ۇيرەنۋ ارقىلى پاراساتتى ارتتىرىپ، ەرەن قابىلەتتى جوعارىلاتتى

ىلە وبلىسى ماسەلەنى باعدار ەتۋگە تاباندى بولىپ، نەگىزگى تاقىرىپتىق تاربيەنىڭ ىشكەرىلەۋىن، ناقتىلانۋىن ىلگەرىلەتتى

ٴتىلشىمىز لي يافىڭ حابارلايدى. نەگىزگى تاقىرىپتىق تاربيە ورىستەتىلگەننەن بەرى اۆتونوميالى وبلىسىمىزداعى ٴار دارەجەلى پارتيا ۇيىمدارى باس شۋجي شي جينپيڭنىڭ ۇيرەنۋ ارقىلى اقىل - پاراساتتى ارتتىرۋ جونىندەگى ماڭىزدى بايىمداۋىن مۇقيات ۇيرەنىپ، دايەكتىلەندىرىپ، نازاريالىق تاربيەلەنۋ بارىسىندا باستان ـ اياق شىڭدالىپ، نەگىزگى رۋحىن ۇزدىكسىز جەتە ٴتۇسىنىپ، وزەكتى مازمۇنىن جەتە ۇيرەنىپ، تەرەڭ ٴمانىن جەتە ۇعىنىپ، پارتيانىڭ عىلمي نازارياسىنان زاڭدىلىقتى اناعۇرلىم ٴتۇسىنىپ، باعداردى ايقىنداپ، ٴادىس ـ امال ۇيرەنىپ، اقىل - پاراساتتى ارتتىرىپ، پارتيالى كادرلاردى ساياسي قابىلەتىن، ويلاۋ قابىلەتىن، امالياتتىق قابىلەتىن باستاماشىلدىقپەن جوعارىلاتۋعا جەتەكتەپ، تاسقىنداعان ۇيرەنۋ جانە قىزمەت ىنتاسىن جوعارى ساپالى دامۋدى ىلگەرىلەتۋدىڭ قۇدىرەتتى قوزعاۋشى كۇشىنە اينالدىرىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا ىلە ۇلەسىن قوستى. 

ساياسي قابىلەتتى جوعارىلاتىپ، جاۋاپكەرشىلىك ارقالاپ، ىسكەرلىك كورسەتۋدە ”رولدى“ ٴدال مەڭگەردى

”يدەيانى ۇيرەنۋ“ − جاڭا داۋىردەگى جاڭا جورىقتا ىستەرىمىزدى دامىتىپ، جاڭا جاعداي اشۋدىڭ ٴتۇبىرلى تالابى. قالىڭ پارتيالى كادرلار نەگىزگى تاقىرىپتىق تاربيە بارىسىندا ىشكەرىلەي ۇيرەنىپ، ەگجەي ـ تەگجەيلى سالىستىرىپ، شىنايى اتقارىپ، يدەياسى دۇرىس، كاسىپكە جەتىك، قابىلەتى كۇشتى بولۋدى قۇلشىنا جۇزەگە اسىرىپ، بۇقارا تۇرعىسىنان ماسەلەگە وي جۇگىرتۋگە، شەشىم جاساۋعا، ناقتى ٴىس ىستەۋگە شىنايى كەپىلدىك ەتتى.

وبلىستىق قوعام حاۋىپسىزدىگى مەكەمەسى پارتكومى ”يدەيانى ۇيرەنۋدى“ ەڭ ماڭىزدى ورىنعا قويىپ، باسشىلار باستاماشىلدىقپەن ۇيرەنۋ جانە كىتاپ وقۋ كلاسىن اشۋ، اۋىس - كۇيىس جاساۋ، زەرتتەۋ - تالقىلاۋ ٴماجىلىسىن وتكىزۋ سياقتى فورمالار ارقىلى پارتيالى كادرلاردى دەن قويا، ەگجەي - تەگجەيلى وقۋعا، ىشكەرىلەي زەرتتەۋگە كۇش سالۋعا ۇزدىكسىز جەتەكتەپ، ىشكەرىلەي ۇيرەنۋگە، جەتە تۇسىنۋگە، جەتە يگەرۋگە، شىنايى تياناقتاندىرۋعا قۇلشىندى.

وبلىستىق قوعام حاۋىپسىزدىگى مەكەمەسى پارتكومىنىڭ ورىنباسار شۋجيى، مەكەمەنىڭ ورىنباسار باستىعى ۋاڭ جىنجۇڭ بىلاي دەدى: ىشكەرىلەي ۇيرەنۋ ارقىلى شينجياڭنىڭ مەملەكەت جالپى جاعدايىنداعى ستراتەگيالىق ورنىن مىقتاپ يگەردىك، بۇدان كەيىن قوعام حاۋىپسىزدىگى ورگاندارى زاڭمەن باسقارۋ ويى جانە زاڭمەن  باسقارۋ ٴتاسىلى ارقىلى حاۋىپ - قاتەردەن ساقتانۋعا، قىلمىسقا سوققى بەرۋگە، ماسەلەلەردى ٴبىر جاقتى ەتۋگە، قايشىلىقتاردى شەشۋگە تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن شىن مانىندە ناقتاپ تياناقتاندىرىپ، ناقتى ونىمدىلىككە قول جەتكىزىپ، وڭايلىقپەن قولعا كەلمەگەن قوعام ورنىقتىلىعى جالپى جاعدايىن ويداعىداي بەكەمدەيدى. 

وبلىستىق پارتكوم قارت كادرلار مەكەمەسى نازاريا ۇيرەنۋدى ماڭداي الدى ورىنعا قويۋعا جانە ونى باستان - اياق ساباقتاستىرۋعا تاباندى بولىپ، دەمالىسقا، زەينەتكە شىققان كادرلار مەن پارتيا مۇشەلەرىنىڭ ٴىس جۇزىندىك جاعدايىمەن ۇشتاستىرىپ، الىس ارالىقتى ۇيرەتۋ، ۇيىنە بارىپ ۇيرەتۋ، ”جۇپ قۇراپ“ كومەكتەسىپ ۇيرەتۋ سياقتى يكەمدى تاسىلدەرمەن نەگىزگى تاقىرىپتىق تاربيەنىڭ دەمالىسقا، زەينەتكە شىققان پارتيالى كادرلاردى ٴونىمدى قامتۋىنا كەپىلدىك ەتتى. 

وبلىستىق پارتكوم ۇيىمداستىرۋ ٴبولىمىنىڭ ورىنباسار باستىعى، قارت كادرلار مەكەمەسىنىڭ باستىعى پاڭ شياۋحۇڭ بىلاي دەدى: ٴبىز دەمالىسقا، زەينەتكە شىققان كادرلار مەن پارتيا مۇشەلەرىنىڭ ساياسي باسىمدىعىن، تاجىريبە باسىمدىعىن، بەدەل باسىمدىعىن اناعۇرلىم ساۋلەلەندىرىپ، ”ٴداستۇردى، گۇلدەنۋدى تىلگە تيەك ەتىپ، كۇش - قۋات ۇيىستىرۋ“ سىندى ارناۋلى تاقىرىپتىق تەكسەرۋ - زەرتتەۋدى ىشكەرىلەي ورىستەتىپ، ”وڭ ەنەرگيا ۇستەۋ. جۇڭگو ارمانىن بىرگە جۇزەگە اسىرۋ“ قيمىلىن ۇزدىكسىز تەرەڭدەتىپ، دەمالىسقا، زەينەتكە شىققان پارتيالى كادرلاردىڭ پارتيا مۇشەسى تانىمىن كۇشەيتۋىن، پارتيا مۇشەسى سالاۋاتىن ەستە بەرىك ساقتاۋىن ۇزدىكسىز جەبەپ، قارت كادرلار ەرىكتىلەر توبىنىڭ قىزمەت وتەۋ يقۋاتىن اناعۇرلىم تاسقىنداتىپ، ناقتى شارالارمەن نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن ىلگەرىلەتەمىز. 

ويلاۋ قابىلەتىن جوعارىلاتىپ، ماسەلەلەردى عىلمي جولمەن شەشۋدىڭ ”باس كىلتىن“ يگەردى

اۆتونوميالى وبلىسىمىزداعى ٴار دارەجەلى پارتيا ۇيىمدارى شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ادىستەمەسىن مىقتى يگەرىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولىپ جانە ودان ويداعىداي پايدالانىپ، پارتيانىڭ جاسامپاز نازارياسى جونىندەگى ساياسيدى، يدەيانى، نازاريانى، سەزىمدى شىنايى مويىنداۋدى ۇزدىكسىز ارتتىرىپ، نەگىزگى تاقىرىپتىق تاربيەدە ناقتى ونىمدىلىككە قول جەتكىزۋدى ىلگەرىلەتتى.

موڭعۇلكۇرە اۋدانى موڭعۇلكۇرە قالاشىعىنىڭ تۇعىلشىنبۇلاق قىستاعى پارتيا ياچەيكاسى ”يدەيانى ۇيرەنۋ، پارتيالىلىقتى كۇشەيتۋ، امالياتقا ٴمان بەرۋ، تىڭ ۇلەس قوسۋ“ باس تالابىن مىقتى يگەرىپ، باس شۋجي شي جينپيڭنىڭ قىزىل بايلىقتان ويداعىداي پايدالانۋ جونىندەگى ماڭىزدى بايىمداۋىن ىشكەرىلەي دايەكتىلەندىرىپ، تياناقتاندىرىپ، مايەك زيالى جاستار سارايىنىڭ قىزىل بايلىعىن تولىق اشىپ جانە ودان ويداعىداي پايدالانىپ، قىزىل تاربيە يقۋاتىن كۇشەيتىپ، قىزىل مادەنيەتپەن رۋحتى سومداپ، ادام تاربيەلەۋدى شىنايى جۇزەگە اسىردى.

تۇعىلشىنبۇلاق قىستاعىنىڭ ٴبىرىنشى شۋجيى، موڭعۇلكۇرە اۋداندىق ۇكىمەت كەڭسەسىنىڭ وسى قىستاقتا تۇراتىن قىزمەت اترەتىنىڭ باستىعى ۋاڭ شىپىڭ بىلاي دەپ تانىستىردى: مايەك زيالى جاستار سارايىندا قامتىلعان ادام، زات، ٴىس، رۋح سياقتىلار ادام تاربيەلەۋدىڭ ماڭىزدى دانەكەرى، وتانشىلدىق تاربيە مەن مۇرات ـ سەنىم تاربيەسىن ورىستەتۋدەگى ەڭ جاندى وقۋلىق. بۇل قىستاق قىزىل بايلىق ”كەنىشىن“ بەلسەنە ىشكەرىلەي اشىپ، قىزىل گەننىڭ قۇپياسىن جان - جاقتى شەشىپ، قىزىل بايلىقتى شىن مانىندە ”جانداندىرۋعا“ مۇمكىندىك جاساپ، اناعۇرلىم كوپ ادامنىڭ زيالى جاستاردىڭ قاجىرلىلىقپەن كۇرەس جۇرگىزگەن، قالتقىسىز ۇلەس قوسقان رۋحاني قاسيەتىن ۇيرەنۋىنە شابىت بەرىپ، پارتيانى، وتاندى ٴسۇيۋ، پارتيانىڭ، وتاننىڭ ٴۇمىتىن اقتاۋ، مۇرات - سەنىمدى بەكەمدەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كۇش - قۋاتىن ارنادى.

قورعاس جين ـ ي حالىقارالىق ساۋدا (توبى) شەكتى سەرىكتەستىگى پارتيا ياچەيكاسى نەگىزگى تاقىرىپتىق تاربيەنى وراي ەتىپ، باس شۋجي شي جينپيڭنىڭ ”ٴبىر بەلدەۋ، ٴبىر جولدى“ بىرگە قۇرۋدى ىلگەرىلەتۋ جونىندەگى ماڭىزدى بايىمداۋىن ىشكەرىلەي ۇيرەنىپ، ٴتۇسىنىپ، جىبەك جولى ەكونوميكالىق بەلدەۋى وزەكتى رايونى قۇرىلىسى ورايىن مىقتى يگەرۋدى ارقاۋ ەتىپ، ماسەلەلەردى شەشۋدەن قامال الىپ، بازاردى تەكسەرۋ ـ زەرتتەۋدى تەرەڭدەتىپ، جەلى بويىنداعى ساۋدا ورايىن كەڭەيتىپ، كاسىپ تىزبەگىندەگى ولقىلىقتاردى جەدەل تولىقتاپ، وڭىرلىك باسىمدىققا يە بايلىقتان جاندى پايدالاندى.

اتالعان سەرىكتەستىكتىڭ پارتيا ياچەيكاسىنىڭ شۋجيى، باس جوراسى يۇي چىڭجۇڭ بىلاي دەدى: ىشكەرىلەي ۇيرەنۋ ارقىلى بۇدان كەيىن ”ٴبىر بەلدەۋ، ٴبىر جول“ ساۋدا ورايىن مىقتاپ يگەرىپ، حالىقارالىق ساۋداعا قىزمەت وتەۋ اۋىس ـ كۇيىسىن جانە سەلبەستىگىن بەلسەنە ورىستەتۋ جونىندە اناعۇرلىم ايقىن جوسپارعا يە بولدىق، قىزمەتتىڭ بىرىككەن كۇشىن ۇيىستىرىپ، شەتەلدەگى قامبالاردى ورتا ازياداعى 5 ەلمەن جانە رەسەيمەن تۇتاستىراتىن توراپتىق باسىمدىلىقتان تولىق پايدالانىپ، كاسىپورىنداردىڭ ساۋدا كولەمىندە تىڭ ناتيجەگە قول جەتكىزۋدى ۇزدىكسىز ىلگەرىلەتەمىز.

امالياتتىق قابىلەتتى جوعارىلاتىپ، ٴىس تىندىرىپ، ناتيجە شىعارۋداعى ”نەگىزگى ونەردى“ شىڭدادى

ۇيرەنۋ − نەگىز قالاۋ ٴۇشىن، نەگىز قالاۋ − ۇيرەنگەندى قولدانۋ ٴۇشىن بولماق. ۇيرەنۋدىڭ ماقساتى بۇكىلدەي قولدانۋدا، ويلاۋ قابىلەتىن جوعارىلاتۋ اينالىپ كەلگەندە امالياتتىڭ سىنىنان وتەدى. اۆتونوميالى وبلىس نازاريانى امالياتپەن ۇشتاستىرۋداي ۇيرەنۋ ستيلىن بەلسەنە ساۋلەلەندىرىپ، بۇقاراعا نەگىزگى تاقىرىپتىق تاربيە الا كەلگەن وزگەرىستەردى شىنايى سەزىندىردى.

وبلىستىق تۇرعىن ٴۇي الەۋمەتتىك قورىن باسقارۋ ورتالىعىنىڭ پارتيا باسشىلىق گرۋپپاسى ٴبىر جاعىنان، ۇيرەنۋگە، ٴبىر جاعىنان، سالىستىرۋعا، ٴبىر جاعىنان، تەكسەرۋگە، ٴبىر جاعىنان، رەتتەۋ - تۇزەتۋگە تاباندى بولىپ، ”بۇقارانىڭ تىلەگى ٴبىزدىڭ مىندەتىمىز“، ”ارىزدى تاپسىرىپ العان زامان بىتىرەمىز“ مەحانيزمىن بەلسەنە تياناقتاندىرىپ، جۇمىسشى - قىزمەتكەرلەردىڭ اڭىسى كۇشتى بولعان جۇمىس ٴبىتىرۋ بارىسىنداعى ”كوپ جەرگە شاپقىلاۋ“، ”قايتا - قايتا شاپقىلاۋ“ ماسەلەسى جونىندە الدىمەن باستاما كوتەرىپ، ”ساۋدا سيپاتتى قارىزدى الەۋمەتتىك قورعا جوتكەپ“ رەتى بويىنشا كەپىلگە قويۋدى جۇزەگە اسىرۋ، ساۋدانى كوركەيتۋ توراپ جۇيەسىن قۇرۋ، الەۋمەتتىك قور قارىزى بويىنشا جىلجىمايتىن مۇلىكتى كەپىلگە قويۋدى تىزىمگە الدىرۋدى ساپالىلاندىرۋ سىندى حالىققا ٴتيىمدى 3 ٴتۇرلى شارا ارقىلى تۇرعىن ٴۇي الەۋمەتتىك قورى قارىزىنىڭ تيىمدىلىك كولەمىن كەڭەيتىپ، تۇرعىن ٴۇي الەۋمەتتىك قورى كاسىبىنىڭ قىزمەت وتەۋ فۋنكتسياسىن جوعارىلاتىپ، تۇرعىن ٴۇي الەۋمەتتىك قورى كاسىبىن ”ٴبىر جەردەن عانا ٴبىتىرۋدى“ ىلگەرىلەتىپ، حالىق تۇرمىسىنا قاتىستى ناقتى ىستەردى  تياناقتاندىرىپ، ناقتى ونىمدىلىككە قول جەتكىزدى.

سوربۇلاق قالاشىعى قاق قىستاعى كۇنەس اۋدانىنداعى جالپى حالىق بولىپ كۇرىش ەگەتىن بىردەن - ٴبىر اكىمشىلىك قىستاق، قىستاق پارتيا ياچەيكاسى نازاريالىق ۇيرەنۋدى تىڭعىلىقتى ورىستەتۋ ارقىلى حالىق ٴۇشىن قىزمەت وتەۋ ماقسات تانىمىن اناعۇرلىم بەرىك ورناتىپ، بۇقاراعا قىزمەت وتەۋ ورەسىن جوعارىلاتىپ، زەردەلى اۋىل شارۋاشىلىعى بويىنشا تاربيەلەۋ قىزمەتىن ورىستەتۋ، ”سيفرلاندىرىپ ەگۋدىڭ“ تىڭ جولىن قاراستىرۋ ارقىلى كۇرىش ٴوندىرىسىنىڭ ونىمدىلىگىن جوعارىلاتتى؛ ەگىمشىلىك وتباسىلارى ۇزاقتان ارمانداپ كەلگەن كۇرىش مانەرلەۋ مەن قامبادا ساقتاۋ كاسىپورىندارىنىڭ اينالىمىن ىلگەرىلەتۋ، وزىندىك قۇندى ۇنەمدەۋ، ونىمدىلىكتى ارتتىرۋ، ساپانى جوعارىلاتۋ سياقتىلاردى شىن مانىندە جۇزەگە اسىرىپ، ەگىمشىلىك وتباسىلارىنىڭ استىق ساتىپ كىرىستەرىن ارتتىرۋ جاعىندا ەشتەڭەدەن الاڭداماۋىنا مۇمكىندىك جاساپ، اۋىل ـ قىستاقتى گۇلدەندىرۋ ٴۇشىن ۇزدىكسىز تىڭ قوزعاۋشى كۇش ۇستەدى.

قاق قىستاعى پارتيا ياچەيكاسىنىڭ شۋجيى حۋ چاڭۋىن بىلاي دەدى: قاق قىستاعى كۇنەس وزەنى الابىنداعى سەلون قۇرامدى توپىراق ابزالدىلىعىنان پايدالانىپ، اۋىل شارۋاشىلىق عىلىم ـ تەحنيكاسىنا باۋلۋ تەبىنىن ارتتىرىپ، كۇرىشتى سۇرىپتاۋ، عىلمي ەگۋ، باسقارۋ، جىنتىكتەي مانەرلەۋ، ايگىلى ماركا قۇرىلىسى سياقتى جاقتارعا كۇش سالىپ، شارۋا وتباسىلارى مەن بازاردىڭ ٴونىمدى ۇشتاسۋىن جۇزەگە اسىرىپ، كۇرىش ەگۋدىڭ قوسىمشا قۇنىن جوعارىلاتىپ، قىستاق تۇرعىندارىنىڭ كىرىسىن ارتتىرىپ، قىستاقتى الۋەتتەندىرۋ، حالىقتى اۋقاتتاندىرۋ اياق الىسىن جەدەلدەتىپ، باي مازمۇندى باقىتتى جاڭا تۇرمىس جاراتتى.

(ٴوز ٴتىلشىمىز گو جۇن، ەرىكتى تىلشىلەر تاڭ لي، لي سىلۋ، شيا يان، ۋ شۋە، ۋاڭ دۇڭشۇي)