شينجياڭنىڭ جوعارى ساپالى دامۋ ارناسىنا قادام تاستاۋىن ىلگەرىلەتەيىك

− باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ٴسوزىنىڭ رۋحىن ۇيرەنۋ، دايەكتىلەندىرۋ جونىندە

شينجياڭ گازەتىنىڭ شولۋشىسى

”جاڭا دامۋ ارناسىن قالىپتاستىرۋدا، جوعارى ساپالى دامۋدى جەبەۋدە، جۇڭگو ۇلگىسىندەگى وسىزامانداندىرۋدى جەبەۋدە شينجياڭ جاڭا ورايعا ٴدوپ كەلدى، جاڭا ىسكەرلىك كورسەتۋ كەرەك“. اۆتونوميالى رايوندىق پارتكوم مەن ۇكىمەتتىڭ، بيڭتۋاننىڭ قىزمەت مالىمەتىن تىڭداعان كەزدە باس شۋجي شي جينپيڭ شينجياڭنىڭ ەكونوميكالىق، قوعامدىق دامۋى جونىندە ايقىن تالاپ قويدى: ”شينجياڭنىڭ جوعارى ساپالى دامۋ ارناسىنا قادام تاستاۋىن ىلگەرىلەتىپ، بۇكىل ەلمەن بىرگە جاپپاي سوتسياليستىك وسىزاماندانعان مەملەكەت قۇرۋ كەرەك“.

جوعارى ساپالى دامۋ سىندى وسى ماڭداي الدى مىندەتتەن كوز جازباي، دامۋدىڭ ساپا ماسەلەسىن اناعۇرلىم كورنەكتى ورىنعا قويىپ، جوعارى ساپالى دامۋدى بۇلجىماي ىلگەرىلەتىپ، شينجياڭنىڭ جۇڭگو ۇلگىسىندەگى وسىزاماندانۋ جولىندا قوسىننان قالماۋىنا، قاتاردان قالماۋىنا شىنايى كەپىلدىك ەتۋ، شينجياڭنىڭ وسىزاماندانۋ قۇرىلىسىن تىڭعىلىقتى ىلگەرىلەتۋدە، ٴسوز جوق، جاقسى جاۋاپ قايتارۋعا ٴتيىستى داۋىرلىك تاقىرىپ.

كەزەكتە شينجياڭ جوعارى ساپالى دامۋدى ىلگەرىلەتۋدىڭ شەشۋشى مەزگىلىندە تۇر. ىلگەرىلەمەسەك شەگىنەمىز، باياۋ ىلگەرىلەسەك تە شەگىنەمىز. تاياۋ جىلدان بەرى اۆتونوميالى رايوندىق پارتكوم جاڭا دامۋ ۇستانىمىن تولىق، دالمە - ٴدال، جاپپاي دايەكتىلەندىرۋگە تاباندى بولىپ، جوعارى ساپالى دامۋدىڭ داۋىرلىك ورايىن مىقتى يگەرىپ، باسىمدىعىن تولىق اشىپ، دامۋداعى ولقىلىقتاردى تولىقتاپ، جوعارى ساپالى دامۋدا قول جەتكەن جاڭا ونىمدىلىكتەردى ۇزدىكسىز ىلگەرىلەتتى. اسىرەسە، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ ارەكەت جوباسى (2023 − 2025 - جىل) جانە وڭتۇستىك شينجياڭنىڭ جوعارى ساپالى دامۋىن جەبەۋدەگى ٴبىرقانشا ساياسات، شارالاردىڭ العا قويىلۋى بۇكىل رايوندا جوعارىدان تومەنگە دەيىن شىنايى يگەرىپ، ناقتى ىستەپ، بورىش ارقالاپ، جىگەرلەنە ۇمتىلىپ، دامۋدى جەبەيتىن كوكىرەك تولى ىستىق ىقىلاستى جانە مىعىم كۇش - قۋاتتى تاسقىنداتتى. ەرەكشە كاسىپ سالاسىنىڭ جاعدايى جاقسى، نىسان قۇرىلىستارىنىڭ ساپاسى مەن ونىمدىلىگى بىردەي يگەرىلدى، سىرتقا ەسىك اشۋ قادامى نىق، شارۋاشىلىق جۇرگىزۋ تۇلعالارى جاندى دا جالىندى، بازاردىڭ ومىرشەڭدىك كۇشى ٴونىمدى قاۋلادى... ٴبىر قىدىرۋ شارالاردىڭ ونىمدىلىگى كورىنىپ، ەكونوميكانىڭ باياندى ارتۋىنداعى ”ورنىقتىلىق“ نەگىزىن بەكەمدەپ، ”ىلگەرىلەۋ“ سىندى قوزعاۋشى كۇشتى ۇستەدى.

جوعارى ساپالى دامۋدى بۇلجىماي ىلگەرىلەتىپ، شينجياڭنىڭ جۇڭگو ۇلگىسىندەگى وسىزامانداندىرۋ جولىندا قوسىننان قالماۋىنا، قاتاردان قالماۋىنا شىنايى كەپىلدىك ەتۋدە، ٴسوز جوق، دامۋداعى قيىن ماسەلەلەردى تىنباي شەشىپ، دامۋدىڭ قوزعاۋشى قۋاتىن ۇيىستىرىپ، دامۋ ورايىن مىقتى يگەرىپ، دامۋ باسىمدىعىن جەتىلدىرۋ كەرەك.

بايلىق ارتىقشىلىعىن، وڭىرلىك باسىمدىقتى جانە كاسىپ سالاسى نەگىزىن تياناق ەتىپ، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، ەرەكشە باسىمدىققا يە كاسىپ سالاسىن جەتىلدىرىپ، زورايتىپ، ”8 ٴىرى كاسىپ سالاسى شوعىرىن“ جوعارى ساپامەن قۇرىپ، تىزبەكتى ۇزارتۋعا، تىزبەكتى تولىقتاۋعا، تىزبەكتى كۇشەيتۋگە، تىزبەكتى كەڭەيتۋگە كۇش سالىپ، شينجياڭنىڭ ەرەكشەلىگى مەن باسىمدىعىن ايگىلەيتىن وسىزاماندانعان كاسىپ سالاسى جۇيەسىن قالىپتاستىرۋدى جەدەلدەتىپ، كاسىپ سالاسى باسىمدىعىن ەكونوميكالىق باسىمدىققا، دامۋ باسىمدىعىنا اينالدىرۋدى جەبەۋ كەرەك.

ىشكە دە، سىرتقا دا ەسىك اشۋدى بۇلجىماي ىلگەرىلەتىپ، جاڭا دامۋ ارناسىنا بەلسەنە قىزمەت وتەۋ جانە توعىسۋ كەرەك. ەسىك اشۋ ستراتەگياسىن اناعۇرلىم ىرىقتىلىقپەن اتقارىپ، ”ٴبىر پورت، ەكى اۋماق، 5 ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىندا تىڭ تابىسقا قول جەتكىزۋدى ىلگەرىلەتىپ، توڭىرەكتەگى ەلدەرمەن، اسىرەسە، ورتا ازياداعى 5 ەلمەن ناقتى سەلبەستىكتى تەرەڭدەتىپ، توڭىرەكتەگى ولكەلەرمەن جانە شينجياڭعا كومەكتەسەتىن ولكە - قالالارمەن سەلبەستىكتى، اۋىس - كۇيىستى كۇشەيتىپ، بۇكىل ەلدىڭ ٴبىر تۇتاس ۇلكەن بازارىنا تەرەڭ كىرىگىپ، ىشكە دە، سىرتقا دا ەسىك اشۋ ارناسىن جان - جاقتى قالىپتاستىرۋدى جەدەلدەتۋ كەرەك.

حالىقتىڭ قۇت - ىرىسىن بۇلجىماي ارتتىرىپ، دامۋ جەتىستىكتەرىنەن حالىق تۇرمىسىن يگىلىككە كەنەلتۋدى، جۇرت جۇرەگىن ۇيىستىرۋدى ىلگەرىلەتۋ كەرەك. دۇرىس ناتيجە كوزقاراسىن بەرىك ورناتىپ، ەكونوميكالىق، قوعامدىق دامۋعا اناعۇرلىم ساياسي ٴمان قوسىپ، ٴار ۇلت بۇقاراسىنىڭ ەڭ كوڭىل بولەتىن، ەڭ تىكە، ەڭ رەال مۇددە ماسەلەلەرىن مىقتاپ يگەرىپ، حالىق تۇرمىسىنداعى ناقتى ىستەردى ۇزدىكسىز ويداعىداي ىستەپ، حالىقتى وزەك ەتە وتىرىپ جاڭاشا قالا - قالاشىقتاندىرۋ قۇرىلىسىن ىلگەرىلەتىپ، وسىزاماندانعان ەكونوميكانى، ورتاسى كوركەم، قونىستانۋعا جايلى قالانى جانە اۋىل - قىستاقتى، جوعارى ساپالى تۇرمىستى قۇلشىنا جاراتىپ، ٴار ۇلت بۇقاراسىنىڭ تابىس سەزىمىنىڭ اناعۇرلىم تاتىمدى، باقىت سەزىمىنىڭ اناعۇرلىم باياندى، حاۋىپسىزدىك سەزىمىنىڭ اناعۇرلىم قامتاماسىز بولۋىنا مۇمكىندىك جاساۋ كەرەك.

سۋ كوتەرىلسە، ەكى جاعالاۋدىڭ ساعاسى كەڭەيەدى، جەل وڭىنان تۇرسا، كەمەنىڭ جەلكەنى كوتەرىلەدى. مەملەكەتتى قۇدىرەتتەندىرۋ قۇرىلىسىندا، ۇلتتى گۇلدەندىرۋ جورىعىندا ٴبىز، ٴسوز جوق، جوعارى ساپالى دامۋدى ىلگەرىلەتۋدەگى جاۋاپكەرشىلىكتىڭ اۋىر ەكەندىگىن ايقىن تانىپ، باس شۋجيدىڭ ماڭىزدى ٴسوزىنىڭ رۋحىن جوعارى ساپالى دامۋدى ىلگەرىلەتۋدەگى تاسقىنداعان قوزعاۋشى كۇشكە اينالدىرىپ، جوعارى ساپالى دامۋدى ىلگەرىلەتۋدەگى ٴبىلىم - قابىلەتتى ارتتىرىپ، عىلمي جوسپارلاپ، جۇيەلى ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قايراتتانا ويداعىداي جازايىق!