ۋاڭ جيانشين ۇگىت، مادەنيەت جۇيەسىندە ارناۋلى تاقىرىپتىق پارتيا ساباعىن ءوتتى

ۇگىت، يدەيا، مادەنيەت قىزمەتىندە تىڭ ىسكەرلىك كورسەتۋدى ىلگەرىلەتۋ كەرەك

انار بۇلت \ شينجياڭ گازەتىنىڭ ءتىلشىسى جاڭ يانفاڭ 7 - ايدىڭ 12 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ نەگىزگى تاقىرىپتىق تاربيە جونىندەگى قىزمەت ورنالاستىرۋىنا ساي، 7 - ايدىڭ 12 - كۇنى اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋاڭ جيانشين ”شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، شينجياڭنىڭ ۇگىت، يدەيا، مادەنيەت قىزمەتىن ويداعىداي ىستەۋ“ نەگىزگى تاقىرىبىن ارقاۋ ەتىپ، ۇگىت، يدەيا، مادەنيەت جۇيەسىندەگى پارتيالى كادرلارعا ارناۋلى تاقىرىپتىق پارتيا ساباعىن ءوتتى.

ۋاڭ جيانشين بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىنىڭ تەرەڭ اقيقات كۇشىن جانە كەلەلى داۋىرلىك قۇنىن تەرەڭ ءتۇسىنىپ، ”ەكىنى تۇراقتاندىرۋدى“ باتىل قولداۋ، ”ەكىنى قورعاۋدى“ باتىل ورىنداۋ كەرەك. باس شۋجي شي جينپيڭنىڭ مادەنيەتتى جالعاستىرۋ، دامىتۋ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، جەتە ءتۇسىنىپ، جاڭا داۋىردەگى جاڭا مادەنيەت بورىشىنىڭ تەرەڭ ءمانىن ىشكەرىلەي تانىپ، شينجياڭدى مادەنيەتپەن نارلەندىرۋدى جەتەكشى ەتىپ، مادەنيەت سەنىمىن بەكەمدەپ، تۋراشىلدىقتان اينىماي جاڭالىق اشۋعا تاباندى بولىپ، جۇڭحۋا ۇلتىنىڭ وسى زامانعى وركەنيەتىن جانە سوتسياليستىك مادەنيەتتە قۋاتتى ەل قۇرىلىسىن تىڭعىلىقتى ىلگەرىلەتۋگە شينجياڭ ۇلەسىن قوسۋىمىز كەرەك.

ۋاڭ جيانشين مىنالاردى تالاپ ەتتى: ۇيرەنۋ ارقىلى رۋحتى سومداپ، ۇيرەنۋ ارقىلى پاراساتتى ارتتىرىپ، ۇيرەنۋ ارقىلى ستيلدى دۇرىستاپ، ۇيرەنۋ ارقىلى ىستەۋدى جەبەپ، ۇگىت، يدەيا، مادەنيەت قىزمەتىنىڭ جاڭا داۋىرگە اناعۇرلىم ويداعىداي سايكەسۋىن، جاڭا تالاپتارعا اناعۇرلىم ويداعىداي ۇيلەسۋىن، جاڭا بەينە ايگىلەۋدى، جاڭا ىسكەرلىك كورسەتۋدى ىلگەرىلەتۋ كەرەك. نازاريامەن قارۋلانۋدى كۇشەيتىپ، ىشكەرىلەي ۇيرەنۋ، جەتە ءءتۇسىنۋ جاعىنا كۇش سالىپ، جاندى دا جالىندى بولۋ جاعىندا جاڭالىق اشىپ، كادەگە جاراتىپ، قولدانۋ جاعىندا ناقتى ونىمدىلىككە ۇمتىلۋ؛ اقپارات، قوعامدىق پىكىر قىزمەتىن تىڭعىلىقتى ىستەپ، ىرىقتى تۇردە كەڭەستىك تاقىرىپتى ورنالاستىرۋ، مازمۇنعا جاڭالىق ەنگىزۋ، حيكايالاردى ويداعىداي بايانداۋ، توعىسپالى تاراتۋ جاعىنا كۇش سالۋ؛ يدەولوگيا قىزمەتى جاۋاپكەرشىلىك ءتۇزىمىن جاپپاي تياناقتاندىرىپ، شەپ قۇرىلىسىن جانە باسقارۋدى كۇشەيتۋ؛ شينجياڭنىڭ مادەنيەت ىستەرى مەن مادەنيەت كاسىپ سالاسىن گۇلدەندىرىپ، دامىتىپ، الەۋمەتتىك مادەنيەت بويىنشا قىزمەت وتەۋ دەڭگەيى مەن قىزمەت وتەۋ ونىمدىلىگىن جوعارىلاتۋ؛ جاڭا داۋىردەگى مادەني ەسكەرتكىش قىزمەتى باعىتىن امالياتتا ايگىلەپ، شينجياڭنىڭ مادەني ەسكەرتكىشتەردى قورعاۋ جانە ودان پايدالانۋ قىزمەتىن ويداعىداي ىستەۋ؛ اۋىس - كۇيىستى، سەلبەستىكتى تەرەڭدەتىپ، شينجياڭ حيكاياسىن ويداعىداي بايانداپ، ۇگىت، يدەيا، مادەنيەت قىزمەتىنىڭ جوعارى ساپالى دامۋىن قۇلشىنا ىلگەرىلەتۋ كەرەك.