”شەشۋشى ازشىلىق“ ۇلگى كورسەتۋ رولىن ساۋلەلەندىرۋى كەرەك

− نەگىزگى تاقىرىپتىق تاربيەنى تىڭعىلىقتى ىلگەرىلەتۋ جونىندە جەلىلەس سۇحپات (22)

□ شين شىجيان

پارتيانىڭ جاسامپاز نازارياسىنان زاڭدىلىقتى ٴتۇسىنىپ، ٴادىستى ۇعىنىپ، پاراساتتى ارتتىرىپ، تەكسەرۋ - زەرتتەۋدى ىشكەرىلەي ورىستەتىپ، ٴار ۇلت بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرىن كۇش سالا شەشتى... 2 - توپتاعى نەگىزگى تاقىرىپتىق تاربيە ورىستەتىلگەننەن بەرى رايونىمىز اۋدان - باسقارما دارەجەلىدەن جوعارى باسشى كادرلار سىندى وسى ”شەشۋشى ازشىلىقتى“ ويداعىداي يگەرۋدى كورنەكتىلەندىردى، باسشى كادرلار الدا ٴجۇرىپ، جۇمىسقا ەلدەن بۇرىن كىرىسىپ، تيانشان الابىندا ٴبىر دارەجە ٴبىر دارەجەگە ۇلگى كورسەتەتىن، ٴبىر دارەجە ٴبىر دارەجەنى باستاپ ىستەيتىن تاماشا راي قالىپتاستىرۋدى ىلگەرىلەتىپ، نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن، ارەكەتتە، ونىمدىلىكتە ايگىلەنۋىن پارمەندى ىلگەرىلەتتى.

ۇلگى بولىپ، ناتيجە جاراتپاساڭ وزگەلەر ساعان بويسۇنبايدى ٴارى سەنبەيدى. ”شەشۋشى ازشىلىق“ نەگىزگى تاقىرىپتىق تاربيەگە ات سالىسۋشى عانا ەمەس، ونان دا ماڭىزدىسى باسشىلىق ەتۋشى، ۇيىمداستىرۋشى، ىلگەرىلەتۋشى، ۇلگى كورسەتۋ رولى ويداعىداي ساۋلەلەندىرىلسە، جوعارى تومەنگە ۇلگى بولىپ، نەگىزگى تاقىرىپتىق تاربيەنى ۇزدىكسىز ىشكەرىلەتۋگە جەتەكتەپ، قالىڭ پارتيا مۇشەلەرىن، كادرلاردى يدەيالىق شىڭدالۋدان، رۋحاني سىننان سۇرىنبەي وتۋگە جەتەلەپ، ماركسيزم جونىندەگى نانىمدى، جۇڭگوشا سوتسياليزم جونىندەگى ۇستانىمدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جونىندەگى سەنىمدى بەكەمدەۋگە بولادى. ويتپەگەندە، نەگىزگى تاقىرىپتىق تاربيەنىڭ ساپاسى مەن ونىمدىلىگىنە تىكە ىقپال كورسەتىپ عانا قويماي، اۋەلى، پارتيانىڭ بۇقارا اراسىنداعى وبرازىنا زيان جەتكىزەتىن بولادى.

نازاريا ۇيرەنۋ جاعىندا ۇلگى كورسەتۋ كەرەك. نازاريا ۇيرەنۋدى ويداعىداي يگەرۋ نەگىزگى تاقىرىپتىق تاربيەنى ويداعىداي ورىستەتۋدىڭ نەگىزى. باسشى كادرلار پارتيا مەن مەملەكەت ىستەرىنىڭ دامۋىن جەبەيتىن ”تايانىش“ رەتىندە، وسكەلەڭ يدەيالىق سانالىلىق، ساياسي سانالىلىق، ارەكەت سانالىلىعى ارقىلى نازاريا ۇيرەنۋدى باستاماشىلدىقپەن ويداعىداي يگەرىپ، ٴتۇپ نۇسقانى وقۋعا، اۋەلگى ٴماتىندى ۇيرەنۋگە، قاعيدانى تۇسىنۋگە تاباندى بولىپ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جۇيەسىن، وزەكتى ٴمانىن، امالياتتىق تالابىن جاپپاي ۇيرەنىپ، ٴتۇسىنىپ، تۇتاس تۇلعالىق يگەرۋدى، جەتە ٴتۇسىنۋدى ورىنداۋ ٴارى وندا قامتىلعان يدەيالىق ٴادىستى، قىزمەت ٴادىسىن قانىق يگەرىپ، باسقا پارتيالى كادرلاردى، بۇقارانى دۇرىس، دەر كەزىندە كۇدىك - كۇماننان ارىلتىپ عانا قويماي، ٴار دارەجەلى كادرلاردى ساتىلار بويىنشا ىلەسىپ ۇيرەنۋگە ونان ارى باستاپ، جەتەكتەپ، قالىڭ پارتيا مۇشەلەرىنىڭ، كادرلاردىڭ نانىم نەگىزىن ۇزدىكسىز بەكەمدەۋىنە، رۋحاني كالتسيدى تولىقتاۋىنا، يدەيالىق تىزگىندى مىقتاپ ۇستاۋىنا مۇمكىندىك جاساۋ كەرەك.

تەكسەرۋ - زەرتتەۋ جاعىندا ۇلگى كورسەتۋ كەرەك. تەكسەرۋ - زەرتتەۋ وسى رەتكى نەگىزگى تاقىرىپتىق تاربيەنىڭ ايقىن ەرەكشەلىگى، ماڭىزدى مازمۇنى. باسشى كادرلار ”تەرەڭ تاۋ قويناۋىنا بارىپ، جاقسى ٴدارى - دارمەك قازاتىن“ بەكىم ارقىلى نەگىزگى ساتىنى ىشكەرىلەي ارالاپ ماسەلەلەردى بايقاۋ، اسىرەسە، اۋىل - قىستاقتىڭ ٴبىرىنشى شەبىنە كوبىرەك بارىپ، قيىنشىلىق كوپ، بۇقارانىڭ پىكىرى شوعىرلانعان، قىزمەتتە جاعداي اشۋ قيىنعا سوققان جەرلەرگە كوبىرەك بارىپ، ناقتى جاعدايدى ٴبىلۋ، ماسەلەنى تابۋ؛ ماسەلەنى انىق - قانىعىنا جەتەتىن ونەرمەن زەرتتەپ، قيىن ماسەلەلەردى شەشۋدىڭ ناقتى شاراسىن، قاتاڭ شاراسىن الىپ شىققانعا دەيىن ايالداماۋ؛ ”العان بەتىنەن جازبايتىن“ قايسارلىقپەن ماسەلەلەردى شەشۋ، قىزمەتتەردى ىلگەرىلەتۋ كەرەك. باسشى كادرلار ٴىس - ارەكەتى ارقىلى ٴوز باسىنان ونەگە كورسەتىپ، ۇلگى بولعاندا عانا شىندىققا جۇگىنىپ، ناقتى ٴىس ىستەۋ ستيلىنىڭ نەگىزگى ساتىدا تاماشا سالت بولىپ قالىپتاسۋىنا، ٴىس جۇزىندىك ماسەلەلەردى شەشۋ بارىسىندا دامۋدى ۇزدىكسىز ىلگەرىلەتۋگە مۇمكىندىك جاساي الادى.

رەتتەۋ - تۇزەتۋدى تياناقتاندىرۋ جاعىندا ۇلگى كورسەتۋ كەرەك. رەتتەۋ - تۇزەتۋدى تياناقتاندىرۋ نەگىزگى تاقىرىپتىق تاربيەدە ناقتى ونىمدىلىككە قول جەتكىزۋدىڭ تەتىگى. باسشى كادرلار ٴوزىن قاداعالاپ، بورشالاۋدان بايقالعان ماسەلەلەرگە، دامۋدى ىلگەرىلەتۋدە جولىققان ماسەلەلەرگە، بۇقارانىڭ اڭىسى كۇشتى ماسەلەلەرگە مەڭزەس ماسەلە ٴتىزىمىن ٴبىر - بىرلەپ ورناتۋ ٴارى رەتتەۋ - تۇزەتۋ شاراسىن جاساپ، تۇزەتۋگە بولاتىندارىن دەرەۋ تۇزەتۋ، قازىرشە شەشە المايتىندارىنا قاراتا ماسەلەنى مىقتى يگەرىپ، رەتتەۋ - تۇزەتۋدىڭ تىڭعىلىقتى تياناقتانۋىنا شىنايى كەپىلدىك ەتۋ كەرەك. باسشى كادرلار شىنايى تۇزەتىپ، ٴبىر - بىرلەپ تياناقتاندىرۋدى يگەرگەندە عانا نەگىزگى تاقىرىپتىق تاربيەنىڭ ارەكەتتە ايگىلەنىپ، ونىمدىلىك كورسەتۋىن ىشكەرىلەي ىلگەرىلەتىپ عانا قويماي، ونان دا ماڭىزدىسى، تاڭداۋلى ستيل ارقىلى حالىقتىڭ سەنىمىنە يە بولىپ، تاماشا بۇقارالىق نەگىزگە قول جەتكىزۋگە بولادى.

بۇقاراعا قىزمەت وتەۋ جاعىندا ۇلگى كورسەتۋ كەرەك. بۇقاراعا قىزمەت وتەۋ پارتيانىڭ ٴتۇبىرلى ماقساتىن امالياتتا ايگىلەۋدىڭ ماڭىزدى بەينەسى عانا ەمەس ٴارى نەگىزگى تاقىرىپتىق تاربيە ونىمدىلىگىن سىننان وتكىزەتىن ماڭىزدى ولشەم. 2 - توپتاعى نەگىزگى تاقىرىپتىق تاربيەگە ساياتىن ورىندار مەن قىزمەتكەرلەردىڭ بۇقارامەن بايلانىسى اناعۇرلىم تىكە، بۇقارانىڭ شەشۋدى كۇتىپ وتىرعان ماسەلەلەرى اناعۇرلىم ناقتى. باسشى كادرلاردىڭ بىلەك سىبانا كىرىسىپ، ٴبىرىنشى شەپكە بارىپ، جۇرەكتىلىكپەن قيىن ماسەلەلەردى شەشۋى، قيىنشىلىق جاعدايدان ارىلتۋى نەگىزگى ساتىنىڭ بۇقاراعا قىزمەت وتەيتىن، حالىق ٴۇشىن ناقتى ٴىس بىتىرەتىن قۋاتتى بىرىككەن كۇشىن ۇيىستىرۋعا پايدالى، شينجياڭنىڭ باياندى تىنىشتىعىنا ىقپال كورسەتەتىن ٴبىر توپ تەرەڭ قاتپارلى ماسەلەلەردىڭ شەشىلۋىن ىلگەرىلەتىپ، نەگىزگى تاقىرىپتىق تاربيەگە بۇقارانىڭ ريزا بولۋ دەڭگەيىن بارىنشا جوعارىلاتاتىندىعى ٴشۇباسىز.

ۇيرەنۋ دەگەنىمىز ەلىكتەۋ، جوعارىداعىلاردىڭ ىستەگەنىنە تومەندەگىلەر ەلىكتەيدى. ”شەشۋشى ازشىلىق“ باستاماشىلدىقپەن ونەگە بولىپ، ٴوز باسىنان ۇلگى كورسەتەتىن بولسا، نەگىزگى تاقىرىپتىق تاربيەدە ساپانى يگەرىپ، ناقتى ونىمدىلىككە قول جەتكىزىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋعا قۋاتتى كۇش ۇيىستىرا الادى.