ٴتىلشىمىز كاميلا حالمۇرات حابارلايدى. 1 - ايدىڭ 6 - كۇنى اۆتونوميالى وبلىستىق 15 - كەزەكتى حالىق قۇرىلتايى 2 - ٴماجىلىسى كەڭەس جوبالارىن تەكسەرۋ كوميسسياسىنىڭ جيىنىن اشتى. اۆتونوميالى وبلىستىق 15 - كەزەكتى حالىق قۇرىلتايىنىڭ كەڭەس جوبالارىن تەكسەرۋ كوميسسياسىنىڭ مەڭگەرۋشى مۇشەسى ٴرازيا ابليز جيىندى باسقاردى. 1 - ايدىڭ 6 - كۇنى ساعات 12 گە دەيىن ٴماجىلىس 10 نان استام ۋاكىل بىرلەسىپ العا قويعان 25 كەڭەس جوبانى تاپسىرىپ العان.

ٴماجىلىستىڭ كەڭەس جوبالاردى تەكسەرۋ كوميسسياسى «اۆتونوميالى وبلىستىق حالىق قۇرىلتايى ۋاكىلدەردىڭ كەڭەس جوبانى جانە  ۇسىنىس، سىن، پىكىرلەردى ٴبىتىرۋ ادىسىندەگى» بەلگىلەمەلەرگە ساي، ۋاكىلدەر تاپسىرعان كەڭەس جوبالاردى مۇقيات سارالاپ، تەكسەرىپ، مۇنىڭ ىشىندەگى ۇشەۋىن ٴتوراعالار القاسى ماجىلىسىنە ۇسىناتىن كەڭەس جوبا ەتىپ بەلگىلەۋدى، قالعان 22 سىن ۋاكىلدەردىڭ ۇسىنىس، سىن، پىكىرىنە اينالدىرۋدى بەلگىلەدى. بۇل ٴۇش كەڭەس جوبا مىناداي: تىلەۋبەك اقىلىبەك ۇلى قاتارلى 10 ۋاكىل العا قويعان «<ىلە قازاق اۆتونوميالى وبلىسىنىڭ ۇلتتار ىنتىماعى، العاباسارلىعىنداعى ۇلگىلى وبلىس قۇرۋ ەرەجەسىن> جاساۋ جونىندەگى كەڭەس جوبا»، گۇلنۇر تۇراش قىزى قاتارلى 10 ۋاكىل العا قويعان «ىلە وبلىسىنىڭ تۇقىم شارۋاشىلىعى ينجەنەرياسىن ىلگەرىلەتۋ جونىندەگى كەڭەس جوبا»، ٴادىل بەكقوجا ۇلى قاتارلى 10 ۋاكىل العا قويعان «ەسكى سالت - سانانى وزگەرتىپ، قوعامدىق جاڭا سالتقا جەتەكشىلىك ەتۋدى دارىپتەۋ جونىندەگى كەڭەس جوبا».

مۇنان تىس، ٴماجىلىستىڭ كەڭەس جوبا گرۋپپاسى ۋاكىلدەر العا قويعان 147 ۇسىنىس، سىن جانە پىكىردى تاپسىرىپ الدى، ۇسىنىس، سىن جانە پىكىر رەتىندە بىتىرىلەتىن كەڭەس - جوبالار جيىنى 169 بولدى. مۇنىڭ ىشىندە عىلىم - تەحنيكا، وقۋ - اعارتۋ، مادەنيەت، دەنساۋلىق ساقتاۋ تۇرىندەگىسى 37، قاتىناس قۇرىلىسى تۇرىندەگىسى 27، اۋىل - قىستاقتى گۇلدەندىرۋ تۇرىندەگىسى 20، قورشاعان ورتانى قورعاۋ تۇرىندەگىسى 18، ەكونوميكانى دامىتۋ تۇرىندەگىسى 32، ساياحات، كاسىپ سالاسىن دامىتۋ تۇرىندەگىسى 6، قالا - اۋىل قۇرىلىسى جانە باسقارۋ تۇرىندەگىسى 13، حالىق تۇرمىسىن قامتاماسىزداندىرۋ تۇرىندەگىسى 7، ازاماتتىق ىستەر زاڭى تۇرىندەگىسى 6، باسقا تۇردەگىلەرى 3.

«اۆتونوميالى وبلىستىق حالىق قۇرىلتايىنىڭ ۋاكىلدەرى العا قويعان كەڭەس جوبالار مەن ۇسىنىستاردى، سىن جانە پىكىرلەردى ٴبىتىرۋ ادىسىندەگى» بەلگىلەمەلەرگە ساي، جوعارىداعى كەڭەس جوبالار مەن ۇسىنىستارعا، سىن، پىكىرلەرگە قاراتا ٴماجىلىس اياقتاعان سوڭ، اۆتونوميالى وبلىستىق حالىق قۇرىلتايى تۇراقتى كوميتەتىنىڭ قاتىستى ٴىس ٴبىتىرۋ ورگاندارى ٴبىتىرۋ پىكىرىن العا قويادى. اۆتونوميالى وبلىستىق حالىق قۇرىلتايى تۇراقتى كوميتەتى مەڭگەرۋشىلەر جيىنىندا اقىلداسقاننان كەيىن، جەكە - جەكە اۆتونوميالى وبلىستىق حالىق ۇكىمەتىنىڭ، باقىلاۋ - تەكسەرۋ كوميتەتىنىڭ، حالىق سوتى مەكەمەسىنىڭ، حالىق پروكۋراتۋراسىنىڭ، تارباعاتاي، التاي ايماقتىق اكىمشىلىك مەكەمەسىنىڭ سونداي - اق قاتىستى تاراۋلاردىڭ بىتىرۋىنە تاپسىرىلادى ٴارى حالىق قۇرىلتايى ۋاكىلدەرىنە جاۋاپ قايتارىلادى.

ٴماجىلىس كەڭەس جوبالاردى تەكسەرۋ كوميسسياسىنىڭ كەڭەس جوبالاردى تەكسەرۋ بايانداماسىن (جوبا) ٴتوراعالار القاسىنىڭ 4 - جيىنىنىڭ قاراۋىنا ۇسىنۋدى ۇيعاردى.