ىلە وبلىسى 2022 - جىلعى اۆتونوميالى رايوننىڭ ”ەكى ماڭىزدى نىسان“جانە  ”مەڭگەرمە - ايماق دارەجەلى ورىندار بىرلەسىپ قيمىلداۋ“ بويىنشا نىساندا جۇمىس باستاۋ ٴماجىلىسىن اشتى

كەلەلى عىلىم ـ تەحنيكا نىساندارى مەن ٴتۇيىندى زەرتتەۋ ـ اشۋ مىندەتى نىساندارىن ۇزدىكسىز ىلگەرىلەتەيىك

 ٴتىلشىمىز مىڭ شيا حابارلايدى. ىلە وبلىسى 2 - ايدىڭ 23 - كۇنى 2022 - جىلعى اۆتونوميالى رايوننىڭ ”ەكى ماڭىزدى نىسان“ جانە ”مەڭگەرمە - ايماق دارەجەلى ورىندار بىرلەسىپ قيمىلداۋ“ بويىنشا نىسانىندا جۇمىس باستاۋ ٴماجىلىسىن اشتى، بۇل ىلە وبلىسىنىڭ كەلەلى عىلىم - تەحنيكا نىساندارى مەن ٴتۇيىندى زەرتتەۋ - اشۋ مىندەتى نىساندارىن جەدەل ٴارى ۇزدىكسىز ىلگەرىلەتەتىندىگىن بىلدىرەدى. 

كەلەلى عىلىم - تەحنيكا نىساندارى مەن ٴتۇيىندى زەرتتەۋ - اشۋ مىندەتى نىساندارى − عىلىم - تەحنيكانى دامىتۋدىڭ دانەكەرى. جۋىق جىلداردان بەرى اۆتونوميالى رايوندىق پارتكوم ٴتۇيىندى سالالارداعى شەشۋشى، وزەكتى تەحنيكالاردان قامال الۋعا وسكەلەڭ ٴمان بەرىپ، كەلەلى عىلىم ـ تەحنيكالىق ارناۋلى نىساندارعا جانە ٴتۇيىندى زەرتتەۋ ـ اشۋ مىندەتتەرىنە ارناۋلى قولداۋ كورسەتۋ ارقىلى كاسىپ تىزبەگىندە جاڭالىق اشۋدىڭ ىشكەرىلەي توعىسۋىن جەبەپ، عىلىم ـ تەحنيكادا جاڭالىق اشۋ ارقىلى جەتەكشىلىك ەتۋدى كۇشەيتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا پارمەندى قولداۋ كورسەتتى. 2022 - جىلعى اۆتونوميالى وبلىس قازىناسىنىڭ عىلىم - تەحنيكا شىعىسى 277 ميلليون يۋان بولىپ، جاڭالىق اشۋ سيپاتىنداعى ىلە قۇرىلىسىن پارمەندى قارجى كەپىلىنە يە ەتتى. 2022 - جىلى ىلە قازاق اۆتونوميالى وبلىسى ونەركاسىپ، اۋىل شارۋاشىلىعى سالالارىنا ساياتىن 5 ”ەكى ماڭىزدى نىساندى“ جانە 2 ”مەڭگەرمە جانە ايماق دارەجەلى ورىندار بىرلەسە قيمىلداۋ“ نىسانىن ٴساتتى تۇراقتاندىرىپ، ”مەڭگەرمە جانە ايماق دارەجەلى ورىندار بىرلەسىپ قيمىلدايتىن“ نىسانداردىڭ جوق بولۋ بوستىعىن تولىقتادى. 

سول كۇنى ىلە پەداگوگيكا داشۋەسىنىڭ ”سابان - توپاندى پارشالاپ ىدىراتىپ، ٴىرى مولەكۋلالى سۋدا ەريتىن تىڭايتقىشتى، بيولوگيالىق نەگىزدى ىلعالدىقتى ساقتاۋ جارعاعىن، سونداي - اق ەكولوگيانى قالپىنا كەلتىرۋدىڭ جاڭا تەحنيكاسىن، جاڭا ونىمدەرىن، جاڭا جابدىقتارىن زەرتتەۋ - اشۋ“، ىلە وبلىستىق اۋىل شارۋاشىلىق عىلمي زەرتتەۋ ورنىنىڭ ”ىلە وزەنى اڭعارىنداعى نەگىزگى استىق داقىلدارىن جاسىل وندىرۋدەگى شەشۋشى تەحنيكانى زەرتتەۋ - اشۋدى“، ىلە سانجياڭ جۇڭحۇي بيو عىلىم - تەحنيكا شەكتى سەرىكتەستىگىنىڭ ”ٴتاتتى كۇرەڭكەيدى جوعارى قۇندى امبەباپ پايدالانۋدىڭ شەشۋشى تەحنيكاسىن زەرتتەۋ“، تيانران فاڭشياڭ اۋىل شارۋاشىلىق عىلىم - تەحنيكا شەكتى سەرىكتەستىگىنىڭ ”ەرەكشە جۇپار ٴشوپ كاسىبىنىڭ شەشۋشى تەحنيكاسىن زەرتتەپ اشۋ“ سىندى 4 نىساندى ۇستىنە العان ورىندار مەن  تارماق زەرتتەۋ تاقىرىبىنا جاۋاپتىلارى جەكە - جەكە ناق مايداندا مالىمەت بەرۋ جانە جەلىدەن تىس اۋىس - كۇيىس جاساۋ ٴتاسىلى ارقىلى ٴتۇرلى نىسانداردىڭ ىلگەرىلەتىلۋ جاعدايىنان مالىمەت بەردى جانە ونى كورسەتتى. اۆتونوميالى رايوندىق عىلىم - تەحنيكا مەڭگەرمەسى، ىلە وبلىستىق عىلىم - تەحنيكا مەكەمەسى سياقتى ورىندار ماجىلىسكە قاتىناستى. 

ىلە وبلىستىق اۋىل شارۋاشىلىق عىلمي زەرتتەۋ ورنىنىڭ ٴبيداي زەرتتەۋ كەڭسەسىنىڭ مەڭگەرۋشىسى سۇن نا بىلاي دەدى: توپىراقتى قۇنارلاندىرۋ نەگىزىندە تىڭايتقىش بەرۋ، سۋ مەن تىڭايتقىشتى ٴبىر تۇلعالاندىرىپ ازىرلەۋ، تىڭايتقىشتى، ەگىس دارىلەرىن ازايتۋ، سۋ ۇنەمدەپ  ونىمدىلىكتى ارتتىرۋ، دەرت ـ دەربەز، زياندى جاندىكتەردەن جاسىل ٴتۇستى جان ـ جاقتى ساقتانۋ ـ تىزگىندەۋ سياقتى شەشۋشى تەحنيكالىق زەرتتەۋ ارقىلى ىلە وزەنى اڭعارىنداعى نەگىزگى استىق داقىلدارىن ەگۋ دەڭگەيىن جوعارىلاتىپ، استىق حاۋىپسىزدىگى مەن باياندى دامۋدى تەحنيكالىق تىرەكپەن قامدايمىز، قازىر قىزمەت ورىستەتىلۋدە.

ورتالىق ۇيىمداستىرۋ ٴبولىمىنىڭ 10 ـ توپتا شينجياڭعا كومەككە جىبەرگەن كادر، ىلە پەداگوگيكا داشۋەسى حيميا جانە قورشاعان ورتا عىلىمى شۋەيۋانىنىڭ ورىنباسار باستىعى چيان دا ـ ي بىلاي دەدى: ٴبىزدىڭ نىساندارىمىز جابدىق تەحنيكاسىن زەرتتەپ اشۋعا كۇش سالىپ، كەلەلى عىلىم ـ تەحنيكادا جاڭالىق اشۋ مەن عىلىم ـ تەحنيكا جەتىستىكتەرىن جابدىقتارعا شوعىرلاندىرىپ، وسى جابدىق ارقىلى سابان ـ توپاندى سۋدا ەريتىن تىڭايتقىشقا، ىدىرايتىن قاعاز جارعاققا اينالدىرىپ، ساباندى جاپپاي بايلىققا اينالدىرىپ پايدالانۋدى جۇزەگە اسىرۋ. بيىل جابدىقتاردى جاساپ پايدالانۋعا قول جەتكىزىپ، 2024 ـ جىلى جابدىقتاردى وزەكتى ورىنداردا ۇلگى كورسەتۋىن، 2025 ـ جىلى كولەمدەندىرىپ جالپىلاستىرۋدى جۇزەگە اسىرىپ، شينجياڭنىڭ جاسىل اۋىل شارۋاشىلىعىنىڭ جوعارى ٴونىمدى دامۋىنا دەم بەرەمىز.

ىلە وبلىستىق عىلىم ـ تەحنيكا مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ەربول ماعاۋ ۇلى مىنانى ٴبىلدىردى: نىساندا جۇمىس باستاۋ ماجىلىسىنەن كەيىن ولار اۆتونوميالى رايوننىڭ ”ەكى ماڭىزدى“ جانە ”مەڭگەرمە - ايماق دارەجەلى ورىندار بىرلەسىپ قيمىلدايتىن“ 4 نىساندى كادەگە جاراتۋدى، تياناقتاندىرۋدى كۇش سالا ىلگەرىلەتىپ، نىسانداردى ۇستىنە العان ٴارقايسى ورىندى نىساندارمەن بايلانىس جاساۋ مەحانيزمىن، قازىنالىق باسقارۋ مەحانيزمىن ورناتۋعا، كەمەلدەندىرۋگە قۋزايمىز. عىلىم - تەحنيكا باسقارۋ تاراۋى بولعاندىقتان وبلىستىق عىلىم - تەحنيكا مەكەمەسى كاسىپورىندارعا، جوعارى مەكتەپتەرگە، عىلمي زەرتتەۋ ورىندارىنا اناعۇرلىم ويداعىداي قىزمەت وتەپ، وبلىسقا توتە قاراستى ورىندارداعى عىلمي زەرتتەۋ كۇشتەرىن تەحنيكادا جاڭالىق جاراتۋعا جانە جالپىلاستىرىپ قولدانۋعا جەتەكتەپ جانە شابىتتاندىرىپ، مەملەكەتتىڭ، اۆتونوميالى رايوننىڭ ٴتۇرلى كەلەلى عىلىم - تەحنيكا ارناۋلى نىساندارى مەن ٴتۇيىندى زەرتتەۋ - اشۋ مىندەتى ارناۋلى نىساندارىنا ٴوتىنىش بەرۋگە شابىتتاندىرىپ، عىلمي زەرتتەۋ تەحنيكاسىندا جاڭالىق اشۋدان قامال الۋدى ۇزدىكسىز جۇزەگە اسىرادى، ىلە وبلىسى ەكونوميكاسىنىڭ جوعارى ساپالى دامۋىنا عىلىم - تەحنيكالىق تىرەك ازىرلەيمىز.