قادەن كابەن جاي پارتيا مۇشەسى سالاۋاتىمەن ءوزى تۇرعان پارتيا ياچەيكاسىنىڭ ۇيىمدىق تۇرمىس جيىنىنا قاتىناستى

مىندەتتى، بورىشتى تياناق ەتىپ، حات - قاتىناس ىستەرى ارقىلى ۇكىمەت جۇمىستارىن دەمەۋ قۋاتىن، قابىلەتىن جوعارىلاتۋ كەرەك

انار بۇلت \ شينجياڭ گازەتىنىڭ ءتىلشىسى جاڭ لەي 9 - ايدىڭ 2 - كۇنى ۇرىمجىدەن حابارلايدى. نەگىزگى تاقىرىپتىق تاربيەنىڭ قىزمەت ورنالاستىرۋى بويىنشا اۆتونوميالى رايوندىق پارتكومنىڭ تۇراقتى مۇشەسى، باس حاتشى قادەن كابەن جۋىقتا جاي پارتيا مۇشەسى سالاۋاتىمەن ءوزى تۇرعان اۆتونوميالى رايوندىق پارتكوم كەڭسە مەڭگەرمەسى كەڭسەسى پارتيا ياچەيكاسىنىڭ ۇيىمدىق تۇرمىس جيىنىنا قاتىناستى.

جيىندا پارتيا ياچەيكاسىنداعى جاۋاپتى جولداس پارتيا ياچەيكاسىنىڭ نەگىزگى تاقىرىپتىق تاربيەنى ورىستەتۋ احۋالىن حابارلاپ، پارتيا ياچەيكاسى كوميتەتى اتىنان سالىستىرىپ تەكسەرۋ جۇرگىزدى. پارتيا ياچەيكاسىنىڭ مۇشەلەرى شەتىنەن لەبىز ءبىلدىرىپ، نەگىزگى تاقىرىپتىق تاربيە ورىستەتۋ توڭىرەگىندە تابىستارىن، اسەرلەرىن تىلگە تيەك ەتىپ، پارىقتاردى، جەتەرسىزدىكتەردى ايتىپ، پىكىر - ۇسىنىس قويىپ، سىن جانە ءوز - وزىنە سىندى قاتاڭ دا مۇقيات ورىستەتتى، قادەن كابەن ءالسىن - ءالى كوپشىلىكپەن پىكىرلەسىپ، اۋىس - كۇيىس جاساپ وتىردى.

قادەن كابەن بىلاي دەپ باسا دارىپتەدى: ”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ“ سىندى باس تالاپتى مىقتاپ يگەرىپ، ۇيرەنۋدىڭ ساپاسى مەن ونىمدىلىگىن ۇزدىكسىز جوعارىلاتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ماڭداي الدى ساياسي مىندەت ەتىپ، تەرەڭدەتۋ، كوكەيگە ۇيالاتۋ، كادەگە جاراتۋ قىزمەتىن قاجىماي - تالماي ويداعىداي ىستەپ، ”ەكىنى تۇراقتاندىرۋدىڭ“ شەشۋشى ءمانىن ونان ارى تەرەڭ ءتۇسىنىپ، ”ەكىنى قورعاۋدى“ باتىل ورىنداۋ كەرەك. ءوز مىندەتىن، بورىشىن تياناق ەتىپ، حات - قاتىناس ىستەرى ارقىلى ۇكىمەت جۇمىستارىن دەمەۋ قۋاتىن، قابىلەتىن ۇزدىكسىز جوعارىلاتىپ، ساياسي دەڭگەيدى ءوسىرىپ، كوز ايانى كەڭەيتۋگە توسەلىپ، نەگىزگى ساتىنىڭ ءىس جۇزىندىك جاعدايىن ءبىلىپ، مايتالمان بولۋعا قۇلشىنۋ كەرەك. ءبىلىم قۇرىلىمىن كەمەلدەندىرىپ، توپتاۋعا، جوعارىلاتۋعا ءمان بەرىپ، قىزمەت بارىسىندا ۇلەس قوسۋعا پەيىل، پىكىر اۋىسۋعا شوگەل، سەلبەستىك جاساۋعا شەبەر بولىپ، پارتيانىڭ عىلمي نازارياسىنان كوبىرەك زاڭدىلىق ۇعىنىپ، بەتالىستى ايقىنداپ، ءادىس ۇيرەنىپ، اقىل - پاراساتتى ارتتىرىپ، ىشكەرىلەي ۇيرەنۋدى، جەتە ءتۇسىنۋدى، جەتىك يگەرۋدى شىن مانىندە ورىنداپ، كۇردەلى قىزمەتتەردىڭ اناعۇرلىم ويداعىداي ۇددەسىنەن شىعۋ كەرەك. پارتيانىڭ مەيىرىنە العىس ايتىپ، يمەنۋدى ءبىلىپ، قاتاڭ ستيلدى شىڭداپ، پارتياعا ادال بولاتىن ساياسي قاسيەتتى باستان - اياق ساقتاپ، دۇرىس ناتيجە كوزقاراسىن ورناتىپ جانە امالياتتا ايگىلەپ، ءوزىن مۇرات - سەنىمگە يە، ۇيىم الاڭسىز، حالىق ريزا بولاتىن جاقسى قىزمەتكەر، جاقسى كادر ەتىپ تۇلعالاۋ كەرەك.