جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتى تۇراقتى كوميتەتىنىڭ قىزمەتىنەن بايانداما (ىقشامدالعانى)

(2023 - جىلى 1 - ايدىڭ 3 - كۇنى ساياسي كەڭەس اۆتونوميالى وبلىستىق 14 - كەزەكتى كوميتەتىنىڭ 2 - ماجىلىسىندە جاسالدى)

اۆتونوميالى وبلىستىق ساياسي كەڭەستىڭ ٴتوراعاسى سەرجان ۇعىباي ۇلى

ٴبىرىنشى، وتكەن ٴبىر جىلدا وبلىستىق ساياسي كەڭەستىڭ تۇراقتى كوميتەتى بورىشتى باتىلدىقپەن ارقالاپ، ەسىل شاقتى زايا جىبەرمەدى

ٴبىر جىلدان بەرى بۇكىل وبلىستاعى ٴار دارەجەلى ساياسي كەڭەس ۇيىمدارى، ساياسي كەڭەسكە قاتىناسۋشى ٴارقايسى ورىندار، ٴار ۇلت، ٴار سالا ساياسي كەڭەس مۇشەلەرى اۆتونوميالى رايوندىق جانە اۆتونوميالى وبلىستىق پارتكومنىڭ پارمەندى باسشىلىعىندا، شي جينپيڭ جاڭا ٴداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، ورتالىقتىڭ ساياسي كەڭەس قىزمەت ٴماجىلىسىنىڭ رۋحىن دايەكتىلەندىرىپ، وبلىستىق پارتكوم قىزمەت ٴماجىلىسىنىڭ رۋحىن دايەكتىلەندىرىپ، تياناقتاندىرىپ، اۋەلگى ماقساتتان اينىماي، باتىلدىقپەن بورىش ارقالاپ، «ەمتيحان تاپسىرۋدىڭ» سەرگەكتىگى مەن تاباندىلىعىن ماڭگى ساقتاپ، «ەكىنى تۇراقتاندىرۋدىڭ» شەشۋشى ٴمانىن جەتە ۇعىنىپ، سانالىلىقپەن «ٴتورت تانىمدى» كۇشەيتۋدى، «ٴتورت سەنىمدى» بەكەمدەۋدى، «ەكىنى قورعاۋدى» ورىنداۋدى ساياسي كەڭەس ىستەرىنىڭ دامۋ جالپى بارىسىندا، ٴارقايسى بۋىنىندا بەينەلەپ، جالپى بارىستىق حالىقتىق دەموكراتيانى امالياتتا ايگىلەپ، اۆتونوميالى وبلىستىق پارتكومنىڭ وزەكتى قىزمەتىمەن تىعىز ۇشتاستىرىپ، مىندەت اتقارىپ، جاۋاپكەرشىلىكتى ادا ەتىپ، قوعام نازار اۋدارىپ وتىرعان يدەيالىق، ساياسي جەتەكشىلىكتى كۇشەيتۋدى ٴجىتى قاداعالاپ، ارناۋلى كەڭەس ورگانى قۇرىلىسىنىڭ، قىزمەت ساپاسى مەن ونىمدىلىگىن جوعارىلاتۋدى مىقتى يگەرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا جاڭا بەينە كورسەتىپ، جاڭا بەت - بەينەنى ايگىلەدى.

(1) پارتيا 20 ـ قۇرىلتايىنىڭ رۋحىن ۇيرەنۋدى، دايەكتىلەندىرۋدى نەگىزگى جەلى ەتىپ، يدەيالىق ـ ساياسي نەگىزدى بەكەمدەدىك

پارتيا 20 - قۇرىلتايىنىڭ رۋحىن قاجىماي - تالماي ۇيرەندىك، ۇگىتتەدىك جانە دايەكتىلەندىردىك. جەلىدە جانە جەلىدەن تىس باسشىلىق القا مۇشەلەرىن باستاماشىلدىقپەن ۇيرەنۋگە، پارتيالى كادرلاردى پىكىر اۋىستىرىپ ۇيرەنۋگە، جالپى مۇشەلەردى تولىق قامتىپ ۇيرەنۋگە ۇيىمداستىرۋ ارقىلى پارتيا 20 - قۇرىلتايىنىڭ رۋحاني ٴمانىن، باي مازمۇنىن، وزەكتى ٴمانىن جانە امالياتتىق تالابىن ىشكەرىلەي ۇيرەنىپ، جەتە ٴتۇسىنىپ، قاراپايىم تىلمەن جانە جاندى مىسالدارمەن پارتيا 20 - قۇرىلتايىنىڭ رۋحىن قالىڭ جۇرتشىلىققا جەتكىزدىك، ٴار ۇلت، ٴار سالا قايراتكەرلەرىن پارتيا 20 - قۇرىلتايىنىڭ رۋحىن دايەكتى تياناقتاندىرۋدىڭ يدەيالىق سانالىلىعىن، ساياسي سانالىلىعىن جانە ارەكەت سانالىلىعىن كۇشەيتۋگە جەتەكتەپ، ىلەنىڭ رەفورما، دامۋ، ورنىقتىلىق ىستەرىن ىلگەرىلەتۋدىڭ ٴىس جۇزىندىك ارەكەتى مەن ناقتى شاراسىنا اينالدىردىق.

پارتيا باسشىلىق گرۋپپاسى مۇشەلەرىنىڭ سالالارمەن بايلانىس جاساۋى، ساياسي كەڭەس تۇراقتى مۇشەلەرىنىڭ بارلىق مۇشەلەرمەن بايلانىس جاساۋى، پارتيالى مۇشەلەردىڭ پارتيا سىرتىنداعى مۇشەلەرمەن بايلانىس جاساۋى سياقتى تۇزىمدەردى كەمەلدەندىرىپ، بۇكىل وبلىستاعى ساياسي كەڭەس جۇيەسىندە شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنەتىن، اڭگىمە ٴماجىلىسىن وتكىزەتىن 35 گرۋپپا قۇرىلىپ، «كىتاپ وقۋ مەرەيىنە شومعان ساياسي كەڭەس - ىلە ساباقحاناسى» مەن مۇشەلەردىڭ كىتاپ وقۋ شوعىرىنا سۇيەنىپ، «سالتاناتتى جينالىستى قارسى الۋ، اۋەلگى ماقساتتان اينىماۋ، بورىشتى ارقالاۋ، تىلەكتەس بولۋ» جەلىلەس قيمىلىن ورىستەتىپ، 410 رەت نازاريالىق ۇيرەنۋ ٴماجىلىسىن، 860 مايدان - رەت ٴتۇرلى لەكسيا جانە  كۋرسى اشىپ، ٴار سالاداعى بۇقارانى كىتاپتى كوپ وقۋعا، جاقسى كىتاپ وقۋعا، كىتاپ وقۋعا شەبەر بولۋعا جەتەكتەپ، «كىتاپ وقۋ مەرەيىنە شومعان ساياسي كەڭەس» ارقىلى «كىتاپ وقۋ مەرەيىنە شومعان قوعام قۇرۋ» قۇرىلىسىنا دەم بەردىك.

وقۋ - اعارتۋ سالاسىنداعى مۇشەلەر حالىق بۇقاراسىمەن ەتەنە بايلانىستى باستان - اياق ساقتاپ، نەگىزگى ساتىعا، بۇقارا اراسىنا، اتىز باسىنا، كاسىپورىندارعا، مەكتەپتەرگە ىشكەرىلەي بارىپ، 30 مىڭنان استام بۇقارامەن بايلانىس ورناتىپ، 1100 مايدان -  رەتتەن استام ۇگىت - لەكسيا جاساپ، «ۇشكە بارۋ، ەكىمەن بايلانىس جاساۋ، بىرمەن دوستاسۋ» قيمىلىن 200 مايدان - رەتتەن استام ورىستەتتىك. تارباعاتاي، التاي ايماقتىق ساياسي كەڭەس قىزمەت كوميتەتتەرى ٴار ۇلت، ٴار سالا ساياسي كەڭەس مۇشەلەرىن بۇقارامەن بايلانىس جاساۋ قيمىلىن ىشكەرىلەي ورىستەتىپ، بۇقارانىڭ قيىنشىلىعى مەن ارىز - ارمانىنان 160 تان استامىن كۇش سالا شەشىپ، 130 رەتتەن استام ۇگىت - لەكسيا جاسادى.

(2) وبلىستىق پارتكومنىڭ ورنالاستىرۋلارىن باتىل دايەكتىلەندىرىپ، بۇكىل وبلىس قىزمەتىنىڭ جالپى جاعدايىنا شىنايى قىزمەت وتەدىك

ىندەتتەن ساقتانۋ - تىزگىندەۋ شارالارىن بۇلجىماستان باتىل دايەكتىلەندىرىپ، تياناقتاندىرىپ، وبلىستىق ساياسي كەڭەستىڭ باسشىلىق القاسى ىندەتتى بۇيرىق دەپ ٴبىلىپ، پارتكومنىڭ ورنالاستىرۋى بويىنشا، اۋدان، قالا، اۋىل- قالاشىقتىڭ (ٴمالى باسقارماسىنىڭ) ىندەتتەن ساقتانۋ - تىزگىندەۋ قىزمەتىنە قۋزاۋشىلىق - جەتەكشىلىك ەتۋدى كۇشەيتىپ، 1100 دەن استام ماسەلەنىڭ تۇزەتىلۋىن جەبەدى. 9 ميلليون يۋاننان استام اقشالاي جانە زاتتاي جىلۋ اتاپ، الەۋمەتتىك اۋماقتارعا سايكەسە وتىرىپ، ىندەتتەن ساقتانۋ - تىزگىندەۋ بىلىمدەرىن ۇگىتتەۋدى، بۇقاراعا پسيحولوگيالىق جەتەكشىلىك ەتۋدى ويداعىداي ىستەپ، قايشىلىقتار مەن كومەسكى قاتەرلەردى كۇش سالا شەشىپ، ۋاقىتتىق قيىنشىلىقتى بىرگە جەڭەتىن، بورىشتان باس تارتپايتىن قۇدىرەتتى بىرىككەن كۇش قالىپتاستىردىق.

وبلىستىق ساياسي كەڭەستىڭ باسشىلىق القاسىنداعىلار كوتەرمەگە الىپ، بايلانىس جاساعان 13 نىسانعا جالپى 20 ميلليارد يۋان قارجى قوسىلدى، 7 كاسىپورىندى كوتەرمەگە الدى. ٴار دارەجەلى ساياسي كەڭەس ۇيىمدارى، ساياسي كەڭەسكە قاتىناسۋشى ورىندار،ٴار ۇلت،ٴار سالا ساياسي كەڭەس مۇشەلەرى وبلىستىق پارتكوم تۇراقتاندىرعان ٴونىمدى قارجى قوسۋدى كۇش سالا كەڭەيتۋ، ەگىن، مال شارۋاشىلىعىنىڭ وسىزاماندانۋىن جەدەل ىلگەرىلەتۋ، ونەركاسىپتىڭ نەگىزىن كۇشەيتىپ، ونىمدىلىگىن ارتتىرۋ جانە تيپىنە بۇرىلىس جاساپ، دارەجەسىن جوعارىلاتۋ، وسىزامانعى قىزمەت وتەۋ كاسىبىن بەلسەنە دامىتۋ، جىبەك جولى ەكونوميكالىق بەلدەۋى وزەكتى رايونىنداعى ماڭىزدى ٴتۇيىن قۇرىلىسىن جەدەلدەتۋ سياقتى نىسانا - مىندەتتەردى تىعىز توڭىرەكتەپ، «جىبەك جولى ەكونوميكالىق بەلدەۋى وزەكتى رايونىنداعى ماڭىزدى ٴتۇيىن قۇرىلىسىن ىلگەرىلەتىپ، ىلە قازاق اۆتونوميالى وبلىسى ەكونوميكاسىنىڭ جوعارى ساپالى دامۋىن جەبەۋ» ارناۋلى تاقىرىبىندا ۇكىمەت ىسىنە كەڭەس بەرۋ سيپاتىندىق تۇراقتى كوميتەت ٴماجىلىسىن ۇيىمداستىرىپ اشتىق. «<ەكى قورعاس، ەكى قۇلجانى>  ٴبىر تۇلعالاندىرىپ دامىتۋدى ىلگەرىلەتۋگە دەم بەرىپ، ىلە وزەنى اڭعارىنداعى جوعارى ساپالى دامۋدىڭ جاڭا قوزعاۋشى كۇشىن قالىپتاستىرۋ» كەڭەستىك تاقىرىبىن ارقاۋ ەتىپ، ماۋسىمدىق كەڭەس ٴماجىلىسىن اشتىق. «تيجارات - ساۋدا ورتاسىن ساپالىلاندىرىپ، وسى زامانعى ساۋدا زات اينالىمى كاسىبىنىڭ دامۋىن ىلگەرىلەتۋ»  كەڭەستىك تاقىرىبى توڭىرەگىندە باقىلاۋ ۇلگىسىندە تەكسەرۋ - زەرتتەۋ جۇرگىزدىك. ساياسي كەڭەستىڭ تارباعاتاي، التاي ايماقتىق قىزمەت كوميتەتتەرى ايماقتىق پارتكومنىڭ قىزمەت نىساناسىن ارقاۋ ەتىپ، ۇكىمەت ٴىسىن كەڭەسۋدى كەڭىنەن ورىستەتىپ، ەكونوميكالىق، قوعامدىق دامۋدى ىلگەرىلەتۋگە اقىل قوسىپ، كۇش بەرىپ، قۋات ۇستەپ، بىرىككەن كۇش قالىپتاستىردى.

وبلىستىق ساياسي كەڭەستىڭ باسشىلىق القاسى ۇلت، ٴدىن سياقتى ىلەنىڭ باياندى تىنىشتىعىنا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى ماسەلەلەردى زەرتتەۋدى 12 مايدان - رەت ۇيىمداستىرىپ، 20 نەشە ۇسىنىس قويدى. ٴار دارەجەلى ساياسي كەڭەس ۇيىمدارى، ساياسي كەڭەسكە قاتىناسۋشى ورىندار جۇڭحۋا مادەنيەتىن جۇڭحۋا ۇلتىنىڭ تىعىز ۇيىسۋىنىڭ جان تامىرى جانە رۋحى ەتۋگە تاباندى بولىپ، «جۇڭحۋا ۇلتى ورتاق تۇلعا تانىمىن بەرىك سومداۋدى نەگىزگى جەلى ەتىپ، جاڭا داۋىردەگى ۇلت قىزمەتىن ويداعىداي ىستەۋ» ارناۋلى تاقىرىبىنداعى ۇكىمەت ىستەرىن كەڭەسۋ سيپاتتى تۇراقتى كوميتەت ٴماجىلىسىن اشتىق. زاڭمەن باسقارۋ يدەياسىن ساياسي كەڭەستىڭ مىندەت اتقارۋىنىڭ تۇتاس بارىسىمەن توعىستىرىپ، وبلىستى زاڭمەن باسقارۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى بىرگە ىلگەرىلەتۋگە، زاڭمەن باسقارىلاتىن ىلە، زاڭمەن باسقارىلاتىن ۇكىمەت، زاڭمەن باسقارىلاتىن قوعامدى ٴبىر تۇلعالاندىرىپ قۇرۋعا دەم بەرىپ، «<ازاماتتىق زاڭنامانىڭ> دايەكتى تياناقتانۋىن ىلگەرىلەتىپ، وبلىستى زاڭمەن باسقارۋعا كۇش قوسۋ» ماۋسىمدىق كەڭەس ٴماجىلىسىن اشتىق. ٴار ۇلت، ٴار سالاداعى ساياسي كەڭەس مۇشەلەرى مەن ساياسي كەڭەس كادرلارىن «زاڭدى ۇيرەنۋ، زاڭعا بويسۇنۋ، زاڭدى قولدانۋ، ازاماتتىق زاڭنامامەن بۇقارانىڭ باقىتتى تۇرمىسىن نۇرلاندىرۋ» اتىنداعى كىتاپ وقۋ قيمىلىن ورىستەتۋگە ۇيىمداستىردىق. تارباعاتاي، التاي ايماقتىق ساياسي كەڭەس قىزمەت كوميتەتى قوعام ورنىقتىلىعى مەن باياندى تىنىشتىققا ىقپال جەتكىزەتىن تەرەڭ قاتپارلى ماسەلەلەردى كوزدە ۇستاپ، جاڭا داۋىردەگى ۇلت قىزمەتىن ويداعىداي ىستەۋ، زاڭمەن باسقارىلاتىن قوعام قۇرىلىسىن ىلگەرىلەتۋ سياقتى 20 تەكسەرۋ - زەرتتەۋ بايانداماسىن قالىپتاستىردى.

قالىڭ ساياسي كەڭەس مۇشەلەرى بۇقارامەن تىكەلەي بايلانىس جاساۋ ٴتۇزىمىن قاتاڭ اتقارىپ، پارتكوم مەن ۇكىمەتكە كومەكتەسىپ حالىق تۇرمىسىنا قاتىستى 2200 دەن استام ماسەلەنى شەشىپ، 400 دەن استام جۇمىس ورنىن سايكەستىرىپ ازىرلەپ، بۇقارانىڭ كىرىسىن ارتتىرۋعا كومەكتەستى. ٴار دارەجەلى ساياسي كەڭەس ۇيىمدارى، ساياسي كەڭەسكە قاتىناسۋشى ورىندار ورتانى قورعاۋ، كاسىپتەندىرۋدى جەبەۋ، اۋىل - قىستاقتى گۇلدەندىرۋ سياقتى حالىق تۇرمىسى ماسەلەلەرىن تىعىز توڭىرەكتەپ، «اۋىل - قىستاقتىڭ قونىس ورتاسىن رەتتەۋ - وڭاۋدىڭ، دەڭگەيىن جوعارىلاتۋدىڭ بەس جىلدىق ارەكەتىن اتقارىپ، كورىكتى اۋىل - قىستاق قۇرىلىسىن ىلگەرىلەتۋ» بويىنشا كوزدەن كەشىرۋ قيمىلىن ورىستەتىپ، «ساياساتتىق سۇيەمەلدەۋدى كۇشەيتىپ، جالپى حالىقتىڭ شارۋاشىلىق قۇرۋىن، جاڭالىق اشۋىن ىلگەرىلەتۋدى» توڭىرەكتەپ تەكسەرۋ - زەرتتەۋ جۇرگىزدى. «ۇعىسۋ، تيىمدىلىك جاساۋ، توعىستىرۋ» قىزمەتىن دانەكەر ەتىپ، كاسىپورىنشىلاردى، ساياسي كەڭەس مۇشەلەرىن جانە جىگەرلى ازاماتتاردى اقشالاي جانە زاتتاي كومەك اتاۋعا سايكەستىردى، تۇتاس وبلىستىڭ ساياسي كەڭەس جۇيەسىندەگى 28 «ۇعىسۋ، تيىمدىلىك جاساۋ، توعىستىرۋ» قىزمەت اترەتى 49 نىساندى اتقارىپ، بۇعان 14 ميلليون يۋاننان استام قارجى قوسىلدى. تارباعاتاي، التاي ايماقتىق ساياسي كەڭەس قىزمەت كوميتەتتەرى «ۇعىسۋ، تيىمدىلىك جاساۋ، توعىستىرۋ» قىزمەت تۇيىندەرىندە 20 دان استام نىسانعا، 6 ميلليوننان استام قارجىعا قول جەتكىزىپ،  بۇقارانىڭ ٴبىر توپ شۇعىل، قيىن، ۋايىمداعان، ٴزارۋ ماسەلەلەرىن شەشتى.

بۇكىل وبلىستاعى ٴار دارەجەلى ساياسي كەڭەس ۇيىمدارى از ۇلت قايراتكەرلەرى، ٴدىن سالاسىنداعى قايراتكەرلەر، پارتيا سىرتىنداعى زيالىلار، جالپىلىق مەنشىككە جاتپايتىن شارۋاشىلىق سالاسىنداعىلار، جاڭا قوعامدىق جىكتەگى قايراتكەرلەرمەن بايلانىس جاساۋ مەحانيزمىن اقاۋسىزداندىرىپ، پارتيا سىرتىنداعى قايراتكەرلەرمەن 62 رەت اڭگىمە ٴماجىلىسىن وتكىزدى. ٴار دارەجەلى ساياسي كەڭەس مۇشەلەرىنەن جانە ساياسي كەڭەس جۇيەسىندەگى كادرلاردان 4000 نان استام ادامدى اتتانىسقا كەلتىرىپ، «ۇلتتار ىنتىماعىنىڭ بەرەكەلى شاڭىراعى» جانە «ۇلتتار ىنتىماعى بىرلەسپە دوستىق قيمىلىن» تىڭعىلىقتى ورىستەتىپ، 8000 نان استام وتباسىمەن تۋىستاسىپ، رەت سانى بويىنشا 100 مىڭنان استام بۇقارادان جاعداي ۇعىسىپ، 600 مايدان - رەتتەن استام ٴتۇرلى قيمىلداردى وتكىزدى. تارباعاتاي ايماقتىق ساياسي كەڭەس قىزمەتى كوميتەتى ۇلتتار ىنتىماعى تاربيە قيمىلىن كەڭىنەن ورىستەتىپ، ۇلتتار ىنتىماعىنىڭ العاباسارلىعى ارقىلى ٴار ۇلتتىڭ مۇرات، سەنىم، سۇيىسپەنشىلىك، مادەنيەت جاقتارىنداعى ىنتىماعى مەن بىرلىگىن جەبەدى؛ التاي ايماقتىق ساياسي كەڭەس قىزمەتى كوميتەتى مەملەكەتتە ٴبىر تۇتاس قولدانىلاتىن ٴتىل - جازۋدى جالپىلاستىرۋدى ىلگەرىلەتۋ قىزمەتىنە جاۋاپتى بولىپ، اتقارۋ ٴادىسىن جانە باعالاۋ ەگجەي - تەگجەيلى ەرەجەسىن جاساپ، قىزمەتتى تياناقتاندىرۋ تەبىنىن ارتتىرىپ، تىڭعىلىقتى ونىمدىلىككە قول جەتكىزدى.

(3) جاڭا داۋىردەگى ساياسي كەڭەس قىزمەتىن كۇشەيتىپ جانە جاقسارتىپ، وزىندىك قۇرىلىسىن ۇزدىكسىز ىلگەرىلەتتىك

«جۇڭگو كوممۋنيستىك پارتياسىنىڭ ساياسي كەڭەس قىزمەتى ەرەجەسىن» جانە «جۇڭگو كوممۋنيستىڭ پارتياسى ورتالىق كوميتەتى كەڭسەسىنىڭ جاڭا داۋىردەگى قالا، اۋدانداردىڭ ساياسي كەڭەس قىزمەتىن كۇشەيتۋ جانە جاقسارتۋ جونىندەگى پىكىرىن» دايەكتىلەندىرىپ، تياناقتاندىرىپ، وبلىستىق پارتكوم تۇراقتى كوميتەتى ٴماجىلىسىنىڭ «اۆتونوميالى رايوننىڭ <جاڭا داۋىردەگى قالا، اۋدانداردىڭ ساياسي كەڭەس قىزمەتىن كۇشەيتۋ جانە جاقسارتۋ جونىندەگى اتقارۋ پىكىرىن> دايەكتىلەندىرۋ، تياناقتاندىرۋ جونىندەگى جاۋاپكەرشىلىكتى جىكتەۋ جوباسىن» ماقۇلداۋىنا جولدادىق ٴارى باسىپ تاراتتىق. وبلىسقا توتە قاراستى 4 اۋدان، قالادا «ساياسي كەڭەس مۇشەلەرى قىزمەت پۋنكتى» سىناق ٴتۇيىنى قىزمەتىن ورىستەتتىك. مەملەكەتتىك ساياسي كەڭەس پەن اۆتونوميالى رايوندىق ساياسي كەڭەستىڭ تاجىريبە الماستىرۋ ماجىلىسىندە جەكە - جەكە «كەڭەس مازمۇنىن كەمەلدەندىرىپ، كەڭەس فورماسىن بايىتىپ، مەملەكەتتى جونگە سالۋدى وسىزامانداندىرۋعا كۇش سالا قىزمەت وتەيىك»، «ارناۋلى كەڭەس قۇرىلىمىندىق رولدى تولىق ساۋلەلەندىرىپ، مەملەكەتتى جونگە سالۋ جۇيەسىنىڭ وسىزاماندانۋىنا كۇش سالا دەم بەرەيىك» تاقىرىبىندا لەبىز ٴبىلدىرىپ، مەملەكەتتىك ساياسي كەڭەس پەن اۆتونوميالى رايوندىق ساياسي كەڭەسكە 6 تاجىريبە اۋىستىرۋ ماتەريالىن جولداپ، اۆتونوميالى رايوندىق ساياسي كەڭەستىڭ 12 رەتكى تەكسەرۋ - زەرتتەۋ جۇرگىزۋىنە كومەكتەستىك. ساياسي كەڭەس تارباعاتاي، التاي ايماقتىق قىزمەت كوميتەتى نەگىزگى ساتى ساياسي كەڭەستەرىمەن بايلانىس جاساۋ قىزمەت ٴتۇزىمىن تياناقتاندىرىپ، اۋداندىق، قالالىق ساياسي كەڭەستەرمەن، نەگىزگى ساتى بايلانىس قۇرىلىمدارىمەن بەلسەنە كەڭەسىپ، ساياسي كەڭەس قىزمەتىنىڭ اناعۇرلىم كەمەلدەنۋىن، ورنىقتى بولۋىن ۇزدىكسىز ىلگەرىلەتتى.

«جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق كوميتەتى جالپى ٴماجىلىسىنىڭ قىزمەت ەرەجەسى»، «جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق كوميتەتى تۇراقتى كوميتەتىنىڭ قىزمەت ەرەجەسى» سياقتى 17 ٴتۇرلى ەرەجە، ادىستەرگە وزگەرىس ەنگىزدىك. ٴتوراعانىڭ، ورىنباسار ٴتوراعالاردىڭ ٴتۇيىندى ۇسىنىس جوبالارعا جەتەكشىلىك ەتۋ، قۋزاۋ تۇزىمىنە تاباندى بولىپ، 14 - كەزەكتى كوميتەتتىڭ 1 - ماجىلىسىندە ەستەلىككە الىنعان 364 ۇسىنىس جوبا بۇكىلدەي ٴبىر جاقتىلى ەتىلدى. بۇكىل وبلىستاعى ٴار دارەجەلى ساياسي كەڭەس ۇيىمدارى 1100 دەن استام حابار جولداپ، 400 دەن استامى ٴار دارەجەلى اقپارات دانەكەرلەرى جاعىنان پايدالانىلىپ، 135 قوعام جاعدايى مەن حالىق رايى جونىندەگى ينفورماتسيا جينالىپ، اۆتونوميالى رايوندىق ساياسي كەڭەس، مەملەكەتتىك ساياسي كەڭەس تەكشەسىنە 56 حابار جولدانىپ، ينفورماتسيا جولداۋ مولشەرى بۇكىل شينجياڭداعى ايماقتىق، وبلىستىق ساياسي كەڭەس بويىنشا ٴبىرىنشى ورىندى يەلەدى.

«مۇشەلەردىڭ مىندەت وتەۋىن باسقارۋ ادىسىنە»، «مۇشەلەردى باسقارۋدى اتقارۋ ەگجەي - تەگجەيلى ەرەجەسىنە» وزگەرىس ەنگىزىپ جانە كەمەلدەندىرىپ، مۇشەلەردىڭ مىندەت وتەۋ ارحيۆى، مۇشەلەردىڭ مىندەت وتەۋ جاعدايىن ساناققا الۋ، تۇراقتى مۇشەلەر مەن پارتيالى مۇشەلەردىڭ مىندەت وتەۋ مالىمەتىن تاپسىرۋ سياقتى تۇزىمدەردى ورناتىپ، كەمەلدەندىرىپ، مۇشەلەردىڭ مىندەت وتەۋ قيمىلىنا جان - جاقتى باعا بەردىك.

پارتيا قۇرۋ ۇلى رۋحىن ساۋلەلەندىرىپ، ساياسي كەڭەس پارتيا باسشىلىق گرۋپپاسى، ورگان پارتيا باسشىلىق گرۋپپاسى، ورگان پارتكومى، ٴارقايسى پارتيا ياچەيكالارى سىندى «ٴتورت دارەجە بىرلەسىپ قيمىلداۋ» پارتيا قۇرىلىسى قىزمەت جۇلگەسىن اناعۇرلىم اقاۋسىزداندىرىپ، ياچەيكانى ولشەمدەندىرۋ، جۇيەلىلەندىرۋ قۇرىلىسىن زور كۇشپەن ىلگەرىلەتىپ، كەلەلى مىندەت وتەۋ قيمىلدارىندا ۋاقىتتىق پارتيا ۇيىمىن قۇردىق. ورتالىقتىڭ «سەگىز ٴتۇرلى بەلگىلەمەسى» جانە ونى اتقارۋ ەگجەي - تەگجەيلى ەرەجەسىنىڭ رۋحىن جانە اۆتونوميالى رايوندىق پارتكومنىڭ اتقارۋ ٴادىسىن باتىل اتقارىپ، «ٴتورت بۇرىس ستيلدى» ۇزدىكسىز رەتتەپ - وڭاپ، كادرلاردىڭ ستيلىندە كورنەكتى بۇرىلىس جاسالىپ، مىندەت اتقارۋ قابىلەتى ۇزدىكسىز جوعارىلاپ، ورگان قۇرىلىسى ۇزدىكسىز كەمەلدەندى. ارناۋلى كوميتەتتەردىڭ نەگىزدىك رولىن ساۋلەلەندىرىپ، 21 سالاداعى مۇشەلەردى ارناۋلى كوميتەتتەرگە ٴبولىپ، مۇشەلەردى ٴارقايسى ارناۋلى كوميتەتتىڭ ورىنباسار مەڭگەرۋشىلىگىن قوسىمشا وتەۋگە تاڭداپ ورنالاستىردىق.

ەكىنشى، جاڭا ٴداۋىر، جاڭا جورىقتا اۋەلگى ماقساتتى ەستە بەرىك ساقتاپ، ەرلىكپەن العا باسۋ

2023 ـ جىل — پارتيا 20 ـ قۇرىلتايىنىڭ رۋحىن جاپپاي دايەكتىلەندىرۋدىڭ جانە تياناقتاندىرۋدىڭ باستاما جىلى، سوتسياليستىك وسىزاماندانعان مەملەكەتتى جاپپاي قۇرۋدىڭ جاڭا جورىعىن باستاۋداعى ماڭىزدى ٴبىر جىل بولىپ، «14 - بەسجىلدىق» جوبانى اتقارۋدىڭ بۇرىنعىنى جالعاپ، كەيىنگى جەبەيتىن شەشۋشى جىلى. ٴبىز وبلىستىق پارتكومنىڭ پارمەندى باسشىلىعىندا، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭ شينجياڭدى كوزدەن كەشىرگەندە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ جانە تياناقتاندىرىپ، 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن دايەكتىلەندىرىپ جانە تياناقتاندىرىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، «ٴۇش، ٴسوزجوقتى» ەستە بەرىك ساقتاپ، تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، ىندەتكە توسقاۋىل قويۋعا، ەكونوميكانى ورنىقتىرۋعا، دامۋ اقاۋسىز بولۋعا تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا، ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، ارناۋلى كەڭەستىك قۇرىلىمنىڭ ەرەكشەلىگىن كورنەكتىلەندىرىپ، قوس باعىتتا كۇش سالۋ ابزالدىلىعىن ايگىلەپ، جاڭا ٴداۋىر، جاڭا جورىقتا جاڭا بەينە، جاڭا ىسكەرلىك كورسەتۋىمىز كەرەك. ساياسي كەڭەس تارباعاتاي، التاي ايماقتىق قىزمەت كوميتەتى وبلىستىق ساياسي كەڭەستىڭ تالابى بويىنشا، ايماقتىق پارتكومنىڭ وزەكتى قىزمەتىن مىقتى يگەرىپ، ساياسي كەڭەستىڭ فۋنكتسياسىن مۇقيات اتقارىپ، تۇتاس وبلىستىڭ رەفورما، دامۋ، ورنىقتىلىق ىستەرىنە بەلسەنە ۇلەس قوسۋى كەرەك.

(1) پارتيا 20 - قۇرىلتايىنىڭ رۋحىن ۇزدىكسىز ىشكەرىلەي ۇيرەنۋ، ۇگىتتەۋ، دايەكتىلەندىرۋ. پارتيا 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى ماڭداي الدى ٴىرى ٴىس جانە ماڭىزدى ساياسي مىندەت ەتىپ، ورتالىقتىڭ ساياسي كەڭەس قىزمەتى ٴماجىلىسى رۋحىن دايەكتىلەندىرۋمەن، اۆتونوميالى رايوندىق 10 - كەزەكتى پارتكوم ٴۇشىنشى، بەسىنشى، التىنشى جالپى ٴماجىلىسىنىڭ رۋحىن ۇيرەنۋمەن، دايەكتىلەندىرۋمەن، وبلىستىق پارتكوم قىزمەت ٴماجىلىسىنىڭ رۋحىن دايەكتىلەندىرۋمەن، تياناقتاندىرۋمەن ۇشتاستىرىپ، قايتا - قايتا مۇقيات ۇيرەنۋگە، جان - جاقتى، جۇيەلى ۇيرەنۋگە، ٴىس جۇزىندىكپەن ۇشتاستىرىپ ۇيرەنۋگە تاباندى بولىپ، ساياسي تۇجىرىمداۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋىمىز كەرەك. ۇگىت ـ لەكسيا قيمىلىن كەڭ كولەمدە ورىستەتىپ، پارتيا 20 ـ قۇرىلتايىنىڭ رۋحىن قىستاقتارعا، اترەتتەرگە، الەۋمەتتىك اۋماقتارعا، مەكتەپتەرگە، كاسىپورىندارعا، شارۋا وتباسىلارىنا جەتكىزىپ، ٴار ۇلت بۇقاراسىن بۇلجىماستان پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە تاربيەلەۋىمىز، جەتەكتەۋىمىز كەرەك. پارتيا 20 - قۇرىلتايىنىڭ رۋحىن ساياسي كەڭەستىڭ ٴتۇرلى قىزمەتتەرىنە جاپپاي ٴسىڭىرىپ، جالپى بارىستىق حالىق دەموكراتياسىن دامىتۋدى ارقاۋ ەتىپ، ىرىقتىلىقپەن جوبالاپ، ىشكەرىلەي كەڭەسىپ، ناقتى ٴىس ىستەپ، جاۋاپكەرشىلىك ارقالاۋ ارقىلى پارتيا 20 - قۇرىلتايى رۋحىنىڭ ىلەدە تامىر تارتىپ، ونىمدىلىك كورسەتۋىن  جەبەۋىمىز كەرەك.

(2) پارتكومنىڭ وزەكتى قىزمەتىن توڭىرەكتەپ، ارناۋلى كەڭەس قۇرىلىمىنىڭ رولىن ساۋلەلەندىرۋ. وبلىستىق پارتكوم قىزمەت ٴماجىلىسىنىڭ رۋحىن تىڭعىلىقتى دايەكتىلەندىرىپ، تياناقتاندىرىپ، ارناۋلى كەڭەس قۇرىلىمىنىڭ رولىن ويداعىداي ساۋلەلەندىرىپ، ازيا ـ ەۆروپا التىن ارنا تورابىن جانە باتىسقا ەسىك اشۋداعى ماڭىزدى تەرەزەنى، جىبەك جولى ەكونوميكالىق بەلدەۋى وزەكتى رايونىنىڭ ماڭىزدى تىرەگىن، شينجياڭنىڭ ەنەرگيا بايلىعىن جاسىل، جوعارى ٴونىمدى اشۋداعى، پايدالانۋداعى ماڭىزدى بازانى، مەملەكەتتىك وسىزامانعى اۋىل شارۋاشىلىعىنان ۇلگى كورسەتۋ رايونىن جانە مەملەكەتتىك جاسىل، ورگانيكالى مال شارۋاشىلىق ونىمدەرىن ٴوندىرۋ بازاسىن، الەمدىك ساياحاتتىڭ كوزەۋلى ورنىن، شينجياڭنىڭ باتىس بولەگىنىڭ ٴوڭىرلىك حاۋىپسىزدىگى مەن وتانىمىزدىڭ باتىس سولتۇستىگىندەگى ەكولوگيامەن حاۋىپسىزدىگىن قورعايتىن ستراتەگيالىق قالتقىسىن قورعاۋ  سياقتى «التى ستراتەگيالىق ورنىن» ويداعىداي قالىپتاستىرۋعا ىشكەرىلەي تەكسەرۋ ـ زەرتتەۋ جۇرگىزىپ، ناقتى كەڭەس بەرۋىمىز كەرەك. «سەگىز ٴىرى كاسىپ سالاسى شوعىرىن» قۇرۋدى ارقاۋ ەتىپ، ساۋداگەر شاقىرىپ، قارجى ەنگىزۋ تەبىنىن ارتتىرۋ، اۋىل ـ قىستاقتى گۇلدەندىرۋدى جاپپاي ىلگەرىلەتۋ، جاڭاشا قالا ـ قالاشىقتاندىرۋ قۇرىلىسى سياقتىلاردى جەدەلدەتۋدى توڭىرەكتەپ، ۇكىمەت ٴىسىن كەڭەسۋىمىز؛ بۇقارا جاپپاي كوڭىل ٴبولىپ وتىرعان جۇمىستانۋدى جەبەۋ، كىرىستى ارتتىرىپ اۋقاتتانۋ، جالپى حالىقتىڭ دەنساۋلىعى، قوعامدىق قامتاماسىزداندىرۋ، حالىقتى الاڭسىز ەتۋ، الەۋمەتتىك حاۋىپسىزدىك ينجەنەرياسى سياقتىلارمەن تىعىز بايلانىستىرىپ اقىل - كەڭەس بەرۋىمىز كەرەك. جۇڭحۋا ۇلتى ورتاق تۇلعا تانىمىن ورناتۋدى نەگىزگى جەلى ەتىپ، پارتيانىڭ ۇلت ساياساتىن جاپپاي تياناقتاندىرۋىمىز كەرەك. «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسپە دوستىق قيمىلىن تىڭعىلىقتى ورىستەتىپ، ٴار ۇلت بۇقاراسىنىڭ كەڭىستىك، مادەنيەت، ەكونوميكا، قوعام، پسيحولوگيا سياقتى جاقتاردا جان - جاقتى ٴسىڭىسىۋىن بىرتىندەپ جۇزەگە اسىرۋدى جەبەپ، جۇڭحۋا ۇلتى ورتاق تۇلعا تانىمىن بەرىك ورناتۋدى ناقتى، جاندى، ٴونىمدى تۇردە ويداعىداي ىستەپ، سەنىمدى، ۇنامدى، قاستەرلى ىلە وبرازىن ايگىلەۋىمىز كەرەك.

(3) ٴار ۇلت، ٴار سالا قايراتكەرلەرىنىڭ يدەيالىق ورتاق تانىمىن كەڭىنەن ۇيىستىرۋ. وبلىستىق پارتكوم بەلگىلەگەن نىسانا - مىندەتتەردى تىعىز توڭىرەكتەپ، مۇشەلەردىڭ پىكىر الماستىرۋ، زەرتتەۋ تالقى ٴماجىلىسىن مەرزىم بويىنشا وتكىزىپ، ٴار ۇلت، ٴار سالا قايراتكەرلەرىن ىلەدە قول جەتكەن وراسان زور تابىستاردى توڭىرەكتەپ، وزگەرىستەردى اڭگىمەلەۋگە، اسەرلەرىن ايتۋعا باستاۋ؛ مۇشەلەردىڭ بۇقارامەن بايلانىس جاساۋ ٴتۇزىمىن تەرەڭدەتىپ، نەگىزگى ساتىنى جونگە سالۋداعى قيىن تۇيىندەردى، تولعاقتى ماسەلەلەردى جانە بۇقارانىڭ ارىز - ارماندارىن دەركەزىندە اڭىس ەتۋگە جانە جولداۋعا جەتەكتەۋىمىز؛ پارتيا سىرتىنداعى قايراتكەرلەردىڭ ۇگىت ـ لەكسيا جاساۋىنىڭ ۇدايىلانعان مەحانيزمىن ورناتىپ، ٴار ۇلت، ٴار سالا قايراتكەرلەرىنىڭ يدەياسى مەن كۇش ـ قۋاتىن جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرۋگە ۇزدىكسىز ۇيىستىرىپ، جۇڭحۋا ۇلتىنىڭ ۇلى گۇلدەنۋىن جۇڭگوشا وسىزامانداندىرۋ ارقىلى ىلگەرىلەتۋدىڭ جاڭا جورىعىنا ۇيىستىرۋىمىز كەرەك.

ٴۇشىنشى، دۇرىس ساياسي بەتالىستان جازباي، جىگەرلەنە العا ۇمتىلىپ، ۇزدىكسىز كۇرەس جۇرگىزۋ

(1) پارتيانىڭ ساياسي كەڭەس قىزمەتىنە بولعان جالپى بەتتىك باسشىلىعىنا تاباندى بولىپ، دۇرىس ساياسي بەتالىسقا شىنايى كەپىلدىك ەتۋ. پارتيانىڭ باسشىلىعىن نازاريامەن قارۋلاندىرۋ، مىندەتىن اتقارۋ، ٴتۇزىم اينالىمى، قوسىن قۇرىلىسى سياقتى جاقتاردا تياناقتاندىرۋعا باستان ـ اياق تاباندى بولىپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان ـ اياق وسكەلەڭ ٴبىر اۋىزدىلىقتى ساقتاۋىمىز كەرەك. وبلىستىق پارتكوم ورنالاستىرۋ جاساسا، ساياسي كەڭەس تياناقتاندىراتىن، پارتكومنىڭ تالابىنا، ساياسي كەڭەس ٴۇن قوساتىن، پارتكوم نۇسقاۋ ايتسا، ساياسي كەڭەس ارەكەتكە كەلۋدى ورىنداۋىمىز كەرەك. ساياسي كەڭەس پارتيا باسشىلىق گرۋپپاسىنىڭ بەتالىستى يگەرۋ، جالپى جاعدايدى باسقارۋ، تياناقتاندىرۋعا كەپىلدىك ەتۋ سىندى باسشىلىق رولىن ساۋلەلەندىرىپ، پارتيانىڭ ساياسي قۇرىلىسىن جەتەكشى ەتىپ، ساياسي كەڭەستىڭ پارتيا قۇرىلىسىن  ىلگەرىلەتىپ، يدەيالىق ساياسي قۇرىلىستى جەتەكشى ەتىپ، ساياسي كەڭەستىڭ ساياسي ورتاق تۇلعا قۇرىلىسىن ىلگەرىلەتۋىمىز كەرەك.

(2) نازاردى جالپى بارىستىق حالىق دەموكراتياسىن دامىتۋعا شوعىرلاندىرىپ، «ٴۇش ماڭىزدى» قۇرىلىستى كۇشەيتۋ. وبلىستىق پارتكومنىڭ باسشىلىعىندا كەڭەستىك دەموكراتيا قۇرىلىسىن ىلگەرىلەتۋگە تاباندى بولۋىمىز كەرەك. وبلىستىق پارتكومنىڭ، ۇكىمەتتىڭ، ساياسي كەڭەس باسشىلارىنىڭ ٴتۇيىندى ۇسىنىس جوبالارعا جەتەكشىلىك ەتۋ، قۋزاۋ ٴتۇزىمىن تياناقتاندىرىپ، وبلىستىق پارتكومنىڭ ورنالاستىرۋلارىن، تالاپتارىن ساياسي كەڭەس جۇيەسىندە دايەكتىلەندىرۋدى، تياناقتاندىرۋدى ىلگەرىلەتۋىمىز كەرەك. وبلىستىق پارتكوم تاراتقان «اۆتونوميالى رايوننىڭ <جاڭا داۋىردەگى قالا، اۋدانداردىڭ ساياسي كەڭەس قىزمەتىن كۇشەيتۋ جانە جاقسارتۋ جونىندەگى اتقارۋ پىكىرى جاۋاپكەرشىلىگىن جىكتەۋ جوباسىن> دايەكتى تياناقتاندىرۋ جونىندەگى ۇقتىرۋىنىڭ» رۋحىن مۇقيات تياناقتاندىرىپ، ساياسي كەڭەستى پارتيانىڭ ٴتۇرلى قىزمەتتەرگە باسشىلىعىنا تاباندى بولۋدىڭ جانە ونى كۇشەيتۋدىڭ ماڭىزدى بازاسى، پارتيانىڭ جاسامپاز نازارياسىمەن ٴار ۇلت، ٴار سالا ۋاكىل قايراتكەرلەرىن ىنتىماقتاستىرۋدىڭ، تاربيەلەۋدىڭ، جەتەكتەۋدىڭ ماڭىزدى تۇعىرى، ورتاق يدەيالىق - ساياسي نەگىزدە قايشىلىقتاردى شەشۋدىڭ جانە ورتاق تانىم توعىستىرۋدىڭ ماڭىزدى ارناسى ەتىپ قۇرىپ شىعۋىمىز كەرەك.

(3) مۇشەلەردىڭ تۇلعالىق رولىن ساۋلەلەندىرۋدى توڭىرەكتەپ، مۇشەلەر قوسىنى قۇرىلىسىن كۇشەيتۋ. بۇكىل وبلىستاعى ٴار دارەجەلى ساياسي كەڭەس ۇيىمدارى مەن ٴار ۇلت، ٴار سالا ساياسي كەڭەس مۇشەلەرى قاي ـ قاشاندا الاڭدايتىن جاۋاپكەرشىلىك سەزىمدە بولىپ، بەلسەنە جاۋاپكەرشىلىك ارقالاپ، ىسكەرلىك تانىتاتىن جىگەرمەن پارتيا مەن حالىق ٴۇشىن مىندەت - جاۋاپكەرشىلىكتى ويداعىداي  بارىنشا ادا ەتۋ كەرەك. شوعىرلى كۋرس اشۋ، جەلىدە تاربيەلەۋ، ۇيرەنۋگە جىبەرۋ سياقتى كوپ ٴتۇرلى جولدارمەن مۇشەلەردى تاربيەلەۋ تەبىنىن ارتتىرىپ، ساياسيدى يگەرۋ قابىلەتىن، تەكسەرۋ - زەرتتەۋ قابىلەتىن، بۇقارامەن بايلانىس جاساۋ قابىلەتىن، سەلبەسىپ بىرگە ىستەۋ قابىلەتىن جاپپاي جوعارىلاتىپ، حالىق تىلەگىن اڭىس ەتەتىن، حالىقتىڭ اقىل - پاراساتىن شوعىرلاندىراتىن، ورتاق تانىمدى توعىستىراتىن كوپىرى جانە دانەكەرى بولۋعا شەبەر بولۋىمىز كەرەك. جاۋاپكەرشىلىك ارقالاۋدى كۇشەيتىپ، شەشۋشى ساتتە سەنىمدى بولىپ، كەۋدە كەرىپ العا شىعىپ، باتىل ٴۇن قاتۋىمىز كەرەك. ونەگە بولۋدى ويداعىداي ىستەپ، تەكسەرۋ - زەرتتەۋ ستيلىن بارىنشا ساۋلەلەندىرىپ، ناقتى جاعدايدى تەكسەرىپ، ناقتى ٴىس ىستەپ، ناقتى ونىمدىلىككە ۇمتىلىپ، «مۇشەلەر تاپسىرماسىن» ويداعىداي ورىنداپ، مىندەت وتەۋ دوكلاتىن ۋاعىندا تاپسىرۋىمىز كەرەك.

(4) مۇشەلەردىڭ مىندەت وتەۋىن قامتاماسىزداندىرۋعا قىزمەت وتەۋدى توڭىرەكتەپ، ورگان جانە ارناۋلى كوميتەت قۇرىلىسىن كۇشەيتۋ. پارتيا ورتالىق كوميتەتى مەن اۆتونوميالى رايوندىق، اۆتونوميالى وبلىستىق پارتكومنىڭ قىزمەت ستيلىن جاقسارتۋ جونىندەگى تالاپتارىن دايەكتى تياناقتاندىرىپ، ٴتۇرلى تۇزىمدەردى اقاۋسىزداندىرىپ جانە كەمەلدەندىرىپ، ٴتارتىپتىڭ اتقارىلۋىن باقىلايتىن «ٴتورت ٴتۇرلى كۇيدەن» ويداعىداي پايدالانىپ، اسىرەسە، «1 - تۇردەگى كۇيدەن» ۇتىمدى پايدالانىپ، كادرلار قوسىنىنىڭ جالپى تۇلعالىق ساپاسىن، قىزمەت قابىلەتىن جانە قىزمەت وتەۋ ورەسىن ۇزدىكسىز جوعارىلاتۋىمىز كەرەك. ارناۋلى كوميتەت قۇرىلىسىن كۇشەيتىپ، جاڭادان قۇرىلاتىن اۋىل شارۋاشىلىعى، اۋىل - قىستاق كوميتەتى، جان سانى، بايلىق، قورشاعان ورتا كوميتەتى، قوعامدى زاڭمەن باسقارۋ  كوميتەتى سياقتى ٴۇش كوميتەتتى قۇرۋ قىزمەتىن ويداعىداي ىستەپ، وقۋ - اعارتۋ، عىلىم - تەحنيكا، دەنساۋلىق ساقتاۋ، دەنە تاربيە كوميتەتىنىڭ، ۇلت - ٴدىن ىستەرى كوميتەتىنىڭ قىزمەت جاۋاپكەرشىلىگىن رەتكە سالۋ قىزمەتىن تىڭعىلىقتى ىستەۋىمىز كەرەك؛ ساياسي كەڭەس تارباعاتاي، التاي ايماقتىق قىزمەت كوميتەتىنە باسشىلىقتى، اۋداندىق، قالالىق ساياسي كەڭەستەردىڭ قىزمەتىنە جەتەكشىلىكتى كۇشەيتىپ، فۋنكتسيا اتقارۋدىڭ تۇزىمدەنۋ، جۇيەلىلەنۋ، تارتىپتەنۋ دەڭگەيىن اناعۇرلىم جوعارىلاتۋىمىز كەرەك.

مۇشەلەر، جاڭا ٴداۋىر جاڭا بورىش جۇكتەدى، جاڭا جورىقتا تىڭ ناتيجە ايگىلەندى. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، وبلىستىق پارتكومنىڭ ورنالاستىرۋى بويىنشا، «قۇر ٴسوز ەلدى توزدىرادى، ىسكەرلىك ەلدى وزدىرادى» دەگەن قاعيدانى ەستە بەرىك ساقتاپ، قايراتتانا ۇمتىلىپ، ەرلىكپەن العا باسىپ، جاڭا داۋىردەگى ساياسي كەڭەس قىزمەتىنىڭ جاڭا جاعدايىن ۇزدىكسىز اشىپ، جاڭا داۋىردەگى جاڭا جورىقتا كورىكتى ىلەنى گۇلدەندىرۋدىڭ جاڭاشا بەت - بەينەسىن جاراتۋعا بارىنشا زور ۇلەس قوسايىق!