ۋاكىل ما لي:

　　پارتيا قۇرىلىسىن جەتەكشى ەتىپ، بەرىك جاۋىنگەر قورعان سومدايمىن

　　□ انار بۇلت \ شينجياڭ گازەتىنىڭ ءتىلشىسى لي ياڭ

”پارتيا 20 - قۇرىلتايى مەنىڭ قىزمەتتى ويداعىداي ىستەۋىمە ايقىن العا باسۋ بەتالىسىن كورسەتىپ، ارەكەت باعدارناماسىمەن قامدادى. بۇدان كەيىن مەن باستان - اياق شىن نيەتىم، سۇيىسپەنشىلىگىم، ناقتى ارەكەتىم ارقىلى بۇقاراعا قىزمەت وتەپ، بۇقاراعا كومەكتەسىپ، زەيىن - زەردەنى، كۇش - قۋاتتى ۇيىستىراتىن ’ماگنيت‘ بولىپ، پارتيا 20 - قۇرىلتايىنىڭ رۋحىن دايەكتىلەندىرۋدى، تياناقتاندىرۋدى قىزمەت امالياتىندا ايگىلەپ، قاراستى اۋماقتاعى بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇش سالا جوعارىلاتامىن“. 10 - ايدىڭ 30 - كۇنى كەشتە پارتيا 20 - قۇرىلتايىنىڭ ۋاكىلى، بيڭتۋان 12 - شى شيشان ەگىن، مال شارۋاشىلىق الاڭى انكاڭ الەۋمەتتىك اۋماعى پارتيا باس ياچەيكاسىنىڭ شۋجيى ما لي ءوزىنىڭ ۇيرەنۋ ەستەلىگىنە ىجداعاتپەن العان اسەرىن جازدى.

بۇل كۇندەرى ما لي قىزمەتتەستەرىمەن بىرگە ىندەتتەن ساقتانۋ - تىزگىندەۋدىڭ الدىڭعى شەبىندە دامىل تاپپاي زىر جۇگىرىپ، زاتتىق ماتەريالدار جەتكىزىپ، ساندى مالىمەتتەردى جيناقتاپ ءجۇر... ءار كۇنگى قاربالاستىعى مەيلى قانشالىق جاي اياقتاسا دا، ول باياندامانى وقۋعا، اۋەلگى نۇسقانى ۇيرەنۋگە تاباندى بولدى. ”ءسوز جوق، قاز - قالپىندا، ءسوز - سويلەمدەرى بويىنشا ۇيرەنىپ، ساناما ساقتاپ، كوڭىلىمە ۇيالاتامىن، وسىلاي ىستەگەندە عانا ىشكەرىلەي ۇيرەنىپ، جەتە تۇسىنۋگە بولادى ءارى ۇيرەنۋ جەتىستىگىن حالىق ءۇشىن قىزمەت ىستەۋدىڭ ناقتى ارەكەتىنە اينالدىرۋعا بولادى“، - دەدى ما لي.

بەيجيڭدەگى قۇرىلتايعا قاتىناسىپ قايتىپ كەلگەننەن بەرى، ما لي تىنىم العان جوق. 10 - ايدىڭ 26 - كۇنى جانە 29 - كۇنى ول ىلگەرىندى - كەيىندى اۆتونوميالى رايوندىق ايەلدەر بىرلەستىگى مەن بيڭتۋان ايەلدەر بىرلەستىگى ۇيىمداستىرعان ءار ۇلت، ءار سالا ايەلدەرىنىڭ پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى اڭگىمە ماجىلىسكە قاتىناستى، ينتەرنەت جەلىسىندە اۋىس - كۇيىس جاساسۋ ءتاسىلى ارقىلى اۆتونوميالى رايونداعى جانە بيڭتۋانداعى ءار دارەجەلى ايەلدەر بىرلەستىگىنىڭ اتقارۋ كوميتەتتەرى، مۇشەلەرى، ءار ۇلت، ءار سالاداعى ۇزدىك ايەلدەر ۋاكىلدەرى سياقتىلارعا پارتيا 20 - قۇرىلتايىنىڭ رۋحىن ۇگىتتەپ، لەكسيا سويلەدى. ۇگىت لەكسياسىندا ول قۇرىلتايدىڭ سالتاناتى مەن قۇرىلتايعا قاتىناسقانداعى اسەرىن تانىستىردى، كوپشىلىكتى باستاپ پارتيا 20 - قۇرىلتايىنىڭ بايانداماسىنداعى ايەلدەر مەن بالالار جانە ايەلدەر بىرلەستىگى قىزمەتى جونىندەگى جاڭا يدەيانى، جاڭا شارالاردى، جاڭا ورنالاستىرۋلاردى ۇيرەندى، ۇعىندى، قالىڭ ايەلدەردى پارتياعا ىلەسىپ جاڭا جورىقتا قايراتتانا ىلگەرىلەۋگە، جاڭا داۋىردە ەسەلى ۇلەس قوسۋعا جىگەرلەندىردى.

ما لي بىلاي دەپ قارادى: الەۋمەتتىك اۋماقتىڭ جۇمىسى سان سالالى، الايدا، تەك ”تەتىكتى“ مىقتى يگەرەتىن بولساق، الەۋمەتتىك اۋماق پارتيا ۇيىمى سىندى جاۋىنگەر قورعاننىڭ جاۋىنگەرلىك كۇشىن جوعارىلاتا الامىز. ”پارتيا 20 - قۇرىلتايىنىڭ بايانداماسىندا قالالاردىڭ الەۋمەتتىك اۋماقتارىنداعى پارتيا قۇرىلىسى قىزمەتىن كۇشەيتىپ، پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋدى ىلگەرىلەتۋ ايقىن ورتاعا قويىلدى، بۇل ءدال ءبىزدىڭ قۇلشىنۋ بەتالىسىمىز“، - دەدى ول.

سوڭعى جىلدارى ما لي الەۋمەتتىك اۋماق پارتيا باس ياچەيكاسى القاسىنداعىلارمەن بىرگە الەۋمەتتىك اۋماق پارتيا ۇيىمىنىڭ قىزمەت مىندەتى، ساياسي ۇيرەنۋدى جانە كاسىپتىك باۋلۋدى ۇدايىلاندىرىپ ورىستەتۋ، ”ءۇش جيىن، ءبىر ساباقتى“ قاتاڭ تياناقتاندىرۋ سياقتى ءتۇرلى تۇزىمدەردى جاساپ جانە اتقارىپ، پارتيا مۇشەلەرىن تاربيەلەۋدى كۇندەلىكتى مىقتى ۇستادى. ول تاعى الەۋمەتتىك اۋماقتا ”توركوزدەرىندە پارتيا مۇشەلەرى قىزمەت وتەۋ اترەتىن قۇرۋ، عيماراتتاردا پارتيا مۇشەلەرىنىڭ جاۋاپكەرشىلىك تاقتاسىن ورناتۋ، كورپۋس ىشىندە پارتيا مۇشەلەرى وزەكتى وتباسىن قۇرۋ“ سىندى پارتيا قۇرىلىسى ۇلگىسىن زور كۇشپەن جالپىلاستىرىپ، ءبىر - بىرىنە جەتەكشى بولۋ، ءوزارا ۇيرەنۋ ارقىلى پارتيا مۇشەلەرىنىڭ ەرىكتى قىزمەت وتەۋگە قاتىناسۋ بەلسەندىلىگىن تولىق جۇمىلدىردى. قاراستى اۋماق ىشىندە پارتيا مۇشەلەرى ىرىقتىلىقپەن سالاۋاتىن ايگىلەپ، ”قوس تىزىمدەلىپ، قوس قىزمەت وتەۋ“ ارقىلى جاراسىمدى، قونىستانۋعا قولايلى الەۋمەتتىك اۋماق قۇرۋعا كۇش قوستى. ىندەتتەن ساقتانۋ - تىزگىندەۋ قىزمەتى بارىسىندا، پارتيا مۇشەلەرى باستان - اياق الدىڭعى شەپتە اتوي سالىپ، بۇقاراعا قىزمەت وتەۋ مىندەتىن ىرىقتىلىقپەن ۇستىلەرىنە الدى. ”بۇل پارتيا قۇرىلىسى ارقىلى جەتەكشىلىك ەتۋ جولىمەن ۇزدىكسىز جۇرە بەرۋ كەرەكتىگىن تولىق دالەلدەدى. پارتيا مۇشەلەرىنىڭ اۆانگارد ۇلگىلىك رولى ساۋلەلەنىپ، پارتيا ۇيىمىنىڭ ۇيىستىرۋ قۋاتى كۇشەيىپ، بۇقارا ويدى ءبىر اراعا شوعىرلاندىرىپ، كۇشتى ءبىر اراعا جۇمسايتىن بولسا، جەڭبەيتىن قيىنشىلىق بولمايدى“، - دەدى ما لي.

ما لي الەۋمەتتىك اۋماق كادرلارىنىڭ ۋيشين توبى مەن تۇرعىنداردىڭ ۋيشين توبىندا ۇيرەنۋ شاعىن گرۋپپاسىن قۇرىپ، پارتيا 20 - قۇرىلتايىنىڭ رۋحىن تۇسىندىرەتىن ماقالالار، بەينەجازبالار سياقتىلاردى جولداپ وتىرادى، تاعى بوس ۋاقىتتارىنان پايدالانىپ ينتەرنەت جەلىسىندە ”شاعىن ۇگىت لەكسيا“ ورىستەتىپ، تۇرعىنداردىڭ جۇرەگىنەن جول تاباتىن سوزدەرمەن پارتيا 20 - قۇرىلتايىنىڭ رۋحىن تۇسىنىكتى بايانداپ، جەتكىزە سويلەدى.

جاڭا جورىقتا اياق الىسىمىز توقتامايدى. ما لي ايەلدەر بىرلەستىگى ۇيىمى، پارتيا مۇشەلەرى ەرىكتى قىزمەت وتەۋ اترەتى، الەۋمەتتىك اۋماق ادەبيەت - كوركەمونەر تىرەكتىلەرى سياقتى كۇشتەردىڭ رولىن تولىق ساۋلەلەندىرۋدى جوسپارلاپ، كۋايبان، شياڭشىڭ سياقتى بۇقارا ۇناتىپ تىڭداپ، قۋانا كورەتىن فورمادان پايدالانىپ، پارتيا 20 - قۇرىلتايىنىڭ رۋحىن كەڭ كولەمدە ۇگىتتەدى. ”مەن تاعى ورگاندارعا، الەۋمەتتىك اۋماقتارعا، ليان - دۇيلەرگە، مەكتەپ اۋلاسىنا، تۇرعىنداردىڭ وتباسىنا بارىپ، ۇقساماعان فورمادا ۇگىت لەكسيا ورىستەتىپ، ءتىپتى دە كوپ پارتيا مۇشەلەرىنىڭ، كادرلاردىڭ، بۇقارانىڭ پارتيا 20 - قۇرىلتايى بايانداماسىنداعى جاسامپاز نازاريانى تۇسىنۋىنە مۇمكىندىك جاساپ، كوپشىلىكتىڭ يدەياسى مەن ارەكەتىن پارتيا 20 - قۇرىلتايىنىڭ رۋحىمەن بىرلىككە كەلتىرىپ، كورىكتى شينجياڭدى ويداعىداي قۇرۋعا كۇش قوسامىن“، - دەدى ما لي نىق سەنىممەن.