اۆتونوميالى وبلىستىق  15 - كەزەكتى حالىق قۇرىلتايىنىڭ 2 - ٴماجىلىسى 2 - رەتكى جالپى جيىنىن وتكىزدى

وبلىستىق حالىق قۇرىلتايى تۇراقتى كوميتەتى مەن وبلىستىق سوت مەكەمەسىنىڭ، وبلىستىق پروكۋراتۋرانىڭ قىزمەت بايانداماسىن تىڭدادى جانە قارادى

تىلشىلەرىمىز ما چىڭلۋ، كاميلا حالمۇرات حابارلايدى. 1 - ايدىڭ 6 - كۇنى تۇستەن بۇرىن اۆتونوميالى وبلىستىق 15 - كەزەكتى حالىق قۇرىلتايىنىڭ 2 - ٴماجىلىسى 2 - رەتكى جالپى جيىنىن وتكىزىپ، اۆتونوميالى وبلىستىق حالىق قۇرىلتايى تۇراقتى كوميتەتىنىڭ قىزمەت بايانداماسىن، اۆتونوميالى رايوندىق جوعارى حالىق سوت مەكەمەسى ىلە قازاق اۆتونوميالى وبلىستىق بولىمشەسىنىڭ قىزمەت بايانداماسىن، اۆتونوميالى وبلىستىق حالىق پروكۋراتۋراسىنىڭ قىزمەت بايانداماسىن تىڭدادى جانە قارادى.

ٴماجىلىستىڭ اتقارۋشى ٴتوراعاسى جاۋ تيانجيە جيىندى باسقاردى. ٴماجىلىستىڭ اتقارۋشى ٴتوراعالارى جاۋ تيانجيە، ٴامينا ٴۋالقان قىزى، ٴسابيت قازەز ۇلى، يۇي ميڭحاي، تۇرسىنباي دانابەك ۇلى، شاحبايىر بالدىن، ايتان اتىكەن ۇلى، ٴپاريدا جۇماباي قىزى، وركەن نۇرلان ۇلى، تۇڭ شۋەچين ٴتوراعالار مىنبەسىنىڭ الدىڭعى قاتارىنان ورىن الدى. 

پۋ شۋەمەي، ەلشات تۇرسىنباي ۇلى، نياز اشىم، جياۋ ي - مين، سەرجان ۇعىباي ۇلى، حاۋ جيانمين، جۋ بين، رازبەك قامزا ۇلى، جياۋ شياۋفان، ٴنابيجان يبىرايىم، ياڭ شينپيڭ، قايرات اشىك ۇلى، ٴرازيا ابليز، اقجول انەش ۇلى، ابليكىم نۇرانبەك، سۇن پىڭ، جاڭارسىن نۇراش ۇلى، دۇڭ شاۋفي، ليۋ چيڭحۋا، راپقات توحتام، ما تاۋ، لي ۋەي جانە تارباعاتاي ايماعىنىڭ، التاي ايماعىنىڭ حالىق قۇرىلتايىنىڭ باسشىلارى، وبلىستىق سوتتىڭ، پروكۋراتۋرانىڭ نەگىزگى باسشىلارى جانە ٴتوراعالار القاسىنىڭ باسقا مۇشەلەرى ٴتوراعالار مىنبەسىنەن ورىن الدى. 

جيىنعا قاتىناسۋعا ٴتيىستى ۋاكىل 447 ادام، سول كۇنى ماجىلىسكە قاتىناسقان ۋاكىل 391 ادام، بۇل زاڭدا بەلگىلەنگەن ادام سانىنا ۇيلەسەدى. 

اۆتونوميالى وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىسى نياز اشىم ماجىلىسكە قىزمەتتەن بايانداما جاسادى. ول بىلاي دەدى: 2022 - جىلى اۆتونوميالى رايوندىق پارتكوم مەن وبلىستىق پارتكومنىڭ دۇرىس باسشىلىعىندا، وبلىستىق حالىق قۇرىلتايى تۇراقتى كوميتەتى نازاردى پارتيا ورتالىق كوميتەتىنىڭ شەشىمدەرى مەن ورنالاستىرۋلارىنا باسا شوعىرلاندىرىپ، ورتالىقتىڭ جانە اۆتونوميالى رايوندىق، اۆتونوميالى وبلىستىق پارتكومنىڭ حالىق قۇرىلتايى قىزمەتى ماجىلىستەرىنىڭ رۋحىن كۇش سالا تياناقتاندىرىپ، حالىق قۇرىلتايى قىزمەتىندە قابىلەتتى كۇشەيتىپ، دەڭگەيدى جوعارىلاتۋدى ىلگەرىلەتتى؛ ساياسي تانىمدى كۇشەيتىپ، ساياسي قاسيەتكە تاباندى بولىپ، كەلەلى، ماڭىزدى ىستەردە حالىق قۇرىلتايىنىڭ جاۋاپكەرشىلىك ارقالاۋىن ايگىلەدى؛ زاڭمەن باسقارۋ ۇستانىمىن بەرىك ورناتۋدى كۇشەيتىپ، شينجياڭدى زاڭمەن باسقارۋ قىزمەت تالابىنىڭ حالىق قۇرىلتايى قىزمەتىندە تەرەڭدەۋىن، ناقتىلانۋىن كۇش سالا ىلگەرىلەتتى؛ زاڭ شىعارۋ قىزمەتىن ۇزدىكسىز تەرەڭدەتىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋگە زاڭمەن باسقارۋ قامتاماسىزدىعىن ازىرلەدى؛ زاڭنىڭ اتقارىلۋ جاعدايىن باقىلاۋدى، تەكسەرۋدى تيتتەي دە بوساڭسىتپاي كۇشەيتىپ، ٴتۇرلى قىزمەتتىڭ باستان - اياق زاڭمەن باسقارۋ ارناسىندا جۇرگىزىلۋىن ىلگەرىلەتتى؛ جوسپار، مەجە ەسەپتى جانە مەملەكەت مەنشىگىندەگى مال - مۇلىكتى باقىلاۋدى ۇزدىكسىز كۇشەيتىپ، تۇتاس وبلىس ەكونوميكاسىنىڭ ورنىقتى، اقاۋسىز اينالىمىن كۇش سالا جەبەدى؛ قورشاعان ورتانى قورعاۋدىڭ جىلدىق نىسانا - مىندەتتەرىنىڭ ورىندالۋ احۋالىن ٴجىتى قاداعالاپ، ۇكىمەتتىڭ قورشاعان ورتانى قورعاۋ قىزمەتىندەگى ولقىلىقتاردى تولىقتاۋىن ىلگەرىلەتتى؛ حالىق تۇرمىسىنداعى قولامتالى تۇيىندەرگە باسا نازار اۋدارىپ، وقۋ - اعارتۋ ىستەرى مەن قونىستانۋ ورتاسىنىڭ حالىقتىڭ تىلەگىنە اناعۇرلىم ويداعىداي ۇيلەسۋىن ىلگەرىلەتتى؛ جالپى بارىستىق حالىق دەموكراتياسىن دامىتۋدى دانەكەر ەتىپ، ۋاكىلدەردىڭ تۇلعالىق رولىن ساۋلەلەندىرۋدى جەبەدى؛ تارباعاتاي جانە التاي ايماقتىق حالىق قۇرىلتايى قىزمەت كوميتەتىنىڭ رولىن بەلسەندى ساۋلەلەندىرۋىن بار كۇشپەن قولداپ، ەكى ايماقتىڭ اناعۇرلىم ويداعىداي دامۋدى جۇزەگە اسىرۋىنا دەم بەرىپ ىلگەرىلەتتى. تۇتاس جىلدا ارناۋلى تاقىرىپتا تەكسەرۋ - زەرتتەۋدى، زاڭنىڭ اتقارىلۋىن تەكسەرۋدى، ۋاكىلدەردىڭ كوزدەن كەشىرۋىن 10 رەت ۇيىمداستىرىپ، تارباعاتاي جانە التاي ايماقتىق حالىق قۇرىلتايى قىزمەت كوميتەتىن 8 رەت ارناۋلى تاقىرىپتا تەكسەرۋ - زەرتتەۋ جانە زاڭنىڭ اتقارىلۋىن تەكسەرۋ قىزمەتىن ورىستەتۋگە مىندەتتەپ، 8 قۇندى تەكسەرۋ - زەرتتەۋ بايانداماسىن جان - جاقتى قالىپتاستىردى. تۇتاس جىلدا 18 رەت تۇراقتى كوميتەت ٴماجىلىسىن، مەڭگەرۋشىلەر ٴماجىلىسىن اشىپ، ۇكىمەتتىڭ، باقىلاۋ - تەكسەرۋ كوميتەتىنىڭ، حالىق سوتى مەكەمەسىنىڭ، پروكۋراتۋرانىڭ 14 قىزمەت بايانداماسىن تىڭدادى جانە قارادى. قوعامداعى ٴارقايسى جاقتىڭ زاڭ شىعارۋ قىزمەتىنە قاتىناسۋىنىڭ كەڭدىگى مەن تەرەڭدىگىن ۇلعايتىپ، نەگىزگى ساتىلاردا زاڭ شىعارۋ جونىندە بايلانىس جاسايتىن 7 ٴتۇيىندى قۇرىپ، ىلگەرىندى - كەيىندى 4 رەت زاڭ شىعارۋ جونىندە تەكسەرۋ - زەرتتەۋ جۇرگىزىپ، 10 رەت اڭگىمە ٴماجىلىسىن اشىپ، زاڭ شىعارۋ جونىندە 28 ۇسىنىس جيناپ، زاڭ شىعارۋدىڭ 5 جىلدىق پلانى مەن جىلدىق جوسپارىن عىلمي جاساپ، زاڭ شىعارۋ قىزمەتىنىڭ جوسپارلى، ساتىلى، ٴتۇيىندى تۇردە ورىستەتىلۋىنە شىنايى كەپىلدىك ەتتى. ۇكىمەتتىڭ، باقىلاۋ - تەكسەرۋ كوميتەتىنىڭ، حالىق سوتى مەكەمەسىنىڭ، حالىق پروكۋراتۋراسىنىڭ ۋاكىلدەرى العا قويعان 5 كەڭەستىك جوبانى، 168 ۇسىنىستى ناقتى، جاندى ٴبىر جاقتى ەتۋىن ىلگەرىلەتىپ، ۋاكىلدەردىڭ كەڭەستىك جوباسىن، ۇسىنىستارىن ٴبىتىرۋدى دامۋدى جەبەيتىن، حالىق تۇرمىسىنا تيىمدىلىك جاسايتىن، جۇرت كوڭىلىن مەيىرگە بولەيتىن ساياسات - شارالارعا شىنايى، ٴونىمدى اينالدىرىپ، «حالىقتىڭ ۇنىنە جاۋاپ قاتۋ» دەيتىن ايبىندى ۋادەنى ورىندادى. ول مىنانى ٴبىلدىردى: 2023 - جىلى وبلىستىق حالىق قۇرىلتايى تۇراقتى كوميتەتى تۋراشىلدىقتان تايماي، جاڭالىق اشۋعا ۇزدىكسىز كۇش سالىپ، جاۋاپكەرشىلىك ارقالاپ، ىسكەرلىك كورسەتۋ جاعىنا شىنايى كۇش سالىپ، تياناقتاندىرۋدى ىلگەرىلەتۋ جاعىندا شىنايى ەرەجە شىعارۋعا تالپىنىپ، حالىق قۇرىلتايى قىزمەتىنىڭ جوعارى ساپالى دامۋىن ۇزدىكسىز ىلگەرىلەتەدى. پارتيانىڭ حالىق قۇرىلتايى قىزمەتىنە جاپپاي باسشىلىعىنا بۇلجىماي تاباندى بولىپ، جاڭا داۋىردەگى حالىق قۇرىلتايىنىڭ زاڭ شىعارۋ قىزمەتىن ىشكەرىلەي ويداعىداي ىستەپ، جاڭا داۋىردەگى حالىق قۇرىلتايىنىڭ باقىلاۋ قىزمەتىن ىشكەرىلەي جاقسى ىستەپ، جاڭا داۋىردەگى حالىق قۇرىلتايى ۋاكىلدەرى قىزمەتىن ىشكەرىلەي جاقسى ىستەپ، جاڭا داۋىردە حالىق قۇرىلتايىنىڭ وزىندىك قۇرىلىسىن ىشكەرىلەي كۇشەيتىپ، حالىق قۇرىلتايى قىزمەتىنىڭ كۇش جالعاپ العا باسۋىن ۇزدىكسىز ىلگەرىلەتىپ، جاڭا ٴداۋىر، جاڭا جورىقتا كورىكتى ىلە قۇرىلىسىنىڭ جاڭا جاعدايىن اشۋعا اناعۇرلىم زور ۇلەس قوسادى.

اۆتونوميالى رايوندىق جوعارى دارەجەلى حالىق سوتى مەكەمەسى ىلە قازاق اۆتونوميالى وبلىستىق بولىمشەسىنىڭ باستىعى باۋىرجان بەكتۇرعان ۇلى قىزمەت بايانداماسىندا بىلاي دەدى: «وتكەن ٴبىر جىلدا اۆتونوميالى وبلىستىق پارتكومنىڭ دۇرىس باسشىلىعىنىڭ، حالىق قۇرىلتايى مەن ونىڭ تۇراقتى كوميتەتىنىڭ پارمەندى باقىلاۋىنىڭ، ۇكىمەتتىڭ زور كۇشپەن قولداۋىنىڭ، ساياسي كەڭەستىڭ دەموكراتيالىق باقىلاۋىنىڭ جانە جوعارى دارەجەلى سوت مەكەمەسىنىڭ كومەگى مەن جەتەكشىلىگىنىڭ ارقاسىندا، ىلە وبلىستىق بولىمشە سوت مەكەمەسى بۇكىل وبلىستاعى سوت مەكەمەلەرىندەگى كادرلار مەن ساقشىلاردى باستاپ، نەگىزگى زاڭ مەن زاڭداردا جۇكتەلگەن مىندەتىن ادالدىقپەن وتەدى، جالپى جاعدايعا قىزمەت وتەپ، ٴادىليانى حالىق ٴۇشىن جۇرگىزىپ، ٴادىليادا ٴادىل بولىپ، حالىق بۇقاراسىنا ٴاربىر ٴادىليالىق دەلودان ادىلدىك پەن ادىلەتتىلىكتى سەزىندىرۋگە كۇش سالدى. وبلىسىمىزداعى سوت مەكەمەلەرى 86 مىڭ 891 دەلونى قاراپ اياقتاتىپ، دەلونىڭ اياقتالۋ مولشەرى %90 كە جەتتى، وبلىسىمىزداعى سوت مەكەمەلەرىنىڭ سوت جۇرگىزۋ، اتقارۋ جاعىنداعى جالپىلىق باعالاۋ ناتيجەسى بۇكىل رايونداعى سوت مەكەمەلەرىنىڭ الدىڭعى قاتارىنان ورىن الدى».

اۆتونوميالى وبلىستىق حالىق پروكۋراتۋراسىنىڭ باس پروكۋرورى جاڭابەك تولەگەتاي ۇلى قىزمەت بايانداماسىندا بىلاي دەدى: 2022 - جىلى اۆتونوميالى وبلىستىق پروكۋراتۋرا ورگاندارى وبلىستىق پارتكوم مەن جوعارى دارەجەلى پروكۋراتۋرا ورگاندارىنىڭ دۇرىس باسشىلىعىندا، نەگىزگى زاڭ مەن زاڭدار جۇكتەگەن مىندەتىن ادالدىقپەن اتقارىپ، تىنىش ىلە، زاڭمەن باسقارىلاتىن ىلە قۇرىلىسىن ىلگەرىلەتۋگە بەلسەندى ۇلەس قوستى.

اۆتونوميالى وبلىستىق 15 - كەزەكتى حالىق قۇرىلتايىنىڭ 2 - ماجىلىسىنە سىرتتاي قاتىناسۋشىلار بۇل رەتكى ماجىلىسكە سىرتتاي قاتىناستى.