ساياسي كەڭەس اۆتونوميالى وبلىستىق 14 - كەزەكتى كوميتەتى 2 - ٴماجىلىسىنىڭ ۇسىنىس جوبالاردى تەكسەرۋ كوميسسياسىنىڭ ٴماجىلىسى اشىلدى

ٴتىلشىمىز حان شاشا حابارلايدى. ساياسي كەڭەس اۆتونوميالى وبلىستىق 14 - كەزەكتى كوميتەتى 2 - ٴماجىلىسىنىڭ ۇسىنىس جوبالاردى تەكسەرۋ كوميسسياسىنىڭ ٴماجىلىسى 1 - ايدىڭ 4 - كۇنى اشىلدى، ٴماجىلىستى وبلىستىق ساياسي كەڭەس پارتيا باسشىلىق گرۋپپاسىنىڭ مۇشەسى، ورىنباسار ٴتوراعاسى، ۇسىنىس جوبالاردى تەكسەرۋ كوميسسياسىنىڭ مەڭگەرۋشىسى نۇراحىمەت زۇنۇن باسقاردى، ۇسىنىس جوبالاردى تەكسەرۋ كوميسسياسىنىڭ بارلىق مۇشەسى ماجىلىسكە قاتىناستى. 

ماجىلىستە مۇشەلەردىڭ ۇسىنىس جوبالارى تەكسەرىلىپ، تۇراقتاندىرىلدى؛ جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتى 2 - ٴماجىلىسىنىڭ ساياسي كەڭەس 14 - كەزەكتى كوميتەتى 2 - ٴماجىلىسىنىڭ ۇسىنىس جوبالاردى تەكسەرۋ جاعدايى جونىندەگى بايانداماسى (جوبا) كەڭەسىپ قارالدى. 

ساياسي كەڭەس اۆتونوميالى وبلىستىق 14 - كەزەكتى كوميتەتىنىڭ 2 - ٴماجىلىسى كەزىندە ٴار ۇلت، ٴار سالا ساياسي كەڭەس مۇشەلەرى وسكەلەڭ ساياسي جاۋاپكەرشىلىك سەزىممەن جانە بورىشتىلىق سەزىممەن ارناۋلى كەڭەس قۇرىلىمدارىنىڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرۋدەگى، تياناقتاندىرۋداعى ماڭىزدى رولىن تولىق ساۋلەلەندىرىپ، وبلىستىق پارتكوم مەن ۇكىمەتتىڭ وزەكتى قىزمەتىن تىعىز ارقاۋ ەتىپ، حالىق بۇقاراسى جاپپاي كوڭىل ٴبولىپ، قوعام جاپپاي نازار اۋدارىپ وتىرعان ماسەلەلەردى ٴجىتى قاداعالاپ، ساياسي جاقتان كەڭەسۋ، دەموكراتيالىق باقىلاۋ، ۇكىمەت ىسىنە ات سالىسۋ، ۇكىمەت ٴىسىن كەڭەسۋ فۋنكتسياسىن مۇقيات اتقارىپ، ۇسىنىس جوبا ارقىلى بەلسەنە مىندەتىن اتقارىپ، پىكىر - ۇسىنىس بەردى.

وسى رەتكى ماجىلىستەگى ۇسىنىس جوبالاردىڭ تۇلعالىق ساپاسى ٴبىرشاما جوعارى بولىپ، تاقىرىپ تاڭداۋدا ىندەتتەن كەيىنگى مەزگىلدەگى ەكونوميكانىڭ جوعارى ساپالى دامۋى مەن حالىق تۇرمىسىن جاقسارتۋ ىستەرىنە اناعۇرلىم نازار اۋدارىلىپ، العا قويىلعان پىكىر - ۇسىنىستاردىڭ عىلميلىعى، بولجامپازدىعى، جارامدىلىعى كورنەكتى ارتقان. 1 - ايدىڭ 3 - كۇنى ساعات 19 عا دەيىن جالپى 308 ۇسىنىس جوبا تاپسىرىپ الىنعان. «جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق كوميتەتىنىڭ ۇسىنىس جوبا قىزمەت ەرەجەسى» مەن «جۇڭگو حالىق ساياسي ٴماسليحات كەڭەسى ىلە قازاق اۆتونوميالى وبلىستىق كوميتەتىنىڭ ۇسىنىس جوبا ساپاسىن اناعۇرلىم جوعارىلاتۋ جونىندەگى اتقارۋ پىكىرىنە» نەگىزدەلىپ، تەكسەرۋ ارقىلى 296 ۇسىنىس جوبا ەستەلىككە الىنىپ، ەستەلىككە الۋ مولشەرى %96.1 كە جەتتى. ەستەلىككە الىنعان ۇسىنىس جوبالاردىڭ ىشىندە نازاردى، كۇش - قۋاتتى باس نىساناعا شوعىرلاندىرىپ، قوعام ورنىقتىلىعى مەن باياندى تىنىشتىقتى ىلگەرىلەتۋ جاعىنداعى ۇسىنىس جوبا 37 نۇسقا بولىپ، ەستەلىككە الىنعان جالپى ۇسىنىس جوبا سانىنىڭ %12.5 ىن يەلەدى؛ ەكونوميكانىڭ جوعارى ساپالى دامۋىن ىلگەرىلەتۋ جاعىنداعى ۇسىنىس جوبا 129 نۇسقا بولىپ، ەستەلىككە الىنعان جالپى ۇسىنىس جوبا سانىنىڭ %43.6 ىن يەلەدى؛ حالىق تۇرمىسىن قامتاماسىزداندىرۋ جانە جاقسارتۋدى ىلگەرىلەتۋ جاعىنداعى ۇسىنىس جوبا 130 نۇسقا بولىپ، ەستەلىككە الىنعان جالپى ۇسىنىس جوبا سانىنىڭ %43.9 ىن يەلەدى. 

ٴماجىلىس جابىلعاننان كەيىن اۆتونوميالى وبلىستىق ساياسي كەڭەس ۇسىنىس جوبالاردى قايتا قاراۋ ٴماجىلىسى مەن ۇسىنىس جوبالاردى بىتىرۋگە ورنالاستىرۋ ٴماجىلىسىن اشىپ، وسى رەتكى ٴماجىلىس كەزىندە ەستەلىككە الىنعان ۇسىنىس جوبالاردى وبلىستىق پارتكوم مەن ۇكىمەتتىڭ قاتىستى تاراۋلارىنىڭ بىتىرۋىنە تاپسىرادى. ٴماجىلىستىڭ ۇسىنىس جوبالاردى تاپسىرىپ الۋ ۋاقىتى اياقتاعاننان كەيىن تاپسىرىپ الىنعان ۇسىنىس جوبالاردى اۆتونوميالى وبلىستىق ساياسي كەڭەستىڭ ۇسىنىس جوبا كوميسسياسى دەر كەزىندە تەكسەرىپ ەستەلىككە الادى ٴارى قاتىستى تاراۋلاردىڭ بىتىرۋىنە تاپسىرادى.