اۆتونوميالى رايوننىڭ وقۋ - اعارتۋ، عىلىم - تەحنيكا سالاسىنداعى نەگىزگى تاقىرىپتىق تاربيە تەكسەرۋ - زەرتتەۋ جەتىستىكتەرىن كادەگە جاراتۋ جونىنەن اۋىس - كۇيىس جاساۋ، ىلگەرىلەتۋ ءماجىلىسى اشىلدى

ماسەلەنى باعدار ەتۋگە، نىسانانى باعدار ەتۋگە تاباندى بولىپ، جەتىستىكتەردى كادەگە جاراتۋدى ىلگەرىلەتۋ كەرەك

انار بۇلت \ شينجياڭ گازەتىنىڭ ءتىلشىسى ليۋ شياڭ 7 - ايدىڭ 27 - كۇنى ۇرىمجىدەن حابارلايدى. 7 - ايدىڭ 27 - كۇنى اۆتونوميالى رايوننىڭ وقۋ - اعارتۋ، عىلىم - تەحنيكا سالاسىنداعى نەگىزگى تاقىرىپتىق تاربيە تەكسەرۋ - زەرتتەۋ جەتىستىكتەرىن كادەگە جاراتۋ جونىنەن اۋىس - كۇيىس جاساۋ، ىلگەرىلەتۋ ءماجىلىسى اشىلدى. ءماجىلىس باس شۋجي شي جينپيڭنىڭ نەگىزگى تاقىرىپتىق تاربيە جونىندەگى ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ ءۇشىنشى، بەسىنشى، التىنشى، جەتىنشى، سەگىزىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوننىڭ عىلىم - تەحنيكادا جاڭالىق اشۋ جينالىسىنىڭ رۋحىن دايەكتىلەندىرىپ، تياناقتاندىرىپ، رايونىمىزدىڭ وقۋ - اعارتۋ، عىلىم - تەحنيكا سالاسىنداعى تەكسەرۋ - زەرتتەۋ جانە رەتتەۋ - تۇزەتۋ، رەتتەۋ - وڭاۋ قىزمەتىنىڭ اياق الىسى جونىندەگى مالىمەتتى تىڭداپ، تاجىريبە، ءادىس - امال جونىندە اۋىس - كۇيىس جاساپ، ورىن تەپكەن ماسەلەلەردى تەكسەرىپ ورتاعا سالىپ، رەتتەۋ - تۇزەتۋ، رەتتەۋ - وڭاۋ قىزمەتىن ونان ارى ايقىنداپ، تەكسەرۋ - زەرتتەۋدىڭ شەشىمدى ساپالىلاندىرۋ، شەشىمدى جاقسارتۋ، قىزمەتتى جەبەۋ رولىن تولىق ساۋلەلەندىرىپ، تەكسەرۋ - زەرتتەۋ جەتىستىكتەرىن رايونىمىز وقۋ - اعارتۋىنىڭ، عىلىم - تەحنيكاسىنىڭ جوعارى ساپالى دامۋىن ىلگەرىلەتۋدىڭ، عىلىم - تەحنيكا، وقۋ - اعارتۋ ارقىلى شينجياڭدى گۇلدەندىرۋ ستراتەگياسىن اتقارۋدىڭ، جاسامپاز شينجياڭ قۇرىلىسىن ىلگەرىلەتۋدىڭ ناقتى قىزمەت ونىمدىلىگىنە شىن مانىندە اينالدىردى.

اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين ءماجىلىستى باسقاردى ءارى ءسوز سويلەدى. نەگىزگى تاقىرىپتىق تاربيە ورتالىق 15 - جەتەكشىلىك ەتۋ گرۋپپاسىنداعى قاتىستى جولداستار قاتىناستى.

ءماجىلىس مىنالاردى اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسىنىڭ اقيقات كۇشى مەن امالياتتىق ۇلى كۇشىن تەرەڭ ءتۇسىنىپ، ونان ارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، نەگىزگى تاقىرىپتىق تاربيەنىڭ ”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ“ سىندى باس تالابىن مىقتاپ يگەرىپ، ۇيرەنۋ ارقىلى رۋحتى سومداۋعا، ۇيرەنۋ ارقىلى پاراساتتى ارتتىرۋعا، ۇيرەنۋ ارقىلى ستيلدى دۇرىستاۋعا، ۇيرەنۋ ارقىلى ىستەردى جەبەۋگە تاباندى بولىپ، تەرەڭدەتۋگە، كوكەيگە ۇيالاتۋعا، كادەگە جاراتۋعا تولىق كۇش سالىپ، رايونىمىزدىڭ وقۋ - اعارتۋ، عىلىم - تەحنيكا جۇيەسىندەگى نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن ۇزدىكسىز ىلگەرىلەتىپ، وقۋ - اعارتۋ، عىلىم - تەحنيكا ىستەرىنىڭ جوعارى ساپالى دامۋىن كۇش سالا ىلگەرىلەتۋ كەرەك.

ءماجىلىس مىنالاردى باسا دارىپتەدى: ماسەلەنى باعدار ەتۋگە، نىسانانى باعدار ەتۋگە تاباندى بولىپ، قىزمەتتى جاقسارتىپ، شارالاردى كۇشەيتىپ، نازاريا ۇيرەنۋ، تەكسەرۋ - زەرتتەۋ، رەتتەۋ - تۇزەتۋ، رەتتەۋ - وڭاۋ سياقتى قىزمەتتەردى ۇزدىكسىز كۇش سالا ويداعىداي يگەرىپ، وقۋ - اعارتۋ، عىلىم - تەحنيكا جۇيەسىندەگى نەگىزگى تاقىرىپتىق تاربيەنىڭ ىشكەرىلەي، تىڭعىلىقتى ورىستەتىلۋىنە شىنايى كەپىلدىك ەتۋ كەرەك. جاسامپاز شينجياڭ قۇرىلىسىن جەدەلدەتىپ، قايشىلىقتارعا، جەتەرسىزدىكتەرگە بەتپە - بەت كەلىپ، قايراتتى، سەنىمدى تاسقىنداتىپ، شينجياڭ دامۋىنىڭ ستراتەگيالىق ورنىن كوزدەپ، نازاردى ءتۇيىندى سالالارعا شوعىرلاندىرىپ، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، رايونىمىزدىڭ عىلىم - تەحنيكادا جاڭالىق اشۋ قىزمەتىنىڭ جاڭا جاعدايىن قۇلشىنا اشىپ، عىلىم - تەحنيكادا جاڭالىق اشۋدىڭ كورىكتى شينجياڭ قۇرىلىسىنداعى نەگىزدىك، ستراتەگيالىق، تىرەكتىك رولىن اناعۇرلىم ويداعىداي ساۋلەلەندىرۋ كەرەك. پارتيانىڭ وقۋ - اعارتۋ قىزمەتىنە جاپپاي باسشىلىعىنا تاباندى بولىپ جانە ونى كۇشەيتىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ءمورال ارقىلى تاربيەلەۋ ءتۇبىرلى مىندەتىن تياناقتاندىرىپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىن، وقىتۋىن جانە ونى جالپىلاستىرىپ قولدانۋدى ۇزدىكسىز كۇشەيتىپ، كاسىپتىك مەكتەپتەردىڭ وقىتۋ شارت - جاعدايىن ولشەمگە جەتكىزۋ قىزمەتىن كۇش سالا ىلگەرىلەتىپ، رايونىمىزدىڭ جوعارى دارەجەلى وقۋ - اعارتۋ ءپان - ماماندىق قۇرىلىسىن ۇزدىكسىز ساپالىلاندىرىپ، وقۋ - اعارتۋدىڭ جوعارى ساپالى دامۋىن ىلگەرىلەتۋ كەرەك.

ماجىلىستە اۆتونوميالى رايوندىق پارتكوم وقۋ - اعارتۋ قىزمەت كوميتەتى سياقتى 8 ورىن پىكىر اۋىستىرىپ، ءسوز سويلەدى.