− رايونىمىز شەشۋشى ازشىلىقتى كورنەكتىلەندىرە ويداعىداي يگەرىپ، 2 - توپتاعى نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن ىلگەرىلەتتى

□ انار بۇلت \ شينجياڭ گازەتىنىڭ تىلشىلەرى

2 - توپتاعى نەگىزگى تاقىرىپتىق تاربيە ورىستەتىلگەننەن بەرى رايونىمىزدىڭ جەر - جەرى ”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ“ سىندى باس تالاپتى تياناقتاندىرىپ، عىلمي جوسپارلاپ، دەن قويا ۇيىمداستىرىپ، تۇرگە ءبولىپ جەتەكشىلىك ەتۋدى كۇشەيتۋمەن بىرگە، اۋدان، باسقارما دارەجەلىدەن جوعارى باسشىلىق القاسى مەن باسشى كادرلار سىندى ءتۇيىندى كورنەكتىلەندىرىپ، ءتۇپ نۇسقانى وقۋعا، اۋەلگى ءماتىندى ۇيرەنۋگە، قاعيدانى تۇسىنۋگە تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي، جۇيەلى ۇيرەنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، پارتيا مۇشەلەرىن، كادرلاردى بەلسەندى تۇردە جاۋاپكەرشىلىك ارقالاپ، ىسكەرلىك كورسەتۋگە جىگەرلەندىرىپ، نەگىزگى تاقىرىپتىق تاربيەنىڭ ونىمدىلىگىن ءىس تىندىرىپ، ناتيجە شىعارۋدىڭ قۇدىرەتتى قوزعاۋشى كۇشىنە اينالدىردى.

عىلمي جوسپارلاپ، بىرىككەن كۇش ۇيىستىردى

2 - توپتاعى نەگىزگى تاقىرىپتىق تاربيە ورىستەتىلگەننەن بەرى نازاريالىق ۇيرەنۋلەر تيانشان الابىندا جەدەل ورىستەتىلدى.

ىلە قازاق اۆتونوميالى وبلىستىق پارتكوم ۇيرەنۋ جوسپارىن جاساپ، نازاردى ۇيرەنۋ ارقىلى رۋحتى سومداۋعا، ۇيرەنۋ ارقىلى پاراساتتى ارتتىرۋعا، ۇيرەنۋ ارقىلى ستيلدى دۇرىستاۋعا، ۇيرەنۋ ارقىلى ىستەۋدى جەبەۋگە شوعىرلاندىرىپ، نەگىزگى تاقىرىپتىق تاربيە كىتاپ وقۋ كلاسىن اشىپ، شوعىرلى زەرتتەپ وقۋ، جەكەنىڭ وزدىگىنەن ۇيرەنۋى، پىكىر اۋىستىرىپ زەرتتەۋ - تالقىلاۋ سياقتى ادىستەر ارقىلى شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەندى، دايەكتىلەندىردى.

ىلە وبلىستىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى لي رۇڭنيان بىلاي دەدى: يدەيانى كادەگە جاراتۋدى ىلگەرىلەتۋ ءۇشىن، ىلە وبلستىق پارتكوم پارتيا ورتالىق كوميتەتى تۇراقتاندىرعان 12 جاقتاعى جانە اۆتونوميالى رايوندىق پارتكوم تۇراقتاندىرعان 20 جاقتاعى تەكسەرۋ - زەرتتەۋ تاقىرىپتارىنا سالىستىرىپ، تەكسەرۋ - زەرتتەۋ تاقىرىپتارىن اقىلداسىپ تۇراقتاندىرىپ، ۇيرەنۋ بارىسىندا تەكسەرۋ - زەرتتەۋ جۇرگىزىپ، تەكسەرۋ - زەرتتەۋ بارىسىندا ۇيرەندى. پارتكوم باسشىلىق ەتۋ، تاربيەلەۋ جانە جەتەكتەۋ، تەكسەرۋ - زەرتتەۋگە جەتەكشىلىك ەتۋ، بايلانىس جاساۋ جانە قۋزاۋ - جەتەكشىلىك ەتۋ، سۇحباتتاسىپ شىنايى جەتەكتەۋ بويىنشا تياناقتاندىرۋ شارالارىنا تاباندى بولىپ جانە كۇشەيتىپ، ارناۋلى رەتتەۋ - وڭاۋعا قاتىستى شارالاردىڭ ءونىمدى تياناقتاندىرىلۋىن ىلگەرىلەتىپ، 18 ءتۇرلى حالىق تۇرمىسى ناقتى ءىسىن دەن قويا، سۇيىسپەنشىلىكپەن، كۇش سالا ويداعىداي يگەردى. ىلە وبلىسى جوعارى ساپالى دامۋ سىندى ماڭداي الدى مىندەتتى ارقاۋ ەتىپ، «شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ىلە ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋ جونىندەگى ارەكەت جوباسىن (2023 − 2025 - جىل)» ويداعىداي تياناقتاندىرىپ، تۇرلەر بويىنشا تياناقتاندىرۋ شارالارىن ەگجەي - تەگجەيلىلەندىرىپ، جاۋاپكەرشىلىكتى، جۇمىس ءبولىسىن ايقىنداپ، ”جول كارتاسىن“ ”قۇرىلىس چەرتوجىنا“، ”ناقتى كورىنىسكە“ اينالدىرىپ، ىلە وبلىسى ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتەتىن قۇدىرەتتى بىرىككەن كۇش قالىپتاستىردى.

قاشقار ايماقتىق اۋىل شارۋاشىلىعى، اۋىل - قىستاق مەكەمەسى نازاريالىق ۇيرەنۋدى باستان - اياق ساباقتاستىردى، پارتيالى كادرلار جاپپاي، جۇيەلى ۇيرەنۋ، ىشكەرىلەي زەرتتەپ وقۋ، زەرتتەۋ - تالقىلاۋ نەگىزىندە ونان ارى پارتيانىڭ جاسامپازدىق نازارياسىنان زاڭدىلىقتى ءتۇسىنىپ، ءادىستى ايقىنداپ، اقىل - پاراساتتى ارتتىردى.

قاشقار ايماقتىق اۋىل شارۋاشىلىعى، اۋىل - قىستاق مەكەمەسى پارتكومىنىڭ مۇشەسى، ايماقتىق اۋىل شارۋاشىلىعى جالپىلىق اكىمشىلىك زاڭ اتقارۋ تارماق اترەتى پارتيا ياچەيكاسىنىڭ شۋجيى تۇرعۇن قادىر بىلاي دەدى: ىشكەرىلەي ۇيرەنۋ ارقىلى بۇدان بىلاي قىزمەتتەردى ويداعىداي ورىستەتۋدىڭ اناعۇرلىم ايقىن جوباسىنا يە بولدىق، ۇيرەنۋ مەن قىزمەتتى اناعۇرلىم ويداعىداي ءوزارا ۇشتاستىرىپ، نازاردى قۇرىلعىلى اۋىل شارۋاشىلىعى، ساپالى مال شارۋاشىلىعى ونىمدەرى ءوندىرىسى، اۋىل شارۋاشىلىعىنداعى سۋارۋ، اۋىل - قىستاق قۇرىلىسى، جوعارى ساپالى دامۋ سياقتى مازمۇندارعا شوعىرلاندىرىپ، كوكونىس ءوندىرىسىن باسقارۋدى ويداعىداي يگەرىپ، مال شارۋاشىلىعى كاسىپ سالاسىن ويداعىداي دامىتىپ، ەگىس اتىزى سۋ يگىلىگىن ويداعىداي باسقارىپ، اۋىل شارۋاشىلىعى، اۋىل - قىستاق، شارۋالار ىستەرىن جوعارى ساپالى ىلگەرىلەتىپ، تۇتاس جىلدىق نىسانا - مىندەتتەردى ساپاسىنا، مولشەرىنە كەپىلدىك ەتىپ ورىندايمىز.

ماسەلەنى باعدار ەتىپ، ناقتى ونىمدىلىككە ءمان بەردى

بىرنەشە كۇننەن بەرى رايونىمىزدىڭ جەر - جەرى نەگىزگى تاقىرىپتىق تاربيەنى ورىستەتۋدى ۇيرەنۋدى، وي جۇگىرتۋدى، قولدانۋدى ساباقتاستىرۋمەن، ءبىلۋدى، سەنۋدى، ارەكەتتى بىرلىككە كەلتىرۋمەن تىعىز ۇشتاستىرىپ، پارتيا مۇشەلەرىنىڭ، كادرلاردىڭ العا ىلگەرىلەۋ رۋحىن قىزمەتتى ويداعىداي ىستەۋدىڭ قۇدىرەتتى قابىلەتىنە اينالدىرۋىن كۇشەيتتى.

بۇراتالا موڭعۇل اۆتونوميالى وبلىستىق پارتكوم نازاريالىق ۇيرەنۋدى كۇشەيتۋدى ماڭىزدىنىڭ ماڭىزدىسى ەتىپ، كىتاپ وقۋ كلاسىن، نازاريالىق ۇيرەنۋ وزەكتى گرۋپپاسى ۇيرەنۋىن وتكىزۋدى تۇتقا ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەندى، ءتۇسىندى. ”شەشۋشى ازشىلىقتى“ شىنايى يگەرىپ، جۇيەلى ۇيرەنۋ، ۇلگى كورسەتىپ جەتەكتەۋ، ۇيرەنۋدى قولدانۋ جاعىنا ۇزدىكسىز كۇش سالىپ، كىتاپ وقۋ كلاسى مەن نازاريالىق ۇيرەنۋ وزەكتى گرۋپپاسىنىڭ ۇيرەنۋ ساپاسى مەن ونىمدىلىگىن كۇش سالا جوعارىلاتتى. ءبىر جاعىنان ۇيرەنۋگە، ءبىر جاعىنان قاداعالاۋعا، ءبىر جاعىنان رەتتەۋ - تۇزەتۋگە تاباندى بولىپ، ”بەسكە نازاردى شوعىرلاندىرۋدى“ قاتاڭ قاداعالاپ، ماسەلەنى ىشكەرىلەي تەكسەرىپ ورتاعا سالىپ، رەتتەۋ - تۇزەتۋ، رەتتەۋ - وڭاۋ شاراسىن جاساپ، باستاماشى ورىندى، جاۋاپتى ورىندى، اياقتايتىن ۋاقىتتى تارماقتار، تۇرلەر بويىنشا ايقىنداپ، كەستەگە سالىستىرىپ ىلگەرىلەتۋدى، ەسەپكە سالىستىرىپ تىزىمنەن ءوشىرۋدى ورىنداپ، نەگىزگى تاقىرىپتىق تاربيەدە ساپانى يگەرىپ، ناقتى ونىمدىلىككە قول جەتكىزۋگە شىنايى كەپىلدىك ەتتى.

بۇراتالا وبلىستىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى يان ۋي بىلاي دەدى: ”ءبىز شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى ۇيىستىرىپ، رۋحتى سومداۋعا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جۇيەسىن، وزەكتى ءمانىن، امالياتتىق تالابىن جاپپاي ۇيرەنىپ، ءتۇسىنىپ، پارتيانىڭ جاسامپاز نازارياسىمەن وي - سانانى قارۋلاندىرىپ، قابىلەتتى ارتتىرىپ، شىنايى يگەرىپ ناقتى ىستەۋدى كورنەكتىلەندىرىپ، حالىق تۇرمىسى ناقتى ىستەرىن ويداعىداي ىستەپ، كورنەكتى ماسەلەلەردى رەتتەپ - وڭاپ، ۇيرەنۋ جەتىستىكتەرىن ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدەگى ناقتى ارەكەتكە جانە ءىس جۇزىندىك ونىمدىلىككە اينالدىردىق“.

سوڭعى جىلدارى قىزىلسۋ قىرعىز اۆتونوميالى وبلىستىق مادەنيەت، دەنە تاربيە جانە ساياحات مەكەمەسى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ارقاۋ ەتىپ، زەرتتەۋ - تالقىلاۋ، پىكىر اۋىستىرۋ ورىستەتتى.

قىزىلسۋ وبلىستىق مادەنيەت، دەنە تاربيە جانە ساياحات مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى دىلشات تىلەش زەرتتەۋ - تالقىلاۋ، پىكىر اۋىستىرۋ كەزىندە بىلاي دەدى: ”ۇيرەنۋدىڭ ماقساتى قولدانۋدا، قابىلەتتى كۇشەيتىپ، قۋاتتى ارتتىرۋدا. مادەنيەت - ساياحات قىزمەتىمەن شۇعىلداناتىن پارتيالى كادر رەتىندە، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ سىندى نەگىزگى تاقىرىپتى، نەگىزگى جەلىنى جانە ءتۇبىرلى مىندەتتى مىقتى يگەرىپ، قاز - قالپىندا ۇيرەنىپ، زەيىن قويا ءتۇسىنىپ، تىڭعىلىقتى ىستەپ، مادەني ەسكەرتكىشتەردى اناعۇرلىم ويداعىداي كادەگە جاراتىپ پايدالانۋدى جانە قورعاۋدى كوزدە ۇستاپ، «ماناس» ەپوسىن ۋاكىل ەتكەن بەيزاتتىق مادەنيەت مۇرالارىن جالعاستىرۋدى، قورعاۋدى جانە دامىتۋدى زور كۇشپەن ىلگەرىلەتىپ، جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن كادەگە جاراتۋدى، جاڭالىق اشا دامىتۋدى قۇلشىنا ىلگەرىلەتىپ، جۇڭحۋا ۇلتى ورتاق تۇلعا تانىمىن بەرىك ورناتامىن.

ناقتى ىستەپ، جاۋاپكەرشىلىك ارقالاپ دامۋدى جەبەدى

ۇيرەنۋ ىستەۋدىڭ نەگىزى، ىستەۋ ۇيرەنۋ ءۇشىن پايدالانىلادى. 2 - توپتاعى نەگىزگى تاقىرىپتىق تاربيە ورىستەتىلگەننەن بەرى رايونىمىزدىڭ جەر - جەرىندەگى پارتيا مۇشەلەرى، كادرلار پارىقتاردى، ولقىلىقتاردى قۇلشىنا تاۋىپ، ماسەلەنى شەشۋ وي جەلىسىن دالمە - ءدال تاۋىپ، مىندەت اتقارىپ، جاۋاپكەرشىلىگىن ادا ەتۋ قابىلەتىن جوعارىلاتىپ، ۇيرەنۋ ارقىلى ىستەۋدى جەبەۋ جاعىندا ناقتى ونىمدىلىككە قول جەتكىزدى.

9 - ايدىڭ 26 - كۇنى قوبىقسارى موڭعۇل اۆتونوميالى اۋدانىنداعى ءار ۇلت بۇقاراسى كوپتەن كۇتكەن بايياڭ وزەنىنە سۋ باستاۋ ينجەنەرياسىندا ءساتتى سۋ ءجۇردى. تارباعاتاي ايماعى نەگىزگى تاقىرىپتىق تاربيەنى وراي ەتىپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا شەشۋدى ماڭداي الدى ورىنعا قويىپ، تاباندىلىقپەن تياناقتاندىرۋدى يگەردى، بايياڭ وزەنىنە سۋ باستاۋ ينجەنەرياسىنا سۋ جۇرگىزۋ جاڭا جاۋاپكەرشىلىك ارقالاۋ، جاڭا ىسكەرلىك كورسەتۋ ارقىلى جوعارى ساپالى دامۋدى ىلگەرىلەتۋدە قول جەتكىزگەن جاڭا ونىمدىلىكتەرىن ايگىلەدى.

تارباعاتاي ايماقتىق پارتكومنىڭ مۇشەسى بي حاي بىلاي دەدى: ” 2 - توپتاعى نەگىزگى تاقىرىپتىق تاربيە ورىستەتىلگەننەن بەرى تارباعاتاي ايماقتىق سۋ يگىلىگى تاراۋلارىنداعى پارتيا مۇشەلەرى، كادرلار باس شۋجي شي جينپيڭنىڭ سۋدى وڭاۋ جونىندەگى ماڭىزدى بايىمداۋلارىن مۇقيات ۇيرەنىپ، باتىل دايەكتىلەندىرىپ، تياناقتاندىرىپ، نازاردى سۋ بايلىعىن جوعارى ءونىمدى جايعاستىرۋعا جانە ۇيلەسىمدى پايدالانۋعا شوعىرلاندىرىپ، حالىق تۇرمىسى ينجەنەرياسىن ويداعىداي ىستەۋگە، ناقتى ىستەۋگە تاباندى بولىپ، بايياڭ وزەنىنە سۋ باستاۋ ينجەنەرياسى سياقتى ءبىر توپ ءتۇيىندى سۋ يگىلىگى ينجەنەرياسى قۇرىلىسىن كۇش سالا ىلگەرىلەتىپ، ايماقتىڭ سۋ بايلىعىن جايعاستىرۋ ارناسىن ۇزدىكسىز ساپالىلاندىردى“.

نازاريانىڭ قۇنى امالياتقا جەتەكشىلىك ەتۋدە، ۇيرەنۋدىڭ ماقساتى قولدانۋدا. 2 - توپتاعى نەگىزگى تاقىرىپتىق تاربيە ورىستەتىلگەننەن بەرى قۇمىل قالالىق دەنساۋلىق ساقتاۋ، سالاماتتىق جۇيەسى باستى تالاپتى مىقتى يگەرىپ، فۋنكتسيانى، قىزمەت جاۋاپكەرشىلىگىن تىعىز ارقاۋ ەتىپ، قىزمەت امالياتىنا ۇشتاستىرىپ، نازاريالىق ۇيرەنۋدىڭ جەتىستىكتەرىن قىزمەتتى ىلگەرىلەتەتىن وي جەلىسىنە، شاراعا اينالدىرىپ، نازاردى بۇقارانىڭ شۇعىل، قيىن، ۋايىمداعان، ءزارۋ ماسەلەلەرىنە شوعىرلاندىرىپ، بۇقارانىڭ سالاماتتىعىن دالمە - ءدال قورعاپ، نەگىزگى تاقىرىپتىق تاربيەدە ناقتى ناتيجە شىعارىپ، ناقتى ونىمدىلىككە قول جەتكىزۋگە شىنايى كەپىلدىك ەتتى.

قۇمىل قالالىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشىسى ءشادات امەت بىلاي دەدى: ”قۇمىل قالالىق دەنساۋلىق ساقتاۋ، سالاماتتىق كوميتەتى ءىس جۇزىندىككە ۇشتاستىرىپ، ءار ۇلت بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا شەشىپ، اۆتونوميالى رايوننىڭ ’ناقتى ءىس ىستەۋ، حالىقتى ۋايىمنان ارىلتۋ‘ حالىق تۇرمىسى ناقتى ىستەرىن ىرىقتىلىقپەن جالعاستىرۋ نەگىزىندە، وتباسى شيپاگەرىنىڭ كەلىسىم جاساسقان قىزمەت وتەۋىن جوعارى ساپامەن ىلگەرىلەتۋدى بۇقارانىڭ ناۋقاس كورسەتۋ، ەمدەلۋ تىلەگىن ورىندايتىن پارمەندى تۇتقا ەتىپ، قىزمەت مەحانيزمىن ونان ارى كەمەلدەندىرىپ، ادامداردى باۋلۋ جانە باقىلاۋدى، باعالاۋدى كۇشەيتىپ، كەلىسىم جاساسىپ قىزمەت وتەۋمەن قامتۋ كولەمىن ۇزدىكسىز كەڭەيتىپ، نەگىزگى تاقىرىپتىق تاربيە ۇيرەنۋ جەتىستىكتەرىن بۇقاراعا قىزمەت وتەيتىن ونىمدىلىككە شىنايى اينالدىرىپ، قۇمىلداعى ءار ۇلت بۇقاراسىنىڭ تابىس سەزىمىن، باقىت سەزىمىن ۇزدىكسىز كۇشەيتتى“.

(ءتىلشى شيا چيڭ، ەرىكتى تىلشىلەر لي جيانچىڭ، لۋ جۇڭ، گو جىنيۇي، جاۋ جىندۇڭ، جاڭ بيڭ، فان كۇن، جىڭ تىڭشيڭ)