جاڭ جۋ جاي پارتيا مۇشەسى سالاۋاتىمەن ءوزى تۇرعان پارتيا ياچەيكاسىنىڭ ۇيىمدىق تۇرمىس جيىنىنا قاتىناستى

　　وزەكتى قىزمەتكە، كەلەلى جاعدايعا قىزمەت وتەۋ بارىسىندا تىڭ ىسكەرلىك كورسەتۋ كەرەك

انار بۇلت \ شينجياڭ گازەتىنىڭ ءتىلشىسى جاڭ يانفاڭ 9 - ايدىڭ 3 - كۇنى ۇرىمجىدەن حابارلايدى. نەگىزگى تاقىرىپتىق تاربيەنىڭ قىزمەت ورنالاستىرۋى بويىنشا، اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى جاڭ جۋ تاياۋدا جاي پارتيا مۇشەسى سالاۋاتىمەن ءوزى تۇرعان اۆتونوميالى رايوندىق پارتكوم ۇيىمداستىرۋ ءبولىمىنىڭ تەكسەرۋ - زەرتتەۋ كەڭسەسى (ساياسات، زاڭ - ەرەجە باسقارماسى) پارتيا ياچەيكاسىنىڭ ۇيىمدىق تۇرمىس جيىنىنا قاتىناستى.

جيىندا ياچەيكاداعى پارتيا مۇشەلەرى ۇيرەنۋمەن، تەكسەرۋمەن، تۇزەتۋمەن ۇشتاستىرىپ، جەكە يدەيالىق قىزمەت ءىس جۇزىندىگىمەن تىعىز بايلانستىرىپ، ماسەلەنى مۇقيات قاداعالاپ، جاقسارتۋ شارالارىن باعىتتامالى تۇردە ورتاعا قويىپ، سىن جانە ءوز - وزىنە سىندى ىشكەرىلەي ورىستەتتى. جاڭ جۋ لەبىزدەردى مۇقيات تىڭدادى ءارى كوپشىلىكپەن پىكىرلەسىپ، اۋىس - كۇيىس جاسادى.

جاڭ جۋ بىلاي دەپ اتاپ كورسەتتى: ”يدەيانى ۇيرەنۋ“ − نەگىزگى تاقىرىپتىق تاربيەنىڭ ءبىرىنشى مىندەتى ءارى باستان - اياق ساباقتاستىرىلاتىن نەگىزگى جەلى. ۇيىمداستىرۋ قىزمەتى كادرلارى قاجىماي - تالماي شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى ۇيىستىرىپ، رۋحتى سومداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، باس شۋجي شي جينپيڭنىڭ اۆتونوميالى رايون مەن بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، تاپسىرمانى ەستە بەرىك ساقتاپ، قامقورلىقتى ۇمىتپاي، العىس ايتا ەكپىندەي العا ىلگەرىلەپ، ءىس جۇزىندىك ارەكەت ارقىلى ءبىرىنشى شارشى توپتا ويداعىداي ءجۇرىپ، ”ەكىنى قورعاۋدى“ امالياتتا ايگىلەۋدىڭ ويداعىداي اتويشىسى بولۋى كەرەك. ۇيرەنۋ ارقىلى رۋحتى سومداپ نەگىزدى بەكەمدەۋگە، ۇيرەنۋ ارقىلى پاراساتتى ارتتىرىپ قابىلەتتى كۇشەيتۋگە، ۇيرەنۋ ارقىلى ستيلدى دۇرىستاپ وبراز ورناتۋعا، ۇيرەنۋ ارقىلى ىستەۋدى جەبەپ جاۋاپكەرشىلىك ارقالاۋدى ايگىلەۋگە تاباندى بولىپ، ۇزدىكسىز مۇرات - سەنىمدى كۇشەيتىپ، پارتيالىلىق سانالىلىقتى شىڭداپ، مىندەت وتەۋ قابىلەتىن جوعارىلاتىپ، ۇيرەنۋ ونىمدىلىگىن ۇيىمداستىرۋ قىزمەتىنىڭ جوعارى ساپالى دامۋىن ىلگەرىلەتۋدىڭ جاندى امالياتىنا شىن مانىندە اينالدىرىپ، وزەكتى قىزمەتكە، كەلەلى جاعدايعا قىزمەت وتەۋ بارىسىندا تىڭ ىسكەرلىك كورسەتىپ، جاڭا جورىقتا كورىكتى شينجياڭدى اناعۇرلىم ويداعىداي قۇرۋعا پارمەندى ۇيىمدىق كەپىل ازىرلەۋ كەرەك.

جاڭ جۋ مىنالاردى تالاپ ەتتى: ۇيىمداستىرۋ تاراۋلارى اناعۇرلىم جوعارى ولشەم، اناعۇرلىم قاتاڭ تالاپ، اناعۇرلىم ناقتى شارا ارقىلى ءبولىم ورگان پارتيا قۇرىلىسىن مىقتى يگەرىپ، يدەيا - ساياسي قىزمەتتى ىشكەرىلەي، ناقتى، ەگجەي - تەگجەيلى ىستەپ، پارتيا ياچەيكاسىن ولشەمدەندىرۋ، ارناعا ءتۇسىرۋ قۇرىلىسىن كۇش سالا ىلگەرىلەتىپ، ساياسي يقۋاتتى جانە ۇيىمدىق يقۋاتتى ۇزدىكسىز كۇشەيتىپ، ۇلگىلى ءبولىم قۇرۋعا، ىسىلعان قوسىن تۇلعالاۋعا كۇش سالۋى كەرەك.