وبلىستىق ۇكىمەت جۇيەسى پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە ۇگىت - لەكسيا بايانداما ٴماجىلىسىن وتكىزدى

«ٴاردايىم قام جەپ تۇراتىن» جاۋاپكەرشىلىكپەن ٴتۇرلى قىزمەتتىڭ ناقتى، ەگجەي - تەگجەيلى تياناقتانۋىن ىلگەرىلەتۋ كەرەك

ٴتىلشىمىز شۇي جيجى حابارلايدى. وبلىستىق ۇكىمەت جۇيەسى 11 - ايدىڭ 10 - كۇنى پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە ۇگىت - لەكسيا بايانداما ٴماجىلىسىن وتكىزدى، وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى ۇگىت - لەكسيا بايانداماسىن جاسادى.

ەلشات تۇرسىنباي ۇلى بىلاي دەپ اتاپ كورسەتتى: پارتيا 20 - قۇرىلتايىنىڭ رۋحىن مۇقيات ۇيرەنۋ، ۇگىتتەۋ، دايەكتىلەندىرۋ − كەزەكتەگى جانە بۇدان بىلايعى ٴبىر مەزگىلدەگى ماڭداي الدى ساياسي مىندەت، پارتيا مەن مەملەكەتتىڭ قىزمەت جالپى جاعدايىنا، جۇڭگوشا سوتسياليزم ىستەرىنىڭ ۇزاق بولاشاقتىق دامۋىنا، بارشا حالىقتىڭ ٴتۇبىرلى مۇددەسىنە سايادى. پارتيا 20 - قۇرىلتايى اسا ماڭىزدى ساياسي مانگە، نازاريالىق مانگە، تاريحي مانگە، الەمدىك مانگە جانە امالياتتىق مانگە يە، ٴسوز جوق، «ەكىنى تۇراقتاندىرۋدىڭ» شەشۋشى ٴمانىن اناعۇرلىم ىشكەرىلەي ٴتۇسىنىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، «ٴۇش ٴسوزسىزدى» ەستە بەرىك ساقتاپ، «بەس، ٴسوزسىز، باسىپ وتەتىن جولمەن» ويداعىداي ٴجۇرۋ كەرەك.

ەلشات تۇرسىنباي ۇلى بىلاي دەپ اتاپ كورسەتتى: وبلىستىڭ ۇكىمەت جۇيەسى، ٴسوز جوق، ساياسي دەڭگەيدى شىنايى جوعارىلاتىپ، جاپپاي ۇيرەنۋ، جاپپاي يگەرۋ، جاپپاي تياناقتاندىرۋ جاعىنا كۇش سالىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ساياسي جاقتاعى كورەگەندىگىن، نازاريا جاقتاعى تەرەڭ تولعانىسىن، نىسانا جاعىنداعى عىلمي ۇيعارىمىن جانە قىزمەت جاعىنداعى ستراتەگيالىق ورنالاستىرۋلارىن تەرەڭدەي ۇيرەنۋگە، جەتە تۇسىنۋگە قۇلشىنۋى كەرەك. ٴار دارەجەلى پارتيالى باسشى كادرلار باستاماشىلدىقپەن ۇيرەنۋگە تاباندى بولىپ، ىشكەرىلەي ۇيرەنۋ، جەتە ٴتۇسىنۋ، ۇيرەنگەندى قولدانا ٴبىلۋ جاعىندا ونەگە بولۋى؛ ۇكىمەت جۇيەسىنىڭ ٴار دارەجەلى، ٴارقايسى تاراۋلارى شوعىرلى ۇگىت - لەكسيا مەن نەگىزگى ساتىعا باعىتتالعان بۇقارالانعان، دارالىققا يە ۇگىت - لەكسيانى ويداعىداي ۇيىمداستىرىپ ورىستەتىپ، ٴار ۇلت بۇقاراسى ۇناتىپ تىڭداپ، قىزىعا كورەتىن تاسىلدەرمەن بارىنشا ۇگىتتەۋى؛ پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى باس شۋجي شي جينپيڭنىڭ شينجياڭدى كوزدەن كەشىرگەندە سويلەگەن ماڭىزدى سوزدەرىنىڭ،

ماڭىزدى نۇسقاۋلارىنىڭ رۋحىمەن، اۆتونوميالى رايوندىق 10 - كەزەكتى پارتكوم ٴۇشىنشى، بەسىنشى جالپى ماجىلىستەرىنىڭ رۋحىمەن تىعىز ۇشتاستىرۋعا تاباندى بولىپ، پارتيا 20 - قۇرىلتايىندا ايقىندالعان نىسانا - مىندەتتەرمەن مۇقيات سالىستىرىپ، ٴىس جۇزىندىكپەن بىرلەستىرىپ، ونان ارى ەگجەي - تەگجەيلىلەندىرىپ، ناقتىلاندىرىپ، پارتيا 20 - قۇرىلتايىنىڭ رۋحىن ىلەنىڭ قىزمەت جالپى بارىسىنا شىنايى ساباقتاستىرىپ، ٴارقايسى جاعىندا بەينەلەپ، پارتيا 20 - قۇرىلتايى رۋحىنىڭ ىلەدە تياناقتانىپ تامىر تارتۋىنا، ونىمدىلىك جاراتۋىنا كەپىلدىك ەتۋ كەرەك.

ەلشات تۇرسىنباي ۇلى بىلاي دەپ باسا دارىپتەدى: كەزەكتە  پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قوزعاۋشى كۇش ەتۋگە تاباندى بولىپ، «ٴاردايىم قام جەپ تۇراتىن» جاۋاپكەرشىلىكپەن ٴتۇرلى قىزمەتتەردىڭ تياناقتانۋىن تىڭعىلىقتى ىلگەرىلەتۋ كەرەك. ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى، دامۋ مەن حاۋىپسىزدىكتى ٴبىر تۇتاس جوسپارلاپ، «ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ» ماڭىزدى تالابىن جاپپاي تياناقتاندىرىپ، ەكونوميكالىق جالپى جاعدايدى ورنىقتىرۋعا قاتىستى ساياسات - شارالاردى تياناقتاندىرىپ، ەگجەي - تەگجەيلىلەندىرىپ، زات اينالىمىنىڭ ىركىلىسسىزدىگىنە كەپىلدىك ەتۋ، قامداۋ تىزبەگىن ورنىقتىرۋ، اۋىل شارۋاشىلىق ٴوندىرىسى، قيىنشىلىعى بارلار، ادامداردىڭ ىلەدەن قايتۋى سياقتى «بەستى قامتاماسىز ەتۋ» قىزمەتىن بار كۇشپەن ويداعىداي ىستەپ، ٴىرى نىسان قۇرىلىسى، تۇتىنۋدى قايتا تولىقتاۋ، ەنەرگيا حاۋىپسىزدىگى سياقتى ٴتۇيىندى مىندەتتەردى ويداعىداي مىقتى يگەرىپ، ەكونوميكالىق جالپى جاعدايدى بار كۇشپەن ورنىقتىرىپ، ەڭ جاقسى ناتيجە جاراتۋعا قۇلشىنىپ، ىندەتتىڭ ىقپالىن بارىنشا تومەندەتۋگە بار كۇشپەن قۇلشىنۋ؛ حاۋىپ - قاتەردەن بار كۇشپەن ساقتانىپ جانە ونى جويىپ، شينجياڭدى جاپپاي زاڭمەن جونگە سالۋعا تاباندى بولىپ، ورنىقتىلىقتى قورعاۋ قىزمەتىن زاڭ - تۇزىمدەندىرۋدى، ۇدايىلاندىرۋدى، ارنايىلاندىرۋدى جاپپاي ىلگەرىلەتىپ، نىشاندىق، سىڭايلىق ماسەلەلەردەن دەر كەزىندە ٴونىمدى ساقتانىپ جانە ٴبىر جاقتى ەتىپ، قوعامدىق جالپى جاعدايدىڭ ٴۇرتىس ورنىقتىلىعىنا كەپىلدىك ەتۋ؛ حالىق تۇرمىسىن قامتاماسىزداندىرۋعا جانە جاقسارتۋعا كۇش سالىپ، ٴتۇرلى ارنالارمەن اڭىس ەتىلگەن بۇقارانىڭ قيىشىلىعى مەن تالاپ - تىلەكتەرىن مۇقيات ٴبىر جاقتى ەتىپ، ماسەلەنى باعدار ەتۋگە، بىرەۋى ارقىلى وزگەسىن تۇسپالداۋعا تاباندى بولىپ، بەلسەندىلىكپەن، ىرىقتىلىقپەن جەدەل ٴبىر جاقتى ەتىپ، الەۋمەتتىك قىزمەت وتەۋ مەن قوعامدىق قامتاماسىزداندىرۋ ورەسىن ۇزدىكسىز جوعارىلاتىپ، ٴار ۇلت بۇقاراسىنىڭ تابىس سەزىمىن، باقىت سەزىمىن جانە حاۋىپسىزدىك سەزىمىن شىنايى ارتتىرۋ كەرەك.

ۇگىت - لەكسيا بايانداماسىنان بۇرىن، ەلشات تۇرسىنباي ۇلى ىلگەرىندى - كەيىندى قۇلجا قالاسى، قۇلجا اۋدانى، كۇنەس اۋدانى، نىلقى اۋدانى، موڭعۇلكۇرە اۋدانى جانە تەكەس اۋدانىنىڭ اۋىل - قالاشىق (ٴمالى باسقارماسى)، قىستاق (الەۋمەتتىك اۋماق)، كاسىپورىن، قۇرىلىس ورنى، كەن ورىندارى، مال فەرمالارى سياقتى ٴبىرىنشى شەپكە بارىپ، ٴار ۇلت كادرلارى مەن بۇقاراسىنا پارتيا 20 - قۇرىلتايىنىڭ رۋحىنان بەتپە - بەت ۇگىت - لەكسيا جاساپ، پارتيا 20 - قۇرىلتايى رۋحىنىڭ نەگىزگى ساتىعا ىشكەرىلەي جەتكىزىلۋىن، جۇرت كوڭىلىنە ۇيالاۋىن ىلگەرىلەتتى.