ىلە وبلىسىنىڭ شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى بويىنشا  ورنالاستىرۋ ٴماجىلىسى اشىلدى

وسكەلەڭ ساياسي سانالىلىقپەن، ناقتى ستيل، شارامەن ۇيرەنۋ ارقىلى رۋحتى سومداۋ، ۇيرەنۋ ارقىلى پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋ جاعىندا كورنەكتى ونىمدىلىككە قول جەتكىزۋگە قۇلشىنۋ كەرەك 

ٴماجىلىس الاڭى                                                                                       سۇن ي - نان فوتوسى 

ٴتىلشىمىز ما چىڭلۋ، سۇن - ي نان حابارلايدى. 9 - ايدىڭ 11 - كۇنى ىلە وبلىستىق پارتكوم شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورنالاستىرۋ ٴماجىلىسىن اشىپ، باس شۋجي شي جينپيڭنىڭ نەگىزگى تاقىرىپتىق تاربيە جونىندەگى جەلىلەس ماڭىزدى سوزدەرىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ٴسوزىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتى مەن اۆتونوميالى رايوندىق پارتكومنىڭ 2 - توپتاعى نەگىزگى تاقىرىپتىق تاربيە جونىندەگى ورنالاستىرۋى مەن تالابىنا ساي، بۇكىل وبلىستىڭ نەگىزگى تاقىرىپتىق تاربيەنى ورىستەتۋى جونىندە ورنالاستىرۋ جاسادى. ىلە وبلىستىق پارتكومنىڭ شۋجيى ياڭ شيۋلي، اۆتونوميالى رايوننىڭ 2 - ارالاپ قۋزاۋ - جەتەكشىلىك ەتۋ گرۋپپاسىنىڭ باستىعى دۋ ميڭ ماجىلىسكە قاتىناستى ٴارى ٴسوز سويلەدى.

ياڭ شيۋلي مىنالاردى اتاپ كورسەتتى: اۋدان، باسقارما دارەجەلىدەن جوعارى باسشى كادرلاردى ٴتۇيىن ەتىپ، بۇكىل پارتيادا شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ تاقىرىپتىق تاربيەسىن ىشكەرىلەي ورىستەتۋ − پارتيا ورتالىق كوميتەتىنىڭ پارتيا 20 ـ قۇرىلتايىنىڭ رۋحىن جاپپاي دايەكتىلەندىرۋ، بۇكىل پارتياداعى جولداستاردى پارتيانىڭ وزەكتى مىندەتىن ورىنداۋ جولىندا ىنتىماقتاسا كۇرەس جۇرگىزۋگە جۇمىلدىرۋ ٴۇشىن جاساعان كەلەلى ورنالاستىرۋى. بۇكىل وبلىستاعى ٴار دارەجەلى پارتيا ۇيىمدارى مەن قالىڭ پارتيالى كادرلار ”ەكىنى تۇراقتاندىرۋدى“ تاباندىلىقپەن قولداۋ، ”ەكىنى قورعاۋدى“ ادالدىقپەن امالياتتا ايگىلەۋ ساياسي بيىگىنەن نەگىزگى تاقىرىپتىق تاربيەنىڭ كەلەلى ٴمانىن تەرەڭ تانىپ، يگەرىپ، يدەيا مەن ارەكەتتى باتىل بىرلىككە كەلتىرىپ، نەگىزگى تاقىرىپتىق تاربيەنى ويداعىداي ورىستەتۋدىڭ ساياسي سانالىلىعىن، يدەيالىق سانالىلىعىن، ارەكەت سانالىلىعىن شىنايى كۇشەيتۋ كەرەك. نەگىزگى تاقىرىپتىق تاربيەنىڭ نەگىزگى تاقىرىبىن، نەگىزگى ارقاۋىن جانە ٴتۇبىرلى مىندەتىن مىقتاپ يگەرىپ، ”يدەيانى ۇيرەنۋ، پارتيالىلىقتى كۇشەيتۋ، امالياتقا ٴمان بەرۋ، جاڭا ۇلەس قوسۋ“ باس تالابىن ۇزدىكسىز مىقتاپ ارقاۋ ەتىپ، ”زەيىن - زەردەنى ۇيىستىرىپ، رۋحتى سومداۋ، نەگىزدى بەكەمدەۋ، قاسيەتتى جەتىلدىرىپ، ادالدىقتى كۇشەيتۋ، ناقتى ىستەپ، جاۋاپكەرشىلىك ارقالاپ، دامۋدى جەبەۋ، باس ماقساتتى امالياتتا ايگىلەپ، حالىقتى باقىتقا كەنەلتۋ، كىرشىكسىز دە كوپشىل بولىپ، جاڭا سالت ورناتۋ“ نىسانا - مىندەتىن ٴدال كوزدەپ، ماسەلەنى شەشۋدى نەگىزگى تاقىرىپتىق تاربيەمەن باستان - اياق ساباقتاستىرىپ، نازاريا ۇيرەنۋ، تەكسەرۋ ـ زەرتتەۋ، دامۋدى ىلگەرىلەتۋ، قاداعالاۋ، رەتتەۋ ـ تۇزەتۋ، ەرەجە ـ ٴتۇزىم ورناتۋ سياقتىلاردى ساباقتاستىرۋعا، ٴبىر تۇلعالاندىرىپ ىلگەرىلەتۋگە تاباندى بولىپ، ۇيرەنۋ ارقىلى رۋحتى سومداۋ، ۇيرەنۋ ارقىلى پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋ جاعىندا كورنەكتى ونىمدىلىككە قول جەتكىزۋگە قۇلشىنۋ كەرەك. ٴار دارەجەلى پارتكومدار (پارتيا باسشىلىق گرۋپپالارى) تۇلعالىق جاۋاپكەرشىلىكتى ارقالاپ، ٴبىر تۇتاس جوسپارلاپ تەڭ ٴمان بەرۋگە تاباندى بولىپ، فورماشىلدىقتان بارىنشا ساقتانىپ، نەگىزگى تاقىرىپتىق تاربيەنى ويداعىداي جوسپارلاۋ، ويداعىداي ۇيىمداستىرۋ، ويداعىداي تياناقتاندىرۋ كەرەك. باسشى كادرلار وزدەرى ونەگە بولىپ، جوعارى ارقىلى تومەنگە جەتەكشىلىك ەتىپ، ۇلگى كورسەتۋ، جەتەكتەۋ رولىن ساۋلەلەندىرۋى كەرەك.

ياڭ شيۋلي مىنالاردى باسا دارىپتەدى: پارتيانىڭ جاسامپاز نازارياسىمەن قارۋلانۋدى كۇشەيتۋدى ىلە قىزمەتىن ىلگەرىلەتۋمەن ۇشتاستىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن، اسىرەسە، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنەن، ماڭىزدى نۇسقاۋلارىنان، بەكىتۋلەرىنەن اناعۇرلىم ويداعىداي پايدالانىپ، ىلە قىزمەتىنە جەتەكشىلىك ەتۋ كەرەك. جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتۋ كەرەك. ٴار سالاداعى ەلەۋلى حاۋىپ - قاتەرلەردەن، كومەسكى كىناراتتاردان ٴونىمدى ساقتانىپ جانە ونى جويىپ، ورنىقتىلىقتى قورعاۋ قىزمەتىن زاڭمەن باسقارۋدى ۇدايىلاندىرۋدى تىڭعىلىقتى ىلگەرىلەتىپ، جۇڭحۋا ۇلتى ورتاق تۇلعا تانىمىن ۇزدىكسىز بەكەمدەپ، شينجياڭدا ٴىسلام ٴدىنىن جۇڭگوشالاندىرۋدى ورنىقتى قاداممەن ىلگەرىلەتىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، جۇيەلىك حاۋىپ - قاتەر تۋىلماۋدىڭ تومەنگى شەگىن باتىل ساقتاۋ كەرەك. ەكونوميكانىڭ، قوعامنىڭ جوعارى ساپالى دامۋىن كۇش سالا ىلگەرىلەتىپ، جاڭا دامۋ جاعدايىمەن ىشكەرىلەي توعىسىپ جانە قىزمەت وتەپ، جوعارى ساپالى دامۋعا تۇساۋ بولاتىن كەدەرگىلەردى كۇش سالا تالقانداپ، ىلەنىڭ جوعارى ساپالى دامۋ ارناسىنا ٴتۇسۋىن ىلگەرىلەتۋ كەرەك. حالىقتى بارىنەن جوعارى قويۋ ۇستانىمىنا تاباندى بولىپ، حالىقتى باقىتقا كەنەلتۋدى ەڭ ۇلكەن ساياسي ناتيجە ەتىپ، نەگىزگى تاقىرىپتىق تاربيەدەگى ”ناقتى ٴىس تىندىرۋ، حالىقتى ۋايىمنان ارىلتۋ“ قىزمەتىن تىڭعىلىقتى ىلگەرىلەتىپ، ”فىڭچياۋ تاجىريبەسىن“ مۇقيات امالياتتا ايگىلەپ، ٴار ۇلت بۇقاراسىنىڭ تاماشا تۇرمىسقا بولعان تالپىنىسىن ۇزدىكسىز جۇزەگە اسىرۋ كەرەك.     پارتيانىڭ ىلەدەگى بيلىك جۇرگىزۋ نەگىزىن ۇزدىكسىز بەكەمدەپ، پارتيا قۇرۋ ۇلى رۋحىن بارىنشا ساۋلەلەندىرىپ، جاڭا داۋىردەگى پارتيا قۇرىلىسىنىڭ باس  تالابىن جاپپاي دايەكتىلەندىرىپ، پارتيانىڭ ساياسي قۇرىلىسى ارقىلى پارتيا قۇرىلىسىنىڭ ٴتۇرلى قىزمەتتەرىنە ٴبىر تۇتاس جەتەكشىلىك ەتىپ، وزىنە - ٴوزى توڭكەرىس جاساۋ ارقىلى پارتيانى جاپپاي قاتاڭ باسقارۋدىڭ تەرەڭدەي دامۋىن ىلگەرىلەتۋ كەرەك. 

دۋ ميڭ بىلاي دەپ باسا دارىپتەدى: ساياسي دەڭگەيدى جوعارىلاتىپ، نەگىزگى تاقىرىپتىق تاربيەنى ويداعىداي ورىستەتۋدى كەلەلى ساياسي مىندەت ەتىپ، باس شۋجي شي جينپيڭنىڭ نەگىزگى تاقىرىپتىق تاربيە جونىندەگى جەلىلەس ماڭىزدى سوزدەرىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس تالاپتى مىقتاپ يگەرىپ، نىسانا ـ مىندەتتەردى مىقتاپ ارقاۋ ەتىپ، 2 ـ توپتاعى نەگىزگى تاقىرىپتىق تاربيەنىڭ جوعارى ولشەممەن باستالۋىن، جوعارى ساپامەن ىلگەرىلەتىلۋىن جەبەۋ كەرەك. نازاردى نەگىزگى تاقىرىپقا، نەگىزگى جەلىگە شوعىرلاندىرىپ، اۋدان، باسقارما دارەجەلىدەن جوعارى باسشى كادرلار سىندى وسى ٴتۇيىندى كورنەكتىلەندىرىپ، جان ـ جاقتى، جۇيەلى ۇيرەنۋ بارىسىندا تەرەڭدەتۋدى جەبەپ، ىشكەرىلەي ۇيرەنۋ، ەگجەي ـ تەگجەيلى ٴتۇسىنۋ بارىسىندا يگەرۋدى جەبەپ، قىزمەت پەن ۇيرەنۋ اراسىنداعى قايشىلىقتاردى ۇيلەسىمدى ٴبىر جاقتى ەتىپ، قالىڭ پارتيا مۇشەلەرىنىڭ، كادرلاردىڭ شىنايى ۇيرەنۋىن، شىنايى ٴتۇسىنۋىن، شىنايى سەنۋىن، شىنايى قولدانۋىن ىلگەرىلەتۋ كەرەك. ماسەلەنى شەشۋگە باسا ٴمان بەرىپ، قاداعالاۋدى، رەتتەۋ ـ تۇزەتۋدى نازاريالىق ۇيرەنۋ، تەكسەرۋ ـ زەرتتەۋ سياقتىلارمەن ورگانيكالى ۇشتاستىرىپ، ماسەلەنى ٴبىر - بىردەن شەشۋ ارقىلى قىزمەت ستيلىن جاقسارتىپ، قابىلەت دەڭگەيىن جوعارىلاتىپ، ىستەردىڭ دامۋىن ىلگەرىلەتۋ كەرەك. جاۋاپكەرشىلىك ارقالاۋدى، ىسكەرلىك كورسەتۋدى ايگىلەپ، نەگىزگى تاقىرىپتىق تاربيەنى وزەكتى كەلەلى جاعدايمەن، ىستەپ جاتقان ىستەرمەن ورگانيكالى ۇشتاستىرىپ، حاۋىپ - قاتەردەن ساقتانىپ، ورنىقتىلىقتى قورعاۋ جاعىندا تىڭ ۇلەس قوسىپ، نەگىزگى جەلىنى ساقتاپ، جۇرت تىلەگىن ۇيىستىرۋ جاعىندا جاڭا جاۋاپكەرشىلىك ارقالاۋدى ايگىلەپ، قيىن ماسەلەلەردى شەشىپ، دامۋدى جەبەۋ جاعىندا تىڭ ىسكەرلىك كورسەتىپ، ناقتى ٴىس تىندىرىپ، حالىقتى ۋايىمنان ارىلتۋدا جاڭا ناقتى ونىمدىلىككە قول جەتكىزىپ، نەگىزگى ساتىنى يگەرىپ، نەگىز قالاۋدا جاڭا جاعداي اشىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ ”ەڭ سوڭعى ٴبىر كيلومەترىن “ تولىق، دالمە - ٴدال، جان - جاقتى تياناقتاندىرۋعا شىنايى كەپىلدىك ەتۋ كەرەك.

   اۆتونوميالى رايوننىڭ نەگىزگى تاقىرىپتىق تاربيەگە ارالاپ قۋزاۋ - جەتەكشىلىك ەتۋ 2 - گرۋپپاسىنىڭ ورىنباسار باستىعى حۋاڭ جيانشين، سونداي - اق قۋزاۋ - جەتەكشىلىك ەتۋ گرۋپپاسىنىڭ مۇشەلەرى ماجىلىسكە قاتىناستى.ٴماجىلىس تەلەۆيزور - تەلەفون ٴماجىلىسى فورماسىندا ٴارقايسى اۋدان - قالالارعا (شەكارا وتكەلىنە)، اۋىل - قالاشىقتارعا (ٴمالى) دەيىن اشىلدى.