ءوز حابارىمىز. جۋىقتا نەگىزگى تاقىرىپتىق تاربيە ورتالىق 15 - جەتەكشىلىك ەتۋ گرۋپپاسىنىڭ باستىعى ۋاڭ گوشىڭ جانە ونىڭ ساپارلاستارى التاي ايماعىنا، قارامايلى قالاسىنا، تارباعاتاي ايماعىنا، بۇراتالا موڭعۇل اۆتونوميالى وبلىسىنا جانە شينجياڭ ءوندىرىس - قۇرىلىس بيڭتۋانى 5 - شىسىنا، 9 - شىسىنا، 10 - شىسىنا بارىپ ناقتى تەكسەرۋ - زەرتتەۋ جۇرگىزىپ، نازاريا ۇيرەنۋ، تەكسەرىپ - زەرتتەۋ، تەكسەرۋ، قاداعالاۋ، رەتتەۋ - تۇزەتۋ سياقتى مازمۇنداردى ءتۇيىندى تۇردە ارقاۋ ەتە وتىرىپ، 1 - توپتا نەگىزگى تاقىرىپتىق تاربيە ورىستەتكەن ءىشىنارا ورىنداردىڭ پىكىرلەرى مەن ۇسىنىستارىن تىڭدادى، نەگىزگى ساتىداعى پارتيا مۇشەلەرىمەن، كادرلارمەن جانە بۇقارامەن اڭگىمەلەسىپ، پىكىر اۋىستىرىپ، نەگىزگى ساتىنىڭ نەگىزگى تاقىرىپتىق تاربيە قيمىلى جونىندەگى اڭىسى مەن باعاسىن ۇعىسىپ، يگەرىپ، نەگىزگى تاقىرىپتىق تاربيەنىڭ ءىس - ارەكەتتە ايگىلەنىپ، ونىمدىلىك كورسەتۋىن ونان ارى ىلگەرىلەتتى.

ورتالىق 15 - جەتەكشىلىك ەتۋ گرۋپپاسى كوكتوعاي كەن رايونىندا تەكسەرۋ - زەرتتەۋ جۇرگىزىپ، اعا بۋىن قۇرىلىسشىلاردىڭ وتاندى كوكەيدە ساقتاپ، باتىلدىقپەن جاۋاپكەرشىلىك ارقالاپ، پارتياعا ادال بولۋ سىندى وسكەلەڭ قاسيەت دەڭگەيىن سەزىندى؛ شينجياڭ مۇناي الابى سەرىكتەستىگى بارلاۋ - اشۋدى زەرتتەۋ ورنىندا، قارامايلى مۇناي حيميا سەرىكتەستىگىندە جانە بۇلتتىق ەسەپتەۋ كاسىپ باقشاسىندا تەكسەرۋ - زەرتتەۋ جۇرگىزىپ، عىلىم - تەحنيكا جەتىستىكتەرىنىڭ رەال وندىرگىش كۇشكە اينالۋىن تەزدەتۋ، عىلىم - تەحنيكا دارىندىلارى قوسىنى قۇرىلىسى، بايلىق ابزالدىلىعىن ەكونوميكالىق دامۋ ابزالدىلىعىنا اينالدىرۋ سياقتى ماسەلەلەر جونىندە كاسىپورىن جۇمىسشى - قىزمەتكەرلەرىمەن بەتپە - بەت پىكىرلەستى؛ شاۋەشەك قالاسى شينچىڭ ءمالىسى قارا ءدوڭ الەۋمەتتىك اۋماعىندا تەكسەرۋ - زەرتتەۋ جۇرگىزدى، مەملەكەتتىك ۇلتتار ىنتىماعى، العاباسارلىعىنىڭ ۇلگىسى سالىقجان يمىننىڭ ىزگى ىستەرىن ۇيرەنىپ، ءار ۇلتتىڭ ”ءبىر ءۇيلى جانداي ەتەنە بولىپ“ توعىسا دامىعان جاعدايىن ۇعىستى؛ بيڭتۋانداعى ”1 - شىلدە وردەنىنىڭ“ يەگەرى ۋي دىيوۋعا امانداسا بارىپ، حال سۇرادى، شاعانتوعاي اۋدانىنىڭ شياۋبايياڭ كادرلاردى تاربيەلەۋ، باۋلۋ بازاسىن ەكسكۋرسيالادى، بۋىرشىن اۋدانى حۋتوۋ ورمان بايلىعىن باسقارۋ - قورعاۋ پۋنكتىنىڭ ورمان قورعاۋشىلارىمەن، بۇراتالا قالاسى سايليكتى ورمان باسقارۋ - قورعاۋ پۋنكتىمەن جانە يككوك ورمان شارۋاشىلىعى باسقارۋ - قورعاۋ پۋنكتىندەگى ەرلى - زايىپتى ورمان قورعاۋشىلارمەن، تاستى شەكارا قورعانىس ليانىنداعى جاۋىنگەرلەرمەن اڭگىمە ءماجىلىس وتكىزىپ، ولاردى ءىس جۇزىندىك ارەكەتتەرى ارقىلى تۇنىق سۋ، جاسىل تاۋدى ويداعىداي قورعاۋعا شابىتتاندىردى؛ باقتى شەكارا وتكەلى مەن الاتاۋ ساعاسى شەكارا وتكەلىنە تەكسەرۋ - زەرتتەۋ جۇرگىزىپ، جۇڭگو − ەۆروپا كەزەكشى پويەزىنىڭ قاتىناۋى، شەكارا وتكەلى ەكونوميكاسىنىڭ دامۋى، كەشەندى قورعامالى باجى اۋماعى قۇرىلىسىنىڭ اينالىم جاعدايىن ۇعىستى؛ سازدىقتى قورعاۋ جانە قالپىنا كەلتىرۋ جاعدايىن سول جەردىڭ وزىندە تەكسەرىپ، تاۋ، سۋ، ورمان، اتىز، كول، جايلىم، قۇمدى جۇيەلى باسقارۋ، سازدىق ەكولوگياسى يقۋاتىن قورعاۋ جانە دەڭگەيىن جوعارىلاتۋ قاتارلى ماسەلەلەر جونىندە سول ورىنداعى پارتيا مۇشەلەرىمەن جانە كادرلارمەن پىكىر اۋىستىردى، سول ورىنداعى كەز كەلگەن بۇقارامەن كەزدەسىپ، اۋىل - قىستاقتى گۇلدەندىرۋ ونىمدىلىگى جانە مادەنيەت - ساياحاتتىڭ توعىسپالى دامۋ جاعدايىن ۇعىستى؛ بيڭتۋاننىڭ تۋان - الاڭدارى جانە ليان - دۇيلەرىندە تەكسەرۋ - زەرتتەۋ جۇرگىزىپ، نەگىزگى ساتى پارتيا ۇيىمدارىنىڭ شۋجيلەرىمەن جانە كاسىپورىن باسقارۋشىلارىمەن سۇحباتتاسىپ، وسى زامانعى اۋىل شارۋاشىلىعى كاسىپ سالاسىنىڭ دامۋ دەڭگەيىن، پارتيا قۇرىلىسى ارقىلى كاسىپ سالاسىن گۇلدەندىرۋگە جەتەكشىلىك ەتۋ جاعدايىن ەگجەي - تەگجەيلى ۇعىسىپ، اۋىل شارۋاشىلىعىندا ءونىمدى جوعارىلاتىپ، كىرىستى ارتتىرۋىن ىلگەرىلەتۋگە جىگەرلەندىردى.

ۋاڭ گوشىڭ تەكسەرۋ - زەرتتەۋ بارىسىندا بىلاي دەپ اتاپ كورسەتتى: نەگىزگى تاقىرىپتىق تاربيە جەتەكشىلىك ەتۋ گرۋپپاسى شي جينپيڭ جاڭا ءداۋىر جۇڭگوشا سوتسياليزم يدەياسىن باستاماشىلدىقپەن ۇيرەنىپ، ىشكەرىلەي امالياتتا ايگىلەۋ بارىسىندا ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتۋى كەرەك. تەك الدىن الا ۇيرەنگەندە، تەرەڭدەي ۇيرەنگەندە عانا، جەتەكشىلىك ەتۋ قىزمەتىن ويداعىداي ىستەۋ تولىمدىلىعىنا يە بولا الادى؛ تەك الدىمەن تاربيە قابىلداعاندا عانا، كادرلار مەن بۇقارانى دۇرىس جەتەكتەۋگە بولادى؛ تەك ناقتى جاعدايدى كوبىرەك يگەرگەندە عانا، جەرگىلىكتى ورىندارمەن بىرگە ۇقساس ماسەلەگە بىردەي جاۋاپ بەرۋگە بولادى. قول جەتكەن تابىستاردى ۇزدىكسىز بەكەمدەپ، نەگىزگى ساتىنىڭ سىندارلى پىكىرلەرى مەن تاماشا ۇسىنىستارىن دەن قويا تىڭداپ، نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن باستان - اياق تاماشا ستيلمەن ىلگەرىلەتۋ كەرەك.