ساپا نەگىزىن بەكەمدەپ، ”ساپا جاعىندا قۋاتتى وبلىس قۇرۋعا“ قاراي قادام تاستادى

ىلە وبلىسى ساپانى جوعارىلاتۋ قيمىلىن كۇش سالا ورىستەتتى

 تىلشىلەرىمىز سۋ مين، دۋ لەي حابارلايدى. 3 - ايدىڭ 13 - كۇنى ىلە وبلىستىق بازاردى باقىلاۋ - باسقارۋ مەكەمەسىنىڭ كاسىپورىنعا قىزمەت وتەۋ اترەتى ىلە اراق شارۋاشىلىعى شەكتى جاۋاپكەرشىلىك سەرىكتەستىگىنە بارىپ، كاسىپورىن ونىمدەرىنىڭ ساپاسى، پاتەنت ٴوتىنىش ەتۋى جانە ولشەمدەندىرۋ قۇرىلىسى جاقتارىنا كاسىپتىك جاقتان جەتەكشىلىك ەتتى، بۇل ىلە وبلىسى ورىستەتكەن ساپانى جوعارىلاتۋ قيمىلىنىڭ ٴبىر مازمۇنى سانالادى. جاقىنعى جىلداردان بەرى ىلە وبلىسى ساپانى جوعارىلاتۋ ارەكەتىن كۇش سالا ورىستەتىپ، ساپا نەگىزىن ۇزدىكسىز بەكەمدەپ، ”ساپا جاعىندا قۋاتتى وبلىس قۇرۋعا“ قۇلشىنا قادام تاستادى.

 ىلە اراق شارۋاشىلىعى شەكتى جاۋاپكەرشىلىك سەرىكتەستىگىنىڭ اراق اشىتۋ سەحىندا، كاسىپورىننىڭ قىزمەت وتەۋ اترەتىندەگى قىزمەتكەرلەر اراقتىڭ اشىتىلۋ جاعدايىن، ۇرانى، ٴۇيىندى كەبەكتى مۇقيات تەكسەرىپ، اراق اشىتقىسىن قولدانىلۋ، قانتتانۋ ونىمدىلىگى سياقتىلاردى ۇعىسىپ، كاسىپورىننىڭ تەحنيكالىق وزگەرىس جاساۋ، اۆتوماتتاندىرىلعان اشىتۋ تەحنولوگياسى، سونداي - اق پاتەنت ٴوتىنىش ەتۋ جاعدايىن ۇعىسىپ، كاسىپورىننىڭ دامۋىنا اقىل - كەڭەس بەردى.

 ۇعىسۋعا قاراعاندا، وسى رەتكى قيمىلدا، باستىسى، ولشەمدەندىرۋ، ٴبىلىم مەنشىگى ۇقىعى، ايگىلى ماركا قۇرىلىسى، ساپا نەگىزى، ساپا جاعىنان سۇيەمەلدەۋ سىندى 5 جاقتان ىسكە كىرىسىپ، شوعىرلى كۇش جۇمساپ، كاسىپورىنداردىڭ ساپانى جوعارىلاتۋىنا دەم بەرىلگەن.

 جاقىنعى جىلداردان بەرى ىلە وبلىسى ساپا جاعىندا قۋاتتى كاسىپورىن قۇرۋ قىزمەتىن ۇزدىكسىز ورىستەتىپ، ”ٴجۇز، مىڭ، ون مىڭ ساپا جاعىندا قۋاتتى كاسىپورىن قۇرۋ“ ينجەنەرياسىن اتقارىپ، ساپا جاعىندا قۋاتتى كاسىپورىن قۇرۋعا ساتى بويىنشا كومەكتەسۋ قىزمەتىن ورىستەتىپ، كاسىپورىن ساپاسى، باسقارۋ ورەسى سىندى جالپى تۇلعالىق جاقتان جوعارىلاعان تاماشا جاعداي قالىپتاستىردى.

 كاسىپورىنداردىڭ ساپاسىن جانە ايگىلى ماركانى دامىتۋ قابىلەتىن جوعارىلاتۋ جاعىندا ىلە وبلىسى ”مىڭ ادام مىڭ كاسىپورىنعا كومەكتەسۋ (نىسان)، قىزمەت وتەۋ ارقىلى دامۋدى جەبەۋ“ قيمىلىنىڭ سەرپىنىن ارتتىرىپ، وبلىس، اۋدان ەكى دارەجەلى كادرلار كوتەرمەگە العان كاسىپورىننىڭ 1300 دەن استام قيىنشىلىعىن شەشتى. مەملەكەتتىك ورتا، شاعىن كاسىپورىندارعا الەۋمەتتىك قىزمەت وتەۋدەن ۇلگى كورسەتۋ تەكشەسىنە 2 كاسىپورىندى، اۆتونوميالى رايوندىق ۇلگى كورسەتۋ تەكشەسىنە 2 كاسىپورىندى تانىستىرىپ ٴوتىنىش ەتتى. ٴبىر كاسىپورىندى مەملەكەتتىڭ 4 - توپتاعى ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان ”شاعىن قۋاتتى“ كاسىپورىنعا ٴساتتى ٴوتىنىش ەتىپ، 32 كاسىپورىن جاسامپاز ورتا، شاعىن كاسىپورىندارىن باعالاۋ قىزمەتىن، ەكى كاسىپورىن ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان ورتا، شاعىن كاسىپورىنداردى تۇراقتاندىرۋ قىزمەتىن ٴساتتى ورىنداعان. 

 سونىمەن بىرگە، ىلە وبلىستىق عىلىم - تەحنيكا تاراۋلارى كاسىپورىنداردىڭ اۆتونوميالى رايوندىق عىلىم - تەحنيكا جوسپارى نىسانىن ٴوتىنىش ەتۋىنە بەلسەنە كومەكتەسىپ، كاسىپ سالاسىنىڭ دامۋىنا كەدەرگى بولاتىن شەشۋشى، وزەكتى تەحنيكالاردى ارقاۋ ەتىپ، عىلىم - تەحنيكادان قامال الۋدى ورىستەتتى. 2022 - جىلى جالپى 371 اۆتونوميالى رايوننىڭ عىلىم - تەحنيكا جوسپارى نىسانى ۇيىمداستىرىلىپ، ٴوتىنىش ەتىلگەن. قازىرگە دەيىن ىلە وبلىسىندا جوعارى، جاڭا تەحنيكالى 74 كاسىپورىن بار بولىپ، 19 كاسىپورىن عىلىم ـ تەحنيكا جەتىستىكتەرىن تىزىمگە الدىرۋعا ٴوتىنىش ەتىپ، 15 ٴتۇرلى تەحنيكا توقتامىن تىزىمگە الدىرىپ، جالپى 36 ٴتۇرلى تاپقىرلىق پاتەنتىن ٴوتىنىش ەتىپ، 24 ٴتۇرلى تاپقىرلىق پاتەنت ۇقىعىن العان.

 مۇنان سىرت، وبلىستىق بازاردى باقىلاۋ - باسقارۋ مەكەمەسى ىلە وبلىسىنىڭ 6 پاتەنت ۇقىعىن كادەگە جاراتۋ نىسانىن تەكسەرۋدەن وتكىزدى، اۆتونوميالى رايوننىڭ باعالاۋى ارقىلى ىلە زىسۋ ليرىن بيو - تەحنيكا شەكتى سەرىكتەستىگى ٴوتىنىش ەتكەن «جۇپار ٴشوپ ەفير قۇرامدى كۇننەن قورعاۋ مايىنىڭ قولدانىلۋى» جانە كۇيتۇن جيڭيدا ينفورماتسيا عىلىم - تەحنيكا شەكتى سەرىكتەستىگى ٴوتىنىش ەتكەن ”كۇيتۇن - مايتاۋ ەكونوميكالىق - تەحنيكالىق اشۋ رايونى مۇناي - حيميا كاسىپ سالاسىنىڭ پاتەنت ۇقىعىنا جول كورسەتۋ“ سىندى 2 نىسان اۆتونوميالى رايوننىڭ 600 مىڭ يۋان ارناۋلى قارجىلاي قولداۋىنا يە بولدى.

 كاسىپورىنداردىڭ قارجى قۇراۋ ارناسىن كەڭەيتۋ ٴۇشىن، ىلە وبلىسى تاعى ”ٴبىلىم مەنشىك ۇقىعىن كەپىلگە قويىپ قارجى قۇراۋ قىزمەتى“ اڭگىمە ٴماجىلىسىن اشىپ، بانكە، قامسىزداندىرۋ سەرىكتەستىكتەرىنىڭ كاسىپتىك ابزالدىعىنان پايدالانىپ، ٴبىلىم مەنشىك ۇقىعى ارقىلى جاڭالىق اشا دامۋعا دەم بەرۋگە جوعارى ساپالى فينانستىق قىزمەت وتەۋگە جەتەكتەپ، كاسىپورىنداردىڭ ٴبىلىم مەنشىك ۇقىعىنان پايدالانىپ كەپىلگە قويىپ قارجى قۇراۋىنا كومەكتەسىپ، قارجى قيىنشىلىعى ماسەلەسىن شەشىپ، كاسىپورىنداردىڭ ”اقىل ـ پاراساتىن“ ”مال ـ مۇلىككە“ اينالدىردى. قازىرگە دەيىن 6 كاسىپورىن 67 ميلليون يۋان قارجى قۇراپ، 173 مىڭ يۋان ٴوسىم قوسىمشا قاراجاتىنا يە بولدى.