكتەي وتىرىپ، اركىم ٴوز كوزقاراسىن بايانداپ، تالقىنى قىزۋ ورلەۋگە كوتەردى. ۋاكىلدەر بىلاي دەپ قارادى: وبلىستىق حالىق قۇرىلتايى تۇراقتى كوميتەتىنىڭ قىزمەت بايانداماسى مەن سوتتىڭ، پروكۋراتۋرانىڭ قىزمەت باياندامالارى وبيەكتيۆ، شىنايى، مازمۇنى جان - جاقتى، ىلەنىڭ ٴىس جۇزىندىگىنە ۇيلەسەدى. ٴۇش باياندامادا وتكەن 5 جىلداعى قىزمەتتەر مەن قول جەتكىزگەن ناتيجەلەر ويداعىداي قورىتىندىلانىپ، الداعى قىزمەت مىندەتتەرى مەن كۇرەس نىسانالارى جونىندە ۇتىمدى شارالار العا قويىلعان. ۋاكىلدەر مىنانى ٴبىلدىردى: بۇدان كەيىنگى قىزمەت بارىسىندا حالىق قۇرىلتايى ۋاكىلىندىك قىزمەت جاۋاپكەرلىگىمىزدى ويداعىداي اتقارىپ، شىنايى يگەرىپ، ناقتى ىستەپ، سۇيىسپەنشىلىكتى حالىققا ارناپ، حالىقتىڭ ويلاعانىن ويلاپ، بۇقارانىڭ ٴۇنىن دەركەزىندە اڭىس ەتىپ، ىلەنىڭ ەكونوميكاسى مەن قوعامىنىڭ جوعارى ساپالى دامۋىن جەبەۋگە قۇلشىنامىز.

اۆتونوميالى وبلىستىق حالىق قۇرىلتايى تۇراقتى كوميتەتىنىڭ قىزمەت بايانداماسىن قاراعان كەزدە ۋاكىلدەر بىلاي دەپ قارادى: اۆتونوميالى وبلىستىق حالىق قۇرىلتايى تۇراقتى كوميتەتى تۇتاس وبلىستىڭ وزەكتى قىزمەتىن تىعىز توڭىرەكتەي وتىرىپ جالپى جاعدايعا قىزمەت وتەپ، ٴبىر تۇتاس جۇيە يدەياسىن بەرىك ورناتىپ، قىزمەت مىندەتىن مۇقيات اتقارىپ، قىزمەت ونىمدىلىگى كورنەكتى بولعان. وتە - موتە، باقىلاۋ قىزمەتىن ەكونوميكا، حالىق تۇرمىسى، ەكولوگيالىق ورتانى قورعاۋ سياقتى ٴتۇيىندى سالالارعا قويىپ، حالىق بۇقاراسىنىڭ ٴۇمىتىن اناعۇرلىم جاقسى قاناعاتتاندىرعان. حالىقتى وزەك ەتىپ، حالىقتىڭ قوجا بولۋىن قامتاماسىزداندىرىپ، بۇقارانىڭ مۇددەسىن قورعاپ، حالىق بۇقاراسىمەن ٴبىر نيەتتە بولىپ، بىرگە ىستەپ، كۇشتى ومىرشەڭدىك قۋاتتى تاسقىنداتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز نىعايتقان. باياندامادا باستان - اياق حالىق بۇقاراسىنىڭ ٴتۇبىرلى مۇددەسىن ويداعىداي قورعاۋ، ويداعىداي جۇزەگە اسىرۋ، ويداعىداي دامىتۋ ارقاۋ ەتىلىپ، بۇقارا كوڭىل بولگەن ەڭ تىكە، ەڭ رەال مۇددە ماسەلەسى بارىنشا شەشىمىن تاۋىپ، حالىق بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرى ٴبىر جاقتى ەتىلىپ، حالىقتى نەگىز ەتۋ ۇستانىمى بارىنشا كورنەكتىلەنىپ، حالىق قۇرىلتايى ۋاكىلدەرىنىڭ بۇقارامەن بايلانىس ورناتۋ، حالىق رايىن اڭىس ەتۋ، حالىق اتىنان سويلەۋ رولى تولىق ساۋلەلەندىرىلگەن.

سوتتىڭ، پروكۋراتۋرانىڭ قىزمەت باياندامالارىن قاراعان كەزدە ۋاكىلدەر بىلاي دەپ قارادى: اۆتونوميالى رايوندىق جوعارى حالىق سوتى مەكەمەسى ىلە وبلىستىق بولىمشەسى جالپى جاعدايعا قىزمەت وتەپ، حالىق ٴۇشىن ٴادىليا جۇرگىزىپ، ٴادىليادا ٴادىل بولىپ، نەگىزگى زاڭ مەن زاڭداردا جۇكتەلگەن قىزمەت جاۋاپكەرشىلىگىن مۇقيات اتقارىپ، ەكونوميكانىڭ جاڭا قالىبىنا سايكەسىپ، ٴادىليا قىزمەتىنىڭ الىستى كوزدەۋ سيپاتىن كۇشەيتىپ، ٴاربىر ازاماتقا ٴادىليالىق دەلولاردان ادىلدىك پەن تۋراشىلدىقتى سەزىندىرۋگە قۇلشىنعان. سوتتاۋ قىزمەت جاۋاپكەرشىلىگىن اتقارۋ، حالىق سوتحاناسى قۇرىلىسىن كۇشەيتۋ، ٴادىليالىق قامتاماسىزداندىرۋدى كۇشەيتۋ، اسىرەسە، سوت بايلىعىن ساپالىلاندىرۋ، زەردەلى سوتحانا قۇرىلىسى سياقتى ٴتۇرلى قىزمەتتەردە تىڭ ىلگەرىلەۋشىلىكتەرگە قول جەتكىزگەن. وبلىستىق حالىق پروكۋراتۋراسى زاڭمەن باسقارىلاتىن ىلە قۇرۋعا بەلسەنە قىزمەت وتەپ، حالىق تۇرمىسىنىڭ ىرىس - قۇتىن ارتتىرۋعا بارىنشا كوڭىل ٴبولىپ، پروكۋراتۋرا ورگانىنىڭ زاڭمەن جونگە سالۋ جاۋاپكەرشىلىگىن ويداعىداي اتقارىپ، دەلو ىستەۋ بارىسىندا باقىلاۋ جۇرگىزۋ، باقىلاۋ جۇرگىزۋ بارىسىندا دەلو ىستەۋ سىندى زاڭ اتقارۋ ۇستانىمىن بەرىك ورناتىپ، رەفورما جاساپ، جاڭالىق اشۋدى، زەيىن - زەردەنى شوعىرلاندىرىپ، كۇش ۇيىستىرۋدى توڭىرەكتەي وتىرىپ ٴادىليانىڭ الەۋمەتتىك سەنىمدىلىك قۋاتىن جوعارىلاتىپ، زاڭعا، ارىز - شاعىمعا ساياتىن قايشىلىقتار مەن داۋ - شارلاردى ٴبىر جاقتى ەتىپ، ازامات جاسىنا تولماعانداردىڭ اقاۋسىز ٴوسىپ - جەتىلۋىن قورعاۋ، كادر - ساقشىلاردى تاربيەلەۋ، پروكۋراتۋرا ىستەرىن جاريا ۇستاۋ سياقتى جاقتاردا كورنەكتى ونىمدىلىكتەرگە قول جەتكىزگەن.

قۇرىلتاي ۋاكىلى دۋان شياۋمەي بىلاي دەدى: حالىق قۇرىلتايى تۇراقتى كوميتەتىنىڭ قىزمەت بايانداماسى مەن سوتتىڭ، پروكۋراتۋرانىڭ قىزمەت بايانداماسىندا شىندىقتى ٴىس جۇزىنەن ىزدەپ، پارتيانىڭ باسشىلىعىنا، حالىقتىڭ ٴوز - وزىنە قوجا بولۋىنا تاباندى بولۋ، مەملەكەتتى زاڭمەن باسقارۋ، شينجياڭدى زاڭمەن جونگە سالۋ ماقساتى تولىق ايگىلەنگەن. وزەكتى توڭىرەكتەپ، جالپى جاعدايعا قىزمەت وتەۋ سىندى قىزمەت باعدارى تولىق بەينەلەنىپ، حالىق بۇقاراسى ەڭ كوڭىل بولگەن، ەڭ تىكە، ەڭ رەال مۇددە ماسەلەسى كۇش سالا شەشىلىگەن، سونىمەن بىرگە، زاڭنىڭ بەدەلى مەن ابىرويى دا قورعالعان.

قۇرىلتاي ۋاكىلى باقىتگۇل جانات قىزى بىلاي دەدى: وتكەن 5 جىلدا وبلىستىق سوت پەن وبلىستىق پروكۋراتۋرا ۇزدىك ناتيجەلەرگە قول جەتكىزىپ، جاۋاپكەرشىلىكتى باتىلدىقپەن ارقالاپ، نەگىزگى زاڭ مەن زاڭداردا جۇكتەلگەن جاۋاپكەرشىلىكتى ادالدىقپەن اتقارىپ، سوت قىزمەتىنىڭ، پروكۋراتۋرا قىزمەتىنىڭ جوعارى ساپالى دامۋىن جەبەگەن. وبلىستىق سوتتىڭ، وبلىستىق پروكۋراتۋرانىڭ حالىقتى وزەك ەتۋ سىندى ٴادىليانىڭ نەگىزگى ماقساتىن ۇزدىكسىز امالياتتا ايگىلەپ، ساياسي قۇرىلىستى، نازاريامەن قارۋلانۋدى كۇشەيتىپ، جالپى جاعدايعا قىزمەت وتەپ جانە ونى قامتاماسىزداندىرىپ، «جالپى جاعدايعا قىزمەت وتەۋ، حالىق ٴۇشىن ٴادىليا جۇرگىزۋ» سىندى اۋەلگى ماقسات پەن بورىشتى قۇلشىنا امالياتتا ايگىلەۋىن ٴۇمىت ەتەمىن.