ساياسي كەڭەس مۇشەلەرى ۇكىمەت قىزمەتىنەن باياندامانى قىزۋ تالقىلادى

شىنايى لەبىز ٴبىلدىرىپ، الىمدى اقىل ايتىپ، دامۋدى تىلگە تيەك ەتتى

تىلشىلەرىمىز لۋ جۇڭ، ۋاڭ ليلي، ۋاڭ لىلى حابارلايدى. ابزالدىققا يە كاسىپ سالاسىن جەتىلدىرىپ، زورايتىپ، وسى زامانعى كاسىپ سالاسىنىڭ دەڭگەيىن ٴوسىرىپ، دارەجەسىن جوعارىلاتۋدى ىلگەرىلەتىپ، نەگىزدىك قۇرىلعى جاعىنداعى ولقىلىقتاردى جەدەل تولىقتاپ، ٴونىمدى قارجى قوسۋدىڭ شەشۋشى رولىن اناعۇرلىم ويداعىداي ساۋلەلەندىرىپ، جوعارى دەڭگەيدە سىرتقا ەسىك اشۋدى ىلگەرىلەتىپ، جىبەك جولى ەكونوميكالىق بەلدەۋى وزەكتى رايونىنىڭ ماڭىزدى تىرەكتىك قۇرىلىسىن جەدەلدەتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىن دامىتىپ، شارۋالاردىڭ كىرىسىن ارتتىرۋدى جەبەۋ كەرەك... 1 - ايدىڭ 4 - كۇنى تۇستەن كەيىن ىلە وبلىستىق 15 - كەزەكتى حالىق قۇرىلتايىنىڭ 2 - ٴماجىلىسى قۇلجا قالاسىندا اشىلدى. وبلىس باستىعى ەلشات تۇرسىنباي ۇلى اۆتونوميالى وبلىستىق حالىق ۇكىمەتى اتىنان ماجىلىستە ۇكىمەت قىزمەتىنەن بايانداما جاسادى.

ساياسي كەڭەس اۆتونوميالى وبلىستىق 14 - كەزەكتى كوميتەتىنىڭ 2 - ماجىلىسىنە قاتىناسقان ساياسي كەڭەس مۇشەلەرى ۇكىمەت قىزمەتىنەن باياندامانى تىڭداعاننان كەيىن، ٴبىر اۋىزدان بىلاي دەپ قارادى: «ۇكىمەت قىزمەتىنەن باياندامانىڭ تۇرعىسى بيىك، ناتيجە وبيەكتيۆ تۇرعىدان شىنايى قورىتىندىلانعان، ورنالاستىرىلعان قىزمەت شارالارى پارمەندى، العا قويىلعان نىساناسى ناقتى، عىلمي بولعان. بۇل شىندىققا جۇگىنىپ، ناقتى ٴىس ىستەگەن، كۇش - قۋات ۇيىستىرعان، ادامدى العا باسۋعا جەبەيتىن بايانداما بولدى، ٴسوز جوق، وبلىسىمىزداعى ٴار ۇلت حالقىنىڭ تاماشا جوبانى جۇزەگە اسىرۋ سەنىمى مەن بەكىمىن بارىنشا كۇشەيتەدى».

وبلىستىق ساياسي كەڭەستىڭ مۇشەسى، قورعاس ەكونوميكالىق اشۋ رايونى قۇلجا باقشا رايونى ەكونوميكا - ساۋدانى دامىتۋ مەكەمەسىنىڭ باستىعى گى چۋانحۇي بىلاي دەدى: «ۇكىمەت قىزمەتىنەن بايانداماداعى ٴتۇرلى قوعامدىق دامۋ كورسەتكىشتەرىن وبلىستىق پارتكوم مەن ۇكىمەت ەگجەي - تەگجەيلى تەكسەرىپ - زەرتتەگەننەن كەيىن عىلمي العا قويدى. كورسەتكىش ىلە وبلىسىنىڭ ٴىس جۇزىندىگىنە ۇيلەسەدى، شىنايى اتقارۋعا بولادى. ۇكىمەت قىزمەتىنەن باياندامادا ابزالدىققا يە كاسىپ سالالارىن جەتىلدىرىپ، زورايتىپ، وسى زامانعى كاسىپ سالالارىنىڭ دەڭگەيىن ٴوسىرىپ، دارەجەسىن جوعارىلاتۋدى ىلگەرىلەتۋ العا قويىلدى. قورعاس ەكونوميكالىق اشۋ رايونى نىسانداردى نەگىز ەتۋگە تاباندى بولىپ، ٴونىمدى قارجى قوسۋدى كەڭەيتىپ، ٴتۇيىندى نىساندار قۇرىلىسىن كۇش سالا ىلگەرىلەتىپ، ساۋداگەر شاقىرىپ، قارجى ەنگىزۋ تەبىنىن ارتتىرىپ، بۇكىل وبلىستىڭ ٴتۇرلى مىندەت، نىسانالارىن ورىنداۋىنا ٴبىر كىسىلىك ۇلەس قوسادى».

وبلىستىق ساياسي كەڭەستىڭ مۇشەسى، شاۋەشەك قالاسى قارا جورعا باعىمشىلىق كاسىپتىك سەلبەستىك كووپەراتيۆىنىڭ زاڭدىق يەسى ليۋ حايلۇڭ بىلاي دەدى: «ۇكىمەت قىزمەتىنەن باياندامادا اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىن دامىتىپ، شارۋالاردىڭ كىرىسىن ارتتىرۋدى جەبەۋ ورتاعا قويىلدى. سەلبەستىك كووپەراتيۆىنىڭ جاۋاپتىسى بولعان مەن بۇدان تەرەڭ شابىت الدىم. بيىل سەلبەستىك كووپەراتيۆىمىز باعىمشىلىق كولەمىن ونان ارى كەڭەيتىپ، مال تۇقىمىن جاقسارتىپ، ٴتىپتى دە كوپ شارۋانى سەلبەستىك كووپەراتيۆىنە قاتىناستىرىپ، ٴونىمدى، كىرىستى ارتتىرۋدى جۇزەگە اسىرادى».

وبلىستىق ساياسي كەڭەستىڭ مۇشەسى، قورعاس جين - ي حالىقارالىق ساۋدا (توبى) شەكتى سەرىكتەستىگىنىڭ باس جوراسى يۇي چىڭجۇڭ بىلاي دەدى: «ۇكىمەت قىزمەتىنەن باياندامادا سىرتقا ەسىك اشۋدى جوعارى دەڭگەيدە ىلگەرىلەتىپ، جىبەك جولى ەكونوميكالىق بەلدەۋى وزەكتى رايونىنىڭ ماڭىزدى تىرەكتىك قۇرىلىسىن جەدەلدەتۋ ورتاعا قويىلدى. قورعاس − سىرتقا ەسىك اشۋداعى العى قامال، سەرىكتەستىگىمىز − قورعاستا 20 جىل تيجارات جۇرگىزگەن كاسىپورىن، بيىل كاسىپورىن بازا قۇرىلىسىنىڭ تەبىنىن ارتتىرىپ، <ەكى بازاردان، ەكى ٴتۇرلى بايلىقتان> ويداعىداي پايدالانىپ، ىلەنىڭ اناعۇرلىم كوپ ساپالى اۋىل شارۋاشىلىق ونىمدەرىن ورتا ازيا مەن رەسەي بازارىنا ەكسپورت ەتەدى».

ۇكىمەت قىزمەتىنەن باياندامادا مىنالار العا قويىلدى: «حالىق تۇرمىسىن بار كۇشپەن قامتاماسىز ەتىپ جانە جاقسارتىپ، ٴار ۇلت بۇقاراسىنىڭ ىرىس - قۇتىن ۇزدىكسىز مولايتۋ كەرەك». وبلىستىق ساياسي كەڭەستىڭ مۇشەسى، تارباعاتاي ايماقتىق حالىق ىستەرى مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى جاڭ حۇڭ بىلاي دەدى: «ۇكىمەت قىزمەتىنەن باياندامانى تىڭداپ قاتتى جەلپىنىپ، تەرەڭ اسەرلەندىم. جاڭا ٴبىر جىلدا ٴبىز حالىققا دەگەن سۇيىسپەنشىلىكتەن جازباي، حالىق ٴۇشىن قىزمەت ەتۋ قىزمەت جاۋاپكەرشىلىگىمىزدى بەرىك ساقتاپ، حالىق تۇرمىسىن بار كۇشپەن قامتاماسىز ەتۋىمىز جانە جاقسارتۋىمىز كەرەك. بىرگە بايۋدى ىلگەرىلەتۋ بارىسىندا جاڭالىق اشا ىزدەنىس جاساپ، قوعامدىق قۇتقارۋ - كومەكتەسۋ جۇيەسىن ساتىعا، تۇرگە ٴبولىپ كەمەلدەندىرىپ، نەگىزگى حالىق تۇرمىسىن قامتاماسىز ەتۋدىڭ تومەنگى شەگىن ۇزدىكسىز بەكەمدەپ، تومەن كىرىستى قاۋىمدى دامۋ جەتىستىكتەرىنەن اناعۇرلىم كوپ، اناعۇرلىم ٴادىل يگىلىكتەندىرۋىمىز؛ اۋىل - قىستاقتى، الەۋمەتتىك اۋماقتاردى جونگە سالۋدى كۇشەيتىپ، حالىق بۇقاراسىنىڭ باقىتتى مەكەنىن قۇرىپ، ادامداردىڭ وسى زامانعى اۋىل - قىستاقتاردا، الەۋمەتتىك اۋماقتاردا تۇرمىس كەشىرۋىن اناعۇرلىم قولايلى، اناعۇرلىم الاڭسىز ەتۋىمىز؛ الەۋمەتتىك قىزمەت وتەۋ ورەسىن جوعارىلاتىپ، بۇقارانىڭ تۇرمىسىن اناعۇرلىم باي مازمۇندى ەتۋىمىز كەرەك».