تىلشىلەرىمىز كاميلا، ليۋ چىڭگاڭ حابارلايدى. ۋاقىت اۋىسىپ، جاڭا جورىق قايتا باستالدى. باس شۋجي شي جينپيڭنىڭ ”ٴتورتتى نەگىزگى ساتىعا جەتكىزۋ“ جونىندەگى ماڭىزدى بەكىتۋىنىڭ رۋحىن ۇيرەنۋ، دايەكتىلەندىرۋ ٴۇشىن، جياڭسۋ ولكەسىنىڭ ىلە وبلىسىنا كومەكتەسۋ الدىڭعى شەپ قولباسشىلىق شتابى، ىلە وبلىستىق پارتكوم كەڭسەسى 1 - ايدىڭ 1 - كۇنى قۇلجا قالاسى كەبەكيۇزى اۋىلى ارا ٴمالى قىستاعىندا ”پارتيا تۋى تيانشاندى نۇرلاندىردى − ’جۇرت اۋانىنا جاقىننان قۇلاق ٴتۇرۋ‘، حالىقتى ۋايىمنان ارىلتۋ“ بىرلەسكەن نەگىزگى تاقىرىپتىق پارتيا كۇنى قيمىلىن وتكىزدى.

سول كۇنى 150 دەن استام كادر - بۇقارا قىستاق كوميتەتىندە ٴبىر ارادا باس قوسىپ، بىرلىكتە تاربيە قابىلداپ، بىرگە العىس ايتتى، قيمىل دابىرالى بولىپ، بەرەكە - بىرلىكتىڭ جىلى لەبى ەستى. قيمىل الدىمەن حالىققا تيىمدىلىك جاساۋ ساياساتى جونىندەگى ۇگىت - لەكسيامەن شىمىلدىعىن اشتى، ىلە - شالا مەيىر باعىشتاپ جىلۋ اتاۋ سالتى وتكىزىلدى، جياڭسۋ ولكەسىنىڭ ىلە وبلىسىنا كومەكتەسۋ الدىڭعى شەپ قولباسشىلىق شتابى مەن ىلە وبلىستىق پارتكوم كەڭسەسى تۇرمىسىندا قيىنشىلىعى بار قىستاق تۇرعىندارىنا 200 پار مەيىر باعىشتاۋ قىستىق كيىمى جانە قۇنى 20 مىڭ يۋاندىق مەيىر باعىشتاۋ زاتتىق ماتەريالىن تارتۋ ەتتى، قىستاق تۇرعىندارىنىڭ ۋاكىلى ٴار دارەجەلى پارتكومدار مەن ۇكىمەتتەرگە العىستارىن ٴبىلدىردى.  

وسىدان كەيىن، ٴبىر ٴبولىم باسشى كادر تۇرعىنداردىڭ وتباسىنا بارىپ، ”ىلەلىكتەردىڭ داستارقان كەڭەسىن“ وتكىزدى، كوپشىلىك قورالانا وتىرىپ بىرلىكتە ساياساتتى تىلگە تيەك ەتىپ، ماسەلەلەردى كەڭەسىپ، دامۋدى اڭگىمەلەستى. 70 جاستاعى ابليميت ابدۇراحمان اسەرلەنە: ”قازىر قىستاعىمىزدا زور وزگەرىس تۋىلدى، بۇقارانىڭ تۇرمىس شارت - جاعدايى دا بارعان سايىن جاقساردى. مەن ٴبىر قارت پارتيا مۇشەسىمىن، ۇلگىلىك، جەتەكشىلىك رولىمدى ۇزدىكسىز ساۋلەلەندىرەمىن. پارتيانىڭ باسشىلىعىندا، بۇدان كەيىن كوپشىلىكتىڭ تۇرمىسىنىڭ ٴتىپتى دە باقىتتى بولاتىندىعىنا سەنەمىن“ دەدى. سونىمەن بىرگە، باسقا پارتيالى كادرلار بىرنەشە گرۋپپاعا ٴبولىنىپ، قيىنشىلىعى بار وتباسىلارىن ارالاپ، حالىقتىڭ تالاپ - تىلەگىن جيناقتادى.

ۇيرەنۋ، پىكىر اۋىستىرۋ اڭگىمە ماجىلىسىندە، ماجىلىسكە قاتىناسقاندار باس شۋجي شي جينپيڭنىڭ ورتالىق كوميتەت ساياسي بيۋروسىنىڭ 9 - رەتكى توپتىق ۇيرەنۋىندە سويلەگەن ماڭىزدى ٴسوزىنىڭ رۋحىن بىرگە ۇيرەندى، قىستاق پارتيا ياچەيكاسى مەن قىستاقتا تۇراتىن قىزمەت اترەتىنىڭ جاۋاپتىلارى جەكە - جەكە قىزمەتتەن مالىمەت بەرىپ، كەلەسى باسقىشتاعى قىزمەتتەرىن اڭگىمەلەدى، وبلىستىق پارتكوم كەڭسەسىنىڭ 3 پارتيا مۇشەسى وتباسىن ارالاۋ جاعدايىمەن بىرلەستىرىپ، پىكىر اۋىستىرىپ، لەبىز ٴبىلدىردى، بۇل سول اراداعىلاردىڭ قىزۋ  شاپالاق ۇنىنە يە بولدى. 

وبلىستىق پارتكومنىڭ ورىنباسار شۋجيى، جياڭسۋدىڭ ىلەگە كومەكتەسۋ الدىڭعى شەپ قولباسشىلىق شتابى پارتكومىنىڭ شۋجيى، باس جەتەكشى جاۋ چيڭحۇڭ قاراپايىم پارتيا مۇشەسى سالاۋاتىمەن وسى رەتكى قيمىلعا قاتىناستى. ۇيرەنۋ، اۋىس - كۇيىس جاساۋ اڭگىمە ماجىلىسىندە جاۋ چيڭحۇڭ بىلاي دەپ اتاپ كورسەتتى: باس شۋجي شي جينپيڭگە جانە پارتيا ورتالىق كوميتەتىنە باستان - اياق العىس ايتىپ، جاڭا جورىقتا تاپسىرمانى ەستە بەرىك ساقتاپ، قامقورلىقتى كوكەيگە تەرەڭ ۇيالاتىپ، العىس ايتا ەكپىندەي العا ىلگەرىلەپ، بۇكىل قىستاقتاعى بۇقارانى اناعۇرلىم جاقسى تۇرمىس كەشىرۋگە باستاۋىمىز؛ شينجياڭعا باعىتتامالى كومەكتەسۋ قىزمەتىن دەن قويا، سۇيىسپەنشىلىكپەن جاقسى ىستەپ، ”جياڭسۋ - ىلە سۇيىسپەنشىلىگى“ بويىنشا ىلەگە كومەكتەسۋ ينجەنەرياسىن ىشكەرىلەي اتقارىپ، شينجياڭعا كومەكتەسۋ قىزمەتىنىڭ جوعارى ساپالى دامۋىن ۇزدىكسىز ىلگەرىلەتۋىمىز؛ قۇلشىنا كۇرەس جۇرگىزىپ، باقىتتى تۇرمىسقا ۇمتىلىپ، تاباندىلىقپەن جان سالا ىستەپ، قيىندىقتاردى جەڭىپ، بەلگىلەنگەن نىسانانى، جوسپارلاعان تىڭ جوبامىزدى بار كۇشىمىزدى سالا رەالدىققا اينالدىرىپ، ارا ٴمالى قىستاعىنىڭ اناعۇرلىم كوركەم بولاشاعىن بىرگە جاراتۋىمىز كەرەك.

وبلىستىق پارتكومنىڭ ورىنباسار باس حاتشىسى، كەڭسە مەڭگەرۋشىسى، وبلىستىق ارحيۆ مەكەمەسىنىڭ باستىعى ساۋ جيان بىلاي دەپ اتاپ كورسەتتى: قىستاقتا تۇراتىن قىزمەت اترەتى مەن قىستاق پارتيا ياچەيكاسى وبلىستىق پارتكومنىڭ شۋجيى ياڭ شيۋليدىڭ ارا ٴمالى قىستاعىندا تەكسەرۋ - زەرتتەۋ جۇرگىزگەندە سويلەگەن ٴسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ىشكەرىلەي تەكسەرۋ - زەرتتەۋ جۇرگىزىپ، عىلمي جوسپارلاۋدى كۇشەيتىپ، جوعارى ساپالى دامۋ مەن جوعارى دەڭگەيلى حاۋىپسىزدىكتى ٴبىر تۇتاس جوسپارلاپ، قازىرگى مەن ۇزاق بولاشاققا تەڭ ٴمان بەرىپ، ٴتۇرلى حاۋىپ - قاتەردەن بار كۇشپەن ساقتانىپ جانە ونى شەشىپ، كەشەندى شارا قولدانىپ، ارا ٴمالى قىستاعىنىڭ جاڭا دامۋدى جۇزەگە اسىرۋىن ىلگەرىلەتۋ كەرەك. وبلىستىق پارتكوم كەڭسەسى ”ارتقى تىرەك ورىن“ رولىن تولىق ساۋلەلەندىرىپ، قىستاقتا تۇرۋ قىزمەتىنىڭ الدا ٴجۇرۋىن، ۇلگى بولۋىن ىلگەرىلەتەمىز. 

ارا ٴمالى قىستاعى پارتيا ياچەيكاسىنىڭ شۋجيى نيازمامەت تۇرسىنمامەت بىلاي دەدى: ”بۇگىن جاڭا جىل مەرەكەسى، وسىنشا كوپ باسشىنىڭ قىستاققا كەلىپ حالىقتىڭ ۇنىنە جاقىننان قۇلاق ٴتۇرىپ، حالىقتىڭ مۇڭ - مۇقتاجىن شەشۋى ىلە وبلىستىق پارتكومنىڭ ارا ٴمالى قىستاعىنىڭ قىزمەتىنە كوڭىل بولەتىندىگىن جانە ٴمان بەرەتىندىگىن تولىق ايگىلەدى. ٴبىز نازاردى جاڭا ارمانعا، جاڭا وزگەرىسكە، جاڭا ستيلگە شوعىرلاندىرىپ، قىستاق تۇرعىندارىن ٴتىپتى دە جاقسى تۇرمىس كەشىرۋگە باستاۋعا بار كۇشىمىزدى سالامىز“.