اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسى ارناۋلى تاقىرىپتىق ۇيرەنۋ ءماجىلىسىن اشتى

زەيىن - زەردەنى، كۇش - قۋاتتى ۇيىستىرىپ، حالىق قۇرىلتايىنىڭ ءتۇرلى قىزمەتىن ىشكەرىلەي، ەگجەي - تەگجەيلى، ناقتى ىستەۋ كەرەك

انار بۇلت \ شينجياڭ گازەتىنىڭ ءتىلشىسى جاڭ لەي 10 - ايدىڭ 9 - كۇنى ۇرىمجىدەن حابارلايدى. اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسى جۋىقتا 2 رەت ارناۋلى تاقىرىپتىق ۇيرەنۋ ءماجىلىسىن اشتى، ءماجىلىس باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، اۆتونوميالى رايوندىق پارتكومنىڭ ءبىر تۇتاس ورنالاستىرۋى بويىنشا، ءتۇرلى قىزمەتتىڭ باستان - اياق باس شۋجي نۇسقاعان بەتالىسپەن العا ىلگەرىلەۋىنە شىنايى كەپىلدىك ەتىپ، ءىس جۇزىندىك ارەكەتتە ”ەكىنى تۇراقتاندىرۋدى“ باتىل قورعاپ، پارمەندى تياناقتاندىرۋدا ”ەكىنى قورعاۋدى“ باتىل ورىنداۋدى تالاپ ەتتى.

اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى ءزۇمىرات وبۇل ءماجىلىستى باسقاردى ءارى ءسوز سويلەدى. اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى جانە پارتيا باسشىلىق گرۋپپاسى قۇرامىنداعىلار پىكىر اۋىستىرىپ، لەبىز ءبىلدىردى.

ءزۇمىرات وبۇل پىكىر اۋىستىرۋ لەبىزىن تىڭداعاننان كەيىن بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزى شينجياڭ قىزمەتىندە ءدوپ كەلگەن جاڭا جاعدايلاردى كوزدەپ، شينجياڭ قىزمەتىنە جاڭا تالاپتار قويىپ، جاڭا مىندەتتەردى ايقىندادى. ءبىز ساياسي دەڭگەيدى شىن مانىندە جوعارىلاتىپ، باس شۋجيدىڭ ماڭىزدى ءسوزىنىڭ كەلەلى ءمانىن مىقتاپ يگەرىپ، العىس ايتۋ كوڭىلىن، سەرپىلىس سەزىمىن، ەكپىندەي ىلگەرىلەۋ جىگەرىن جاۋاپكەرشىلىك ارقالاپ، ىسكەرلىك كورسەتۋدەگى، ءىس تىندىرىپ، ناتيجە شىعارۋداعى قۇدىرەتتى قوزعاۋشى كۇشىنە اينالدىرۋىمىز، كورىكتى شينجياڭ قۇرۋدىڭ ءىس جۇزىندىك ارەكەتىنە اينالدىرۋىمىز كەرەك.

ءزۇمىرات وبۇل بىلاي دەپ باسا دارىپتەدى: قوعام ورنىقتىلىعىن قورعاۋدى ماڭداي الدى ورىنعا قويىپ، تاۋقىمەت تانىمىن كۇشەيتىپ، باياندى تىنىشتىقتى كوزدەپ، حالىق قۇرىلتايىنىڭ فۋنكتسياسىن تياناق ەتىپ، زاڭمەن باسقارۋ تۋىن بيىك ۇستاپ، زاڭ قارۋىنان ويداعىداي پايدالانىپ، شينجياڭدى زاڭمەن باسقارۋدى جاپپاي ىلگەرىلەتۋگە، زاڭمەن باسقارۋ دەڭگەيىن جوعارىلاتۋعا قاتىستى زاڭ - ەرەجە، ءتۇزىم مەن شارالاردى، ادىستەردى ىشكەرىلەي اقىلداسىپ جوبالاپ، ورنىقتىلىقتىڭ زاڭمەن باسقارۋ نەگىزىن بەرىك قالاۋ كەرەك.

ءزۇمىرات وبۇل مىنالاردى تالاپ ەتتى: زاڭ ەرەجە شىعارۋدى زاڭدى جالپىلاستىرۋمەن، زاڭدى، زاڭ ەرەجەلەردى باقىلاۋمەن ۇشتاستىرىپ، ماڭىزدى ءتۇيىن نەگىزگى زاڭنىڭ، زاڭداردىڭ، زاڭ ەرەجەلەردىڭ ءونىمدى اتقارىلۋى، نەگىزگى ساتىنى باسقارۋدىڭ زاڭمەن باسقارىلۋ دەڭگەيى سياقتى جاقتاردا قىزمەتتى ىلگەرىلەتۋدىڭ شارالارىن، ادىستەرىن العا قويىپ، حالىق قۇرىلتايىنىڭ فۋنكتسيالىق رولىن اناعۇرلىم ويداعىداي ساۋلەلەندىرۋ كەرەك. جۇڭحۋا ۇلتىنىڭ ورتاقتىق سيپاتىن كۇشەيتۋدى، جۇڭحۋا ۇلتى ورتاق تۇلعا تانىمىن كۇشەيتۋدى حالىق قۇرىلتايىنىڭ زاڭ ەرەجە شىعارۋ، باقىلاۋ، ۋاكىلدەر قىزمەتىندە ماڭداي الدى ورىنعا قويىپ ويلاسۋ كەرەك. جىبەك جولى ەكونوميكالىق بەلدەۋى وزەكتى رايونى قۇرىلىسى، ”8 ءىرى كاسىپ سالاسى شوعىرى“ قۇرىلىسى سياقتى ءتۇيىندى قىزمەتتەردى ارقاۋ ەتىپ، زاڭ ەرەجە شىعارۋ تىرەگىن، باقىلاۋ قامتاماسىزدىعىن جانە ۋاكىلدەرگە قىزمەت وتەۋدى كۇشەيتۋ كەرەك.

ءزۇمىرات وبۇل مىنالاردى تالاپ ەتتى: ”ەكىمەن بايلانىس جاساۋ“ تالابىن ويداعىداي تياناقتاندىرىپ، بۇكىل شينجياڭدا ”10 مىڭ ۋاكىل 10 مىڭ وتباسىنا بارۋ“ نەگىزگى تاقىرىپتىق امالياتتىق قيمىلىن، جاڭا داۋىردەگى پارتيانىڭ شينجياڭدى باسقارۋ جالپى جوباسى جونىندە حالىق قۇرىلتايى ۋاكىلدەرىنىڭ زور ۇگىت لەكسيا جاساۋ قيمىلىن ىشكەرىلەي ورىستەتىپ، جاڭا داۋىردەگى شينجياڭ حيكاياسىن ويداعىداي بايانداۋ كەرەك. ”ءتورت ورگان“ ورىن تۇراقتاندىرۋ تالابىنا تۋرالانىپ، ساياسي قۇرىلىستى ءبىر تۇتاس باسشىلىققا الۋعا تاباندى بولىپ، حالىق قۇرىلتايىنىڭ پارتيا قۇرىلىسىن كۇشەيتىپ، تەكسەرۋ - زەرتتەۋ، ساياساتتى مەڭگەرۋ، قىزمەتتى ىلگەرىلەتۋ، بۇقارامەن بايلانىس جاساۋ قابىلەتىن ۇزدىكسىز جوعارىلاتىپ، ءورىس اشا ۇمتىلىپ، جاۋاپكەرشىلىك ارقالاپ، ىسكەرلىك كورسەتىپ، كورىكتى شينجياڭدى اناعۇرلىم ويداعىداي قۇرۋعا حالىق قۇرىلتايىنىڭ ۇلەسىن قوسۋ كەرەك.