ساياسي كەڭەس مۇشەلەرى: قىزمەت جاۋاپكەرشىلىگىمىزدى ادا ەتىپ، ىلەنى دامىتۋ ۇلى جوسپارىن بىرگە اقىلداسامىز

تىلشىلەرىمىز حان شاشا، ياڭ جيڭ ـ ي حابارلايدى. 1 - ايدىڭ 5 - كۇنى ساياسي كەڭەس اۆتونوميالى وبلىستىق 14 - كەزەكتى كوميتەتى 2 - ٴماجىلىسىنىڭ گرۋپپالار تالقىسىندا مۇشەلەر بەلسەنە ٴسوز سويلەپ، اسەرلەرىن اقتارىلا اڭگىمەلەپ، بەلسەنە اقىل - كەڭەس بەردى. كوپشىلىك مىنانى ٴبىلدىردى: «وبلىستىق ۇكىمەت قىزمەتىنەن باياندامانىڭ مازمۇنى جۇيەلى، ايقىن، وبيەكتيۆ جان - جاقتى، وتكەندى ەسكە الۋى، وبيەكتيۆى دۇرىس، بولاشاق بەتالىسى ايقىن بولىپ، اۆتونوميالى وبلىستىق ساياسي كەڭەس قىزمەتىن ويداعىداي ىستەۋگە ايقىن باعدار كورسەتىپ، قوزعاۋشى كۇش ۇستەپ، اۆتونوميالى وبلىستىق ساياسي كەڭەستىڭ ىنتىماقتى، دەموكراتيالى، شىندىققا جۇگىنىپ، ناقتى ٴىس ىستەۋ رۋحىن تولىق ايگىلەدى».

تالقى بارىسىندا مۇشەلەر وزدەرىنىڭ قىزمەت امالياتىمەن ۇشتاستىرىپ، قايتكەندە فۋنكتسيانى بەلسەنە اتقارۋ، ۇكىمەت ىسىنە كەڭەس بەرۋ ناقتى ونىمدىلىگىن جوعارىلاتۋ، ىلەنىڭ جوعارى ساپالى دامۋىن جەبەۋ سياقتى جاقتاردا ۇسىنىستار قويدى. مۇشەلەر بىلاي دەپ قارادى: «وبلىستىق پارتكومنىڭ وزەكتى قىزمەتىن تىعىز ارقاۋ ەتىپ، ساياسي جاقتان كەڭەسۋ، ۇكىمەت ىسىنە ات سالىسۋ، ۇكىمەت ٴىسىن كەڭەسۋ فۋنكتسياسىن شىنايى اتقارىپ، ورتاق تانىمدى كەڭىنەن ۇيىستىرىپ، جاڭا داۋىردە ىلەنىڭ تىڭ داستانىن جازۋعا اناعۇرلىم كوپ اقىل - پاراسات جانە كۇش - قۋات ۇستەيمىز».

«وبلىستىق ۇكىمەت قىزمەتىنەن باياندامانىڭ نەگىزگى تاقىرىبى ايقىن، مازمۇنى ناقتى، شارالارى پارمەندى، جۇرتتى جەلپىندىرەدى. مەن ساياسي كەڭەستىڭ مۇشەسى رەتىندە، سونداي ـ اق اۋىل شارۋاشىلىق ساپالى تۇقىم جەتىلدىرۋ كاسىپتىك ـ تەحنيكالىق قىزمەتكەرى رەتىندە، بۇدان كەيىن نەگىزگى ساتىدا تەكسەرۋ ـ زەرتتەۋ جۇرگىزۋدى مۇقيات ويداعىداي ىستەپ، ساپالى تۇقىم جەتىلدىرۋدە جاڭالىق اشۋ قىزمەتىن بار كۇشپەن ىلگەرىلەتىپ، عىلمي زەرتتەۋ مەكتەپتەرىمەن كوبىرەك اۋىس ـ كۇيىس جاساپ، ساپالى تۇقىم جەتىلدىرۋ ادىسىندە، ساپالى تۇقىم جەتىلدىرۋ ۇلگىسىندە قۇلشىنا جاڭالىق اشامىن» دەدى وبلىستىق ساياسي كەڭەستىڭ مۇشەسى، بيڭتۋان 4 - شىسى اۋىل شارۋاشىلىق عىلمي زەرتتەۋ بولىمشەسى استىق داقىلدارىن زەرتتەۋ كەڭسەسىنىڭ كومەكشى زەرتتەۋشىسى پىڭ شينشين.

وبلىستىق ساياسي كەڭەستىڭ مۇشەسى، موڭعۇلكۇرە اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ 4 - دارەجەلى مەڭگەرۋشى قىزمەتكەرى ليۋ زىحاۋ مىنانى ٴبىلدىردى: «وبلىستىق ۇكىمەتتىڭ قىزمەت بايانداماسى جان - جاقتى، وبيەكتيۆ بولدى، مەن ٴوزىمنىڭ <ۇعىسۋ، تيىمدىلىك جاساۋ، توعىستىرۋ> قىزمەتىممەن ۇشتاستىرىپ، بۇقارالىق قىزمەتتى قايتكەندە اناعۇرلىم ىشكەرىلەي، ەگجەي - تەگجەيلى جاقسى ىستەۋ جونىندە ۇسىنىس بەرەمىن. ساياسي كەڭەس مۇشەلەرى بۇقارامەن اناعۇرلىم جاناسىپ، بۇقارامەن ىشكەرىلەي ارالاسىپ، بۇقارانىڭ وي ـ ارمانىنا، تىلەگىنە نازار اۋدارىپ، بۇقاراعا ساياسي كەڭەس مۇشەلەرىنىڭ حالىق ٴۇشىن مىندەت وتەۋ سۇيىسپەنشىلىگى مەن جاۋاپكەرشىلىگىن شىنايى سەزىندىرەمىن» دەدى.

جاڭا ٴداۋىر جاڭا بورىش جۇكتەدى، جاڭا ساپاردا جاڭا ىسكەرلىك بولۋ كەرەك. وبلىستىق ساياسي كەڭەس مۇشەلەرى مىنانى ٴبىلدىردى: «جاڭا  ٴبىر جىلدا الىمدى اقىل، كەلەلى كەڭەس بەرۋ جانە ورتاق تانىم ۇيىستىرۋ جاعىندا قوس باعىتتا كۇش سالىپ، پاراساتتى ۇسىنىستاردى كوبىرەك بەرىپ، ناقتى شارالاردى كوبىرەك ۇسىنىپ، جاڭالىق اشۋ شارالارىن كوبىرەك قاراستىرىپ، ساياسي جاقتان كەڭەسۋ، دەموكراتيالىق باقىلاۋ، ۇكىمەت ىسىنە ات سالىسۋ، ۇكىمەت ٴىسىن كەڭەسۋ فۋنكتسياسىن مۇقيات اتقارىپ، ٴىس جۇزىندىك ارەكەتىمىز ارقىلى پارتيا 20 - قۇرىلتاي رۋحىنىڭ ىلەدە تياناقتانىپ، ٴونىم بەرۋىن ىلگەرىلەتەمىز».