ىلە وبلىستىق پارتكوم تۇراقتى كوميتەتى كەڭەيتىلگەن ٴماجىلىس اشتى

پارتيا 20 - قۇرىلتايىنىڭ رۋحىن جانە باس شۋجي شي جينپيڭنىڭ ماڭىزدى ارناۋ سوزدەرىنىڭ، قۇتتىقتاۋ حاتتارىنىڭ رۋحى سياقتىلاردى ىشكەرىلەي ۇيرەندى، دايەكتىلەندىردى، پارتيا 20 - قۇرىلتايى رۋحىنىڭ ىلەدە تياناقتانىپ، ونىمدىلىك جاراتۋىن جەبەدى

تىلشىلەرىمىز ليۋ بيڭ، ما چىڭلۋ حابارلايدى. 11 - ايدىڭ 10 - كۇنى تۇستەن بۇرىن، اۆتونوميالى وبلىستىق پارتكومنىڭ تۇراقتى كوميتەتى كەڭەيتىلگەن ٴماجىلىس اشىپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ماڭىزدى ارناۋ سوزدەرىنىڭ، ماڭىزدى قۇتتىقتاۋ حاتتارىنىڭ رۋحى سياقتىلاردى جەتكىزدى، ۇيرەندى، دايەكتىلەندىردى؛ اۆتونوميالى رايوندىق پارتكومنىڭ شۋجيى ما شيڭرۇيدىڭ پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت - لەكسيا ۇيىرمەسىنىڭ ۇگىت - لەكسيا بايانداما ماجىلىسىندەگى بايانداماسىنىڭ رۋحى، جۋىق مەزگىلدەگى تەكسەرۋ - زەرتتەۋدە سويلەگەن سوزدەرىنىڭ رۋحى جانە اۆتونوميالى رايوندىق پارتكوم تۇراقتى كوميتەتى ٴماجىلىسىنىڭ رۋحى سياقتىلاردى جەتكىزدى، ۇيرەندى، دايەكتىلەندىردى؛ بۇكىل وبلىستىڭ ازىق - تۇلىك، ٴدارى - دارمەك حاۋىپسىزدىگى، ساپا قىزمەتى جانە ٴوندىرىس حاۋىپسىزدىگى، شۇعىل جاعدايعا توتەپ بەرۋدى باسقارۋ، اپاتتان ساقتانۋ، اپات زيانىن ازايتۋ، اپاتتان قۇتقارۋ سياقتى قىزمەتتەرىنەن جاسالعان دوكلادتى تىڭداپ، ىندەتتەن ساقتانۋ - تىزگىندەۋ، ٴوندىرىس حاۋىپسىزدىگى، ازىق - تۇلىك، ٴدارى - دارمەك حاۋىپسىزدىگى سياقتى قىزمەتتەرگە ورنالاستىرۋ جاسادى. وبلىستىق پارتكومنىڭ شۋجيى پۋ شۋەمەي ٴماجىلىستى باسقاردى.

ماجىلىستە بىلاي دەپ اتاپ كورسەتىلدى: بۇكىل وبلىستاعى ٴار دارەجەلى پارتيا ۇيىمدارى مەن پارتيالى كادرلار پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى ماڭداي الدى ساياسي مىندەت ەتىپ، پارتيا ورتالىق كوميتەتىنىڭ شەشىم - ورنالاستىرۋلارى جانە اۆتونوميالى رايوندىق پارتكومنىڭ قىزمەت تالاپتارى بويىنشا ۇيرەنۋ - تاربيەلەۋدى، ۇگىتتەۋدى، ۇگىت - لەكسيانى مۇقيات، ويداعىداي مىقتى يگەرىپ، جاپپاي ۇيرەنۋ، جاپپاي يگەرۋ، جاپپاي تياناقتاندىرۋ جاعىنا كۇش سالىپ، قاز - قالپىندا ۇيرەنىپ، تەرەڭ وي جۇگىرتىپ ۇيرەنىپ، ٴىس جۇزىندىكپەن بىرلەستىرىپ ۇيرەنىپ، باياندامانىڭ وزەكتى ٴتۇيىنىن، باي مازمۇنىن، رۋحاني ٴمانىن جانە امالياتتىق تالابىن دالمە - ٴدال ٴتۇسىنىپ، يگەرىپ، پارتيا 20 - قۇرىلتايىنىڭ رۋحىن ۇگىتتەۋدىڭ، ۇگىت - لەكسيانىڭ بارلىق وتباسىنا جەتكىزىلۋىن، تولىق قامتۋىن ىشكەرىلەي ىلگەرىلەتىپ، شي جينپيڭ جاڭا ٴداۋىر جۇڭگوشا سوتسياليزم يدەياسىمەن وي - سانانى قارۋلاندىرۋدان، امالياتقا جەتەكشىلىك ەتۋدەن، قىزمەتتى ىلگەرىلەتۋدەن بۇلجىماي، پارتيا 20 - قۇرىلتايى رۋحىنىڭ ىلەدە تياناقتانىپ، ونىمدىلىك جاراتۋىن كوپ ارنالى، جان - جاقتى، كوپ ساتىلى ىلگەرىلەتۋىمىز كەرەك.

ماجىلىستە بىلاي دەپ باسا دارىپتەلدى: باس شۋجي شي جينپيڭنىڭ 5 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا، «سازدى جەر شارتى» 14 - كەزەكتى شارت جاساسۋشى جاقتار جينالىسىنىڭ اشىلۋ سالتىندا سويلەگەن ماڭىزدى ارناۋ سوزدەرىنىڭ رۋحىن، حالىقارالىق بامبۋك - شىرمالعىش ساباقتى وسىمدىكتەر ۇيىمى قۇرىلعاندىعىنىڭ 25 جىلدىق مەرەي تويىنا جانە 2 - كەزەكتى دۇنيە جۇزىلىك بامبۋك - شىرمالعىش ساباقتى وسىمدىكتەر جينالىسىنا، دۇنيە جۇزىلىك ينتەرنەت جينالىسى ۋجىن باسشىلار باس قوسۋىنا جولداعان قۇتتىقتاۋ حاتتارىنىڭ رۋحىن مۇقيات ۇيرەنىپ، ۇعىنىپ، «ەكى كەلەلى جاعدايدى» كوكەيدە ساقتاپ، «مەملەكەتتىڭ زور ٴىسىن» ەستە بەرىك ساقتاپ، جوعارى ساپالى دامۋدى ىلگەرىلەتۋگە تاباندى بولۋدى نەگىزگى تاقىرىپ ەتىپ، اناعۇرلىم كوپ ەسىك اشۋ ورتاق تانىمىن ۇيىستىرىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، ادام مەن تابيعاتتىڭ جاراسىمدى قاتار ٴومىر ٴسۇرۋى سىندى دامۋ ۇستانىمىن بەلسەنە امالياتتا ايگىلەپ، ىلەنىڭ وڭىرلىك ابزالدىعىن، بايلىق ابزالدىعىن، ساياسات ابزالدىعىن تولىق ساۋلەلەندىرىپ، سىرتقا باعىتتالعان ەكونوميكا مەن جاسىل، تومەن كومىرتەكتى ەكونوميكانى بار كۇشپەن دامىتىپ، ەكونوميكانىڭ، قوعامنىڭ سيفرلانۋعا ويىسۋىن ىلگەرىلەتىپ، ەكولوگيالىق ورتانى قورعاۋ قۇرىلىسىن كۇشەيتىپ، كورىكتى ىلە قۇرۋدى جەدەلدەتۋىمىز كەرەك.

ماجىلىستە بىلاي دەپ اتاپ كورسەتىلدى: اۆتونوميالى رايوندىق پارتكومنىڭ شۋجيى ما شيڭرۇيدىڭ ٴۇرىمجى قالاسىندا تەكسەرۋ - زەرتتەۋ جۇرگىزگەندە، وڭتۇستىك شينجياڭداعى 4 ايماق - وبلىستىڭ بەينە ەكراندىق ورنالاستىرۋ ماجىلىسىندە سويلەگەن سوزدەرى كەزەكتەگى بۇكىل شينجياڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ٴبىر تۇتاس جوسپارلاپ، ويداعىداي ىستەۋ جونىندە قايتالاي ورنالاستىرۋ جاساۋ بولىپ تابىلادى، بۇل ٴبىزدىڭ ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە كۇش سالا قول جەتكىزۋىمىزگە تالاپتاردى اناعۇرلىم ايقىنداپ، سەنىمىمىزدى بەكەمدەپ، جەتەكشىلىك ازىرلەپ بەردى. بۇكىل وبلىستاعى جوعارى - تومەندەگىلەر پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋدى قوزعاۋشى كۇش ەتىپ، «ەكىنى ٴبىر تۇتاس جوسپارلاۋعا» بۇلجىماي تاباندى بولىپ، «سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ» باس تاكتيكاسى مەن «يكەمدى نولگە ٴتۇسىرۋ» باس باعىتىنا بۇلجىماي تاباندى بولىپ، سەنىمدى بەكەمدەپ، ۇستامدىلىقتى ساقتاپ، شىدامدى بولىپ، كۇش ۇستىنە كۇش قوسىپ، يكەمدى نولگە ٴتۇسىرۋدىڭ تابىستارىن ۇزدىكسىز بەكەمدەپ جانە كەڭەيتىپ، ىندەتتەن ساقتانۋ - تىزگىندەۋ شايقاسىنىڭ جەڭىسىنە ەرتەرەك قول جەتكىزۋىمىز كەرەك.

ماجىلىستە بىلاي دەپ باسا دارىپتەلدى: حىسۋان تەكسەرۋ، ەپيدەميولىق تەگىن انىقتاۋ، اۋاشالاۋعا اپارۋ، مەديتسينالىق قۇتقارۋ - ەمدەۋ، زاتپەن قامداۋعا كەپىلدىك ەتۋ قىزمەتتەرىن جوعارى ساپامەن ۇيىمداستىرىپ ورىستەتىپ، تەكسەرۋگە تيىستىلەرىن تۇگەل تەكسەرىپ، جيناۋعا تيىستىلەرىن تۇگەل جيناپ، اۋاشالاۋعا تيىستىلەرىن تۇگەل اۋاشالاپ، ەمدەۋگە تيىستىلەرىن تۇگەل ەمدەۋىمىز كەرەك. قوعامدىق جاقتاعى باسقارۋ - تىزگىندەۋ مەن ٴتۇيىندى الاڭداردىڭ، ٴتۇيىندى ورىنداردىڭ ساقتانۋ - تىزگىندەۋ قىزمەتىن زاڭ بويىنشا كۇشەيتىپ، تۇرعىندار شاعىن اۋماعىن اشۋدى عىلمي، ٴتارتىپتى ىلگەرىلەتىپ، قالىپتى ٴوندىرىس، تۇرمىس ٴتارتىبىن بەلسەنە ورنىقتى قالپىنا كەلتىرىپ، ادامداردىڭ ٴوڭىر اتتاپ جۇرۋىنەن تۋىلاتىن ايقاسپالى جۇعىمدالۋدان قاتاڭ ساقتانۋىمىز كەرەك. زارارسىزداندىرۋ قىزمەتىن عىلمي، جۇيەلى ىستەپ، ادامداردىڭ شوعىرلانۋى ٴجيى، جىلجىمالىلىعى جوعارى الاڭداردىڭ ساقتانۋ سيپاتتى زارارسىزداندىرۋىن كۇشەيتىپ، زارارسىزداندىرۋ ساپاسى مەن ونىمدىلىگىن جوعارىلاتىپ، زارارسىزداندىرماي قويۋدان دا، اسىرا زاراسىزداندىرۋدان دا ساقتانۋىمىز كەرەك. قامداۋعا كەپىلدىك ەتىپ، حالىق تۇرمىسىن قامتاماسىزداندىرۋ قىزمەتىن ويداعىداي ىستەپ، باستان - اياق بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن كوكەيدە ساقتاپ، «كوجە - قاتىق»، «استىق»، «جەمىس - جيدەكتى» جەتكىزۋ، دايىنداۋدى جانە سۋمەن، ەلەكترمەن، گازبەن، جىلۋمەن قامداۋدىڭ حاۋىپسىز، ورنىقتى بولۋىن كۇشەيتىپ، ەمدەۋ بايلىعىن ٴبىر تۇتاس جوسپارلاپ، بۇقارانىڭ، وتە - موتە، «قارتتار مەن بالالار» سياقتى ەرەكشە بۇقارالىق توپتاردىڭ دەر كەزىندە شيپاحاناعا بارىپ، اۋرۋ كورسەتە الۋىنا كەپىلدىك ەتىپ، قارتتار، ٴالسىز جاندار، ناۋقاستار، مۇگەدەكتەر، جۇكتى ايەلدەر، بالالار مەن تومەن كىرىستى قيىنشىلىعى بار بۇقارانى سۇيەمەلدەۋ، كومەكتەسۋ تەبىنىن ارتتىرىپ، بۇقارانىڭ الاڭسىز بولىپ، قىس قىرىنان قىسىلماي ٴوتۋىن قامتاماسىزداندىرۋىمىز كەرەك. قاتىستى ولكە، رايون، قالالاردىڭ جانە شينجياڭداعى قاتىستى ايماق، وبلىس، قالالاردىڭ قولباسشىلىق شتاپتارىمەن بايلانىس جاساۋدى، سايكەستىرۋدى كۇشەيتىپ، بوگەلىپ قالعان ادامداردى ىلەدەن اتتاندىرۋ قىزمەتىن ورنىقتى ويداعىداي ىستەپ، قاتىناس كولىگىن تياناقتاندىرىپ، تۇرگە، توپقا ٴبولىپ، «تۇيىننەن - تۇيىنگە» تاسىمالداپ، قىزمەت وتەۋدى، باسقارۋدى جاقسارتىپ، مەكتەپكە قايتاتىن جوعارى مەكتەپ وقۋشىلارى، اۋىلىنا قايتاتىن جۇمىسكەرلەر، بوگەلىپ قالعان ساياحاتشىلار سياقتىلاردىڭ ىلەدەن حاۋىپسىز، تارتىپپەن قايتۋىنا كەپىلدىك ەتۋىمىز كەرەك. قوعامدىق پىكىر ارقىلى جەتەكشىلىك ەتۋدى كۇشەيتىپ، مەملەكەتتىڭ، اۆتونوميالى رايوننىڭ جانە اۆتونوميالى وبلىستىڭ قاتىستى ساياساتتارىن ۇگىتتەۋ، ٴتۇسىندىرۋ تەبىنىن ارتتىرىپ، ىندەت ينفورماتسياسىن دەر كەزىندە دالمە - ٴدال جاريالاپ، وسەك - اياڭ تۋدىرۋ، تاراتۋ سياقتى ارەكەتتەرگە زاڭ بويىنشا قاتاڭ سوققى بەرىپ، بۇقارالىق ساقتانۋ، بۇقارالىق تىزگىندەۋ قىزمەت مەحانيزمىن ورناتۋىمىز جانە كەمەلدەندىرۋىمىز كەرەك. ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى، دامۋ مەن حاۋىپسىزدىكتى ٴبىر تۇتاس جوسپارلاپ، جۇمىستى، ٴوندىرىستى، ساۋدانى، بازاردى قالپىنا كەلتىرۋ قىزمەتىن بەلسەنە، ورنىقتى ويداعىداي ىستەپ، ٴوندىرىس حاۋىپسىزدىگى تۇلعالىق جاۋاپكەرشىلىگىن قاتاڭ اتقارىپ، ٴوندىرىس حاۋىپسىزدىگىنىڭ ٴتۇرلى شارالارىن تياناقتاندىرىپ، حاۋىپسىزدىككە ساياتىن ٴتۇرلى شىرعالاڭنان ساقتانىپ، ازىق - تۇلىك، ٴدارى - دارمەك حاۋىپسىزدىگىن كۇش سالا ويداعىداي ىستەپ، ٴونىم ساپاسىن ۇزدىكسىز جوعارىلاتىپ، ەكونوميكالىق، قوعامدىق دامۋدى قامتاماسىزداندىرۋىمىز كەرەك. قىزمەت جاۋاپكەرشىلىگىن قاتايتۋ، ناقتىلاندىرۋ، ٴار دارەجەلى پارتيا، ۇكىمەت ورگاندارىنىڭ، تاراۋلاردىڭ (ورىن) نەگىزگى باسشىلارى ٴوز جاۋاپكەرشىلىگىن ٴبىلىپ، جاۋاپكەرشىلىگىن ادا ەتىپ، ٴوز جاۋاپكەرشىلىگىن ارقالاپ، قىزمەتتى ورنىقتى، تاباندى ىستەپ، شىندىققا جۇگىنىپ، ناقتى ىستەپ، ٴتۇرلى مىندەتتەردىڭ تياناقتانۋىن ىلگەرىلەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ قوس جەڭىسىنە كۇش سالا قول جەتكىزۋى كەرەك.

ەلشات تۇرسىنباي ۇلى، جياۋ ي - مين، كۇلان سەيپىلقان قىزى، جۋ بين، رازبەك قامزا ۇلى، تاۋ چيڭسۇڭ، جياۋ شياۋفان، ٴنابيجان ىبىرايىم، چىن شياڭ، قايرات اشىك ۇلى قاتارلى وبلىس باسشىلارى جانە قاتىستى تاراۋلاردىڭ جاۋاپتى جولداستارى ماجىلىسكە قاتىناستى.