ستيلدە بۇرىلىس جاساپ، ونىمدىلىكتى جوعارىلاتتى، وبرازدى ايگىلەپ، جاڭا سالت ورناتتى

قىزمەت وتەۋ سيپاتىندىق ۇكىمەت قايتكەندە حالىقتى اناعۇرلىم رازى ەتە الادى

لي يافىڭ ٴوز ٴتىلشىمىز

ۇكىمەت قىزمەتىنەن باياندامادا: پارتيانىڭ ۇكىمەت قىزمەتىنە جاپپاي باسشىلىعىندا باستان - اياق تاباندى بولىپ، ۇكىمەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋ ورەسىن جەدەل جوعارىلاتىپ، باستان - اياق حالىققا قىزمەت وتەپ، حالىققا جاۋاپتى بولىپ، حالىقتىڭ باقىلاۋىن قابىلداپ، حالىق رازى بولاتىن قىزمەت وتەۋ سيپاتتى ۇكىمەتتى قۇلشىنا قۇرۋ اتاپ كورسەتىلگەن. 

«حالىق رازى بولۋ»، «قىزمەت وتەۋ سيپاتتى» وسى ەكى شەشۋشى ٴسوز - ادامداردى بارىنشا سەرپىلتتى. قايتكەندە حالىق رازى بولاتىن قىزمەت وتەۋ سيپاتتى ۇكىمەت قۇرۋعا بولادى؟ ەكى ٴماجىلىس كەزىندە ٴتىلشى وسى جونىندە ارناۋلى تىلشىلىك ىستەدى.

قۇلجا قالالىق ٴتارتىپ تەكسەرۋ كوميتەتىنىڭ كادرلاردى باقىلاۋ تەلەفونى 8359056 ىستىق لەنياسى بۇقارا اڭىس ەتكەن كادرلاردىڭ ستيل ماسەلەسى جونىندە دەركەزىندە جاۋاپ قايتارعاندىقتان بۇقارانىڭ قولداپ - قۋپتاۋىنا يە بولدى. ساناققا نەگىزدەلگەندە، ۇستەگى جىلى 136 ارىز - ارمان ماسەلەسى ٴبىر جاقتى ەتىلىپ، ماسەلەلەردىڭ بارلىعىنا تولىق جاۋاپ قايتارىلعان.

 قۇرىلتاي ۋاكىلى ادينا ابىلەت بىلاي دەپ قارادى: حالىق رازى بولاتىن قىزمەت وتەۋ سيپاتتى ۇكىمەت قۇرۋدىڭ شەشۋشى ٴتۇيىنى زاڭ بويىنشا اكىمشىلىك جۇرگىزۋ، ماڭىزدى ٴتۇيىنى باقىلاۋدى سانالىلىقپەن قابىلداپ، ۇكىمەت ىستەرىن جاريا ۇستاپ، بۇقارانىڭ ارىز - ارمانىن دەركەزىندە يگەرۋ. «بۇقارا رازى بولدى ما، جوق پا؟ بۇعان تاعى دا بۇقارانىڭ ٴوزى باعا بەرەدى» دەدى ادينا ابىلەت.

قۇرىلتاي ۋاكىلى ساعىندىق تابىس ۇلى بىلاي دەدى: ۇكىمەت قىزمەتكەرى - قىزمەت وتەۋ سيپاتتى ۇكىمەت قۇرۋدىڭ باستى جەبەۋشىسى، قىزمەتكەرلەر ستيلىنىڭ جاقسى بولۋ - بولماۋى حالىق رازى بولاتىن قىزمەت وتەۋ سيپاتتى ۇكىمەت قۇرۋدىڭ ٴساتتى - ٴساتسىز بولۋىنا تىعىز قاتىستى.

جاقىنعى ٴبىرقانشا جىلداردان بەرى ساعىندىق تابىس ۇلىن ايرىقشا تەبىرەنتكەنى - ستيل قۇرىلىسى بارىنشا مىقتى يگەرىلىپ، نەگىزگى ساتى كادرلارى بۇقارانىڭ باسىن قاتىرعان ىستەردى بىر-بىرلەپ شەشىپ، حالىققا قىزمەت وتەۋ قابىلەتى مەن ورەسىن جوعارىلاتىپ، بۇقارانىڭ تابىس سەزىمىن، باقىت سەزىمىن اناعۇرلىم ارتتىرىپ، كادرلاردىڭ تابىس سەزىمى ارتا تۇسكەن بولدى. بۇقارانىڭ قولداۋى - حالىق رازى بولاتىن قىزمەت وتەۋ سيپاتتى ۇكىمەت قۇرۋداعى ماڭىزدى قوزعاۋشى كۇش. پارتيالى كادرلاردىڭ ٴىس ىستەۋ قابىلەتى جوعارىلاسا، قىزمەت وتەۋ ونىمدىلىگى ارتسا، قىزمەت ستيلى ناقتىلانسا بۇقارا ۇكىمەت قىزمەتىنە رازى بولادى. 

ساياسي كەڭەس مۇشەسى چىن حۇڭ بىلاي دەدى: جاقىنعى جىلداردان بەرى تارباعاتاي ايماقتىق حالىق ىستەرى مەكەمەسى يدەيالىق تانىمدى جوعارىلاتۋعا بارىنشا كۇش سالىپ، ماسەلەنى باعدار ەتۋدە تاباندى بولىپ، كادرلاردىڭ ستيل قۇرىلىسىن ٴۇرتىس كۇشەيتىپ، كادرلاردىڭ ٴىس ىستەۋ، جاڭالىق اشۋ، جاڭالىق اشۋ ارقىلى كاسىبىن كوركەيتۋ رۋحىن اسقاقتاتىپ، حالىق رازى بولاتىن قىزمەت وتەۋ سيپاتتى ۇكىمەت قۇرۋدى بەرىك كەپىلگە يە ەتتى.

چىن حۇڭ بىلاي دەدى: نەگىزگى ساتى كادرلارى - بۇقاراعا ەڭ جاقىن ادام ٴارى بۇقارا ەڭ كوپ كەزدەسەتىن، ىشتەسۋگە ەڭ وڭاي ادام. اۋىل - قىستاقتى كوركەيتۋ ستراتەگياسىن جاپپاي ىلگەرىلەتۋدە نەگىزگى ساتى كادرلارىنىڭ جاۋاپكەرلىكتى باتىلدىقپەن ارقالاپ، ىسكەرلىك كورسەتۋى توتەنشە قاجەتتى. سوندىقتان نەگىزگى ساتىداعى پارتيالى كادرلاردىڭ ستيل قۇرىلىسى پارتيا مەن ۇكىمەتتىڭ وبرازىنا، قىزمەت وتەۋ سيپاتتى ۇكىمەت قۇرۋدا حالىقتى رازى ەتە الۋ - الماۋعا تىكە قاتىستى. ول پارتيالى كادرلاردىڭ حالىق رازى بولاتىن قىزمەت وتەۋ سيپاتتى ۇكىمەت قۇرۋدى نىسانا ەتىپ، ۇيرەنۋدى ۇزدىكسىز كۇشەيتىپ، قىزمەت ستيلىنە، قىزمەت ادىسىنە ۇزدىكسىز وزگەرىس ەنگىزىپ، قىزمەت اتقارۋ قابىلەتى مەن قىزمەت ونىمدىلىگىن جوعارىلاتىپ، حالىققا ٴونىمدى، ساپالى قىزمەت وتەۋىن ۇسىنىس ەتتى.