ەركىن تۇنياز اقسۋ ايماعىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى

　　دامۋدىڭ جاڭا قوزعالىس قۋاتىن، جاڭا باسىمدىعىن جەدەل جەتىلدىرۋ كەرەك

انار بۇلت \ شينجياڭ گازەتىنىڭ ٴتىلشىسى لي ياڭ 11 ـ ايدىڭ 25 ـ كۇنى كۇشاردان حابارلايدى. 11 ـ ايدىڭ 24 ـ كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز اقسۋ ايماعىنىڭ توقسۋ اۋدانىنا، كۇشار قالاسىنا كەلىپ، كاسىپ سالاسىن دامىتۋ، قوعام ورنىقتىلىعى، اۋىل ـ قىستاقتى گۇلدەندىرۋ، ساياحات سياقتىلار جونىندە تەكسەرۋ ـ زەرتتەۋ ورىستەتتى. ول بىلاي دەپ اتاپ كورسەتتى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋى بويىنشا، رەفورمانى ونان ارى جاپپاي تەرەڭدەتۋ، قوزعاۋشى كۇشتىڭ ومىرشەڭدىگىن قاۋلاتۋ ارقىلى دامۋدىڭ جاڭا قوزعالىس قۋاتىن، جاڭا باسىمدىعىن جەدەل جەتىلدىرىپ، تۇتاس جىلدىق دامۋ نىسانا ـ مىندەتتەرىنىڭ ورىندالۋىنا شىنايى كەپىلدىك ەتۋ كەرەك.

وڭتۇستىك شينجياڭدى تابيعي گازبەن قامداۋ تابيعي گاز قۇبىرى ينجەنەرياسى كىلا ـ لۇننان قوسارلاما جەلىسىنىڭ 2 ـ ٴنومىرلى كلاپان بولمەسىنەن جاڭا ٴمالى تابيعي گاز قۇبىرىنا دەيىن تۇتاستىرىلىپ، وندىرىسكە قوسىلدى. ەركىن تۇنياز جاڭا ٴمالى گاز جەتكىزۋ پۋنكتىنە كەلىپ، بىلاي دەپ باسا دارىپتەدى: نىسانانى كوزدەپ، جوبا بويىنشا شايقاس جۇرگىزىپ، كەيىنگى ينجەنەريا قۇرىلىسىن جەدەل ىلگەرىلەتۋ كەرەك. ٴوندىرىس حاۋىپسىزدىگى تومەنگى شەگىن بەرىك ساقتاپ، قىس ماۋسىمىنداعى تابيعي گازبەن قامداۋدى قامتاماسىز ەتۋدى شىن مانىندە ويداعىداي يگەرۋ كەرەك.

توقسۋ اۋدانى جاڭا ماتەريالدار باقشا رايونىندا، كريستال ـ گاۋھار كاسىپ سالاسى باقشاسىندا ەركىن تۇنياز بىلاي دەپ باسا دارىپتەدى: پارىقتى ورىن بەلگىلەۋگە تاباندى بولىپ، جەرگىلىكتى جاعدايعا قاراي ۇلگى كورسەتۋ سيپاتتى ٴىرى نىسانداردى، جاقسى نىسانداردى ەنگىزىپ، اناعۇرلىم كوپ بۇقارانى جۇمىستانۋعا جەتەكتەۋ كەرەك. توقسۋ اۋدانى وگەن اۋىلى قوعامدىق باسقارۋعا كەشەندى قىزمەت وتەۋ ورتالىعىندا ەركىن تۇنياز بىلاي دەپ باسا دارىپتەدى: جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، قاينارىنان ساقتانۋدى كۇشەيتىپ، قايشىلىقتار مەن داۋ ـ شارلاردى كۇش سالا شەشىپ، بۇقارالىق قىزمەتتى دەن قويا، سۇيىسپەنشىلىكپەن، كۇش سالا ويداعىداي ىستەۋ كەرەك.

توقسۋ اۋدانى جاسىل سويىس سيىر باعىمشىلىعى كاسىپ سالاسى باقشاسى تيانيۇي باعىمشىلىق شاعىن اۋماعىندا ەركىن تۇنياز بىلاي دەپ باسا دارىپتەدى: اۆتونوميالى رايوننىڭ قاتىستى ساياساتتارىن ويداعىداي تياناقتاندىرىپ، شارۋالارمەن بىرلەسىپ، شارۋالارعا جەتەكشىلىك ەتۋ مەحانيزمىن ورناتىپ، مال شارۋاشىلىعىنىڭ وزىندىك قۇنىن تومەندەتىپ، ونىمدىلىگىن ارتتىرۋدى ىلگەرىلەتۋ كەرەك. توقسۋ اۋدانى ٴىشارىق قالاشىعىنداعى ”100 مۋلىق، 1000 مۋلىق، 10 مىڭ مۋلىق“ ٴبيدايدان جوعارى ٴونىم الۋدان قامال الۋ ۇلگى اتىزىندا ەركىن تۇنياز بىلاي دەپ باسا دارىپتەدى: جوعارى ولشەمدى ەگىنجاي قۇرىلىسىن تىڭعىلىقتى ىلگەرىلەتىپ، قۇنارلى اتىز، ساپالى تۇقىم، تاماشا تەحنيكا، جاقسى ماشينا، تاماشا ٴادىس ـ امال جاعىندا كۇش سالىپ، قىس ماۋسىمىندا اتىز باپتاۋدى ويداعىداي يگەرىپ، استىق حاۋىپسىزدىگىن قامتاماسىز ەتىپ، شارۋالاردىڭ كىرىسىن ارتتىرۋدى جەبەۋ كەرەك. كۇشار قالاسى چىڭجۇڭ قىستاعىن جاڭالاۋ نىسانىنىڭ جۇمىس باسىندا ەركىن تۇنياز بىلاي دەپ باسا دارىپتەدى: ٴىس جۇزىندىكتى نەگىزگە الىپ، جۇيەلى جوسپارلاۋعا، ورنىقتى ىلگەرىلەتۋگە تاباندى بولىپ، ٴوندىرىس پەن تۇرمىستىڭ، ساقتالۋ مولشەرى مەن ارتۋ مولشەرىنىڭ، ٴبىر تۇتاس جوبالاۋ مەن بۇقارانىڭ تىلەگىنە قۇرمەت ەتۋدىڭ قاتىناسىن ٴبىر تۇتاس جوسپارلاپ، بۇقارانىڭ زاڭدى ۇقىق ـ مۇددەسىن شىنايى قورعاپ، تۇرمىس ساپاسىن ۇزدىكسىز جاقسارتۋ، جوعارىلاتۋ كەرەك.

كۇشار قالاسى شاقوتان كەن شارۋاشىلىعىن اشۋ شەكتى جاۋاپكەرشىلىك سەرىكتەستىگى يۇيشۋتيان كومىر كەنىندەگى گازدى كەشەندى وڭاۋ ينجەنەرياسىنىڭ جۇمىس باسىندا ەركىن تۇنياز بىلاي دەپ باسا دارىپتەدى: ۇيىمداستىرىپ رەتتەۋدى كۇشەيتىپ، قىزمەت اياق الىسىن تياناقتاندىرىپ، بۇكىل رايونىمىزدىڭ كومىر كەن گازىن وڭاۋدان جانە كومىر قاباتىنداعى گازدى كەشەندى پايدالانۋدان ۇلگى كورسەتۋ ينجەنەرياسىن قالىپتاستىرۋ كەرەك. شۇيجوۋ كەن ىستەرى (توبى) شينجياڭ تيانشان كەن شارۋاشىلىعى شەكتى جاۋاپكەرشىلىك سەرىكتەستىگى وقىربۇلاق كومىر كەنىندە ەركىن تۇنياز كاسىپورىندى عىلىم ـ تەحنيكا العاباسارلىعىنا سۇيەنىپ، كومىر قازۋ تەحنولوگياسىن ۇزدىكسىز جاقسارتىپ، حاۋىپسىز، جوعارى ٴونىمدى كەن قۇدىعىن قۇرىپ، جاسىل، زەردەلى دامۋدىڭ جاڭا قوزعالىس قۋاتىن قاۋلاتۋعا شابىتتاندىردى.

ەركىن تۇنياز تاعى كۇشار تاريحي مادەنيەت ايگىلى قالا كورمە ورتالىعى، كۇسان كوشەسى سياقتى جەرلەرگە بارىپ، تاريحي مادەنيەت ٴمالى وڭىرلەرىن قورعاۋدى، پايدالانۋدى كۇشەيتىپ، ەرەكشە كورمە دانەكەرلەرىندە جاڭالىق اشىپ، جاڭا يقۋات، جاڭا كاسىپ كۇيى، جاڭا قيمىل ەنگىزىپ، تاريحي بەت ـ بەينە مەن ارنانى اناعۇرلىم ويداعىداي ايگىلەپ، تۇرعىنداردىڭ تۇرمىس ورتاسىن جاقسارتۋ، ٴار ۇلت بۇقاراسىن جۇڭحۋا ۇلتى ورتاق تۇلعا تانىمىن بەكەمدەۋگە جەتەكتەۋ كەرەكتىگىن باسا دارىپتەدى.

تەكسەرۋ ـ زەرتتەۋ بارىسىندا ەركىن تۇنياز بىلاي دەپ باسا دارىپتەدى: تومەنگى شەك ويىن مىقتاپ ورناتىپ، قوعام ورنىقتىلىعىن شىنايى قورعاپ، جوعارى دەڭگەيدەگى حاۋىپسىزدىك ارقىلى جوعارى ساپالى دامۋدى قامتاماسىز ەتۋ كەرەك. جەمىس ورمانى ونىمدەرىن جىنتىكتەي وڭدەۋدى كۇشەيتىپ، ٴىرى كاسىپورىن، ٴىرى توپتاردى جەتىلدىرىپ، ەنگىزىپ، ماركا قۇرىلىسى مەن بازار اشۋدى كۇشەيتىپ، جەمىس ورمانى شارۋاشىلىعىنىڭ ناقتى قۋاتى مەن باسەكەلىك قۋاتىن ونان ارى جوعارىلاتۋ كەرەك. فاكتورلارمەن قامتاماسىز ەتۋدى ويداعىداي يگەرىپ، كاسىپورىنداردىڭ قيىن ماسەلەلەردى شەشۋىنە كومەكتەسىپ، كاسىپورىنداردىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋ كەرەك.