كۇش - جىگەردى اياماي، بۇقارا ٴۇشىن ناقتى ٴىس ٴبىتىرىپ، قيىن ماسەلەلەردى شەشىپ، يگى ٴىس ىستەۋ كەرەك

− نەگىزگى تاقىرىپتىق تاربيەنى تىڭعىلىقتى ىلگەرىلەتۋ جونىندە جەلىلەس سۇحبات (12)

شين شىجيان

كونە، ەسكى شاعىن اۋماقتاردى جاڭالاۋدى جەدەل ىلگەرىلەتىپ، ٴار ۇلت بۇقاراسىنىڭ قونىس ورتاسى مەن تۇرمىس ساپاسىن كۇش سالا جاقسارتۋ؛ جۇمىستاندىرۋعا قىزمەت وتەۋدى باعىتتامالى ويداعىداي ىستەپ، قالا، اۋىلداعى بۇقارانىڭ جۇمىستانىپ، كىرىستەرىن ارتتىرۋىن كۇش سالا جەبەۋ؛ الەۋمەتتىك اۋماقتاعى قارتتارعا كۇندىز قارايلاسۋ ورتالىعى قۇرىلىسىن جەدەلدەتىپ، نازاردى ”قارتايعاندا كۇتىمدەلەتىن ورىن بولۋ“ ماسەلەسىنە شوعىرلاندىرا وتىرىپ شىنايى شارا تابۋ... اۆتونوميالى رايوننىڭ 1 - توپتاعى نەگىزگى تاقىرىپتىق تاربيەسىنە قاتىناسقان تاراۋلار، ورىندار حالىق ٴۇشىن ناقتى ٴىس ٴبىتىرۋدى ماڭىزدى مازمۇن ەتىپ، ٴار ۇلت بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرىن كۇش سالا شەشىپ، ٴار ۇلت بۇقاراسىن ناقتى تيىمدىلىككە كەنەلتۋگە قۇلشىندى.

بۇقارالىق تۇرعىدا بەرىك تۇرىپ، جاڭا داۋىردەگى پارتيانىڭ بۇقارالىق لۋشيانىمەن ويداعىداي ٴجۇرۋ − نەگىزگى تاقىرىپتىق تاربيەنى تىڭعىلىقتى، ويداعىداي ورىستەتۋدىڭ قاجەتتى تالابى. قالىڭ پارتيالى باسشى كادرلار نەگىزگى تاقىرىپتىق تاربيە ارقىلى حالىقتى وزەك ەتكەن دامۋ يدەياسىن بەرىك ورناتىپ، حالىق ٴۇشىن قىزمەت وتەۋ قابىلەتىن، ورەسىن جوعارىلاتىپ، سانالى تۇردە حالىقتان اقىل - كەڭەس الىپ، حالىقتىڭ ۇنىنە قۇلاق اسىپ، كۇش - جىگەرىن اياماي، بۇقارا ٴۇشىن ناقتى ٴىس ٴبىتىرىپ، قيىن ماسەلەلەردى شەشىپ، يگى ٴىس ىستەپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋى كەرەك. 

پارتيا 18 - قۇرىلتايىنان بەرى ٴار جولعى پارتيا ىشىندەگى شوعىرلى تاربيەنىڭ بارلىعى حالىق ٴۇشىن ناقتى ٴىس ٴبىتىرۋدى ماڭىزدى مازمۇن ەتىپ، قالىڭ پارتيا مۇشەلەرىنىڭ، كادرلاردىڭ باس ماقساتتى امالياتتا ايگىلەپ، حالىقتى باقىتقا كەنەلتىپ، ۇيرەنۋ تابىسىن حالىق ٴۇشىن قىزمەت وتەۋدىڭ قۋاتتى قوزعاۋشى كۇشىنە شىن مانىندە اينالدىرۋعا جەتەكتەدى جانە ونى تالاپ ەتتى. بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىنىڭ شەشىلۋىنە ىلەسە، پارتيا تىلەگى مەن حالىق تىلەگى اناعۇرلىم تىعىز جاناسىپ، حالىق ٴۇشىن ناقتى ٴىس ٴبىتىرۋ تاجىريبەسى مەن مەحانيزمى دە ۇزدىكسىز ساپالىلانىپ، ۇيرەنۋ مەن امالياتتىڭ ۇتىمدى اينالىسى قالىپتاستى. قازىر نەگىزگى تاقىرىپتىق تاربيە ىشكەرىلەي ىلگەرىلەتىلۋدە، قالىڭ پارتيا مۇشەلەرى مەن كادرلار، اسىرەسە، باسشى كادرلار وسى ٴبىر ورايدى يگەرىپ، تەكسەرۋ - زەرتتەۋ قابىلەتىن، عىلمي شەشىم جاساۋ قابىلەتىن، رەفورمادان قامال الۋ قابىلەتىن، بۇقارالىق قىزمەت قابىلەتىن، تياناقتاندىرۋدى يگەرۋ قابىلەتىن ۇزدىكسىز جوعارىلاتىپ، بۇقارا ٴۇشىن ناقتى ٴىس ٴبىتىرۋ، قيىن ماسەلەلەردى شەشۋ، يگى ٴىس ىستەۋ بارىسىندا شينجياڭنىڭ رەفورما، دامۋ، ورنىقتىلىق قىزمەتتەرىن ويداعىداي ىستەۋدەگى نەگىزگى ونەرىن ۇزدىكسىز نىعايتۋ كەرەك.

حالىق ٴۇشىن ناقتى ٴىس بىتىرۋدە، قيىن ماسەلەلەردى شەشۋدە، يگى ٴىس ىستەۋدە قايتكەندە بۇقارانىڭ قالاۋىنان شىعۋعا بولادى؟ مۇنداعى تەتىك بۇقارانىڭ اراسىنا بارىپ، بۇقارانىڭ ارمانىن، ويىن، تىلەگىن بەتپە - بەت، سىرلاس بولا وتىرىپ ۇعىسىپ، بۇقارانىڭ قاجەتىن دالمە - ٴدال يگەرە الۋ - الماۋىندا. ماۋ زىدۇڭ جولداس كەزىندە پارتيانىڭ بۇقارالىق قىزمەتىن ويداعىداي ىستەۋ جونىندە ەكى پرينسيپتى العا قويعان: ”ٴبىرى، ٴبىزدىڭ سانامىزداعى بوس قيالدان تۋعان قاجەتتىلىك ەمەس، بۇقارانىڭ ٴىس جۇزىندىك قاجەتتىلىگى؛ ەندى ٴبىرى، بۇقارا ٴۇشىن ٴبىزدىڭ بەل بايلاۋىمىز ەمەس، بۇقارانىڭ ەرىكتىلىگى، بۇقارانىڭ ٴوزى بەل بايلاۋى“. ناقتى ٴىس ٴبىتىرۋ، يگى ٴىس ىستەۋ باسشى كادرلاردىڭ جەكە اتاعى نەمەسە ناتيجەسى ٴۇشىن ەمەس، قايتا حالىق بۇقاراسىنىڭ باقىتتى، ساۋ - سالامات بولۋى ٴۇشىن. حالىق بۇقاراسىمەن ەتەنە بايلانىستى باستان - اياق ساقتاپ، بۇقارانىڭ مۇددەسى مەن قاجەتىن ماڭداي الدى ورىنعا قويعاندا عانا، حالىق تۇرمىسىنا تيىمدىلىك جاساۋ، حالىقتىڭ كوڭىلىن تابۋ، حالىق قالاۋىنان شىعۋ قىزمەتتەرىن بۇقارانىڭ قالاۋىنان شىعاتىنداي ەتىپ ورىنداۋعا بولادى.

بۇقارانىڭ نازار اۋدارىپ وتىرعان جانعا باتاتىن ٴتۇيىن، قيىن ٴتۇيىن ماسەلەلەرىنىڭ وپ - وڭاي شەشىلە قويمايتىندىعى ٴشۇباسىز، مۇندا ”قالاي ىستەۋ“ باسشى كادرلاردىڭ باس ماقسات تانىمى مەن قىزمەت قابىلەتىن سىننان وتكىزەدى. وسىنداي جاعدايدا باسشى كادرلار ۇيرەنۋ جەتىستىكتەرىنەن تولىق ويداعىداي پايدالانىپ، ماسەلەلەردى شەشۋ وي جەلىسىندە ”پۋجياڭ تاجىريبەسىن“، ”فىڭچياۋ“ تاجىريبەسىن قاتار جۇرگىزگەن نەگىزگى ساتىنى باسقارۋ تاجىريبەسىنەن ۇلگى الىپ، بۇقارادان الىپ، بۇقاراعا قايتارۋعا تاباندى بولىپ، حالىق قالاۋىنان ماسەلەنى شەشۋدىڭ جولىن دالمە - ٴدال قاراستىرۋ كەرەك. ماسەلەنى شەشۋ ادىسىندە ”دەرەۋ ٴبىتىرۋ“ مەن ”باياندى ورناتۋدى“ ۇشتاستىرىپ، ”كەسىرلى تۇيىندەردى يگەرۋ“ مەن ”جالپى بەتتىك يگەرۋدى“ ۇشتاستىرىپ، ”شاعىن ٴىستى ٴبىتىرۋ“ مەن ”كەلەلى جاعدايدى جوسپارلاۋدى“ ۇشتاستىرىپ، ٴبىر ماسەلەنى شەشۋ ارقىلى ٴبىر توپ ماسەلەنىڭ، ٴبىر تۇردەگى ماسەلەنىڭ شەشىلۋىن جەبەپ، ونان ارى ماسەلەنى ۇزدىكسىز شەشۋ ٴۇشىن ٴادىس قاراستىرۋ، تاجىريبە جيناقتاۋ كەرەك.

نەگىزگى تاقىرىپتىق تاربيەدە ناقتى ونىمدىلىككە قول جەتكىزۋدى ىلگەرىلەتۋدە، ٴسوز جوق، اشىق تاربيە جۇرگىزۋگە تاباندى بولىپ، بۇقارالىق لۋشيانمەن ويداعىداي ٴجۇرۋ كەرەك. پارتيالى باسشى كادرلار شينجياڭنىڭ قوعام ورنىقتىلىعى مەن باياندى تىنىشتىعىنا ىقپال جاسايتىن تەرەڭ قاتپارلى ماسەلەلەر مەن بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن شەشۋ جاعىندا اناعۇرلىم زور كۇش سالىپ، نەگىزگى تاقىرىپتىق تاربيەنىڭ تابىسىن بۇقارانىڭ تابىس سەزىمى، باقىت سەزىمى، حاۋىپسىزدىك سەزىمى ارقىلى سىننان وتكىزۋ كەرەك.