− اۆتونوميالى وبلىستىڭ ەكى ٴماجىلىسىنىڭ جەڭىسپەن جابىلعاندىعىن قىزۋ قۇتتىقتايمىز 

ٴار رەت توپىراقتى جارىپ شىققان وركەننەن جاڭا ٴۇمىت تۋادى؛ ٴار رەتكى ۇدەرە العا تارتۋدان ورگە ۇمتىلاتىن كۇش توپتالادى. بۇكىل وبلىستاعى ٴار ۇلت حالقىنىڭ شىنايى نازار اۋدارۋىندا، بارلىق ۋاكىلدەردىڭ، مۇشەلەردىڭ ورتاق قۇلشىنۋىندا، اۆتونوميالى وبلىستىق 15 - كەزەكتى حالىق قۇرىلتايىنىڭ 1 - ٴماجىلىسى مەن ساياسي كەڭەس اۆتونوميالى وبلىستىق 14 - كەزەكتى كوميتەتىنىڭ 1 - ٴماجىلىسى ٴتۇرلى كەڭەستىك تارتىپتەرىن تولىق ورىنداپ، تابىسپەن جابىلدى. ٴبىز اۆتونوميالى وبلىستىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ جاڭادان سايلانعان باسشىلىق القالارىنىڭ مۇشەلەرىن جانە باقىلاۋ - تەكسەرۋ كوميتەتىنىڭ مەڭگەرۋشىسىن، حالىق سوتى مەكەمەسىنىڭ باستىعىن، حالىق پروكۋراتۋراسىنىڭ باس پروكۋرورىن قىزۋ قۇتتىقتايمىز!

ٴماجىلىس كەزىندە ماجىلىسكە قاتىناسقان ۋاكىلدەر، مۇشەلەر بورىشتى ادا ەتىپ، ماڭىزدى تاپسىرمانى ورىنداپ، بەلسەنە سىندارلى اقىل - كەڭەس بەرىپ، مىندەتىن شىنايى اتقارىپ، جاۋاپكەرلىكتى ادا ەتىپ، جالپى جاعدايدى كوكەيدە ساقتاپ، حالىققا ادال بولۋدا ساياسي جاۋاپكەرشىلىك ارقالاۋدى كورنەكتىلەندىرىپ، قايراتتانا العا ۇمتىلاتىن، اسقاق جىگەرمەن ورگە تالپىناتىن رۋحاني بەت - بەينەنى ايگىلەدى، ٴبىز ٴماجىلىستىڭ تولىق تابىستى بولعانىن قىزۋ قۇتتىقتايمىز، مىندەتىن مۇقيات وتەگەن ۋاكىلدەرگە، مۇشەلەرگە وسكەلەڭ قۇرمەت بىلدىرەمىز.

بيىلعى ەكى ٴماجىلىس − اۆتونوميالى وبلىس پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دۇرىس دايەكتىلەندىرىپ، ەكىنشى 100 جىلدىق كۇرەس نىساناسىنا ارشىندى قادام تاستاعان ماڭىزدى ساتتە اشىلعان ٴبىر رەتكى ماڭىزدى ٴماجىلىس.

ٴماجىلىس اۆتونوميالى وبلىستىڭ وتكەن بەس جىلداعى ەكونوميكالىق، قوعامدىق دامۋدا جانە ٴتۇرلى ىستەردە، ٴار جاقتاعى قىزمەتتەردە قول جەتكىزگەن ەلەۋلى ناتيجەلەرىن تولىق تۇراقتاندىردى. وتكەن بەس جىلدا ٴبىز نازاردى، كۇش - قۋاتتى باس نىساناعا شوعىرلاندىرىپ، قوعام ورنىقتىلىعىندا جاڭا جاعداي اشتىق؛ جوعارى ساپالى دامۋدا تاباندى بولىپ، جالپىلىق قۋاتتى تىڭ ساتىعا كوتەردىك؛  ەكولوگيالىق وركەنيەت قۇرىلىسىن كۇشەيتىپ، جاسىل دامۋدا تىڭ ىلگەرىلەۋشىلىككە قول جەتكىزدىك؛  حالىق تۇرمىسىن قامتاماسىز ەتىپ جانە جاقسارتىپ، حالىق تۇرمىسىنىڭ ىرىس - قۇتىن تىڭ ورەگە جەتكىزدىك؛  پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتىپ، پارتيا قۇرىلىسىندا تىڭ تابىستارعا قول جەتكىزدىك. وتكەن بەس جىل − قوعامدىق جالپى جاعداي ٴۇرتىس ورنىقتى بولعان، ٴار ۇلت بۇقاراسى الاڭسىز تىرشىلىك ەتكەن بەس جىل؛ قوعامدىق ورتا جاپپاي تازارعان، جۇرت تىلەگى، دۇرىس سالت ۇيىسقان بەس جىل؛ ەكونوميكالىق، قوعامدىق دامۋ مەن حالىق تۇرمىسىن جاقسارتۋدا كورنەكتى تابىستارعا قول جەتكىزىپ، ٴار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيگەن بەس جىل بولدى.

تار جول، تايعاق كەشۋلەردى بىرگە وتكەرىپ كۇرەس جاساپ، مويىماس تاباندىلىقپەن تىڭ داستان جازدىق. ەندى عانا وتكەن 2021 - جىل پارتيا مەن مەملەكەت تاريحىنداعى بەلەستىك مانگە يە، سونداي - اق ىلەنىڭ دامۋ بارىسىنداعى ەرەكشە مانگە يە ٴبىر جىل بولدى. وسى ٴبىر جىلدا ٴبىز جۇڭگو كوممۋنيستىك پارتياسى قۇرىلعانىنىڭ 100 جىلدىعىن سالتاناتپەن قۇتتىقتاپ، پارتيا تاريحىن ۇيرەنۋ تاربيەسىن ىشكەرىلەي ورىستەتىپ، بۇكىل ەلمەن، بۇكىل شينجياڭمەن بىرگە جاپپاي دوڭگەلەك داۋلەتتى قوعام قۇردىق. كەلىپ جەتكەن 2022 - جىل − پارتيانىڭ 20 - قۇرىلتايى اشىلاتىن جىل، جاپپاي سوتسياليستىك وسىزاماندانعان قۇدىرەتتى ەل قۇرۋ سىندى ەكىنشى 100 جىلدىق كۇرەس نىساناسىنا قاراي جورىق جاسايتىن شەشۋشى جىل، سونداي - اق «14 - بەسجىلدىق» جوبانى اتقارۋدا باس - اياعىن جالعاستىراتىن ماڭىزدى جىل.

ەكى ٴماجىلىس جابىلعاندا جەلكەن جايىپ تاعى دا ساپارعا اتتانامىز. اۆتونوميالى وبلىستىق ەكى ٴماجىلىستىڭ تابىسپەن اشىلۋى بۇكىل وبلىستاعى ٴار ۇلت حالقىنىڭ جاڭا داۋىردە كۇرەس جۇرگىزىپ، جاڭا جورىقتا ەكپىندەي العا ىلگەرىلەۋدەگى سەنىمىن نىعايتىپ، ورتاق تانىم قالىپتاستىرىپ، قايراتتى تاسقىنداتتى. ٴبىز ابزالدىققا يە كاسىپتەردى جەتىلدىرىپ، زورايتىپ، وسى زامانعى كاسىپ جۇيەسىن قۇرۋدى جەدەلدەتۋىمىز؛ ٴونىمدى قارجى قوسۋ مەن تۇتىنۋدىڭ دارەجەسىن جوعارىلاتۋدى ۇزدىكسىز ىلگەرىلەتىپ، ىشكى سۇرانىمنىڭ كومەسكى كۇشىن اشۋعا كۇش سالۋىمىز؛ جىبەك جولى ەكونوميكالىق بەلدەۋى وزەكتى رايونىنىڭ ماڭىزدى ٴتۇيىن قۇرىلىسىن جەدەلدەتىپ، سىرتقا ەسىك اشۋ ورەسىن كۇش سالا جوعارىلاتۋىمىز؛ كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ جانە كەڭەيتىپ، اۋىل - قىستاقتى كوركەيتۋدى جەدەل ىلگەرىلەتۋىمىز؛ ٴتۇيىندى سالالارداعى رەفورمانى تەرەڭدەتىپ، تيجارات - ساۋدا ورتاسىن ۇزدىكسىز جاقسارتۋىمىز؛ ەكولوگيانى قورعاۋ قۇرىلىسىن كۇشەيتىپ، جاسىل، تومەن كومىرتەكتى دامۋدى ىلگەرىلەتۋىمىز؛ حالىق تۇرمىسىن ٴۇرتىس قامتاماسىزداندىرىپ جانە جاقسارتىپ، ٴار ۇلت بۇقاراسىنىڭ باقىت كورسەتكىشىن ۇزدىكسىز جوعارىلاتۋىمىز كەرەك... ۇكىمەت قىزمەتىنەن بايانداما اۆتونوميالى رايوندىق پارتكومنىڭ جاڭا ورنالاستىرۋلارىن، جاڭا تالاپتارىن دايەكتىلەندىرۋدى، تياناقتاندىرۋدى مىقتاپ ارقاۋ ەتىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، اۆتونوميالى وبلىستىق پارتكومنىڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دۇرىس دايەكتىلەندىرۋدەگى ورنالاستىرۋلارىن، تالاپتارىن ناقتى نىسانالارعا، ٴتۇيىندى قىزمەتتەرگە، حالىق تۇرمىسىنداعى ناقتى ىستەرگە اينالدىرىپ، 10 جاقتاعى قىزمەتتى كۇش سالا مىقتى يگەرۋدى ايقىن العا قويدى. ٴتۇرلى مەجەلى نىسانالار ادامدى جەلپىندىرەدى ٴارى شىنايى اتقارۋعا بولادى،  ٴتۇرلى ٴتۇيىندى قىزمەتتەردىڭ بەتالىسى ايقىن ٴارى وي جەلىسى انىق، حالىق تۇرمىسىنا قاتىستى ناقتى ىستەر جۇرت جۇرەگىن جىلىتىپ، العا باسۋعا جەبەيدى، بەلگىلەنگەن نىساناعا قاراي تولىق سەنىممەن، ارشىندى قاداممەن العا باسۋىمىزعا مۇمكىندىك جاسايدى.

ۇدەرە العا تارتۋدىڭ جاڭا جورىعىندا كۇش توپتاپ، تاعى دا ساپارعا اتتانامىز. جاڭا ەمتيحان تاپسىرۋ جولىندا، ٴبىز پارتيانىڭ باسشىلىعىندا تاباندى بولىپ، ساياسي قۇرىلىستى بۇلجىماستان ماڭداي الدى ورىنعا قويىپ، «ەكىنى تۇراقتاندىرۋدى» باتىل قورعاپ، «ەكىنى قورعاۋدى» ادالدىقپەن امالياتتا ايگىلەپ، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاپ، «ٴتورت تانىمدى» كۇشەيتۋدى، «ٴتورت سەنىمدى» بەكەمدەۋدى، «ەكىنى قورعاۋدى» ورىنداۋدى ارەكەتتە تياناقتاندىرىپ، ناتيجە جاعىندا ايگىلەپ، ساياسي تۇجىرىم جاساۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋىمىز كەرەك. «ەكى جالپى جاعدايدى» كوكەيدە ساقتاپ، «مەملەكەتتىڭ ٴىرى ٴىسىن» ەستە بەرىك ساقتاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا دايەكتى تياناقتاندىرىپ، اۆتونوميالى رايوندىق، اۆتونوميالى وبلىستىق پارتكومداردىڭ ورنالاستىرۋلارىن، تالاپتارىن ناقتاپ تياناقتاندىرۋىمىز كەرەك.

جوبا جاسالدى، نىسانا ايقىندالدى، ٴبىز «ەكى ٴماجىلىس رۋحىن» كۇندەلىكتى قىزمەتكە ٴسىڭىرىپ، ٴسوزسىز، جەڭىسكە جەتۋ سەنىمىن بەكەمدەپ، اسقاق جىگەردى تاسقىنداتىپ، تىڭعىلىقتى قۇلشىنىس جاساپ، ىلەنىڭ رەفورما، دامۋ، ورنىقتىلىق ىستەرىنىڭ جاڭا جاعدايىن اشۋ جولىندا قۇلشىنا كۇرەس جۇرگىزىپ، پارتيا 20 - قۇرىلتايىنىڭ تابىسپەن اشىلۋىن ۇزدىك ناتيجەلەرمەن قارسى الايىق.